Category تازہ ترین

کراچی : اداکارہ کبریٰ خان نے یوٹیوبر کے خلاف سندھ ہائیکورٹ سے رجوع کرلیا۔درخواست گزار اداکارہ کبریٰ خان کا کہنا ہے کہ یوٹیوبر نے من گھڑت الزامات سے میرے اور دیگر اداکارائوں کے وقار کو مجروح کیا ہے۔وکیل کبری خان کا مؤقف ہے کہ ہتک آمیز مواد ہٹانے کیلئے ایف آئی اے اور پی ٹی اے سے رابطہ کیا گیا ہے۔سندھ ہائی کورٹ نے کبریٰ خان سمیت چاروں اداکاراؤں کے خلاف سوشل میڈیا پر مواد بلاک کرنے کا حکم دیا ہے۔عدالت نے آئندہ سماعت پر پاکستان ٹیلی کمیونیکیشن اتھارٹی (پی ٹی اے) اور وفاقی تحقیقاتی ایجنسی (ایف آئی اے)کو مواد بلاک کرکے جواب جمع کرانے کا حکم دیا ہے۔یاد رہے کہ گزشتہ دنوں ایک یوٹیوبر عادل راجا کے نازیبا الزامات پر پاکستانی اداکارہ کبریٰ خان نے شدید ردعمل کا اظہار کرتے ہوئے مقدمہ دائر کرنے کا عندیہ دیا تھا۔حال ہی میں عادل راجا نے سوشل میڈیا پر جاری وی لاگ میں پاکستان کی ٹاپ ماڈلز اور اداکاراؤں پر سنگین الزامات عائد کیے تھیاور ذرائع کے حوالے سے دعویٰ کیا تھا کہ ایک ادارے کے پاس ان ماڈلز اور اداکاراؤں کی نازیبا ویڈیوز بھی موجود ہیں۔عادل راجا نے اپنے وی لاگ میں اداکاراؤں کا نام لینے کے بجائے ان کے ناموں کے ابتدائی حروف بتائے تھے۔

کراچی:معروف اداکارہ سارہ خان نے انکشاف کیا ہے کہ انہیں ان کے شوہر گلوکار فلک شبیر نے ایک گانے میں پرفارمنس کرنے کی پیش کش کی تھی، جس میں انہیں ’ٹھمکے‘ لگانے تھے۔سارہ خان اور فلک شبیر جولائی 2020 میں شادی کے بندھن میں بندھے تھے اور ان کے ہاں اکتوبر 2021 میں پہلی بیٹی کی پیدائش ہوئی تھی۔شادی کے بعد اگرچہ سارہ خان کے ڈراموں میں دکھائی دیں مگر حمل ٹھہرنے اور بچے کی پیدائش کے بعد وہ کافی وقت تک اسکرین سے دور رہیں۔حال ہی میں دونوں نے ثانیہ مرزا اور شعیب ملک کے شو ’دی مرزا، ملک شو‘ میں شرکت کی، جہاں دونوں نے اپنے اپنے کیریئر سمیت ذاتی زندگی پر بھی کھل کر بات کی۔ایک سوال کے جواب میں فلک شبیر نے کہا کہ انہوں نے کبھی بھی اہلیہ کو اداکاری چھوڑ کر گھر بیٹھنے کے لیے نہیں کہا۔انہوں نے کہا کہ چوں کہ وہ خود جفاکشی کے بعد کسی مقام پر پہنچے تھے، اس لیے انہیں اندازہ ہے کہ ہر کسی کی اپنی جدوجہد ہوتی ہے۔فلک شبیر نے اہلیہ کی تعریف کرتے ہوئے کہا کہ انہوں نے اپنی محنت سے شوبز میں ایک مقام بنایا، خوش قسمتی سے انہوں نے کوئی مشکل وقت نہیں دیکھا۔گلوکار کا کہنا تھا کہ ان کی اہلیہ کے لاکھوں فالوورز ہیں اور انہیں خدا نے عزت دی ہے، وہ کون ہوتے ہیں، انہیں گھر تک محدود رکھنے والے۔اسی شو کے دوران سارہ خان نے بھی شوہر کی تعریفیں کرتے ہوئے کہا کہ وہ بہت زیادہ صفائی پسند ہیں، ساتھ ہی ان کی یادداشت بھی بہتر ہے۔ایک سوال کے جواب میں سارہ خان نے بتایا کہ انہیں نہیں یاد کہ انہوں نے آج تک شوہر کو کیا تحفہ دیا تھا لیکن انہیں شوہر ہر بار ہی تحفے دیتے رہتے ہیں۔

اسلام آباد : پاکستان کرکٹ ٹیم کے فاسٹ بولر حارث رؤف نے مایا علی سمیت دوسری لڑکیوں کا دل توڑنے کی وجہ دلچسپ انداز میں بتادی۔نجی ٹی وی کے پروگرام میں بطور مہمان شرکت کرنے والے فاسٹ بولر نے میزبان تابش ہاشمی کے مزاحیہ سوالات کے جوابات دیئے۔پروگرام میں شرکت کرنے والے حاضرین سے سوال جواب کا سلسلہ شروع ہوا تو حارث رؤف کے مداحوں نے یکے بعد دیگرے سوالات کرکے انہیں جاننے کی کوشش کی۔ایسے میں حاضرین میں سے ایک نے حارث رؤف سے سوال کیا کہ ’آپ نے اتنی جلدی نکاح کرکے مایا علی اور دیگر لڑکیوں کا دل کیوں توڑ دیا؟۔مداح کے سوال کا جواب فاسٹ بولر نے دلچسپ انداز میں دیا کہ سب ہنسنے پر مجبور ہوگئے ۔انہوں نے کہا کہ’میں ایک ہی شادی کرسکتا تھا، جو میں نے کرلی، اب باقی لڑکیاں اپنے دل کہیں اور جوڑ لیں۔یاد رہے کہ 24 دسمبر کو اسلام آباد کے نجی ہوٹل میں حارث روف نے مزنا مسعود کے ساتھ نکاح کیا تھا۔

کراچی :پاکستان شوبز انڈسٹری کی سْپر اسٹار ماہرہ خان کے حالیہ فوٹو شوٹ کو دیکھ کر مینا کماری کی یاد ایک بار پھر تازہ ہوگئی۔ ماہرہ خان کی حالیہ پوسٹ میں انہیں تربوزی رنگ کی پھولوں سے سجی ساڑھی میں دیکھا جاسکتا ہے جس میں وہ پْرکشش نظر ا?رہی ہیں۔ اداکارہ نے تربوزی رنگ کی ساڑھی کے ساتھ چاندی کے زیورات کا انتخاب کیا ہے، انہوں نے چاندی رنگ کے پازیب، چوڑیوں اور چومکوں کو ان خوبصورتی سے پہنا ہوا ہے کہ اس نے ان کی خوبصورتی کو چار چاند لگا دیئے ہیں۔ ماہرہ خان نے ان تصاویر کے ساتھ پوسٹ کے کیپشن میں ایک شعر بھی لکھا ہے کہ ’بکھرنے کا مجھ کو شوق ہے بڑا، سمیٹے گا مجھ کو تو بتا ذرا‘۔ ان تصاویر میں ماہرہ خان نے وینود مہتا کی کتاب ’مینا کماری‘ تھامی ہوئی ہے جس میں لال گلاب رکھا ہوا ہے، یہ ہی وجہ ہے کہ ماہرہ خان کو دیکھ کر ماضی کی خوب رو و مایا ناز اداکارہ مینا کماری کی یادیں ایک بار پھر تازہ ہوگئیں۔

ممبئی :بالی ووڈ کے کنگ شاہ رخ خان نے سوشل میڈیا صارفین کو بتا دیا کہ وہ ایک مہینے میں کتنا کما لیتے ہیں۔ کنگ خان نے گزشتہ دنوں مائیکرو بلاگنگ سائٹ ٹوئٹر پر سوال جواب کا سیشن رکھا۔ اس دوران ان کے مداحوں نے ان سے دلچسپ سوالات کئے تو سْپر اسٹار نے بھی حس مزاح سے کام لیا اور ان سوالات کے منفرد جوابات دیئے۔ ایسے ہی ایک پرستار نے شاہ رخ خان سے ان کی کمائی کے حوالے سے پوچھا کہ وہ ایک مہینے میں کتنا کمالیتے ہیں؟‘۔ امن احمد نامی ٹوئٹر صارف کے سوال کا جواب دیتے ہوئے کنگ خان نے بتایا کہ ’پیار بے شمار کماتا ہوں، ہر دن

کوئٹہ:محکمہ موسمیات کے میٹرا لوجسٹ خاور فریال نے کہا ہے کہ7 جنوری سے 12 تاریخ تک بارش اور پہاڑوں پر برفباری کا امکان ہے اس حوالے سے موسمیات کی جانب سے پیشنگوئی کی گئی ہے اور اسی حوالے سے متعلقہ اداروں کو ، عوام کو اس صورتحال سے باخبر رکھ کر اقدامات اٹھانے کے لئے آن بورڈ لیا گیا ہے تاکہ کسی بھی ناگہانی صورتحال سے بروقت نمٹا جاسکے۔ اور موثر اقدامات کو یقینی بناکر عوام کو مصیبت سے محفوظ رکھا جاسکے ،، آن لائن ،، سے بات چیت کرتے ہوئے کہا کہ ماہ دسمبر میں 14 ملی میٹر بارش ریکارڈ کی گئی۔ اعداد و شمار کے مطابق بلوچستان کے علاقوں بارکھان 1 ملی میٹر، دالبندین 5.6 ملی میٹر، گوادر 4 ملی میٹر، قلات 14 ملی میٹر، خضدار 7.7 ملی میٹر، پنجگور 10 ملی میٹر، پشین 3 ملی میٹر، کوئٹہ 12 ملی میٹر، تربت 34.2 ملی میٹر، اورماڑہ 2 ملی میٹر بارش ریکارڈ کی گئی۔ انہوں نے کہا کہ 7 تاریخ سے 12 تاریخ تک بارش اور پہاڑوں پر برف باری کے امکانات ہیں ۔

اسلام آباد:وزیر مملکت پیٹرولیم مصدق ملک نے کہا ہے کہ روس سے سستے تیل معاہدے کی تیاری مکمل ہے قبل از وقت غیر ذمہ دار بات نہیں کر سکتا۔ پاک روس سستے تیل خریداری معاہدے کے دوران گفتگو کرتے ہوئے مصدق ملک کا کہنا تھا کہ روس سے سستے تیل کی خریداری معاہدے کی تیاریاں مکمل ہیں ، وفد اسی وقت آتے جب تیاریاں مکمل ہوں ، روس خام تیل میں دنیا کے برابر یا اس بھی زیادہ ڈسکاونٹ دے گا، روس کے ساتھ سنجیدہ بات چیت جاری ہے۔ انہوں نے کہا کہ روس کے وزیر توانائی سمیت پورا وفد آرہا ہے ہم پوری کوشش کرینگے ملکی مفاد میں معاملہ طے ہوجائے گا ، ریفائنریز سے میٹنگ کرنے کے بعد روس کے ساتھ بات کی تھی، معاہدے کی تیاری مکمل ہے قبل از وقت غیر ذمہ دار بات نہیں کر سکتا، ریفائنریز پالیسی میں ڈیم ڈیوٹی کو سرمایہ کاری سے لنک کر رہے ہیں، ریفائنریز کو جو ڈیوٹی کی مد میں بچت ہوگی وہ سرمایہ کاری کریں گے ۔ مصدق ملک کا کہنا تھا کہ حکومت اسکا باقاعدہ آڈٹ کرے گی، ہمارے ملکی مفاد میں ہے جدت اور ریفائنریز اپ گریڈیشن میں پیسے لگے ، ہماری ریفائنریز فرنس آئل زیادہ تیار کرتی ہیں جس کی کہیں مارکیٹ ہی نہیں ہے، بلیک آئل کی وجہ سے ریفائنریز کو نقصان ہورہا ہے، ہماری ریفائنریز تیس فیصد سے زائد فرنس آئل بنا رہی ہیں ، جب ریفائنریز کو اپ گریڈ کرینگے تو پیٹرول اور ڈیزل کی فینش پراڈکٹس زیادہ بنائے گئے پریم نہ دینے سے پیٹرول ڈیزل کی قیمت کم ہوگی۔

اسلام آباد:پاکستان تحریک انصاف کے سیکرٹری جنرل اسد عمر نے اپنے ایک ٹویٹ میں کہا ہے کہ 2023میں فیصلہ ہو گا کے آج کی نوجوان نسل ایک حقیقی طور پر آزاد ملک میں زندگی گزارے گی ِیا پھر طاقتور طبقوں کے شکنجے میں جکڑے ہوئے،بیرونی طاقتوں کی غلامی میں زندگی بسر کرے گی۔

فیصل آباد:سمندری تھانہ سٹی کے علاقہ سے لاپتہ ہونے والے باپ بیٹی میںسے16 سالہ بچی کی لاش دس دن بعد کمالیہ کے قریب نہر سے برآمد ، ورثاء کا احتجاج اور روڈ کو ٹریفک کے لئے بند کر دیا گیا، میری بہن کو قتل کیا گیا ہے اور باپ ابھی تک لاپتہ ہے بھائی کا لزام، پولیس سے مزاکرات کے بعد روڈ کو کھلوا دیا گیا آن لائن کوبتایا گیا ہے کہ تھانہ سمندری کے علاقہ کالج چوک مسیحی برادری کے گل حمید اور اسکی 16سالہ بیٹی گلناز 26دسمبر کوسول اسپتال سمندری سے دوائی لینے گئے اور نامعلوم افراد نے انہیں اغواء کر لیا جسکی ایف آئی آر بھی تھانہ سٹی سمندری میں درج ہے اور گذشتہ روز 16سالہ گلناز کی لاش کمالیہ کی نہر سے ملی ہے جس پر متاثر ین اور مسیحی برادری نے احتجاج کرتے ہوئے مین روڈ کو بلاک کردیا اور پولیس کے خلاف نعرے بازی کرتے ہوئے ملزمان کی گرفتاری کامطالبہ کیا اس موقع پر متاثرہ بھائی نے گفتگو کرتے ہوئے کہا کہ اسکی 16 سالہ بہن گلناز کی لاش کمالیہ کی نہر سے ملی ہے کسی نامعلوم شخص نے اسے قتل کرکے لاش نہر میں پھینک دی ہے ہمیں انصاف چائیے باپ اور بیٹی گھر سے میڈسن لینے گئے تھے جو لاپتا ہوگئے تھے متاثرہ بیٹے کا کہنا ہے کہ میرا والد ابھی تک لاپتا ہے جسکی فوری تلاش کی جائے پولیس کی بھاری نفری جے موقع پر پہنچ کر کچھ ہی دیر میں مذاکرات کے بعد روڈ کو کھلوا دیا بیٹے کا کہنا ہے کہ میرے باپ حمید کو جلد سے جلد تلاش کیا جائے اس موقع پر چئیرمن کرائم کنٹرول سیل پاکستان ہیومن رائٹس اینڈ جسٹس اور ہیلتھ کوآرڈینیٹر پنجاب این ایچ آر جے نے جاں بحق ہونے والی 16 سالہ گل ناز کے گھر گئے اور لواحقین سے اظہار افسوس کیا اور کہا کہ ہم آپکے غم میں برابر کے شریک ہیں

فیصل آباد: دومقاما ت پر مبینہ پولیس مقابلوں میں2 ڈاکوہلاک جبکہ دو کوزخمی حالت میں گرفتار کرلیا گیا، ہلاک ہونے والے دونوں ملزمان ریکارڈ یافتہ اور درجنوں ڈکیتی، راہزنی اور دیگر سنگین مقدمات میں ملوث تھے نئے سال کے پہلے ایک ہفتے کے دوران پولیس کا ڈاکوئوں کے ساتھ پانچواں مقابلہ آن لائن شہر اورگردونواح میں بڑھتی اہوئی ڈکیتی کی وارداتوں کے بعد پولیس حرکت میں آگئی ہے پولیس نے مبینہ طورڈاکو مار مہم شروع کردی ہے گذشتہ روز تھانہ صدر تاندلیانوالہ کے علاقہ 615 گ ب کے قریب پولیس گشت پر تھی 4 مشکوک افراد کو روکا گیا ملزمان نے پولیس کی جانب فائرنگ شروع کردی ،ڈولفن اور پولیس کی بھاری نفری فوری موقعہ پر پہنچ گئی ،پولیس اور ملزمان کے درمیان فائرنگ کا تبادلہ ہوا: جس سے دو زخمی ملزمان کی ہلاکت ہوگئی پولیس ترجمان نے بتایاکہ ہلاک ملزمان کی شناخت شاہد اقبال اور احسان کے ناموں سے ہوئی ہے دونوں ہلاک ملزمان ریکارڈ یافتہ اور درجنوں ڈکیتی، راہزنی اور دیگر سنگین مقدمات میں ملوث تھے ،موقعہ سے 44 بور رائفل اور 30 بور پسٹل اوردو موٹر سائیکل بھی برآمد ہوئے ہیں دونواں موٹر سائیکل چھینے گئے تھے،پولیس نے فرار ملزمان کی تلاش اور مزید کارروائی کا آغاز کر دیاعلاوہ ازیں تھانہ جھنگ بازار کے علاقہ لکڑ منڈی چوک میں ڈولفن ٹیم گشت کے دوران موٹر سائیکل پر سوار دو مشکوک افراد کو رکنے کا اشارہ کیا، موٹر سائیکل پر سوار مشکوک افراد نے رکنے کی بجائے پولیس پارٹی پر سیدھی فائرنگ شروع کر دی پولیس ٹیم نے ان مشکوک افراد کا تعاقب کیا جس پر کراس فائرنگ ہوئی اطلاع ملنے موقعہ پر پولیس کی مزید نفری فوری پہنچ گئی۔ پولیس ٹیم نے 02 ڈاکوؤں کو زخمی حالت میں زیر حراست لے لیا۔موقعہ سے 01 عدد موٹر سائیکل اور دو عدد پسٹل برآمد ہوئے برآمد ہونے والی موٹر سائیکل تھانہ صدر کی حدود سے چھینی گئی تھی۔ پولیس مزید کارروائی اور تفتیش میں مصروف عمل ہے۔ نئے سال2023 کے پہلے ماہ کے پہلے ہفتے کے دوران پولیس کا یہ پانچواں ڈاکوؤ سے مقابلہ ہے