Category سیاست

لاہور: دہشت گرد نیٹ ورک کے خلاف سی ٹی ڈی کی بڑی کامیابی، پنجاب کے مختلف شہروں سے کالعدم ٹی ٹی پی نیٹ ورک کے 5 دہشت گرد گرفتار کر لیے۔کاو?نٹر ٹیررزم ڈیپارٹمنٹ پنجاب نے کارروائی کرتے ہوئے ملتان ، لاہور ، گوجرانوالہ سے کالعدم ٹی ٹی پی نیٹ ورک کے 5 دہشت گرد گرفتار کرلیے۔حکام کے مطابق دہشت گردوں کی شناخت عبدالصمد، سہیل ، علی رحمان ظریف، نورعباس کے نام سے ہوئی ہے ، دہشت گردوں کے قبضے سے دھماکہ خیز مواد ، اسلحہ اور دستی بم بھی برا?مد کرلیا گیا۔سی ٹی ڈی حکام کے مطابق دہشت گردوں کے خلاف چار مقدمات درج کرلیے گئے ہیں جبکہ ملزمان کو تفتیش کے لیے نامعلوم مقام پر منتقل کردیا گیا جہاں ملزمان سے اہم انکشافات کی توقع ہے۔سی ٹی ڈی حکام کے مطابق رواں ہفتے ا?ئی جی پنجاب کی ہدایت پر سکیورٹی اداروں کے ہمراہ 452 کومبنگ ا?پریشن کی گئے۔حکام کا بتانا ہے کہ ان ا?پریشنز کے دوران 208 مشتبہ افرادگرفتار اور 138 مقدمات درج کی گئے جبکہ کارروائیوں کے دوران 22 ہزار 8 سو افراد سے پوچھ گچھ کی گئی۔

کراچی:کراچی، حیدر آباد اور ٹھٹہ میں بلدیاتی انتخابات کا معاملہ ،جی ایچ کیو نے تمام پولنگ اسٹیشنز پر فوج اور رینجرز کی اسٹیٹک تعیناتی سے معذرت کرلی،سیکریٹری الیکشن کمیشن عمر حمید کو وزارت داخلہ کا خط موصول ہوگیا۔تمام پولنگ اسٹیشنز کے باہر فوج اور رینجرز کی اسٹیٹک تعیناتی کا معاملے کے حوالے سے وزارت داخلہ نے کہا ہے کہ فوج اور رینجرز کی تعیناتی کا معاملہ جی ایچ کیو کے ساتھ اٹھایا،جی ایچ کیو نے کہا کہ اتنی بڑی تعداد میں اسٹیٹک تعیناتی ممکن نہیں، جی ایچ کیو نے کہا کہ پہلے درجے پر اسٹیٹک تعیناتی صوبائی حکومت کی ذمہ داری ہے۔ وزارت داخلہ نے کہاکہ جی ایچ کیو پہلے ہی ا?گاہ کرچکا ہے کہ اتنے زیادہ حساس پولنگ اسٹیشن اسٹیٹک تعیناتی ممکن نہیں، جی ایچ کیو کہہ چکا ہے انتخابی عملے اور مواد کو سیکیورٹی کور دینا ممکن نہیں۔ وزارت داخلہ نے کہا کہ جی ایچ کیو نے کہا ہے کہ الیکشن کمیشن 500 حساس پولنگ اسٹیشنز کی نشاندہی کرے ، پانچ سو حساس پولنگ اسٹیشن کے باہر رینجرز کی اسٹیٹک تعیناتی کی جاسکتی ہے۔

لاہور: وفاقی وزیر داخلہ رانا ثناء اللہ نے کہا ہے کہ پنجاب اسمبلی تحلیل ہو چکی ہے، اس معاملے پر اب غور نہیں ہو سکتا۔اپنے ایک بیان میں وزیر داخلہ رانا ثناء اللہ نے کہا کہ ہم الیکشن کیلئے پہلے بھی تیار تھے، نوازشریف سمیت پارٹی کی اکثریت کی رائے تھی کہ عمران خان کو اسمبلیاں توڑنے دی جائیں، ہم الیکشن میں جائیں گے، بھرپور طریقے سے انتخابات میں حصہ لیں گے۔انہوں نے کہا کہ پارٹی نے نوازشریف کو اپیل کی ہے کہ وہ پنجاب اور خیبرپختونخوا کی انتخابی مہم کو لیڈ کریں۔رانا ثناء اللہ کا کہنا تھا کہ امید ہے نوازشریف پارٹی کی اپیل کو قبول کریں گے اور واپس آئیں گے، نوازشریف کا اپنا بھی واپس آنے کا ارادہ ہے۔

ابوظہبی: وزیراعظم محمد شہباز شریف نے کہا ہے کہ ہنرمند افرادی قوت کو متحدہ عرب امارات بھیجنا ان کی حکومت کی اولین ترجیحات میں شامل ہے۔ وزیراعظم سے ابوظہبی چیمبر آف کامرس کے وفد نے جمعہ کو ابوظہبی میں ملاقات کی۔ وفد کی سربراہی ابوظہبی چیمبر آف کامرس کے چیئرمین عبداللہ محمد المزروعی نے کی۔ وفد سے گفتگو کرتے ہوئے وزیراعظم نے کہا کہ انہیں یو اے ای کے ایک اہم چیمبر آف کامرس سے مل کر خوشی ہوئی۔ انہوں نے کہا کہ ابوظہبی چیمبر نے متحدہ عرب امارات کی اقتصادی ترقی میں اہم کردار ادا کیا ہے۔ وزیراعظم نے اس بات پر خوشی کا اظہار کیا کہ چیمبر میں پاکستانی ممبران بھی موجود ہیں۔ وزیر اعظم نے مزید کہا کہ یہ ہمارے لیے فخر کی بات ہے کہ ایک پاکستانی بزنس مین کو اس معزز چیمبر کا بورڈ ممبر رہنے کا اعزاز رہا ہے جو اس حقیقت کا مظہر ہے کہ پاکستانی کمیونٹی متحدہ عرب امارات کی ترقی میں اہم کردار ادا کر رہی ہے۔ وزیراعظم نے کہا کہ یو اے ای کی قیادت کے وژن اور دانشمندی نے مختصر عرصے میں متحدہ عرب امارات کو اقتصادی سرگرمیوں اور سیاحت کا مرکز بنایا ہے۔ انہوں نے کہا کہ ہم متحدہ عرب امارات کو ایک اہم اسٹریٹجک اور اقتصادی شراکت دار سمجھتے ہیں، جو خطے میں امن، استحکام اور اقتصادی ترقی کو یقینی بنانے میں اہم کردار ادا کر رہا ہے اور مشترکہ سماجی و اقتصادی ترقی کی صلاحیت رکھتا ہے۔ وزیراعظم نے کہا کہ انہیں یہ جان کر خوشی ہوئی کہ حالیہ دنوں میں پاکستان اور متحدہ عرب امارات کے درمیان دوطرفہ تجارت میں نمایاں اضافہ ہوا ہے۔ انہوں نے مزید کہا کہ پاکستان اور متحدہ عرب امارات کے درمیان چیمبر ٹو چیمبر تعاون کو بڑھانے کی ضرورت ہے اور ہم پاکستانی چیمبرز پر زور دیں گے کہ وہ ابوظہبی چیمبر ت سے نئے روابط استوار کریں۔ وزیر اعظم نے ابوظہبی چیمبر کے اراکین کو اپنے کاروبار کو بڑھانے کے بہترین مواقع کا تجربہ کرنے کے لیے پاکستان کے دورہ کی دعوت دی.وزیراعظم نے کہا کہ ہنرمند افرادی قوت کو متحدہ عرب امارات بھیجنا ان کی حکومت کی اولین ترجیحات میں شامل ہے۔ ابوظہبی چیمبر آف کامرس کے اراکین نے پاکستان میں کاروبار کرنے اور سرمایہ کاری میں دلچسپی ظاہر کی۔

اسلام آباد:پاکستان تحریک انصاف کے سیکرٹری جنرل اسد عمر نے کہا ہے کہ پنجاب سے بھاگنے کی کوشش کی، جنرل الیکشن سے بھاگ گئے۔ اپنے ایک بیان میں انہوں نے کہا کہ اسلام آباد سے بھاگ گئے، کراچی سے بھاگ گئے، پنجاب سے بھاگنے کی کوشش کی، جنرل الیکشن سے بھاگ گئے، یہ سیاست دان ہیں یا کسی ریس میں بھاگنے والے؟

اسلام آباد:وزیر اعظم شہباز شریف نے پنجاب کی تیزی سے بدلتی سیاسی صورتحال کے معاملہ پر آصف علی زرداری اور نواز شریف سے ٹیلفونک رابطہ کیا ہے ۔ ذرائع کے مطابق وزیر اعظم شہباز شریف نے پاکستان پیپلز پارٹی کے شریک چئیرمین آصف زرداری سے ٹیلی فونک رابطہ کیا جس میںپنجاب کی تیزی سے بدلتی سیاسی صورتحال کے معاملہ پر تفصیلی تبادلہ خیال کیا گیا ہے ، وزیراعظم نے مسلم لیگ کے قائد میاں نواز شریف سے بھی رابطہ کیا ۔ ذرائع کا مزید کہنا ہے کہ تینوں بڑے رہنمائوں نے پنجاب میں آئین کے مطابق چلنے ، پنجاب اسمبلی کی تحلیل کے بعد الیکشن کے میدان میں بھرپور تیاری سے اترنے کا فیصلہ اورپنجاب کے حوالے سے ن لیگ کی سنٹرل ایگزیکٹو کمیٹی کا اجلاس بھی جلد بلانے پر اتفاق کیا گیا ہے ۔

اسلام آباد،لندن :مسلم لیگ ( ن) کے قائد میاں نواز شریف نے وفاقی وزیر برائے منصوبہ بندی اور سیکرٹری جنرل مسلم لیگ ن احسن اقبال کو پارٹی انتخابات کی تیاریوں کا حکم دے دیا۔ وفاقی وزیر برائے منصوبہ بندی اور سیکرٹری جنرل مسلم لیگ ن احسن اقبال نے مسلم لیگ نے کے قائد میاں نواز شریف سے لندن مین ملاقات کی جس میں ملکی مجموعی معاشی اور سیاسی صورتحال پر تبادلہ خیال کیا گیا۔ لندن میں ہو نیوالی ملاقات میں سنییر نائب صدر مریم نواز بھی موجود تھیں۔ ذرائع کے مطابق ملاقات میںپنجاب کی موجودہ صورت اور پارٹی کے موجودہ ڈھانچے پر بھی گفتگو ہوئی ، نواز شریف نے احسن اقبال کو پارٹی انتخابات کی تیاریوں کا حکم دے دیا۔ قائد ن لیگ کا کہنا تھا کہ پنجاب میں ن لیگ کو فعال اور متحرک بنانے کیلیے آؤٹ آف باکس فیصلے بھی کرنا ہونگے۔ اب ہمیں بھی روایتی طریقوں سے باہر آنا ہوگا۔ سیکرٹری جنرل مسلم لیگ نے احسن اقبال نے مریم نواز کو احسن اقبال کی پارٹی امور پر تفصیلی بریفنگ دی،مریم نواز نے خصوصی طور پر پنجاب میں پارٹی میں بڑی تبدیلیوں کا فیصلہ کرلیا۔ذرائع کا مزید کہنا تھا کہ احسن اقبال نے نواز شریف اور مریم نواز سے جلد وطن واپس آنے کی درخواست بھی کی ۔

اسلام آباد :پاکستان تحریک انصاف کے رہنما فواد چوہدری نے حکومت پر تنقید کرتے ہوئے کہا ہے کہ اسلام آباد بلدیاتی انتخابات کے بعد اب سندھ ہائیکورٹ کے فیصلے کو بھی ہوا میں اڑایا جا رہا ہے۔ سماجی رابطے کی ویب سائٹ ٹوئٹر پر ایک بیان میں فواد چوہدری نے کہا کہ اسلام آباد بلدیاتی انتخابات کرانے کے عدالتی حکم کو جوتے کی نوک پر رکھنے کے بعد اب سندھ ہائیکورٹ کے فیصلے کو ہوا میں اڑایا جا رہا ہے۔ انہوں نے کہا کہ نئی برائلز پارٹی نے پہلے پریس کانفرنس میں ہی عدالتوں کو دھمکی دی اگر عدالتوں کے آئینی احکامات کی حیثیت نہ رہی تو پھر انارکی ہی ہو گی۔ واضح رہے کہ سندھ حکومت نے کراچی، حیدر آباد، دادو میں بلدیاتی انتخابات ملتوی کرنے کا اعلان کر دیا ہے اور نئی حلقہ بندیوں سے متعلق نوٹیفکیشن بھی واپس لے لیا ہے۔

اسلام آباد: فوربز میگزین کی طرف سے ایشیا کی 50 کامیاب خواتین کی فہرست جاری کر دی گئی ایشیا کی 50 کامیاب خواتین کی فہرست میں پاکستان سے وفاقی وزیر شیری رحمان کا نام بھی شامل کیا گیا ہے ۔فوربز میگزین کی جانب سے جاری رپورٹ کے مطابق ایشیا پیسیفک سے 50 سال سے زیادہ عمر کی 50 خواتین کی فہرست جاری کی گئی ہے جو اپنے شعبہ جات میں نئی بلندیوں کو چھو رہی ہیں،فوربز میگزین کے مطابق 50 سال زائد عمر کی یہ 50 خواتین خطے کی اگلی نسل کی حوصلہ افزائی کر رہی ہیں۔وہ کاپ 27 میں شیری رحمان عالمی خبروں پر چھائی رہیں، شیری رحمان صحافی، وزیر اطلاعات اور امریکہ میں سفیر رہ چکی ہیں، شیری رحمان 2018 میں سینیٹ میں قائد حزب اختلاف کے عہدے پر فائز ہونے والی پاکستان کی پہلی خاتون ہیں، شیری رحمان کو اپریل 2022 میں پاکستان کی وزیر برائے ماحولیاتی تبدیلی مقرر کیا گیا، وہ نشان امتیاز کے ساتھ دیگر اعزازات اپنے نام کر چکی ہیں، فنانشل ٹائمز نے شیری رحمان کو 2022 کی 25 بااثر خواتین میں شامل کیا، یاد رہے کہ گزشتہ ماہ فائنانشل ٹائیمز نے شیری رحمان کو 2022 کی 25 بااثر خواتین کی فہرست میں شامل کیا تھا

اسلام آباد: صدر عارف علوی نے قومی اسمبلی کا شیڈول اجلاس 16 جنوری کی شام پانچ بجے پارلیمنٹ ہائوس میں طلب کیا ہے ،یہ اجلاس آئین کے آرٹیکل 54 ون کے تحت طلب کیا گیا ہے جو کہ 2 ہفتے تک جاری رہنے کا امکان ہے، جبکہ صدر سینیٹ کا اجلاس آج ( جمعہ ) کو طلب کر چکے ہیں ،قومی اسمبلی کے ذرائع نے بتایا کہ صدر کی طرف سے طلب کردہ شیڈول کے مطابق ہے اس حوالے سے وزیر اعظم نے ایڈوائس صدر مملکت کو وزارت پارلیمانی امور کے ذریعے بھجوائی تھی ،اجلاس میں معمول کا ایجنڈا نمٹایا جائیگا ،متعدد بلز ،قانون سازی کیلئے پیش ہوں گے جبکہ مختلف قائمہ کمیٹیوں کی رپورٹس بھی ایوان میں بھی پیش کی جائیںگی ،بڑھتی ہوئی مہنگائی اور دیگر عوامی امور کے معاملات پر بھی قومی اسمبلی بحث کرے گی ۔