Category جرائم

خانیوال : صوبہ پنجاب کے ضلع خانیوال میں سینٹرل انویسٹی گیشن ایجنسی ( سی آئی اے ) پولیس نے ایک کارروائی کے دوران الکوحل کی سمگلنگ ناکام بنا دی۔

سی آئی اے پولیس کے مطابق کارروائی کے دوران ایک کروڑ روپے مالیت کی 9750 لیٹر الکوحل برآمد ہوئی جبکہ الکوحل کی سمگلنگ میں ملوث 3 ملزمان کو بھی گرفتار کر لیا گیا ہے۔

پولیس نے بتایا کہ گرفتار کئے گئے ملزمان کی شناخت محمد عارف ، غلام عباس اور محمد یامین کے ناموں سے ہوئی ہے جبکہ الکوحل کے 325 کین اور دو مزدے قبضے میں لے لئے ہیں۔

پولیس نے مزید بتایا کہ ملزمان کے خلاف تھانہ کہنہ میں مقدمہ درج کر کے تفتیش کا آغاز کر دیا گیا ہے۔ 

کراچی:موبائل گیم ایک اور کم عمربچی کے اغواء کا سبب بن گئی، شاہ فیصل کالونی کی 13 سالہ حبیبہ آن لائن گیم کے ذریعے اجنبی لڑکے ساتھ رابطے کے بعد مبینہ طور پر اغواء ہوگئی۔

درخواست کے مطابق مغوی لڑکے کے والد کا کہنا ہے کہ حبیبہ کا لڈو گیم کے ذریعے عبداللہ نامی لڑکے سے رابطہ ہوا، عبداللہ نے کراچی میں مقیم رشتے داروں کی مدد سے واردات ڈالی۔

پولیس ذرائع کے مطابق واقعے کا مقدمہ شاہ فیصل کالونی تھانے میں درج کر لیا گیا ہے، 13 سالہ بچی کے اغواء کا مقدمہ والد کی مدعیت میں درج کیا گیا۔

سندھ کے شہر لاڑکانہ میں شوہر نے فائرنگ کرکے اپنی بیوی کو موت کے گھاٹ اتار دیا، فائرنگ سے ملزم کا بھائی بھی زخمی ہوا۔

پولیس کے مطابق یہ واقعہ بھینس کالونی کے علاقے میں پیش آیا جس میں دربان علی لہر نامی ملزم اپنی بیوی کونج اور بھائی عرفان علی پر فائرنگ کر کے فرار ہوگیا۔

پولیس کا کہنا ہے کہ فائرنگ کے نتیجے میں ملزم کی بیوی موقع پر ہی جاں بحق ہوگئی، واقعے کا سبب معلوم نہیں ہوسکا جبکہ مزید تحقیقات جاری ہیں۔

کراچی پولیس کے مطابق فائرنگ کے واقعہ میں جاں بحق ہونے والے شخص کی شناخت زاہد کے نام سے ہوئی ہے جس کی لاش کو عباسی شہید ہسپتال منتقل کردیا گیا ہے۔

پولیس نے مزید بتایا کہ واقعہ ذاتی دشمنی کا شاخسانہ معلوم ہوتا ہے اور ملزمان نے نوجوان کو ٹارگٹ کر کے قتل کیا جبکہ مقتول کو تین گولیاں ماری گئی ہیں۔ 

کراچی :شوبز شخصیات نے کراچی میں شوٹنگ کے دوران حملے کی مذمت کرتے ہوئے سندھ حکومت اور پولیس سے ملزمان کو جلد سے جلد گرفتار کرکے انہیں قرار واقعی سزا دینے کا مطالبہ کیا ہے۔کراچی میں شوٹنگ پر 6 فروری کو حملے کا واقعہ پیش آیا تھا اور ہدایت کار نبیل قریشی نے اپنی ٹوئٹ میں حملے سے متعلق آگاہ کیا تھا۔انہوں نے اپنی ٹوئٹس میں بتایا تھا کہ وہ اپنی ٹیم کے ہمراہ پیر الٰہی بخش پی آئی بی کالونی کے علاقے جمشید کوارٹرز میں شوٹنگ میں مصروف تھے کہ ہجوم نے ان پر حملہ کردیا۔انہوں نے بتایا تھا کہ ہجوم شوٹنگ کے وقت ایک گھر میں گھس آیا، جہاں موجود درجنوں خواتین و اداکاراؤں کو ہراساں کیا گیا، ان پر تشدد کیا گیا، ان سے موبائل فون اور دیگر سامان سمیت ٹیم ارکان سے آلات بھی چھین لیے۔نبیل قریشی نے اپنی ٹوئٹ میں بتایا تھا کہ حملہ کرنے والا ہجوم جدید ہتھیاروں سے لیس تھا، جنہوں نے خواتین اور بچوں کا بھی لحاظ نہیں کیا اور انہوں نے پہلی بار کراچی میں اس طرح کے مسئلے کا سامنا کیا۔انہوں نے اپنی ٹوئٹ میں اداکارہ حرا مانی اور ان کے شوہر مانی کو بھی مینشن کیا تھا اور اطلاعات کے مطابق ان کے ہمراہ اداکارہ گل رعنا سمیت دیگر ابھرتی ہوئی اداکارائیں بھی شوٹنگ سیٹ پر موجود تھیں، جنہیں ہراساں کیا گیا اور ان سے موبائل سمیت دیگر سامان بھی چھین لیا گیا۔شوٹنگ سیٹ پر حملے اور اداکاروں کو ہراساں کرنے کے واقعے کے بعد جہاں عام افراد نے اس کی مذمت کی، وہیں شوبز شخصیات نے بھی اس پر اظہار افسوس کرتے ہوئے سندھ حکومت اور پولیس سے ملزمان کو جلد سے جلد گرفتار کرنے کا مطالبہ کردیا۔اداکارہ ماہرہ خان نے شوٹنگ پر حملے کو انتہائی خطرناک قرار دیتے ہوئے اپنی ٹوئٹ میں لکھا کہ انہیں یقین نہیں آ رہا کہ ایسا ہوا ہے۔ساتھ ہی انہوں نے سوالات اٹھائے کہ اس حملے کے ذمہ داران کون ہیں اور حادثہ ہوجانے کے بعد کون جواب دہ ہے۔اداکار عثمان خالد بٹ نے بھی واقعے کی مذمت کرتے ہوئے تمام ساتھی فنکاروں کی خیریت کے لیے دعا بھی کی۔خالد عثمان بٹ نے سندھ حکومت اور پولیس سے ملزمان کو جلد گرفتار کرنے کا مطالبہ بھی کیا۔فلم سازوں نے بھی شوٹنگ ٹیم اور اداکاروں پر ہونے والے حملے کو افسوس ناک قرار دیتے ہوئے ان کی خیریت کے لیے دعائیں کی۔حرا مانی نے اپنی انسٹاگرام اسٹوری پر اپنی ٹیم کے عملے کا شکریہ ادا کرتے ہوئے کہا کہ انہوں نے ہمیں بچانے کیلئے آخری حد تک کوشش کی اور خود زخمی ہوگئے وہ اسپتال میں زیرِ علاج ہیں۔ پولیس کا کہنا ہے کہ انہوں نے 2 افراد کو حراست میں لے کر تفتیش کا آغاز کر دیا ہے ۔

کراچی: پاکستان رینجرز (سندھ)اور پولیس نے انٹیلی جنس معلومات کی بنیاد پر مشترکہ کاروائی کرتے ہوئے کراچی کے علاقے لیاری سے اسٹریٹ کرائمز اور ڈکیتیوں میں ملوث4 ملزمان نسیم عرف گولْو،بلال عرف بررا،سیف اللہ نیازی اور سلمان کو گر فتار کر لیا۔ملزمان کے قبضے سے2عدد30بور پسٹل اور وارداتوں میں استعمال ہونے والی 2عدد موٹرسائیکلیں بھی برآمد کر لی گئیں۔ابتدائی تفتیش کے دوران ملزمان نے ڈکیتی کی درجنوں وارداتوں میں ملوث ہونے کا اعتراف کیاہے۔ ملزمان سی ویو میں ڈکیتی کی منصوبہ بندی کر چکے تھے جن کو قبل از واردات گرفتار کر لیا۔ڈکیت گینگ سرغنہ ملزم نسیم عرف گولْو لیاری گینگ وار کے سرگرم کمانڈر جاسم عرف گولڈن کا قریبی رشتہ دار ہے جو لیاری گینگ وار کے دور میں اس کے لیے پکٹ ڈیوٹی،بھتے کی پرچیاں تقسیم کرنے اور پولیس اور رینجرزکے خلاف مقابلوں میں ملوث رہا ہے۔ملزم 2016میں رینجرز اور پولیس کے ساتھ مقابلے میں زخمی حالت میں گرفتار ہو کر جیل جا چکا ہے۔ گرفتار ملزمان کی نشاندہی پر دیگر ساتھیوں کی گرفتاری کے لیے چھاپے مارے جا رہے ہیں۔گرفتارملزمان کوبمعہ اسلحہ و ایمونیشن اورموٹرسائیکلیں مزید قانونی کاروائی کے لیے پولیس کے حوالے کر دیا گیا ہے

کراچی:آرام باغ پولیس نے دوران علاقہ گشت اسٹریٹ کرائم سمیت مختلف جرائم میں ملوث دو ملزمان کو گرفتار کرلیا،تین مسلح ملزمان آرام باغ کے علاقے سے گزر رہے تھے جنہیں پولیس نے رکنے کا اشارہ کیا جس پر ایک ملزم موقع سے فرار جبکہ دو ملزمان کوگرفتار کرلیا ملزمان کے قبضے سے 1 عدد پستول, پریڈی کی حدود سے شہری سے چھینا ہوا فون اور تھانہ عوامی کالونی کی حدود سے چوری شدہ موٹر سائیکل برآمد ہوئی۔گرفتار ملزمان کی شناخت اختر خان ولد شکور اور بابر ولد فقیر محمد کے نام سے ہوئی جبکہ مفرور کی گرفتاری کے لیے کوششیں جاری ہیںگرفتار ملزمان کے مطابق ان کے مفرور ساتھی کے پاس موجود موٹر سائیکل انہوں نے پریڈی کی حدود سے1 شہری سے چھینی تھی گرفتار ملزمان کے خلاف مقدمات درج کر کے ملزمان کے سابقہ کریمنل ریکارڈ کی چیکنگ اور مزید تفتیش کی جارہی ہے۔زمان ٹاؤن پولیس کا کوسٹ گارڈ چورنگی کے قریب ڈکیتوں سے آمنا سامنا ہوا دو طرفہ فائرنگ کے نتیجے میں ایک ڈکیت زخمی حالت میں گرفتار کیا گیا پولیس کے مطابق ملزمان شہریوں سے لوٹ مار کے بعد فرار ہورہے تھے گشت پر مامور پولیس کے روکنے کی کوشش پر ملزمان نے فائرنگ شروع کردی پولیس کی جوابی فائرنگ سے ڈاکو محمد رئیس زخمی حالت میں گرفتار ہوا ملزم کا ساتھی پولیس پارٹی پر فائرنگ کرتے ہوئے فرار ہوگیا پولیس نے زخمی ملزم کے قبضے سے ایک ٹی ٹی پستول اور موبائل فون برآمد کیا ملزم کو طبی امداد کیلئے اسپتال منتقل کردیا گیا ہے ملزم کے دیگر ساتھی اوران کا کرمنل ریکارڈ حاصل کیا جارہا ہے ۔یوسف پلازہ کی حدود میں پولیس نیاسٹریٹ کرمنلز کے خلاف بر وقت کاروائی کرتے ہوئے شہری سے لوٹا ہوا سامان ملزمان سے بر آمد کر لیاملزمان شہری کو کارڈیوں اسپتال کی عقب سائٹ سے لوٹ کر فرار ہورہے تھے کہ اس دوران پولیس پہنچ گئی شہری سے سامان چھین کر فرار ہونے پر شہری نے ملزمان کا تعقب کرتے ہوئے پولیس کو اطلاع دی جس پر یوسف پلازہ کی پولیس ملزمان کو پکڑنے میں کامیاب ہوگئی اور دو ملزمان کو گرفتار کیا گیا. ملزمان کی شناخت محمد حسنین ولد محمد شریف، توقیر عباسی ولد محمد داود کے ناموں سے ہوئی ملزمان مختلف وارداتوں میں پولیس کا مطلوب ہیں پاپوشنگر پولیس نے خفیہ اطلاع پر کاروائی کی اسٹریٹ کرائم اور موٹر سائیکل چھیننے والا گروہ 4 ملزمان کو گرفتار کرلیاملزمان کی شناخت وقاص قریشی ولد فضل دین ارسلان عرف سنی ولد عبدالحمید فیضان عرف جنید ولد سید محمد ایوب اور شرجیل خان ولد تبریز خان کے ناموں سے ہوئی ملزمان کے قبضے سے چھینے گئے 10 موبائل فونز، 2 موٹر سائیکلیں ، اسلحہ اور نقدی برآمد ہوئی۔ملزمان کا گروہ رات کے اوقات میں شہریوں کو لوٹتا تھا پولیس کے مطابق ملزمان لاتعداد وارداتوں میں ملوث رہے ہیں۔ ملزمان سے برآمد موٹر سائیکلیں ناظم آباد کی حدود زاہد جمالو ہوٹل نواب صدیق روڈ اور نزد پیڈسٹل برج ناظم آباد نمبر 3 سے چھینی گئی تھی جبکہ موبائل فون پاپوشنگر غوثیہ پارک اور جناح پولیٹیکنیکل کے پاس سے چھینے گئے تھے گرفتار ملزمان کے خلاف مقدمات درج کر کے تفتیش کا آغاز کردیا گیا ہے جبکہ سابقہ درج مقدمات میں بھی گرفتاری عمل میں لائی جارہی ہے

راولپنڈی :شمالی وزیرستان میں دہشت گردوں اور سکیورٹی فورسز کے درمیان فائرنگ کا تباد لے میں ، 2 دہشتگرد ہلاک ہو گئے ۔پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں دہشتگردوں اور سکیورٹی فورسز کے درمیان فائرنگ کا تبادلہ ہوا ہے جس میں 2 دہشت گرد ہلاک ہوگئے، دہشتگردوں سے بڑی تعداد میں اسلحہ اور گولہ بارود برآمد کر لیا گیا ہے۔آئی ایس پی آر کا کہنا ہے کہ ہلاک ہونے والے دہشت گرد سکیورٹی فورسز کے خلاف کارروائیوں میں ملوث تھے، پاک فوج نے ملک سے دہشتگردی کے مکمل خاتمے کے عزم کا اظہار کیا ہے۔واضح رہے کہ دہشت گردی کے خلاف جنگ میں 87 ہزار سے زائد شہادتیں ہوئیں، دہشت گردی کے خلاف جنگ میں معصوم شہریوں، مسلح افواج اور پولیس و دیگر سول آرمڈ فورسز نے قربانیاں دیں

نئی دہلی: بھارت میں سنگ دل بیٹے نے نشے کیلئے پیسے نہ دینے پر اپنے باپ کو ہی قتل کرڈالا۔بھارتی میڈیا کے مطابق نئی دلی کے رہائشی نوجوان نے باپ سے نشہ خریدنے کیلئے پیسے مانگے، باپ کے انکار پر بیٹے نے طیش میں آکر مبینہ طور پر باپ کو قتل کردیا۔ پولیس حکام کا کہنا ہے کہ مقتول باپ کی شناخت سریش کے نام سے ہوئی ہے اور اس کا تعلق شکور پور گاؤں سے ہے۔ پولیس کے مطابق واقعے کی اطلاع ملنے پر جب پولیس جائے وقوعہ پر پہنچی تو سریش کو زخمی حالت میں پایا، سریش کے کان سے خون بہہ رہا تھا، اسے دیکھ کر لگ رہاتھا کہ اسے گھسیٹا گیا تھا۔ پولیس کی جانب سے سریش کو طبی امداد کیلئے اسپتال منتقل کیا گیا جہاں وہ جانبر نہ ہوسکا۔

اسلام آباد :پی ٹی اے اور ایف آئی اے کی کامیاب مشترکہ کارروائی کے دوران 4 ملزمان کو حراست میں لے لیا ہے جبکہ ان کے قبضہ سے لیپ ٹاپ،پی سی اور موبائل فونز برآمد کر لئے ہیں ۔تفصیل کے مطابق پاکستان ٹیلی کمیونیکیشن اتھارٹی (پی ٹی اے) نے فیڈرل انوسٹی گیشن ایجنسی (ایف آئی اے) کے ساتھ مل کر واہ کینٹ میں موبائل کمپنی کی فرنچائز پر سموں کی غیر قانونی ایکٹیویشن کے خلاف ایک کامیاب چھاپہ مارا۔چھاپے کے دوران، ڈیجیٹل ڈیوائسز بشمول لیپ ٹاپ، پی سی، موبائل فون اور سم کارڈ (فعال اور غیر فعال دونوں) قبضے میں لے لئے گئے۔ اس دوران چار مشتبہ افراد کو گرفتار کر لیا گیا۔ پی ٹی اے نے متعلقہ فرنچائز پر سموں کی فروخت کے غیر معمولی رجحان کے مشاہدے کے بعد ایف آئی اے کو شکایت درج کرائی تھی۔واضح رہے کہ پی ٹی اے نے (دسمبر 2022)میں ملٹی فنگر بائیو میٹرک ویریفیکیشن سسٹم (ایم بی وی ایس) کا آغاز کیااور یہ چھاپہ بھی انہی کاوشوں کا حصہ ہے تاکہ نئے نظام کو بائی پاس کرنے کی کوششوں کا قبل از وقت تدارک کیا جا سکے۔ یہ اقدام سموں کے غیر قانونی اجراء￿ کی روک تھام کے حوالے سے پی ٹی اے کے عزم اور مسلسل کوششوں کو ظاہر کرتاہے