Category تازہ ترین

ٹوبہ ٹیک سنگھ :ٹوبہ ٹیک سنگھ میں آٹے کا بحران شدت اختیار کرگیاآٹے کی روز بروز بڑھتی ہوئی قیمتوں سے شہری پریشانی کا شکار ہیں ہوٹل مالکان اور نان بائیوں نے بھی روٹی کی قیمت میں اضافہ کردیا ہے شہر بھر کے سرکاری سیل پوائنٹ اور یوٹیلٹی سٹورز پربھی آٹا غائب ہے جبکہ چکیوں پر بھی آٹے کی فروخت 135کلو تک پہنچ گی ء ہے دوسری جانب سبزیاں فروٹ گھی چینی چکن سمیت ہر چیز مہنگی ہو گی ہے شہریوں کا کہنا ہے کہ تین دن سے یہاں چکر لگا رہے ہیں مگر آٹا نہیں مل رہا شہر میں گندم کی اوپن مارکیٹ مں قیمت 4800سو روپے من تک پہنچ گی ہے شہریوں نے ضلعی انتظامیہ سے مطالبہ کیا ہے کہ حکومت کے مقررہ کردہ سیل پوائنٹس پر آٹے کی ترسیل کو بڑھایا جائے تاکہ شہریوں کی مشکلات کم ہو سکیں

لاہور : تحریک انصاف نے پنجاب اسمبلی کی تحلیل میں مزید تاخیر ہونے کی صورت میں استعفے دینے کا فیصلہ کرلیا۔عمران خان نے صوبائی اور مرکزی لیڈرشپ کو اپنے حتمی فیصلے سے آگاہ کردیا۔ تفصیلات کے مطابق چیئرمین پی ٹی آئی عمران خان سے پارٹی لیڈر شپ کی ملاقات کی اندرونی کہانی سامنے آگئی ہے ۔ ذرائع کا کہنا ہے کے مطابق عمران خان نے صوبائی اور مرکزی لیڈرشپ کو اپنے حتمی فیصلے سے آگاہ کردیا۔ذرائع کے مطابق پنجاب اسمبلی میں اعتماد کے ووٹ یا اسمبلی کی تحلیل میں تاخیر پر عمران نے نئی حکمت عملی بناتے ہوئے کہا ہے کہ اگر اسمبلی کی تحلیل میں تاخیر ہوئی تو ہمارے ارکان استعفے دے کر پنجاب اسمبلی سے باہر آجائیں گے۔عمران خان نے ایک بار پھر ہدایت دیتے ہوئے کہا ہے کہ پارٹی 11 جنوری سے پہلے وزیر اعلیٰ کے اعتماد کے ووٹ کا عمل یقینی بنائے۔پارٹی ارکان اسمبلی میں مزید نہیں رہنا چاہتے اور اگر اسمبلی کی تحلیل میں کوئی رکاوٹ پیدا کی گئی تو پھر ہمارے ایم پی ایز مستعفی ہوجائیں گے۔علاوہ ازیں پی ٹی آئی کی سینئر لیڈرشپ نے عمران خان کو ارکان اسمبلی سے رابطوں کے حوالے سے بھی بریفنگ دی، جس میں انہیں بتایا گیا کہ مزید 2 آزاد ارکان اسمبلی سے حمایت کے لیے بات چیت چل رہی ہے۔ عمران خان نے ہدایت کی کہ پارٹی اعتماد کے ووٹ کا عمل تیزی سے مکمل کرے۔

کراچی : سندھ کابینہ نے بلدیاتی کونسلز کے لیے مخصوص نشستوں کی منظوری دیدی۔سندھ کابینہ کے مطابق یہ مخصوص نشستیں 6 کیٹیگریز کے لیے ہیں جن میں خواتین، نوجوان، مزدور، کسان، غیرمسلم، خصوصی افراد، مزدور اورٹرانسجینڈر شامل ہیں۔اس کے علاوہ کابینہ نے تخفیف غذائیت پروگرام کا کنٹرول پی پی ایچ آئی کو دینے کی بھی منظوری دی ہے، سندھ حکومت نے ایکسلریٹڈ ایکشن پلان کے تحت غذائی ایمرجنسی پروگرام 2016 میں شروع کیا تھا۔محکمہ صحت نے ایکسلریٹڈ ایکشن پلان کے عالمی بینک کے اہداف کو حاصل کیا ہے، اب غذائی قلت پروگرام کے یونٹ کو پی پی ایچ آئی چلائے گی۔

اسلام آباد : اسلام آباد میں تھانہ سبزی منڈی کی حدود میں نوجوان کو نامعلوم مسلح شخص نے گولی مار کر قتل کر دیا ۔ پولیس کے مطابق افسوسناک واقعہ تھانہ تھانہ سبزی منڈی کی حدود میں سی ڈی اے سٹاپ پر پیش آٰٰیا جہاں تقریبا 25 سالہ نا معلوم شخص کو سر پر گولی مار کر قتل کیا گیا ہے ۔ پولیس کا کہنا ہے کہ سکوٹی موٹر سائیکل پر جاتے نوجوان کو سر پر گولی مار کر 125 موٹرسائیکل پر ملزمان فرار ہو گئے۔ جائے وقوعہ سے مشکوک لڑکی کو تحویل میں لیا گیا ہے۔ لڑکی کے مطابق آن لائن گیم کے ذریعے مقتول سے رابطہ ہوا تھا۔ لڑکی نے پولیس کو دیئے گئے ابتدائی بیان میں بتایا کہ مقتول سے 2 موٹرسائیکل سواروں کو تکرار کرتے اور گولی مار کر فرار ہوتے دیکھا۔ پولیس کے مطابق مقتول کی لاش اسپتال منتقل کر دی ہے، پوسٹارٹم کے مطابق مقدمہ درج کیا جاے گا۔ مقتول سے موبائل، پرس یا کوئی شناختی دستاویز برآمد نہیں ہوئی۔

اسلام آباد: ملک بھر میں گزشتہ 24گھنٹوں کے دوران کورونا کے3 2مریض سامنے آگئے ۔ قومی ادارہ صحت ( این آئی ایچ) کے مطابق گزشتہ 24 گھنٹوں میں ملک بھر میں کورونا کے 3 ہزار 910ٹیسٹ کئے گئے جن میں کورونا کے 23مریض رپورٹ ہوئے جبکہ گزشتہ 24 گھنٹوں میں کرونا کے مثبت کیسز کی شرح اعشاریہ 59 فیصد رہی، ملک بھرمیں کورونا وائرس 22مریضوں کی حالت تشویشناک ہے ۔اسلام آباد میں 24 گھنٹوں کے کورونا کے 242ٹیسٹ کئے گئے جس میں اسلام آباد میں کورونا کے 2مریض رپورٹ ہوئے جبکہاسلام آباد میں کورونا وائرس کے مثبت کیسز کی شرح اعشاریہ83فیصد رہی ، اسی طرح گزشتہ 24 گھنٹوں میں لاہور میں کورونا کے 760ٹیسٹ کیے گئے جس میں 24 گھنٹوں کے دوران کورونا کے 6مریض رپورٹ ہوئے جبکہ لاہور میں کورونا وائرس کی شرح اعشاریہ 79فیصد رہی۔

مظفر آباد:راولپنڈی سے آزاد کشمیر جانیوالی مسافر کوچ گھائی میں گرنے سے 8 افراد جاں بحق ہوگئے۔راولپنڈی سے حلقہ کھاوڑہ کی یونین کونسل میرا کلاں جانے والی کوسٹر حادثے کا شکار ہوگئی۔ رحیم کوٹ کے مقام پر پیش آنے والے حادثے میں 8 افراد جاں بحق ہوگئے۔ کوسٹر میں 12 افراد سوار تھے۔حادثے کی اطلاع ملتے ہی مقامی انتظامیہ نے ریکسیو ٹیمیں جائے حادثہ پر روانہ کردیں۔ زخمیوں اور لاشوں کو اسپتال منتقل کردیا گیا۔ اموات کی تعداد میں اضافے کا خدشہ ہے۔

راولپنڈی :لاہور ہائی کورٹ راولپنڈی بنچ کے جسٹس جواد حسن نے تحفظ فاؤنڈیشن غیر سرکاری فلاحی تنظیم کو رجسٹرڈ نہ کرنے کے خلاف دائر پٹیشن پر رجسٹرارجوائنٹ سٹاک کمپنیز کو حکم دیا ہے کہ قانون کے مطابق تحفظ فاؤنڈیشن کی رجسٹریشن کا معاملہ 2 ہفتوں میں حل کیا جائے او ر قواعد پر پورااترنے کی صورت میں تنظیم کو2 ہفتوں میں رجسٹرڈ کیا جائے تحفظ فاؤنڈیشن کے جنرل سیکریٹری شیخ فرحان قیوم نے ملک صالح محمد ایڈووکیٹ کے ذریعے تنظیم کی رجسٹریشن نہ کرنے کے خلاف ہائی کورٹ میں پٹیشن دائر کی تھی پنجاب حکومت کوفریق بناتے ہوئے دائر پٹیشن میں موقف اختیار کیا گیاتھا کہ تحفظ فاؤنڈیشن انسانی حقوق کے تحفظ کی غیر سرکاری این جی او ہے جس نے سال 2019 میں رجسٹریشن کے لئے رجسٹرار جوائنٹ سٹاک کمپنیز راولپنڈی کو درخواست دی لیکن 3 سال کا عرصہ گزرنے کے باوجود تحفظ فاؤنڈیشن کو رجسٹرڈ نہ کیا گیا ہے پٹیشن میں کہا گیا ہے کہ تحفظ فاؤنڈیشن نے گزشتہ 3 سالوں میں شہریوں کے بنیادی حقوق کے تحفظ کے لئے متعدد عملی اقدامات کئے تحفظ فاؤنڈیشن نے کورونا وبا کے دوران مستحق افراد میں راشن اور ماسک وغیرہ تقسیم کئے سیٹلائٹ ٹاؤن راولپنڈی میں بچوں کی دنیا پارک کو مسمار کرنے کے خلاف لاہور ہائیکورٹ راولپنڈی بنچ میں پیٹشن دائر کی کہ بچوں کی دنیا پارک کو بحال کیا جائے کیونکہ پارک بچوں کابنیادی حق ہے علاوہ ازیں راولپنڈی اسلام آباد میں راستوں کی بندش کے خلاف بھی رٹ پٹیشن دائر کیں کیونکہ راستوں کی بندش کی وجہ سے شہریوں کو شدید مشکلات کا سامنا کرنا پڑتا تھاان پیٹشنوں کی وجہ سے طویل عرصہ سے بند شاہراہوں کو بھی کھولا گیا ان تمام عوامی فلاح کے کام کرنے کے باوجود بھی تحفظ فاؤنڈیشن کو رجسٹرڈ نہ کیا جا رہا ہے تحفظ فاؤنڈیشن کی رجسٹریشن نہ ہونے کی وجہ سے عوامی فلاح کے کاموں میں شدید مشکلات کا سامنا کرنا پڑ رہا ہے اس مقصد کے لئے تنظیم کے ذمہ د اران کی جانب سے رجسٹرار جوائنٹ سٹاک کمپنیز راولپنڈی کو جلد رجسٹریشن کے لئے مراسلے بھی جاری کئے گئے لیکن کوئی شنوائی نہ ہوئی گزشتہ روز سماعت کے موقع پررجسٹرار جوائنٹ سٹاک کمپنیز عبد القدوس عدالت میں پیش ہوئے ابتدائی سماعت کے دوران درخواست گزار کے وکیل کے دلائل سننے کے بعد عدالت نے رجسٹرارجوائنٹ سٹاک کمپنیز کو حکم دیا کہ قانون کے مطابق تحفظ فاؤنڈیشن کی رجسٹریشن کا معاملہ 2 ہفتوں میں حل کیا جائے۔

لاہور : پاکستان مسلم لیگ (ن) کے رہنما ارسلان حیات کی جانب سے مریم نواز کو پارٹی کی سینئر نائب صدر اور چیف آرگنائزر کا عہدہ ملنے کی خوشی میں مٹھائی تقسیم کرنے کی تقریب کا اہتمام کیا گیا ۔ اس موقع پر خطاب کرتے ہوئے انہوں نے کہا کہ عمران خان اور ان کے حواری اپنی سیاست چمکانے کیلئے ملک میں خوف و ہراس اور انتشار کی فضاء پیدا کرنے کیلئے دن رات منفی پراپیگنڈا کرنے میں مصروف ہیں ، عمران خان کی حکومت کے پونے چار سالہ دور پر وائٹ پیپر جاری کرنے کا سلسلہ شروع کیا جائے تو ہر گھنٹے بعد ان کی ناکامیوں اور کالے کرتوتوں پر وائٹ پیپر کیلئے مواد میسر آ سکتا ہے ۔ انہوں نے کہا کہ مریم نواز نے پارٹی کی مضبوطی کیلئے بے پناہ کام کیا ہے ، ان کی قیادت میں پارٹی تنظیمیں مزید مضبوط ہوں گی اور تمام کارکنان ان کے شانہ بشانہ چلیں گے۔ انہوں نے کہا کہ عمران خان اپنی مقبولیت کے زعم میں مبتلا ہیں جب نواز شریف واپس آ کر انتخابی مہم کی قیادت کریں گے تو عمران خان کی مصنوعی مقبولیت جھاگ کی طرح بیٹھ جائے گی ۔

لاہور : سینئر صوبائی وزیر میاں اسلم اقبال نے کہا ہے کہ ترقی کرتی ہوئی معیشت کا پہیہ روک کر نا اہلوں کو ملک پر مسلط کر کے ظلم کیا گیا ہے۔اپنے ایک بیان میں سینئر صوبائی وزیر میاں اسلم اقبال کا کہنا تھا کہ اقتدار کے نشے میں پی ڈی ایم کی حکومت کو عوام کی مشکلات دکھائی ہی نہیں دے رہی، امپورٹڈ حکومت مشکل فیصلے کرنے کا مینڈیٹ نہیں رکھتی، عوام کا اعتماد رکھنے والی حکومت ہی مشکل فیصلے کرسکتی ہے۔میاں اسلم اقبال نے کہا کہ معاشی بد حالی نے امپورٹڈ سرکار کی نااہلی ثابت کر دی ہے، شریف اور زرداری خاندان نے ادارے مضبوط نہیں ہونے دیئے، ادارے مضبوط ہوتے تو یہ دونوں خاندان کبھی قومی وسائل نہ لوٹ سکتے، ذاتی مفادات کے لئے بننے والے حکمران اتحاد کا شیرازہ بکھرنے والا ہے۔سینئر صوبائی وزیر کا مزید کہنا تھا کہ 27 کلو میٹرپر مسلط 13 جماعتوں کا اتحاد اسلام آباد میں بھی الیکشن سے بھاگ رہا ہے، عمران خان کی مقبولیت سے خوفزدہ چوروں کا ٹولہ عوام کا سامنا نہیں کرسکتا، انتخابات سے ہی سیاسی استحکام آئے گا اور بے یقینی کا خاتمہ ہوگا۔

اسلام آباد:سپریم کورٹ نے ارشد شریف قتل کیس میں ریمارکس دیئے کہ یہ جے آئی ٹی کیلئے ٹیسٹ کیس ہے ،تحقیقات میں اثر انداز نہیں ہوں گے ،جے آئی ٹی کو مکمل آزادی دے رہے ہیں معاملے کی صاف شفاف تحقیقات ہونی چاہئیں،عدالت صاف شفاف تحقیقات کیلئے بہت سنجیدہ ہے، کیس کی سماعت چیف جسٹس کی سربراہی میں پانچ رکنی بنچ نے کی،ایڈیشنل اٹارنی جنرل عامر رحمان نے جے آئی ٹی کی جانب سے جمع کرائی گئی رپورٹ پر عدالت کو بتایا کہ سپیشل جے آئی ٹی نے 41 لوگوں کے بیانات ریکارڈ کئے ہیں، تحقیقات کینیا، یو اے ای اور پاکستان سمیت تین حصوں پر مشتمل ہے، جے آئی ٹی نے اب انکوائری کیلئے کینیاجانا ہے، پندرہ جنوری سے قبل جے آئی ٹی کنیا اس لئے نہیں جاسکی کیونکہ وہاں چھٹیاں تھیں،جے آئی ٹی پہلے یو اے ای اور وہاں سے کینیا تحقیقات کیلئے جائے گی، چیف جسٹس آف پاکستان نے کہا کہ مقتول کے پاکستان سے ڈیپارچر کی صورتحال کو دیکھنا ہوگا،لگتا ہے حکومت نے باہمی قانونی معاونت کا خط لکھنے میں تاخیر کی،ممکن ہے کہ باہر کوئی زیادہ وقت نہ ملے اس لئے جے آئی ٹی کو یہاں سے اپنا کام مکمل کرکے جانا چاہیے، جے آئی ٹی نے جن 41 لوگوں سے انکوائری کی، کیا وہ پاکستان میں ہیں؟ کیا جے آئی ٹی نے کسی سے ویڈیو لنک کے ذریعہ انکوائری کی ہے؟ارشد شریف کے کچھ ڈیجیٹل آلات ہیں جو ابھی تک نہیں ملے، کیا جے آئی ٹی کو یہ پتہ چلا کہ وہ آلات کدھر ہیں؟ جے آئی ٹی کے سربراہپتہ چلائیں ۔،جسٹس اعجاز الحسن نے اس موقع پر پوچھا ہے کہ کینیا اتھارٹی متعلقہ لوگوں کو پیش کرنے کے لیے تیار ہے،جس پر عدالت کو بتایا گیا کہ وزارت خارجہ کے ذریعے کینیا کے جن لوگوں سے تحقیقات کرنی ہیں ان کے نام دیئے ہیں ،کل ہی یہ خط لکھا گیا ہے،جے آئی ٹی کو وزارت خارجہ کی مکمل مدد حاصل ہے،کینیا کی اتھارٹیز کے ساتھ رابطے میں ہیں۔ جو لوگ باہر ہیں ان سے پہلے کینیا جاکر انکوائری ہوگی، کینیا میں ان لوگوں سے تحقیقات کے بعد انٹرپول سے رابطہ کیا جائیگا،جسٹس اعجازالحسن نے اس موقع پر کہا تین فیز پر مشتمل تحقیقات میں کیا فیز 1 کی تحقیقات مکمل ہوگئی ہیں،جس پر ایڈیشنل اٹارجی جنرل نے بتایا کہ فیز ون کی تحقیقات تقریبا مکمل ہوچکی ہیں، جسٹس محمد علی مظہر نے کہا کیا تحقیقات مکمل ہونے کا کوئی ٹائم فریم ہے، عدالت کو بتایا گیا کہ تحقیقات مکمل ہونے کی ٹائم لائن نہیں دی جاسکتی، جے آئی ٹی پہلے دبئی، پھر کینیا تحقیقات کریگی،جسٹس مظاہر علی نقوی نے پوچھا کیاجے آئی ٹی نے سب کے سیکشن 161کے بیانات ریکارڈ کئے ہیں، جس پر جے آئی ٹی کے سربراہ نے بتایا کہ تمام لوگوں کے بیانات سیکشن 161 کے تحت ریکارڈ کئے گئے ہیں، ایڈیشنل اٹارنی جنرل نے بتایا کہ 41 لوگوں کے بیان سیکشن 161 کے تحت ریکارڈ ہوئے ہیں، جسٹس اعجازالحسن نے پوچھا کیا امکان ہے کہ تحقیقات میں اقوام متحدہ کو شامل کیا جائے،جس پر ایڈیشنل اٹارنی جنرل نے بتایا کہ ضرورت پڑے گی تو یہ آپشن بھی موجود ہے، جسٹس مظہر علی نقوی نے پوچھا وزارت خارجہ کی طرف سے کینیا کی اتھارٹی کو خط گزشتہ روز کیوں لکھا گیا،وزارت خارجہ خط پہلے بھی لکھ سکتی تھی،تحقیقات میں کسی قسم کی مداخلت نہیں کر رہے ہیں،عدالت جے آئی ٹی کو تحقیقات کیلئے آزادی دے رہی ہے،معاملے کی صاف شفاف تحقیقات ہونی چاہئیں،عدالت صاف شفاف تحقیقات کیلئے بہت سنجیدہ ہے۔اس دوران ،ارشد شریف کی اہلیہ روسٹرم پر آگئیں اور عدالت کو بتایا کہ جے آئی ٹی کے دو ارکان ہمارے نامزد ملزمان کے ماتحت ہیں، اس کیس میں دہشت گردی اور قتل کی سازش کی دفعات شامل ہونی چاہیے،جس پر چیف جسٹس نے کہا کہ آپ کو جے آئی ٹی پر بھروسہ رکھنا چاہیے ، ہم یہاں بیٹھے ہیں تمام پہلوئوں کا جائزہ لے رہیں،کسی ریٹائرڈ لوگوں کو جی آئی ٹی میں شامل نہیں کر سکتے،اے ڈی خواجہ ماضی میں آئی جی رہ چکے ہیں، جے آئی ٹی کو کام کرنے دیں اداروں پر ٹرسٹ کریں،بعض اوقات ماتحت بھی بہت کچھ کر جاتے ہیں،جی آئی ٹی نے جو اقدامات اٹھائے وہ 20 دن پہلے اٹھائے جانے چاہئے تھے، امید ہے اب جے آئی ٹی یہ بات ذہن نشین رکھے گی،رپورٹ میں بڑی گہری باتیں ہیں جو یہاں نہیں کر سکتے۔ ، جسٹس جمال مندوخیل نے کہا کہ جے آئی ٹی اس معاملہ کی تحقیقات کر رہی ہے،جے آئی ٹی تمام پہلوؤں سے تحقیقات کرے گی،عدالت عظمی نے اس موقع پرقرار دیا کہ کہ وفاقی حکومت نے جے آئی ٹی کو تحقیقات کیلئے فنڈز فراہم کئے ہیںجبکہ چار دسمبر کو میوچل لیگل اسسٹنس کے خطوط لکھے ہیں،وفاقی حکومت پرامید ہے کہ باہمی قانونی تعاون کے خطوط پر ممالک سے اچھا رسپانس آئے گا،جے آئی ٹی نے ابتک 41 گواہوں کے بیانات ریکارڈ کئے ہیں،اصل ایشو ارشد شریف قتل کی تحقیقات کا تعلق غیر شواہد کا ہے،امید کرتے ہیں جے آئی ٹی معاملے پر اچھی طرح تیار ہو کر تحقیقات کیلئے بیرون ملک جائے گی،بعد ازں عدالت عظمی نے سماعت فروری کے پہلے ہفتے تک کے لئے ملتوی کر دی ہے۔