Category Pin post

لاہور، سکردو،کراچی : چیئرمین تحریک انصاف عمران خان کے سائیفر بیانیے پر عوام نے اپنے ردعمل میں سائفر بیانیے کو سازش قرار دیدیا ۔ عوام کا کہنا ہے کہ چیئرمین پی ٹی آئی نے بہت غلط حرکت کی پی ٹی آئی چیئرمین نے خود سازش کی، کسی اور نے نہیں پی ٹی آئی چیئرمین میں بالکل شعور نہیں ہے، انہیں ایسے ممالک کو دیکھ کے سبق سیکھنا چاہیئے جہاں فوج نہیں ہے۔ فوج کو بدنام کرنے کے بجائے سائیفر میں کچھ تھا تو اسے سامنے لانا چاہیے تھا ۔چیئرمین تحریک انصاف سائیفر کے پیچھے چھپ کر جھوٹ پر مبنی سیاست کر رہے تھے ،اگر چیئرمین تحریک انصاف ملک کی بہتری کا سوچتے تو ایسی سازش نہ کرتے ،بین الاقوامی طاقتوں کو خوش کرنے اور فوج کو بدنام کرنے کے لیے پی ٹی آئی چیئرمین نے یہ سازش کی ،فوج ہمارے ملک کا سرمایہ ہے، اس کے خلاف ایسی باتیں کرنا کسی پاکستانی کو زیب نہیں دیتا ۔ عوام کا کہنا تھا کہ چیئرمین پی ٹی آئی نے اپنی سیاست چمکانے کے لیے سائیفر کا نام لے کر عوام کو بیوقوف بنایا ،ملک میں انتشار پھیلانے کے لیے تحریک انصاف کے چیئرمین نے یہ منصوبہ بنایا ، چیئرمین پی ٹی آئی نے پہلے امریکا کہا پھر باجوہ کہا، کس پر یقین کریں ،چیئرمین پی ٹی آئی بیرونی ایجنڈے پر کام کرہے ہیں ۔ سائیفر کی حقیقت چیئرمین پی ٹی آئی کے اپنے بندوں نے بتادی ہے اناڑی بندے کو اقتدار ملا جس نے ملک کو تباہ کردیا ۔فوج کی بدنامی میں ملک کی بدنامی ہے

اسلام آباد: پاکستان تحریک انصاف کے رہنما اسد عمر نے جوڈیشل کمپلیکس کے باہر میڈیا سے گفتگو کرتے ہوئے کہا کہ مجھے اور شاہ محمود قریشی کو سائفر تحقیقات کے لیے 24 جولائی کو بلایا ہے۔وہاں جا کر حقائق بتائیں گے۔انہوں نے کہا پارٹی بن رہی ہیں، لیکن پارٹیوں کے فیصلے بند کمروں میں نہیں ہوتے، پارٹیاں عوام بناتے ہیں اور وہی چلاتے ہیں،کسی پارٹی کا فیصلہ کوئی دوسرا نہیں صرف عوام کر سکتے ہیں۔اسد عمر نے کہا کہ پرویز خٹک تجربہ کار سیاستدان ہیں مگر اب دیکھتے ہیں انہیں کیا کامیابی ملتی ہے۔اعظم خان کے مبینہ وعدہ معاف گواہ بننے پر اسد عمر نے کہا کہ اعظم خان کا 164 کا جو بیان سامنے آیا ہے ،اس میں قانونی لحاظ سے کچھ نظر نہیں آ رہا۔

اسلام آباد:ڈسٹرکٹ اینڈ سیشن کورٹ اسلام آباد نے غیر شرعی نکاح سے متعلق کیس میں چیئرمین تحریک انصاف عمران خان کی ایک روز کیلئے حاضری سے استثنیٰ کی درخواست منظور کرلی. سول جج قدرت اللہ نے چیئرمین پی ٹی آئی اور ان کی اہلیہ بشری بی بی کے غیر شرعی نکاح سے متعلق کیس کی سماعت کی۔ رخواست گزار محمد حنیف عدالت میں پیش ہوئے جبکہ چیئرمین پی ٹی آئی کی جانب سے شیر افضل مروت کورٹ میں پیش ہوئے۔وکلا کی جانب سے چیئرمین پی ٹی آئی کی ایک روز کیلئے حاضری سے استثنیٰ کی درخواست دائر کی گئی۔ عدالت نے عمران خان کی حاضری سے استثنیٰ کی درخواست منظور کرلی۔وکیل شیر افضل مروت کی جانب سے وکالت نامہ بھی جمع کروا دیا گیا ہے۔وکیل شیر افضل نے عدالت کو بتایا کہ سیشن جج کے فیصلے کو اسلام آباد ہائیکورٹ میں چیلنج کر رکھا ہے۔انھوں نے کہا کہ عدت کیس بے بنیاد اور سیاسی مقاصد کیلئے بنایا گیا۔جج قدرت اللہ نے ریمارکس دیے کہ آپ درخواست دائر کردیں نوٹس کر کے درخواست گزار کا موقف جاننا ضروری ہے۔جس کے بعد عدالت نے سماعت میں وقفہ کر دیا۔یاد رہے کہ گزشتہ روز چیئرمین پاکستان تحریک انصاف عمران خان نے غیرشرعی نکاح کیس کو قابل سماعت قراردینے کے خلاف اسلام آباد ہائیکورٹ میں اپیل دائر کرائی تھی۔منگل کو اسلام آباد کی سیشن کورٹ میں سول جج قدت اللہ نے محفوظ شدہ فیصلہ سْناتے ہوئے اس کیس کو قابل سماعت قرار دیا تھا۔وکیل راجہ رضوان عباسی کا کہنا تھا کہ عدت کے دوران شادی غیر قانونی ہے، ایسا کہنا فراڈ ہے کہ 2018 کے پہلے دن شادی کریں گے تو وزیرِ اعظم بن جائیں گے۔انہوں نے کہا کہ جنوری 2018 میں بشریٰ بی بی عدت میں تھیں۔ان کی طلاق نومبر میں ہوئی تھی۔ اگر شادی قانونی تھی تو دوبارہ نکاح کیوں کیا۔بنی گالہ سے فراڈ شروع ہوا اور نکاح لاہور میں ہوا۔ نکاح خواں کو بھی اسلام آباد سے نکاح کے لیے لے جایا گیا، فروری 2018 میں عمران خان اور بشریٰ بی بی کا نکاح دوبارہ اسلام آباد میں پڑھایا گیا۔۔۔

اسلام آباد:چیئرمین پاکستان تحریک انصاف عمران خان نے غیرشرعی نکاح کیس کو قابل سماعت قراردینے کے خلاف اسلام آباد ہائیکورٹ میں اپیل دائر کردی۔اسلام آباد کے سیشن کورٹ میں سول جج قدت اللہ نے گزشتہ روز محفوظ شدہ فیصلہ سْناتے ہوئے اس کیس کو قابل سماعت قراردیا تھا،تفصیلات کے مطابق عدالت نے کیس قابل سماعت قراردینے کے علاوہ عمران خان اور بشریٰ بی بی کی 20 جولائی کو طلبی کے لیے نوٹس جاری کیے تھے۔گزشتہ روز غیرشرعی نکاح کیس میں درخواست گزارکے وکیل رضوان عباسی نیدلائل دیے تھے۔وکیل راجہ رضوان عباسی کا کہنا ہے کہ عدت کے دوران شادی غیر قانونی ہے۔ایسا کہنا فراڈ ہے کہ 2018 کے پہلے دن شادی کریں گے تو وزیرِ اعظم بن جائیں گے۔انہوں نے کہا کہ جنوری 2018 میں بشریٰ بی بی عدت میں تھیں۔ان کی طلاق نومبر میں ہوئی تھی۔اگر شادی قانونی تھی تو دوبارہ نکاح کیوں کیا۔بنی گالہ سے فراڈ شروع ہوا اور نکاح لاہور میں ہوا۔ نکاح خواں کو بھی اسلام آباد سے نکاح کے لیے لے جایا گیا۔فروری 2018 میں عمران خان اور بشریٰ بی بی کا نکاح دوبارہ اسلام آباد میں پڑھایا گیا۔واضح رہے کہ عمران خان کیخلاف دوران عدت نکاح کا مقدمہ چند روز پہلے دوبارہ کھل گیا تھا جب 13 جولائی کو ڈسٹرکٹ اینڈ سیشن کورٹس اسلام آباد کے سیشن جج اعظم خان نے چئیرمین پی ٹی آئی کے خلاف غیر شرعی نکاح کیس پر دائر اپیل منظور کی تھی۔فاضل عدالت نے غیر شرعی نکاح کیس قابل سماعت قرار دیتے ہوئے سول جج نصر مِن اللہ کے فیصلے کو کالعدم قرار دیتے ہوئے سول کورٹ کو دوبارہ سننے کی ہدایت کی تھی۔سول جج نصرمِن اللہ نے چیئرمین پی ٹی آئی کے خلاف غیر شرعی نکاح کیس ناقابلِ سماعت قرار دیتے ہوئے کہا تھا کہ دوران عدت نکاح کا معاملہ عدالت کے دائرہ اختیار سے باہر ہے۔

لا: پاکستان تحریک انصاف کے مرکزی صدر و سابق وزیراعلی پنجاب چودھری پرویز الٰہی کو اڈیالہ جیل منتقل کردیا گیا۔ذرائع کے مطابق پرویز الٰہی کو بدھ کی صبح کیمپ جیل لاہور سے اڈیالہ جیل راولپنڈی منتقل کیا گیا ۔ ذرائع کا کہنا ہے کہ صدر پاکستان تحریک کو لاہور سے بذریعہ موٹروے روالپنڈی کی اڈیالہ جیل منتقل کیا گیا۔واضح رہے کہ پرویز الٰہی رقم کی مشکوک ٹرانزیکشنز کیس میں جوڈیشل ریمانڈ پرجیل میں ہیں ۔ انہیں 26 جون کو اینٹی کرپشن کیس میں ضمانت کے بعد ایف آئی اے نے حراست میں لیا تھا۔

اسلام آباد:سول شہریوں کے ملٹری ٹرائل کے خلاف زیر سماعت درخواستوں کی سماعت کے موقع پر اٹارنی جنرل آف پاکستان بیرسٹر منصور عثمان اعوان نے عدالت کو بتایا ہے کہ 9 مئی کو ملک بھر کے حساس فوجی تنصیبات پر حملہ 3 بجے سے لے کر 7 بجے تک کئے گئے،تمام حساس فوجی تنصیبات پر حملہ تقریباً ایک ہی وقت پر ہوا، کور کمانڈر ہاؤس پر حملہ 5 بجکر 40 منٹ پر ہوا،جی ایف بیس میانوالی جہاں حصاری دیوار گرائی گء وہاں معراجِ طیارے کھڑے تھے،پی اے ایف بیس میانوالی میں جہازوں کے استعمال کے لیے فیول بھی موجود تھا،نو مئی کے واقعات میں مجموعی طور پر 2 ارب 50 کروڑ روپے کا نقصان ہوا۔بدھ کو عدالت عظمی میں معاملے کی سماعت چیف جسٹس آف پاکستان کی سربراہی میں چھ رکنی لارجر بنچ نے کی۔دودان سماعت اٹارنی جنرل نو مئی واقعات کی تصاویر عدالت میں پیش کرتے ہوئے بتایا کہ تصاویر میں دیکھا جا سکتا ہے جس طرح لوگ جی ایچ کیو میں داخل ہوئے ،حمزہ کیمپ آئی ایس آئی آفس راولپنڈی پر بلوائیوں نے حملہ کیا،سگنل میس اور اے ایف آئی سی پر بھی حملہ کیا گیا،چکلالہ راولپنڈی میں بھی پرتشدد واقعات رونما ہوئے،پیٹرول بم استعمال کیے گیے،کور کمانڈر آفس اور وہاں موجود مسجد کو بھی نقصان پہنچایا گیا، اٹارنی جنرل نے عدالت میں جمع کرائی تصاویر میں سپریم کورٹ کے سامنے کور کمانڈر لاہور کی وردی چرا کر پہنچنے والے حملہ آور جی تصویر پیش کر دی گئی۔ اٹارنی جنرل نے بتایا کہ لاہور میں سی ایس ڈی کو جلا دیا گیا،فوج ہتھار چلانے میں مکمل تربیت یافتہ ہوتی ہے،9 مئی کے واقعہ پر فوج نے لچک کا مظاہرہ کیا،فیصل آباد ائی ایس ائی دفتر میں ملوث افراد مسلح تھے ،لاہور اور پشاور کور کمانڈر ہوسز کو مکمل طور پر تباہ کیا گیا،تمیرگرہ میں سکول کو نقصان پہنچایا گیا،پنجاب رجمنٹ مردان سنیٹر،بلوچستان رجمنٹ ایبٹ آباد پر حملہ کیا گیا،موٹروے ٹول پلازہ سوات کو جلایا گیا مگر اس کاروائی کی ویڈیو نہیں،9 مئی کو بلوچستان اور سندھ میں صورتحال قابو میں تھی،فوجی افسران کی پولیس کی طرح مظاہرین سے نمٹنے کی تربیت نہیں ہوتی، چیف جسٹس پاکستان نے اس موقع پر پوچھا کہ کیا آپ یہ کہہ رہے ہیں کہ فوجی صرف گولی چلانا جانتے ہیں؟جس پر اٹارنی جنرل نے بتایا کہ فوجی افسران کو اس طرح کے جتھوں کو منتشر کرنا نہیں سکھایا جاتا،کور کمانڈر ہاؤس، جی ایچ کیو، ائیربیسز سمیت کئی حساس تنصیبات پر ایک ساتھ منظم انداز میں حملہ کیا گیا،مجموعی نقصان میں فوجی تنصیبات کا نقصان 1.99ارب روپے تک کا ہے ،ان واقعات کے دوران دوپچاس سے زائد لوگ زخمی ہوئے،زخمیوں میں ایک سو چوراسی قانون نافز کرنے والے اداروں کے لوگ شامل ہیں،9 مئی کے واقعات اچانک نہیں منظم طریقے سے کیے گے،پاکستان کو اندرونی اور بیرونی دہشت گردی کا سامنا رہا،اٹارنی جنرل نے استدعا کی کہ سپریم کورٹ ان وجوہات کی بنا پر فل کورٹ تشکیل دیکر مقدمے کی سماعت کرے۔ اٹارنی جنرل نے کہا کہ پاکستان کی تاریخ میں اس سے پہلے ایسا نہیں ہوا،لیاقت حسین کیس میں جرم سویلین نوعیت کا تھا م،21 ویں آئینی ترمیم میں بھی جرم سویلین نوعیت کا تھا،جسٹس مظاہر علی اکبر نقوی نے اس موقع پر کہا کہ وہاں صورتحال باکل مختلف تھی،ائینی ترمیم کرکے فوجی عدالتیں قائم کی گی تھی۔چیف جسٹس نے کہا کہ آپ کہہ رہے ہیں کہ ایسا پہلی بار ہوا کہ عوام نے فوجی تنصیبات پر حملے کئے،درخواست گزاروں نے جو نکات اٹھائے ان پر بھی بات کریں ، یہ بتائیں سیکشن 7 کے تحت ملٹری کورٹس میں سزا کتنی ہے؟اٹارنی جنرل نے بتایا کہ سیکشن 7 اور 9 کے تحت ملٹری عدالتوں میں سزا دو سال قید ہے جس پر چیف جسٹس نے پوچھا کیا یہی سزا زیادہ سے زیادہ بنتی ہے۔ اٹارنی جنرل نے بتایا کہ جی،یہی سزا بنتی ہے۔ چیف جسٹس نے اس موقع پر کہا کہ عام عدالتوں میں تو پھر سزا زیادہ بنتی ہے،سول قوانین کے تحت زیادہ سنگین سزائیں موجود ہیں،9 مئی کے واقعات مین سنگینی کا پہلو موجود ہے،میری یاداشت میں ماضی کا ایسا کوئی واقعہ موجود نہیں جب ملک بھر میں اداروں ہر حملہ ہوا ہو،اٹارنی جنرل شفاف ٹرائل اور پراسس کی یقین دہانی کروائیں توپھر آئینی سوال پر آتے ہیں،یقینی طور پر عدالت غیر آئینی چیز کی اجازت نہیں دے گی،ملٹری کورٹس میں ٹرائل کے بعد موثر اپیل کا حق ملے گا یا نہیں؟عدالت عظمی نے اس سوال پر اٹارنی جنرل کو آئندہ سماعت پر اس بابت عدالت کو مطمئن کرنے کی ہدائیت کر دی ہے۔اٹارنی جنرل نے بتایا کہ میانوالی میں ایم ایم عالم کا استعمال کردہ جہاز توڑ دیا گیا۔جسٹس منیب اختر نے اس موقع پر ریمارکس دیئے کہ اپ نے جو مواد ریکارڈپر رکھا وہ تفتش ہی بنیاد بنے گا،آپ نے جو ڈیٹا پیش کیا اس کے حقائق،الزامات کی نوعیت بہت سنگین ہے۔اٹارنی جنرل نے عدالت کے استفسار پر بتایا کہ سیکشن 3 کے معاملے پر حکومت سے ہدایت لیکر عدالت کو آگاہ کرونگا،میں نے ٹرائل سے پہلے شواہد کی سمری پیش کی ہے،ٹراٹل کے لیے اگر عدالت بہتر تجویز دے تو اس پر عمل کریں گے۔جسٹس مظاہر علی اکبر نقوی نے اس موقع پر کہا کہ فیصلوں میں ملٹری کورٹس صرف اتنا ہی لکھتی ہیں کہ جرم ثابت ہوا یا نہیں، چیف جسٹس نے پوچھا کیا فوجی عدالتوں میں تفصیلی وجوہات ہوں گی۔اٹارنی جنرل نے بتایا کہ اگر عدالت حکم دے تو وہ وجوہات بھی فوجی عدالتوں کے فیصلے میں شامل ہوں گی۔بعد ازاں کیس کی سماعت جمعہ 21 جولائی تک کیلئے ملتوی کر دی گئی ہے۔

کراچی:پاکستانی معروف اداکار آغا علی نے 14 برسوں سے لا علاج بیماری میں مبتلا ہونے کا انکشاف کیا ہے۔ اپنے ایک انٹرویو کے دوران اپنی بیماری سے متعلق انکشاف کرتے ہوئے کہا کہ وہ گزشتہ 14 برسوں سے چنبل نامی جِلدی بیماری کا شکار ہیں اور اْنہیں یہ بیماری کیریئر کے آغاز میں لگی تھی۔ انہوں نے کہا کہ اس بیماری نے اْن پر طاقتور حملہ کیا، تھا، آغاز ہی میں اْن کے جسم پر سیکڑوں کی تعداد میں زخم بن گئے تھے۔ انہوں نے کہا کہ چنبل کو ادویات کے ذریعے کنٹرول کیا جاسکتا ہے لیکن دنیا میں ابھی تک اس کا مکمل طور پر علاج سامنے نہیں آیا ہے۔ انہوں نے بتایا کہ چنبل سے ہاتھ، پیروں اور منہ پر سرخ دھبے پڑ جاتے ہیں اور یہ دھبے کبھی کبھار تعداد میں بہت زیادہ ہوجاتے ہیں اور کبھی اِں کی شدت میں کمی آ جاتی ہے۔آغا علی کا اپنی بیماری چنبل کے وقتی علاج سے متعلق بات کرتے ہوئے کہنا تھا کہ اس میں مبتلا افراد کو چاہیے کہ وہ ذہنی تناؤ سے دور رہیں، جِلد کو صاف ستھرا رکھنے کی کوشش کریں اور پانی زیادہ سے زیادہ پیئیں، نیند پوری کریں، ورزش کریں اور پریشان نہ ہوں۔

اسلام آباد:پاکستان تحریک انصاف پارلیمنٹرین کے سربراہ پرویز خٹک بہت پہلے فیصلہ کر لیا تھا کہ چیئرمین پی ٹی آئی کے ساتھ نہیں چل سکتا،الیکشن کے موقع ملے پی ٹی آئی مان جاتی توآج ملک میں الیکشن ہو چکے تھے۔ پی ٹی آئی کا الیکشن میں نہ جانا یک راز ہے اور مستقبل میں یہ راز فاش ہو گا۔9 مئی کو جو واقعہ ہوا اس کے پیچھے کوئی ماسٹر مائنڈ تو ہو گا۔ایک ہی شخص تھا اعظم خان جو حکومت چلاتا تھا باقی تو کچھ تھا ہی نہیں۔پی ٹی آئی کا سوشل میڈیا جھوٹ پر چلتا ہے، گالیاں دینا ان کا کام ہے۔ہمارے پاس تین راستے تھے،اسٹیبلشمنٹ سے لڑائی، سیاست سے علیحدگی ،تیسرا راستہ منتخب کیا جو تھا کہ پاکستان کیلئے سیاست کریں۔ پاکستان تحریک انصاف پارلیمنٹرین کے سربراہ پرویز خٹک نے نجی ٹی وی کو انٹرویو دیتے ہوئے کہا ہے کہ چیئرمین پی ٹی آئی عمران کا مشن تھا کہ قوہم کو بے وقوف بنایا جا رہاہے، نیا پاکستان بن رہا ہے نہ کوئی کام کیا جا رہا ہے،عوام کو سمجھانا پڑے گا کہ بس صرف ایک نعرہ ہے باقی کچھ نہیں ہو رہا۔پرویز خٹک نے کہا ہے کہ سیاسی آدمی یقینا موقع دیکھ کر فیصلہ کرتا ہے، موقع آیا تو بھر پور فائدہ اٹھایا ہے۔الیکشن کرانے کے مواقع ملے لیکن انکار کیا گیا۔ مقصد کیا تھا کہ ملک میں انتشار پھیلانا ہے۔انہوں نے ایک سوال کے جواب میں کہا ہے کہ انتشار کا موقع پا کر فائدہ اٹھانے کی کوشش کی گئی جو درست نہیں تھی۔آزادی کا نعرہ لگانے کے پیچھے مقصد کیا تھا ہمیں اندھیرے میں رکھا گیا۔نیا پاکستان بنانے کا نعرہ صرف نعرہ ہی رہ گیا اس پر کوئی کام نہیں کیا گیا۔انہوں نے کہا ہے کہ بار بار کہا کہ ہم لڑائی نہیں کر سکتے ہمیں الیکشن میں جانا ہے لیکن ان کی ایک ہی کوشش تھی کہ عوام کو بے وقوف بنانا ہے۔اب ان لوگوں کو سمجھ آجائے گی کہ ان کے ساتھ ہوا کیا ہے۔یقین ہے لوگوںکو سمجھ آگئی کہ جھوٹ بول کر انہیں بے وقوف بنایا جا رہا ہے۔ انہوں نے ایک سوال کا جواب دیتے ہوئے کہا ہے کہ سب سے سوال ہے کہ الیکشن کیلئے کیوں نہیں مان رہے تھے، ایجنڈا کیا تھا۔انتشار ملک کے لئے اچھا نہیں، ہم جمہوری لوگ ہیں لڑائیوں کے عادی نہیں۔بس یہ ہی سوال ہے جب الیکشن کرانے کے مواقع تھے تو کیوں نہیں مانے،ملک میں انتشار پھیلائیں گے تو پھر پی ٹی آئی کا مقصد کیا ہے۔ہمیں الیکشن کے مواقع دیئے گئے چیئرمین پی ٹی آئی مان نہیں رہے تھے۔ انہوں نے کہا کہ امریکی سائفر والے معاملے سے متعلق میرے پاس تفصیل نہیں ہے۔بہت سی چیزیں میرے دل میں ہیں جو کبھی وقت آئے گا تو بتائیں گے۔ انہوں نے کہاہے کہ پی ٹی آئی کو4 مرتبہ الیکشن کرانے کے مواقع ضائع کرنے کے پیچھے راز کیا تھا۔پی ٹی آئی کا 4 مرتبہ الیکشن کرنے کے مواقع ملے لیکن راضی نہیں ہوئے۔چیئرمین پی ٹی آئی کو کہا کہ الیکشن کرانے کے مواقع ضائع نہ کریں۔ انہوں نے کہا ہے کہ مجھے ورزیر اعلی بنانے کی کوئی بات نہیں ہوئی،ٓنو مئی سے متعلق پی ٹی آئی کو جو نقصان ہوا ہے ان کو اندازہ ہی نہیں ہے۔نو مئی سے متعلق ہمیں اندھیرے میں رکھا گیا۔ پرویز خٹک نے کہا ہے کہ پاکستانیوں کو سوچنا چاہئے نومئی کے پیچھے راز کیا تھا۔ہمیں اندھیرے میں رکھا گیا، کوئی مشاورت نہیں کی گئی۔ایک واقعہ ہوتا ہے اور قیادت کو معلوم نہ ہو تو کچھ تو ہے۔نیا پاکستان بن رہا ہے نہ کوئی سوچ ہے، بس ایک نعرہ ہے غلط لائن پر لگا دیا گیا۔

اسلام آباد:وفاقی وزیر برائے داخلہ رانا ثناء اللہ نے کہا ہے کہ چیئرمین پی ٹی آئی عمران خان نے ان لوگوں کی ذہن سازی کی، پلاننگ کی اور یہ ملک دشمنی ہے۔نگراں ورزیراعظم سے متعلق ورزیراعظم نے مشاورت شروع کر دی ہیں، وزیراعظم کا عمل جلد اور آسانی سے مکمل ہو جائے گا۔نگراں ورزیراعظم سے متعلق ورزیراعظم نے مشاورت شروع کر دی ہیں، وزیراعظم کا عمل جلد اور آسانی سے مکمل ہو جائے گا۔اعظم خان جہاں بھی ہیں جیسے بھی ہیں ایسی بات نہیں کرنا چاہتا کہ فیملی کو ناگوار گزرے۔ہم نے پنجاب میں الیکشن مہم کا آغاز کر دیا ہے، کسی نے نہیں کہا کہ قربانی دیں یا سیٹ ایڈجسٹمنٹ کریں۔وفاقی وزیر داخلہ رانا ثناء اللہ نے نجی ٹی وی کو انٹرویو دیتے ہوئے کہا ہے کہ گواہیاں آرہی ہیں، سرحدوں سے باہر تان بانے ہیں وقت تو لگے گا، 9 مئی کے واقعات میں ملوث لوگوں کو سرغنہ یہ فتنہ ہے،چیئرمین پی ٹی آئی نے پہلے ادارے اور پھر ایک شخصیت کو نشانہ بنایا۔جن عناصر نے 9 مئی کے واقعات کئے ہیں ان کو اپنے جرم کا سامنا کرنا چاہئے۔رانا ثناء اللہ نے کہا ہے کہ تحریک انصاف کو الیکشن میں ہونا چاہئے اور الیکشن میں ہو،عوام ووٹ کی طاقت سے فیصلہ کریں ان کو ملک میں یہ فتنہ چاہئے یا جمہوریت اور امن۔ انہوں نے کہا ہے کہ پرویز الہی نے آخری 3ماہ حکومت میں ملک کو لوٹا، ستیاناس کیا۔عدالت میں پیش ہوں ضمانت کرائیں اپنی صفائی پیش کریں۔انہوں نے کہا ہے کہ ہم نے پنجاب میں الیکشن مہم کا آغاز کر دیا ہے،ہم سے کسی نے نہیں کہا کہ قربانی دیں یا سیٹ ایڈجسٹمنٹ کریں۔وزیر داخلہ نے کہا ہے کہ پنجاب میں بھر پور الیکشن لڑیں گے ہر سیٹ پر امیدوار ہو گا۔پنجاب میں ہمیں سیٹ ایڈجسٹمنٹ نہیں کرنی چاہئے کیونکہ اس کا نقصان پاکستان مسلم لیگ ن کو ہوگا۔ انہوں نے کہا ہے کہ پرانی اور نئی مردم شماری کا الیکشن سے کیا تعلق ہے،نئی مردم شماری آ بھی جائے تو حلقے تو یہی رہیں گے،مشترکہ مفادات کونسل کا فیصلہ اپنی جگہ، ووٹر لسٹیں اپ ڈیٹیڈ ہیں۔آبادی کی بنیاد پر تو صرف سیٹیں کی جگہ کم اور بڑھ جائیں گی،ہم یہ کہتے تھے دو اسمبلیوں کا پہلے الیکشن عام انتخابات کو ڈیکٹیٹ کرے گا۔انہوں نے ایک سوال کا جواب دیتے ہوئے کہا ہے کہ نگراں ورزیراعظم سے متعلق ورزیراعظم نے مشاورت شروع کر دی،نگراں وزیراعظم کا عمل جلد اور آسانی سے مکمل ہو جائے گا۔اعظم خان جہاں بھی ہیں جیسے بھی ہیں ایسی بات نہیں کرنا چاہتا کہ فیملی کو ناگوار گزرے۔شہزاد اکبر کے بھائی حکومتی اداروں کی حراست میں نہیں۔

اسلام آباد :چیئرمین پی ٹی آئی نے ایک بار پھر نیب میں پیش ہونے سے معذر ت کر لی،تحریری جواب جمع کروا دیاجس میں انہوں نے موقف اپنایا کہ 19 جولائی کو اسلام آباد کی عدالتوں میں پیش ہونا ہے تب ہی نیب کے سامنے پیش ہوسکتا ہوں،سیکورٹی وجوہات کی وجہ سے میں لاہور سے اسلام آباد کم سفر کرتا ہوں،تحریری جواب میں مزید کہا کہ نیب قوانین کے سیکشن 18 سی کے تحت انکوائری رپورٹ موصول صرف میں کر سکتا ہوں،میرا جواب جب نیب کو موصول ہو تو انکوائری رپورٹ میرے وکیل بیرسٹر گوہر خان کو دی جائے،القادر ٹرسٹ کیس میں سپریم کورٹ نے مجھے رہا کرنے کا حکم دیا تو انکوائری رپورٹ بھول آیا تھا،اس وقت بھی انکوائری رپورٹ بیرسٹر گوہر خان نے اپکے افسر سے موصول کی تھی،توشہ خانہ کیس کی انکوائری رپورٹ بیرسٹر گوہر خان میرے بیہاف پر موصول کریں گے۔