Category انٹرنیشنل

اسلام آباد:(ایمرا نیوز) خادم الحرفین الشریفین شاہ سلمان بن عبدالعزیز اورولی عہد شہزادہ محمد بن سلمان کی جانب سے پاکستانی عوام کے لیے 150 ٹن کھجوروں کا تحفہ بھجوایاگیا ہے۔

عرب ٹی وی کے مطابق سعودی شاہ سلمان اور ولی عہد شہزادہ محمد بن سلمان کی جانب سے بھجوایا گیا 150 ٹن کھجوروں کا تحفہ اسلام آباد میں تعینات سعودی سفیر سعید نواف المالکی نے پاکستانی حکام کے حوالے کردیا۔ گزشتہ روز کھجوروں کا تحفہ پاکستانی حکام کے حوالے کرنے کی تقریب منعقد کی گئی۔ تقریب سے خطاب کرتے ہوئے سعودی سفیر سعید نواف المالکی کا کہنا تھا کہ سعودی عرب اسلامی ممالک خاص کر پاکستان کی سفارتی، اخلاقی اور مالی مدد کرنا اپنا دینی اوراخلاقی فرض سمجھتا ہے۔

انہوں نے کہا سعودی عرب نے اسلامی ممالک خاص کر پاکستان کی مدد کرنے میں کبھی بخل سے کام نہیں لیااور پاکستان کی ہمیشہ غیر مشروط مدد کی ہے۔ سعودی حکام کی جانب سے پاکستان کے لیے150ٹن کھجوروں کاتحفہ بھجوانا بھی اسی سلسلے کی کڑی ہے۔ تقریب میں شاہ سلمان ہیو منٹیرین اینڈ ریلیف سینٹر کے حکام اورپاکستانی حکام کی طرف سے بریگیڈیئر(ر)ذاکر احمد خان نے شرکت کی۔

سعید نواف المالکی نے مزید کہا سعودی عرب 80 سے زائد ممالک کی مددکررہا ہے اور اپنی کل آمدنی کا 1.9 فیصد انسانی امداد پر بغیر کسی امتیاز کے خرچ کرتا ہے، مسلمان آپس میں بھائی بھائی ہیں اور تحفہ دینے سے آپس میں محبت بڑھتی ہے۔

سرینگر (ایمرا نیوز) معروف کشمیری صحافی سید شجاعت بخاری کے قتل کے خلاف جمعرات کو مقبوضہ کشمیر میں عام ہڑتال رہی، وادی میں بھارتی فورسز کے ہاتھوں عام شہریوں کی مسلسل ہلاکتوں کے خلاف بھی ہڑتال کی گئی ،اس موقع پر کاروبارِ زندگی مفلوج ، بازار، بینک اور تعلیمی ادارے بند رہے،کشمیری قائدین نے شجاعت بخاری کے قتل کی تحقیقات کسی غیر جانبدار عالمی ادارے سے کرانے کا مطالبہ کیا اس کے علاوہ قابض بھارتی فوج نے یاسین ملک کوزیر حراست لے لیا جبکہ علی گیلانی اور میرواعظ کوگھر میں نظر بند کردیا۔تفصیلات کےمطابق 50سالہ شجاعت بخاری انگریزی روزنامے’’رائزنگ کشمیر‘‘ کے مدیر اعلیٰ تھے جنہیں 14جون کی شام اس وقت شہید کردیا گیا جب وہ سرینگر میں اپنے دفتر سے نکل کر گھر جانےکیلئے گاڑی میں بیٹھ رہے تھے،اس حملے میں اُن کے دو ذاتی محافظ حمید چوہدری اور ممتاز اعوان بھی شہید ہوئے تھے،شجاعت بخاری کے قتل کی بین الاقوامی سطح پر مذمت کی جارہی ہے،جمعرات کو ہڑتال کی وجہ سےمقبوضہ کشمیر میں کاروبارِ زندگی مفلوج رہا،ہڑتال کی اپیل استصوابِ رائے کا

مطالبہ کرنے والے کشمیری قائدین کے اتحاد ’’مشترکہ مزاحمتی قیادت‘‘ نے دی،کشمیری قائدین کی جانب سے اپنا مطالبہ دہرایاگیا کہ شجاعت بخاری کے قتل کی تحقیقات کسی غیر جانب دار اور قابلِِ اعتماد بین الاقوامی ادارے سے کرائی جائیں۔ اتحاد کا کہنا ہے کہ ہڑتال کشمیر میں بھارتی سکیورٹی فورسز کے ہاتھوں عام شہریوں کی مسلسل ہلاکتوں کے خلاف بھی کی جارہی ہے،ہڑتال کے موقع پر وادی میں بازار، بینک اور تعلیمی ادارے بند ہیں اور سڑکوں پر صرف آٹو رکشا اور نجی گاڑیاں چل رہی تھیں۔ سرینگر اور وادی کے بعض دوسرے علاقوں میں پولیس اور نیم فرجی دستے سڑکوں پر گشت کر رہے ہیں اور اہم چوراہوں، حساس مقامات، سرکاری عمارتوں اور دوسری تنصیبات کی حفاظت کے غیر معمولی انتظامات کیے گئے تھے۔پولیس نے جمعرات کو علی الصباح سرینگر کے مائسیمہ علاقے میں’’جموں کشمیر لبریشن فرنٹ‘‘ کے چیئرمین محمد یاسین ملک کے گھر پر چھاپہ مار کر انہیں حراست میں لے لیا تھا۔پولیس کو یہ اطلاع ملی تھی کہ یاسین ملک شہر کے مرکزی چوراہے لال چوک پر ایک مظاہرے کی قیادت کرنے والے ہیں،اتحاد میں شامل 2دیگرقائدین سید علی شاہ گیلانی اور میرواعظ محمد عمر فاروق اپنے اپنے گھروں میں نظر بند کردیے گئے ہیں،یاسین ملک کی گرفتاری کے بعد مائسیمہ اور ملحقہ علاقوں میں لوگوں نے سڑکوں پر آکر احتجاج کیا، وادی کشمیر کے بعض دوسرے حصوں میں بھی مظاہرے کیے جانے کی اطلاعات ملیں۔

نئی دہلی(میڈیا 92نیوز) ایک بھارتی ائیر لائن نے مسافروں کو 4گھنٹے سے زائد تک انتظار کروانے کے بعد طیارے سے اترنے کا حکم دے دیا اور جب مسافر نہیں اترے تو جہاز کا ایئر کنڈیشن فل کر دیا، جس سے کئی لوگوں کی حالت خراب ہو گئی۔نیو انڈین ایکسپریس کی رپورٹ کے مطابق کلکتہ سے بگڈوگرا(Bagdogra) جانے والی ائیر ایشیا کی پرواز کے لئے پہلے مسافروں کو ائیرپورٹ اور پھر طیارے میں تقریباً 4گھنٹے تک انتظار کروایا گیا اور اس کے بعد حکم ہوا کہ جہاز سے اتر جائیں۔ جب مسافروں نے جہاز سے اترنے سے انکار کیا تو طیارے کا اے سی فل کر دیا گیا، جس کے باعث طیارے میں دھند جیسی صورتحال پیدا ہو گئی، جس سے کئی مسافروں کی طبیعت خراب ہو گئی۔ مذکورہ پرواز میں 168خراب ہو گئی ہے۔ مذکورہ پرواز میں 168مسافر سوار تھے۔ طیارے میں سوار ایک مسافر دیپانکار رائے نے بتایا کہ عملے کا رویہ انتہائی غیر پیشہ ورانہ اور خراب تھا۔ان کا کہنا تھا، ’’فلائٹ نے صبح9بجے روانہ ہونا تھا لیکن وہ آدھا گھنٹہ تاخیر کا شکار ہوئی، بورڈنگ کے بعد ہمیں ڈیڑھ گھنٹے تک طیارے میں بھوکا پیاسا بٹھایا گیا، جس کے بعد پائلٹ نے تمام مسافروں کو ہدایت کی کہ وہ جہاز سے نیچے اتر جائیں اور سا کی کوئی وجہ بھی نہیں بتائی گئی۔ دیپانکار رائے نے مزید بتایا کہ جب شدید بارش کی وجہ سے مسافروں نے جہاز سے اترنے سے انکار کیا تو کپتان نے اے سی کو فل کر کے چلا دیا، جس سے طیارے میں دھند جیسی صورتحال پیدا ہو گئی اور لوگوں کا دم گھٹنے لگا، کئی خواتین نے قے کر دی جبکہ بچوں نے رونا شروع کر دیا، دیپانکار رائے کی جانب سے فیس بک پر پوسٹ کی گئی ویڈیو میں دیکھا جا سکتا ہے کہ مسافر جہاز کے عملے سے اے سی کو بند کرنے کی گزارش کر رہے ہیں۔دوسری طرف رابطہ کرنے پر ائیر لائن انتظامیہ نے اس بات کو تسلیم کیا کہ فلائٹ ساڑھے 4گھنٹے تک تکنیکی وجوہات کی بناء پر تاخیر کا شکار ہوئی، تاہم اے سی کے حوالے سے کہا گیا کہ یہ معمول کی بات تھی اور مرطوب صورتحال میں اسی طرح کیا جاتا ہے۔ ایئر لائن نے یہ دعویٰ بھی کیا کہ مسافروں کو ریفریشمنٹ فراہم کر کے ساتھ ساتھ متبادل انتظامات بھی کئے گئے۔ تاہم اس حوالے سے دیپانکار رائے نے بتایا کہ انتظامیہ نے مسافروں کو جہاز سے اتارنے کے بعد کہا کہ وہ ائیرپورٹ کے فوڈ کورٹ میں چلے جائیں اور وہاں کھانا حاصل کرنے کے لئے اپنے بورڈنگ پاسز دکھائیں۔ انہوں نے مزید بتایا کہ لیکن جب وہم وہاں پہنچے تو فوڈ کورٹ والوں نے ہمیں کھانا دینے سے انکار کر دیا اور جب وہ ہم دوبارہ فلائٹ میں سوار ہوئے تو ایئر لائن انتظامیہ نے ہمیں سینڈ وچ اور ایک پانی کی بوتل فراہم کی، یہ رویہ ناقابل قبول ہے۔

کیلیفورنیا(ویب ڈیسک/میڈیا 92 نیوز) انسٹا گرام کے صارفین اب تصویریں دیکھنے اور شئیر کرنے کے علاوہ لمبی ویڈیوز بھی دیکھ یا شئیر کر سکیں گے۔

سماجی رابطوں کی ویب سائٹ انسٹا گرام نے اپنی نئی ایپ ’آئی جی ٹی وی‘ متعارف کرا دی۔ نئی ایپ کی مدد سے صارفین تصاویر کے ساتھ ساتھ ویڈیوز بھی شیئر کرسکیں گے۔ ویڈیو شیئر کرنے کا آپشن دینے کا مقصد نوجوان صارفین کو اپنی طرف متوجہ کرنا ہے۔

Introducing IGTV, a new app for watching long-form, vertical video from your favorite Instagram creators. https://t.co/7aSMmmAsyB pic.twitter.com/Py8QI1rS23

— Instagram (@instagram) June 20, 2018

فیس بک کمپنی نے انسٹا گرام میں نئی تبدیلیوں کا اعلان کیا ہے جس کے بعد صارفین ایک منٹ سے دس منٹ کی ویڈیو بھی پوسٹ کرسکیں گے۔ تاہم انسٹا گرام کے سپر اسٹارز کے اکاؤنٹ کے لیے یہ دورانیہ ایک گھنٹے تک ہوگا۔

انسٹا گرام کے نئے فیچر کو متعارف کرانے کا مقصد یوٹیوب صارفین کو انسٹاگرام پر لانا ہے۔ دونوں سائٹس کی ویڈیو میں ایک واضح فرق ہوگا۔ انسٹاگرام کی ویڈیوز عمودی (ورٹیکل) جب کہ یوٹیوب کی افقی (ہوریذونٹل) ہوں گی۔دنیا بھر میں ’آئی جی ٹی وی‘ ایپ ایپل آپریٹنگ سسٹم اور اینڈرائیڈ صارفین کے لیے دستیاب ہوگی۔ ای مارکیٹئیرز کے مطابق اس نئے فیچر کو استعمال کرکے امریکی اشتہاری کمپنیاں انسٹا گرام کو پانچ ارب ڈالر منافع کما کر دے سکتی ہیں۔

روہتاس(ایمرا نیوز) بھارتی ریاست بہار کے ضلع روہتاس میں پولیس نے پاکستانی نغمے پر رقص کرنے کے الزام میں 5بچوں سمیت8افراد کو گرفتارکرلیا۔ بھارتی اخبار کی ایک رپورٹ کے مطابق یہ واقعہ ضلع روہتاس کے علاقے نصری جج میں چاند رات کو پیش آیاجہاں 100سے زائد افراد ایک پاکستانی نغمے پر رقص کررہے تھے رقص کی ویڈیو گزشتہ اتوار سوشل میڈیا پر وائرل ہوئی جس پر روہتاس کی ضلعی پولیس نے کارروائی کرتے ہوئے 5بچوں سمیت8افراد کوگرفتار کرلیا۔

لندن(ایمرا نیوز)لندن میں سڑک پار کرنے کی ویڈیو بنانے والے پر سابق وزیراعلیٰ پنجاب شہباز شریف نے طنز کیا ہے۔شہباز شریف نے کہا کہ ’اب پھر میری ویڈیو بنا کر بھیج دینا‘۔ اس پر ویڈیو بنانے والے نے جواباً کہا کہ ’’سر اگلی دفعہ آپ زیبرا کراسنگ سے جائیے گا‘‘۔خیال رہے کہ گزشتہ دنوں لندن میں موجود شہباز شریف کی سڑک پار کرتے ہوئے ایک ویڈیو سوشل میڈیا پر وائرل ہوئی تھی جس میں شہباز شریف سڑک پار کرکے ٹیکسی لینے کے لیے جا رہے تھے۔
طنز

ماسکو:(ایمرا نیوز) فیفا ورلڈ کپ کے لیے روس پہنچنے والے غیرملکی شائقین مقامی لڑکیوں کی محبت میں گرفتار ہونے لگے۔

فیفا ورلڈ کپ کے لیے روس پہنچنے والے غیرملکی شائقین مقامی لڑکیوں کی محبت میں گرفتار ہونے لگے، خاص طور پر ماسکو کی گلیوں میں غیرملکی افراد کو روسی لڑکیوں کے ساتھ دیکھا جا سکتا ہے۔

ارجنٹائن کے ایک شائق آگسٹن اوٹیلو کا کہنا ہے کہ میں نے اب تک چار لڑکیوں کے موبائل نمبر حاصل کیے ہیں، میرا اپنے دوستوں کے ساتھ مقابلہ ہے کہ ہم یہاں پر کتنی لڑکیوں کے نمبرزحاصل کرپاتے ہیں۔ یاد رہے کہ ٹورنامنٹ کے آغاز پر ایک مقامی کمیونسٹ لیڈر نے روسی خواتین کو خبردار کیا تھا کہ وہ غیرملکیوں سے دور رہیں۔

لندن (ایمرا نیوز) برطانیہ میں مقیم فلسطینیوں نے لندن میں فلسطینی سفارتخانے کے باہر مظاہرہ کرکے غزہ کا محاصرہ ختم کیے جانے کا مطالبہ کیا ہے۔ مظاہرین غزہ کی عوامی تحریکوں کی حمایت میں نعرے بھی لگا رہے تھے اور ان کا مطالبہ تھا کہ فلسطینی اتھارٹی غزہ کے خلاف تادیبی اقدامات کا سلسلہ فوری طور پر بند کردے۔ مظاہرین نے فلسطینی اتھارٹی کی جیلوں میں بند تمام سیاسی قیدیوں کی بھی رہائی کا مطالبہ کیا۔مظاہرین نے رملہ اور نابلس میں جاری مظاہروں کو دبانے کے لیے فلسطینی اتھارٹی کے انٹیلی جنس اداروں کے کریک ڈاؤن کی بھی شدید الفاظ میں مذمت کی۔

لندن(ایمرا نیوز) سائوتھ لندن کے لف برو جنکشن پر ٹرین کی ٹکر سے3افراد ہلاک ہوگئے،ہلاک ہونے والوں کی عمر یں20سال کے قریب بتائی جاتی ہیں، اطلاعات کے مطابق ان کی لاشوں کے قریب سے سپرے کینز برآمد ہوئے ہیں، پولیس کو شام ساڑھے7بجے کے قریب لف برو جنکشن سٹیشن پر طلب کیا گیاتھا تینوں افراد کو موقع پر ہی مردہ قرار دیدیا گیا تھا ،ہلاکت کی وجوہ معلوم نہیں ہوسکیں، پولیس اس بات کی تفتیش کررہی ہے کہ یہ لوگ ریلوے ٹریک پر کس طرح پہنچے ،برٹش ٹرانسپورٹ پولیس کاکہنا ہے کہ اس بات کی بھی تفتیش کی جارہی ہے کہ مرنے والے گرافیٹی آرٹسٹ تو نہیں تھے، تاہم اس بات کی تصدیق کی گئی ہے کہ وہ ریلوے ٹریک پر ملازم نہیں تھے،سپرنٹنڈنٹ میٹ ایلنگھم کاکہناہے کہ جب گرافیٹی آرٹسٹ ریلوے ٹریک پر آتے ہیں تو انھیں بہت خطرات کاسامنا ہوتاہے،پولیس کے مطابق ان کی لاشیں پیچھے سے آنے والی ٹرین کے ڈرائیور نے دیکھیں اور پولیس کواطلاع دی اور اس بات کی تصدیق کی کہ ہمارے پہنچنے سے پہلے ہی وہ ہلاک ہوگئے تھے ،پولیس کے مطابق اس بات کاپتہ چلانے کی کوشش کی جارہی ہے کہ ان کو کس ٹرین سے

ٹکر لگی تھی۔

کراچی (مانیٹرنگ ڈیسک )حکومت کے خاتمے کے ساتھ ہی ڈالر کی قیمت میں ہونیوالا اضافہ بدستور جاری ہے اور اب اوپن مارکیٹ میں اس کی قدر 120روپے سے بڑھ کر 122.50روپے تک جا پہنچی ہے جبکہ انٹربینک بھی ڈالر کی قدر میں 60پیسے اضافہ دیکھاگیا جس کے بعد122روپے کی سطح پر جا پہنچا۔کرنسی ڈیلرز کے مطابق آٹھ جون سے اب تک اوپن مارکیٹ میں ڈالر کی قدر میں 6.38روپے یعنی ساڑھے پانچ فیصداضافہ ہوچکا ہے اورعید کی تعطیلات ختم ہونے پر آج کاروباری ہفتے کے پہلے ہی روزاوپن مارکیٹ میں ڈالر کی قدر میں ڈیڑھ روپے اضافہ دیکھاگیاجس کے بعد نئی قیمت 122.50روپے تک جاپہنچی۔ ڈیلرز کے مطابق اوپن مارکیٹ میں ڈالر کی قدر میں اضافہ انٹربینک مارکیٹ میں قیمت بڑھنے سے ہوا۔ دوسری طرف نجی ٹی وی چینل کے مطابق ادائیگیوں کی وجہ سے ڈالر کی قدر میں اضافہ ہوا۔پورے مالی سال کے دوران امریکی کرنسی کی قدر میں 16 روپے سے زائد کا اضافہ ہوچکا ہے، ماہرین کا کہنا ہے کہ بین الاقوامی ادائیگیوں کے باعث روپیہ ڈالر کے سامنے سنبھل ہی نہیں پا رہا۔ڈالر کی قدر میں اضافے کی وجہ سے مہنگائی میں بھی اضافہ ہوگا، پیٹرولیم مصنوعات، کھانے کا تیل، دالیں، خشک دودھ، موبائل فونز، گاڑیاں، مشینریز وغیرہ شامل ہیں سب مزید مہنگی ہوجائیں گی۔