Category تازہ ترین

انٹر بینک مارکیٹ میں ڈالر کی قیمت میں کمی ہوئی ہے جبکہ دوسری جانب سٹاک مارکیٹ میں بھی کاروبار کے آغاز پر اضافہ دیکھنے میں آیا ہے ۔
تفصیلات کے مطابق انٹر بینک مارکیٹ میں کاروبار کے آغاز پر ڈالر کی قیمت میں 14 پیسے کمی ہوئی ہے جس کے بعد ڈالر 159 روپے 17 پیسے پر فروخت ہو رہاہے ۔ سٹاک مارکیٹ میں بھی کاروبار کے آغاز پر بہتر ی دیکھنے میں آئی ہے ، کاروبارشروع ہو تو 100 انڈیکس 46 ہزار 644 پر تھا جس میں کچھ دیر کے بعد تیزی دیکھنے میں آئی اور انڈیکس 46 ہزار 935 پوائنٹس کی سطح پر پہنچ گیا لیکن یہ تیزی برقرار نہ رہ سکی اور انڈیکس نے واپسی کا سفر شروع کر دیا ، اس وقت 100 انڈیسک 66 پوائنٹس کے اضافے کے ساتھ 46 ہزار 711 پوائنٹس پر آ گیاہے ۔

پاکستان کرکٹ ٹیم کے مایہ ناز سابق فاسٹ باﺅلر شعیب اختر نے پاکستان سپر لیگ (پی ایس ایل) کے چھٹے ایڈیشن کے آفیشل گانے پر شدید خفگی کا اظہار کرتے ہوئے کہا ہے کہ اسے سن کر میرے بچے ڈر گئے تھے اور تین دن تو انہوں نے مجھ سے بات ہی نہیں کی۔
تفصیلات کے مطابق شعیب اختر نے پی ایس ایل کے رواں مہینے شیڈول ایڈیشن کے آفیشل گانے پر ناراضگی کا اظہار کرتے ہوئے منتظمین کو سخت تنقید کا نشانہ بنایا ہے۔ ان کا کہنا تھا کہ پی ایس ایل کا گانا اتنا برا بنایا گیا ہے کہ اسے سن کر میرے بچے ڈر گئے تھے، ترانہ سنانے کے بعد میرے بچوں نے تین دن تک مجھ سے بات نہیں کی کہ آپ نے گانا کیوں سنایا، ترانے کی شاعری سمیت ایک بھی چیز ایسی نہیں جس کی تعریف کی جائے۔
انہوں نے ترانہ بنانے والوں کو مخاطب کرتے ہوئے کہا کہ گروو میرا کیا ہوتا ہے، اس کے لفظی معانی تو پتہ کر لیتے، پاکستان کرکٹ بورڈ (پی سی بی) کے سب لوگ نااہل ہیں، ان کو گانا کیوں نہیں بنانا آتا، ڈرامے بازی کیوں کرتے ہو، محمد وسیم اچھا بھلا انسان ہے لیکن اسے جوکر والے کپڑے پہنا دئیے گئے۔
سابق فاسٹ باﺅلر نے پی ایس ایل کے گانے کو ’گندا‘ قرار دیتے ہوئے اس کیخلاف مہم جاری رکھنے کا اعلان کیا اور طنز کرتے اس حوالے سے مقدمہ درج کروانے کا بھی بولا، ان کا کہنا تھا کہ اتنا گھٹیا گانا ہے کہ اس سے بہتر میں خود گا سکتا ہوں۔

نیپرا نے بجلی کی قیمت میں ایک روپے 53 پیسے فی یونٹ اضافے کی منظوری دیدی، نیپرا نے دسمبر کے ماہانہ فیول چارجز ایڈجسٹمنٹ کی مد میں بجلی کی قیمت میں اضافہ کیا۔
نجی ٹی وی 92 نیوز کے مطابق سی بی بی اے جی نے ایک روپے 80 پیسے فی یونٹ اضافے کی درخواست کی تھی، اتھارٹی نے 27 جنوری 2021 کوایف سی اے پر عوامی سماعت کی تھی۔
نوٹیفکیشن کے مطابق اس کا اطلاع صرف فروری کے مہینے کے بلوں پر ہوگا،اس کااطلاق ڈسکوز کے تمام صارفین ماسوائے لائف لائن صارفین پر ہوگا،فیول پرائس ایڈجسٹمنٹ کا اطلاق کے الیکٹرک صارفین پر بھی نہیں ہوگا۔

بین الاقوامی شہرت رکھنے والی بھارتی اداکارہ پریانکا چوپڑا نے اپنی کتاب ’ ان فنشڈ ‘ میں کئی رازوں سے پردہ اٹھایا ہے اور ساتھ ہی ایک دلچسپ واقعہ بھی بیان کیاہے کہ وہ دسویں جماعت کی طالبعلم تھیں تو اس وقت اپنے بوائے فرینڈ کے ہمراہ گھر میں پکڑی گئی تھیں ۔
انڈین ایکسپریس کی رپورٹ کے مطابق کے مطابق پریانکا چوپڑانے اپنی کتاب میں واقعہ بیان کرتے ہوئے لکھاکہ میں اپنی آنٹی کے ساتھ امریکی ریاست انڈیانا میں رہتی تھی اور سکول میں میری ملاقات ’ بوب ‘ نامی لڑکے سے ہوئی ، جس کے حس مزاح کے باعث وہ اس کی مداح بن گئی تھیں ، بوب نے مجھے اپنی ایک سونے کی چین بھی تحفے میں دی تھی جبکہ میں ان سے محبت بھی کر بیٹھی تھی ، ہم دونوں نے سوچ لیا تھا کہ ہم شادی بھی کریں گے ۔
پریانکا اپنی کتاب میں لکھتی ہیں ایک روز بوب اور میں گھر پر ٹی وی دیکھ رہے تھے کہ اتنے میں مجھے احساس ہوا جیسے کوئی گھر میں داخل ہوا ہے ، وہ دراصل میری آنٹی ہی تھیں تو میں اس وقت پریشان ہو گئی اور میں نے بوب کو الماری میں چھپا دیا ، یہ وقت آنٹی کے گھر آنے کا نہیں تھا لیکن جب وہ آئیں تو غصے میں بھی تھیں اور سیدھی الماری کی جانب بڑھیں ، میں نے ایسا محسوس کروایا جیسے میں بیٹھی پڑھ رہی تھی ۔
آنٹی نے کمرے میں آتے ہی الماری کھولی تو سامنے بوب موجود تھا ، مجھے اس وقت بہت خوف آیا کیونکہ میں نے آنٹی کو کبھی اتنے غصے میں نہیں دیکھا تھا ۔اداکارہ نے کہا کہ ٓنٹی نے فوراً میری والدہ کو فون کیا اور کہا کہ انہیں یقین نہیں آرہا کہ پریانکا نے ان سے جھوٹ بولا اور اس کی الماری میں لڑکا تھا۔

جنوبی افریقہ ٹی 20 ٹیم کے کپتان ہینری کلاسن نے ’بی ٹیم‘ کا تاثر مسترد کرتے ہوئے کہا ہے کہ ہم سب ملک کی نمائندگی کیئے منتخب ہوئے ہیں اور پاکستان کیخلاف اچھی کرکٹ کھیلتے ہوئے ٹی 20سیریز جیتنے کیلئے پرعزم ہیں۔
تفصیلات کے مطابق پاکستان سے ٹیسٹ سیریز ختم ہونے کے بعد کوینٹن ڈی کوک، ریسی وینڈر ڈوسن، کاگیسو ربادا، لونگی نگیڈی اور اینرچ نورکیا جیسے ٹاپ سٹارز جنوبی افریقہ واپس روانہ ہو چکے ہیں، اس کے باوجود نو آموز کپتان ہینری کلاسن نے ٹی 20سیریز کیلئے منتخب ٹیم کو ’بی کیٹیگری‘ کی قرار دینے کا تاثر مسترد کردیا ہے جن کا کہنا ہے کہ چند کھلاڑی سکواڈ کا حصہ نہیں کیونکہ کورونا وائرس کی وجہ سے پیدا ہونے والی صورتحال میں ان کو آرام کا موقع دینا بھی ضروری ہے لیکن اس کا قطعی طور پر یہ مطلب نہیں کہ دوسرے درجے کی ٹیم میدان میں اترے گی۔
انہوں نے کہا کہ ٹاپ سٹارز کی عدم موجودگی میں یہ نوجوان کرکٹرز کیلئے صلاحیتیں منوانے کا بہترین موقع ہے، ان میں سے بیشتر گزشتہ 2 سال میں مختلف پلیٹ فارمز پر اچھی کرکٹ کھیلتے آئے ہیں، ہم سب اپنے ملک کی نمائندگی کررہے ہیں، صلاحیتوں کا بہترین استعمال کرتے ہوئے سیریز جیتنے کی پوری کوشش کریں گے۔
ان کا کہنا تھا کہ لاہور میں اچھی تیاری کرنے کی کوشش کی ہے، سینئر بیٹسمین ڈیوڈ ملر نوجوان کرکٹرز کی رہنمائی کررہے ہیں اور اس سے ان کے اعتماد میں اضافہ بھی ہوا ہے، حالیہ سیزن میں صرف 4میچز کھیل پانے پر خاصی مایوسی ہوئی،اب ٹریننگ سے مختلف کنڈیشنز سے ہم آہنگ ہونے میں مدد ملی ہے، ہم میزبان ٹیم کا مقابلہ کرنے کیلئے تیار ہیں۔

دبئی میں کورونا وائرس کے خدشات کے باوجود پارٹی کا انعقاد کرنے والے شخص کو تیرہ ہزار ڈالر جرمانہ کر دیا گیا۔

تفصیلات کے مطابق متحدہ عرب امارات میں کوروان وائرس کی احتیاطی تدابیر کو نظر انداز کرتے ہوئے شہری نے گھر میں پارٹی رکھ لی جس میں لوگوں نے بھر پور شکرت کی لیکن یہ اطلاع پولیس کو مل گئی اور پھر میزبان پر 13 ہزار ڈالر جبکہ شرکاءپر فی کس 4 ہزار ڈالر جرمانہ عائد کر دای گیا ، پولیس نے تمام افراد کو حراست میں لے لیا اور جرمانے کی ادائیگی کے بعد جانے کی اجازت دیدی گئی ۔

سابق سیکرٹری الیکشن کمیشن کنور دلشاد کاکہنا ہے کہ سپریم کورٹ گہری نظر سے صدارتی آرڈیننس کو دیکھ رہی ہے،سپریم کورٹ کا فیصلہ بہت اہم ہوگا۔
نجی ٹی وی سے گفتگو کرتے ہوئے کنور دلشاد نے کہاکہ الیکشن کمیشن ان کیخلاف کارروائی کر سکتا ہے، ان کی سینٹرشپ بھی کالعدم قرار دی جا سکتی ہے۔
انہوں نے کہاکہ میڈیا ٹرائل کے بجائے ان کیخلاف الیکشن کمیشن کو ریفرنس بھجوایا جائے،چیئرمین سینیٹ کے ذریعے بھی الیکشن کمیشن کو ریفرنس بھجوایا جا سکتا ہے،آئین کے تحت بھی ان لوگوں کیخلاف ریفرنس دائر کرایاجاسکتا ہے، الیکشن کمیشن کو براہ راست بھی ریفرنس جا سکتا ہے،یہ بڑا سنجیدہ مسئلہ ہے۔
سابق سیکرٹری الیکشن کمیشن نے کہاکہ حکومت نے ثبوت پیش کردیئے تو ان کی نشست کالعدم قرار دی جاسکتی ہے،ان کیخلاف پکڑ دھکڑ ہو سکتی ہے الیکشن کمیشن کے پاس اختیارات ہیں۔

سعودی عرب کے ولی عہد شہزادہ محمد بن سلمان نے عدلیہ میں اصلاحات اور قانون سازی کا ماحول بہتر بنانے کے لیے چار نئے قوانین متعارف کرانے کا اعلان کیا ہے. ایک سرکاری اعلامیے کے مطابق ولی عہد شہزادہ محمد نے کہا ہے کہ عدلیہ میں اصلاحات کے لیے نئے قواعد وضوابط اسی سال جاری کیے جائیں گے،ان سے حقوق کے تحفظ اور عدل کے اصولوں اور شفافیت کو مضبوط بنانے میں مدد ملے گی.
عرب نشریاتی ادارے کے مطابق سعودی ولی عہد نے کہا کہ پہلے واضح قانون سازی نہ ہونے کی وجہ سے قانونی تصریحات میں بہت فرق پایا جاتا ہے انہوں نے اس فرق کو دور کرنے کی غرض ہی سے عدلیہ میں نئی اصلاحات کا اعلان کیا ہے.
انہوں نے کہاکہ گذشتہ چند سال کے دوران میں قانون سازی کا ماحول بہتر بنانے کے لیے سنجیدہ اقدامات کیے گئے ہیںان کے تحت نئے قوانین اختیار کیے گئے ہیں اور موجودہ قوانین میں اصلاحات کی گئی ہیں.
سرکاری بیان کے مطابق ولی عہد نے کہا کہ ان قانونی اصلاحات کا مقصد انسانی حقوق کا تحفظ نیزجامع اور پائیدار ترقی کا حصول ہے اس سے سعودی عرب کی عالمی سطح پرمسابقت کی صلاحیت کو تقویت ملے گی کیونکہ ادارہ جاتی طریق کار کو معروضی اور واضح بنایا جائے گا. شہزادہ محمد بن سلمان نے اپنے اعلان میں کہا ہے کہ شخصی حیثیت سے متعلق قانون کو حتمی شکل دی جارہی ہے یہ ان چار مجوزہ قوانین میں سے ایک ہے جنہیں متعلقہ ادارے تیار کررہے ہیں.
انہوں نے واضح کیا ہے کہ ان مجوزہ قوانین کو قانونی عمل کے عین مطابق مزید غوراورجائزے کے لیے وزارتی کونسل اور متعلقہ اداروں کو بھیجا جائے گاپھر انہیں مزید غور اور منظوری کے لیے شوریٰ کونسل میں پیش کیا جائے گا منظوری کے تمام عمل سے گزرنے کے بعد ان قوانین کومملکت میں نافذ کردیا جائے گا. ماہرین کا کہنا ہے کہ ممکنہ طور پر سعودی عرب عالمی دباﺅ سے نکلنے کے لیے اسلامی سزاﺅں کو بتدریج ختم کرنے کے لیے قانون سازی کرنے جارہا ہے جس کی حالیہ مثال4افراد کی سزائے موت کو 10سال کی قید میں تبدیل کرنا ہے انسانی حقوق کے معاملے پر ریاض کو عالمی طاقتوں کی بلیک میلنگ کا سامنا کرنا پڑتا ہے اور یہ اس سے بچنے کا اقدام ہوسکتا ہے.

ملک بھر میں سینیٹ انتخابات کی تیاریاں جاری ہیں جس کے لیے سیاسی جماعتیں جوڑ توڑ کرنے کے ساتھ ساتھ اپنے اپنے اُمیدواروں کی فہرستوں کو بھی حتمی شکل دے رہی ہیں۔ اس حوالے سے خبر رساں ادارے کی رپورٹ میں حکومتی جماعت کو پیش آنے والے نئے خدشات کا تذکرہ بھی کیا گیا۔ خبر رساں ادارے کی رپورٹ کے مطابق سینیٹ انتخابات کے بعد پاکستان پاکستان تحریک انصاف اگرچہ 28 نشستوں کے ساتھ سینیٹ کی سب سے بڑی جماعت بن کر ابھرتی نظر آ رہی ہے تاہم 100 ارکان پر مشتمل ایوان بالا میں اکثریت کے لیے یہ کافی نہیں ہوگا اور حکمران جماعت کو بلوں کی منظوری میں سخت مزاحمت کا سامنا ہو سکتا ہے۔
نجی ٹی وی کے مطابق سینیٹ کے52 ارکان اپنی 6 سالہ مدت پوری کرنے کے بعد 11 مارچ کو ریٹائر ہو جائیں گے جس کے بعد 48 نشستوں پر انتخابات ہوں گے۔
ایوان بالا میں اس وقت 104 ممبران ہیں تاہم فاٹا انضمام کے بعد ان کی مخصوص نشستوں پر4 سینیٹرز ریٹائر ہو جائیں گے۔ 28 سیٹوں کے باوجود پی ٹی آئی کو سینیٹ کا مکمل کنٹرول حاصل نہیں ہوگا۔ توقع کی جارہی ہے کہ 19 نشستوں کے ساتھ پاکستان پیپلز پارٹی دوسری بڑی پارٹی بنے گی جبکہ ن لیگ 17 سیٹیں حاصل کر سکے گی۔

اس کا مطلب یہ ہے کہ پی ٹی آئی کے دو مضبوط سیاسی مخالفین حکمران جماعت کا مقابلہ کریں گے۔ پی ٹی آئی کی اتحادی جماعت بلوچستان عوامی پارٹی کی عددی قوت 13نشستوں تک پہنچ سکتی ہے۔ رپورٹ کے مطابق اس سے سینیٹ میں نمبرگیم برابر ہونے کا امکان ہے تاہم یہ مؤخر الذکر کو اپنا چیئرمین سینیٹ لانے سے روکیں گے اور پاکستان تحریک انصاف کو سادہ قانون سازی کے لیے بھی اپنے حلیفوں اور حزب اختلاف کو راضی کرنا پڑے گا۔
پی ٹی آئی کے اس وقت14 سینیٹرز ہیں جن میں سے 7ریٹائر ہوجائیں گے، اسے خیبرپختونخوا سے 10، پنجاب سے6، سندھ اور اسلام آباد سے 2,2 اور بلوچستان سے ایک سیٹ ملنے کی امید ہے، یوں21سیٹوں پر اسکی کامیابی کا امکان ہے، پیپلزپارٹی کے8سینیٹرز ریٹائر ہو رہے ہیں جبکہ اسے6 سیٹوں پر کامیابی کی امید ہے، پیپلزپارٹی کو تمام سیٹیں سندھ سے حاصل ہوں گی تاہم اس کی نشستیں21سے کم ہوکر19رہ جائیں گی اور وہ سینیٹ میں اپوزیشن کی سب سے بڑی جماعت بن جائیگی۔
رپورٹ کے مطابق سینیٹ انتخابات میں سب سے زیادہ دھچکا ن لیگ کو پہنچے گا، اس کے29 میں سے 17 سینیٹرز جن کاتعلق پنجاب سے ہے، ریٹائر ہو رہے ہیں، اسے صرف پنجاب اسمبلی سے 5سیٹیں مل سکتی ہیں جس کے بعد اسکے ارکان کی تعداد17 تک پہنچ سکتی ہے، یوں وہ اپوزیشن کی سب سے بڑی پارٹی کے اعزاز سے محروم ہو جائے گی۔ جے یو آئی کے بلوچستان اور کے پی کے سے دو سینیٹرز ریٹائر ہو رہے ہیں تاہم اسے آئندہ انتخابات میں کل 3 نشستیں ملنے کا امکان ہے۔

آرمی چیف جنرل قمر جاوید باجوہ نے کھاریاں گیریژن کا دورہ کیا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف نے دورے کے موقع پر سینٹرل کمانڈ کے زیر اہتمام جاری وار گیمز کا جائزہ لیا۔
آئی ایس پی آر نے بتایا کہ آرمی چیف جنرل قمر جاوید باجوہ نے چیلنجز سے نمٹنے کیلئے فوجی منصوبہ سازوں کی تخلیقی صلاحیتوں کو سراہتے ہوئے فوجی افسران کی پیشہ وارانہ صلاحتیوں اور آپریشنل تیاریوں کی تعریف کی۔
آرمی چیف نے روایتی اور غیر روایتی خطرات میں مادر وطن کے دفاع کیلئے افسران کے عزم اور بلند جذبے کو سراہا۔