Category ہاکی

آسٹریلیا(نیٹ نیوز)

پاکستان کی ویٹ لفٹر رابعہ شہزاد نے آسٹریلیا میں کارنامہ انجام دیتے ہوئے رالف کیش مین اوپن ویٹ لفٹنگ چیمپئن شپ کی ایک کیٹیگری جیت لی۔

آسٹریلیا کے شہر سڈنی میں ہونے والی رالف کیش مین اوپن ویٹ لفٹنگ چیمپئن شپ میں پاکستان کی رابعہ شہزاد نے بھی شرکت کی اور انہوں نے 55 کلوگرام کیٹیگری میں حصہ لیا۔

آسٹریلیا میں پاکستانی ویٹ لفٹر رابعہ شہزاد کی فتح
رابعہ شہزاد نے اسنیچ اور کلین اینڈ جرک میں کل 90کلوگرام لفٹ کیا،انہوں نے رواں سال دوسرے غیرملکی ایونٹ میں کامیابی حاصل کی ہے۔

19سالہ رابعہ شہزاد ویٹ لفٹنگ میں قومی جونیئر چیمپئن بھی ہیں جن کا عزم ہے کہ وہ جاپان میں ہونے والے اگلے اولمپکس گیمز میں میڈل ضرور حاصل کریں گی۔

آسٹریلیا میں پاکستانی ویٹ لفٹر رابعہ شہزاد کی فتح
بی بی اے کی طالبہ رابعہ شہزاد کی بڑی بہنیں ماہور اور فریال قومی ویمن بیڈمنٹن چیمپئن رہ چکی ہیں جبکہ ان کے والد شہزاد احمد روئنگ کے قومی چیمپئن رہ چکے ہیں۔

لاہور(سپورٹس ڈیسک/ایمرا نیوز) ایشین ہاکی چیمپئنز ٹرافی کی مشترکہ چیمپئن پاکستان ٹیم وطن پہنچ گئی۔پاکستان کے کپتان رضوان سینئر ٹیم کے ساتھ کراچی نہیں آئے، ٹیم کے تمام کھلاڑی کچھ دیر میں کراچی سے لاہور روانہ ہوں گے۔ایشین چیمپئنز ٹرافی کا فائنل مسقط میں گزشتہ رات بارش کے باعث منسوخ ہوگیا تھا جس کے بعد فائنل میں پہنچنے والی پاکستان اور بھارت کی ٹیموں کو مشترکہ چیمپئن قرار دیا گیا ہے۔ایونٹ کا فائنل مسقط کے سلطان قابو س اسٹیڈیم میں کھیلا جانا تھا مگر میچ سے قبل میدان کو تیز بارش نے آلیا جس نے رُکنے کا نام نہیں لیا۔موسم کی خرابی اور بارش کے سبب دونوں ٹیموں نے طویل انتظار کیا جس کے بعد ٹورنامنٹ ڈائریکٹر نے دونوں ٹیموں کے کوچز کی مشاورت کے بعد فائنل کو منسوخ کرکے پاکستان اور بھارت کو مشترکہ طور پر چیمپئن قرار دے دیا۔فیصلے کے مطابق پہلے 6ماہ ٹرافی بھارت کے پاس رہے گی۔پاکستان ہاکی ٹیم کے مینیجر حسن سردار کا کہنا ہے کہ بھارت سے فائنل ہوتا تو پاکستان جیت جاتا، بارش کے باوجود پاکستان ہاکی ٹیم بھارت سے میچ کے لیے تیار تھی، تاہم بھارتی کوچز اور پلیئرز میچ کھیلنے کے لیے راضی نہ ہوئے۔

مسقط(نیٹ نیوز) ایشین ہاکی چیمپیئنز ٹرافی کے فائنل میں آج پاکستان روایتی حریف بھارت سے ٹکرائے گا۔

پاکستانی وقت کے مطابق پاکستان اور بھارت کے درمیان ایشین ہاکی چیمپیئنز ٹرافی کا فائنل آج رات 10 بجکر 10 منٹ پر کھیلا جائے گا۔
پاکستان ایشین ہاکی چیمئنز ٹرافی کے فائنل میں پہنچ گیا

گزشتہ روز ایشین ہاکی چیمپیئنز ٹرافی کے سیمی فائنل میں پاکستان اور ملائشیا کے درمیان مقررہ وقت میں میچ 4-4 گول سے برابر رہا لیکن پاکستان نے پنالٹی شوٹ آؤٹ پر ملائیشیا کو 1-3 سے زبردست شکست دے کر فائنل میں اپنی جگہ بنائی۔

دوسری جانب بھارت نے جاپان کو دو کے مقابلے تین گول سے ہرا کر فائنل کے لیے کوالیفائی کیا ہے۔

لاہور(نیٹ نیوز) پاکستان ہاکی فیڈریشن نے سابق اولمپیئن توقیر ڈار کو قومی ہاکی ٹیم کا کوچ مقرر کرنے کا فیصلہ کر لیا ہے۔

ذرائع کے مطابق پی ایچ ایف توقیر ڈار سے معاملات طے ہونے کے بعد باقاعدہ اعلان کرے گی۔

اس حوالے سے توقیر ڈار کا کہنا ہے کہ ذمہ داری سنبھالنے میں جلد بازی نہیں کروں گا، ہاکی کی چیمپئینز ٹرافی کے بعد حسن سردار سے بات کروں گا۔

ذرائع کے مطابق عمان میں جاری ایشین چیمپئیز ٹرافی ہاکی ٹورنامنٹ کے دوران ہی توقیر ڈار کا مسقط بھیجے جانے کا امکان ہے۔

اس بات کا امکان بھی ظاہر کیا جارہا ہے کہ وہ ورلڈ کپ کی تیاریوں کے لیے لگائے جانے والے کیمپ میں ذمہ داری سنبھال سکتے ہیں۔

دوسری جانب سیکرٹری پی ایچ ایف شہباز سینئر کا کہنا ہے کہ حسن سردار ہی قومی ٹیم کے کوچ ہیں۔

ہاد رہے کہ کوچ محمد ثقلین نے ٹیم کے مینیجر حسن سردار سے پاکستان اور بھارت میچ کے دوران تلخ کلامی کے بعد عہدہ سے استعفیٰ دے دیا تھا اور آج صبح کی پہلی پرواز سے وطن واپس آ گئے تھے۔

لاہور(نیٹ نیوز) ایف ایم سی انٹرنیشنل سکوائش چیمپئن شپ پاکستان کے کھلاڑی طیب اسلم نے اپنے نام کر لی ۔ایف ایم سی انٹرنیشنل سکوائش چیمپئن شپ پاکستانی کھلاڑی کے نام ۔ طیب اسلم نے فائنل میں ملائشیاء کے ائیون ینگ کو کانٹے دار مقابلے میں شکست دی ۔ فلیٹیز ہوٹل میں ہونے والے فائنل مقابلہ میں وزیر کھیل تیمور خان اور سکوائش لیجنڈ جہانگیر خان نے بطور مہمان خصوصی شرکت کی ۔وزیر کھیل تیمور خان نے بتایا کہ کھیل کے فروغ کے لیے سٹیٹ آف دی آرٹ سکوائش کورٹس بنائے جائیں گے ۔ جہانگیر خان کا کہنا تھا کہ پاکستان میں انٹرنیشنل کھلاڑیوں کا آنا خوش آئند ہے ۔چیمپئن شپ کے اختتام پر فاتح اور رنر اپ کھلاڑیوں میں ٹرافی اور انعامات تقسیم کیے گئے ۔ دنیا بھر سے آٹھ ممالک کے کھلاڑیوں نے مقابلوں میں حصہ لیا ۔

لاہور(نیٹ نیوز) ایشین ویمن رگبی چیمپئن شپ ویمن رگبی ٹیم کے لئے عسکری ٹین میں پریکٹس کیمپ لگایا گیا۔ ایشین ویمن رگبی چیمپئن شپ 2018۔ ویمن رگبی ٹیم کا پریکٹس کیمپ عسکری 10 رگبی سٹیڈیم میں لگایا گیا۔ قومی ٹیم کی غیر ملکی کوچ سوزن کا کہنا تھا کہ پاکستان میں ویمن رگبی کو فروغ دینے آئی ہوں۔ ہیڈ کوچ شکیل ملک نے بتایا انٹرنیشنل کوچ کی آمد خوش آئند ہے،جلد بہترین کھلاڑیوں کا انتخاب کرکے کوچنگ کی طرف لایا جائے گا۔ قومی ویمن رگبی ٹیم کی کپتان اور نائب کپتان کا کہنا تھا کہ غیر ملکی ویمن کوچ آنے سے کھلاڑیوں کی کارکردگی میں بہتری دیکھنے کو ملی۔ ایشین ویمن رگبی چیمپئن شپ کا آغاز 20 اکتوبر سے برونائی میں ہوگا جبکہ قومی ٹیم 18 اکتوبر کو روانہ ہو گی۔

لاہور(سپورٹس ڈیسک/ایمرا نیوز) دیگر شعبوں کی طرح اب کھیلوں کا شعبہ بھی نیب کے شکنجے میں آ گیا ہے۔
نیب نے پاکستان ہاکی فیڈیریشن (پی ایچ ایف) کے خلاف موصول ہونے والی شکایت پر تحقیقات کا فیصلہ کیا ہے۔
شکایت میں کہا گیا کہ پی ایچ ایف میں الیکشن نہ ہونے کی وجہ سے موجودہ عہدیداران کی کوئی قانونی حیثیت نہیں ہے۔
شکایت میں مزید کہا گیا ہے کہ پی ایچ ایف کے پاس فنڈز کی جانچ پڑتال کا بھی کوئی نظام موجود نہیں ہے۔
اس کے علاوہ شکایت میں کہا گیا ہے کہ موجودہ فیڈریشن نے آڈٹ رپو رٹ کبھی پی ایچ ایف کانگریس کے سامنے پیش نہیں کی۔
نیب نے ان تمام الزامات کے لیے پی ایچ ایف سے جواب طلب کر لیا ہے۔

گذشتہ چند دہائیوں سے پاکستان ہاکی فیڈریشن میں اکھاڑ پچھاڑ ، عہدوں کی کھینچا تانی ، اقربا پروری، فنڈز کا غیر ضروری استعمال اور سیاسی آلودگی نے مل کر قومی کھیل کو دیمک کی طرح چاٹ لیا ہے ۔ جس کی واضح مثال چند سالوں کی کاکردگی ہے اب تو نوبت یہاں تک آپہنچی ہے کہ پاکستان میں پہلی بارہاکی ایسوسی ایشنز میں متوازی ت ایسوسی ایشنز قائم ہوگئی ہیں۔ اسکول اور کلب ہاکی صفر کی سطح پر آگئی ہے ۔ ہاکی سمٹ کر چند لوگوں اور چند شہروں تک محدود ہو کررہ گئی ہے ۔ فتح تو دور کی بات کلب کی سطح کی ٹیموں سے جیت کر بغلیں بجانے والوں سے کوئی پوچھے کہ اُن لوگوں کو ہاکی نے دولت، شہرت ، عزت ، مقام و مرتبہ اور وہ سب کچھ دیا جوانسانی خواہشات کے دائرے میں آسکتا تھا لیکن انہوں نے ہاکی کو کیا دیا؟

کتنے لوگ ہیں جنہوں نے نئے کھلاڑیوں کی حوصلہ افزائی کے لئے اُن کی سرپرستی کی ہو؟ اب وقت آ گیا ہے کہ نئی حکومت پاکستان ہاکی میں تبدیلی لائےپاکستان ہاکی فیڈریشن ٹیکنو کریٹ ,اسپورٹس سائنسز ,مارکیٹنگ اور ایمان دار سابق ہاکی اولمپئینز کو شامل کیا جائے،جب تک پاکستان ہاکی فیڈریشن کا ہیڈ آفس کراچی میں تھا یہ کھیل ترقی کررہا تھا اس لئےپاکستان ہاکی فیڈریشن کا دفتر کراچی منتقل کیاجائے ۔ تمام مالیاتی اداروں، ملٹی نیشنل کمپنیز کے صدر دفاتر کراچی میں موجود ہیں اس لئے مارکیٹنگ کے حوالے سے یہاں دفتر کی موجودگی زیادہ سود مند ثابت ہے۔ہاکی فیڈریشن میں ٹیکنیکل آفیشل کے حوالے سے ڈائریکٹیوریٹ قائم کیاجائے،سابق اولمپینز اور انٹرنیشنل کھلاڑیوں پر مشتمل غیر سیاسی ،متحرک اور موثر ’’تھنک ٹینک ‘‘بنا کر ان کے تجربات سے حقیقی معنوں میں استفادہ کیا جائے ۔ وزیراعظم عمران خان خود ایک معروف کھلاڑی رہے ہیں اور کھیلوں کے مسائل سے بخوبی واقف ہیں۔ اس لئےان کو ہاکی کے معاملات پر خصوصی توجہ دینا ہوگی اور فیڈریشن کو ملنے والے فنڈ کا حساب کتاب بھی لینا ہوگا

کراچی (سپورٹس ڈیسک/ایمرا نیوز) ایشین گیمز ہاکی میں بھی پاکستانی ٹیم کو میڈل ملنے کے امکانات روشن ہوگئے ہیں۔ پاکستان نے ٹورنامنٹ میں فتوحات کا سلسلہ جاری رکھا اور اہم مقابلے میں ملائشیا کو1 4-سے شکست دے دی۔ پاکستان پول بی میں ٹاپ پوزیشن پر ہے گرین شرٹس نے یہ میچ جیت کرسیمی فائنل کے لیے کوالیفائی کر لیا ہے۔ پاکستان نے چالیس گول کئے ہیں اس کے خلاف ایک گول ہوا ہے۔ پاکستان نے گروپ میچ میں مسلسل چوتھی کامیابی حاصل کی۔ پاکستان ٹیم ٹورنامنٹ میں نا قابل شکست ہے۔ میچ کےچھٹے منٹ میں محمد عرفان نے پنالٹی کارنر پر گول کرتے ہوئے پاکستان کو برتری دلا دی، 11ویں منٹ میں ملائشیا کے فیض ہیلمی نے بھی پنالٹی کارنر پر گول کر کے مقابلہ برابر کر دیا۔38 منٹ میں اعجاز احمد اور 4 منٹ کے بعد ہی مبشر علی نے پنالٹی کارنر پر گول کرتے ہوئے ٹیم کو 1-3سے برتری دلا دی۔ 48 ویں منٹ میں اعجاز احمد نے گول کرکے ٹیم کی فتح پر مہر تصدیق ثبت کردی۔ واضح رہے کہ پاکستان نے ایونٹ میں اپنے پہلے میچ میں تھائی لینڈ اور اومان کے خلاف 10گولز سے کامیابی حاصل کی
جب کہ تیسرے میچ میں قازقستان کو 0-16 سے ہرا کر فتوحات کی ہیٹ ٹرک مکمل کی تھی۔ گرین شرٹس 28 اگست کو بنگلا دیش کے خلاف ایکشن میں دکھائی دیں گے۔ پاکستان ہاکی فیڈریشن کے صدر و سیکرٹری کی شاندار کارکردگی پر ٹیم کو مبارکباددی ہے۔ خالد کھوکھر کا کہنا ہے کہ ٹیم سخت محنت اور حکمت عملی کے ذریعے کھیل رہی ہے۔ امید ہے ہاکی ٹیم فتوحات کا سلسلہ برقرار رکھے گی۔ شہباز احمد نے کہا کہ پاکستان ٹیم فتح کے ٹریک پر آ گئی ہے۔ پاکستان کے چار میچوں کے بعد بارہ پوائنٹس ہیں۔ ملائشیا اور بنگلہ دیش کے چار چار میچوں کے بعد9،9پوائنٹس ہیں۔ پاکستان ہاکی ٹیم کے کپتان محمد رضوان کا کہنا ہے کہ پاکستانی ٹیم پچھلے ایشین گیمز میں فائنل ہار گئی تھی اس بار ہمارا ہدف طلائی تمغہ ہے۔ ہم نے ٹورنامنٹ میں دس سے بارہ پنالٹی کارنر مس کئے ہیں اس خامی کو دور کرنے کی کوشش کررہے ہیں۔ منیجر اور سابق کپتان حسن سردار کا کہنا ہے کہ امکان ہے کہ پاکستان کا سیمی فائنل کوریا سے ہوگا۔ قوم کو ایشین گیمز جیت کر خوشخبری دیں گے۔ چیف سلیکٹر اورسابق کپتان اصلاح الدین نے پاکستان ٹیم کی کارکردگی پر اطمینان کا اظہار کیا ہے اور کہا ہے کہ فارورڈ لائن کی اسکورنگ پاور بہتر ہورہی ہے۔ ماضی میں پاکستان ملائشیا سے ہارتا رہا ہے میں نے گرائونڈ میں بیٹھ کر میچ دیکھا ہے میرے خیال میں ٹیم بہتری کی جانب بڑھ رہی ہے۔ پاکستان ٹیم کی بڑی جیت ہے۔ یہی ٹیم پاکستان کو تنگ کرتی رہی ہے۔ کھلاڑی پنالٹی کارنر پر اسکور کررہے ہیں اگر یہ ٹیم اسی طرح کھیلتی رہی تو ٹیم اوپر جائے اور فائنل پاکستان اور بھارت کے درمیان ہوگا۔

کراچی :(سپورٹس ڈیسک/ایمرا نیوز) ایشین گیمز کے لیے قومی ہاکی ٹیم تیار ہوگئی.
ایشین گیمز میں شرکت کے لیے قومی ہاکی ٹیم کپتان رضوان سینئر کی قیادت میں جکارتہ روانہ ہوگئی۔
تفصیلات کے مطابق ایشین گیمز میں شرکت کے لیے قومی ہاکی ٹیم جکارتہ روانہ ہوگئی، پاکستان ہاکی ٹیم کی قیادت رضوان سینئرکررہے ہیں۔
ایشین گیمزمیں پاکستان کا پہلا میچ 20 اگست کوتھائی لینڈ کے خلاف ہوگا، پاکستانی ہاکی ٹیم دوسرا میچ 22 اگست کو اومان کے خلاف کھیلے گی۔
قومی ہاکی ٹیم 24 اگست کوانڈونیشیا،26 اگست کو ملائیشیا اور28اگست کواپنا آخری پول میچ بنگلہ دیش کے خلاف کھیلے گی۔
روانگی سے قبل میڈیا سے گفتگو کرتے ہوئے قومی ہاکی ٹیم کے کپتان رضوان سینئر کا کہنا تھا کہ ٹورنامنٹ جیتنے کی پوری کوشش کریں گے۔
دوسری جانب اسسٹنٹ کوچ ریحان بٹ کا کہنا تھا کہ ہماری بھرپور کوشش ہوگی کہ جشن آزادی پرقوم کو جیت کا تحفہ دیں۔
یومیہ الاؤنسز سے محروم پاکستان ہاکی ٹیم نے ایشین گیمز کا بائیکاٹ کردیا
خیال رہے کہ گزشتہ ماہ 30 جولائی کو پاکستان ہاکی ٹیم کے کھلاڑیوں نے احتجاجاً ایشین گیمز کا بائیکاٹ کیا تھا، ان کا کہنا ہے کہ جیب خالی ہو توکارکردگی کیسے دکھائیں؟ قوم کے سامنے شرمندہ ہونا نہیں چاہتے۔
قومی ہاکی ٹیم کے کپتان رضوان سینئر کا کہنا تھا کہ جب تک ڈیلی الاؤنس کے واجبات نہیں دیے جاتے ٹیم ایشین گیمز میں شرکت نہیں کرے گی۔
ہاکی کھلاڑیوں کا احتجاج رنگ لے آیا
بعدازاں پاکستان ہاکی فیڈریشن نے کھلاڑیوں اور آفیشلز کے مکمل واجبات ادا کردیے تھے، صدر پی ایچ ایف کا کہنا ہے کہ ہم نے وعدہ پورا کردیا، اب کھلاڑی وعدہ پورا کریں گولڈ میڈل جیت کرلائیں۔