Category کھیل

سینٹ پیڑزبرگ ( سپورٹس ڈیسک/ایمرا نیوز ) میسی کی عجیب حرکت سامنے آگئی.
ارجنٹائن کے لیونل میسی بھی توہم پرست ہیں۔ اس بات کا انکشاف نائجیریا کے خلاف میچ کے بعد ہوا۔ میسی کو میڈیا نمائندوں نے گھیر رکھا تھا۔ ایک رپورٹر نے اپنا تعارف کراتے ہوئے کہا کہ میری ماں نے آپ کو شگون کیلئے سرخ ربن بھیجی تھی۔ جواب میں ارجنٹائن اسٹار نے رپورٹر کو زندگی کا سب سے بڑا جھٹکا دیا کہ وہ میں نے خوش بختی کی علامت کے طور پر پیر پر باندھ رکھی تھی ۔

شاہد آفریدی نے ایک بار پھر سب کے دل جیت لیے ہیں. پاکستان کرکٹ ٹیم کے سابق کپتان شاہد آفریدی نے سوشل میڈیا پر اپنے ایک پیغام میں کہا ہے کہ ’’معاشرے کے نچلے طبقے کا جتنا ہوسکے خیال رکھا جائے۔‘‘

سوشل میڈیا پر جاری کی گئی ایک ویڈیو میں بوم بوم آفریدی کچرا چننے والے 2 بچوں کے ساتھ نظر آرہے ہیں۔انہوں نے بتایا کہ وہ اپنی گلی سے کچرا چننے والے ان 2 بچوں کو اپنے گھر لائے ہیں جن کے پاس پہننے کے لیے جوتے نہیں، لہذا وہ اپنے بچوں کے پرانے جوتے انہیں دے رہے ہیں۔

ان کا کہنا تھا، ‘میں آج ان کے ساتھ ناشتہ بھی کروں گا، یہ ہمارے معاشرے کا حصہ ہیں ہمیں ان کا خیال رکھنا چاہیے۔
https://twitter.com/SAfridiOfficial/status/1012190355834404864
ویڈیو پیغام کے بعد شاہد آفریدی کے مداحوں کی جانب سے مثبت اور منفی تبصروں کا سلسلہ جاری ہے ۔ کسی نے کہا کہ اپنی نیک خواہشات کا اظہار کیا تو کچھ لوگ اس حوالے سے بھی تنقید کر رہے ہیں کہ شاہد آفریدی اگر کوئی اچھا کام کر ہی رہے تھے تو انہیں کم از کم سوشل میڈیا پر اس کی تشہیر نہیں کرنی چاہیے تھی۔

واضح رہے کہ شاہد آفریدی اپنی فاؤندیشن کے تحت پاکستان میں بچوں کی تعلیم اور صحت کے لیے کوشاں ہیں اور اس سلسلے میں اپنی خدمات سر انجام دے رہے ہیں۔

(سپورٹس ڈیسک/ایمرا نیوز)
سب سے زیادہ کرکٹ دیوانے جنوبی ایشیا میں موجود ہیں ان میں زیادہ تعداد میں مرد شامل ہیں جن کی اوسط عمر34 برس ہے۔

دنیا بھر میں ایک بلین سے زائد کرکٹ شائقین موجود ہیں ان میں زیادہ تعداد میں مرد شامل ہیں جن کی اوسط عمر34 برس ہے، یہ بات نیلسن اسپورٹس کی جانب سے کیے گئے سروے میں سامنے آئی جو انٹرنیشنل کرکٹ کونسل نے کرایا تھا۔ 90فیصد شائقین کا تعلق جنوبی ایشیا سے ہے، اس میں 39 فیصد خواتین بھی ہیں، صرف یہی نہیں بلکہ سروے میں یہ بھی انکشاف ہواکہ ٹیسٹ فارمیٹ بدستور سب سے مقبول اور اس میں 70 فیصد شائقین دلچسپی لیتے ہیں۔

آئی سی سی کا کہنا ہے کہ یہ اس کی جانب سے کرایا جانے والا سب سے بڑا سروے تھا جس میں دنیا بھر سے 19 ہزار شائقین کے انٹرویو بھی لیے گئے، ان کی عمریں 16 سے 69 برس کے درمیان تھیں۔ اس وقت دنیا بھر کی توجہ فٹبال ورلڈ کپ پر مرکوزمگر جنوبی ایشیا میں بدستور کرکٹ کا ہی بول بولا ہے۔
آئی سی سی کے چیف ایگزیکٹیو ڈیو رچرڈسن نے کہاکہ سروے سے ظاہر ہو گیاکہ بدستور تینوں فارمیٹس پر توجہ برقرار رکھنے کی ضرورت ہے، ہمیں پوری امید ہے کہ آئندہ برس جولائی سے شروع ہونے والی ٹیسٹ چیمپئن شپ اس کھیل کی مقبولیت میں مزید اضافہ کرے گی، ہماری گلوبل حکمت عملی کا مقصدکھیل کو زیادہ سے زیادہ سہل بنانا ہے۔

لاہور(ایمرا نیوز)میچ فکسنگ تو سنی تھی لیکن یہ نہیں سنا تھا کہ ہاکی بھی اس میں ملوث پائی جائے کرکٹ میں تو آئے دن یہ خبر آتی رہتی ہے کہ اب کس کھلاڑی نے میچ فکسنگ کی ہے اور اب کس نے کی ہے لیکن اب کرکٹ کے بعد ہاکی میں بھی میچ فکسنگ کا انکشاف ہوا ہے، جس میں سابق کھلاڑی زاہد شریف نے نیا پنڈورا باکس کھول دیااور پاکستان اور بھارت کے درمیان چیمپئنز ٹرافی میں کھیلے جانے والے میں فکسنگ پائی گئی ہے ۔انہوں نے اپنے ایک بیان میں کہا ہے کہ ہاکی چیمپئنز ٹرافی میں پاک بھارت میچ فکس تھااورپاکستانی کوچ کو کہا گیا تھا کہ آپ نے بھارت کو 4گول کرنے کا موقع دینا ہے اور اسی طرح ہوا پاکستانی کوچ نے بھارت کو 4گول کرنے کا موقع دلوایا۔

ماسکو(سپورٹس ڈیسک/ایمرا نیوز)انگلینڈ فٹبال ٹیم کے کپتان ہیری کین پاناما کیخلاف ہیٹ ٹرک بناکرورلڈکپ گولڈن بوٹ ایوارڈ ریس میں ٹاپ پرآگئے جبکہ کرسٹیانو رونالڈو اور بلجیم کے رومیلو لوکاکو چار گول کیساتھ دوسرے نمبر پرہیں۔ چیری شوف اورڈی کوسٹابھی ریس میں موجود ہیں۔فٹبال ورلڈکپ میں گولڈن بوٹ ایوارڈ کا حصول بے حداہم ہوتاہے ۔ یہ ایوارڈ ٹورنامنٹ میں زیادہ گول کرنیوالے کھلاڑی کودیاجاتاہے ۔دوپلیئرز کے برابرہونے پر زیادہ گول کرنے میں معاونت کرنیوالے کھلاڑی کودیاجاتاہے ۔گولڈن بوٹ ایوارڈ کی دوڑ میں انگلینڈ کے کپتان ہیری کین پانچ گول کے ٹاپ پوزیشن پرآگئے ہیں۔ پرتگال کے سپرسٹار کرسٹیانو رونالڈو نے اسپین کے مقابل پہلے ہی میچ میں ہیٹ ٹرک بنائی۔اورمیچ تین تین سے برابرکرنے میں نمایاں کردار اداکیا۔رونالڈو نے مراکش سے دوسرے میچ میں بھی اپنی ٹیم کا واحدگول کیا۔اورچارگول کرکے دوسرے نمبر پر ہیں۔بلجیم کے رومیلولوکاکو چارگول کے ساتھ دوسرے نمبرپرہیں۔روس کے چیری شوف اوراسپین کی ڈیگوکوسٹا بھی تین تین گول کرکے گولڈن بوٹ ایوارڈ کی دوڑ میں موجود ہیں۔بیلجیئم کے ایڈن ہیزرڈ،روس کے آرٹم ڈزوبا اورانگلینڈ کے جون اسٹونز دو،دوگول کرچکے ہیں۔

کراچی ( سپورٹس ڈیسک/ایمرا نیوز)ورلڈ کپ میں پری کوارٹر فائنل میں14 ٹیموں نے سیٹ کنفرم کرالی۔ 12 ٹیموں نے واپسی کا ٹکٹ کٹوالیا۔کامیاب ٹیموں میں روس ، یوروگوئے، اسپین ،پرتگال، کروشیا، ارجنٹائن، فرانس، ڈنمارک، سویڈن، میکسیکو،بلجیم، انگلینڈ شامل ہیں۔ آئوٹ ہونیوالوں میں مصر، سعودیہ، ایران ،مراکش،پیرو ، آسٹریلیا، نائیجریا، آئس لینڈ،تیونس ، پانامہ، کوسٹاریکا ،پولینڈ شامل ہیں۔

(سپورٹس ڈیسک/ایمرا نیوز)
معروف ٹینس اسٹار سرینا ولیمز کا کہنا ہے کہ اب وہ ٹرافیاں جیتنے کی بہ نسبت بچوں کی زیادہ خواہشمند ہیں اور ان کی خاطر ریٹائر منٹ لینے پر بھی تیار ہیں۔

معروف عالمی جریدے کو انٹرویو دیتے ہوئے سرینا کا کہنا تھا کہ بچوں کی خاطر وہ وہ پریکٹس کے ساتھ ساتھ اپنی بیٹی کی پرورش پر بھر پور توجہ دیتی ہیں، اس سے باتیں کرتے رہنے کو جی چاہتا ہے۔

انہوں نے بتایا کہ حمل سے لے کر بیٹی کی پیدائش تک انہیں کوئی مشکل پیش نہیں آئی، جبکہ ان کی بیٹی کی پیدائش بھی سی سیکشن سرجری کے ذریعے ہوئی ہے۔

واضح رہے کہ سرینا کا معروف عالمی جریدے کو دیا گیا یہ انٹرویو اگست کے شمارے میں شائع کیا جائے گا۔

کراچی:(سپورٹس ڈیسک/ ایمرا نیوز) سابق اسٹار بیٹسمین جاوید میانداد نے پاک بھارت سیریزکیلیے آوازاٹھا دی۔

جاوید میانداد نے پاکستان کرکٹ بورڈ اور بی سی سی آئی سے سوال کیاکہ جب دونوں ہمسایہ ممالک ورلڈ ایونٹس میں ایک دوسرے کے خلاف سامنے آجاتے ہیں تو پھر باہمی سیریز کیوں نہیں کھیلتے۔ سرکاری خبررساں ادارے سے بات چیت میں سابق قومی کپتان نے کہا کہ میرے لیے یہ بات ناقابل فہم ہے کہ ورلڈ کپ میں پاکستان اور بھارت کی ٹیمیں ایک دوسرے کے خلاف میدان میں اترجاتی ہیں لیکن باہمی سیریز کا انعقاد نہیں ہوپاتا۔

1975 سے 1996 تک پاکستان کیلیے ٹیسٹ اور ون ڈے انٹرنیشنل کرکٹ میں رنز کے انبار لگانے والے جاوید میانداد نے مزید کہا کہ ورلڈایونٹس، چیمپئنز ٹرافی، ورلڈ ٹوئنٹی 20 اور ایشیا کپ میں پاک، بھارت ٹاکرے ہوجاتے ہیں تو پھر باہمی سیریز کا انعقاد کیونکر نہیں ہورہا، انھوں نے کہا کہ جتنا دونوں ممالک کی ٹیمیں ایک دوسرے کے ساتھ کھیلیں گی دونوں ممالک کے تعلقات بھی بہتر ہوتے جائیںگے، انھوں نے مزید کہا کہ سیاستدانوں کو اس معاملے پر سیاست چمکانا روک دینا چاہیے۔

دنیا کے آل ٹائم بہترین 44 کرکٹرز کی صف میں شامل میانداد سمجھتے ہیں کہ جس طرح آسٹریلیا اور انگلینڈ میں ایشیز سیریز کا انعقاد ہوتا ہے اسی طرح پاکستان اور بھارت بھی اسپورٹس مین اسپرٹ کے تحت باہمی سیریز کھیل سکتے ہیں، اگر ہم مل کھیلیں اور کام کریں تو دنیائے کرکٹ پر حکمرانی کرسکتے ہیں، میانداد نے آئی سی سی کی جانب سے بھارت میں 2021 میں شیڈول چیمپئنز ٹرافی کو ورلڈ ٹی 20 ایونٹ میں تبدیل کیے جانے کے فیصلے کو بھی سراہا، انھوں نے کہاکہ یہ اچھا فیصلہ ہے، حالیہ دنوں میں لوگ تیز کرکٹ چاہتے اور مختصرفارمیٹ کے میچز دیکھنے میں دلچسپی لیتے ہیں، انھوں نے مزید کہا کہ آئی سی سی کو مختصرفارمیٹ کے مقابلوں میں میچ فکسنگ کے مسائل پر بھی سخت نظر رکھنی چاہیے جو کھیل کیلیے بڑا خطرہ ہے۔

والگوگراڈ(ایمرا نیوز) مصری سپراسٹار محمد صلاح کی چیچنیا میں پذیرائی اور مقبولیت برطانوی میڈیا کو پسند نہیں آئی۔ اخبارات ان پر نکتہ چینی کررہے ہیں جس پر محمد صلاح مایوس اور روسی میڈیا کے مطابق انٹرنیشنل فٹبال سے کنارہ کشی پر غور کررہے ہیں۔ مصری فٹبال ٹیم ورلڈکپ کے دوران مسلم اکثریتی ریاست چیچنیا میں قیام پذیر ہے۔ چیچن لیڈر رمضان قادروف نے انہیں اعزازی شہریت دی تھی۔ لیکن برطانوی میڈیا کے مطابق مبینہ طور پر انسانی حقوق کی خلاف ورزیوں میں ملوث چیچن حکمران صلاح کی مقبولیت کو اپنے سیاسی فائدے کیلئے استعمال کررہے ہیں۔ خود صلاح بھی اس سے خوش نہیں۔ اور ٹیم انتظامیہ سے کہا ہے کہ وہ انٹرنیشنل فٹبال سے ریٹائر ہونا بہتر سمجھتے ہیں۔ تاہم مصری فٹبال فیڈریشن کے ترجمان کے مطابق صلاح نے ایسی کوئی شکایت نہیں کی ہے۔

لاہور:(سپورٹس ڈیسک/ایمرا نیوز) ٹیسٹ بیٹسمین عمر اکمل کا سزا سے بچنا مشکل دکھائی دے رہا ہے۔ چونکہ انہوں نے آئی سی سی کے ضابطہ اخلاق کو توڑا ہے اس لیے انہیں قانون کی خلاف ورزی پر کڑی سز اکا سامنا کرنا پڑے گا۔ عمر اکمل نے انٹرنیشنل کرکٹ میں سٹے بازوں کی پیشکش کا اعتراف کیا تھا اس لیے ان پر پی سی بی کا نہیں آئی سی سی کا اینٹی کرپشن کوڈ لاگو ہوتا ہے۔آئی سی سی قوانین کے تحت یہ سنجیدہ نوعیت کی خلاف ورزی ہے۔ آئی سی سی کے اینٹی کرپشن قوانین کے تحت اس جرم کی کم سے کم سزا چھ ماہ ہے۔آئی سی سی ضابطہ اخلاق کے تحت کسی پیشکش کو رپورٹ نہ کرنا اور غلط بیانی کرنا سنگین نوعیت کا جرم ہے۔ عمر اکمل نے پیر کے روز پاکستان کرکٹ بورڈ اینٹی کرپشن یونٹ کے سربراہ کرنل (ر) اعظم کے سامنے پیش ہوکر ڈھائی گھنٹے مختلف سوالات کے جواب دیے۔ ذرائع کا کہنا ہے کہ پاکستان کرکٹ بورڈ اپنے طور پر عمر اکمل سے انٹرویو کررہا ہے لیکن چونکہ انہوں نے پاکستان ٹیم کی جانب سے کھیلتے ہوئے انٹرنیشنل میچز میں فکسنگ کی پیشکش کا اعتراف کیا تھا اس لیے عمر اکمل سے آئی سی سی کے تفتیش کار علیحدہ انٹرویو کریں گے۔ عمر اکمل کو انٹرویو کے لیے دبئی طلب کیا جاسکتا ہے یا آئی سی سی تفتیش کار لاہور آکر ان سے بیان ریکارڈ کریں گے اور ممکن ہے کہ آئی سی سی اپنے ضابطہ اخلاق کے تحت کارروائی کرے گا۔ خیال رہے کہ عمر اکمل نے نجی ٹی وی چینل کے پروگرام میں شرکت کے دوران اس بات کا انکشاف کیا تھا کہ انہیںفروری 2015 کو ایڈیلیڈ اوول میں پاکستان اور بھارت کے درمیان ہونے والے ون ڈے انٹر نیشنل میچ میں فکسنگ کی آفر ہوئی تھی تاہم انہوں نے اس آفر کو ٹھکرا دیا ۔یہاں یہ بھی بات قابلِ ذکر ہے کہ اس میچ کودنیا بھرمیں ٹیلی وژن پر تقریباً 288 ملین لوگوں نے دیکھا اور یہ کھیلوں کی تاریخ میں سب سے زیادہ دیکھا جانے والا میچ تھا۔