Category کھیل

(ایمرا نیوز) فرانس نے ارجنٹینا کو 3-4 سے شکست دے دی
روس میں جاری فیفا ورلڈ کپ کے ابتدائی مرحلے کے اختتام کے بعد پری کوارٹر فائنل راؤنڈ میں پہلا مقابلہ فرانس اور ارجنٹینا کے درمیان ہوا جس میں فرانس نے ارجنٹینا کو 3-4 سے شکست دے کر کوارٹر فائنل میں رسائی حاصل کرلی، دونوں سابق چیمپئنز کے درمیان مقابلہ انتہائی دلچسپ اور سنسنی خیز رہا، کھیل کے 13ویں منٹ میں انٹوئن گریز مین نے پنالٹی پر گول داغ کر فرانس کو برتری دلوائی، اس کا خاتمہ اینجل ڈی ماریا نے 41ویں منٹ میں جوابی گول سے کردیا۔
48ویں منٹ میں گیبرئیل میرکیڈو نے گیند کو جال کی راہ دکھاکر ارجنٹائن کو سبقت دلائی، 57ویں منٹ میں فرانس کے پاویرڈ نے عمدہ کراس پر گیند کو جال میں پہنچا کر مقابلہ 2-2 کردیا، تاہم اس کے بعد فرنچ ٹیم کے حملوں میں شدت آگئی اور فرنچ اسٹار پلیئر میباپ نے 64 اور68ویں منٹ میں یکے بعد دیگرے دو گول داغ کر مقابلہ 4-2 سے فرانس کے حق میں کردیا، ارجنٹائن کا خسارہ انجری ٹائم کے تیسرے منٹ میں کیلین اگیورو نے کم کیا۔

(ایمرا نیوز) دوستانہ فٹ بال میچ کے دوران نوجوان فٹ بالر کو اچانک سینے میں درد
(ایمرا نیوز) مصر میں کھیلے جانے والے دوستانہ فٹ بال میچ کے دوران نوجوان فٹ بالر محمد فاروق بنزیما کو اچانک سینے میں درد ہوا اور وہ غش کھا کر میدان میں ہی گر گئے۔ ساتھیوں نے انہیں اسپتال پہنچایا جہاں معالج طبی امداد فراہم کررہے تھے تاہم وہ جانبر نہ ہوسکے۔ ڈاکٹرز کا کہنا تھا کہ فٹبال کھلاڑی کی موت حرکت قلب بند ہوجانے کے باعث ہوئی۔

مصر کی فٹبال فیڈریشن اور مقامی کلبس سے ابھرتے ہوئے فٹبالر کی ناگہانی موت پر افسوس کا اظہار کرتے ہوئے کہا ہے کہ غم کی اس گھڑی میں ہم سب محمد فاروق کے اہل خانہ کے ساتھ برابر کے شریک ہیں۔ یہ ہم سب کا ناقابل تلافی نقصان ہے۔
واضح رہے کہ 33 سالہ محمد فاروق مصر میں بنزیما کے لقب سے شہرت رکھتے تھے اور مصری نوجوانوں میں کافی مقبولیت رکھتے ہیں۔ وہ ڈومیسٹک فٹبال میں عمدہ کارکردگی کی وجہ سے جانے سے جاتے تھے۔ انہیں بنزیما الجزائری نژاد فرانسیسی فٹ بالر کریم بنزیما سے مشابہت کی وجہ سے دیا گیا تھا۔

(ایمرا نیوز) پاکستان ہاکی ٹیم کی خراب کارکردگی
نگراں حکومت نے چیمپئنزٹرافی میں پاکستان ہاکی ٹیم کی خراب کارکردگی کا نوٹس لیتے ہوئے فیڈریشن کی 20کروڑ روپے کی اسپیشل گرانٹ روک لی ہے۔
چیمپئنز ٹرافی 2018 میں پاکستان کو بھارت، ہالینڈ، بیلجیئم اور آسٹریلیا کے ہاتھوں شکست کا سامنا کرنا پڑا جس کے بعد نگراں حکومت نے سابق وزیراعظم شاہد خاقان عباسی کی جانب سے ہاکی فیڈریشن کیلئے منظورشدہ اسپیشل گرانٹ روک لی ۔
پاکستان ہاکی فیڈریشن قومی خزانہ لٹانے میں مصروف ہے ، جبکہ 10 لاکھ سے زائد ماہانہ تنخواہ لینے والے ڈچ کوچ بھی کچھ نہ کر سکے۔ پاکستان اسپورٹس بورڈ نے بھی ہاکی فیڈریشن کی ناقص کارکردگی پر جواب طلبی کرنیکا فیصلہ کیا ہے ۔
واضح رہے کہ 2014 میں پاکستان نے چیمپئنز ٹرافی میں سلور میڈل جیتا تھا جبکہ 2012 کی چیمپئنز ٹرافی میں برونز میڈل پاکستان کے نام رہا تھا۔

اسلام آباد:(سپورٹس ڈیسک/ایمرا نیوز) چیمپئنز ٹرافی سے آئوٹ ہونے کے بعد پاکستان ہاکی ٹیم کی مشکلات ختم نہ ہوسکیں
نگران حکومت نے ہاکی چیمپئنز ٹرافی میں قومی ٹیم کی مایوس کن کارکردگی کا نوٹس لے لیا۔

بریڈا میں جاری چیمپئنز ٹرافی ہاکی ٹورنامنٹ میں راؤنڈ لیگ کے آخری میچ میں بیلجیئم سے شکست کے بعد پاکستانی ٹیم میڈل کی دوڑ سے باہر ہوگئی ہے۔
ہاکی چیمپئنز ٹرافی: بیلجیئم سے شکست، پاکستان میڈل کی دوڑ سے باہر
ذرائع کے مطابق نگران حکومت نے ہاکی ٹیم کی خراب اور مایوس کن کارکردگی کانوٹس لے لیا ہے۔
ذرائع نے بتایا کہ نگران حکومت نے ہاکی فیڈریشن کی20 کروڑ روپے کی خصوصی گرانٹ بھی روک لی ہے جس کی منظوری سابق وزیر اعظم شاہد خاقان عباسی نے دی تھی۔
دوسری جانب اسپورٹس بورڈ نے ٹیم کی ناقص کارکردگی پر پاکستان ہاکی فیڈریشن سےجواب طلب کرنےکا بھی فیصلہ کیا ہے۔
خیال رہے کہ ہاکی چیمپیئنز ٹرافی میں پاکستان کو بھارت سمیت ہالینڈ، بیلجیئم اور آسٹریلیا سے شکست کا سامنا کرنا پڑا۔

ماسکو( ایمرا نیوز) فیفا ورلڈکپ کا ناک آئوٹ مرحلے آج سے آغاز ہونے جارہا ہے .ٹیموں نے کمر کس لی. جو ہارا گھر جائے گا.
فیفا ورلڈ کپ 2018 کے پہلے مرحلے کے اختتام کے ساتھ ہی ناک آؤٹ مرحلے کے لیے کوالیفائی کرنے والی تمام 16 ٹیموں کا فیصلہ بھی ہو گیا ہے۔ پہلے رائونڈ گروپ میچوں کے اختتام پر یوروگوئے، میزبان ملک روس، اسپین، پرتگال، فرانس، ڈنمارک، کروشیا، ارجنٹائن، برازیل، سوئٹزرلینڈ، سوئیڈن، میکسیکو، انگلینڈ، بلجیئم، کولمبیا اور جاپان نے پری کوارٹر فائنلز کے لئے کوالیفائی کرلیاہے۔ناک آئوٹ پنچ کیلئے تمام ہیوی ویٹس تیار ہیں۔افریقا سے کوئی بھی ٹیم اگلے مرحلے تک رسائی پانے میں ناکام رہی۔ ناک آؤٹ مرحلے کا آغاز 30 جون کو فرانس اور ارجنٹینا کے درمیان میچ سے ہوگا، جبکہ اسی روز دوسرا میچ پرتگال اور یوروگوئے کے درمیان کھیلا جائے گا۔ پہلا میچ پاکستانی وقت کے مطابق شام 7بجے کھیلا جائے گا جبکہ دوسرا پری کوارٹر فائنل یو رو گوئے اور پرتگال کے درمیان آج شب 11بجے کھیلا جائےگا۔توقع ہے جنہیں ڈنمارک کے خلاف میچ میں آرام دیا گیا تھا ۔نبیل فقیر کو بنچ کے بجائے اسٹارٹنگ لائن اپ میں شامل کیاجائےگا،لیوکس ہر نانڈیز بھی

دستیاب ہونگے۔پال پوگبا اور گریزمین کا کردار بھی نہایت اہم ہوگا۔جبریل سدی ،کوپنجامن پاوارڈ کی جگہ رانٹ بیک کھلایا جائےگا۔ارجنٹائن کے نائیجیریا کیخلاف کامیابی کے بعد حوصلے بلند ہیں اب تک اپنی قیادت میں 15میچوں میں ارجنٹائن کوچ سمپائولی نے پہلی بار گزشتہ ٹیم میں کوئی تبدیلی نہیں کی۔ارجنٹائن کے اسٹار فٹبالر لائنل میسی جو آج تک اپنے ملک کے لئےورلڈ کپ نہیں جیت سکے ۔توقع ظاہر کی کہ اس بار خدا ان کی ضرور مدد کرےگا۔دوسرا میچ جو دوبار کی عالمی چیمپئن یورو گوئے اور پرتگال کے درمیان ہوگا ،یورو گوئے کے سابق اسرائیکر ڈیگو فورلان کا کہناہے کہ اگر یورو گوئے نے پرتگال کے عالمی شہرت یافتہ اسٹار کرسچیانو رونالڈ پر قابو پالیا تو وہ پرتگال کو 50فیصد روکنے میں کامیاب ہوجائے گا۔رونالڈو نے ورلڈ کپ میں پہلے میچ میں اسپین کے خلاف ہیٹ ٹرک اور مجموعی طورپر چار گول کے ساتھ دوسرے نمبر پر ہیں ۔ورلڈ کپ 2018میں یورو گوئے واحد ٹیم ہے جس پر کوئی گول نہیں ہوا۔جبکہ یکم جولائی کو پہلا میچ اسپین اور میزبان روس کے مابین کھیلا جائے گا اور دوسرے میچ میں کروشیا اور ڈنمارک آنے سامنے ہوگے۔ یہ مسلسل 13 واں ورلڈ کپ جب برازیل نے دوسرے مرحلے کے لئے کوالیفائی کیا۔ اور اب تک تمام ورلڈ کپ ٹورنامنٹس کھیلے ہیں۔ موجودہ ٹیم مینجر ٹیٹے کےتحت برازیل نے صرف ایک میچ ہارا، 19 جیتے اور 4 برار رہے۔ اس طرح ان کی کامیابی کا تناسب 79 فیصد ہے۔

(ایمرا نیوز) پاکستان کرکٹ بورڈ کے چیئرمین نجم سیٹھی نے بورڈ کے دفتری امور کی وجہ سے انٹرنیشنل کرکٹ کونسل (آئی سی سی) بورڈ میٹنگ چھوڑ دی۔

نجم سیٹھی کو لاہور سے دبئی اور دبئی سے ڈبلن جانا تھا لیکن وہ دبئی میں امارات بورڈ سے کامیاب میٹنگ کے بعد اچانک لاہور آگئے۔ انہوں نے کہا کہ ایسا اچانک نہیں ہوا ہے، پہلے سے طے تھا۔
اب پاکستان کرکٹ بورڈ کے چیئرمین ڈبلن میں انٹر نیشنل کرکٹ کونسل کی سالانہ بورڈ میٹنگ میں شرکت نہیں کرسکیں گے، ان کی جگہ اہم ترین اجلاس میں ٹیسٹ کھیلنے والے ملکوں کے سربراہوں کے ساتھ پاکستان کی نمائندگی چیف آپریٹنگ آفیسر سبحان احمد کریں گے۔
آئی ی سی چیف ایگزیکٹیو کمیٹی کا اجلاس جمعے سے شروع ہوگیا۔یہ اجلاس ہفتے کو بھی جاری رہے گا جبکہ آئی سی سی بورڈ میٹنگ دو اور تین جولائی کو ہوگی۔
نجم سیٹھی اجلاس میں شرکت کے لئے لاہور سے روانہ ہوئے تھے اور دبئی میں امارات بورڈ حکام سے میٹنگ کے بعد لاہور آگئے انہوں نے اجلاس میں اپنی جگہ سبحان احمد کو نامزد کیا ہے۔ نجم سیٹھی سے رابطہ کیا تو انہوں نے تصدیق کی کہ میں نے اپنی جگہ سبحان احمد کو نامزد کیا ہے۔ اجلاس میں عام طور پر نجم سیٹھی سائیڈ لائن پر کئی میٹنگ کرتے ہیں انہوں نے کہا کہ میرا لاہور آنا زیادہ ضروری تھا۔
انہوں نے کہا کہ جولائی میں پاکستان کرکٹ بورڈ اپنی بورڈ میٹنگ اور سالانہ جنرل باڈی میٹنگ کررہا ہے۔ان میٹنگز کے لئے بجٹ کی تیاری ہوچکی ہے لیکن اجلاسوں میں بجٹ پیش کرنے سے قبل میں انہیں خود دیکھنا چاہتا ہوں،پی سی بی کے ہر ڈپارٹمنٹ کے بجٹ کو دیکھنے کے لئے آدھا دن درکار ہوتا ہے اس لئے میں نے لاہور آنا ضروری سمجھا۔
نجم سیٹھی نے کہا کہ لندن میں بھارتی بورڈ کے سلسلے میں میں نے اور سبحان نے اپنے وکلاء سے جولائی کے پہلے ہفتے میں میٹنگ رکھی ہوئی ہے اگر میں آئر لینڈ چلا جاتا تو مجھے تین دن بغیر کام کے لندن میں رکنا پڑتا۔میں لندن میں وکلاء سے میٹنگ کے لئے سات جولائی کو لندن جاؤں گا۔ انہوں نے کہا کہ بھارتی بورڈ کے خلاف ہمارا کیس فیصلہ کن مرحلے میں ہے اس لئے بورڈ میٹنگ سے زیادہ اہم وکلاء سے میٹنگ ہے۔ ذرائع کا کہنا ہے کہ عام طور پر ہر ملک کے بورڈ کا سربراہ ہی آئی سی سی اجلاس میں شرکت کرتا ہے تاہم غیر معمولی حالات کے باعث چیف ایگزیکٹیو ،چیئرمین کی نمائندگی کرتا ہے۔
آئی سی سی سالانہ میٹنگ کے ایجنڈے کے ساتھ ساتھ پاکستان میں انٹر نیشنل کرکٹ کی واپسی پر دیگر ملکوں سے سبحان احمد بات کریں گے۔ نجم سیٹھی نے دبئی میں تین دن قبل امارات کرکٹ بورڈ سے کامیاب مذاکرات کئے تھے۔ ذرائع کا کہنا ہے کہ ملک میں عام انتخابات سے قبل پاکستان کرکٹ بورڈ اپنی تمام آئینی ذمے دارایاں پوری کرکے جولائی میں دو اہم میٹنگ انتخابات سے قبل بلانا چاہتا ہے۔

ملتان (سپورٹس ڈیسک/ایمرا نیوز) آئی سی سی کے نئے ایپ سے کرپشن اور فکسنگ کا خاتما ممکن.
کرکٹ میں بڑھتے کرپشن اور ڈوپنگ کے واقعات نے آئی سی سی کو ہلا کر رکھا ہے، حالیہ عرصے میں ٹی وی سٹنگ آپریشن میں بھارت ، آسٹریلیا، انگلینڈ اور سری لنکا کے ٹیسٹ میچوں میں فکسنگ کے عنصر کی مبینہ نشاندہی کی گئی۔ کرپشن ، میچ فکسنگ اور ڈوپنگ کی روک تھام کے لئے انٹر نیشنل کرکٹ کونسل نے تینوں فارمیٹس کیلئے خصوصی ایپ متعارف کروادی ہے۔ پلیئرز،امپائرز اور آفیشل لمحوں میں اس ایپ کی مدد سے آئی سی سی اینٹی کرپشن یونٹ تک اپنی معلومات پہنچاسکیں گے، انفارمیشن ایپ تک رسائی اور اسکا استعمال اس قدر آسان ہوگا کہ کرکٹ سے متعلق شخصیات سکینڈوں میں آئی سی سی تک شکایات پہنچانے میں آزاد ہونگے۔ کرکٹرز اور کوچزنےخیر مقدم کیا ہے۔

(میڈیا 92نیوز)چیمپئنز ٹرافی ہاکی ٹورنامنٹ کستانی ٹیم میڈل کی دوڑ سے باہر ہوگئی
چیمپئنز ٹرافی ہاکی ٹورنامنٹ کے آخری لیگ میچ میں بیلجیئم نے پاکستان کو 2 کے مقابلے میں 4 گول سے مات دے دی،ہار کے بعد پاکستانی ٹیم میڈل کی دوڑ سے باہر ہوگئی تاہم گرین شرٹس اب پانچویں پوزیشن کے لیے میچ کھیلیں گے ۔
بریڈا میں جاری ایونٹ میں پاکستان نے بیلجیئم کے خلاف اچھا آغاز کیا، 11ویں منٹ میں علیم بلا ل کے پنالٹی کارنر پر کیے گئے گول کی بدولت ٹیم نے برتری حاصل کی جبکہ دوسرے کوارٹر میں کوئی ٹیم گول نہ کرسکی۔
تیسرے کوارٹر میں بیلجیئم کے تھوماس نے گول کرکے اسکور 1-1 سے برابر کردیا لیکن 2منٹ بعد ہی پاکستان کے علیم بلال نے پھر پنالٹی کارنر پر گول کرکے برتری حاصل کرلی تاہم اگلے ہی منٹ میں بیلجیئم کے کیوسٹرس نے گول کرکے مقابلہ پھر برابر کردیا۔
چوتھے کوارٹر میں بیلجیئم نے پاکستان کے خلاف مزید 2گول کرکے اسکور 2-4 کردیا، اسی پر میچ ختم ہوا۔
پاکستانی ٹیم 6 ٹیموں کے ٹورنامنٹ میں آخری نمبر پر رہی تاہم اب وہ پانچویں پوزیشن کیلئے میچ کھیلے گی۔
واضح رہے کہ ایونٹ میں گرین شرٹس کی کارکردگی انتہائی خراب رہی، ٹیم صرف ارجنٹینا کے خلاف ایک میچ میں کامیابی حاصل کرسکی جبکہ اسے بھارت، آسٹریلیا، نیدرلینڈز اور آج بیلجیئم کے ہاتھوں بھی منہ کی کھانی پڑی تھی۔

برمنگھم:(سپورٹس ڈیسک/ایمرا نیوز) آسٹریلوی ٹیم انگلینڈ میں فتح کی آخری امید بھی گئی. اور واحد ٹوئنٹی 20بھی میزبان ٹیم کے نام رہا جس نے28 رنز سے میدان مار لیا۔

پانچوں ون ڈے میچز میں ناکامی کے بعد واحد ٹی ٹوئنٹی میں آسٹریلوی ٹیم کو فتح نہ مل سکی، برمنگھم میں کینگروز نے ٹاس جیت کر پہلے بولنگ کا فیصلہ کیا،اوپنرز نے انگلینڈ کو95رنزکا آغاز فراہم کیا،جوز بٹلر نے اپنے ملک کی جانب سے تیز ترین ففٹی بنانے کا اعزاز حاصل کیا،انھوں نے یہ سنگ میل 22گیندوں پر عبور کیا۔

اوپنر نے 61کی اننگز کھیلی،ڈراپ کیچ سے موقع پانے والے جیسن روئے44 رنز بنانے میں کامیاب ہوئے، کپتان ایون مورگن15تک محدود رہے، الیکس ہیلز(49) نے ٹیم کی ڈبل سنچری مکمل کرانے میں اہم کردار ادا کیا، جوئے روٹ(35) رن آؤٹ ہوئے،جونی بیرسٹو14 اور معین علی بغیر کوئی رن بنائے ناٹ آؤٹ رہے، انگلینڈ نے 5وکٹ پر221کا مجموعہ ترتیب دیا۔جواب میں آسٹریلوی ٹاپ اور مڈل آرڈر میں کوئی کریز پر قیام نہ کرسکا۔
ٹیم 72رنز کے سفر میں ہی نصف بیٹنگ لائن سے محروم ہوچکی تھی، صرف ایرون فنچ کا بیٹ رنز اگلتا رہا،مطلوبہ رن ریٹ زیادہ ہونے پر وہ جارحانہ اسٹروک کھیلنے کی کوشش میں 84پر وکٹ گنوا بیٹھے ،ان کا ساتھ دینے والے ایشٹن ایگر29 پر رخصت ہوئے تو 16گیندوں پر48 رنز درکار تھے،آسٹریلوی اننگز193 پر تمام ہوئی، مین آف دی میچ عادل رشید اور کرس جورڈن نے 3،3 جبکہ لیام پلنکٹ نے2 کھلاڑیوں کو آؤٹ کیا۔

ہرارے:(سپورٹس ڈیسک/ایمرا نیوز) شاہینوں نے ہرارے اسٹیڈیم میں پریکٹس شروع کردی
سہ ملکی ٹی ٹوئنٹی سیریز کے لیے قومی کرکٹ ٹیم نے ہرارے میں پریکٹس کا آغاز کر دیا۔
پاکستان ٹیم نے درخواست کی تھی کہ میچ وینیو پر پریکٹس کا موقع دیا جائے، میزبان بورڈ نے یہ مطالبہ تسلیم کر لیا اور قومی کرکٹرز نے ہرارے اسٹیڈیم میں بیٹنگ، بولنگ اور فیلڈنگ پریکٹس کی۔ گرانٹ لوڈن وکٹوں کے پیچھے کیچنگ کے لیے سرفراز احمد کو خصوصی پریکٹس کرواتے رہے۔
واضح رہے کہ قومی ٹیم جمعرات کو زمبابوے پہنچی تھی، پاکستان، زمبابوے اور آسٹریلیا کے درمیان سہ ملکی ٹی ٹوئنٹی سیریز کا آغاز یکم جولائی سے ہوگا۔ گرین شرٹس افتتاحی میچ زمبابوے کے خلاف کھیلیں گے، ٹی ٹوئنٹی سیریز کے بعد قومی ٹیم 13 جولائی سے زمبابوے کے خلاف 5 ون ڈے میچز کی سیریز بھی کھیلے گی۔