Category تازہ ترین

انگلینڈ کرکٹ ٹیم کے کپتان جو روٹ کیرئیر کے 100 ویں ٹیسٹ میچ کے دوران ڈبل سنچری بنانے والے دنیا کے پہلے بلے باز بن گئے ہیں اور پاکستان کے لیجنڈ بلے باز انضمام الحق کا ریکارڈ بھی توڑ دیاہے۔
تفصیلات کے مطابق انگلینڈ اور بھارت کے درمیان چدم برم سٹیڈیم چنائی میں ٹیسٹ میچ جاری ہے اور یہ جو روٹ کے کیرئیر کا 100 واں ٹیسٹ میچ ہے جس میں وہ انتہائی عمدہ کارکردگی کا مظاہرہ کرتے ہوئے ڈبل سنچری مکمل کرنے والے دنیا کے پہلے بلے باز بن گئے ہیں۔
30 سالہ جو روٹ نے 2012ءمیں انگلینڈ کی جانب سے اپنے کیرئیر کا آغاز کیا تھا اور اب تک وہ بطور کپتان تین مرتبہ ڈبل سنچری بنا چکے ہیں اس کے علاوہ انہوں نے 100 ویں ٹیسٹ میچ میں سنچری بنا کر دنیا کا نوواں بلے باز ہونے کا اعزاز بھی اپنے نام کیا ہے۔
پاکستان کرکٹ ٹیم کے مایہ ناز سابق کپتان اور لیجنڈ بلے باز انضمام الحق نے اس سے قبل اپنے کیرئیر کے 100 ویں ٹیسٹ میچ میں 184 رنز بنائے تھے جبکہ آسٹریلیا کے سابق کپتان رکی پونٹنگ دنیا کے واحد کھلاڑی ہیں جنہوں نے اپنے 100 ویں ٹیسٹ میچ کی دونوں اننگز میں سنچری سکور کر رکھی ہے۔

بالی وڈ کی معروف اداکارہ سشمیتا سین کے بوائے فرینڈ ماڈل روحمان شال نے شادی سے متعلق خاموشی توڑ دی ہے ۔
بھارتی میڈیا سے گفتگو کرتے ہوئے روحمان شال نے کہا کہ ان کی گرل فرینڈ سشمیتا سین، ان کی بیٹیاں رینی اور علیسا پہلے ہی ایک فیملی کی طرح ہیں، کبھی میں ان کے بچوں کے لیے والد اور کبھی ان کے دوستوں کی طرح ہوتا ہوں۔ماڈل روحمان نے بتایا کہ ہم ایک عام فیملی کی طرح جیتے ہیں لہٰذا ہم ایسے سوالوں پر غور نہیں کرتے کہ آپ شادی کب کر رہے ہو۔ان کا کہنا تھا کہ ہم جب بھی شادی کریں گے اسے چھپائیں گے نہیں، فی الحال ہم سشمیتا کی ویب سیریز کی کامیابی کو منا رہے ہیں۔سشمیتا کے حوالے سے روحمان کا کہنا تھا سشمیتا نے شہرت کے بارے میں ان کے تاثرات کو بدل دیا ہے، سشمیتا سے ملنے کے بعد میری زندگی کی تمام تر چیزیں تبدیل ہو گئی ہیں۔خیال رہے کہ بھارتی اداکارہ سشمیتا سین کو آخری مرتبہ ڈزنی پلس ہاٹ اسٹار کی سیریز آریا میں دیکھا گیا تھا جب کہ حال ہی میں ان کی بیٹی رینی نے بھی مختصر فلم ‘سٹاباز’ کے ذریعے ڈیبیو کیا ہے۔

دنیا بھر میں کورونا کیسز کی تعداد 10 کروڑ 49 لاکھ 4 ہزار سے بڑھ گئی ہے اور 22 لاکھ 78 ہزار 471 افراد جان کی بازی ہار گئے ہیں۔
دنیا میں کورونا کے 7 کروڑ 66 لاکھ 32 ہزار سے زائد مریض صحتیاب ہوچکے اور 2 کروڑ 58 لاکھ 49 ہزار سے زائد زیر علاج ہیں۔
امریکہ میں کورونا کی صورتحال سب سے خوفناک ہے جہاں 4 لاکھ 61 ہزار 930 اموات ہوچکی ہیں اور 2 کروڑ 71 لاکھ 50 ہزار سے زائد افراد متاثر ہیں۔بھارت کورونا کیسز کے اعتبار سے دنیا میں دوسرے نمبر پر ہے جہاں اموات کی تعداد ایک لاکھ 54 ہزار 742 اور ایک کروڑ 7 لاکھ 91 ہزار سے زائد افراد میں وائرس کی تشخیص ہو چکی ہے۔
برازیل میں کورونا سے ہونے والی اموات کی مجموعی تعداد 2 لاکھ 27 ہزار 563 اور 93 لاکھ 39 پزار سے زائد افراد متاثر ہیں۔روس میں 39 لاکھ ایک ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد 74 ہزار 684 ہے۔برطانیہ میں 38 لاکھ 71 ہزار سے زائد افراد متاثر ہیں اور ایک لاکھ 9 ہزار 335 اموات ہوچکی ہیں۔ فرانس میں 32 لاکھ 51 ہزار سے زائد افراد متاثر اور 77 ہزار 595 جان کی بازی ہار چکے ہیں۔
سپین میں 29 لاکھ 13 ہزار سے زائد افراد متاثر اور 60 ہزار 370 اموات ہوئی ہیں۔ اٹلی میں بھی 25 لاکھ 83 ہزار افراد متاثر ہیں جبکہ 89 ہزار 820 افراد ہلاک ہوچکے ہیں۔

ترک ڈرامے ارطغرل میں ’ حلیمہ سلطان ‘ کا مرکزی کردار نبھانے والی اداکارہ اسرا بیلجک کو پاکستان میں بھی بے حد پسند کیا جاتاہے اور بڑی تعداد میں ان کے مداح یہاں بھی موجود ہیں لیکن انسٹا گرام پر جب مداح ان کی نہایت بے باک تصاویر دیکھتے ہیں تو ان میں حلیمہ سلطان کو تلاش کرنے کی کوشش کرتے ہیں اورساتھ تنقید کا نشانہ بھی بناتے ہیں ۔
اسراءبیلجک کا آج کل ترکی میں کرائم ڈرامہ ” رامو “ چل رہاہے جس میں وہ مرکزی کردار نبھا رہی ہیں، اس ڈرامے میں ان کے ساتھ اداکار ” مراد یلدرم “ ڈرامے کے ہیرو کے طور پرکام کر رہے ہیں ،اداکارہ ڈرامے کے متعدد شارٹ کلپس اپنے انسٹا گرام پر جاری کرتی رہتی ہیں اور مداحوں کو آگاہ رکھتی ہیں تاہم اب ان کا ایک کلپ سوشل میڈیا پر تیزی کے ساتھ وائرل ہو رہاہے ۔
سپین کورونا کے پھیلاو کو روکنے کے لیے پابندیوں میں 15فروری تک توسیع
سوشل میڈیا پر وائر ل ہونے والے ویڈیو کلپ میں اسراءبیلجک گاڑی میں مراد کے ہمراہ سفر کر رہی ہیں اورآپس میں باتیں کرتے ہوئے وہ بہت زیادہ خوشی ظاہر کرتی ہیں اور اسی دوران ہیرو کے چہرے پر بوسے لیتی ہیں ۔

سیدو شریف کے علاقے میں پولیس کی جانب سے چوری کے الزام میں گرفتار 3 خواتین کو تشدد کا نشانہ بنانے کی ویڈیو سوشل میڈیا پر وائرل ہو گئی ہے ، ویڈیو وسامنے آنے کے بعد ایس ایچ او اور دیگر اہلکاروں کو معطل کر دیا گیاہے ۔
تفصیلات کے مطابق پولیس کے مطابق گرفتار خواتین کا تعلق بنوں سے ہے اور وہ سوات میں مبینہ طور پر چوری کی وارداتوں میں مطلوب تھیں، گرفتار خواتین سے 19 تولہ سونا اور ایک لاکھ روپے بھی برآمد کیے گئے۔خواتین کو مقدمے کے اندراج کے بعد جوڈیشل ریمانڈ پر جیل بھیج دیا گیا ہے۔تاہم گرفتاری کے وقت پولیس کی خواتین پر تشدد کرنے اور ان کو گالیاں دینے کی ویڈیو منظر عام پر آئی ہے۔
ویڈیو میں دیکھا جاسکتا ہے کہ سادہ اور وردی میں ملبوس پولیس اہلکار گرفتار خواتین کو تشدد کا نشانہ بناتے ہیں اور انہیں تھپڑاور لاتیں بھی مارتے ہیں۔ واقعہ کی ویڈیو سامنے آنے کے بعد ڈی پی او دلاور خان بنگش نے ایس ایچ او سیدو شریف پولیس سٹیشن رفیع اللہ ، ایڈیشنل ایس ایچ او کوکرائی پولیس سٹیشن سب انسپکٹر ایاز ، کانسٹیبل فضل خالق ، محمد عالم ، اسحاق کو معطل کرتے ہوئے فوری طور پر انہیں گرفتار کر نے کا حکم جاری کر دیا ۔تمام اہلکاروں کے خلاف دفعہ 63 کے تحت مقدمہ درج کر لیا گیاہے اور ایس پی انوسیٹی گیشن نظیر خان کو انکوائری کی ذمہ داری سونپ دی گئی ہے ، ایس پی سے چوبیس گھنٹوں میں رپورٹ بھی طلب کر لی گئی ہے ۔

رواں سال برطانیہ میں ہونے والی ’دی ہنڈرڈز‘ کیلئے برمنگھم فینکس ٹیم نے پاکستان کے فاسٹ باؤلر شاہین شاہ آفریدی کو برقرار رکھنے کا فیصلہ کیا ہے۔

تفصیلات کے مطابق دی ہنڈرڈز کرکٹ ٹورنامنٹ گزشتہ برس ہونا تھا جس کیلئے پلیئرز ڈرافٹ 2019ءمیں ہوا تھا اور اس میں مختلف ٹیموں نے پاکستان کے محمد عامر، شاہین شاہ آفریدی اور شاداب خان کو پک کیا تھا تاہم کورونا کی وجہ سے یہ ٹورنامنٹ گزشتہ سال میں نہیں ہوسکا تھا۔

اب رواں سال ہونے والے ایڈیشن کیلئے مختلف ٹیموں نے اکثر کھلاڑیوں کو ری ٹین کیا ہے اور ری ٹینشن کے آخری روز ٹیم برمنگھم نے پاکستان کے شاہین شاہ آفریدی کو سکواڈ میں برقرار رکھنے کا اعلان کیا جبکہ اس سے قبل لندن سپرٹ نے پاکستان کے محمد عامر کو سکواڈ میں ری ٹین کیا تھا۔

گزشتہ برس سدرن بریو کیلئے پک ہونے والے شاداب خان کو ری ٹین نہیں کیا گیا جبکہ اگلے مرحلے میں ٹیمیں دستیاب سلاٹس کیلئے ڈرافٹ سے کھلاڑیوں کا انتخاب کریں گی۔

کرکٹ کے مختصر ترین فارمیٹ ٹی 10 لیگ میں قلندرز کا فاتحانہ مارچ جاری ہے جس نے مراٹھا عریبینز کو 4 وکٹ سے شکست دے کر ٹورنامنٹ میں کر لگاتار چوتھی فتح سمیٹ لی ہے۔

تفصیلات کے مطابق ٹورنامنٹ میں قلندرز کی تیسری فتح میں کپتان سہیل اختر نے کلیدی کردار ادا کیا تھا جبکہ چوتھی فتح میں سہیل تنویر نے اہم ذمہ داری ادا کی ۔ مراٹھا عریبینز نے پہلے بیٹنگ کرتے ہوئے پانچ وکٹوں کے نقصان پر 101 رنزبنائے، محمد حفیظ 44 اور شعیب ملک 23 رنز کے ساتھ نمایاں رہے جبکہ سہیل تنویر نے 3 وکٹیں لیں۔قلندرز نے 102 رنز کا ہدف 11 گیندیں قبل ہی چھ وکٹ پر حاصل کر کے ٹورنامنٹ کی چوتھی فتح سمیٹی۔ بین ڈنک نے ناقابل شکست 26 رنز بنائے جبکہ شرجیل خان 28اور سہیل اختر 26 رنز کے ساتھ نمایاں رہے، شاہد آفریدی دو رنز بنا سکے جبکہ شعیب ملک نے ایک وکٹ لی۔
دوسرے میچ میں دہلی بلز نے پونے ڈیولز کو 8 وکٹ سے مات دی، مین آف دی میچ علی خان نے تین اور عماد بٹ نے دو وکٹیں حاصل کیں، پونے کے محمد عامر نے ایک کھلاڑی کو آﺅٹ کیا۔

سابق صدر آصف علی زرداری اور سابق وزیراعظم شہید بینظیر بھٹو کی نوبیاہتا بیٹی بختاور بھٹو کی شوہر محمود چوہدری کے ہمراہ سیلفی کے چرچے ہو رہے ہیں۔
بختاور بھٹو اور محمود چوہدری کی جانب سے سوشل میڈیا سائٹس پر جاری سیلفی میں بختاور خود گاڑی چلاتے ہوئے والدہ کے آبائی علاقے گڑھی خدا بخش جا رہی ہیں، بختاور بھٹو کے ہمراہ ان کے شوہر محمود چوہدری بھی موجود ہیں۔بختاور بھٹو زرداری نے اپنے شوہر محمود چوہدری کے ہمراہ والدہ کے مزار پر حاضری دی۔
دوسری جانب بختاور بھٹو کے شوہر محمود چوہدری نے بھی اپنے انسٹاگرام پر شہید بینظیر بھٹو کے مزار پر حاضری کی تصاویر شیئر کی ہیں، ایک تصویر میں محمود چوہدری بختاور بھٹو کے ہمراہ قرآن کی تلاوت کر رہے ہیں۔
بختاور کے ہمراہ ان کی خالہ صنم بھٹو بھی موجود تھیں، بختاور بھٹو اور محمود چوہدری نے شہید بینظیر بھٹو کے مزار پر پھولوں کی چادریں چڑھائیں۔دوسری تصویر میں نوبیاہتا جوڑا شہید بے نظیر بھٹو کی قبر پر پھولوں کی چادر چڑھاتے دیکھا جا سکتا ہے۔بختاور بھٹو نے اپنے شوہر محمود چوہدری کے ہمراہ گڑھی خدا بخش پہنچ کر والدہ کے مزار پر فاتحہ خوانی کی۔ بختاور بھٹو زرداری والدہ کے مزار پر حاضری کے دوران آبدیدہ بھی ہو گئی تھیں۔

وزیرخارجہ شاہ محمود قریشی کاکہناہے کہ عالمی سطح پرپاکستان کی جانب سے بھارت کامکروہ چہرہ بے نقاب کیاگیا،پاکستان کشمیریوں کے حق خودارادیت کیلئے حمایت جاری رکھے گا،بھارتی جبرواستبدادسے حریت تحریک کومزیدتقویت ملی۔

اسلام آباد میں کشمیر کانفرنس سے خطاب کرتے ہوئے وزیر خارجہ نے کہاکہ بھارتی افواج کے مقبوضہ کشمیرمیں انسانیت سوزمظالم جاری ہیں، نہتے کشمیریوں کے گھروں کونذرآتش کیاگیا،گزشتہ 18 ماہ سے مقبوضہ وادی میں مکمل بلیک آؤٹ ہے۔شاہ محمودقریشی نے کہاکہ مقبوضہ کشمیرمیں بھارت کارویہ یواین قراردادوں کے منافی ہے،بھارت نے حریت رہنماؤں کوقیدکررکھاہے،بھارتی میڈیابھی مودی سرکارکے کارناموں پرآوازبلندکررہاہے۔

بالی ووڈ کے دبنگ اداکار سلمان خان اور معروف ڈائریکٹر سنجے لیلا بھنسالی میں اختلافات کے بعد فلم انشاء اللہ میں شاہ رخ خان کو کاسٹ کرنے کی کوششیں شروع کردی گئی ہیں۔

بھارتی میڈیا کے مطابق فلم ’انشاء اللہ‘ میں سلمان خان اور عالیہ بھٹ نے مرکزی کردار نبھانا تھا جس کا باضابطہ اعلان بھی کردیا گیا تھا لیکن 2019 میں سنجے لیلا بھنسالی اور سلمان خان کے درمیان کسی بات پر جھگڑا ہوا جس کے بعد دبنگ خان نے پراجیکٹ سے علیحدگی اختیار کرلی۔

سلمان خان کی علیحدگی کے بعد طویل عرصے تک خاموشی چھائی رہی تاہم اب سنجے لیلا بھنسالی نے اس پراجیکٹ کیلئے شاہ رخ خان سے مذاکرات شروع کردیے ہیں۔ امید ظاہر کی جا رہی ہے کہ فلم پٹھان کی شوٹنگ مکمل ہونے کے بعد شاہ رخ خان ’انشاء اللہ‘ میں کام کرتے ہوئے نظر آئیں گے، یہ فلم اگلے سال عیدالفطر پر ریلیز کی جائے گی۔