Category بزنس

اسلام آباد (ویب ڈیسک)ملک بھر میں روز بروز سبزیوں ،پھلوں اور ضروری اشیاء کی قیمتوں میں اضافہ ہوتا جا رہا ہے. یوٹیلیٹی اسٹورز پر سفید چنے کی فی کلو قیمت 40 روپے بڑھا دی گئی ہے. اس سلسلے میں باضابطہ نوٹیفکیشن بھی جاری کردیا گیا ہے۔نوٹیفکیشن کے مطابق سفید چنے کی فی کلو قیمت میں 40 روپے اضافے کے بعد نئی قیمت 120 روپے سے بڑھا کر 160 روپے فی کلو ہو گئی ہے،علاوہ ازیں گلگت بلتستان اور چترال ریجن کے لیے چنے کی قیمت 125 سے بڑھا کر 165 روپے فی کلو کر دی گئی ہے، اور اس قیمت میں اضافے کا اطلاق فوری طور پر کیا جائے گا۔

اسلام آباد (ویب ڈیسک) پاکستان کی جانب سے افغانستان سے تازہ پھلوں کی درآمد پر عائد سیلز ٹیکس کی وصولی روک دینے کا فیصلہ کیا گیا ہے.فیڈرل بورڈ آف ریونیو(ایف بی آر) کے مطابق صرف افغانستان سے سیب کی درآمد پر سیلز ٹیکس وصول کیا جائے باقی تازہ پھلوں کی افغانستان سے درآمد پر سیلز ٹیکس وصولی نہیں کی جائیگی۔ایف بی آر کے چیف کسٹمز کی طرف سے مراسلہ جاری کیا گیا ہے جس کی ایف بی آر حکام نےتصدیق کردی ہے ،
ایف بی آر حکام نے وضاحت دیتے ہوئےبتایا ہے کہ صدارتی آرڈیننس میں غلطی سے افغانستان سے تمام تازہ پھلوں کی درآمد پر سیلز ٹیکس عائد ہوا تھا اب دوبارہ اسکی توصیح کی جائے گی .

لاہور (ویب ڈیسک)اسٹیٹ بینک آف پاکستان کی جانب سے درآمدی ڈالر ادائیگیوں کی نگرانی پر سختی بڑھا دی گئی ہے.مرکزی بینک کی طرف سے کمرشل بینکوں کو احکامات جاری ہوئےہیں کہ جس میں 5 لاکھ ڈالر سے زائد درآمدی ادائیگی کی تفصیلات اسٹیٹ بینک کو جمع کروانی ہوں گی۔اس سے قبل کمرشل بینک 10 لاکھ ڈالر یا اس سے زائد مالیت کی درآمدی ادائیگی کی تفصیلات مرکزی بینک کو جمع کروانا ضروری تھا۔اس کے علاوہ مرکزی بینک نے بینکوں کو 5 روز میں کی جانے والی درآمدی ادائیگیوں کی تفصیلات جمع کروانے کے بھی احکامات جاری کئے ہیں ۔

اسلام آباد(ویب ڈیسک) تین سال میں پٹرولیم شعبے کے گردشی قرضے میں 50 فیصد اضافہ ہوگیا۔ وزارت توانائی نے گردشی قرضے میں 50 فیصد اضافے کا اعتراف کرلیا۔ وزیر توانائی حماد اظہر نے کہا کہ 2018 میں گردشی قرضہ 0.7 ٹریلین روپے تھا ، جو 2021 میں بڑھ کر 1.1 ٹریلین روپے ہوگیا ہے ، پٹرولیم سیکٹر کا گردشی قرضہ 3 سال میں قریبا 50 فیصد بڑھ گیا ہے، گیس کے شعبے کی رسدی تسلسل میں تاخیر سےوصولیاں اسکی بڑی وجہ ہیں۔
حماد اظہر کا کہنا تھا کہ سرکاری اداروں کی خراب مالی حالت بھی قرضے میں اضافے کی وجہ ہے ، پٹرولیم سیکٹر کے گردشی قرضے کے حل کے لئے ورکنگ گروپ تشکیل دیا گیا ہے جو پٹرولیم کمپنیوں پر مشتمل ہے۔

لاہور(ویب ڈیسک)پنجاب بھر میں جاری علامتی ہڑتال ختم کر دی گئی .تفصیلات کے مطابق فلورملز نے حکومت کی یقین دہانی کے بعد مشروط طور پرپنجاب بھر میں جاری علامتی ہڑتال ختم کرنے کا فیصلہ کیا ہے ۔فلورملز ایسوسی ایشن کے دفتر میں منعقدہ مشترکہ پریس کانفرنس ہوئی . ڈائریکٹر فوڈ پنجاب عمر جہانگیر اور چیئرمین فلورملز ایسوسی ایشن عاصم رضا نے کانفرنس کے دوران بتایا کہ آج سے تمام فلور ملز سرکاری گندم کوٹہ حاصل کریں گی اور پورے صوبے میں آٹا کی یکساں قیمت لاگو ہو گی. اب سے بیس کلو آٹے کا تھیلا 1100 روپے جبکہ دس کلو کا تھیلا 550 روپے میں فروخت کیا جائے گا.

اسلام آباد (ویب ڈیسک) چیئرمین فیڈرل بورڈ آف ریونیو کی جانب سے ٹیکس چوری کے حوالے سے سخت اقدامات اٹھانے کا فیصلہ کیا ہے.تفصیلات کے مطابق ایف بی آر کا کہنا ہے کہ اگر ٹیکس چوری ثابت ہوئی تو سم بند، بجلی اور گیس کے کنکشن منقطع کر دیے جائیں گے۔چیئرمین فیڈرل بورڈ آف ریونیو نے قومی اسمبلی کی قائمہ کمیٹی خزانہ کے اجلاس میں بریفنگ دی .انہوں نے کہا کہ رواں مالی سال2021-22 کے پہلے 2 ماہ میں 850 ارب روپے کے محصولات جمع ہوئے، صدارتی آرڈیننس سے ٹیکس آمدن بڑھائیں گے اور آمدن چھپانے والوں کو نوٹس بھی جاری کئے جائیں گے.

کراچی (ویب ڈیسک) پاکستان اسٹاک ایکسچینج میں مندی کا سلسلہ آج بھی جاری رہا۔ 100انڈیکس 1ہزار پوائنٹس سے زائد کی کمی ریکارڈ کی گئی۔تفصیلات کے مطابق درآمدات میں اضافے کے باعث جاری کھاتوں میں اضافہ، معاشی اشاریوں میں بہتری نہ ہونا اور پھر شرح سود میں 0.25 فیصد کے اضافے نے سٹاک مارکیٹ کے سرمایہ کاروں کو سوچنے پر مجبور کر دیا. آج کے روز ٹریڈنگ کا آغاز ہی مندی سے ہوا اور ایک موقع پر 100انڈیکس 1ہزار پوائنٹس سے زائد گرگیا۔ تاہم ٹریڈنگ کے اختتام پر تھوڑی ریکوری دیکھی گئی اور 100انڈیکس 411پوائنٹس کی کمی سے 45ہزار 597پوائنٹس پر بند ہوا۔دو کاروباری روز میں 100انڈیکس 9سو پوائنٹس سے گرگیا ہے ۔جبکہ سرمایہ کاروں کو 150 ارب روپے کے قریب نقصان برداشت کرنا پڑا ہے۔

سیالکوٹ (ویب ڈیسک)پاکستان کے سب سے بڑے رئیل اسٹیٹ پورٹل زمین ڈاٹ کام کی جانب سے سیالکوٹ کی تاریخ میں پہلی مرتبہ پراپرٹی سیلز ایونٹ کا کامیاب انعقاد کیا گیا، جس میں شہریوں نےکرونا ایس او پیز پر عمل کرتے ہوئے اپنی فیملیز کے ہمراہ کثیر تعداد میں شرکت کی۔ جبکہ شہریوں کی سہولت کو مد نظر رکھتے ہوئے ایونٹ کے دوران بھی ویکسی نیشن کا عمل جاری رہا۔ تین روز تک جاری رہنے والے پراپرٹی سیلز ایونٹ میں مجموعی طور پر 13 سے زائد تعمیراتی منصوبے عوام الناس کی دلچسپی کیلئے پیش کئے گئے ۔جن میں سیالکوٹ ٹریڈ سنٹر، وائٹ سٹی پسرور، سیال آرکیڈ ، خیابان نواب، کینال ویلی ڈسکہ، سٹی گیلریا اور ڈار مارکیٹ سمیت زمین ڈویلپمنٹس کے منصوبے زمین کواڈرینگل، زمین آورم، زمین اوپل ،مال 35 ، زمین ایس مال اور زمین ایس ہومز شامل تھے۔
اس موقع پر گفتگو کرتے ہوئے زمین ڈاٹ کام کے کنٹری ہیڈ احمد بھٹی نے کہا کہ زمین ڈاٹ کام نے ہمیشہ رئیل اسٹیٹ مارکیٹ کے بہترین اور قابل اعتماد منصوبوں کو عوام الناس تک پہنچا کر ان کا اعتماد جیتا ہے اور سیالکوٹ میں بھی پراپرٹی سیلز ایونٹ کا پہلی مرتبہ انعقاد اسی سلسلے کی ایک کڑی ہے۔زمین ڈاٹ کام کے پراپرٹی سیلز ایونٹس کی بدولت ملک بھر میں رئیل اسٹیٹ شعبہ ترقی کی منازل طے کر رہا ہے۔
سینئر ڈائریکٹر سیلز سنٹرل شیخ شجاع اللہ خان کا کہنا تھا کہ زمین ڈاٹ کام کی جانب سے پیش کردہ منصوبے اپنی جدید سہولیات اور سرمایہ کاری پر قابل قدر منافع کی بدولت اپنی مثال آپ ہیں۔ انہوں نے کہا کہ ملکی معیشت میں رئیل اسٹیٹ سیکٹر ایک مرکزی شعبے کی حیثیت رکھتا ہے، اس ایک شعبے کی مزید تعمیر وترقی سے پچاس سے زائد دیگر منسلک صنعتیں بھی ترقی کی منازل طے کریں گی۔
زمین ڈاٹ کام کے ریجنل ہیڈ سیلز(سنٹرل) مظفر مجید کا کہنا تھا کہ زمین ڈاٹ کام کے وہ تمام پرا جیکٹس جن کی مارکیٹنگ اور سیلز کے حقوق صرف زمین ڈاٹ کام کے پاس موجود ہیں، وہ ۱۰۰ فیصد شفاف ہوتے ہیں اور کسی ایسے پراجیکٹ کو آن بورڈ نہیں کیا جاتا جس کی دستاویزات میں کسی بھی قسم کا کوئی شائبہ موجود ہوتا ہے۔
زمین ڈاٹ کام کے ریجنل سیلز منیجر گوجرانولہ ارسلان احمد خان نے کہا کہ زمین ڈاٹ کام کی جانب سےبڑے شہروں کے ساتھ ساتھ دیگر شہروں میں بھی جدید طرز زندگی کے حامل منصوبے سامنے لائے جا رہے ہیں،جس سے نہ صرف شہریوں کا معیاری طرززندگی بہتر ہو گا بلکہ یہ نہایت قابل منافع بھی ثابت ہوں گے۔
پراپرٹی سیلز ایونٹ کے دوران زمین ڈاٹ کام کی باخبر سیلز ٹیم نے مارکیٹ کی صورتحال، تحقیق اور مکمل اعداد و شمار پر مشتمل پریزنٹیشن کے ذریعے صارفین کو محفوظ سرمایہ کاری کے حوالے سے رہنمائی اور معلومات بھی فراہم کیں۔ ایونٹ کے دوران عوام الناس کا رش بھی دیکھنے میں آیا جنہوں نے زمین ڈاٹ کام کی اس کوشش کو سراہا۔

اسلام آباد(ویب ڈیسک) مہنگائی سے تنگ آئی عوام کیلئے ایک خوشخبری سامنے آئی ہے.پاکستان بناسپتی مینوفیکچررز ایسوسی ایشن کی جانب سے گھی کی قیمتوں میں کمی کا اعلان کیا گیا ہے.بناسپتی مینوفیکچررز ایسوسی ایشن کے چیئر مین عبدالوحید نے کہا ہے کہ پاکستان میں گھی کی سالانہ کھپت 45 لاکھ ٹن تک ہے۔ایسو سی ایشن کی جانب سے قیمتوں میں کمی کا نوٹیفیکیشن جاری ہو گیا ہے جس کے بعد گھی کی فی کلو قیمت میں 10 روپے کی کمی کر دی گئی ہے . قیمتوں میں کمی کا اطلاق فوری طور پرکیا جائے گا۔

وتھل (ویب ڈیسک)بلوچستان کی عوام کے لیے ایک بڑی خوشخبری آئی ہے.تفصیلات کے مطابق بلوچستان کی عوام کیلئے روزگار کی فراہمی کے حوالے سے ایک خود کفیل پروگرام شروع کیا گیا ہے ۔ اس پروگرام کے تحت عوام کو مقامی سطح زرعی ترقی، گلہ بانی اور چھوٹے کاروبار کے آغاز کیلیے 60 ہزار روپے سے ایک لاکھ روپے تک کی مالی سپورٹ فراہم کی جائے گی جس سے فائدہ اٹھانے والے افراد کی ماہانہ فی کس آمدنی جو پہلے انتہائی کم تھی اب بڑھ کر 15 سے 20 ہزار روپے ہوجائے گی۔
یہ پروگرام ایک غیرسرکاری اور غیر منافع بخش سماجی ادارے آرگنائزیشن فارسوشل ڈیولپمنٹ انیشیٹوز کی جانب سے شروع کیا گیا ہے جس سے اب تک 280 سے زائد خاندان مستفید ہوچکے ہیں اور یہ خاندان مالی طور نہ صرف مستحکم ہوئے ہیں بلکہ دیگر افراد کو بھی خود کفیل بنانے میں اس سماجی ادارے میں بڑھ چڑھ کر حصہ لے رہے ہیں . سماجی ادارے آرگنائزیشن فارسوشل ڈیولپمنٹ انیشیٹوزکی طرف سے ضلع میں اب تک 21 اسکول قائم کے گئے ہیں جن میں 1977بچے زیر تعلیم ہیں۔ ان میں سے بیشتر اسکولز نیشنل کمیشن فار ہیومین ڈیویلمنٹ کے حوالے کیے گئے ہیں۔ اس کے علاوہ ہر ماہ مختلف دیہات میں میڈیکل کیمپ کا انعقاد بھی کیا جاتا ہے۔