Category تازہ ترین

اسلام آباد :اسلامیہ یونیورسٹی کے طلبہ اور فیکلٹی ممبران کو مبینہ ہراساں کرنے پر پیشرفت ہوئی ہے۔ تفصیلات کے مطابق اسلامیہ یونیورسٹی بہاولپور کے طلبہ اور فیکلٹی ممبران کو مبینہ ہراساں کرنے کے معاملے پر ہائیر ایجوکیشن کمیشن نے فیکٹ فائنڈنگ کمیٹی تشکیل دے دی ہے۔ کمیٹی میں پرو وائس چانسلرز بہاؤالدین زکریا یونیورسٹی ملتان اور ریکٹر نیشنل یونیورسٹی آف ٹیکنالوجی شامل ہیں۔ریکٹر امپیریل کالج آف بزنس اسٹڈیز کی پروفیسر ڈاکٹر طاہرہ عزیز مغل،مشیر پی اینڈ ڈی اینڈ فنانس،ایچ ای سی رکن ڈاکٹر ایم مظہر سعید بھی کمیٹی کا حصہ ہیں۔ کمیٹی میں شامل تمام افراد کے نوٹیفیکشن اور رکن کمیٹی کے ٹرمز کا ریفرنس بھی جاری کر دئیے گئے۔

اسلام آباد: رواں ہفتے ملک میں مہنگائی کی شرح میں 3.73 فیصد اضافہ ہوا جس سے مہنگائی کی شرح 29.21 فیصد رہی۔ادارہ شماریات کے مطابق رواں ہفتے 20ا شیاء مہنگی اور 7 سستی ہوئیں جبکہ 24 اشیاء کی قیمتوں میں استحکام رہا۔ادارہ شماریات کا بتانا ہے کہ مرچ ، ٹماٹر، پیاز ، آلو ، ایل پی جی اور بجلی کی قیمتوں میں اضافہ ہوا، جن اشیاء کی قیمتوں میں اضافہ ریکارڈ کیا گیا ان میں مرچ 28.98 فیصد ، ٹماٹر 19.71 فیصد ، انڈے 4.77 فیصد، ایل پی جی 4.12 فیصد ، لہسن 3.09 فیصد ، پیاز 2.58 فیصد، گڑ 2.18 فیصد، ا?لو 2.09 فیصد اور بجلی کی قیمت میں 20.98 فیصد اضافہ ہوا۔ادارہ شماریات کے مطابق جن اشیاء کی قیمتوں میں کمی ہوئی ان میں کیلے کی قیمت میں 5.36 فیصد، چینی 1.15 فیصد، گھی 0.93 فیصد، خوردنی تیل 0.89فیصد ، گندم کا ا?ٹا 0.17فیصد اور دال مونگ کی قیمت میں 0.16فیصد کمی ہوئی ۔۔۔

لاہور : لاہور میں مزار حضرت علی ہجویری کو 50 من عرق گلاب سے غسل دیدیا گیا ۔غسل نگران وزیراعلیٰ پنجاب محسن نقوی اور وزیر خزانہ ااسحاق ڈار نے دیا ۔ اسحاق ڈار نے کہا کہ کہ داتا دربار کی توسیع کا کارنامہ سنہری حروف سے لکھا جائے گا، 1999 میں نواز شریف کے دور میں بھی دربار کی توسیع کی گئی جبکہ محسن نقوی کا کہنا تھا کہ حضرت داتا علی ہجویری کی تعلیمات ہمارے لئے روشن باب ہیں۔جمعہ کو حضرت علی ہجویری داتا گنج بخش رحمتہ اللہ علیہ کے مزار کو غسل دینے کی 980 ویں تقریب منعقد ہوئی، وفاقی وزیر خزانہ اسحاق ڈار اور نگران وزیراعلیٰ پنجاب محسن نقوی نے خصوصی شرکت کی۔سادہ مگر پروقار تقریب میں مزار حضرت علی ہجویری کو 50 من عرق گلاب سے غسل دیا گیا، وزیر خزانہ اسحاق ڈار اور نگران وزیراعلیٰ پنجاب محسن نقوی نے مزار پر چادر پوشی کی، اس موقع پر قومی وملکی سلامتی و استحکام اور ترقی کیلئے خصوصی دعا کی گئی۔نگران وزیراعلیٰ پنجاب محسن نقوی اور وفاقی وزیر خزانہ اسحاق ڈار نے داتا دربار کے توسیعی منصوبے کا سنگ بنیاد بھی رکھا۔وزیر خزانہ اسحاق ڈار نے میڈیا سے گفتگو کرتے ہوئے وزیراعلیٰ پنجاب محسن نقوی کو مبارک باد دی اور کہا کہ داتا دربار کی توسیع کا کارنامہ سنہری حروف سے لکھا جائے گا، 1999 میں نواز شریف کے دور میں بھی دربار کی توسیع کی گئی۔نگران وزیر اعلیٰ پنجاب نے کہا کہ حضرت داتا علی ہجویری کی تعلیمات ہمارے لئے روشن باب ہیں، محرم الحرام کے ایام میں امت مسلمہ شہدائے کربلا کی لازوال قربانیوں کو خراج عقیدت پیش کرتی ہے۔محسن نقوی کا کہنا تھا کہ شہریوں کی سہولت کیلئے آن لائن نذرانہ ایپ کا افتتاح کر دیا ہے، آن لائن نذرانہ دینے والوں کو تصدیقی میسج بھی موصول ہوگا۔تقریب میں سابق صوبائی وزیر بلال یاسین، ایڈمنسٹریٹر داتا دربار شاہد حمید ورک، صوبائی وزیر اوقاف و مذہبی امور اظفرعلی ناصر اور سیکرٹری اوقاف پنجاب ڈاکٹر طاہر رضا بخاری سمیت دیگر افراد نے بھی شرکت کی۔یاد رہے کہ حضرت داتا گنج بخش کے عرس کی تقریبات غسل کے 40 روز بعد 18 صفر سے شروع ہوں گی

اسلام آباد ( آن لائن ) وزیراعظم محمدشہباز شریف نے کہاہے کہ بلوچستان کے وسائل پرپہلا حق صوبہ کے عوام کاہے، ترقی کے حوالہ سے میرانظریہ لوگوں کے معیارزندگی کوبلند کرنے سے جڑاہے، بلوچستان اورپاکستان کامستقبل محفوظ اورذمہ دارہاتھوں میں ہیں۔ جمعہ کو اپنے ایک ٹویٹ میں وزیراعظم نے کہاکہ جمعرات کو انہوں نے وفاقی وزرا ، آرمی ونیول چیف، گورنر اوروزیراعلیٰ بلوچستان اورحکومتی افسران کے ہمراہ گوادرمیں اہم دن گزارا، ہم نے ترقی، بنیادی ڈھانچہ اورتعلیمی منصوبوں کے ایک سلسلہ کا سنگ بنیادرکھا ہے جس سے علاقہ کی تقدیربدل جائیگی۔وزیراعظم نے کہاکہ اکادکا کوششوں کے باوجود بلوچستان ہماری اجتماعی غفلت کا نشانہ بناہے، اس صوبہ نے دیگروفاقی اکائیوں کے مساوی ترقی نہیں کی ہے جوباعث شرم ہے۔وزیراعظم نے کہاکہ ترقی کیلئے ان کانظریہ لوگوں کے معیارزندگی کوبلند کرنے سے جڑاہے۔ لوگوں کی سماجی اورمعاشی ترقی وبہبودہی حقیقی ترقی کا ضامن ہے۔ وزیراعظم نے کہاکہ بلوچستان کے وسائل پرپہلا حق صوبہ کے عوام کاہے، جب ان کے اوران کے بچوں کی زندگی میں بہترتبدیلی آئیگی تو وہ ترقی کے مالک اورحصہ داربن جائیں گے۔وزیراعظم نے کہاکہ گزشتہ سال آنیوالے بدترین سیلاب کے دوران انہوں نے بلوچستان کے تمام متاثرہ علاقوں کادورہ کیا اورحالات کاخودمشاہدہ کیا۔وزیراعظم نے کہاکہ وہ سمجھتے ہیں کہ پاکستان کی ترقی بلوچستان کی ترقی سے جڑی ہے۔وزیراعظم نے کہاکہ لیٹ ٹاپ تقسیم کرنے کی تقریب کے دوران بلوچستان کے نوجوانوں سے ان کی ملاقات ان کے دورے کا ایک اہم حصہ تھا۔ ان نوجوانوں کے چمکتے اوردھمکتے چہروں نے انہیں یقین دلایا ہے کہ بلوچستان اورپاکستان کامستقبل محفوظ اورذمہ دارہاتھوں میں ہیں

احمد آباد:ورلڈ کپ میں پاک بھارت میچ کے دوران اشتہار کی فی دس سیکنڈز فیس 30 لاکھ روپے ہو گی۔بھارتی میڈیا کے مطابق پاک بھارت میچ سے براڈ کاسٹرز ایک ہزار کروڑ بھارتی روپے کمانے کے لئے پْرامید ہیں۔ جو ٹی وی چینل نشریات دکھاناچاہتے ہیں انہیں 90 کروڑ روپے کی رقم ادا کرنا پڑے گی جبکہ پاورڈ بائی اسپانسرز کا بجٹ 75 کروڑ رکھا گیا ہے۔ورلڈ کپ میں پاک بھارت کے علاوہ دیگر مقابلوں کے لئے 30 سیکنڈ اشتہار کی فیس 7 لاکھ روپے مقرر کی گئی ہے۔

لاہور: پاکستان کرکٹ بورڈ ( پی سی بی ) نے کرکٹ کمیٹی کو با اختیار بنانے کا فیصلہ کرتے ہوئے سربراہ کرکٹ کمیٹی مصباح الحق کو فری ہینڈ دے دیا۔ ذرائع کے مطابق چیئرمین پی سی بی ذکا اشرف کی جانب سے مصباح الحق کو پیغام بھیجا گیا ہے،جس میں کہا گیا ہے کہ کرکٹ کمیٹی کو مضبوط اور بااختیار بنائیں گے۔ پیغام میں ذکا اشرف کا کہنا ہے کہ اپنے ساتھ سینیئر کرکٹرز کو ملائیں اور کرکٹ کے تمام معاملات کو دیکھیں۔ ذرائع کے مطابق کرکٹ کمیٹی کے سربراہ مصباح الحق کی کرکٹ بورڈ کے اعلیٰ عہدیداران سے ملاقاتوں کا سلسلہ جاری ہے دوسری جانب کرکٹ کمیٹی کے لیے سینئر سابق کرکٹرز کے نام کل تک فائنل ہونے کا امکان ہے۔کرکٹ کمیٹی ہی چیف سلیکٹر اور اراکین کے نام تجویز کریگی ساتھ یہ بھی کہا جارہا ہے کہ چیئرمین ذکا اشرف محمد حفیظ کو سلیکشن کمیٹی کی ذمہ داریاں دینے میں دلچسپی رکھتے ہیں۔ذرائع کا کہنا ہے کہ کرکٹ کمیٹی پاکستان کرکٹ ٹیم کے ہیڈ کوچ کے معاملے پر بھی تجاویز دے گی ٹیم ڈائریکٹر مکی آرتھر اور ہیڈ کوچ گرانٹ بریڈ برن کے عہدوں پر برقرار رہنا مشکل ہے، پاکستان کرکٹ بورڈہیڈکوچ کے لیے نیا نام تلاش کرے گی۔

کولمبو : پاکستان نے بائولنگ اور بیٹنگ دونوں شعبوں میں سری لنکا کو آئوٹ کلاس کرتے ہوئے کولمبو میں دوسرے اور آخری ٹیسٹ میچ میں اننگز اور 222 رنز سے شکست دیکر سریز میں کلین سوئپ کر لیا۔ کولمبو ٹیسٹ کے چوتھے روز سری لنکا کی ٹیم اپنی دوسری اننگز میں 188 رنز پر ڈھیر ہوگئی ۔ قومی سپنر نعمان علی نے لنکن بیٹرز کو چکرا کر رکھ دیا۔ انہوں نے 70رنز دیکر سات وکٹیں حاصل کیں جبکہ فاسٹ بائولر نسیم شاہنے 44رنز کے عوض 3کھلاڑی آئوٹ کئے ۔ سری لنکا کی طرف سے انجیلو میتھیوز نے63 رنز ناٹ آئوٹ کی اننگز کھیلی اور پاکستانی بائولرز کے سامنے کچھ مزاحمت دکھائی ،ڈیموتھ کرونا رتنے نے 41رنز اورنیشان مد شاکا نے 33رنز کی باری کھیلی جبکہ 6کھلاڑی ڈبل فگرز کراس نہ کرسکے ۔ اس سے قبل پاکستان نے 5 وکٹوں کے نقصان پر 576 رنز پر اننگز ڈیکلیئر کی ، پاکستان ٹیم کو میزبان ٹیم پر 410 رنز کی سبقت حاصل رہی ۔ سلمان علی آغا 132 جبکہ محمد رضوان 50 رنز بنا کر نا ٹ آؤٹ رہے۔ ،قومی ٹیم کے اوپنر عبداللہ شفیق 201 رنز کی شاندار اننگز کھیل کر آؤٹ ہوئے، عبداللہ شفیق نے 322 گیندوں پر 200 رنز بنائے، ان کی اننگز میں 19 چوکے اور 4 چھکے شامل ہیں۔سعود شکیل 57 ، شان مسعود 51 اور بابراعظم 39 رنز بناکر نمایاں رہے، سرفرازاحمد 14 اور امام الحق نے 6 رنز بنائے، سری لنکا کے اسیتھا فرنینڈو 3 اور پرابتھ جے سوریا نے 2 وکٹیں حاصل کیں۔ سری لنکا کی ٹیم اپنی پہلی اننگز میں 166 رنز بناکر آؤٹ ہو گئی تھی۔پاکستان نے ہمبنٹوٹا میں پہلا ٹیسٹ میچ بھی اپنے نام کیا تھا ۔

ممبئی: بالی ووڈ کی سینئر اداکارہ جیا بچن اپنی نئی فلم’راکی اور رانی کی پریم کہانی‘ کی اسکریننگ کے موقع پر ایک بار پھر غصّے میں نظر آئیں۔جیا بچن اکثر ہی فوٹو گرافرز کے مشہور گروپ پاپارازی سے ناراض نظر آتی ہیں اور جب بھی فوٹو گرافرز ان کی تصاویر یا ویڈیوز بنانے کی کوشش کرتے ہیں تو وہ شدید برہمی کا اظہار بھی کرتی ہیں۔ حال ہی میں اداکارہ نے ممبئی میں منعقد ہونے والی فلم راکی اور رانی کی پریم کہانی کی اسکریننگ کی تقریب میں اپنے بیٹے ابھیشیک بچن اور بیٹی شویتا بچن کے ساتھ شرکت کی۔جب جیا بچن سرخ رنگ کا خوبصورت روایتی لباس پہنے فلم کی اسکریننگ کی تقریب کے لیے پہنچیں تو پاپارازی فوٹو گرافرز نے بلند آواز میں ان کا نام پکارنا شروع کر دیا۔جیا بچن کو فوٹو گرافرز کا یوں بلند آواز میں بار بار ان کا نام پکارنا بالکل پسند نہیں آیا۔اْنہوں نے فوٹو گرافرز کو ٹوکتے ہوئے غصے سے کہا کہ میں بہری نہیں ہوں، چلاو مت، آرام سے بات کرو۔فلم راکی اور رانی کی پریم کہانی کی عکس بندی نئی دہلی، ممبئی، جموں و کشمیر اور روس میں کی گئی اور اسے 28 جولائی کو سنیما گھروں میں نمائش کے لیے پیش کیا جائے گا

ممبئی : بالی ووڈ کے معروف اداکار اکشے کمار نے بھارتی شوبز انڈسٹری کی معروف ماڈل و اداکارہ گوہر خان سے پیچیدہ سوال کر کے انہیں کشمکش میں ڈال دیا۔فوٹو اینڈ ویڈیو شیئرنگ پلیٹ فارم انسٹا گرام پر ماضی کا ایک ویڈیو کلپ وائرل ہو رہا ہے، جس میں اکشے کمار کو اداکارہ گوہر خان سے سوال کرتے ہوئے دیکھا جا سکتا ہے۔ مذکورہ وائرل کلپ 2002ء میں منعقد ہونے والے ’فیمینا مس انڈیا کا ہے جس میں گوہر خان نے بطور امیدوار شرکت کی تھی جبکہ اکشے کمار اس شو کی جیوری میں شامل تھے۔دورانِ شو اکشے کمار نے امیدوار گوہر خان سے سوال کیا کہ کہا جاتا ہے کہ ہر کامیاب مرد کے پیچھے ایک عورت کا ہاتھ ہوتا ہے تو پھر ناکام مرد کے پیچھے کس کا ہاتھ ہوتا ہے؟اکشے کمار کے اس مشکل سوال پر گوہر خان نے کچھ دیر سوچنے کے بعد حاضر دماغی کا مظاہرہ کیا اور جواب دیتے ہوئے کہا کہ یہ بالکل درست کہاوت ہے کہ ہر کامیاب مرد کے پیچھے ایک عورت کا ہاتھ ہوتا ہے، لیکن میں اس بات پر یقین رکھتی ہوں کہ ہر فردِ واحد اپنی ناکامی کا ذمے دار خود ہوتا ہے۔انہوں نے یہ بھی کہا کہ کیونکہ ہر ایک کے پاس اختیار ہوتا ہے کہ وہ صحیح اور غلط کا فیصلہ کر سکے، زندگی ان ہی مشکل فیصلوں سے بھرپور اور انحصار کرتی ہے، اس لیے صحیح فیصلے کا انتخاب کریں۔گوہر خان کی حاضر دماغی اور ان کی ذہانت نے پروگرام کے شرکاءکے دل جیت لیے اور ہال تالیوں سے گونج اْٹھا۔

ممبئی :بالی ووڈ کے معروف ڈانسر و اداکار ٹائیگر شروف نے فلم ’سنگھم اگین‘ میں اداکار وکی کوشل کی جگہ لے لی۔بھارتی میڈیا رپورٹس کے مطابق ہدایت کار روہت شیٹی کی مشہور فلم سنگھم کے سیکوئل سنگھم اگین میں ٹائیگر شروف پہلی بار اجے دیوگن سے ساتھ اسکرین شیئر کریں گے۔ہدایت کار روہت شیٹی اداکار اجے دیوگن، اکشے کمار، رنویر سنگھ اور وکی کوشل کے ساتھ سنگھم اگین کی شوٹنگ رواں برس اکتوبر سے شروع کرنے کے خواہاں تھے۔وکی کوشل نے فلم ’چھاوا‘ کی شوٹنگ کی مصروفیت کے باعث سنگھم اگین میں کام کرنے سے معذرت کر لی، جس کے بعد ان کی جگہ ٹائیگر شروف کو کاسٹ کیا گیا۔اس سے قبل سنگھم اگین میں وکی کوشل کو مرکزی کردار باجی راؤ سنگھم (اجے دیوگن) کے چھوٹے بھائی کے کردار کی پیشکش کی گئی تھی جو ممکنہ طور پر اب ٹائیگر شروف ادا کریں گے۔ٹائیگر شروف اس فلم میں پولیس آفیسر کا کردار نبھائیں گے جبکہ فلم میں ان کے ہمراہ سپر اسٹار دیپیکا پڈوکون بھی جلوہ گر ہوں گی۔