Category جرائم

تین شادیاں کرنے والے شخص کو اس کی پہلی بیوی نے فائرنگ کرکے موت کے گھاٹ اتار دیا۔
نجی ٹی وی اے آر وائی نیوز کے مطابق قائد اعظم کالونی کے ولی محمد نے تین شادیاں کر رکھی تھیں اور اس نے تینوں بیویوں کو ایک ہی گھر میں رکھا ہوا تھا۔ اس نے پہلی بیوی شاہین کو 2013 میں طلاق دے دی تھی لیکن اس کے باوجود اسے اپنے ساتھ گھر میں ہی رکھا ہوا تھا۔ پولیس کا کہنا ہے کہ گھر میں کسی بات پر تنازعہ ہوا جس پر طیش میں آکر شاہین نے ولی محمد کو فائرنگ کرکے قتل کردیا۔

عرب ملک عراق کے دارالحکومت بغداد میں دو خود کش بم دھماکوں میں 13 افراد ہلاک اور 30 زخمی ہوگئے۔
غیر ملکی میڈیا کے مطابق دھماکے بغداد کی ایک مارکیٹ میں ہوئے ہیں۔ عراقی فوج کا کہنا ہے کہ دو خود کش حملہ آوروں نے طیران سکوائر پر خود کو اس وقت دھماکے سے اڑایا جب لوگ خریداری میں مصروف تھے۔
وزارت داخلہ کے ایک ترجمان نے برطانوی خبر ایجنسی روئٹرز کو بتایا کہ ابتدائی طور پر ان دھماکوں میں 13 افراد ہلاک ہوئے ہیں۔ بہت سے زخمیوں کی حالت تشویشناک ہے جس کے باعث ہلاکتوں میں اضافے کا خدشہ ہے۔جب سے عراق میں داعش کو شکست ہوئی ہے اس کے بعد سے اب تک کا یہ سب سے بڑا خود کش حملہ ہے۔ آخری بار بغداد کے طیران سکوائر میں جنوری 2018 میں دھماکہ ہوا تھا جس میں 27 افراد ہلاک ہوئے تھے۔

رپورٹ:حافظ عبدالرحمان

پنجاب پبلک سروس کمیشن خواجہ سراوں کےلیے کوٹہ مختص نا ہونے کیخلاف دائر درخواست پر سماعت عدالت نے لیکچرر کی آسامیوں پر حکم امتناعی جاری کرتے ہوئے ایڈوکیٹ جنرل پنجاب سے دو ہفتوں میں جواب طلب کرلیا.
لاہور ہائیکورٹ کےجسٹس فیصل زمان خان نے خواجہ سرا فیاض اللہ کی درخواست پر سماعت کی, درخواستگزارنے موقف اپنایا کہ اُردو لیکچرر کی پوسٹ کے لئے پی پی ایس سی کےدرخواست جمع کروائی,بطور خواجہ سرا درخواست کو مسترد کردیا گیا,اوربتایاگیا کہ صرف مرد اور خواتین درخواست جمع کروا سکتے ہیں,پنجاب پبلک سروس کمیشن اور ہائر ایجوکیشن ڈیپارٹمنٹ میں خواجہ سراؤں کی لیکچرار کی آسامیوں سے محروم رکھنابنیادی انسانی حقوق کی خلاف ورزی ہے ,خواجہ سراء فیاض اللہ نے موقف اپنایا کہ پنجاب پبلک سروس کمیشن اور ہائر ایجوکیشن ڈیپارٹمنٹ کی یہ پالیسی امتیازی سلوک ہے,پی پی ایس سی کی پالیسی خواجہ سرا پرٹکیشن ایکٹ 9 کی خلاف ورزی ہے. درخواستگزارنے استدعا کی کہ بطور پاکستانی شہری ہمیں بھی مقابلہ کے امتحان کا اہل قرار دیا جائے,عدالت پنجاب پبلک سروس کمیشن کی پالیسی کو کلعدم قرار دے,, عدالت ایڈوکیت جنرل پنجاب سے خواجہ سراء کے فارم کو مسترد کرنے پر دو ہفتوں میں جواب جمع کروانے کا حکم دے دیا.

شرافی گوٹھ پولیس نے لڑکی سے مبینہ زیادتی کی کوشش کرنے والے ملزم کو گرفتار کرلیا ہے ۔
پولیس کے مطابق 14 جنوری کو پیش آنے والے واقعہ کا مقدمہ متاثرہ لڑکی کی مدعیت میں شرافی گوٹھ تھانے میں درج کرلیا گیا ہے۔متاثرہ لڑکی نے پولیس کو بتایا کہ میں اپنی بہن اور اور بہنوئی کے ساتھ لائنز ایریا میں رہائش پزیر ہوں، تعلیم حاصل کررہی ہوں اور نوکری بھی تلاش کررہی تھی کیونکہ میرے والد صاحب بیمار ہیں۔متاثرہ لڑکی کے بیان کے مطابق میری دوست نے مجھے شہزاد نامی شخص کا نمبر دیا اور کہا کہ یہ غریب لوگوں کی مدد کرتا ہے، میں نے شہزاد سے رابطہ کیا تو اس نے کہا کہ آپ داو¿د چورنگی آجاو¿میں آپ کی مدد کردوں گا۔
لڑکی نے پولیس کو بتایا کہ جب میں وہاں پہنچی تو اس نے ایک شخص کو بھیجا جو کہ مجھے ایک گھر کے پاس لے گیا اور کہا کہ شہزاد آپ کا انتظار کررہا ہے۔متاثرہ لڑکی کا کہنا ہے کہ جب میں اندر گئی تو شہزاد نامی شخص نے دروازہ بند کرکے مجھ سے زیادتی کی کوشش کی لیکن میں کسی طرح بھاگ کر آگئی۔

لاہور: اینٹی کرپشن نے غیرقانونی عمارتوں کی تعمیر کی ایف آئی آر میں نامزد ایل ڈی اے کے 17افسروں کے خلاف مقدمہ ڈراپ کرنے کا فیصلہ کرلیا۔ اینٹی کرپشن نے ایل ڈی اے کے دو اسسٹنٹ ڈائریکٹر ٹاو¿ن پلاننگ سمیت 6عمارتوں مالکان کے خلاف جوڈیشل ایکشن منظور کرنے کی سفارش کردی ہے۔ اسسٹنٹ ڈائریکٹر ٹاو¿ن پلاننگ طاہر قریشی,شہباز الطاف کے خلاف جوڈیشل ایکشن کی منظوری کا فیصلہ بھی کر لیا گیا۔
ٹھوکر نیاز بیگ پر میزان بنک کی بلڈنگ کے مالک محمد نعیم,الرحمت سٹور کے مالک علی فرحان ،بابر پینٹ اینڈ مہران الیکٹرک کے مالک عبدالمناف اینڈ صفدر حسین ،فضل دین فارما ,عبداللہ ٹریڈرز کے مالک بشیر احمد،سکمز میڈیکل اینڈ ڈینٹل سنٹر کی مالکن شکیلہ ارشاد,ایفل اسٹیٹ کے مالک میاں ارشد شریف کے خلاف بھی جوڈیشل ایکشن کی منظوری کا فیصلہ
اینٹی کرپشن نے چیف ٹاو¿ن پلانر ایل ڈی اے ندیم اخترزیدی,ڈائریکٹر ایل ڈی اے علی نصرت ،ڈائریکٹر عائشہ مطاہر,سلمان محفوظ,ڈپٹی ڈائریکٹر احمد سعید ،اسسٹنٹ ڈائریکٹرطاہر علی,رضا علی,افنان خان,احمد فراز ,طیب علی,محمد حارث,محمد زبیر,بلال احمد ،اسسٹنٹ ڈائریکٹر حماد علی,حافظ عمر,افراز اختر کےخلاف درج ایف آئی آر بھی ڈراپ کرنے کا فیصلہ۔

فیصل آباد میں نوجوان کو جانوروں کے ساتھ زنجیروں سے باندھنے والا زمیندار اشتیاق شاکا پکڑا گیا۔نہتے نوجوان پر شاکا نے 5 ساتھیوں کے ساتھ مل کر تشدد کیا تھا پھر پولیس کے ڈر سے فرار ہوگیا۔
اشتیاق کے 5 بھگوڑے ساتھیوں کی تلاش میں پولیس چھاپے مار رہی ہے۔شاکا نے مبینہ طور پر نوجوان کو نوکری چھوڑنے پر تشدد کا نشانہ بنایا اور سر مونڈھ کر زنجیروں سے باندھا تھا۔
پولیس نے واقعہ کی ویڈیو سامنے آنے پر مقدمہ درج کیا تھا۔

کراچی کے علاقے اورنگی ٹاؤن میں بہادر شہری نے ڈکیتی کی کوشش ناکام بنا دی۔ ڈاکو پکڑا گیا، اہل علاقہ نے پولیس کے حوالے کر دیا۔
کراچی میں چوری ڈکیتی کی وارداتوں میں کمی نہیں آ رہی۔ اسٹریٹ کرائم اور گھروں میں ڈکیتیوں نے شہریوں کو پریشان کر رکھا ہے۔ اورنگی ٹاؤن میں بھی مسلح ڈکیت گھر میں گھس گیا۔
ڈکیتی کر کے فرار ہونے والے مسلح ڈاکو کو بہادر شہری نے دبوچ لیا۔ شہری نے ڈاکو کو قابو کیا تو علاقہ مکین بھی ٹوٹ پڑے اور مشتعل عوام نے ڈاکو پر بدترین تشدد کیا، تشدد کا نشانہ بنانے کے بعد ڈاکو کو پولیس کے حوالے کر دیا گیا۔ ملزم کے قبضے سے اسلحہ بھی برآمد ہوا ہے۔

ٹیکسی ڈرائیور کو قتل کرنے والے ملزم کا سنسنی خیز اعترافی بیان سامنے آ گیا ۔ تفصیلات کے مطابق پولیس نے گذشتہ روزآن لائن ٹیکسی ڈرائیور کا قاتل حراست میں لے لیا تھا۔ پولیس کا کہنا ہے ک ملزم طاہر کو اس کے دوست محسن کی نشاندہی پر گرفتار کیا گیا۔ پولیس کو دئے گئے بیان میں ملزم طاہرنے ٹیکسی ڈرائیورمحمد علی کے قتل کااعتراف کرلیا۔

دوران تفتیش ملزم نے بیان دیا کہ لڑکی سے ملنے کے لئے رائیڈ بک کی۔ لیکن جب دیرہوئی تو ڈرائیور نے گاڑی سےاترنےکا کہا تھا، اسی بات پر طیش میں آ کر محمد علی کو گولی ماردی۔ پولیس کا کہنا ہے کہ ملزم کے بیان پر شکوک وشہبات ہیں، مزید تفتیش جاری ہے۔ یاد رہے کہ پولیس نے آن لائن ٹیکسی ڈرائیور محمد علی کے قاتل کی شناخت ہوتے اس کو حراست میں لے لیا تھا۔

مقتول کے ساتھ آخری رائیڈ لینے والا طاہرنامی شخص ہی ڈارئیور کا قاتل نکلا۔ ملزم زیر حراست محسن نامی نوجوان کا دوست ہے۔ محسن نے اپنے دوست طاہر کی رائیڈ بک کروائی تھی۔ واقعہ کے بعد سے طاہر فرار ہوگیا تھا۔ یاد رہے کہ تین روز قبل لاہور کے علاقہ باغبانپورہ رہائشی 26 سالہ نوجوان کو مبینہ اغوا کے بعد قتل کیا گیا تھا۔ ملزم نوجوان کی لاش کو ریواز گارڈن پھینک کر فرار ہوگئے تھے۔

لاہور کے علاقہ باغبانپورہ کا رہائشی 26 سالہ نوجوان محمد علی اوبر پر گاڑی چلاتا تھا، قتل کی واردات والے دن گھر سے نکلا مگر واپس نہیں آیا جس کے بعد محمد علی کے اہل خانہ کی مدعیت میں تھانہ شالیمار میں اغوا مقدمہ درج کیا گیا ، تاہم بعد ازاں اسی مقدمے میں قتل کی دفعات بھی شامل کر لی گئی تھیں۔ دو روز قبل آن لائن ٹیکسی ڈرائیور کی پوسٹ مارٹم رپورٹ آنے کے بعد پولیس نے لاش ورثاء کے حوالے کردی تھی۔

پوسٹمارٹم رپورٹ میں انکشاف ہوا تھا کہ مقتول محمد علی کو نا معلوم افراد نے ایک گولی سینے میں مار کر قتل کیا۔ پولیس نے جائے وقوعہ سے شواہد اکٹھے کرتے ہوئے مقتول محمد علی کی گاڑی بھی کچھ فاصلے سے تلاش کرلی۔ پولیس نے بتایا کہ آن لائن ٹیکسی سروس کی انتظامیہ سے بھی رابطہ کیا تھا۔ پولیس نے آن لائن ٹیکسی سروس کی انتظامیہ سے مقتول کی آخری رائیڈ لینے والوں کا ریکارڈ بھی طلب کیا تھا۔

پولیس کے مطابق حاصل شدہ ریکارڈ سے معلوم ہوا کہ 26 سالہ نوجوان ڈرائیور نے 4 جنوری کو لاہور کے علاقے شالیمار سے کسی کسٹمر کی درخواست پر اپنی ٹیکسی بک کی تھی، تاہم چند گھنٹوں بعد لاش ساندہ کے علاقے سے ملی جس پر پولیس نے اہل خانہ کو بھی اطلاع دے دی۔ ان اطلاعات کی بنا پر آخری رائیڈ بُک کروانے والے کو گرفتار کیا گیا۔

لاہور: اینٹی کرپشن پنجاب کی تحقیقاتی ٹیم نے نے 6 ارب 61 کروڑ کا میگا سکینڈل بے نقاب کر دیا۔ اینٹی کرپشن حکام کے مطابق وائس چانسلرز کی جانب سے اختیارات کے ناجائیز استعمال سے سرکاری خزانے کو اربوں روپے کا نقصان پہنچایا گیا۔گزشتہ دس سالوں میں 4554 غیر قانونی بھرتیاں کی گئیں۔ ڈائریکٹر جنرل اینٹی کرپشن پنجاب محمد گوہر نفیس نے سکینڈل کی تحقیقات کے لئے چار رکنی جے آئی ٹی بنائی تھی۔اینٹی کرپشن جے آئی ٹی نے ہوش ربا کرپشن کی رپورٹ ڈائریکٹر جنرل اینٹی کرپشن کو پیش کر دی۔ ڈی جی اینٹی کرپشن پنجاب نے گورنر پنجاب/ چانسلر کو ملوث تمام وی سیز کے خلاف فورا قانونی کاروائی کرنے کے لئے مراسلہ لکھ دیا۔پنجاب کی 12 بڑی جامعات میں بغیر اشتہارات ، یونیورسٹی ایکٹ، سروس لا ، ریکروٹمنٹ پالیسی کو نظر انداز کر کے بھرتیاں کی گئیں۔ سفارش،ذاتی پسند، اقربا پروری، میرٹ اور قانون کے ساتھ کھلواڑ کرکے ہزاروں غیر قانونی بھرتیاں کرکے سرکاری خزانے کو اربوں کا نقصان پہنچایا گیا۔گریڈ 1 سے گریڈ 16 تک 3138 غیرقانونی بھرتیاں،گریڈ 17یا سترہ سے اوپر کی نشستوں پر 1416 غیر قانونی بھرتیاں کی گئیں۔سرگودھا یونیورسٹی 10099غیرقانونی بھرتیوں کے ساتھ سرفہرست رہی۔ پنجاب یونیورسٹی میں 689 غیر قانونی بھرتیاں،بہاوالدین زکریا یونیورسٹی میں 789 غیر قانونی بھرتیاں ،گورنمنٹ کالج یونیورسٹی فیصل آباد میں 209 غیر قانونی بھرتیاں،گورنمنٹ کالج وویمن یونیورسٹی فیصل آباد میں 540 غیر قانونی بھرتیاں،جی سی یونیورسٹی لاہور میں 136 غیر قانونی بھرتیاں،یونیورسٹی آف ویٹرنری اینڈ اینمل سائینسز میں 310 غیر قانونی بھرتیاں اوریو ای ٹی لاہور میں 15 غیر قانونی بھرتیاں ہوئیں۔ اینٹی کرپشن جے آئی ٹی رپورٹ کے مطابق دیگر یونیورسٹوں میں فاطمہ جناح وویمن یونیورسٹی 524، خواجہ فرید انجئرنگ یونیورسٹی رحیم یار خان 98 , وویمن یونیورسٹی ملتان میں 784 غیر قانونی بھرتیاں کی گئیں۔

پولیس نے 60 سے 70 سالہ چار کنوارے بہن بھائیوں کے گھر 80 لاکھ روپے سے زائد کی ڈکیتی کرنے والے چار ملزم پانچ ماہ بعد گرفتار کر لیے، 19 جولائی کو گاؤں بکھر بار کے ایک گھر سے ڈکیتی کی واردات کے دوران لوٹ مار کی گئی تھی ۔

ڈی پی او ذوالفقار احمد نے میڈیا سے گفتگو کرتے ہوئے بتایا کہ متاثرہ چاروں بہن بھائی چھوٹے زمیندار ہیں اور انہوں نے زندگی بھر کی جمع پونجی مٹی کے گھڑوں میں چھپا رکھی تھی۔پولیس کا کہنا ہے کہ گاؤں کے ہی ایک مخبر کی نشاندہی پر ڈاکوؤں نے انہیں لوٹا تھا، پولیس نے سائنسی بنیادوں پر تفتیش کرتے ہوئے موقع سے فنگر پرنٹ حاصل کیے اور پانچ ماہ بعد 62 لاکھ 42 ہزار روپے مالیت کا مسروقہ مال برآمد کرکے ڈاکوؤں کو گرفتار کیا جب کہ رقم اصل مالکان کے حوالے کردی۔پولیس کے مطابق گرفتار ملزمان دیگر مقدمات میں بھی ملوث ہیں جن سے مزید تفتیش کی جارہی ہے۔