Category سیاست

لاہور:تحریک انصاف کے رہنما و سابق وفاقی وزیر اطلاعات و نشریات فواد چودھری نے کہا ہے کہ 22 کروڑ کا ملک بند کمروں میں کیے گئے فیصلوں سے نہیں چلایا جاسکتا،اسٹیبلشمنٹ کے کردار کو محدود کرنا ہوگا۔سماجی رابطے کی ویب سائٹ ٹوئٹر پر فواد چودھری نے اپنے بیان میں کہا کہ سعد رفیق کا بیان توجہ کا متقاضی ہے، ملک کو عوام کی خواہشوں کے تابع کرنے کیلئے سیاسی جماعتوں میں جمہوریت لانا اور ملک میں اسٹیبلشمنٹ کے کردار کو محدود کرنا ہوگا۔رہنما تحریک انصاف کا کہنا تھا کہ احتساب عوام کا حق ہے، ملک بند کمروں میں کیے گئے فیصلوں سے چلانا ممکن نہیں ہے۔

لاہور:مسلم لیگ ن کے رہنما اور وفاقی وزیر خواجہ سعد رفیق نے کہا ہے کہ پاکستان کی سیاست سے اتنا زیادہ دلبرداشتہ ہو گیا ہوں کہ کچھ بھی بننا پسند نہیں کرنا چاہتا۔سماجی رابطے کی ویب سائٹ ٹوئٹر پر جاری کیے گئے بیان میں خواجہ سعد رفیق نے کہا کہ سیاست تو آخری دم تک کروں گا لیکن یہ جو چیچک زدہ جمہوریت ہے میں اس سے بالکل بھی مطمئن نہیں ہوں۔پاکستان کی چیچک زدہ جمہوریت کی وجہ خاندانی سیاست ہے جس کی وجہ ملک کبھی ترقی نہیں کر سکتا۔انہوں نے کہا کہ اس چیچک زدہ جمہوریت میں اسٹیبلشمنٹ کی مداخلت ہے اور پھر اس میں نظریہ ضرورت کے تحت فیصلے دینے والے جج ہیں۔ان کا یہ بھی کہنا ہے کہ ان خرابیوں کے ہوتے ہوئے پاکستان تو ترقی نہیں کر سکتا۔

کراچی: ایم کیو ایم کے رہنما اور سابق میئر کراچی ڈاکٹر فاروق ستار نے کہا ہے کہ وزیراعظم کے لیے اعتماد کے ووٹ کا فیصلہ رابطہ کمیٹی کرے گی لیکن اگر اعتماد کا ووٹ لینے کیلئے آئے تو ہم ضرور سوال کریں گے کہ کیوں ووٹ دیں؟نجی ٹی وی سے گفتگو کرتے ہوئے فاروق ستار نے کہا کہ سیاسی جماعتوں نے عوام کے حقوق پر سمجھوتہ کر کے الیکشن میں حصہ لیا، کراچی کی 70 سیٹیں کم کر دی گئی ہیں،ڈاکٹر فاروق ستار نے کہا کہ صوبائی حکومت نے ہمارے مؤقف کو تسلیم کیا تھا، صوبائی حکومت نے تسلیم کیا کہ ہماری 53 سیٹیں کم کی گئی ہیں۔فاروق ستار نے کہا کہ بلدیاتی الیکشن کے دوران گھروں سے باہر نہیں نکلے، لوگوں میں مایوسی پھیل رہی ہے، آج ہم نے لوگوں کے اعتماد کو بحال کیا ہے،انہوں نے کہا کہ ایم کیو ایم کا پاکستان کی سیاست میں اہم رول رہا ہے ،آج بھی متحدہ کے اتحاد سے ہی وفاقی حکومت قائم ہے اور ہمارا اتحاد قوم و ملک کے لئے ہے ،اگر ہمارے مسائل حل نہ ہوئے تو ہم کارکنوں کو کیا جواب دیں گے ۔

اسلام آباد :مسلم لیگ (ن) کے قائد نواز شریف نے پارٹی کے سینئر رہنمائوں کا اجلاس لندن میں طلب کرلیا ہے ،رانا ثناء اللہ اور خواجہ آصف کو فوری لندن پہنچنے کی ہدایت کی گئی ہے ۔ذرائع نے بتایا کہ تیزی سے بدلتی سیاسی صورتحال کے پیش نظر نواز شریف نے پارٹی کی سینئر رہنمائوں کا اجلاس طلب کر لیا ہے،وزیر داخلہ رانا ثناء اللہ اور وزیر دفاع خواجہ آصف کو جلد لندن پہنچنے کی ہدایت کی گئی ہے ،اجلاس میں نوازشریف پارٹی رہنماؤں سے اپنی وطن واپسی سمیت پنجاب میں عام انتخابات میں حصہ لینے کی حکمت عملی پر تبادلہ خیال کریں گے،لندن میں ہونے والے اجلاس میں سینئر نائب صدر مریم نواز بھی موجود ہونگی ،ن لیگ پنجاب کے صدر راناثنا ء اللہ اجلاس کو سیاسی صورت حال پر بریفنگ دیں گے جبکہ پرویز الٰہی کے اعتماد کے ووٹ کی کامیابی بارے اپنی رپورٹ دینگے،ذرائع کا کہنا ہے کہ ن لیگ کے رہنماؤں کو مرحلہ وار لندن بلاکر نواز شریف سب کی رائے لینا چاہتے ہیں،خواجہ آصف اور اور راناثناء اللہ ایک دو روز میں لندن روانگی متوقع ہے ۔

اسلام آباد:ضلعی عدالت کے ڈسٹرکٹ اینڈ ایڈیشنل سیشن جج ظفر اقبال نے عمران خان پر قاتلانہ حملے کے خلاف احتجاج کرنے کے کیس کی سماعت کرتے ہوئے ڈپٹی سپیکر پنجاب اسمبلی واثق قیوم عباسی کی ضمانت منظور کر لی۔ تفصیلات کے مطابق عمران خان پرقاتلانہ حملے کے خلاف احتجاج کرنے کے کیس کی سماعت کی۔واثق قیوم عباسی کے وکیل علی بخاری ایڈیشنل سیشن جج ظفر اقبال کی عدالت میں پیش ہوئے۔ ڈسٹرکٹ اینڈ ایڈیشنل سیشن جج ظفر اقبال نے واثق قیوم عباسی کی دس ہزار روپے مچلکوں پر ضمانت کنفرم کردی گئی۔ڈپٹی سپیکر پنجاب اسمبلی واثق قیوم پر اسلام آباد کے تھانہ انڈسٹریل میں مقدمہ درج کیاگیاتھا۔

اسلام آباد :وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ عمران خان پنجاب اور خیبر پختونخواہ اسمبلی توڑ کے آمروں کی فہرست میں شامل ہونگے جنہوں نے ماضی میں اسمبلیاں توڑیں،یہ عوام کے ووٹ اور پارلیمانی اکثریت کو اپنے ذاتی فائدے کیلئے استعمال کر رہے ہیں، شیری رحمان نے اپنے بیان میں کہا کہ وقت سے پہلے عوامی منتخب اسمبلیوں کو توڑنا ان کی آمرانہ سوچ کا ثبوت ہے،یہ ملک میں سیاسی و معاشی عدم استحکام اور غیر یقینی کی صورتحال پیدا کرکے اس سے فائدہ اٹھانا چاہتے ہیں،بحران پیدا کرنے کی حکمت عملی سے عمران خان کو تو فائدہ ہو سکتا ہے لیکن ملک اس کا متحمل نہیں، شیری رحمان نے کہا کہ ہم نے بہت مشکل سے ملک کو سابق نااہل حکومت کی تباہ کاریوں اور ڈیفالٹ سے بچایا ہے، عمران خان کا مقصد ہر صورت میں اقتدار میں آنا ہے، عمران خان اپنی اسمبلیاں توڑنے کی خواہش بھی پوری کر لیں، اقتدار میں وہ پھر بھی نہیں آئے گے لوگ ان کے چار سال کے بدترین دور کو نہیں بھولے، فرد واحد کی ضد اور انا پر کھڑی جماعت عوامی نمائندگی نہیں کر سکتی

لاہور: چیئرمین پاکستان تحریک انصاف (پی ٹی آئی) عمران خان نے کہا ہے کہ پی ٹی آئی کا مقابلہ 30 سال سے ملک کا خون چوسنے والی سیاسی جماعتوں سے ہے۔ اپنے ایک بیان میں کہا ہے کہ چیئرمین پی ٹی آئی نے آج کراچی اور حیدرآباد ڈویژن میں بلدیاتی انتخابات ہو رہے ہیں اور ووٹرز نے کراچی اور حیدرآباد ڈویژن کے بلدیاتی انتخابات میں بھرپور شرکت کرنی ہے۔انہوں نے کہا کہ پی ٹی آئی کا مقابلہ 30 سال سے ملک کا خون چوسنے والی سیاسی جماعتوں سے ہے اور ووٹرز نے اپنے ووٹ سے ثابت کرنا ہے کہ نئے پاکستان کا وقت آرہا ہے۔عمران خان نے کہا کہ پاکستان کو عروج پر لے جانے والی ایک مختلف سیاست ہو گی۔

لاہور:مسلم لیگ(ق) کے رہنما چودھری پرویز الٰہی نے کہا ہے کہ عمران خان سے جو وعدہ کیا اسے نبھایا، ہم جس کے ساتھ بھی چلیں خلوص اور دل سے ساتھ دیتے ہیں۔ پرویز الٰہی کی زیر صدارت اعلیٰ سطح کا مشاورتی اجلاس ہوا، اجلاس میں اسمبلی تحلیل کی ایڈوانس کے بعد قانونی و آئینی پہلوئوں کا جائزہ لیا گیا، نگران وزیر اعلیٰ کے نام کے حوالے سے بھی مشاورت کی گئی۔اس موقع پر چودھری پرویز الٰہی کا کہنا تھا کہ عمران خان سے جو وعدہ کیا اسے نبھایا، ہم جس کے ساتھ بھی چلیں خلوص اور دل سے ساتھ دیتے ہیں، عمران خان کی آواز پر لبیک کہا ہے، آئندہ بھی ساتھ دیں گے۔چودھری پرویزالہٰی نے مزید کہا کہ قانون اور آئین کے تحت کام کیا ہے، اسمبلی کی تحلیل کے بعد آئین کے تحت نگران سیٹ اپ مشاورت سے تشکیل پائے گا۔محمد سبطین خان، صوبائی وزراء میاں محمود الرشید، سردار حسنین بہادر دریشک، صوبائی مشیر عامر سعید ، ایم پی اے یوسف بادوزئی، اکبر خان اور سیکرٹری پنجاب اسمبلی عنایت اللہ لک نے بھی مشاورتی اجلاس میں شرکت کی۔

کراچی:سندھ حکومت نے ایک بار پھر بلدیاتی الیکشن کرانے سے معذرت کر لی۔ سندھ حکومت نے صوبائی الیکشن کمیشن کو ایک اور خط لکھ دیا جس میں بلدیاتی انتخابات موخر کرنے کی سفارش کی گئی۔خط میں کہا گیا ہیکہ سکیورٹی کے مسائل کا سامنا ہے اور کوئی بھی ناخوشگوار واقعہ رونما ہوسکتا ہے لہٰذا سکیورٹی کے فول پروف انتظامات ہونے تک بلدیاتی الیکشن ملتوی کئے جائیں۔مراسلے میں کہا گیا کہ ا?رمی اور رینجرز کی مطلوبہ تعداد میسر نہیں ہوگی، ممکنہ دہشت گردی، حساس اداروں کے خدشات کو رد نہیں کیا جاسکتا، سکیورٹی فورسز کی عدم دستیابی پر انتخابات نہیں کرائے جاسکتے۔

اسلام آباد: وفاقی دارالحکومت کی عدالت نے پاکستان تحریک انصاف کے چیئرمین عمران خان کو حاضری یقینی بنانے کے لیے آخری موقع دے دیا۔بینکنگ کورٹ اسلام آباد میں ممنوعہ فنڈنگ سے متعلق کیس کی سماعت ہوئی اور عدالت نے عمران خان کی غیر حاضری پر انہیں حاضری یقینی بنانے کا آخری موقع دے دیا۔عدالت نے عمران خان کو 31 جنوری کو ذاتی حیثیت میں طلب کر لیا اور تحریری حکمنامے میں کہا کہ عمران خان آئندہ سماعت پر ہر صورت عدالت میں پیش ہوں۔اسلام ا?باد کی بینکنگ کورٹ نے عمران خان کو جلد شامل تفتیش ہونے کا حکم دیا۔ عمران خان کی درخواست پر بینکنگ کورٹ کے جج نے آخری موقعے کا حکمنامہ جاری کر دیا۔