Category تازہ ترین

اسلام آبا د:چیف الیکشن کمشنر نے ملازمین کو بڑا ریلیف دیدیا ،الیکشن کمیشن آف پاکستان نے گریڈ 1 سے 15 کے ملازمین کی اپ گریڈیشن کی منظوری دیدی ، 261 ملازمین کو اگلے گریڈ میں ترقی کی منظوری دی گئی ،الیکشن کمیشن نے باضابطہ نوٹیفکیشن جاری کر دیا ،گریڈ 1 سے 5 کے ملازمین کو دو گریڈ ترقی دی گئی ،وزیراعظم نے فروری میں اپگریڈیشن کی منظوری دی تھی،ملازمین کی اپگریڈیشن 5 ماہ سے التوا کا شکار تھی۔

اسلام آباد:وزیراعظم میاں محمد شہباز شریف نے کہا ہے کہ تھرکول دنیا کے بڑے کوئلے کے منصوبوں میں سے ایک ہے ،ریکوڈک کا منصوبہ ملک کی تاریخ میں خاص اہمیت کا حامل ہے،ماضی کی غلطیوں سے سبق سیکھ کر آگے بڑھنا ہے باتیں بہت ہوگئیں اب ملک کی ترقی کے لیے کام کرنا ہے،جنگ اب کوئی آپشن نہیں رہ گئی، پاکستان جوہری طاقت ہے ،ہمارے پڑوسیوں کو سمجھنا چاہیے کہ امن کے ساتھ رہا جائے، نیب لوگوں کو سیاسی انتقام کا نشانہ بناتی رہی،کرپٹ لوگوں کی کرپشن کو نظر انداز کیا گیا، بدقسمتی سے معاشرہ تقسیم ہوچکا ہے۔ لوگوں کے ذہنوں میں زہر گھول دیا گیا ہے ۔منرل سمٹ کے افتتاحی اجلاس سے خطاب کرتے ہوئے وزیراعظم میاں محمد شہباز شریف نے کہا کہ کرپٹ لوگوں کی کرپشن کو نظر انداز کیا گیا۔ نیب لوگوں کو سیاسی انتقام کا نشانہ بناتی رہی۔ بدقسمتی سے معاشرہ تقسیم ہوچکا ہے۔ لوگوں کے ذہنوں میں زہر گھول دیا گیا ہے۔ کیا اس صورتحال میں ملک کی ترقی کے لیے کام کیا جاسکتا ہے اس کا جواب نہیں ہے۔وزیراعظم کا مزید کہنا تھا کہ تھر کول دنیا کے بڑے کوئلے کے منصوبوں میں سے ایک ہے۔ریکوڈک کا منصوبہ ملک کی تاریخ میں خاص اہمیت کا حامل ہے۔ گزشتہ 75 سال میں ہم نے اپنی قیمتی دولت پر توجہ نہیں دی کیا ہم کسی کارٹیل یا سیاسی وجوہات کی بنا پر تذبذب کا شکار تھے ماضی کی غلطیوں سے سبق سیکھ کر آگے بڑھنا ہے۔ باتیں بہت ہوگئیں اب ملک کی ترقی کے لیے کام کرنا ہے۔شہباز شریف نے کہا کہ جنگ اب کوئی آپشن نہیں رہ گئی ہے۔ پاکستان جوہری طاقت ہے تاہم یہ طاقت کسی کے خلاف استعمال کے لیے نہیں۔ ہمارے پڑوسیوں کو سمجھنا چاہیے کہ امن کے ساتھ رہا جائے اور مسائل کے حل کے لیے بامقصد مذاکرات کیے جانے چاہئیں۔ غربت کے خلاف اور عوام کے مفاد کے لیے کام کرنا چاہیے۔ وزیراعظم نے کہا کہ آج کا دن بہت خوش آئند ہے، قدرت نے پاکستان ٹریلنز آف ڈالرز کے قدرتی وسائل سے نوازا، گزشتہ 75 سال میں ہم نے اپنی قدرتی دولت پر توجہ نہ دی، آج ماضی سے سبق سیکھ کر آگے بڑھنے کا دن ہے۔وزیر اعظم نے کہا کہ قدرت نے ہمیں پاکستان کی صورت میں بہت بڑی نعمت دی، ہم نے 75 سال پاکستان کے ساتھ ظلم کیا، اس کے غریب عوام کے ساتھ زیادتی کی، ان کا حق ان کو ادا نہیں کیا، آج یہ موقع ہے جب کہ یہاں پاکستان کی ایلیٹ بیٹھی ہے، ملک کے بڑے بڑے اذہان بیٹھے ہیں، سیاستدان، فوجی، سفارت کار بیٹھے ہیں اور اس فیلڈ سے متعلقہ لوگ بھی موجود ہیں۔

لاہور : ماہ جولائی کے دوران معمول سے 60 فیصد زیادہ بارشیں ریکارڈ کی گئیں، رواں ماہ کے دوران بھی بارشوں کا غیرمعمولی سلسلہ جاری رہنے کا امکان ظاہر کردیا گیا جس سے دریائوں میں پانی کے بہا ئومیں بھی اضافہ ممکن ہے۔چیف میٹرولوجسٹ کے مطابق عمومی طور پر ماہ جولائی کے دوران ملک میں اوسطاً49ملی میٹر بارشیں برستی ہیں، اندازہ تھا کہ رواں سال کے دوران بھی ماہ جولائی کے دوران معمول کے مطابق ہی بارشیں برسیں گی لیکن صورت حال کافی مختلف رہی۔محکمہ موسمیات کے اعدادوشمار کے مطابق گزرنے والے مہینے کے دوران اب تک 79 فیصد بارشیں برس چکی ہیں جو معمول سے 60 فیصدزیادہ رہیں، اگست کے دوران بھی کچھ ایسی ہی صورتحال برقرار رہنے کا امکان ہے۔ذرائع فلڈ فورکاسٹنگ ڈویژن نے کہا ہے کہ معمول سے زیادہ بارشیں برسنے کے باعث ملک بھر میں جانی اور مالی نقصانات کا تناسب بھی گزشتہ سال کی نسبت کافی زیادہ رہا، اب جبکہ اگست کے دوران بھی تیز بارشوں کی پیشگوئی کی گئی ہے تو مزید نقصانات کے خدشات کو بھی رد نہیں کیا جا سکتا، یہ صورتحال دریائوں میں پانی کے بہا ئوپر بھی اثر انداز ہوگی۔

لاہور : صدر سنی علما کونسل لاہور وصوبائی ترجمان مولانا حافظ حسین احمدنے کہاہے کہ بہاولپور یونیورسٹی کے تما م کرداروں کوکٹہرے میں لا یا جائے، یو نیور سٹیوں میں فحا شی عر یانی اور نشہ جیسے واقعات پر حکومت اور این جی اوز کی خامو شی لمحہ فکریہ ہے،مزید واقعات رونما کا انتظار کیے بغیر یو نیور سٹیوں سے مخلو ط تعلیم کا سسٹم ختم کیا جائے۔ اپنے بیان میں انہو ں نے کہاکہ بہاو لپور یورسٹی طرز کا اگر کو ئی واقعہ کسی مدرسے میں ہوا ہو تا تو اس وقت این جی اوز اور انسانی حقو ق کے علمبردار تنظیموں نے آ سمان سر پر اٹھا یا ہو نا تھا اور ملک بھر میں مظاہرے ہو رہے ہو تے اب چو نکہ معاملہ الٹ ہے اس لیے موم بتی گرو پو ں کے منہ پر تالے لگے ہو ئے ہیں ۔ انہوں نے کہا کہ حکومت بہاو لپور یور سٹی واقعہ پر کسی سستی کا مظاہرہ نہ کرے ملزم کتنے ہی با اثر کیو ں نہ ہوں انہیں کٹہرے میں لا یا جائے اورانہیں سخت سے سخت سزادے کر نشان عبر ت بنایاجائے۔

تل ابیب: اسرائیلی وزیراعظم بنیامین نیتن یاہو نے 100 ارب شیکل(27ارب ڈالر)کی لاگت سے سے ریل نیٹ ورک کے توسیعی منصوبے کا اعلان کردیا،میڈیارپورٹس کے مطابق اس ریلوے نیٹ ورک کے ذریعے اسرائیل کے مضافاتی علاقوں کو میٹروپولیٹن تل ابیب سے مربوط کیا جائے گا اوراسی کے ذریعے مستقبل میں سعودی عرب کے ساتھ زمینی رابطہ قائم کیا جائے گا۔نیتن یاہو نے اس آئینی بحران کو نظر انداز کیا جس نے ملک کو گذشتہ سات ماہ سے تعطل کا شکار کر رکھا ہے، جس سے صہیونی ریاست کی معیشت کو دھچکا لگا ہے اور اس کی جمہوری صحت پر مغربی اتحادیوں کے اعتماد کو دھچکا لگا ہے۔اس کے بجائے ،انھوں نے ون اسرائیل پروجیکٹ سمیت بنیادی ڈھانچے کے اقدامات کے بارے میں گفتگو کی ہے۔اسے انھوں نے ملک کے کاروباری اور سرکاری مراکز تک ٹرین کے ذریعے سفر کے وقت کو دو گھنٹے یا اس سے کم کرنے کے لیے ڈیزائن کیا گیا ہے۔انھوں نے کہا کہ میں یہ بھی کہنا چاہوں گا کہ مستقبل میں ہم ایلات سے بحیرہ روم تک ریل کے ذریعے سامان کی نقل وحمل کے قابل ہوں گے اور اسرائیل کو ٹرین کے ذریعے سعودی عرب اور جزیرہ نما عرب سے بھی جوڑ سکیں گے۔اس پر بھی، ہم کام کر رہے ہیں۔اسرائیل کے ایک سینیر قانون ساز نے کہا کہ سعودی عرب کے ساتھ کسی بھی قسم کے تعلقات استوار ہونے کا امکان نظر نہیں آتا، حالانکہ امریکی صدر جو بائیڈن نے گذشتہ ہفتے مشرقِ اوسط کی طاقتوں کے درمیان ممکنہ مفاہمت کی پیشین گوئی کی تھی۔

اسلام آباد: حکومت کی مدت کا آخری عشرہ یکم اگست سے سے شروع ہوجائے گا، اتحادیوں اور حکومت کے اتفاق سے قومی اسمبلی 11 اگست کو تحلیل کیے جانے کا امکان ہے۔میڈیا رپورٹ کے مطابق حکومت کی مدت ختم ہونے کے قریب ہے جس کے سبب اتحادی جماعتوں کا اجلاس کچھ روز بعد بلایا جائے گا، مشاورت کے بعد ایڈوائس 11 اگست کو صدر مملکت کو ارسال کردی جائے گی۔ صدر نے دستخط نہ کیے تو اسمبلی ایڈوائس بھجوانے کے 48 گھنٹے بعد خود بخود تحلیل ہو جائے گی، قومی اسمبلی کی مدت 13 اگست کو رات بارہ بجے ختم ہو جائے گی۔ایڈوائس ملنے پر صدر مملکت حکومت اور اپوزیشن کو خط لکھیں گے کہ نگران وزیر اعظم کا نام دیا جائے، اتفاق رائے ہونے کی صورت میں تین دن کی مشاورت کے بعد صدر مملکت کو نوٹی فکیشن کے لیے چند گھنٹے ملیں گے۔حکومت اور اپوزیشن، نگران وزیر اعظم کے لیے تین دن میں مشاورت مکمل کر کے نام بھیجنے کے پابند ہیں، اتفاق رائے نہ ہونے کی صورت میں الیکشن کمیشن تین روز کے اندر تجویز کردہ ناموں میں سے نگران وزیر اعظم کے نام کا اعلان کردے

راولپنڈی: تھانہ ٹیکسلاپولیس نے چیک ڈس آنر کے مقدمہ میں مطلوب اشتہاری گرفتارکر لیاپولیس نے چیک ڈس آنر کے مقدمہ میں مطلوب اشتہاری ناصر کو گرفتارکرلیاجو سال 2020سے ٹیکسلا پولیس کومطلوب تھا۔

راولپنڈی: تھانہ نصیر آباد پولیس نے ذہنی معذور لڑکی سے زیادتی کرنے والاملزم گرفتارکر لیامتاثرہ لڑکی کی والدہ نے پولیس کو درخواست دی کہ معاویہ نامی ملزم نے اس کی ذہنی معذور بیٹی کے ساتھ زیادتی کی جس پر پولیس نے مقدمہ درج کرکے ملزم کو گرفتار کرلیا۔

راولپنڈی:تھانہ مورگاہ کے علاقہ میں موٹر سائیکل سوار3 ڈاکوؤں اورڈولفن پولیس کے درمیان فائرنگ کے تبادلے کے بعدپولیس نے فائرنگ کے دوران زخمی ہونے والے ڈاکو سمیت تینوں ڈاکو گرفتار کرکے اسلحہ برآمدکر لیاپولیس ذرائع کے مطابق اتوار اور پیر کی درمیانی رات گئے ڈولفن پولیس نے مشکوک موٹر سائیکل کو رکنے کا اشارہ کیا تو ملزمان نے پولیس پارٹی پر فائرنگ شروع کر دی اس دوران پولیس نے 3ڈاکوؤں کو گرفتار کر لیاگرفتار ڈاکوؤں کی شناخت ظہور، رضوان اور افتخار کے ناموں سے ہوئی ہے پولیس کے مطابق ملزمان قبل ازیں ڈکیتی اور کار چوری کے مقدمات میں ریکارڈ یافتہ ہیں۔

اسلام آباد:پاکستان اورچین نے علاقائی مسائل اور قومی مفادات کے تحفظ پر ایک دوسرے کی حمایت کے عزم کا اظہار کیاہے،وزیراعظم شہباز شریف کاکہناہے پاک چین اقتصادی راہداری منصوبے کی دس سالہ سالگرہ اس منصوبے کو ازسر نو توسیع دینے کا ایک سنہری موقع ہے،جبکہ چینی نائب وزیراعظم ہی لیفینگ نے پاکستان کی معاشی و اقتصادی ترقی اور خوشحالی میں چین کے مستقل تعاون کی یقین دھانی کرائی ہے۔وزیر اعظم ہائوس سے وزیراعظم شہباز شریف اور چینی نائب وزیراعظم کی ملاقات کا اعلامیہ جاری کر دیا گیا اعلامیہ میں کہاگیا ہے کہ وزیراعظم شہباز شریف سے چینی صدر شی جن پنگ کے خصوصی نمائندہ، چین کے نائب وزیراعظم اور کومیونسٹ پارٹی آف چائنا کی سینٹرل کمیٹی کے پولٹبیورو کے رکن ہی-لیفینگ نے ملاقات کی ہے ،وزیراعظم شہباز شریف نے چین کے نائب وزیراعظم ہی لیفینگ کا وزیرِ اعظم ہاؤس پہنچنے پر گرمجوشی سے استقبال کیا ،ملاقات میں فریقین نے پاکستان اور چین کے تعلقات کے متعدد پہلوؤں، بشمول چین پاکستان اقتصادی راہداری (CPEC) اور دوطرفہ اقتصادی و مالیاتی تعاون پر تبادلہ خیال کیا،وزیراعظم نے ہی-لیفینگ کو مارچ میں چین کے نائب وزیراعظم کے عہدے پر فائز ہونے پر مبارکباد پیش کی،اعلامیہ کے مطابق وزیر اعظم شہباز شریف نے ملاقات کے دوران گفتگو کرتے ہوئے کہا کہ چین پاکستان میں 2022 کے تباہ کن سیلاب اور پاکستان کو درپیش موجودہ معاشی چیلنجز بالخصوص آئی ایم ایف کے ساتھ معاہدے کو حتمی شکل دینے جیسے مشکل اوقات میں پاکستان کے شانہ بہ شانہ کھڑا رہا،اعلامیہ میں کہاگیا ہے کہ چین کے نائب وزیراعظم ہی-لیفینگ نے پاکستان اور چین کی سٹریٹیجک شراکت داری اور دوستی اور بھائی چارے پر مبنی تعلقات کو اجاگر کیا اور دونوں ممالک کے درمیان اشتراک میں توسیع پر زور دیاہے،چینی نائب وزیراعظم نے پاکستان کی معاشی و اقتصادی ترقی اور خوشحالی میں چین کے مستقل تعاون کی یقین دھانی کرائی ہے،ملاقات میں دونوں ممالک کے راہنماؤں نے چین پاکستان اقتصادی راہداری منصوبے کی پاکستان اور چین کی مشترکہ معاشی اور اقتصادی ترقی میں مرکزیت پر زور دیا،وزیر اعظم نے کہا کہ چین پاکستان اقتصادی راہداری منصوبے کی دس سالہ سالگرہ اس منصوبے کو ازسر نو توسیع دینے کا ایک سنہری موقع ہے، ملاقات میں وزیراعظم محمد شہباز شریف نے پاکستان کی چین کو زرعی برآمدات بڑھانے میں پاکستان کی دلچسپی سے آگاہ کیا،ملاقات میں پاکستان اور چین کے درمیان زرعی، صنعتی اور مواصلاتی سمیت دیگر شعبوں میں مفاہمتی یادداشتوں پر دستخط کیے گئے،دونوں رہنماؤں نے علاقائی مسائل اور اپنے قومی مفادات کے تحفظ پر ایک دوسرے کی حمایت کے عزم کا اظہار کیا ،وزیراعظم محمد شہباز شریف نے چینی نائب وزیراعظم ہی-لیفینگ کے اعزاز میں ظہرانے کا اہتمام بھی کیا،چینی وفد میں چینی سٹیٹ کاؤنسل کے ڈپٹی سیکرٹری جنرل گو وے، چینی نائب وزیرِ خارجہ سن ویڈونگ، نائب چیئرمین نیشنل ڈویلپمنٹ اینڈ ریفارم کمیشن کونگ لیانگ، پیپلز بینک آف چائنا کے ڈپٹی گورنر زوان چینگنینگ اور وانگ کیبنگ، چینی وزارت تجارت کے شعبہ ایشیائی امور کے ڈائریکٹر جنرل وانگ لیپنگ، پاکستان میں چین کے سفارتخانے کی چارج ڈی افئیرز پانگ چنشوئے اور دیگر اعلیٰ چینی افسران شامل تھے جبکہ پاکستانی وفد میں وزیر خارجہ بلاول بھٹو زرداری، وزیر تجارت سید نوید قمر، وزیر خزانہ محمد اسحاق ڈار، وزیر داخلہ رانا ثناء اللہ، وفاقی وزیرِ اطلاعات و نشریات مریم اورنگزیب، وفاقی منصوبہ بندی احسن اقبال، وفاقی وزیر برائے ریلوے و ہوابازی خواجہ سعد رفیق، وزیر مملکت برائے خارجی امور حنا ربانی کھر، وزیراعظم کے معاون خصوصی طارق فاطمی اور مختلف وزارتوں سے دیگر اعلیٰ افسران شامل تھے۔