Category تازہ ترین

اسلام آباد (ویب ڈیسک) وزیراعظم عمران خان کا کہنا ہے کہ امریکا اور پاکستان کو طالبان کے ساتھ مل کر کام کرنا ہوگا۔وزیراعظم عمران خان نے غیر ملکی جریدے کوانٹرویو دیا ہے جس میں انہوں نے کہا کہ افغانستان میں بنیادی انسانی سہولیات کا فقدان ہے.
عمران خان کا مزید کہنا تھا کہ افغانستان میں امن پاکستان کے مفاد میں ہے، طالبان امن کےلیے امریکہ کے شراکت دار ہوسکتے ہیں، افغانستان میں استحکام اورانسانی بحران کےخاتمے کےلیے مدد دینا ہوگی، پاکستان اورامریکا دونوں افغانستان سےدہشتگردی کاخاتمہ چاہتے ہیں، افغانستان میں دہشتگرد گروپس کو غیرموثرکرنےکےلیے ایک ساتھ ملک رکام کرنا ہوگا۔
انہوں نے مزید کہا کہ خطےمیں امن کےلیےامریکااورعلاقےکی تمام طاقتوں کاتعاون ضروری ہے، طالبان نے سی پیک منصوبوں کا خیر مقدم بھی کیا ہے، تجارت اور ترقیاتی منصوبوں کے امکانات پیدا ہوں گے، سابق حکومتوں کی ناکامیوں سے افغانستان بحران کا شکار ہے جس کی بحالی کیلئے فوری کام کرنا ہوگا۔

اسلام آباد (ویب ڈیسک) ملک بھرمیں بجلی کی پیداواری لاگت میں 60 فیصد تک کا اضافہ ہوا ہے۔تفصیلات کے مطابق گزشتہ ایک سال میں بجلی کی پیداواری لاگت میں تک اضافہ جبکہ ڈیزل،فرنس آئل، کوئلہ، ایل این جی اور گیس پر بجلی کی پیداواری لاگت بھی بڑھ گئی۔ایک سال میں ڈیزل پر بجلی کی پیداواری لاگت 3 روپے19 پیسے فی یونٹ بڑھی۔ ڈیزل سے فی یونٹ کی لاگت 19.43 روپے سے بڑھ کر 22.62 روپے تک پہنچ گئی ۔قدرتی گیس سے گزشتہ سال کی نسبت گزشتہ ماہ 62 پیسے فی یونٹ مہنگی بجلی پیدا کی گئی۔ ایک سال میں ایل این جی سے بجلی کی پیداواری لاگت 6 روپے 42 پیسے فی یونٹ بڑھ گئی۔ ایل این جی سے بجلی کا یونٹ 7.02 روپے سے مہنگا ہو کر 13.44 روپے میں پیدا ہوا.ایران سے درآمدی بجلی کے نرخوں میں بھی 2 روپے 14 پیسے تک اضافہ ہوا۔ خیال رہے کہ اگست 2020 میں ایران سے فی یونٹ 10.21 روپے اب 12.35 روپے میں درآمد کیا۔

کراچی (ویب ڈیسک)کورونا ویکسینیشن کے حوالے سے ایک بڑا انکشاف سامنے آیا ہے.تفصیلات کے مطابق سندھ میں انسداد کورونا کی مختلف اقسام کی 59 ہزار سے زائد خوراکیں ضائع ہونے کا انکشاف سامنے آیا ہے۔محکمہ صحت سندھ کے مطابق سب سے زیادہ سائنو ویک کی 18 ہزار 763 خوراکیں ضائع ہو چکی ہیں جبکہ ایسٹرا زینیکا کی 16 ہزار 754 خوراکیں ضائع ہوئیں، محکمہ صحت کے حکام کے مطابق سائنو فارم کی 14 ہزار 576 خوراکیں جبکہ پاک ویک کی 6 ہزار 768 اور کین سائنو کی 2 ہزار 143 خوراکیں ضائع ہو چکی ہیں۔علاوہ ازیں موڈرنا ویکسین کی 489 اور فائزر کی 38 خوراکیں ضائع ہو چکی ہیں۔ محکمہ صحت کے حکام کے مطابق انسداد کورونا ویکسین ضائع ہونے کی وجوہات کولڈ چین کی عدم فراہمی اور ویکسی نیٹرز کی مس ہینڈلنگ ہے۔ ویکسین گرنے، ویکسین لگاتے وقت متعلقہ شخص کی طبعیت خراب ہونے کے عوامل بھی کورونا ویکسین کے ضائع ہونے کا سبب بنے ہیں ۔

لاہور (ویب ڈیسک)اسٹیٹ بینک آف پاکستان کی جانب سے درآمدی ڈالر ادائیگیوں کی نگرانی پر سختی بڑھا دی گئی ہے.مرکزی بینک کی طرف سے کمرشل بینکوں کو احکامات جاری ہوئےہیں کہ جس میں 5 لاکھ ڈالر سے زائد درآمدی ادائیگی کی تفصیلات اسٹیٹ بینک کو جمع کروانی ہوں گی۔اس سے قبل کمرشل بینک 10 لاکھ ڈالر یا اس سے زائد مالیت کی درآمدی ادائیگی کی تفصیلات مرکزی بینک کو جمع کروانا ضروری تھا۔اس کے علاوہ مرکزی بینک نے بینکوں کو 5 روز میں کی جانے والی درآمدی ادائیگیوں کی تفصیلات جمع کروانے کے بھی احکامات جاری کئے ہیں ۔

کراچی (ویب ڈیسک) قومی کرکٹر عمر اکمل کی ایک ویڈیو سوشل میڈیا پر وائرل ہوئی ہے جس میں انہیں ایک خاتون کے ساتھ بالی وڈ گانے پر ناچتے دیکھا جا سکتا ہے۔تفصیلات کے مطابق سوشل میڈیا پلیٹ فارمز پر عمر اکمل کی ایک ڈانس کی ویڈیو وائرل ہوئی ہے جس میں انھیں ایک خاتون کے ساتھ بالی وڈ کے گانے ’ہایو ربا ہایو ربا‘ پر ہلکا پھلکا رقص کرتے دیکھا جاسکتا ہے۔ویڈیو میں اگرچہ خاتون کا چہرہ نہیں دکھایا گیا مگریہ ویڈیو وائرل ہو گئی ہے.عمر اکمل نے اپنے فینز کی توجہ اپنی جانب مبذول کرالی ہے۔صارفین کی جانب سے عمراکمل کی اس ویڈیو پر مکس ردعمل سامنے آ رہا ہے.

لاہور(ویب ڈیسک )نواز شریف لندن میں موجود ہیں مگر لاہور میں ان کو کورونا ویکسین لگانے کا کیس سامنے آہا ہے جس کے بعس این سی او سی پر انگلی اٹھ گئی ہے.
اس حوالے سے کیس میں پیش رفت ہوئے ہے. نواز شریف کے نام پر کورونا ویکسین کے غلط اندراج کے حوالے سے کوٹ خواجہ سعید اسپتال کے ایم ایس ڈاکٹر احمد ندیم اور غفلت کے باعث سینئر میڈیکل آفیسر ڈاکٹر منیر کو معطل کر دیا گیا ہے علاوہ ازیں محکمہ اسپیشلائزڈ ہیلتھ کیئر نے بھی نوٹیفکیشن جاری کر دیے ہیں .
دوسری جانب چار رکنی تحقیقاتی ٹیم نے اس کیس کی رپورٹ وزیراعلی پنجاب کو پیش کر دی جس میں تہلکہ خیز انکشافات کئے گئے ہیں۔ رپورٹ میں بتایا گیا ہے کہ ہے چار ملازمین نے تسلیم کیا کہ انہوں نے نواز شریف کا کورونا ویکسینیشن کا ڈیٹا رجسٹرڈ کیا ہے۔
تحقیقاتی رپورٹ میں مزید کہا گیا کہ اسپتال انتظامیہ کی طرف سے سنٹر میں کوئی سینئر سٹاف تعینات نہیں لہذٰا ڈیٹا رجسٹرڈ کرنے کا ٹاسک وارڈ سرونٹ اور چوکیدار کو دیا تھا.

لندن (ویب ڈیسک)ماضی کے سینئر اداکارطلعت اقبال امریکا میں وفات پا گئے ، ان کے اہلِ خانہ کی جانب سے اس بات پرتصدیق کر دی گئی ہے.۔اداکار طلعت اقبال کافی عرصے سے امریکا کی ریاست ٹیکساس کے شہر ڈیلس میں اپنے اہلِ خانہ کے ہمراہ مقیم تھے، وہ گزشتہ2 ہفتوں سے اسپتال میں زیرِ علاج تھے۔اہل خانہ کے مطابق طلعت اقبال کی جواں سالہ بیٹی سارہ کے انتقال کے بعد وہ شدید صدمے سے دوچار تھے جس کی وجہ سے ان کو ملٹی پل ہارٹ اٹیک ہوئے اور وہ جانبر نہ ہو سکے اور بے ہوشی کے دوران ہی انتقال کر گئے۔اداکار طلعت اقبال نے 70ء اور 80ء کی دہائی میں کئی ڈراموں اور فلموں میں اپنی اداکاری کے جوہر دکھائے۔مرحوم طلعت اقبال کی نمازِ جنازہ ڈیلس میں واقع مسجد الرحمٰن میں ادا کی جائے گی جس کے بعد انہیں ریسٹ لینڈ قبرستان میں سپردِ خاک کیا جائے گا۔

آسام (ویب ڈیسک)بھارت میں مسلمانوں پر ظلم و ستم کے پہاڑ ٹوٹ پڑے.بھارتی ریاست ملک میں موجود مسلمانوں کو اذیت پہچانے کا کوئی موقع ہاتھ سے جانے نہیں دیتے.اسی سلسلے میں بھارت میں سفاکی کا ایک اور واقعہ پیش آیا ہے. بھارت میں دو مساجد کو شہید اور مسلمانوں کے سیکڑوں گھروں کو مسمار کردیا گیا ہے. تفصیلات کے مطابق ضلع دارنگ میں مسلمانوں کے گھر غیرقانونی قرار دیتے ہوئے پولیس نے لوگوں کو گھروں سے نکال کر تشدد کا نشانہ بنایا۔لوگوں کی مزاحمت پرایک نہتے شخص کو گولی مار کر زخمی کردیا جس کے بعد وہ زخموں کی تاب نہ لاتے ہوئے جان سے ہاتھ دھو بیٹھا.پولیس کی جانب سے لاش کی بیحرمتی بھی کی گئی۔ رپورٹ کے مطابق بے گھر ہونے والے بچے اور عورتیں دریائے برہم پترا کے کنارے بارش میں کھلے آسمان تلے گزر بسر کرنے پر مجبور ہوگئے ہیں ۔

لاہور (ویب ڈیسک)ملک میں کورونا وبا کے وار مسلسل جاری ہیں جس کے باعث اب تک ہزاروں ہلاکتیں ہو چکی ہیں .اب کورونا کے ساتھ ساتھ ڈینگی نے عوام کے لیے مشکلات پیدا کر دی ہیں، پنجاب، سندھ اور خیبر پختو نخوا میں ڈینگی کے وار جاری ہیں۔ذرائع کا اس حوالے سے کہنا ہے کہ پنجاب میں 24 گھنٹوں کے دوران ڈینگی کے 92 کیسز رپورٹ ہوئے ہیں جن میں سے 64 کیسز صرف لاہورکے ہیں ۔دوسری جانب اسلام آباد میں مزید 27 شہری ڈینگی کے وار کا شکار ہوگئے ہیں۔اس کے علاوہ پشاور میں 24 گھنٹوں کے دوران 279 ،سندھ میں اب تک 338 ڈینگی کے کیسز رپورٹ ہوچکے ہیں ،کراچی میں بھی 239 کیسز سامنے آئے ہیں.

لاہور (پ۔ر)یونائیٹڈ جرنلسٹس فورم آف پاکستان کے وفد نے قاسم علی شاہ فاؤنڈیشن میں معروف موٹیویشنر سپیکر سید قاسم علی شاہ سے ملاقات کی۔ چیئرمین یونائیٹڈ جرنلسٹس فورم برہان الدین نےوفدکی قیادت کی۔ سیکرٹری جنرل رضا محمد نے عہدیداروں کا تعارف کرایا، سینئر نائب صدر یونائیٹڈ جرنلسٹس فورم مناظر علی نے قاسم علی شاہ کو فورم کے اغراض و مقاصد سے آگاہ کیا۔ وفد میں وائس چیئرمین احتشام الرحمان،نائب صدر عرفان ریاض،فنانس سیکرٹری محمد احمد خالد، جوائنٹ سیکرٹری عمران علی،ایڈوائزر طاہر امین بھٹی،اینکر پرسن محمد موسیٰ، سید ذیشان الحسن گیلانی،محی الدین،نوید احمد، عمران علی،رضوان احمد سمیت دیگر شامل تھے۔ ملاقات میں مختلف اہم امور پر تبادلہ خیال کیا گیا،قاسم علی شاہ نے فاؤنڈیشن کی خدمات سے آگاہ کیا جسے وفد نے سراہا۔

وفدسے گفتگو کرتے ہوئے سیدقاسم علی شاہ نے کہاکہ اصلاح معاشرہ کے لیے ہم سب کو مل کر اپنا اپنا کردار اداکرنے کی ضرورت ہے،سسٹم ٹھیک کرنے میں وقت لگتاہے یہ صرف ایک دم ٹھیک نہیں‌ہوجاتاہے اور اسے ٹھیک کرنے میں‌ معاشرے کے تمام افراد کو اپنا اپنا حصہ ڈالنا ہوتاہے،کوئی ایک فرد اکیلے اپنی سطح پر تو بہتری لاسکتا ہے مگر جب پورے معاشرے کی بات کی جاتی ہے تو پھراسے بدلنے کے لیے بھی اجتماعی کوشش کی ضرورت ہوتی ہے..

سید برہان الدین،مناظرعلی،رضامحمد،احتشام الرحمان اورطاہرامین بھٹی نے سیدقاسم علی شاہ سے مختلف سوالات بھی کیے اور ان سے پوچھا کہ کامیابی کے لیے کیا کرنا ضروری ہےجس پر موٹیویشنرسپیکرقاسم علی شاہ نے کامیابی کے گر بھی بتائے،انہوں‌نے کہاکہ اس کے لیے محنت کرنے سے قبل اللہ تعالیٰ پر بھروسہ اولین ہے،جب انسان توکل علی اللہ کرکے میدان عمل میں‌قدم رکھتاہے تو پھر کامیابی قدم ضروری چومتی ہے،سیدقاسم علی شاہ نے سینئرصحافیوں کی فاونڈیشن امد پرشکریہ اداکرتے ہوئے کہاکہ وہ جب چاہیں‌ یہاں‌ آئیں،یہاں ہرقسم کی رہنمائی فراہم کرنے کی بھرپورکوشش کی جاتی ہے…