Category جرائم

پشاور:پولیس نے اسلامیہ کالج پشاور میں لیکچرار بشیراحمد کو قتل کرنے والے ملزم سیکورٹی گارڈ کو گرفتار کرلیا۔ملزم شیرمحمد کو کرک سے گرفتار کیا گیا اور پشاور روانہ کردیا گیا ہے۔ ملزم کی گرفتاری کیلئے پشاور پولیس کی ٹیم کرک گئی تھی۔ لیکچرار اور سیکورٹی گارڈ کے درمیان 19 فروری کو فائرنگ کا تبادلہ ہوا تھا۔ سیکورٹی گارڈ شیر محمد کی فائرنگ سے لیکچرار بشیراحمد موقع پر جاں بحق ہوا تھا۔

جڑانوالہ :فیصل آباد تھانہ ریل بازار پولیس نے کچہری بازار اسلحہ مارکیٹ سے منشیات فروش کو 3 کلو ہیروئن سمیت گرفتار کر لیا،پولیس رپورٹ کے مطابق ایس ایچ او تھانہ ریل بازار سب انسپکٹر باسط رندھاوا نے دوران گشت اسلحہ مارکیٹ کے قریب ایک مشکوک موٹر سائیکل سوار کو روکا جسکی تلاشی لینے پر ملزم کے قبضہ سے 3 کلو گرام ہیروئن برآمد ہوئی پولیس کے مطابق گرفتار منشیات فروش اپنے کسٹمر اور ریکارڈ یافتہ منشیات فروش کو ہیروئن کی سپلائی دینے آیا تھا پولیس نے گرفتار منشیات فروش کیخلاف مقدمہ درج کر کے اسکے دوسرے ساتھی کی تلاش شروع کر دی ۔

اےاین ایف کی ملک بھر میں منشیات کےخلاف کارروائیاں جاری ہیں، اسلام آبادائیرپورٹ سےدوحہ جانیوالے مسافرکے پیٹ سے90 ہیروئن بھرے کیپسولز برآمد کر لیے گئے ، فیصل آباد کا رہائشی ملزم گرفتار کرلیا گیا ۔

ترجمان اےاین ایف کے مطابق باچہ خان ائیرپورٹ سےشارجہ جانیوالےمُلزم کے پیٹ سے9چرس بھرےکیپسولزبرآمد کرلیے گئے ، منشیات سمگلنگ میں بنوں کارہائشی ملزم گرفتار کرلیا گیا ۔

ترجمان کے مطابق اےاین ایف اور ایف سی کی خیبر میں مشترکہ کارروائی میں منشیات برآمد ، پاک افغان بارڈر پر پلاسٹک کےتھیلوں سے18کلو چرس برآمد کر لی گئی ۔

اےاین ایف نے کراچی کے علاقے کورنگی روڈ کے قریب کارروائی کرتے ہوئے  3ملزمان سے150گرام ویڈ برآمد کرلی، ایک اور کارروائی میں پنجگورتربت ہائی وے کے قریب جھاڑیوں میں چھپائی گئی30کلو چرس برآمد کی گئی ۔

ترجمان اے این ایف کے مطابق گرفتار مُلزمان کیخلاف انسدادِ منشیات ایکٹ کےتحت مقدمات درج کرلیے گئے ہیں ۔

ترجمان محکمہ انسداد دہشت گردی ( سی ٹی ڈی) کی جانب سے جاری بیان کے مطابق دہشت گردوں کے خلاف آپریشن گزشتہ رات لاہور، سرگودھا اور ملتان سمیت دیگر اضلاع میں کیا گیا۔

گرینڈ آپریشن کے دوران دہشت گردوں کے ٹھکانوں سے داعش اور ٹی ٹی پی کے آٹھ دہشت گرد گرفتار کیے گئے۔

سیکیورٹی حکام کے مطابق دہشت گردوں کی گرفتاری 36 مشتبہ افراد سے تفتیش کے دوران ہوئی۔

آپریشن کے دوران دہشت گردوں کے قبضے سے خودکش جیکٹس، بارودی مواد، اسلحہ ، گولیاں بھی برآمد کیں۔ بیان کے مطابق دہشت گردوں کے خلاف سات مقدمات درج کرکے تفتیش کا آغاز کردیا گیا ہے۔

ذرائع کے مطابق کسٹمز انٹیلی جنس حکام ڈی جی کسٹمر فیض احمد چدھڑ کی ہدایات پر کارروائیاں جاری ہیں، کسٹم حکام نے نے خفیہ اطلاع پر کارروائی کرتے ہوئے دو سمگلرز گرفتار کر لیے ، ملزمان کے قبضے سے ساڑھے 14 کروڑ روپے سے زائد کی گاڑیاں، ہیوی بائیکس اور مختلف اشیاء برآمد کی گئیں ۔

ایڈیشنل ڈائریکٹر رضوان بشیر کلیر نے اس حوالے سے  بتایا کہ دو سمگلرز سے 4 کروڑ70 لاکھ روپے سے زائد مالیت کی نان کسٹمز پیڈ گاڑیاں اور ہیوی بائیکس پکڑی گئیں، اس کے علاوہ دس کروڑ روپے سے زائد کی مختلف سمگل شدہ اشیاء ملزمان سے برآمد ہوئیں، پکڑی گئی گاڑیوں میں ایک ٹویوٹا مارک ایکس، ٹویوٹا وٹز کاریں، ایکوا کاریں شامل ہیں۔

چیچہ وطنی: چیچہ وطنی کے قریب کوئٹہ سے پشاور جانے والی جعفر ایکسپریس میں خوفناک دھماکے کے نتیجے میں دوافراد جاں بحق جبکہ متعدد زخمی ہیں۔جعفر ایکسپریس میں دھماکہ بوگی نمبر چار کے واش روم میں ہوا ، بوگی نمبر چار میں 14 تبلیغی جماعت کے لوگ موجود تھے ، دھماکے کی طلاع ملنے پر پولیس ، ریسکیو 1122 اور دیگر ادارے موقع پر پہنچ گئے، ابتدائی اطلاعات کے مطابق گیس لیکج کے باعث یکدم دھماکہ ہوگیا۔ مسافروں کا کہنا ہے کہ ٹرین میں دھماکہ میاں چنوں سے نکلتے ہی ہوا تھا، مسافر ایمرجنسی چین کھینچتے رہے مگرعملے نے دھیان نہیں دیا۔واقعے میں جاں بحق اور زخمیوں کو ہسپتال منتقل کیا جا رہا ہے۔پولیس نے موقع پر پہنچ کر تحقیقات شروع کردی جبکہ دھماکے کی نوعیت معلوم کی جارہی ہے۔ دوسری جانب نگران وزیراعلیٰ پنجاب محسن نقوی نے واقعے کا نوٹس لے لیا ، نگران وزیراعلیٰ نے انسپکٹر جنرل پولیس سے تفصیلی رپورٹ طلب کرتے ہوئے واقعہ کی تحقیقات کا حکم دے دیا۔نگران وزیراعلیٰ پنجاب نے ساہیوال کے کمشنر، آر پی او، ڈپٹی کمشنر اور ڈی پی او کو فی الفور جائے وقوعہ پر پہنچنے اور زخمیو ں کو علاج معالجے کی بہترین سہولتیں فراہم کرنے کی ہدایت کردی۔

کابل: کالعدم تحریک طالبان پاکستان کے دو دھڑوں میں اختلافات شدت اختیار کرگئے۔افغان انٹیلی جنس ذرائع کے مطابق کنڑ میں ٹی ٹی پی محسودگروپ اور جماعت الاحرارکے درمیان مسلح جھڑپ ہوئی جس میں دونوں جانب سے 8 دہشتگرد ہلاک ہوئے۔ ہلاک دہشتگردوں میں دوسرے درجے کے 4 کمانڈر بھی شامل ہیں۔ذرائع نے بتایاکہ محسودگروپ نے جماعت الاحرارکے زیرحراست دہشتگردکو قتل کردیا

اسلام آباد: اسلام آباد کے ایف نائن پارک میں خاتون سے مبینہ زیادتی کے دونوں ملزمان ہلاک ہو گئے ۔ پولیس کے ذرائع نے دعویٰ کیا ہے کہ اسلام آباد کے سیکٹر ڈی بارہ میں مبینہ پولیس مقابلے میں موٹرسائیکل سوار ملزمان نے ناکے پر فائرنگ کی لیکن جوابی کارروائی میں 2 ملزمان مارے گئے۔جس کے بعد نعشیں اسپتال منتقل کردی گئیں، ترجمان پولیس کا کہنا ہے کہ ملزمان کی شناخت کا عمل جاری ہے

اسلام آباد :وفاقی دارالحکومت کے تھانہ گولڑہ کی حدود میں پولیس پارٹی پر فائرنگ کرنے والے دو ملزمان گرفتار کر لئے گئے۔

اسلام آباد پولیس کے مطابق سنیپ چیکنگ پر موجود اہلکاروں کے روکنے پر موٹر سائیکل سوار ملزمان کی جانب سے اہلکاروں پر فائرنگ کی گئی جبکہ پولیس کی جوابی فائرنگ کے نتیجے میں دو ملزمان زخمی ہوگئے۔

پولیس نے مزید بتایا کہ فائرنگ کے تبادلے کے دوران زخمی ہونے والے ملزمان کو گرفتار کر لیا گیا ہے تاہم انہیں ہسپتال منتقل کر دیا گیا ہے جہاں انہیں طبی امداد دی جائے گی جس کے بعد ملزمان سے باقاعدہ تفتیش کا آغاز کیا جائے گا۔

کراچی کے علاقے شاہ فیصل کالونی سے مبینہ طور پر اغوا ہونے والی 13 سالہ لڑکی کی گھرسے روانہ ہونے کی سی سی ٹی وی جیونیوز نے حاصل کرلی۔

شاہ فیصل کالونی سے 13 سالہ بچی کے مبینہ طور پر اغوا ہونے کا مقدمہ والد کی مدعیت میں شاہ فیصل کالونی تھانے میں درج کیا گیا۔

والد نے پولیس کو دی جانے والے درخواست میں لکھا کہ ان کی 13سالہ بیٹی کا انٹرنیٹ پر لوڈو گیم کے ذریعے عبداللہ نامی لڑکے سے رابطہ ہوا، عبداللہ نے کراچی میں مقیم رشتے داروں کی مدد سے ان کی بیٹی کو اغوا کیا ہے۔

والد کے مطابق بچی کو 13فروری کی رات 3 بجے اغوا کیا گیا ہے، والد نے اس امکان کا بھی اظہار کیا ہے کہ عبداللہ لڑکی کو اپنے ساتھ پنڈی لے کر گیا ہے۔

دوسری جانب لڑکی کی گھر سے روانہ ہونے کی سی سی ٹی وی جیونیوز نے حاصل کرلی ہے جس میں دیکھا جا سکتا ہے کہ  لڑکی نے گھر کے سی سی ٹی وی کیمرے میں ہاتھ بھی ہلایا۔

پولیس کے مطابق لڑکی 13 فروری کی رات 3 بج کر 20 منٹ پر گھر سے نکلی۔