Category تازہ ترین

ماسکو :روس کا مقابلہ کرنے کے لیے امریکا کے بعد نیدرلینڈز نے بھی یوکرین کو پیٹریاٹ میزائل سسٹم دینے کا اعلان کیا ہے۔ ملکی میڈیا رپورٹ کے مطابق ڈچ وزیراعظم مارک روتھ نے یوکرین کو پیٹریاٹ میزائل ڈیفنس سسٹم دینے کا اعلان واشنگٹن میں امریکی صدر بائیڈن سے ملاقات میں کیا۔اس سے پہلے امریکا بھی یوکرین کو جدید پیٹریاٹ میزائل سسٹم دینے کا کہہ چکا ہے۔واضح رہے کہ امریکا اور یورپی ممالک روس کی یوکرین میں جارحیت کے خلاف یوکرین کی فوجی امداد کر رہے ہیں

لاہور : امیر جماعت اسلامی پنجاب وسطی محمد جاوید قصوری نے کہا ہے کہ نیپرا کی جانب سے بجلی کی قیمت میں 4.46روپے فی یونٹ تک اضافے کی منظوری قابل مذمت ہے اس اقدام سے عوام کی مشکلات میںبھی اضافہ ہو گا ۔یوں محسوس ہوتا ہے کہ جیسے حکمرانوں نے عوام کی زندگی اجیرن بنانے کی قسم کھا رکھی ہے ۔پہلے ہی قوم بحرانوں سے نبرد آزما ہے ۔رہی سہی کسر بجلی کی قیمت میں ظالمانہ اضافہ نے پوری کر دی ہے ۔ اضافے کو فی الفور واپس لیا جائے ۔ ان خیالات کا اظہار انہوں نے گزشتہ روز مختلف پروگرامات سے خطاب کرتے ہوئے کیا ۔ انہوں نے کہا کہ ملک میں مہنگائی آسمان سے باتیں کر رہی ہے ۔ زندگی کا تسلسل برقرار رکھنے کے لئے اشیاء خوردونوش کی قیمتیں کنٹرول سے باہر ہیں۔ملک کے اندر گندم، آٹا ، چینی ، آئل ،سبزیاں ، دالیں ، پھل ،مرغی کا گوشت سمیت ہر چیز کی قیمت کو پر لگ چکے ہیں۔چیک اینڈ بیلنس کا پورا نظام ہی کرپٹ اور مفلوج ہو چکا ہے ۔حکمرانوں نے عوام الناس کوزندہ درگور کرنے کے سوا کچھ نہیں کیا ۔ظلم کی انتہا ہے کہ روٹی کی قیمت 20اور نان کی قیمت 30روپے ہو چکی ہے ۔مگر کوئی پوچھنے والا نہیں۔کرپٹ اور ناجائز منافع خوروں اور دیگر مافیا نے سسٹم کو ناکارہ بنا دیا ہے ۔شہری انتظامیہ ان کے سامنے بے بس نظر آتی ہے ۔ انہوں نے کہا کہ جن حالات کا ملک و قوم کو آج سامنا کرنا پڑ رہا ہے ماضی میں کبھی نہیں رہا ۔پی ٹی آئی اور پی ڈی ایم دونوں نے ہی عوام کو دھوکہ دیا ہے ۔کفایت شعاری کا درس دینے والے سرکاری خرچے پر عیاشیاں کر رہے ہیں ۔ملک و قوم قرضوں کی دلدل میں دھنستے چلے جا رہے ہیں جبکہ حکمرانوں کے خزانوں میں مسلسل اضافہ ہوتا جا رہا ہے۔دریں انثا ء جماعت اسلامی پنجاب وسطی کے رہنماوں محمد جاوید قصوری اور سکرٹری جنرل نصر اللہ گورائیہ نے جماعت اسلامی کے سینئر بزرگ رہنما حافظ محمد ادریس کی ہمشیرہ کے انتقال پر اظہار تعزیت کرتے ہوئے دعا کی کہ اللہ تعالیٰ مرحومہ کو اپنے جوار رحمت میں جگہ عطا فرمائے اور تمام لواحقین کو صبر جمیل دے ۔

لاہور : پاکستان تحریک انصاف کے مرکزی رہنما ، فوکل پرسن فوڈ سکیورٹی و خصوصی اقدامات جمشید اقبال چیمہ نے کہا ہے کہ معیشت کی ابتری کے آفٹر شاکس آنا شروع ہو گئے ہیں، اسٹاک ایکسچینج صرف دو روز میںمزید 2 ہزار پوائنٹس گری ،حکومت کے پاس مزید ادائیگیاں کرنے کے لیے پیسے نہیں ہیں اور ملک مسلسل تنزلی کی طرف جا رہا ہے۔ اپنے بیان میں انہوںنے کہا کہ کیا امپورٹڈ اور نااہل ٹولے کو پاکستان کو دیوالیہ کرنے کے لئے مسلط کیا گیا ۔عمران خان حکومت میں مہنگائی کی شرح جو 10فیصد سے کم تھی وہ آج 30فیصد کی حد عبور کر چکی ہے ، ہمارے دور 6فیصد کا گروتھ ریٹ آج منفی 2فیصد پر آ چکا ہے لیکن امپورٹڈ ٹولہ اس تباہی کے باوجود ملک کا مزید ستیاناس کرنے پر تلا ہے ۔اب ہم پاکستان کے ساتھ ایسا سلوک برداشت نہیں کرسکتے، ہم انہیں گھسیٹ کر الیکشن کی طرف لے جائیں گے۔عوام کے لئے خوراک کئی گنا مہنگی ہوگئی ہے ، لوگ رجیم چینج آپریشن کے بعد تین سے دو وقت اور اب ایک وقت کی روٹی پر آ گئے ہیں۔

کراچی: پاکستان پیپلز پارٹی کراچی کے صدر سعید غنی نے کراچی میں بلدیہ عظمی کراچی (KMC) ٹائون میونسپل کارپوریشنز اور یونین کمیٹیوں میں خواتین، اقلیت، مزدور، یوتھ، مخصوص افراد اور خواجہ سراؤں کے لئے مخصوص نشستوں کے لئے خواہش مند افراد سے پارٹی ٹکٹ کے لئے درخواستیں طلب کرلی ہیں۔ سعید غنی کے مطابق خواہش مند افراد اپنی درخواستیں پیپلز سیکرٹریٹ یا ضلعی صدور کے پاس اتوار 22 جنوری تک جمع کروا سکتے ہیں۔ درخواست کے ساتھ بلدیہ عظمی کراچی کے امیدوار 2000 روپے، ٹائون میونسپل کارپوریشن کے امیدوار 1000 روپے اور یونین کمیٹیوں کی مخصوص نشستوں کے لئے 500 روپے بطور پارٹی فیس جمع کروانی ہوگی

گزشتہ روز فیروز خان نے اپنی سابقہ اہلیہ علیزا سلطان سمیت متعدد اداکاروں کو ہتک عزت کا نوٹس بھیجا تھا جس کی تصاویر انہوں نے انسٹاگرام پر پوسٹ کردیں، ان تصاویر پر اداکاروں کے گھر کا پتا اور موبائل نمبرز درج تھے۔

فیروز خان نے کچھ ہی منٹ بعد پوسٹ ڈیلیٹ کردی لیکن وہ سوشل میڈیا پر وائرل ہوگئی۔

اب یاسر حسین نے موبائل نمبرز آؤٹ کرنے پر ہتک عزت کا نوٹس بھیجنے والے فیروز خان پر اظہارِ برہمی کرتے ہوئے اپنی انسٹا اسٹوری پر بتایا ہے کہ فیروز کی ایک حرکت کی وجہ سے انہیں مشکلات کا سامنا کرنا پڑ رہا ہے۔

یاسر حسین نے انسٹا اسٹوری پر لکھا کہ ’ایک بیوقوف آدمی نے پہلے اپنی بیوی کو مارا اور پھر ہمارے نمبرز آؤٹ کردیے، اس کی وجہ سے یہ بچہ مجھ سے ڈرامے میں کام مانگ رہا ہے ورنہ ایک لاکھ روپے، بتائیں میں کیا کروں؟

انہوں نے لکھا کہ ’اس بھائی نے مجھے اپنا نمبر بھیجا ہے مگر میں نے آؤٹ نہیں کیا کیونکہ میں اسکول گیا تھا، تھوڑا فرق دکھنا چاہیے’۔

جڑانوالہ :حکومت کی جانب سے وافر مقدار میں گندم کی درآمد کے بعد فیصل آباد میںگندم کی قیمتوں میں کمی نہ ہوسکی،کھلا آٹا کی 140سے 160روپے فی کلو فروخت جاری، ضلعی انتظامیہ شہر اور گردنواح میں آٹے کا بحران حل کرنے میںمکمل طور ناکام،سستا آٹا حاصل کرنے کیلئے خواتین،بچے اور بزرگوں کی لمبی قطاریں،فلور ملزکا کمرشل آٹے کے تھلے میں صرف 100روپے کمی،15کلو والا آٹا کا تھلہ 2100روپے،دوسری جانب چاول اور کوکنگ آئل کی قیمتیں آسمان سے باتیں کرنے لگیں۔تفصیلات کے مطابق وفاقی حکومت کیجانب سے مختلف ممالک سے گندم درآمد کرنے کے بعد پنجاب بھر کی اجناس کی منڈیوں میں گندم کی قیمتیں1200 سی1400روپے تک کم ہوگئی ہے، اس کے باوجود شہر کی آٹا چکیوں پر آٹے کی قیمتیں 160 روپے فی کلوگرام سے کم نہیں ہوسکیں۔گندم کی قیمتوں میں اضافے کو جواز بناتے ہوئے آٹے کی قیمتیں بڑھانے والا مافیا اب گندم کے نرخ کم ہونے پر خاموش ہے فلور ملز مافیا اور بلیک میں گندم فروخت کرنے والوں کے سامنے ضلعی انتظامیہ بھی کاموش ہے چکی اور کریانہ سٹور پر کھلا آٹا کی 140سے 160روپے فی کلو فروخت ہورہاہے ضلعی انتظامیہ کے اعلانات صرف دفاتروں تک محدود ہیں جبکہ شہر اور گردونواح میں،سستا آٹا حاصل کرنے کیلئے خواتین،بچے اور بزرگ لمبی قطاریوں ہاتھوں میں پیسے لے کھڑے ہیں،فلور ملزکا کمرشل آٹے کے تھلے میں صرف 100روپے کمی،15کلو والا آٹا کا تھلہ 2100روپے۔دوسری جانب چاول کی قیمتیں کہیں رکنے کا نام ہی نہیں لے رہیں۔ سپر کائنات پرانا چاول 30 روپے بڑھکر320 سے 350 روپے فی کلوگرام ہوگیا جبکہ ٹوتا چائول بھی 190روپے کلو ہوگئے، کھی اور کوکنگ آئل کی قیمتوں ایک بارپھر 40سے 50روپے کلو اضاف ہوگیا ہے۔ شہری کہتے ہیں ملکی تاریخ میں اجناس کی قیمتیں کبھی اتنی نہیں بڑھیں دیگر امور زندگی تو درکناراب کھانے کے لالے پڑے ہوئے ہیں۔شہریوں نے وفاقی اور پنجاب حکومت سے آٹا، گھی اور چاول کی قیمتیں کم کرانے کیلئے اقدامات کرنے کا مطالبہ کیا ہے۔

:فیصل آباد میں مرید نے تعویذ کے اثر نہ کرنے پر پیر کو قتل کردیاتعویذ کے کام نہ کرنے پر مرید نے 10 روز قبل پیر ساجد کو اغواء کیا اور قتل کرکے لاش نہر میں پھنک دی۔ پولیس حکام کے مطابق فیصل آباد کے علاقے سمن آباد میں مرید محمد حسن نے بیوی سے صلح کیلئے پیر بابا سے تعویذ لیا مگر اثر الٹا ہوا اور دونوں کے درمیان طلاق ہوگئی۔مقتول کے بھائی صابر کا کہنا ہے کہ جب مرید کے گھر سے اس کی بیوی کے گھر والے سامان اٹھا رہے تھے اس وقت وہ آیا اور بھائی کو ساتھ لے گیا۔ پولیس کے مطابق ملزم نے کام کروانے کیلئے پیر کو ہزاروں روپے نذرانہ دیا تھا، یہ رقم تھوڑی تھوڑی کرکے دی گئی تھی، پولیس نے ایک ہفتہ کے اندر ہی ملزم کو گرفتار کرلیا، اس کے ساتھی کی گرفتاری کیلئے بھی چھاپے مارنا شروع کردیئے ہیں۔

جڑانوالہ :فیصل آباد میں کھاد کی فروخت کے لئے ای فرٹیلائزر منصوبہ بھی ناکام ہوگیا، یوریا کھاد کا تھیلا سرکاری نرخ سے ایک ہزار روپے مہنگا جبکہ ڈی اے پی کے تھیلے کی قیمت میں ساڑھے 6 ہزار سے زیادہ اضافہ کر دیا گیا۔فیصل آباد میں کھاد کی دستیابی اور فروخت کی نگرانی کے لئے ای فرٹیلائزر منصوبہ بھی ناکام ہوگیا، 100 سے زیادہ کھاد ڈیلر رجسٹرڈ کئے گئے لیکن کاشتکاروں کو کھاد سرکاری نرخ پر دستیاب نہیں، یوریا کھاد کا 50 کلو کا تھیلا سرکاری ریٹ لسٹ میں 2 ہزار 446 روپے کا ہے لیکن مارکیٹ میں 3 ہزار 500 روپے میں فروخت ہو رہا ہے۔ڈی اے پی کی قیمت 11 ہزار 450 مقرر لیکن مارکیٹ میں 18 ہزار سے بھی زیادہ میں فروخت ہو رہی ہے، سرکاری نرخ پر کھاد کی عدم دستیابی سے گندم کی زیر کاشت فصل کو نقصان کا اندیشہ ہے۔کسان رہنما کا کہنا ہے کہ زرعی ملک ہونے کے باوجود کسان کا استحصال کیا جا رہا ہے، پہلے کاشت کے وقت سہولیات فراہم نہیں کی جاتیں بعد میں تیار فصل کی قیمت بھی پوری ادا نہیں کی جاتی جس سے کاشتکار کے گھر کا چولہا بمشکل جل پاتا ہے۔کسان رہنما نے کہا ہے کہ سرکاری موقف روایتی ہے کہ قیمتیں بڑھانے والوں کے خلاف کارروائیاں کر رہے ہیں۔کاشتکار کہتے ہیں کھاد ڈیلر محکمہ زراعت کے ای فرٹیلائزر سسٹم میں پیچیدگیوں کا فائدہ اٹھا رہے ہیں، رجسٹرڈ کھاد ڈیلر سٹاک ہونے کے باوجود سرکاری نرخ پر کھاد فراہم نہیں کر رہے۔

اسلام آباد:نیشنل لاجسٹک سیل کی زیر نگرانی پشاور میں عالمی معیار کے جدید ترین کرکٹ اسٹیڈیم کی تعمیر مکمل ہوگئی ،این ایل سی کے ساتھ نیسپاک، خیبر پختون خواہ سپورٹس ڈائریکٹوریٹ کا اسٹیڈیم تعمیر میں کلیدی کردار ادا کای ہے ،حیات آباد میں نیا تعمیر کردہ اسٹیڈیم دور جدید کی تمام سہولیات سے آراستہ ہے،سٹیڈیم صوبائی، قومی اور بین الاقوامی کرکٹ کی واپسی کی راہ ہموار کرے گا،کرکٹ اسٹیڈیم کو نیشنل لاجسٹک سیل انجینئرز نے دو سالوں میں مکمل کیا ہے،تعمیراتی کام میں مین پویلین، جنرل اسٹینڈز، ڈیجیٹل اسکور بورڈ شامل ہے،پرنٹ اور الیکٹرانک میڈیا کے لیے میڈیا باکس، آگ بجھانے والا نظام، ہیوی ایر کنڈشننگ سسٹم بھی تعمیر کیا گیا ،سکیورٹی، اضافی اور کم وولٹیج سسٹمز، دیگر متعلقہ سہولیات شامل ہیں،اسٹیڈیم میں 10 ہزار شائقین کے بیٹھنے کی گنجائش موجود ہے،حیات آباد کرکٹ اسٹیڈیم، مقامی اور بین الاقوامی کرکٹ میچز اور ایونٹس کی میزبانی کرسکتا ہے،کرکٹ کا میدان ابھرتے کرکٹرز کی صلاحیتوں کو نکھارنے، قومی سطح پر نیا ٹیلنٹ سامنے لانے میں مدد دے گا،سٹیڈیم ضم شدہ قبائلی اضلاع سمیت صوبے کے نوجوانوں کو صحت مند سرگرمیوں کے لیے سازگار ماحول فراہم کرے گا

جہانیاں: ’’ پاکستان ،پاکستان ،جیوے پاکستان ‘‘ ۔ معروف شاعرو مصنف جمیل الدین عالی کا98واں یوم پیدائش 20جنوری جمعہ کو منایا جائے گااس حوالے سے مختلف شہروں میںخصوصی تقریبات کا اہتمام کیا جائے گا،جن میں جمیل الدین عالی کی قومی خدمات کو خراج عقیدت پیش کیا جائے گا۔جمیل الدین عالی پاکستان کے معروف ملی نغموں پاکستان،پاکستان جیوے پاکستان،اتنے بڑے جیون ساگر میں تو نے پاکستان دیا سمیت معروف ملی نغموں کے خالق تھے۔،وہ پاکستان کے معروف اخبارات میں کئی دہائیوں تک باقاعدگی سے کالم لکھتے رہے جبکہ ان کی لکھی ہو ئی کتابوں میں اے میرے دشت سخن، جیوے جیوے پاکستان، لاحاصل، نئی کرن، دعا کر چلے اور صدا کر چلے شامل ہیں نیز ان کے مشہور سفر ناموں میں دنیا میرے آگے، تماشا میرے آگے، مہر ماہ وطن قابل ذکر ہیں، جمیل الدین عالی 20جنوری 1925ء کو دہلی میں پیدا ہوئے،پاکستان بننے کے فوراً بعد کراچی آگئے اور یہاں مستقل سکونت اختیار کر لی،جمیل الدین عالی بابائے اردو مولوی عبدالحق کے شاگرد اور ابن انشا سے لے کر قدرت اللہ شہاب تک کے رفیق کار رہے،وہ23نومبر 2015ء کو جہان فانی سے رخصت ہو گئے