Category بزنس

وزیراعظم کے معاون خصوصی غذائی تحفظ جمشید اقبال چیمہ نے سماجی رابطوں کی ویب سائٹ ٹوئٹر سے جاری پیغام میں کہا کہ ہم اس سال 44٪ پاکستانیوں کو 43 روپے فی کلو پر آٹا فراہم کریں گے۔ انہوں نے کہا کہ ماہانہ تقریباً 620 روپے فی خاندان آٹے کی مد میں ریلیف ملے گا. ہم آٹا، دالیں، گھی اور چینی کی قیمتیں دسمبر تک نیچے لائیں گے.

اسلام آباد (ویب ڈیسک)روپے کے مقابلے میں ڈالر کی قدر میں اضافے کا سلسلہ جاری ہے.تفصیلات کے مطابق انٹر بینک مارکیٹ میں ڈالر 169 روپے 60 پیسے کی ریکارڈ سطح پر پہنچ گیاہے۔ کرنسی ڈیلرز نے اس حوالے سے خدشہ ظاہر کیا ہےکہ اگراسٹیٹ بینک آف پاکستان نے اقدامات نہ اٹھائے تو ڈالر مزید مہنگا ہوجائےگا۔
ڈالر کی قیمت میں اضافے کی اصل وجہ یہ ہے کہ امپورٹرز نے بھی ڈالر کی پیشگی بکنگ کرانا شروع کردی ہے جس کے بعد انٹر بینک مارکیٹ میں ڈالر کی طلب میں اضافہ ہو گیا ہے.گزشتہ روز انٹر بینک میں روپے کے مقابلے میں ڈالر کی قدر 168 روپے 90 پیسے کی بلند ترین سطح پر پہنچ گیا تھا.
ایکس چینج کمپنیز ایسوسی ایشن کے جنرل سیکریٹری ظفر پراچہ کا اس حوالے سے کہنا ہے کہ درآمد کنندگان کی جانب سے ڈالر کی خریداری بڑھنے اور افغانستان میں ڈالر کی سمگلنگ کی وجہ سے مقامی سطح پر ڈالر کی قیمت میں اضافہ ہو رہا ہے.

سندھ صرافہ بازار جیولرز ایسوسی ایشن کے مطابق 400 اضافے کے بعد ملک میں ایک تولہ سونے کی قیمت ایک لاکھ 12 ہزار 700 روپے ہوگئی ہے۔ صرافہ ایسوسی ایشن کے مطابق 10 گرام سونے کی قدر 342 روپے اضافے سے 96 ہزار 622 روپے ہے۔ ایسوسی ایشن کے مطابق عالمی منڈی میں سونے کی قدر 2 ڈالر کم ہو کر ایک ہزار 787 ڈالر فی اونس ہے۔

اوگرا نے پٹرولیم مصنوعات کی قیمتوں میں اضافے کی سمری وزارت خزانہ کو بھجوادی،سمری کے مطابق ہائی سپیڈ ڈیزل کی قیمت میں ساڑھے دس روپے اور پٹرول کی قیمت میں ایک روپیہ فی لٹر اضافے کی تجویز دی گئی ہے، مٹی کے تیل کی قیمت میں 5.50 روپے فی لٹر جب کہ لائٹ ڈیزل آئل کی قیمت میں بھی ساڑھے پانچ روپے فی لٹر اضافے کی تجویز دی گئی ہے۔

پٹرولیم مصنوعات کی قیمتوں میں اضافے کی سمری موجودہ لیوی اور جی ایس ٹی کے مطابق تیار کی گئی ہے۔ ذرائع کے مطابق پٹرولیم لیوی اور جنرل سیلز ٹیکس میں ردو بدل سے قیمتوں میں ردو بدل ہو سکتا ہے۔ حتمی فیصلہ وزارت خزانہ وزیراعظم کی مشاورت سے کل کرے گی۔ نئی قیمتوں پر عملدرآمد 16 ستمبر سے ہو گا۔

اسلام آباد(ویب ڈیسک)خوشخبری…آٹا، گھی، چینی اور دالیں،کون سی چیز کتنی سستی ہوگئی؟اس حوالے سے وفاقی وزیرخزانہ شوکت ترین نے آٹا، گھی، چینی اور دالوں پر کیش سبسڈی دینے کا اعلان کرتے ہوئے کہا ہے کہ مہنگائی صرف پاکستان میں نہیں دنیا بھر میں ہوئی ہے۔

اسلام آباد میں دیگر وفاقی وزرا کے ہمراہ پریس کانفرنس کے دوران شوکت ترین نے کہا کہ کورونا کی وجہ سے دنیا بھرمیں روزمرہ استعمال کی اشیا کی قیمتیں بڑھی ہیں، کورونا سے اشیا کے فراہمی متاثر ہوئی اوراس کے منفی اثرات مرتب ہوئے، مہنگائی صرف پاکستان میں نہیں دنیا بھر میں ہوئی ہے، بین الاقوامی مارکیٹ میں چینی فی ٹن 430 ڈالر پر چلی گئی ہے ۔

وزیر خزانہ نے کہا کہ ماضی میں زراعت کا شعبہ نظر انداز رہا اور کسان متاثر ہوا، ہمیں زرعی پیداوار بڑھانے کی ضرورت ہے، کسان سے لے کر ریٹیلر تک قیمتوں کا تعین کررہے ہیں، احساس پروگرام کا ڈیٹا آگیا ہے، جس کے تحت ہم رواں ماہ سے ٹارگٹڈ سبسڈی دیں گے، اس سے قبل گیس اور بجلی پر ٹارگٹڈ سبسڈی دے رہے تھے، اب آٹا، گھی، چینی، دالوں پر کیش سبسڈی دیں گے۔ آئندہ چند دنوں میں آٹے کی قیمت میں کمی ہوگی۔
شوکت ترین نے کہا کہ ملکی معیشت بہتر ہورہی ہے، آئی ایم ایف میں جانے سے روپے کی قدر میں کمی ہوئی۔ معیشت جب بڑھتی ہے تو قرضوں میں اضافہ ہوتا ہے، روپے کی قدر میں کمی کی وجہ سے قرضوں میں اضافہ ہوا، اب قرضے 39 ہزار 900 ارب روپے تک پہنچ چکے ہیں، یہقرضے 2018 میں 25 ہزار 290 ارب روپے تھے، 2020 میں قرض بلحاظ جی ڈی پی 85.7 فیصد تھا اور 2021 میں یہ 81.1 فیصد ہوگیاہے۔

وفاقی وزیر نے کہا کہ کامیاب پاکستان پروگرام غریب عوام کا پروگرام ہے، اس کے لئے آئی ایم ایف رضامند ہو گیا ہے، کامیاب پاکستان پروگرام میں ایسا کچھ نہیں کہ آئی ایم ایف رضامند نہ ہوتا۔ کامیاب پاکستان پروگرام گزشتہ ماہ میں شروع کیا جانا تھا، آئی ایم ایف کی رضامندی نہ ہونے کے باعث پروگرام شروع نہیں ہو سکا تھا، اب اسے رواں ماہ شروع کرنے کا فیصلہ کیا گیا ہے۔

رحیم یار خان(پ.ر)پاکستان کے سب سے بڑے پراپرٹی ادارے زمین ڈاٹ کام کی جانب سے رحیم یار خان کے شاندار منصوبے اتحاد گارڈن میں منفرد میگا سیلز ایونٹ کا کامیاب انعقاد کیا گیا۔ تین روز تک جاری رہنے والے اس ایونٹ میں اہلیان رحیم یار خان سمیت قریبی شہروں کے افراد نے بھرپور شرکت کی اور رحیم یار خان کے اس شاندار منصوبے میں سرمایہ کاری کے حوالے سے زمین ڈاٹ کام کی باخبر سیلز ٹیم سے تفصیلات حاصل کیں۔ میگا سیلز ایونٹ کے دوران اتحاد گارڈن اے بلاک رحیم یار خان میں نئے سائز کے خصوصی رہائشی و کمرشل پلاٹس متعارف کرائے گئے جن میں صارفین نے بھرپور دلچسپی کا اظہار کیا۔

میڈیا سے گفتگو کرتے ہوئے زمین ڈاٹ کام کے ریجنل مینجر سیلز رانا فرخ ندیم نے کہا کہ اتحاد گارڈن رحیم یار خان اپنی شاندار سہولیات، سٹیٹ آف دی آرٹ طرز تعمیر اور ڈویلپمنٹ کی بدولت رحیم یار خان کا بے مثال منصوبہ ہے۔ اس منصوبے کی افادیت کو دیکھتے ہوئے ہی دو عالمی فوڈ چینز نے یہاں اپنی آؤٹ لیٹس بھی بنائی ہیں۔ اس منصوبے میں ہر وہ سہولت فراہم کی جا رہی ہے جو عالمی معیار کے منصوبوں میں موجود ہوتی ہے۔ ان کا کہنا تھا اس منصوبے کی مارکیٹنگ اور سیلز کے خصوصی حقوق صرف زمین ڈاٹ کام کو ہی حاصل ہیں۔

لاہور(ویب ڈیسک) سونا بڑھتا ہے تو خواتین کو پریشانی ہوتی ہے اور سستا ہوتاہے تو پھر خواتین خوشی سے نہال ہوجاتی ہیں،،،لیکن اب ملک میں آج سونےکی فی تولہ قیمت میں 150 روپے اضافہ ہوا ہے۔
سندھ صرافہ بازار جیولرز ایسوسی ایشن کے مطابق ملک میں فی تولہ سونےکی قدر 150 روپے اضافےکے بعد ایک لاکھ 12 ہزار 300 روپے ہوگئی ہے۔10 گرام سونے کی قدر 130 روپے اضافے سے 96 ہزار 280 روپے ہے۔صرافہ بازار جیولرز ایسوسی ایشن کے مطابق عالمی صرافہ مارکیٹ میں سونے کی قدر 2 ڈالر اضافے سے 1789 ڈالر فی اونس ہے۔

کابل(ویب ڈیسک)افغان طالبان کا کہنا ہے کہ افغانستان میں تمام تجارتی لین دین صرف افغان کرنسی میں ہو گا۔ گزشتہ دنوں میڈیا کے ذریعے اس قسم کی اطلاعات سامنے آئی تھیں کہ پاکستان اور افغانستان کے درمیان تجارتی لین دین پاکستانی کرنسی میں ہو گا لیکن اب اس حوالے سے طالبان سے وضاحت کر دی ہے۔
پاک افغان تجارت پاکستانی روپے میں کرنے کا فیصلہ
طالبان کے سوشل میڈیا اکاؤنٹ پر جاری بیان میں کہا گیا ہے کہ تمام تجارتی لین دین افغان کرنسی میں ہو گا۔ افغان طالبان کا کہنا ہے ملک کی شناخت بہت اہم ہے، ایسا کوئی فیصلہ نہیں کیا جائے گا جو وطن کے مادی اور روحانی مفادات کے خلاف ہو۔سوشل میڈیا اکاؤنٹ پر جاری بیان میں طالبان کا کہنا ہے کہ افغانستان میں بڑے چھوٹے تمام تجارتی لین دین افغان کرنسی میں ہوں گے۔

اسلام آباد(ایمرانیوزویب ڈیسک) یوٹیلٹی سٹورز پر مہنگائی کا نیا طوفان آ گیا، گھی 96 روپے فی کلو تک مہنگا ہو گیا، کوکنگ آئل کے نرخوں میں 97 روپے فی لٹر اضافہ کیا گیا۔ یوٹیلیٹی سٹورز پر مہنگائی کا ریلا آ گیا، مختلف اشیاء کی قیمتوں میں ہوشربا اضافہ کر دیا گیا، جس کا نوٹیفکیشن جاری کیا گیا ہے۔

مختلف برانڈز کے گھی کی قیمتوں میں 96 روپے تک فی کلو اضافہ کیا گیا ہے، مختلف برانڈز کا کوکنگ آئل 97 روپے تک فی لیٹر مہنگا کردیا گیا۔ کارن کوکنگ آئل 370 روپے تک فی لٹر مہنگا کیا گیا ہے۔ کارن کوکنگ آئل کی قیمت 500 سے بڑھ کر 870 روپے فی لٹر ہوگئی۔

ٹی وائٹل کی 1.2 کلوگرام قیمت 40 روپے تک بڑھادی گئی، کسٹرڈ، کھیر سمیت مختلف سویٹ ڈش کے چھوٹے ڈبے 10 روپے تک مہنگے کر دیئے گئے، فیس کریم کی 50 گرام قیمت میں 40 روپے تک کا اضافہ کیا گیا، ٹشو ڈبہ 15 روپے اور ٹشو رول 5 روپے تک مہنگا کردیا گیا۔کالی مرچ کے ڈبے کی قیمت 10 روپے تک بڑھا دی گئی، چلی، گارلک کی قیمتوں میں بھی اضافہ صابن، ٹی مکس، کلینر کی قیمتیں بھی بڑھادی گئیں۔

ملک میں فی تولہ سونے کی قیمت میں مسلسل اضافے کا سلسلہ جاری ہے۔
سندھ صرافہ بازار جیولرز ایسوسی ایشن کے مطابق سونے کی فی تولہ قیمت میں 400 روپے اضافہ ہوا ہے جس کے بعد فی تولہ قیمت ایک لاکھ 12 ہزار 400 روپے ہے۔
10 گرام سونے کی قیمت 343 روپے اضافے سے 96 ہزار365 روپے ہے جبکہ عالمی صرافہ مارکیٹ میں سونے کی قیمت 2 ڈالر بڑھ کر 1797 ڈالر فی اونس ہے۔