Category پراپرٹی گائیڈ

اسلام آباد(نیٹ‌نیوز) بحریہ ٹائون نے راولپنڈی اور مری کے منصوبوں کو جائز قرار دینے کے بدلے 50 ارب روپے ادا کرنے کی پیشکش کردی ہے جبکہ سپریم کورٹ نے پیشکش پر پنجاب حکومت اور متعلقہ اداروں سے جواب طلب کرلیا ہے اور علی ریاض کی حاضری سے استثنیٰ کی استدعا مسترد کردی ہے ۔

جسٹس شیخ عظمت سعید کی سربراہی میں 3 رکنی عملدرآمد بینچ نے پیر کو بحریہ ٹائون کے بارے عدالتی فیصلے پر عمل درآمد کیس کی سماعت کرتے ہوئے رکھ تخت پڑی راولپنڈی میں جنگلات کی زمین پر تعمیرات کے معاملے میں حکومت پنجاب، محکمہ جنگلات اور قومی احتساب بیورو(نیب) کو نوٹس جاری کردیا جبکہ مری میں شاملات کی زمین پر تعمیرات کے معاملے میں پنجاب حکومت اور محکمہ جنگلات کے علاوہ ماحولیاتی تحفظ کی صوبائی ایجنسی اور کمشنر راولپنڈی کو نوٹس جاری کرتے ہوئے قرار دیا کہ اگلی سماعت پر تمام متعلقہ محکموں کے افسران عدالت میں موجود رہیں۔

دوران سماعت وکیل اعتزاز احسن نے بحریہ ٹائون کی طرف سے تحریری تجاویز پیش کیں۔جسٹس شیخ عظمت سعید نے کہا کہ اس معاملے میں جو بھی ہوگا قانون کے مطابق ہوگا، بحریہ ٹائون کراچی اور راولپنڈی و مری کی نوعیت الگ ہے ،راولپنڈی اور مری کے معاملے میں جنگلات کی زمین پر تعمیرات کا سوال ہے ،قانون کے مطابق حل نکالنا ہے کیونکہ سپریم کورٹ نے اپنے فیصلے میں تیسرے فریق کے مفاد کی بات کی ہے ۔

جسٹس شیخ عظمت سعید نے کہا کہ فیصلے پر صرف عملدرآمد کرانا ہے ، دلائل نہیں سنیں گے ، اس پر وکیل اعتزاز احسن نے کہا کہ راولپنڈی میں میڈیا ٹائون، پاکستان ٹاون، جوڈیشل ٹائون سمیت کئی منصوبے جنگلات کی زمین پر ہیں تو جسٹس شیخ عظمت سعید نے ان سے کہا کہ ایک نام آپ لینا بھول گئے ہیں،

ڈی ایچ اے کا نام کیوں نہیں لیتے ؟ اس پر وکیل بحریہ ٹائون طارق رحیم نے کہا کہ ڈی ایچ اے شاملات کی زمین پر ہے ۔بحریہ ٹائون کے دوسرے وکیل خواجہ طارق رحیم نے کہا کہ اٹامک انرجی کمیشن کا بھی جنگلات کی زمین پر قبضہ ہے جس پرشیخ جسٹس عظمت سعیدنے کہا کہ معاملے کو حل کرنا ہے ،پھیلائیں گے تو پیچیدگیاں پیدا ہوں گی جبکہ ایڈیشنل ایڈوکیٹ جنرل پنجاب قاسم چوہان نے کہا کہ میڈیا ٹائون اور پولیس فائونڈیشن لوئی بھیر میں بنی ہیں ،تخت پڑی میں نہیں۔جسٹس شیخ عظمت سعید نے کہا کہ مری کے معاملے میں ماحولیاتی آلودگی کا نکتہ بھی ہے

جس کو نظر انداز کرنا اتنا آسان نہیں کیونکہ سپریم کورٹ نے نیو مری پراجیکٹ کا معاملہ خود اٹھایا تھا۔اعتزاز احسن نے کہا کہ نیو مری پراجیکٹ پٹریاٹہ میں بننا تھا جو 7 ہزار فٹ اوپر تھا جبکہ بحریہ ٹائون کا منصوبہ نیچے راولپنڈی کی حدود میں ہے ۔دوران سماعت کورنگ نالے کے کنارے تجاوزات کے بارے بھی بات ہوئی اور ایڈیشنل ایڈوکیٹ جنرل پنجاب نے کہا کہ صوبائی حکومت نے اپنی حدو د میں تجاوزات ختم کردیئے ہیں۔

عدالت نے نوٹس جاری کرتے ہوئے وکلا کی رضا مندی سے سماعت 14مئی تک ملتوی کردی اور آبزرویشن دی کہ اگلی سماعت پر کیس نمٹادینگے ۔ سپریم کورٹ نے لاہور اور قصور کے ہسپتالوں کے طبی فضلہ کی تلفی سے متعلقمعاملے نیب کے سپرد کرنے کے حکم پر نظر ثانی کی درخواست نمٹاتے ہوئے درخواست گزار کو متعلقہ فورم سے رجوع کرنے کی ہدایت کی ہے ۔

سپریم کورٹ نے دو طالبات عائشہ عظمت اور عروبہ حشمت کی ڈگریوں سے خلاف دائر درخواست خارج کر دی۔ چیف جسٹس کی سربراہی میں قائم3 رکنی بنچ نے کہاکہ ہائیکورٹ کا فیصلہ بہاولپور انٹرمیڈیٹ اینڈ سیکنڈری ایجوکیشن بورڈ کے سرٹیفکیٹ پر منحصر ہے ،

بہاولپور بورڈ کا سرٹیفکیٹ اصلی اور تصدیق شدہ تھا اور اب بھی ہے ، بہاولپور بورڈ کے فیصلے کو کہیں بھی چیلنج نہیں کیا گیا۔

کوئٹہ: (نیٹ نیوز) وزیراعظم عمران خان آج سرکاری دورے پر کوئٹہ پہنچے تو گورنر امان اللہ خان اور وزیراعلی بلوچستان جام کمال نے ائیرپورٹ پر ان کا استقبال کیا۔ بعد ازاں وزیراعظم نے ہزارہ برادری کے وفد سے ملاقات کی اور شہدا کے لواحقین کے ساتھ دلی اظہار ہمدردی کا اظہار کیا. نیا پاکستان ہاوسنگ منصوبے کی تقریب میں شرکت کے دوران پراجیکٹ کا سنگ بنیاد رکھا.

وزیراعظم نے کوئٹہ میں ہزارہ برادری کے وفد سے ملاقات کی اور دہشتگردی کے واقعات میں شہدا کے اہل خانہ سے اظہار افسوس کیا۔ وزیراعظم نے ہزارہ برادری کو ہر قسم کی سکیورٹی فراہم کرنے کی یقین دہانی کروائی۔

بعد ازاں وزیراعظم نے نیا پاکستان ہاؤسنگ منصوبے کا سنگ بنیاد رکھ۔ تقریب کے دوران وزیراعلی بلوچستان جام کمال نے خطاب کرتے ہوئے کہا کہ بلوچستان پر خصوصی توجہ مرکوز کرنے پر وزیراعظم کے مشکور ہیں، صوبے کے ماضی کے حل طلب دیگر مسائل بھی حل کریں گے، ہم نے ملک کا وقار بڑھانا ہے، مشکلات سے نبرد آزما ہونا بڑا چیلنج ہے۔ صوبے میں نوجوانوں کے پاس نہ نوکری ہے اور نہ ہی رہائش، بلوچستان کےعوام پرامید ہیں کہ اب ان کے مسائل حل ہوں گے۔

اسلام آباد:(ایمرا نیوزآن لائن) وزیراعظم عمران خان سے چائنہ سلک روڈ لمیٹڈکے چیئرمین یان لیجن کی ملاقات ہوئی جس میں چائنہ سلک روڈگروپ کا وزیراعظم کے کم لاگت والے ہائوسنگ منصوبے میں دلچسپی کا اظہارکیا ہے۔وزیراعظم آفس سے جاری بیان کے مطابق وزیراعظم عمران خان سے چائنہ سلک روڈ لمیٹڈکے چیئرمین یان لیجن کی ملاقات ہوئی،ملاقات میں چائنہ سلک روڈ گروپ کا وزیراعظم کے کم لاگت والے ہائوسنگ منصوبے میں دلچسپی کا اظہار کیا۔چائنہ سلک روڈگروپ نے پاکستان میں کم لاگت والے تیارشدہ مکانات کے ڈھانچوں کا پلانٹ لگانے کی پیشکش کی۔

وزیراعظم نے چینی کمپنی کی پیشکش کا خیرمقدم کیا اورکہاکہ حکومت ملک میں بیرون سرمایہ کاروں کے لیے آسانیاں پیداکررہی ہے۔ سی پیک پروجیکٹ کے تحت پاک چین تعلقات مزید مضبوط ہوںگے۔بعدازاں وزیراعظم عمران خان کی زیرصدارت میڈیا اسٹریٹجی کمیٹی کا اجلاس ہوا جس میں وفاقی وزیراطلاعات فواد چوہدری، یوسف بیگ مرزا، ندیم افضل چن ودیگر شریک تھے ۔عمران خان نے وفاقی وزرا کووزارتوں کی کارکردگی عوام تک پہنچانے کی حکمت عملی بنانے کی ہدایت کرتے ہوئے کہاکہ حکومتی اورپارٹی ترجمان بغیرتیاری ٹاک شوز پر نہ جائیں۔اجلاس میں وزارتوں کی کارکردگی اوراقدامات کے حوالے سے ترجمانوں کو متواتربریفنگ دیے جانے کا فیصلہ کیاگیااورفواد چوہدری، یوسف بیگ مرزا، ندیم افضل چن اور فردوس عاشق اعوان پرمشتمل میڈیا ٹیم تشکیل دی گئی۔

چاررکنی میڈیا ٹیم حکمت عملی پر عملدرآمدکی ذمے دار ہوگی۔مزیدبرآں ترجمان وزیراعظم ہاوس کے مطابق وزیراعظم عمران خان سے برطانوی پارلیمنٹ کے ممبر برینڈن لیوس کی ملاقات ہوئی، جس میں دوطرفہ تعلقات،باہمی تجارت بڑھانے اورسرمایہ کاری سے متعلق معاملات اور خطے کی سیکیورٹی صورتحال پربھی تبادلہ خیال کیاگیا۔وزیراعظم عمران خان نے خطے میں قیام امن کی کوششوں اور ہندوستان اور افغانستان کی صورتحال کا مجموعی جائزہ پیش کرتے ہوئے کہاکہ پاکستان تمام ہمسایہ ممالک سے پرامن اور مثبت تعلقات چاہتا ہے۔وزیر اعظم عمران خان سے امان اللہ کنرانی کی زیرقیادت سپریم کورٹ بار ایسوسی ایشن کے وفدنے ملاقات کی۔ صدر سپریم کورٹ بار نے بارکی جانب سے وزیراعظم کے وژن اور حکومت کے اصلاحاتی ایجنڈے کو سراہا بارکی درخواست پروزیراعظم نے بارممبران خصوصا عمر رسیدہ وکلا کے لیے صحت انصاف کارڈکی فراہمی کا اعلان کیا۔وزیراعظم عمران خان سے وزیرخزانہ اسدعمر نے بھی ملاقات کی اورانہیں آئی ایم ایف سے مذاکرات اوردورہ امریکا پر بریفنگ دی۔اسدعمرنے آئی ایم ایف مشن کے متوقع دورہ پاکستان سے بھی وزیراعظم کوآگاہ کیا اورآئی ایم ایف کی شرائط سے متعلق بھی ملاقات میں بات چیت ہوئی۔ وزیرخزانہ اسد عمر نے وزیراعظم کو اثاثہ جات ظاہرکرنے کے حوالے سے ایمنسٹی اسکیم پربھی بریفنگ دی۔

کراچی(ایمرا نیوزآن لائن) کراچی کے علاقے سندھی مسلم سوسائٹی اور خالد بن ولید روڈ پر محکمہ انسداد تجاوزات نے آپریشن کرکے تجاوزات ہٹا دی گئیں۔کراچی کے علاقوں سندھی مسلم سوسائٹی اور خالد بن ولید روڈ پر انتظامیہ نے تجاوزات کے خلاف آپریشن کے دوران متعدد پتھارے، سن شیڈ، چبوترے اور دیگر تجاوزات کا خاتمہ کر دیا۔ڈی ایم سی ایسٹ کے ڈائریکٹر انسدادِ تجاوزات زاہد بن خلیل نے بتایا ہے کہ سپریم کورٹ کے احکامات کی روشنی میں انسداد تجاوزات ٹیم نے پولیس، رینجرز اور ٹریفک پولیس کی مدد سے یہ آپریشن انجام دیا۔انہوں نے بتایا کہ سندھی مسلم سوسائٹی اور خالد بن ولید روڈ پر واقع غیر قانونی طور پر بنائے جانے والے ہوٹلوں کے اضافی کچن، بل بورڈز، چبوترے اور مختلف شورومز کے باہر بنائی جانے والی ڈھلانوں کو ہٹا دیا گیا ہے۔

ظفر اقبال کی سزائے موت گواہان کی گواہی اور پوسٹ مارٹم رپورٹ میں واضح ثبوت نہ ملنے پر شک کا فائدہ دیتے ہوئے عمر قید میں تبدیل کرنے کا حکم جاری کیا گیا.
اسلام آباد(ایمرا نیوز آن لائن)سپریم کورٹ نے سیالکوٹ میں جائیداد کے تنازع پر بھائی اور اس کے اہلخانہ کو قتل کرنے والے ظفر اقبال کی سزائے موت گواہان کی گواہی اور پوسٹ مارٹم رپورٹ میں واضح ثبوت نہ ملنے پر شک کا فائدہ دیتے ہوئے عمر قید میں تبدیل کرنے کا حکم جاری کر دیا ہے ۔ معاملے کی سماعت چیف جسٹس کی سربراہی میں تین رکنی بنچ نے کی ۔اس موقع پر ریمارکس دیتے ہوئے چیف جسٹس آف پاکستان جسٹس آصف سعید خان کھوسہ نے کہا کہ گواہان کی گواہی اور پوسٹ مارٹم رپورٹ سے واضح ثبوت نہیں ہے ۔ افسوس ناک امر ہے کہ نچلی عدالتیں شواہد نہیں دیکھتیں ۔ کیا سپریم کورٹ کا کام ہے کہ شواہد کا پہلی بار جائزہ لے ۔ اس کیس میں 10 سال گزر گئے کس نے سزا کم کرنے کا نہیں کہا ۔ظفر اقبال نے 16 اپریل ءکو ضلع سیالکوٹ کے گاؤں جھلکی میں جائیداد کے تنازع پر اپنے بھائی جاوید اقبال ، بھابی اور آٹھ بچوں کو کلہاڑی کے وار سے قتل کرنے کا الزام تھا ۔ کیس میں ٹرائل کورٹ اور ہائی کورٹ نے ملزم کو سزائے موت سنائی تھی ۔ جس پر سپریم کورٹ نے شک کا فائدہ دیتے ہوئے ملزم ظفر اقبال کی سزائے موت کو عمر قید میں تبدیل کرنے کا حکم جاری کر دیا ہے ۔( جاوید/ توصیف احمد عباسی)

لاہور (ایمرا نیوز آن لائن)
تحصیل شالیمار کے علاقہ ہربنس پورہ میں وفاقی حکومت کی ساڑھے تین کنال سرکاری اراضی پر مسلم لیگ ن کے سابق اپم پی اے وحید گل نے قبضہ کر لیا. مبینہ اطلاعات کے مطابق محمکہ ریونیو کے اعلی افسران نے سرکاری اراضی پر کیے جانے واے اس سیاسی قبضے کا سارا ریکارڈ نیب کے حوالے کرنے کا فیصلہ کر لیا. وفاقی حکومت کی انئتائی قیمتی سرکاری اراضی پر رکشہ فیکٹری تعمیر کروالی گی .
مکمل ویڈیو دیکھیں.

نواب پورہ برکت ٹاون میں بننے والی ساڑھے تین کنال کی اس رکشہ فیکٹری کی تعمیر کے عوض بھاری رقوم قبضہ کروانے کیلے خرچ کی گی. ھربنس پورہ میں وفاقی حکومت کی کروڑں روپے مالیت کی سرکاری اراضی ہتھیانے میں ملوث پرائیویت افراد اور لینڈ مافیا کی لسٹ مرتب کرلی گی. ریفرنس تیار کیا جارھا ھے جلدنیب کو بھجوا دیا جائے گا محمکہ ریونیو نے میڈیا کو معاملے پر مزید آگاہ کر دیا

سانگلہ ہل(ایمرا نیوز آن لائن) سانگلہ ہل شہر میں جعلی پراپرٹی ڈیلروں کا راج۔بغیر لائسنس یافتہ ڈیلروں نے تحصیل آفس کو یرغمال بناءرکھا ہے ۔ کروڑوں روپے مالیت کی رجسٹریاں لاکھوں روپے میں کروا کر محکمہ مال کو ماہانہ لاکھوں کا خسارہ ۔ بتایا گیا ہے کہ محکمہ مال کی ملی بھگت سے شہر بھر میں ان پڑھ غیر قا نونی بغیر لائسنس پراپرٹی ڈیلروں کا راج ہے ۔ جنہوں نے تحصیل آفس کو بری طرح یرغمال بناءرکھا ہے۔ غیر قانونی پراپرٹی ڈیلر پلاٹوں کا بغیر نقشہ کے کوٹھیاں اور مکانات تعمیر کرتے ہیں جن میں بے دریغ ناقص مٹریل کا استعمال کیا جاتا ہے اور پھر انہیں کروڑوں روپے کی مد میں فروخت کر کے محکمہ مال کے عملہ سے سازباز ہو کر کروڑوں روپے کی بجائے لاکھوں روپے کی رجسٹریاں کروا کر محکمہ کو ماہانہ لاکھوں روپے کا چونا لگایا جاتا ہے ۔ ان غیر قانونی پراپرٹی ڈیلروں کے ساتھ اشٹام فروش ، وثیقہ نویس ، ٹی ایم اے عملہ ، پٹواری ، رجسٹری محرر اور دیگر محکمہ مال کا عملہ مکمل کرپشن کے حصہ دارہیں ۔ غیر قانونی پراپرٹی ڈیلر محکمہ مال کے عملہ سے سازباز ہو کر زمینداروں اور شہریوں کو دونوں ہاتھوں سے لوٹ رہے ہیں ۔ شہریوں نے ، ڈی سی ننکانہ سمیت وزیراعلی پنجاب سے ان غیر قانونی پراپرٹی ڈیلروں کے خلاف کاروائی کی اپیل کی ہے ۔

لاہور(ایمرا نیوز نیٹ نیوز) التواء کے شکار” ایک موریہ انڈر پاس” کی تکمیل کے حوالے سے ایک اور تاریخ سامنے آگئی ۔ تیس اپریل کی ڈیڈ لائن ختم کرکے اکیس اگست تک کام مکمل کرنے کا ہدف مقررکردیا گیا ۔تاریخ پہ تاریخ ،تاریخ پہ تاریخ ۔ اک موریہ انڈر پاس کی تکمیل بارے ، ایک اور تاریخ سامنے آگئی ۔30 اپریل کو مکمل ہونے والے منصوبے کو مزید 3ماہ 20 دن کا وقت دید یا گیا ۔اب اس منصوبے کو مکمل کرنے کے لیے 21 اگست کی ڈٰیڈ لائن دی گئی ہے ۔سرکلر روڈ سے شمالی لاہور کو ملانے والے اس انڈر پاس پر تعمیرات کا آغاز 2 فروری کو ہوا ۔ منصوبہ مکمل کرنے کے لیے سب سے پہلے 3 ماہ کی ڈیڈ لائن دی گئی ۔ اراضی ایکوائر کرنے کے تنازعات کے باعث منصوبہ التواء کا شکار رہا ۔ پھر منصوبہ مکمل کرنے کی 30 اپریل کی ڈیڈ لائن دی گئی ۔ تاہم اب ایل ڈی اے نے منصوبے کی تکمیل کے لیے کنٹریکٹر کو 21 اگست تک کا وقت دے دیا۔ نئی ڈیڈ لائن میں ایک موریہ اور دو موریہ انڈر پاسز کی بحالی مکمل کی جائے گی ۔ 22 اگست کو ایک موریہ پل منصوبے کو عام ٹریفک کے لئے کھولنے کا اعلان کیا گیا ہے ۔ ایک موریہ پل منصوبے کے لیے 700 ملین روپے کا پی سی ون بنایا گیا۔ لا گت میں اب مزید اضافہ متوقع ہے۔

لاہور(نیٹ نیوز) آل لاہور ڈیلرز ایسوسی ایشن اور لاہور فیڈریشن آف ریٹیلرز سراپا احتجاج ۔ پراپرٹی ڈیلرز کہتے ہیں رئیل اسٹیٹ کا کاروبار تباہ ہوگیا۔ حکومت ایمنسٹی سکیم اور بجٹ میں ایسی پالیسی بنائے جو سب کے لیے قابل قبول ہو۔ پراپرٹی کی خریدوفروخت پر عائد ٹیکسز۔رئیل اسٹیٹ کے کاروبار سے منسلک افراد سراپا احتجاج ۔ آل لاہور ڈیلرز ایسوسی ایشن اور لاہور فیڈریشن آف ریٹیلرز کے عہدیداروں کی پریس کانفرنس ۔ صدر فیڈریشن آف ریٹیلرز طاہر مسعود نے کہا کہ حکو متی پالیسیوں سے رئیل اسٹیٹ کا کاروبار بند ہو کر رہ گیا۔ آل لاہور ڈیلرز ایسوسی ایشن کے جنرل سیکرٹری میاں نعیم نے کہا کہ حکومتی اقدامات سے پراپرٹی کا کاروبار خراب ہوا ۔ نان فائلر کے لیے پچاس لاکھ والی شرط ختم کی جائے۔اس موقع پر ناصر جاوید، نعمت اللہ چٹھہ، ملک عثمان، چودھر وسیم، ابوبکر بھٹی، میاں شاہد محمود اور دیگر بھی موجود تھے۔

اسلام آباد(ایمرا نیوز آن لائن)سپریم کورٹ میں ریلوے گالف کنٹری کلب اراضی کیس میں وفاقی وزیر ریلورے شیخ رشید احمد نے عدالت کو بتایا ہے کہ گالف کنٹری کلب اراضی کیس 9 سال سے زیر التوا ہے، لیز پر دی گئی زمین کی قیمت 200 ارب سے زیادہ ہے، فرگوسن والے ایک روپیہ دینے کو تیار نہیں ہیں، وکیل کو 45 لاکھ فیس دی وہ 1 کروڑ مانگ رہا ہے، ملک کا سرمایہ تباہ ہوچکا ہے،کیس میں جو بھی وکیل کیا جاتا ہے اسے خرید لیا جاتا ہے ۔اسلئے اب کیس میں خود دلائل دینے کی اجازت چاہتا ہوں ۔ریلوے گالف کنٹری کلب اراضی کیس کی سماعت جسٹس عظمت سعید کی سربراہی میں دو رکنی بنچ نے کی ۔ جسٹس عظمت سعید نے دوران سماعت ریمارکس دیتے ہوئے کہا کہ اس کیس کو منطقی انجام تک پہنچاتے ہیں،وزیر ریلوے آئندہ سماعت پر تیاری کر کے آئیں۔ پراسیکیوٹر جنرل نیب نے بتایا اراضی لیز کے معاملے پر ریفرنس فائل کر دیا، فرد جرم عائد ہونا ہے۔ عدالت نے نیب کو ریفرنس کی کاپی پیش کرنے کا حکم دیتے ہوئے سماعت آئندہ جمعرات تک ملتوی کر دی۔۔۔توصیف