Category پراپرٹی گائیڈ

اسلام آباد(ایمرا نیوز) نیاپاکستان ہاؤسنگ اسکیم کے تحت تعمیراتی منصوبوں میں سہولیات فراہم کرنے کیلئے حکومت قومی اسمبلی اجلاس سے قبل صدارتی آرڈیننس لانے پر غور کر رہی ہے‘ایوان زیریں کا10واں اجلاس منگل 21 مئی کو شروع ہونا تھا تاہم اب اس کا آغاز جمعہ 24مئی سے ہوگا۔

لاہور(ایمرا نیوز) ایل ڈی اے کے افسران اور ملازمین کے ماہانہ 1کروڑ52لاکھ روپے کا یوٹیلیٹی الاﺅنس دینے کا فیصلہ کیا گیا، اس مد میں ورکنگ پیپر تیار کر لیا گیا جو حتمی منظوری کے لئے ایل ڈی اے گورننگ باڈی کو پیش کیا جائے گا۔

تفصیلات کے مطابق ایل ڈی اے حکام کی جانب سے سیکرٹریٹ ملازمین کی طرز پر تمام افسران اور ملازمین کو ماہانہ یوٹیلیٹی الاﺅنس دینے کے لئے ورکنگ پیپر تیار کر لیا گای ۔ ورکنگ پیپر میں سکیل 1سے 8تک کے ملازمین کے لئے 3ہزار روپے ماہانہ، سکیل 9سے 14تک کے لئے 4ہزار روپے ماہانہ، سکیل 15کے لئے 5ہزار روپے ماہانہ، سکیل 16کے لئے

7ہزار روپے ماہانہ، گریڈ17کے افسران کے لئے 15ہزار روپے ماہانہ، گریڈ18کے لئے 20ہزار روپے ماہانہ، گریڈ19کے لئے 25ہزار روپے ماہانہ اور گریڈ 20کے لئے 20ہزار روپے ماہانہ یوٹیلیٹی الاﺅنس کی سفارش کی گئی ہے۔ افسران اور ملازمین کو یٹیلیٹی الاﺅنس مجموعی طور پر ایک کروڑ 52لاکھ 90ہزار روپے ماہانہ ادا کیا جائے گا۔ ورکنگ پیپر حتمی

منظوری کے لئے گورننگ باڈی کو پیش کیا جائے گا۔ دلچسپ امر یہ ہے کہ یوٹیلیٹی الاﺅنس کے ورکنگ پیپر کی منظوری ملی تو اس میں یہ بھی لکھا گیا کہ اس کا اطلاق یکم جنوری سے کر کے تمام رقم بقایا جات کی صورت میں افسران اور ملازمین کو ادا کر دی جائے گی۔

لاہور(عامر بٹ)ایڈیشنل ڈپٹی کمشنر راجن پور کی انسپکشن نے پنجاب لینڈ ریکارڈ اتھارٹی کے ضلع جام پور میں قائم کردہ اراضی ریکارڈ سنٹر اراضی ریکارڈ سنٹرز کے سٹاف کی خامیاں عیاں کر دی۔ کام میں نالائقی رشوت وصولی اور سنگین شکایات کے پیش نظر اراضی ریکارڈ سنٹر کے 16ملازمین کو ضلع بدر کرنے کا انکشاف جاری کر دیئے؟مزید معلوم ہوا کہ

ایڈیشنل ڈپٹی کمشنر راجن پور محمد افضل ناصر خان کی جانب سے کی جانے والی انسپکشن نے اراضی ریکارڈ سنٹرز کے سٹاف کی غیر قانونی پریکٹس کو جہاں عیاں کر دیا وہاں کام میں نالائقی عدم دلچسپی ، غفلت لاپرواہی اور بدنیتی کو بھی ظاہر کر دیا انسپکشن رپورٹ میں واضح کیا گیا کہ 7501انتقالات ایشوز اور252کھیوٹ ایشوز کے بقایا جات پنڈنگ ہے اور سست

روی کا شکار ہیں۔3سالہ سروس رولز کی کھلم کھلا خلاف ورزی کی جا رہی ہے با اثر سروس سنٹر سٹاف اختیارات کے ناجائز استعمال میں ملوث ہے ان کی فوری ٹرانسفر کرتے ہوئے ضلع بدر کیا جائے 400سے زائد انتقالات پر عملدرآمد نہیں کیا گیا جن کے ذمہ داروں کے خلاف سخت قانونی کارروائی کی سفارش کی گئی ۔ چار سالہ کمپیوٹرائزڈ جمع بندی کی تیاری نہ

ہونے کے سبب بڑے پیمانے پر مسنگ انتقالات کا خدشہ لاحق پیدا ہو چکا ہے جس کے ذمہ داران کے خلاف بھی فوری کارروائی کرنے کا مطالبہ کیا گیا وصولی ریکوری سرکار کا ٹارگٹ بھی مکمل نہ کیا جا سکا کارکردگی صفر بٹا صفر رہی، فیس انتقالات کی وصولی تو کی گئی مگر سرکاری خزانے میں مکمل سرکاری فیس جمع نہ کروائی گئی جس کے باعث کمی فیس پر بھی جواب طلبی درکار ہے۔ پرچہ رجسٹری انتقالات پرعملدرآمد میں کوتاہی برتنے پر 15دن کے اندر جواب طلب کر

لیا گیا۔ایڈیشنل ڈپٹی کمشنر راجن پورہ کی جانب سے اراضی ریکارڈ میں سنگین شکایات کے پیش نظر 16ملازمین کو ضلع بدر کرنے کے احکامات بھی جاری کر دیئے گئے۔ایڈیشنل ڈپٹی کمشنر ریونیو جام پور کی انسپکشن نے پنجاب لینڈ ریکارڈ اتھارٹی کے اراضی ریکارڈ سنٹرز میں پائی جانے والی خامیاں، سنگین غلطیاں اور بے ضابطگیاں بھی عیا ں کر دی ہیں ذرائع کا کہنا ہے کہ اس انسپکشن کی روشنی میں اگر محکمہ اینٹی کرپشن تحقیقات کرتے تو ان پر مقدمہ کا اندراج بھی ہو سکتا ہے ۔

لاہور(نیٹ نیوز)حکومت پنجاب نے متعدد افسروں کے تقرر و تبادلوں کے احکامات جاری کر دئیے ۔ بدھ کو سروسز اینڈ جنرل ایڈمنسٹریشن ڈیپارٹمنٹ کی جانب سے جاری کئے گئے نوٹیفکیشن کے مطابق مس سعدیہ مہر ایڈیشنل ڈپٹی کمشنر (ریونیو) سیالکوٹ کو 28اپریل 2019 سے ایک ماہ کی رخصت دینے اور واپسی پر ایس اینڈ جی اے ڈی میں رپورٹ کرنے ، تقرری

کے منتظر احمد عثمان جاوید کو ایڈیشنل ڈپٹی کمشنر (ریونیو) سیالکوٹ تعینات کر دیا ۔ نواز گوندل ایڈیشنل ڈپٹی کمشنر (ریونیو) نارووال کو تبدیل کر کے ایڈیشنل ڈپٹی کمشنر (ریونیو) ساہیوال تعینات کرنے کے ساتھ ساتھ وہاں پر موجودعثمان طاہر کو تبدیل کر کے ایڈیشنل ڈپٹی کمشنر (ریونیو) نارووال تعینات کر دیا ۔علاوہ ازیں مسز رخسانہ گیلانی کی بطور صوبائی

محتسب تعیناتی کی مدت میں 19 اپریل 2019 سے ایک سال کے لئے توسیع کرنے کے ساتھ ساتھ مس فوزیہ وقار چیئرپرسن پنجاب کمیشن آن دی سٹیٹس آف ویمن (PCSW) کو امریکہ میں ذاتی مصروفیات نمٹانے کے لئے 6مئی سے 4جون 2019 تک بیرون ملک جانے کے لئے این او سی جاری کر دیا گیا ہے ۔ادھر آئی جی پنجاب کیپٹن (ر) عارف نواز خان نے 4 پولیس

افسران کے تقرر و تبادلے کے احکامات جاری کئے ہیں۔تفصیلات کے مطابق ایڈیشنل ایس پی موبائلز لاہوراسد الرحمان کو ایڈیشنل ایس پی سی آر اولاہور کی اسامی پر تعینات کیا گیا ہے جبکہ اسد الرحمان اپنے عہدہ کے علاوہ ایڈیشنل ایس پی موبائلز لاہورکے چارج کی ذمہ داری کا بھی خیال رکھیں گے ۔ایس ڈی پی او صفدر آباد شیخوپورہ ضیااﷲ خان کو ایس ڈی پی او

رائے ونڈ لاہور، ایس ڈی پی او رائے ونڈ نوید اکمل کو ایس ڈی پی او ریس کورس لاہو ر کی خالی اسامی پر، تقرری کے منتظر غلام اصغر کو ڈی ایس پی کے عہدہ پر ترقی دے کر ایس ڈی پی او حضرو اٹک کی خالی اسامی پر تعینات کرنے کے احکامات جاری کر دیئے ہیں۔ اسٹیبلشمنٹڈویژن کی جانب سے جاری کر دہ نوٹیفکیشن کے مطابق حکومت نے گریڈ 20 کے

افسر بقئی بن حنیف چیف فنانس اینڈ اکاؤنٹس آفیسر کابینہ ڈویژن کی خدمات پنجاب کے سپر د کر دی گئیں تاکہ ان کو یونیورسٹی آف ہیلتھ لاہور میں تعینات کیا جائے ۔ ملک ضیاء الدین کاسی کو وزارت قومی تحفظ کے چیف فنانس اینڈ اکاؤنٹس آفیسر کا اضافی چارج بھی دے دیا گیا ۔ملک احمر الہی چیف فنانس اینڈ اکاؤنٹس آفیسرداخلہ ڈویژن کو15مارچ سے 8 جولائی

تک چیف فنانس اینڈ اکاؤنٹس آفیسرمنصوبہ بندی ، ترقی و اصلاحات ڈویژن کا اضافی چارج بھی دے دیا ہے ۔گریڈ 18 کی افسر ثریا فلک ناز سینئر سبجیکٹ سپیشلسٹ آف ایلیمنٹری اینڈ سکینڈری ایجوکیشن ڈیپارٹمنٹ کے پی کے کی خدمات وزارت دفاع کے سپر کر دی گئیں ۔

لاہور(ایمرا نیوز) مانیٹرنگ کے غیر فعال سسٹم کے باعث اراضی ریکارڈ سنٹرز پر کسانوں میں بار دانہ تقسیم کی پریکٹس بھی کرپشن کی بھینٹ چڑھ گئی ،گرداوری، ملکیت پر اعتراضات کی بھرمار ،بار دانہ کاشتکاروں کے ساتھ ساتھ مڈل مین کو بھی دالوایا گیا۔ میڈیا 92کو ملنے والی مبینہ معلومات کے مطابق پنجاب لینڈ ریکارڈ اتھارٹی ادارہ لاوارث ہو کر رہ گیا انتظامیہ نام کی کوئی چیز نہ ہے لوٹ مار کا بازار اراضی ریکارڈ سنٹرز پر گرم کر دیا گیا۔مزید معلوم ہوا ہے کہ اراضی ریکارڈ سنٹرز فیصل آباد، اراضی ریکارڈ سنٹرز، گوجرانوالہ ، ملتان ، لاہور ، سیالکوٹ ، جہلم ، سائیوال ، جھنگ ، میانوالی بھکر۔ لیہ ٹوبہ ٹیک سنگھ ڈیرہ غازی خان رحیم یار خان۔ وہاڑی اوکاڑہ قصور ناروال روالپنڈی اٹک سرگودھا شیخوپورہ۔ سمیت صوبے بھر میں باردانہ کی تقسیم کی آڑ میں ایسی تاریخی کرپشن کی جس کا سابق ادوار میں کبھی کوئی مثال نہ ملی ہو ، حیران امر یہ رہا کہ اس مرتبہ پنجاب لینڈ ریکارڈ اتھارٹی کی انٹیلی جنس بیورو یا ڈائریکٹرز نے بھی کسی قسم کی نا تو مانیٹرنگ کی اور نہ ہی ڈی جی PLRA. کو کوئی بریفنگ دی گی اراضی ریکارڈ سنٹرز پر آنیوالے کاشتکاروں کیساتھ غیر مناسب رویہ، رشوت وصول اور خواری کے حوالے سے بھی کوئی رپورٹ مرتب نہ کی۔کاشتکاروں کی کثیر تعداد نے وزیر اعظم پاکستان سے فوری نوٹس لینے کا مطالبہ کر دیا اور مطالبہ کیا کہ صوبے بھر کے اراضی ریکارڈ سنٹرز کی باردانہ تقسیم کرنے کی پریکٹس کی فوری تحقیقات کروائی جائے تاکہ اس کی زد میں آنیوالے وہ اصل ملزمان کے خلاف قانونی کارروائی عمل میں لائی جا سکے جنہوں نے رشوت وصولی کی کرپشن کی اور سائلین کی مشکلات میں اضافہ کیاکاشتکاروں نے ڈی جی اینٹی کرپشن پنجاب سے بھی فوری نوٹس لینے کا مطالبہ کیا ہے۔

لاہور(ایمرا نیوز)اسسٹنٹ کمشنر شالیمار کی رمضان آمد کی تیاریوں ، اور ماڈل سستا بازار کی نگرانی میں مصروفیت محکمہ تعلیم کے ملازم نے سنٹرل گورنمنٹ کی تین کنال سرکاری اراضی پر سکول تعمیر کرلیا ۔

کرپشن کی بنیاد پر محکمے سے نکالے جانے والے ملازم میاں محمود نے رانی پنڈ میں واقع دس کروڑ روپے مالیت کی سرکاری اراضی پر قبضہ کر لیا۔ رانی پنڈ میں واقع گیٹ وے ہائی سکول کے نام سے سنٹرل گورنمنٹ کی سرکاری اراضی پر کئے جانے والے قبضے نے محکمہ مال کے افسران کی کارکردگی کا بھی پول کھول دیا ۔

مین روڈ پر واقع انتہائی قیمتی سرکاری اراضی پر قابض محکمہ تعلیم کے ملازم میاں محمود کا یہ قبضہ محکمہ مال کیلے بڑا چیلنج ثابت ہوا۔میڈیا 92 نے وفاقی حکومت کی سرکاری اراضی پر تعمیر کیے جانےوالے غیر قانونی سکول کی تصاویر بھی حاصل کر لی

ڈپٹی کمشنر لاہور سے فوری نوٹس لینے کا مطالبہ کر دیا گیا۔

لاہور(وقت نیوز آن لائن)
ماڈل ٹاؤن پراپرٹی ڈیلرز ایسویسی ایشن اور چغتاتی لیب کے درمیان معاہدہ طے پاگیا۔ ماڈل ٹاؤن رجسٹرڈ پراپرٹی ڈیلرز کے چیرمین عیتق الرحمن جوئیہ کی اس کاوش نے ڈیلرز برادری کے دل جیت لیے۔ چغتاتی لیب کے کارڈ ھولڈرز ڈیلرز کو مختلف پتھالوجیکل ٹیسٹوں میں پچیس فصید رعایت ملے گی ھرماہ جعمرات کو فری چیک اپ کیا جائے گا۔
میڈیا 92 کی خاص رپورٹ دیکھیں

جعمہ کے روز خریداری پر ادویات پر بارہ فصید رعایت دی جائے گی، جبکہ کارڈ ھولڈر ڈیلرز کو بہترین سروسز مہیا کی جائیں گی معاہدہ کی اس تقریب میں یاسر بٹ ندیم احمد خان ندیم چوئدری ،چوئدری عمران ،غنی گجر ،محمد ضیا الرحمان ،محمد افضل ،انصاری عابد حیسن ،اور میاں پرویز علی نے خصوصی شرکت کی ماڈن ٹاؤن کے پراپرٹی ڈیلرز کی کیثر تعداد نے چیرمین عیتق الرحمان جوئیہ کی اس خصوصی کاوش پر ان کا شکریہ ادا کیا اور ان کی جانب سے ان کی بے لوث خدمات کو بھی سراہا۔

لاہور(ایمرا نیوز) وزیر اعظم پاکستان عمران خان کے وژن کے تحت کثیر المنزلہ عمارتوں کی تعمیر کی حوصلہ افزائی کے لئے لاہور ڈویلپمنٹ اتھارٹی نے اہم اقدام کیا ہے۔ ایل ڈی اے نے فنانس اینڈ ٹریڈ سنٹر جوہر ٹاﺅن میں 45منزلہ عمارت کی تعمیر کی منظوری دے دی۔44کنال اراضی پر پاکستان کا بلند ترین ہوٹل تعمیر کیا جائے گا جس کی عمارت کی اونچائی500فٹ ہو گی۔ اس میں تین تہہ خانے (بیسمنٹ) اور 42فلور تعمیر کئے جائیں گے۔ چیف ٹاﺅن پلانر سید ندیم اختر زیدی اور ایڈیشنل ڈائریکٹر جنرل ہاﺅسنگ ظریف اقبال ستی نے عمارت کا نقشہ تعمیر کنندگان اورینٹ گروپ کے حوالے کر دیا۔ عمارت کی تعمیر کے لئے محکمہ ماحولیات اور ٹیپا نے این او سی جاری کر دیئے ہیں۔ عمارت میں استعمال شدہ پانی کا ٹریٹمنٹ پلانٹ نصب کیا جائے گا۔ بعدازاں یہ پانی چلرز اور پودوں کو آبپاشی کے لئے استعمال ہو گا۔ بارش کا پانی جمع کرنے اور گراﺅنڈ واٹر چارج کرنے کا انتظام کیا جائے گا۔ یہاں بلند ترین انٹرنیشنل ہوٹل قائم کیا جائے گا اور یہ عمارت جوہر ٹاﺅن کا آئیکون ہو گا۔ لاہور ڈویلپمنٹ اتھارٹی نے فنانس اینڈ ٹریڈ سنٹر جوہر ٹاﺅن میں کثیر المنزلہ عمارتوں کی تعمیر کے پیش نظر ضلعی انتظامیہ اور ریسکیو1122کو علاقے کے لئے خصوصی اقدامات کرنے کی درخواست کی ہے۔ آتشزدگی اور ہنگامی صورتحال سے نمٹنے کے لئے ضروری انتظامات کئے جائیں۔ اس سلسلے میں تعمیر کنندہ کمپنی نے بھی اپنا پلان ریسکیو1122مہیا کر دیاہے۔

لاہور( عامر بٹ سے )ضلع لاہور میں جعلی رجسٹریوں کی تیاری اور ریکارڈ میں حپسپاں کرنے کا معاملہ، سب رجسٹرار داتا گنج بخش ٹاﺅن نے لینڈ مافیا اور کلرک مافیا کو بے نقاب کر دیا۔ سرکاری اہلکاروں کے خلاف محکمہ اینٹی کرپشن میں کارروائی کی سفارش جبکہ تمام شواہد اور ثبوت اے ڈی سی جی کو بھی پیش کر دیئے گئے۔

سب رجسٹرار داتا ٹاﺅن بلال اصغر نے اے ڈی سی جی کو دی جانے والی رپورٹ میں اہم انکشافات کئے اور جن جن مقامات پر جعلسازی سے کاغذات لگوائے گئے ان کی نشاندہی بھی کر دی۔سبزہ زار میں پلاٹ نمبر72رقبہ تعدادی 5مرلہ گھر کی جعلی رجسٹری ریکارڈ میں چسپاں کی گئی۔جبکہ ایل ڈی اے جوہر ٹاﺅن میں ایک کنال کے پلاٹ پر جعلی رجسٹری استعمال کی گئی۔

اسطرح مال روڈ پر 4کنال اور لاہور کے مختلف علاقہ جات میں آنیوالی جائیداد میں11سے زائد بوگس رجسٹریاں چسپاں کی گئی۔سب رجسٹرار بلال اصغر نے محکمہ ریونیو کے اعلی افسران سے مطالبہ کیا کہ رجسٹری ریکارڈ روم میں 6سی سی ٹی وی کیمرے لگائے جائیں۔

ریکارڈ روم کو 5حصوں میں تقسیم کرتے ہوئے الگ الگ ریکارڈ کیپر لگائے جائیں اور آفس سپرنٹنڈنٹ اور کلرک انچارجز کیپر لگائے جائیں جن پر مکمل ذمہ داری عائد ہو۔اور سابق ریکارڈ کیپر نوید یوسف بٹ کے خلاف تمام جعلی رجسٹریوں کی الگ الگ چارج شیٹ بنائی جائے۔

محکمہ اینٹی کرپشن میں مقدمہ درج کروایا جائے اور سابق کلرک کو فوری نوکری سے فارغ کئے جانے کی بھی تحریری سفارش کر دی۔

لاہور( اپنے نمائندے سے )ایل ڈی اے میں ہونے والے انتخابات اور جیتنے والی ایل ڈی اے ایمپلایز یونین کے جنرل سیکرٹری رشید بیگ سمیت تمام ±امیدواروں کو مبارکباد کاسلسلہ جاری رہا ۔

وہاں شاہ عالم مارکیٹ کے صدر خواجہ عامر ، خواجہ یوسف اور شیخ رضوان کی جانب آفس میں پرتکلف ظہرانے کا اہتمام کیا گیا ۔شاہ عالم مارکیٹ میں اس پرتکلف ظہرانے میں خالد بن ولید ، رفیق بٹ ، چوہدری آصف ، میاں اعجاز ، حاجی سیٹھ تنویرعالم عابد محمود خالد بٹ، حسن بادشاہ ،میاں اعجاز اور طیفی بٹ کے صاحبزادے وسیم بٹ سمیت دیگر کاروباری اور سماجی شخصیات نے شرکت کی

ایل ڈی اے ایمپلایز یونین کے عہد داروں نے شاہ عالم مارکیٹ کے صدر خواجہ یوسف خواجہ عامر اور شیخ رضوان سمیت تمام دوستوں کی محبت کے اس اظہار پر شکریہ ادا کیا۔