Category تازہ ترین

کراچی : اداکار محب مرز ا نے ساتھی اداکارہ صنم سعید سے اپنی محبت کا اعتراف کر لیا۔گزشتہ کئی دنوں سے شہ سرخیوں کا حصہ رہنے والے اداکار محب مرزا نے حال ہی میں ایک پوڈکاسٹ میں شرکت کی جہاں انہوں نے دبے لفظوں میں صنم سعید سے اپنی محبت کا اعتراف کرلیا۔میزبان نے محب سے سوال کیا کہ آپ صنم کے بارے میں کیا کہنا چاہیں گے آپ کی ان کے ساتھ کب اور کہاں کہانی شروع ہوئی؟جس پر محب مرزا نے جواب دیا کہ ’صنم کا مطلب ہے جس سے محبت کی جائے اور محب کا مطلب ہے محبت کرنے والا اس سے زیادہ میں اور کچھ نہیں کہوں گا ۔ایک سوال کے جواب میں محب مرزا نے جواب دیا کہ وہ اس بات سے بھی اتفاق کرتے ہیں کہ دوسری بار محبت کرنا آسان نہیں ہے، یہ مشکل ہے لیکن ہر کسی کو اپنے تجربے کی اصلاح کرنے کا اختیار ہے جو اپنے رشتے درست کرنا چاہتا ہو۔ اداکار کا کہنا تھا کی کوئی بھی پیدائشی سمجھدار نہیں ہوتا لیکن ہم اپنے تجربات سے سیکھتے ہیں۔

لاہور:پاکستان اور نیوزی لینڈ کے درمیان ایک روزہ میچوں کی سیریز کے لیے ٹکٹوں کی فروخت شروع ہو گئی۔پاکستان اور نیوزی لینڈ کے درمیان تین ایک روزہ میچوں کی سیریز 9 جنوری سے شروع ہو گی جبکہ دونوں ٹیموں کے درمیان دوسرا میچ 11 جنوری اور آخری ایک روزہ میچ 13 جنوی کو کھیلا جائے گا۔پاکستان کرکٹ بورڈ کی جانب سے جاری اعلامیے میں کہا گیا ہے کہ تین ایک روزہ میچوں کی سیریز کے لیے ٹکٹوں کی آن لائن فروخت شروع کر دی گئی ہے، کراچی میں ہونے والے تین ون ڈے میچز کی ٹکٹ دستیاب ہوں گے۔ون ڈے سیریز کے لیے نیشنل سٹیڈیم کے جنرل انکلوڑرز کے ٹکٹ کی قیمت 250 روپے رکھی گئی ہے جبکہ فرسٹ کلاس انکلوڑرز کے ٹکٹ 500 روپے میں فروخت ہوں گے، پریمیئم ٹکٹس 750اور وی آئی پی انکلوڑرز کے ٹکٹ 1500 میں دستیاب ہوں گے۔پی سی بی اعلامیے کے مطابق شائقین آن لائن (pcb.bookme.pk)سے خرید سکتے ہیں، اس کے علاوہ مقررہ مقامات سے بھی ٹکٹس حاصل کیے جا سکتے ہیں۔ٹکٹس اصغر علی شاہ اسٹیڈیم ناظم آباد، آر جے مال نرد ملینیم شاپنگ مال اور سیکٹر 35 ایف کورنگی چار پر بھی ٹکٹس فروخت کیے جا رہے ہیں۔

کراچی :پاکستان کے خلاف ون ڈے انٹرنیشنل سیریز کھیلنے کے لیے نیوزی لینڈ ٹیم کا اسکواڈ کراچی پہنچ گیا۔ نیوزی لینڈ کرکٹ ٹیم کے 5 کھلاڑی دبئی کے راستے امارات ایئر لائن کی پرواز ای کے 600 سے کراچی پہنچے ہیں، ان کا کراچی ایئر پورٹ پر حکام نے استقبال کیا۔کیوی کھلاڑیوں کو خصوصی حفاظتی انتظامات کے تحت ہوٹل پہنچایا گیا۔نیوزی لینڈ سے ون ڈے سیریز کے لیے پاکستان ٹیم کا اعلان آج متوقع ہے۔شیڈول کے مطابق نیوزی لینڈ اور پاکستان کے مابین ون ڈے سیریز 9 جنوری سے کراچی کے نیشنل اسٹیڈیم میں شروع ہو گی۔

فیصل آباد:تھانہ جھنگ بازار کے علاقہ میں مبینہ پولیس مقابلہ میں دو ڈاکو زخمی حالت میں گرفتار کر لیے، ان کے قبضہ سے چھینی گئی موٹرسائیکل‘ اسلحہ برآمد کر کے ہسپتال منتقل کر دیا‘ دو مسلح ڈاکو تھانہ صدر کے علاقہ سے شہری سے موٹرسائیکل چھین کر فرار ہوئے ڈولفن فورس نے تعاقب کیا تو ڈاکوئوں نے فائرنگ کر دی، جوابی فائرنگ میں گولیاں لگنے سے دو ڈاکو بری طرح زخمی ہو گئے۔

فیصل آباد:معمولی تلخ کلامی پر سکیورٹی گارڈ نے پٹرول ڈالوانے کیلئے آنے والے نوجوان کو گولی مار دی، مضروب کو تشویشناک حالت میں الائیڈ ہسپتال منتقل کر دیا گیا۔ بتایا جاتا ہے کہ بلال نگر کا رہائشی محمد اکرم قریبی پٹرول پمپ پر گاڑی میں پٹرول ڈلوانے گیا تو اس نے گاڑی کھڑی کی تو عملہ نے گاڑی دوسری طرف لانے کو کہا جس پر پٹرول پمپ عملہ اور نوجوان کے مابین تلخ کلامی ہو گئی جس پر وہاں پر موجود سکیورٹی گارڈ نے فائرنگ کر کے مذکورہ نوجوان کو بری طرح لہولہان کر دیا، حملہ آور سکیورٹی گارڈ موقع سے فرار ہو گیا، مضروب کو طبی امداد کی غرض سے الائیڈ ہسپتال پہنچا دیا گیا

فیصل آباد: صنعتی ادار وں کی برآمدات میں کمی کا عمل شروع ہوچکا ہے جس کے اثرات رواں سال کی پہلی سہ ماہی میں نمایاں ہوں گے، پاکستان کی آمدن میں برآمدات اور بیرون ملک مقیم پاکستانیوں کی طرف سے بھیجی جانے والی ترسیلات سر فہرست ہیں جن میں ماہانہ ایک بلین ڈالر تک کی کمی متوقع ہے ۔ انہوں نے موجودہ حالات اُن کے اپنے ادارون کی پیداوار میں تیس فیصدی کمی آ چکی ہے۔ زیادہ تر صنعتی ادارے 60-70فیصد کی استعداد کار پر چل رہے ہیں مگر اصل مسئلہ یہ ہے کہ اگر بجلی اور گیس کی قیمتیں مزید بڑھیں تو پھر کیا ہوگاآن لائن کے مطابق فیصل آباد چیمبر آف کامرس اینڈانڈسٹر ی کے زیراہتمام ایف سی سی آئی کونسل آف ٹیکسٹائلز کا پہلا اجلاس چیئرمین کاشف ضیاء کی زیر صدارت ہوا جس میں فیصل آباد چیمبر آ ف کامرس اینڈانڈسٹری کے صدر ڈاکٹر خرم طارق ، پاکستان ٹیکسٹائل ایکسپورٹرز ایسوسی ایشن کے محمد احمد ، آل پاکستان بیڈ شیٹس اینڈ اپ ہولسٹری مینو فیکچررز ایسوسی ایشن کے عارف احسان ملک، آل پاکستان ٹیکسٹائل پرنٹنگ ملز ایسوسی ایشن کے اصغر قادری ، آل پاکستان ٹیکسٹائل ملز ایسوسی ایشن کے عمران غفور، آل پاکستان کاٹن پاور لومز ایسوسی ایشن کے اعجاز احمد ناگرہ اور عبداللہ قادری نے بھی شرکت کی۔ اجلاس میں ٹیکسٹائل سیکٹر کے اجتماعی مطالبات میں یکسانیت پیدا کرنے کیلئے مضبوط اور توانا آواز اٹھانے پر غور کیا گیا۔ صدر ڈاکٹر خرم طارق نے کہا کہ ٹیکسٹائل کونسل کا مقصد اس شعبہ کے مختلف سیکٹرز میں ہم آہنگی اور یکجہتی پیدا کرنا ہے اور یہ ذمہ داری کاشف ضیاء کو سونپی گئی ہے۔ انہوں نے کہا کہ مختلف سیکٹرز کی اپنی الگ الگ ایسوسی ایشن ہیں جبکہ چیمبر کے پلیٹ فارم پر سب کے مسائل کو لے کر چلنا ایک کٹھن اور مشکل مرحلہ ہے۔ انہوں نے کہا کہ ایک سیکٹر کے مفادات کا دوسرے سیکٹر سے ٹکرائو ہو سکتا ہے اور اسی وجہ سے حکومتی سطح پر ہمارے باہمی اختلافات کی آڑ میں ٹیکسٹائل کے اجتماعی مسائل حل نہیں کئے جاتے۔ انہوں نے کہا کہ ہماری کوشش ہے کہ ہم ان اختلافات کو مقامی طور پر خود طے کر لیں تاکہ قومی سطح پر کی جانے والی کوششوں کو نتیجہ خیز بنایا جا سکے۔ انہوں نے کہا کہ ٹیکسٹائل سے تمام سیکٹرز وابستہ ہیں اِس لئے ہمیں ایسی باتوں سے اجتناب کرنا چاہیے جس سے دوسرے سیکٹرز کو نقصان پہنچتا ہو یا باہمی کشمکش کا اظہارہوتا ہو۔ انہوں نے اجلاس کے شرکاء سے کہا کہ وہ اس بارے میں اپنے اپنے خیالات کا اظہار کریں تاکہ ایک متفقہ لائحہ عمل طے کیا جا سکے۔ ڈاکٹر خرم طارق نے کہا کہ تمام ایسوسی ایشنیں اپنے مطالبات اور اعداد وشمار کے حوالے سے مکمل ہوم ورک کر کے اپنی جامع تجاویز پیش کریں تاکہ اُن کا جائزہ لے کر اجتماعی مطالبات کو حتمی شکل دی جا سکے۔ صدر نے اس تجویز سے اتفاق کیا کہ ممبران اپنے ساتھ دور اندیش اور تخلیقی فکر رکھنے والے ممبران کو بھی لا سکتے ہیں۔ اجلاس میں طے کیا گیا کہ علاقائی تجارت کو فروغ دیا جائے اور اس سلسلہ میں بھارت اور ایران سے تجارت بڑھانے کو ترجیح دی جائے۔ مزید برآں مشرق بعید کے ملکوں سے تجارت بڑھانے کیلئے بھی معاہدے کرنے کی ضرورت ہے۔ اسی طرح مغربی منڈیوں سے فائدہ اٹھانے کیلئے پائیدار مصنوعات کی تیاری پر بھی توجہ دینے کی ضرورت ہے۔ صدر نے ہیلتھ اور سیفٹی کے حوالے سے عالمی اداروں کی حکمت عملی پر تشویش کا اظہار کیا اور کہا کہ اس پر قابو پانے کیلئے ہمیں ریسرچ اینڈ ڈویلپمنٹ پر توجہ دینے کے ساتھ ساتھ جارحانہ خارجہ پالیسی کی ضرورت ہے۔انہوں نے مزید کہا کہ غیر روائتی نئی منڈیوں کی تلاش اور بزنس کے فروغ کیلئے کوششوں کو بھی تیز کرنے کی ضرورت ہے۔ صدر چیمبر نے کہا کہ صنعتوں کا فرض ہے کہ وہ ریسرچ اینڈ ڈویلپمنٹ کے اپنے ادارے قائم کریں کیونکہ پبلک سیکٹر میں ایسے ادارے اپنی افادیت کھو بیٹھتے ہیں۔ انہوں نے مزید کہا کہ جن مسائل پر اس میٹنگ میں گفتگو ہوئی ہے ان کے بارے میں متعلقہ شرکاء اپنی ورکنگ مکمل کر کے آئندہ میٹنگ میں دیں تاکہ اُن پر عمل درآمد کیلئے ضروری اقدامات اٹھائے جا سکیں۔ انہوں نے کہا کہ اس وقت بہت سے اداروں نے اپنی شفٹیں بند کرنے کے باوجود ورکرز کو ایڈجسٹ کر رکھا ہے تاکہ اُن کے گھروں کاچولہا جلتا رہے۔ انہوں نے کہا کہ اگر صورتحال مزید خراب ہوئی اور ادارے بند ہوئے تو بیروزگاری میں اضافے کے ساتھ ساتھ امن وامان کی صورتحال بھی خراب ہو سکتی ہے۔ ڈاکٹر خرم طارق نے کہا کہ وہ پہلے بھی کئی بار واضح طور پر کہ چکے ہیں کہ حکومت ٹیکسٹائل سیکٹر کو کوئی سبسڈی نہیں دے رہی۔ فیسکو کو بجلی پونے آٹھ سینٹ میں پڑ رہی ہے جسے وہ نو سینٹ میں بیچ رہے ہیں جبکہ دوسرے صوبوں میں ہونے والی بجلی چوری کا بوجھ بھی ہم اٹھا رہے ہیں۔انہوں نے کہا کہ اس مسئلے کا حل DISCOsکی نجکاری میں ہے جس پر عمل درآمد تیز کیا جانا چاہیے۔ سینئر نائب صدر ڈاکٹر سجاد ارشد نے کہا کہ درآمدات پر فلڈ ڈیوٹی کے اطلاق کا بھی امکان ہے۔ آل پاکستان ٹیکسٹائل اینڈ پرنٹنگ ملز ایسوسی ایشن کے چیئرمین اصغر قادری نے جنرل سیلز ٹیکس کی شرح کو سنگل ڈیجٹ میں لانے کا مطالبہ کیا اور کہا کہ چین مکمل نہ ہونے کی وجہ سے اُن کے ممبروں کو 17فیصد جی ایس ٹی کے علاوہ تین فیصد Further Taxبھی ادا کرنا پڑ رہا ہے۔ انہوں نے بتایا کہ ٹیکسٹائل پرنٹنگ کے بہت سے ادارے بند جبکہ باقی 50فیصد کی استعداد کار پر چل رہے ہیں۔ انہوں نے ائیر کارگو ٹرمینل اور نئی نہروں کے قیام کی بھی تجویز دی کہ تاکہ ملک میں بیکار اور بنجر زمینوں کو قابل کاشت بنایا جا سکے

لندن : برطانوی شہزادہ ہیری نے انکشاف کیا ہے کہ ان کی اہلیہ میگھن مارکل سے متعلق ہونے والی بات چیت کے دوران ہوئے جھگڑے میں بڑے بھائی شہزادہ ولیم نے ان کا گریبان پکڑا اور مار پیٹ کی۔غیرملکی خبر رساں ادارے کے مطابق اپنی کتاب میں شہزادہ ہیری نے اس حوالے سے تفصیلات لکھی ہیں جو 10 جنوری کو شائع ہوگی۔ کتاب میں واقعے کا ذکر کرتے ہوئے انہوں نے لکھا کہ شہزادہ ولیم نے میگھن مارکل سے متعلق ہونے والی بحث کے دوران مجھ پر حملہ کیا۔شہزادہ ہیری نے شہزاد ہ ولیم نے میگھن مارکل کو مشکل اور بدتمیز کہتے ہوے کہا ہے کہ جھگڑا اس وقت بڑھ گیا جب ولیم نے ہیری کا گریبان پکڑا۔شہزادہ ہیری نے دعویٰ کیا ہے کہ اس جھگڑے کی چوٹ کے نشان ان کی کمر پر آئے۔

اسلام آباد:پاکستان نے کہا ہے کہ بھارت پاکستان اور مقبوضہ کشمیر میں دہشتگردی میں ملوث ہے ،عالمی برادری مقبوضہ جموں و کشمیر میں بھارتی ریاستی مظالم، انسانی حقوق کی خلاف ورزیوں کا نوٹس لے ، امید ہے کہ عالمی برادری جنیوا کانفرنس میں پاکستان کی مدد کرے گی۔ ہفتہ وار میڈیا بریفنگ دیتے ہوئے ترجمان دفتر خارجہ ممتاز زہرا بلوچ نے کہا کہ موسمیاتی تبدیلی پر عالمی کانفرس جنیوا میں 9 جنوری کو ہوگی جس کی صدارت وزیراعظم شہباز شریف اور اقوام متحدہ کے سیکرٹری جنرل انتویوگریس کریںگے،دونوں رہنما مشترکہ پریس کانفرنس سے بھی خطاب کریں گے ،کانفرس میں موسمیاتی تبدیلی اور پاکستان میں سیلاب کی صورتحال پر بحث ہوگی علاوہ ازیں کانفرنس میں عالمی رہنما، عالمی اقتصادی ادارے اور غیرسرکاری تنظیموں کے نمائندے بھی شریک ہوں گے۔ اس موقع پر امید ہے کہ عالمی برادری پاکستان کی مدد کرے گی۔بھارتی وزیر خارجہ کے پاکستان کے خلاف اشتعال انگیز بیانات پر ترجمان نے کہا کہ بھارتی قیادت کے پاکستان مخالف بیانات اور ہرزہ سرائی کی مذمت کرتے ہیں ،بھارت مقبوضہ جموں و کشمیر اور پاکستان میں دہشتگردی میں ملوث ہے،پاکستان اور بھارت نے یکم جنوری کو جوہری ہتھیاروں اور قیدیوں کی فہرستوں کا تبادلہ کیا ۔عالمی برادری مقبوضہ جموں و کشمیر میں بھارتی ریاستی مظالم، انسانی حقوق کی خلاف ورزیوں کا نوٹس لے ،گزشتہ ہفتے چار معصوم کشمیریوں کا بہیمانہ قتل کیا گیابھارت نے گزشتہ برس 57 زیر حراست قتل سمیت 214 کشمیریوں کو شہید کیا،دستیاب معلومات کے مطابق 4 ہزار سے زیادہ کشمیری بھارت، مقبوضہ کشمیر کی جیلوں میں موجود ہیںمسرت عالم بھاٹ، یاسین ملک،آسیہ اندرابی، شبیر شاہ، خرم شاہ جیسے رہنما جعلی مقدمات میں پابند سلاسل ہیںکل جماعتی حریت کانفرنس کے رہنما الطاف احمد شاہ کا دوران حراست بدنام زمانہ تہاڑ جیل میں انتقال ہوا۔گزشتہ سال 2022ء میں بھارت نے کشمیریوں کو مذہبی آزادی سے بھی محروم کر دیا۔ انہوں نے کہا کہپاکستان مقبوضہ کشمیر کے عوام کی حق خود ارادیت کے حصول کی جدوجہد کی اخلاقی و سفارتی حمایت جاری رکھے گاسیلاب زدگان کے تعاون پر پاکستان عالمی برادری کا شکر گزار ہے ،مختلف ممالک نے پاکستان کی دل کھول کر مدد کی نقد آور اشیاء کی شکل میں عالمی برادری نے کلیدی تعاون فراہم کیا پاکستان کے سیلاب زدہ علاقوں کی تعمیرنو کے لئے جنیوا کانفرس منعقد ہوگی امید ہے عالمی برادری پاکستان کی بھرپور مدد کرے گی تعمیر نو پروگرام کئی سالوں پر محیط ہوگا۔ پاک امریکہ تعلقات پر ترجمان محکمہ خارجہ کا کہنا تھا کہ امریکہ کے ساتھ اقتصادی معاملات سمیت اہم امور پر بات چیت جاری رہتی ہے جبکہمعاشی معاملات پر دوست ممالک اور عالمی مالیاتی اداروں سے بھی رابطوں میں ہیںآرمی چیف کا دورہ سعودیہ عرب دوطرفہ تعلقات کو فروغ دینے کی کڑی ہے جب کہ پاکستان اقوام متحدہ کا ذمے دار ملک اور آزاد افغانستان کا حامی ہے، جو ہمسایوں کے ساتھ پرامن تعلقات رکھے۔

واشنگٹن :امریکہ نے کہا ہے کہ پاکستان وہی کرے گا جو اس کے ذاتی مفاد میں ہو گا۔ پاکستانی عوام نے دہشتگرد حملوں سے بھاری نقصان اٹھایا۔ غیر ملکی خبر رساں ادارے کے مطابق واشنگٹن میں پریس کانفرنس سے خطاب کرتے ہوے انہوں نے کہا کہ اپنا دفاع کرنا پاکستان کا حق ہے، پاک افغان سرحد اور افغانستان میں موجود دہشتگرد گروپوں نے پاکستانیوں کی جانیں لیں، پاکستانی عوام نے دہشتگرد حملوں سے بھاری نقصان اٹھایا۔انہوں نے کہا کہ پاکستان اور امریکا کا مشترکہ مفاد ہے کہ طالبان اپنے وعدوں کو پورا کریں۔ انہوں نے کہا طالبان یقینی بنائیں کہ داعش، تحریک طالبان پاکستان اور القاعدہ سے خطے کی سیکورٹی کو خطرہ نہیں۔نیڈ پرائس نے کہا کہ ایمن الظواہری افغانستان میں تھا ہم نے اس کے خلاف کارروائی کی۔ انہوں نے کہا خطرے سے نمٹنے کیلئے یک طرفہ کارروائی کی ضرورت پڑی تو کریں گے۔ پاکستان کس قسم کا ایکشن لے سکتا ہے اس بارے میں رائے نہیں دے سکتے۔ انہوں نے کہا کراس بارڈر تشدد سے بہت جانی نقصان ہوا۔ انہوں نے کہا دہشت گرد گروہ بشمول ٹی ٹی پی کی طرف سے تشددکی مذمت کرتے ہیں

واشنگٹن: امریکہ نے کہا روسی جارحیت کے خلاف یوکرین کی مددکر رہے ہیں اور کرتے رہیں گے۔غیر ملکی خبر رساں ادارے کے مطابق امریکی قومی سلامتی کونسل کے ترجمان جان کربی نے اپنے بیان میں کہا کہ یوکرین اپنے دفاع میں جوابی کارروائی کررہا ہے جب کہ روسی فوجی اڈے پر امریکی ہتھیاروں کے استعمال کا روس کا الزام بے بنیاد ہے۔ انہوں نے کہا کہ روسی جارحیت کے خلاف یوکرین کی مددکر رہے ہیں اور کرتے رہیں گے، یوکرین پرجارحیت روس نے کی اور روس ہی اپنے نقصانات کاذمہ دار ہے۔ انہوں نے میزائل حملے میں ہلاک روسی فوجیوں کی اصل تعداد بتانے سے انکار کردیا۔