Category جرائم

راولپنڈی(ویب ڈیسک)ویسے تو معاشرے میں‌خواجہ سراوں کو کئی طرح سے تنگ کیا جاتاہے اور وہ اس معاشرتی رویے پر بہت پریشان بھی ہیں،وہ اپنے کیخلاف اس تفریق اور سوچ کیخلاف کئی بار سراپا احتجاج بن چکے ہیں….حال ہی میں‌راولپنڈی میں‌پولیس نے کارروائی کے دوران ٹرانس جینڈر کو ہراساں اور دھمکیاں دینے والے ملزم کو گرفتار کرلیا۔

ترجمان راولپنڈی پولیس کے مطابق کھلی کچہری کے دوران پولیس نے ٹرانس جینڈر کی درخواست پر دھمکیاں دینے اور ہراساں کرنے والے ملزم کی فوری گرفتاری کا حکم دیا جس پر ایس ایچ او ائیر پورٹ نے مقدمہ درج کر کے ملزم عبد الوقاص کو ٹریس کرکے گرفتار کرلیا۔ پولیس کے مطابق ملزم عبدالوقاص ٹرانسجینڈر سے دوستی کرنا چاہتا تھا تاہم انکار پر دھمکیاں دیتا تھا۔سی پی او کے مطابق راولپنڈی پولیس معاشرہ کے محروم طبقات کی حفاظت کے لیے پر عزم ہے، ٹرانس جینڈرز سمیت تمام کمزور اور محروم طبقات کے حقوق کا تحفظ اولین ترجیح ہے، اس کے علاوہ راولپنڈی پولیس نے ٹرانسجینڈرز کے حقوق کے تحفظ کے لئے تحفظ ٹرانسجینڈر رپورٹنگ سینٹر و خدمت مرکز بھی قائم کیا ہے جو ٹرانسجینڈرز کے تحفظ کے لئے مصروف عمل ہے۔

ویب ڈیسک :خواتین کی جانب سے آشانہ کے ساتھ مل کرنوجوانوں کو قتل کرنے کےواقعات تو آپ نے سنے ہوں گے مگر اب کی بار ایک مختلف واقعہ پیش آیا جس میں سابق محبوبہ اور اس کےشوہر نے نوجوان سے بدلا لینے کیلئے اس کو بد ترین تشدد کا نشانہ بنایا، کراجی کے علاقے ابراہیم حیدری میں 3 روز قبل تشدد کا نشانہ بنانے کے بعد پیٹرول چھڑک کر آگ لگانے کا واقعہ پیش آیا جس میں جھلس کرشدید زخمی ہونے والا 19 سالہ نوجوان برنس وارڈ دوران علاج جان کی بازی ہار گیا، کراچی میں 26 اور 27 اگست کی درمیانی شب ابراہیم حیدری تھانے کےعلاقے کولمبو سٹی گلی نمبر 6 میں مچھر کالونی ماڑی پور کے رہائشی نوجوان 19 سالہ محمد ذیشان ولد محمد سلمان کو تشدد کا نشانہ بنانے کے بعد پیٹرول چھڑک کر آگ لگادی تھی جس کے باعث نوجوان محمد ذیشان جھلس کر شدید زخمی ہوگیاتھا،نوجوان کے شور شرابے پرمحلے داروں نے شدید تشویشناک حالت میں نوجوان کو سول اسپتال برنس وارڈ منتقل کردیا تھا۔

ابراہیم حیدری پولیس نے 28 اگست کوجھلس کرزخمی ہونے والے نوجوان کی مدعیت میں مقدمہ درج کیا تھا،مقدمے میں زخمی نوجوان نے زینت نامی خاتون، اس کے شوہر حفیظ اور خاتون کے دو بھائیوں رمضان اوریاسین سمیت دیگر نامعلوم افراد کو ملزم نامزد کیا تھا، جاں بحق نوجوان کے والد محمد سلمان کا کہنا ہے کہ زینت نامی لڑکی سے ان کے بیٹے ذیشان کی دوستی تھی،دونوں گزشتہ ایک سال سےساتھ کام کرتے تھے،انکے بیٹے نے بتایا تھا کہ لڑکی کے بلانے پروہ وہاں گیا تھا اور وہاں 4 لڑکے آئے جنہوں نے پہلے ذیشان کو تشدد کا نشانہ بناناشروع کیا اس کے بعد ذیشان پرپیٹرول چھڑک کر آگ لگادی. اور پھر دیکھتے رہے،جاں بحق نوجوان کے والد محمد سلمان کا کہنا ہےکہ بیٹے کے شورمچانے پر تمام ملزمان موٹرسائیکلوں پر فرار ہوگئے۔مقتول کے والدکاکہنا تھا کہ ان کے بیٹے کے قتل میں ملوث تمام ملزمان کو فی الفورگرفتار کرکےقرارواقعی سزادی جائے۔

بھارت میں سنگدل ماں نے ٹی وی دیکھنے کے معاملے پر باپ کی حمایت کرنے پر اپنی 3 سالہ بیٹی کو جان سے مار دیا۔

بھارتی ریاست کرناٹکا کے شہر بینگالورو میں 26 سالہ سنگدل ماں نے شوہر کے ساتھ معمولی جھگڑے کے دوران اپنی 3 سالہ بیٹی کو جان سے ماردیا جب کہ پولیس نے فوری طور پر ایکشن لیتے ہوئے سدھا کو حراست میں لے لیا۔

بھارتی میڈیا رپورٹ کے مطابق سدھا اور اس کے شوہر کے درمیان ٹی وی پر پروگرام دیکھنے کے حوالے سے معمولی جھگڑا ہوا تھا اس دوران ان کی 3 سالہ بیٹی نے اپنے باپ کی حمایت کی تو ماں کو شدید غصہ آیا اور اگلے دن جب اس کا شوہر گھر پر موجود نہیں تھا تو اس نے اپنی بیٹی کو گلا گھونٹ کر ماردیا۔
کہانی میں دلچسپ موڑ اس وقت آیا جب سدھا اپنے شوہر کے ہمراہ پولیس اسٹیشن پہنچی اور اپنی بیٹی کی گمشدگی کی رپورٹ درج کروائی۔ پولیس کو دیے گئے بیان میں 26 سالہ سدھا نے کہا کہ وہ اپنی بیٹی کے ساتھ ایک اسٹور پر گئی تھی اور جب وہ بل دینے لائن میں لگی تو پیچھے اس کی بیٹی موجود نہیں تھی۔

پولیس کے مطابق انہوں نے واقعے کی تفتیش شروع کی تو انہیں سدھا کے بیان پر شک ہوا جس پر ہم نے اس سے مزید سوالات کیے اور آخر کار اس نے اپنا جرم قبول کرتے ہوئے کہا چونکہ میری بیٹی مجھ سے زیادہ اپنے باپ کی طرف داری کرتی تھی اور اسے زیادہ پسند کرتی تھی اس لیے میں نے اسے مار دیا۔

دبئی میں درجن سے زائد خواتین پر مشتمل ایک گروپ کو فلیٹ کی بالکونی میں لباس اتار کر شوٹنگ کرنے کے الزام میں حراست لے لیا گیا ہے۔
عالمی خبر رساں ادارے کے مطابق دبئی کے علاقے مارینا میں ایک فلیٹ کی بالکونی پر غیر ملکی نوجوان خواتین نے برہنہ حالت میں اپنی تصاویر اور ویڈیوز بناکر سوشل میڈیا پر اپ لوڈ کیں۔ عوامی مقام پر عریاں فوٹو شوٹ کرنے کے الزام میں ان خواتین کو گرفتار کرلیا گیا۔
گرفتار کی جانے والی خواتین میں 8 کا تعلق روس سے ہے۔ اس حوالے سے روسی قونصل خانے کا کہنا ہے کہ یہ الزامات سنگین نوعیت کے ہیں اور ملک کی بدنامی کا باعث ہیں۔
متحدہ عرب امارات میں عوامی مقامات پر عریاں شوٹنگ یا جنسی اشتہا پر 6 ماہ قید اور 5 ہزار درہم جرمانہ ہوسکتا ہے جب کہ فوٹو شوٹ کے منتظم کو 18 ماہ قید کی سزا ہوسکتی ہے۔
روسی میڈیا نے دعویٰ کیا ہے برہنہ فوٹو شوٹ میں 40 لڑکیوں نے حصہ لیا تھا تاہم پولیس کی جانب سے درست تعداد اور شناخت ظاہر نہیں کی گئی۔

کیپٹل سٹی پولیس پشاور نے بین الصوبائی سمگلر گروہ کا سراغ لگا لیا، تھانہ بڈھ بیر پولیس نے کامیاب کارروائی کرتے ہوئے آئس فروخت کرنے والے گروہ کی خاتون رکن کو گرفتار کرلیا۔
ایس ایس پی آپریشنز یاسر آفریدی کے مطابق ملزمہ کے قبضے سے ساڑھے پانچ کلو گرام سے زائد اعلی کوالٹی کی آئس (منشیات) برآمد ہوئی جسے راولپنڈی اور پنجاب کے دیگر شہروں میں سپلائی کیا جانا تھا۔ایس ایس پی آپریشنز کے مطابق برآمد کی گئی منشیات کی مالیت کروڑوں روپے ہے۔ دوران تفتیش ملزمہ نے اپنے پورے نیٹ ورک کی نشان دہی کردی ہے جن کی گرفتاری کے لیے خصوصی ٹیم تشکیل دے دی گئی ہے۔

واقعے کے خلاف ملازمین نے احتجاج کرتے ہوئے کام بند کردیا ہے۔ ایس ایس پی کے ملازمین سے مذاکرات بھی ناکام ہوگئے۔ ایف آئی آر کے اندراج تک احتجاج جاری رکھنے کا اعلان کردیا۔ اطلاعات کے مطابق پولیس کے اعلیٰ افسر اپنے اہلخانہ کے ساتھ پولیس ریسٹ ہاؤس کے بجائے گذشتہ 6ماہ سے سرکٹ ہاؤس حیدرآباد میں رہائش اختیار کیے ہوئے ہیں جہاں بدھ کے روز اس افسر کے 2 بیٹوں نے مبینہ طور پر3 ملازمین کو رسی کی مدد سے درخت کے ساتھ باندھ دیا۔
جن ملازمین کو باندھا گیا ان میں سرکٹ ہاؤس کا ویٹر محمد وقار، مالی رحیم بخش اور خاکروب امر لال شامل ہیں۔ متاثرہ ملازمین کے احتجاج کی ویڈیو بھی سوشل میڈیا پر وائرل ہوگئی ہے جس میں وہ بتا رہے ہیں کہ وہ معمول کے مطابق اپنے اپنے کام کررہے تھے لیکن اچانک پولیس افسر کے بیٹوں نے خاکروب کا گریبان کھلا دیکھ کر اپنے پولیس اہلکار گارڈز کو حکم دیا کہ تینوں کو باندھ دو جس کے بعد پولیس اہلکاروں نے دو ملازمین کو رسیوں کی مدد سے درخت کے ساتھ اور ایک ملازم کو پولیس موبائل کے ساتھ باندھ دیا۔ بعدازاں مقامی افراد کی مداخلت پر تینوں ملازمین کو آزاد کیا گیا۔
واقعے کے خلاف سرکٹ ہاؤس کے ملازمین نے احتجاج کیا اور کارروائی کا مطالبہ کیا۔ معلوم ہوا ہے کہ کمشنر حیدرآباد محمد عباس بلوچ نے حیدرآباد میں تعیناتی کے بعد اعلیٰ افسر کو صرف 28 اگست کو ایک ہفتے کیلیے سرکٹ ہاؤس میں رہائش کی اجازت دی تھی جس کے بعد سے اب تک پولیس کے یہ اعلی افسر اپنے اہلخانہ کے ہمراہ سرکٹ ہاؤس میں ہی رہائش پذیر ہیں۔
اعلی افسر نے پہلے چند ماہ 2 کمرے اپنے پاس رکھے اور بعدازاں تیسرا کمرہ بھی حاصل کرلیا جن پر مجموعی طور پر 2 لاکھ 60 تک کا کرایہ بنتا ہے اسی طرح کھانے پینے کا بل الگ سے ادا کرنا پڑتا ہے لیکن اعلیٰ افسر مفت میں کھانے کی سروس بھی حاصل کررہے ہیں۔
ذرائع کے مطابق اعلی افسر کے بیٹوں کی ملازمین کے ساتھ بدتمیزی و غیر انسانی سلوک کا یہ پہلا واقعہ نہیں اس سے پہلے بھی سیکیورٹی پر مامور ایک پولیس اہلکار کو گنجا کرنے کے ساتھ ایک اہلکار کو معطل کروایا جاچکا ہے جبکہ ایک اہلکار کو سخت سرد موسم میں ٹھنڈا پانی جسم پر ڈالنے کے بعد پنکھے کے سامنے بھی بٹھایا گیا تھا۔ جس پر پولیس کے دیگر افسران نے بھی پراسرار خاموشی اختیار کیے رکھی۔ دوسری طرف واقعے کے خلاف سندھ پروانشنل بلڈنگ یونائیٹڈ یونین سی بی اے کا ہنگامی اجلاس منعقد ہوا جس میں یکم اپریل سے سندھ بھر کے سرکٹ ہاؤسز اور دفاتر بند کرنے کا اعلان کیا گیا تھا۔

لاہور میں کورونا ایس او پیز کی خلاف ورزی اور ماسک نہ پہننے پر پہلی ایف آئی آر درج کرلی گئی۔
شہری محمد جاوید کےخلاف ماسک نہ پہننے پر تھانہ اسلام پورہ میں مقدمہ درج کرلیا گیا۔پولیس کے مطابق ایف آئی آر پنجاب وبائی امراض کنٹرول آرڈیننس 2020 کی دفعات کے تحت درج کی گئی ہے۔سی سی پی او غلام محمد ڈوگر کہتےہیں کہ ایس اوپیز کی خلاف ورزی کرنے والوں کےخلاف زیرو ٹالرینس پالیسی کے تحت کارروائی کی جائیگی۔کمشنر لاہور محمد عثمان کا کہنا ہے کہ ماسک نہ پہننے والوں کو پکڑ کر تھانے میں بند کر دیا جائے گا۔ انہوںنے کہا کہ ماسک نہ پہننے پر مقدمہ درج کیا جائے گا اور 6 ماہ کی قید بھی ہوسکتی ہے۔ملک بھر میں کورونا مریضوں کی تعدادمیں پانچ روز کے دوران تشویشناک حدتک اضافے کے بعد این سی اوسی کا اجلاس آج پھر ہوگا۔علاوہ ازیں پنجاب حکومت صوبے میں مکمل لاک ڈاؤن پر غور کررہی ہے جبکہ لاہور کے مزید 27 علاقوں میں اسمارٹ لاک ڈاؤن نافذ کردیا گیا۔

لاہور کی انسداد دہشت گردی عدالت نے موٹروے زیادتی کیس کے دونوں مجرمان کو سزائے موت سنادی۔

انسداد دہشت گردی عدالت کے جج ارشد حسین بھٹہ نے کیمپ جیل لاہور میں موٹروے زیادتی کیس کا فیصلہ سنایا۔

عدالت نے دونوں مجرمان عابد ملہی اور شفقت علی کو اغوا کے الزام میں عمر قید، ڈکیتی کا الزام ثابت ہونے پر 14 سال قید اور 50، 50 ہزار روپے جرمانے کی سزا بھی سنائی۔

عدالت نے ملزمان کی منقولہ و غیر منقولہ جائیدادیں بحق سرکار ضبط کرنے کا بھی حکم دے دیا۔

مجرم عابد ملہی اور شفقت علی کو کیس کا فیصلہ سننے کے لیے عدالت میں پیش کیا گیا جبکہ پراسکیوشن کی ٹیم بھی کمرہ عدالت میں موجود تھی۔

انسداد دہشت گردی عدالت نے موٹروے گینگ ریپ کیس کا ٹرائل مکمل ہونے پر 18 مارچ کو فیصلہ محفوظ کر لیا تھا۔

ملزمان کے ٹرائل کے دوران 40 گواہان کے بیانات قلم بند کیے گئے اور تین رکنی خصوصی پروسکیوشن ٹیم نے جیل میں گواہوں کے بیانات ریکارڈ کیے۔

ٹرائل کے دوران متاثرہ خاتون نے بھی جیل میں قائم عدالت میں پیش ہو کر اپنا بیان قلم بند کرایا اور ملزمان کی شناخت بھی کی۔

انسداد دہشت گردی عدالت کے سامنے ملزمان کے حتمی بیانات بھی ریکارڈ کیے گئے اور ان کی جرح بھی مکمل کی گئی۔

خیال رہے کہ سیکیورٹی مسائل کے باعث ملزمان کا جیل میں ہی ٹرائل کیا گیا جبکہ ملزمان کے خلاف تھانہ گجرپورہ میں دہشت گردی سمیت دیگر دفعات کے تحت مقدمہ درج کیا گیا تھا۔

انسداد دہشت گردی عدالت میں 16 مارچ کو سماعت میں ملزمان کے خلاف تمام 40 گواہوں کے ٹھوس شواہد پر مبنی بیانات قلم بند کیے گئے تھے۔

قبل ازیں عدالت نے 3 مارچ کو دونوں مرکزی ملزمان عابد ملہی اور شفقت علی پر فرد جرم عائد کردی تھی جبکہ ملزمان نے صحت جرم سے انکار کیا تھا۔

عدالت کی جانب سے متعدد مرتبہ مہلت دینے کے بعد پولیس نے 20 فروری کو 200 صفحات پر مشتمل چالان جمع کروایا تھا جس میں ملزمان کو قصور وار قرار دیا گیا تھا۔

پولیس نے چالان میں 40 گواہان کے بیانات قلمبند کیے تھے اور چالان میں کہا گیا تھا کہ عابد ملہی اور شفقت بگا نے خاتون کے ساتھ ڈکیتی اور زیادتی کی۔

چالان میں کہا گیا تھا کہ ملزمان کی شناخت پریڈ جیل میں کرائی گئی اور ان کا ڈی این اے بھی کروایا گیا جو میچ کر گیا جبکہ دونوں ملزمان نے دوران تفتیش اپنے جرم کا اقرار بھی کیا ہے۔

لاہور کی انسداد دہشت گردی عدالت نے موٹروے زیادتی کیس کے دونوں مجرمان کو سزائے موت سنادی۔

انسداد دہشت گردی عدالت کے جج ارشد حسین بھٹہ نے کیمپ جیل لاہور میں موٹروے زیادتی کیس کا فیصلہ سنایا۔

عدالت نے دونوں مجرمان عابد ملہی اور شفقت علی کو اغوا کے الزام میں عمر قید، ڈکیتی کا الزام ثابت ہونے پر 14 سال قید اور 50، 50 ہزار روپے جرمانے کی سزا بھی سنائی۔

عدالت نے ملزمان کی منقولہ و غیر منقولہ جائیدادیں بحق سرکار ضبط کرنے کا بھی حکم دے دیا۔

مجرم عابد ملہی اور شفقت علی کو کیس کا فیصلہ سننے کے لیے عدالت میں پیش کیا گیا جبکہ پراسکیوشن کی ٹیم بھی کمرہ عدالت میں موجود تھی۔

انسداد دہشت گردی عدالت نے موٹروے گینگ ریپ کیس کا ٹرائل مکمل ہونے پر 18 مارچ کو فیصلہ محفوظ کر لیا تھا۔

ملزمان کے ٹرائل کے دوران 40 گواہان کے بیانات قلم بند کیے گئے اور تین رکنی خصوصی پروسکیوشن ٹیم نے جیل میں گواہوں کے بیانات ریکارڈ کیے۔

ٹرائل کے دوران متاثرہ خاتون نے بھی جیل میں قائم عدالت میں پیش ہو کر اپنا بیان قلم بند کرایا اور ملزمان کی شناخت بھی کی۔

انسداد دہشت گردی عدالت کے سامنے ملزمان کے حتمی بیانات بھی ریکارڈ کیے گئے اور ان کی جرح بھی مکمل کی گئی۔

خیال رہے کہ سیکیورٹی مسائل کے باعث ملزمان کا جیل میں ہی ٹرائل کیا گیا جبکہ ملزمان کے خلاف تھانہ گجرپورہ میں دہشت گردی سمیت دیگر دفعات کے تحت مقدمہ درج کیا گیا تھا۔

انسداد دہشت گردی عدالت میں 16 مارچ کو سماعت میں ملزمان کے خلاف تمام 40 گواہوں کے ٹھوس شواہد پر مبنی بیانات قلم بند کیے گئے تھے۔

قبل ازیں عدالت نے 3 مارچ کو دونوں مرکزی ملزمان عابد ملہی اور شفقت علی پر فرد جرم عائد کردی تھی جبکہ ملزمان نے صحت جرم سے انکار کیا تھا۔

عدالت کی جانب سے متعدد مرتبہ مہلت دینے کے بعد پولیس نے 20 فروری کو 200 صفحات پر مشتمل چالان جمع کروایا تھا جس میں ملزمان کو قصور وار قرار دیا گیا تھا۔

پولیس نے چالان میں 40 گواہان کے بیانات قلمبند کیے تھے اور چالان میں کہا گیا تھا کہ عابد ملہی اور شفقت بگا نے خاتون کے ساتھ ڈکیتی اور زیادتی کی۔

چالان میں کہا گیا تھا کہ ملزمان کی شناخت پریڈ جیل میں کرائی گئی اور ان کا ڈی این اے بھی کروایا گیا جو میچ کر گیا جبکہ دونوں ملزمان نے دوران تفتیش اپنے جرم کا اقرار بھی کیا ہے۔

لاہور: ڈی آئی جی آپریشنز ساجد کیانی نے 04 تھانوں میں نئے ایس ایچ اوز تعینات کر دیئے۔ ایڈیشنل ایس ایچ اواچھرہ سب انسپکٹر رضا عباس ایڈیشنل ایس ایچ اوریس کو رس تعینات۔انویسٹی گیشن ونگ سے سب انسپکٹر اظہر اسحاق کو ایڈیشنل ایس ایچ اواچھرہ تعینات کیا گیا۔ایڈیشنل ایس ایچ او مصطفی آباد سب انسپکٹر محمد ذکاءایڈیشنل ایس ایچ او سمن آباد تعینات۔
تھانہ سمن آباد سے سب انسپکٹر راو نعیم کو ایڈیشل ایس ایچ اومصطفی آباد تعینات کیا گیا۔ایس ایچ او ریس کورس انسپکٹر طارق علی کو پولیس لائنز رپورٹ کرنے کے احکامات جاری۔ ڈی آئی جی آپریشنزساجد کیانی کا تمام افسران کو فوری طور پر اپنی اپنی نئی تعیناتی کے مقام پر رپورٹ کرنے کا حکم۔