Category تازہ ترین

کراچی:کراچی میں بن قاسم کے علاقے میں بیرون ملک سے مختصر چھٹی پر اپنے اہل خانہ سے ملنے کے لیے آنے والے شخص کو کزن نے ذبح کردیا۔پولیس کے مطابق اللہ بخش حمائتی گوٹھ فٹبال گراؤنڈ کے قریب گھر سے ایک شخص کی ذبح شدہ لاش ملی، جس کی شناخت 32 سالہ صغیر بختی ولد غلام شبیر کے نام سے کی گئی۔ مقتول 2 بچوں کا باپ اور 15 روز قبل ہی عمان سے ایک ماہ کی چھٹی لے کر بیوی بچوں سے ملنے آیا تھا۔ابتدائی اطلاعات کے مطابق مقتول کو اس کے کزن مظفر ولد عاشق نے گھریلو جھگڑے کے دوران گلے پر تیز دھار آلے کا وار کرکے قتل کردیا۔ اطلاع ملنے پر مددگار 15 پولیس فوری جائے وقوع پر پہنچی اور علاقہ مکینوں کی نشاندہی پر قتل میں ملوث ملزم کو گرفتار کرلیا، جس نے خود کو گھر کے غسل خانے میں چھپا لیا تھا۔مقتول کا آبائی تعلق جیکب آباد سے تھا۔ قتل کے الزام میں حراست میں لیا جانے والا ملزم مظفر مقتول کے گھر کے قریب ہی رہائش پذیر ہے۔ پولیس کا کہنا ہے کہ مقتول کی اہلیہ یا کوئی اور رشتے دار اگر مقدمہ درج کرانے نہیں آیا تو پولیس سرکاری مدعیت میں مقدمہ درج کرے گی

اسلام آباد:ملک بھر میں 24 گھنٹوں کے دوران کورونا وائرس سے متاثر 24 نئے مریض رپورٹ ہوئے جب کہ دیگر 12 متاثرین کی حالت تشویش ناک بتائی جاتی ہے۔قومی ادارہ صحت کے مطابق ملک بھر میں گزشتہ 24 گھنٹوں کے دوران کورونا کے 4 ہزار 152 ٹیسٹ کیے گئے، جن میں سے 24 افراد کے نتائج مثبت آئے، جس کے نتیجے میں ملک میں مثبت کیسز کی شرح 0.58 فی صد ریکارڈ ہوئی۔پنجاب کے دارالحکومت لاہور میں کورونا کے 861 ٹیسٹ کیے گئے، جس میں 8 نئے متاثرین رپورٹ ہوئے اور شرح 0.93 فی صد ریکارڈ ہوئی۔ پشاور میں کورونا وائرس کی تشخیص کے لیے 221 ٹیسٹ کیے گئے اور صرف ایک نیا کیس رپورٹ ہوا جب کہ مثبت کیسز کی شرح 0.45 فی صد ریکارڈ ہوئی۔این آئی ایچ کے مطابق ملک بھر میں کورونا سے متاثرہ مریضوں میں سے 12 کی حالت نازک ہے

اسلام آباد :رہنما تحریک انصاف اور سابق وفاقی وزیر فواد چودھری نے کہا ہے کہ 10 سے 15 دن میں وفاقی حکومت سے بھی جان چھوٹ جائے گی۔اپنے ایک بیان میں پی ٹی آئی رہنما کا کہنا تھا کہ قانون کے مطابق جس کے پاس ممبرز سب سے زیادہ ہوں اپوزیشن لیڈ ر ان کا ہوگا، اپوزیشن لیڈر، پارلیمانی لیڈر اور چیئرمین پی اے سی کا عہدہ پی ٹی آئی کو دیں۔ ہم توپہلے سے استعفے قبول کرنے کے لیے اصرار کررہے تھے، اب بہتر ہے کہ باقی ملک میں بھی عام انتخابات کی طرف بڑھے، تقریبا 800میں سے 500نشست پر الیکشن ہونے جارہے ہیں۔ پی ڈی ایم حکومت نے احمقانہ فیصلے کیے ہیں یہ ہماری گیم میں آگئے ہیں۔انہوں نے کہا کہ ہم عام انتخابات کیطرف جانا چاہتے ہیں ،لائحہ عمل واضح ہے اور صدرمملکت اب بھی وزیراعظم کو اعتماد کے ووٹ کا کہہ سکتے ہیں، جن بوتل سے باہر آگیا ہے اب یہ سنبھال نہیں پائیں گے

پشاور:گورنر خیبر پختونخوا نے وزیراعلیٰ کی ایڈوائس پر اسمبلی تحلیل کرنے کی سمری پر دستخط کردیے۔ وزیراعلیٰ خیبرپختونخوا محمود خان نے گزشتہ روز صوبائی اسمبلی کی تحلیل کی سمری گورنر کو ارسال کی تھی،گورنر خیبرپختونخوا غلام علی نے وزیراعلیٰ کی ایڈوائس پر اسمبلی تحلیل کرنے کی سمری پر دستخط کردیے ہیں۔گورنر کی جانب سے سمری پر دستخط کیے جانے کے بعد صوبائی کابینہ بھی تحلیل ہوگئی ہے تاہم محمود خان نگران وزیراعلیٰ کے تقرر تک اپنا کام جاری رکھیں گے۔گورنر ہاؤس سے جاری اعلامیے کے مطابق گورنر حاجی غلام علی نے کہا کہ 1973 کے آئین کیآرٹیکل 112 کی شق (1) کے تحت کے پی اسمبلی تحلیل کرتاہوں، اسمبلی کے ساتھ صوبائی کابینہ بھی تحلیل ہو گئی ہے، آرٹیکل اے224 کی شق (4) کے تحت موجودہ وزیراعلیٰ نگران وزیراعلیٰ کی تقرری تک کام کریں گے۔اعلامیے میں کہا گیا ہے کہ نگران وزیراعلیٰ کا تقرر گورنر نے وزیراعلیٰ اور اپوزیشن لیڈر کی مشاورت سے تین دن میں کرنا ہے، گورنرآفس اس مدت میں بغیرکسی رسمی تقرری کے مشاورت کے لیے دستیاب ہوگا۔گورنر خیبرپختونخوا نیاسمبلی کی تحلیل کا اعلامیہ وزیراعلیٰ اوراپوزیشن لیڈرکو بھیج دیا۔واضح رہے کہ پنجاب اسمبلی پہلے ہی تحلیل کی جاچکی ہے جہاں نگران وزیراعلیٰ کے لیے بھی حتمی فیصلہ نہیں ہوسکا ہے

اسلام آباد:مسلم لیگ ن کے ٹکٹوںکیلئے پارلیمانی بورڈ کی تشکیل پر مشاورت شروع کردی گئی ہے اور دو سے تین روز میں صدر ن لیگ شہباز شریف بورڈ تشکیل دے دیں گے جو پنجاب میں عام انتخابات کیلئے ٹکٹ جاری کرے گا۔ذرائع کا کہنا ہے کہ قائد نون لیگ نواز شریف نے پنجاب میں انتخابات کے لیے بھرپور تیاری کی ہدایت کی ہے اور اس حوالے سے پنجاب اسمبلی انتخابات کے لئے مسلم لیگ ن کا پارلیمانی بورڈ جلد تشکیل دینے کا فیصلہ کیا ہے ،مسلم لیگ نون پنجاب کا پارلیمانی بورڈ آئندہ دو سے تین روز میں تشکیل دیے جانے کا امکان ہے،پارلیمانی بورڈ کی تشکیل کے بعد ٹکٹوں کیلئے امیدواروں سے درخواستیں طلب کی جائیں گی،پارلیمانی بورڈ کی سفارشات کی حتمی منظوری صدر مسلم لیگ ن شہباز شریف اور قائد نواز شریف دیں گے،ذرائع کا کہنا ہے کہ ٹکٹوں کے لیے تحریک انصاف کے منحرف ارکان کے ناموں پر بھی غور کیا جائے گا،ٹکٹوں کیلئے پنجاب کو تین حصوں میں تقسیم کیا جائے گا،سینٹرل، نارتھ اور سائوتھ پنجاب کیلئے الگ الگ پارلیمای بورڈز تشکیل دینے کا امکان ہے۔

لندن:مسلم لیگ( ن) کے قائد نوازشریف نے ملکی سیاسی صورتحال کے تناظر میں بنیادی نوعیت کے فیصلوں کیلئے سینئر پارٹی رہ نماؤں سے مشاورت جاری ہے، وفاقی وزیر برائے اقتصادی امور ایاز صادق نے ان سے طویل ملاقات بھی کی ہے،ملاقات میںسینئرنائب صدر مریم نواز بھی موجود تھیں،ایاز صادق سے ملک کی معاشی اور سیاسی صورتحال پر نواز شریف کا تفصیلی تبادلہ خیال اور مشاورت کی گئی ،ملاقات میں مسلم لیگ ن پنجاب کی تنظیم نو سے متعلق امور پر گفتگو کی گئی ،ایاز صادق نے مختلف پارلیمانی اور سیاسی امور پر اتحادیوں سے ہونے والی ملاقاتوں پر بھی اعتماد میں لیا،ذرائع نے بتایا کہ نواز شریف موجودہ پارٹی ڈھانچے سے مکمل طور غیر مطمئن ہیں ،قائد پارٹی کے تمام سینئر رہنمائوں سے مرحلہ وار مشاورت کریں گے اور ان کی تجاویز کی روشنی میں آئندہ کے لائحہ عمل پر اعلان کیا جائیگا، ذرائع نے بتایا کہ وزیر داخلہ رانا ثناء اللہ اور پرویز رشید لندن جارہے ہیں جس کے بعد دیگر رہنمائوں کو مرحلہ وار طلب کیا جائیگا

ٹوکیو:جاپان کے ایزو جزائر میں زلزلے کے شدید جھٹکے محسوس کئے گئے تاہم کوئی جانی نقصان نہیں ہوا ۔ حکام کے مطابق ریکٹر سکیل پر زلزلے کی شدت 6.3درجے ریکارڈ کی گئی ۔ زلزلے کا مرکز 29.0005 شمالی ارض بلد اور 139.3466 مشرقی شول بلد میں 409.088 کلو میٹر کی گہرائی میں تھا ۔

لندن: لندن کے ہیتھرو ائیرپورٹ سے یورینیم برآمدگی معاملے میں60 سالہ شخص کو گرفتار کیا گیا ہے۔برطانوی میڈیا کے مطابق 29 دسمبر کو ائیرپورٹ پر اسکریننگ کے دوران تابکار مواد کی معمولی مقدار ملی تھی۔پولیس کا کہنا ہے کہ ہیتھرو ائیرپورٹ سے تابکار مواد ملنے کے بعد بارڈر فورس نے ٹیررازم کمانڈ یونٹ سے رابطہ کیا تھا۔کمانڈرمیٹ پولیس انسداد دہشتگردی کمانڈ نے کہا کہ لندن کے ہیتھرو ائیرپورٹ سے یورینیم کا ملنا تشویشناک ہے، گرفتاری کے باوجود اس واقعہ سے عوام کو براہ راست کوئی خطرہ لاحق نہیں تھا۔میڈیا رپورٹ کے مطابق لندن پولیس نے دہشتگردی کے شبہ میں گرفتار شخص کو اپریل تک ضمانت پر رہا کر دیا ہے تاہم معاملے کی مزید تفتیش جاری رہے گی۔

نئی دہلی:بھارت میں مسلمان دشمن مودی سرکار نے 16 ویں صدی میں تعمیر کی گئی تاریخی مسجد کو شہید کردیا۔ بھارتی ریاست اترپردیش میں انتہاپسند وزیراعلیٰ ا ٓدیتیہ ناتھ کی سرپرستی میں مسلمان کش کارروائیاں جاری ہیں۔ ریاستی مشینری مسلمانوں کو ختم کرنے کے سرکاری ایجنڈے پرعمل درآمد کررہی ہے۔اترپردیش میں 16 ویں صدی میں تعمیر کی گئی تاریخی شاہی مسجد کو شہید کردیا۔ سوشل میڈیا پرسامنے والی ویڈیوز میں مقامی انتظامیہ کے اہلکاروں کو بلڈورز کی مدد سے مسجد کو شہید کرتے ہوئے دیکھا جا سکتا ہے۔حکام نے دعویٰ کیا کہ مسجد سڑک کو چوڑا کرنے میں رکاوٹ بن رہی تھی اس لیے شہید کیا گیا۔ مسجد انتظامیہ اور علاقے میں رہائش پذیر مسلمانوں نے مسجد کو شہید ہونے سے روکنے کے لیے مقامی عدالت سے رجوع کررکھا تھا جہاں کیس کی سماعت 2 دن بعد ہونا تھی

اسلام آباد : سابق صدر علی آصف زرداری نے سینئر وکیل عبدالطیف آفریدی کے قتل کی مذمت کرتے ہوئے کہا ہے کہ شہید عبدالطیف آفریدی کا قتل انتہائی افسوسناک ہے۔ اپنے ایک بیان میں آصف زرداری نے کہا کہ عبدالطیف آفریدی جمہوریت پسند اور شدت پسندی کے سخت مخالف تھے، ان کی جمہوریت کی بحالی کے لیے جدوجہد ناقابل فراموش ہے۔انہوں نے کہا کہ عبدالطیف آفریدی دہشت گردوں اور شدت پسندوں کے خلاف آواز بلند کرتے رہے۔ انہوں نے کہا کہ پیپلز پارٹی کی قیادت اور کارکن عبدالطیف آفریدی کے خاندان کے دکھ میں شریک ہیں۔