Category کھیل

لاہور(میڈیا 92نیوز) آئی سی سی چیمپئنز ٹرافی ہمیشہ پاکستان کے قبضے میں رہے گی کیونکہ فیوچر ٹور پروگرام میں 8 ملکی ایونٹ کے بجائے ورلڈ ٹی ٹوئنٹی کرانے کے فیصلے پر مہر تصدیق ثبت ہوگئی۔رواں سال اپریل میں کولکتہ میں ہونے والی آئی سی سی میٹنگ میں ہی چیمپئنز ٹرافی کا سلسلہ ختم کرتے ہوئے 2021میں ورلڈ ٹی ٹوئنٹی ٹورنامنٹ کا فیصلہ کرلیا گیا تھا،کونسل کے چیف ایگزیکٹیو ڈیورچرڈسن کا کہنا تھا کہ تمام ممبرز نے اتفاق رائے سے طے کیا ہے کہ ورلڈٹی ٹوئنٹی کا ایک ایڈیشن آسٹریلیا میں 2020میں ہوگا۔اگلے سال چیمپئنز ٹرافی کے بجائے مختصر فارمیٹ کا میگا ایونٹ بھارت میں شیڈول کیا جائے گا،اس وقت بی سی سی آئی ممبران کی طرف سے تحفظات کا اظہار کیا گیا تھا کہ اجلاس میں شریک ان کے اپنے ہی رکن نے حمایت سے قبل انھیں اعتماد میں نہیں لیا،بھارت کی میزبانی میں ہونے والے ایونٹ کو ٹی ٹوئنٹی میں تبدیل کرنے سے نشریاتی حقوق سمیت کئی مسائل پیدا ہوں گے۔بی سی سی آئی کی سالانہ جنرل میٹنگ سے 2روز قبل آئی سی سی کی جانب سے جاری کیے جانے والے فیوچر ٹور پروگرام میں چیمپئنز ٹرافی کے بجائے ورلڈ ٹی ٹوئنٹی کو شیڈول میں شامل کیا گیا ہے،باضابطہ اعلان کے بعد 8ملکی ایونٹ کا سلسلہ تمام ہوگیا۔گزشتہ سال انگلینڈ میں ہونے والا ایڈیشن آخری ثابت ہوا، عالمی رینکنگ میں آٹھویں نمبر پر موجود پاکستان ٹیم نے مضبوط حریفوں کو حیران وپریشان کرتے ہوئے اپنی تاریخ میں پہلی بار ٹائٹل حاصل کیا تھا، آئندہ ٹورنامنٹ نہ ہونے کی وجہ سے گرین شرٹس کو اپنے اعزاز کا دفاع کرنے کی ضرورت نہیں پڑے گی، ٹرافی ہمیشہ کیلیے شوکیس کی زینت بنی رہے گی۔

(سپورٹس ڈیسک/ایمرا نیوز)
کھیلوں کی مصنوعات بنانے کیلئے دنیا بھر میں مشہور پاکستان کا شہر سیالکوٹ سے 15 سالہ نوجوان میں کھیلے جانے والے فیفا ورلڈ کپ میں جمعہ کے روز برازیل اور کوسٹا ریکا کے درمیان میچ میں ٹاس کریں گے۔

احمد رضا کے والد شبیر احمد خود سیالکوٹ میں فٹ بال بناتے ہیں اور ان کا خاندان تین نسلوں سے فٹ بال کو تیار کرنے کا کام کرتا آیا ہے۔

احمد رضا جمعہ کو پہلے پاکستانی بن جائیں گے جو فیفا ورلڈ کپ کے گراؤنڈ میں پاکستان کی نمائندگی کریں گے۔

احمد رضا کیلئے برازیل اور کوسٹا ریکا کے درمیان میچ کا ٹاس کرنا اور بھی زیادہ اہمیت اس لیے رکھتا ہے کہ وہ برازیل اور نیمار جونیر کے مداح ہیں اور ان کو موقع ملے گا کہ وہ اپنی پسندیدہ ٹیم اور پسندیدہ کھلاڑی سے ملاقات کر پائیں گے۔
یہ قدم مشروبات بنانے والی کمپنی کوکا کولا نے لیا ہے۔ احمد رضا کے علاوہ وہ پاکستان نیشنل فٹ بال ٹیم کے کپتا کلیم اللہ کو بھی روس لے کر جا رہی ہے۔ احمد رضا سے پہلے اگرچہ کسی پاکستانی نے فیفا ورلڈ کپ میں نمائندگی نہیں کی ہے لیکن پاکستان کے بنے ہوئے فٹ بال فیفا ورلڈ کپ کے دوران پاکستان کی نمائندگی کرتے رہے ہیں۔

روس میں کھیلے جانے والے فیفا ورلڈ کپ میں بھی فٹ بال پاکستان ہی میں بنے ہیں۔ اس سے قبل فیفا ورلڈ کپ 2014 میں بھی سیالکوٹ میں تیار کردہ فٹ بال استعمال کیے گئے تھے۔ پاکستان میں فٹبال کی صنعت تقسیم ہند سے پہلے کی موجود ہے۔

لاہور:(سپورٹس ڈیسک/ایمرا نیوز) احمد شہزاد پر ماری جوانا استعمال کرنے کا الزام سامنے آگیا۔

احمد شہزاد کا ڈوپ ٹیسٹ ایک ڈومیسٹک میچ کے دوران لیا گیا تھا جو مثبت آنے پر اوپنر کو تادیبی کارروائی کا سامنا ہے، پی سی بی کا کہنا ہے کہ ایک کھلاڑی کا ڈوپ ٹیسٹ مثبت آیا تھا لیکن نام رپورٹ سامنے آنے کے بعد بتایا جائے گا.

ذرائع سے تصدیق ہوچکی کہ گرفت میں آنے والے کرکٹر احمد شہزاد ہی ہیں، یہ اطلاعات بھی گردش میں ہیں کہ انھوں نے مبینہ طور پر ماری جوانا کا استعمال کیا تھا، ممنوعہ دوا یا نشہ آور اشیاکے استعمال پر حتمی بیان کرکٹ بورڈ کو جاری کرنا ہے، احمد شہزاد کو وضاحت کا موقع بھی دیا جائے گا اور اگر الزام ثابت ہوگیا تو انھیں 3ماہ تک کرکٹ سے دور رہنا ہوگا۔
دوسری طرف پاکستان کو یکم سے 8جولائی تک زمبابوے میں شیڈول سہ ملکی ٹی ٹوئنٹی سیریز میں شرکت کرنا ہے،گذشتہ دونوں ایک انٹرویو میں ہیڈ کوچ مکی آرتھر نے آؤٹ آف فارم ہونے کے باوجود احمد شہزاد کو مزید مواقع دینے کا عندیہ دیا تھا لیکن موجودہ صورتحال میں ان کا ٹیم کے ہمراہ جانا مشکل نظر آرہا ہے۔

ذرائع کا کہنا ہے کہ گذشتہ روز ہیڈ کوچ کی چیف سلیکٹرانضمام الحق کے ساتھ میٹنگ میں احمد شہزاد کا معاملہ بھی زیر غور آیا،ڈسپلن کے حوالے سے انتہائی سخت رویہ رکھنے والے مکی آرتھر ایک بگڑے بچے عمر اکمل کی چھٹی کرا چکے،اس لیے احمد شہزاد کو بھی ڈراپ کیے جانے کا امکان روشن ہوگیا ہے، ان کی جگہ شان مسعود کو شامل کیے جانے کا امکان ہے۔

ویسٹ انڈیز سے کراچی میں ٹی ٹوئنٹی سیریز کے تینوں میچز میں فخرزمان کے ساتھ بابر اعظم نے اننگز کا آغاز کیا اور کامیاب بھی رہے لیکن بازو میں فریکچر کی وجہ سے ان کی ٹرائنگولر سیریز میں شرکت مشکوک ہے۔

ماسکو(سپورٹس ڈیسک میڈیا 92نیوز) فٹ بال ورلڈ کپ 2018ء کے اہم میچ میں کروشیا نے ارجینٹینا کو 3-0سے شکست دے کر ناک آؤٹ مرحلے کے لئے کوالیفائی کر لیا۔ گروپ ڈی کے اس میچ کے 53ویں منٹ میں ارجنٹینا کے گول کیپر ولی کبالیرو کی غلطی کی وجہ سے کروشیا کے اینٹی ریبک گول اسکور کرنے میں کامیاب ہو گئے۔ اس کے بعد ارجنٹینا نے کروشیا کے ہاف میں دباؤ بڑھاتے ہوئے گول کرنے کی متعدد کوششیں کیں تاہم کروشیا کے دفاع نے مخالف ٹیم کو گول کرنے سے باز رکھا۔80ویں منٹ میں کروشیا کی جانب سے لوکا موڈرک نے شاندار گول اسکور کر کے اپنی ٹیم کی سبقت دوگنی کر دی۔ میچ کے اختتامی لمحات میں ایوان راکیٹک نے تیسرا گول کر کے اپنی ٹیم کی اگلے مرحلے تک رسائی یقینی بنا دی۔ اس سے قبل آج ہونے والے دیگر میچوں میں فرانس نے پیرو کو شکست دی تھی جبکہ ڈنمارک اور آسٹریلیا کا میچ برابر رہا تھا۔

لاہور(میڈیا 92نیوز)کرکٹر نے ٹوئٹر پر ایک تصویر شیئر کی جس میں آم کی تین گٹھلیاں دکھائی گئی ہیں، ایک گٹھلی پر کافی زیادہ مقدار میں آم کا گودا باقی ہے، اس طریقے سے آم کھانے والے کو غیرمہذب کہا گیا ہے، دوسری گٹھلی پر بھی کچھ مقدار میں آم کا گودا لگا ہے ، اس طریقے سے آم کھانے والے کو اناڑی کہا گیا ہے، تیسری گٹھلی بالکل صاف ہے ، اس طریقے سے آم کھانے والے کو پروفیشنل کہا گیا ہے۔اس تصویر کے ساتھ انہوں نے لکھا کہ میں ہمیشہ سے ایک پروفیشنل رہا ہوں، آپ کیا ہیں؟ ڈیرن سیمی کی جانب سے اس ٹوئٹ پر پاکستانی مداحوں کی جانب سے دلچسپ تبصرے کیے گئے۔

احمد رضا فیفا ورلڈ کپ میچ کے دوران یہ کارنامہ انجام دینے والے پہلے پاکستانی ہوں گے، ان کا تعلق کھیلوں کے سامان کے حوالے سے شہرت رکھنے والے شہر سیالکوٹ سے ہے، ان کے خاندان کے لوگ تین پشتوں سے دنیا کی بڑی بڑی لیگز کیلیے ہاتھوں سے فٹبال بنانے کا کام کر رہے ہیں، رضا برازیلی ٹیم کے مداح ہیں اور نیمار ان کے پسندیدہ کھلاڑی ہیں۔
مشروب ساز ادارے نے پاکستانی فٹبال ٹیم کے کپتان کلیم اللہ کو بھی اسپانسر کیا ہے، احمد رضا کی اس کاوش کو معروف فلمساز شرمین عبید چنائے ڈاکومنٹری کی شکل میں فلما رہی ہیں۔

برج ٹاﺅن : (ایمرا نیوز) ویسٹ انڈیز اور سری لنکا کی کرکٹ ٹیموں کے درمیان تیسرا اور آخری ٹیسٹ میچ ہفتہ سے برج ٹاﺅن سے شروع ہوگا۔ میزبان ٹیم کو سیریز میں 1-0 کی برتری حاصل ہے۔ ویسٹ انڈیز ٹیم نے سری لنکن کرکٹ ٹیم کو پہلے میچ میں 226 رنز سے شکست دی تھی۔ دونوں ٹیموں کے درمیان سیریز کا دوسرا میچ ہار جیت کے فیصلے کے بغیر ہی ختم ہوگیا۔ آئی لینڈرز دنیش چندیمل کی قیادت میں ہے ۔

ایمسٹرڈیم: (سپورٹس ڈیسک/ایمرا نیوز) چیمپئنز ٹرافی ہاکی ٹورنامنٹ ہفتہ کو ہالینڈ کے شہر شہر بریڈا میں شروع ہوگا۔ تفصیلات کے مطابق میگا ایونٹ میں 6 مختلف ممالک کی ٹیمیں ٹائٹل کے حصول کے لئے ایکشن میں نظر آئینگی۔ چیمپئنز ٹرافی ہاکی ٹورنامنٹ میں شرکت کرنے والی ٹیموں میں دفاعی چیمپئن آسٹریلیا، پاکستان، بھارت، میزبان ہالینڈ، ارجنٹائن اور بیلجیئم شامل ہیں۔ آسٹریلیا کی ٹیم ٹائٹل کا دفاع کریگی۔ پاکستان ٹیم کی قیادت رضوان سنیئر کرینگے۔ ٹورنامنٹ کل ہفتہ سے یکم جولائی تک ہالینڈ کے شہر بریڈا میں کھیلا جائے گا۔ پاکستان ٹیم اپنا پہلا میچ کل روایتی حریف بھارت کے خلاف کھیلے گی۔ پاکستان اپنا دوسرا میچ 24 جون کو آسٹریلیا ، تیسرا میچ 26جون کو ہالینڈ ، چوتھا میچ 28 جون کو ارجنٹائن اور پانچواں میچ 29جون کو بیلجیم کے خلاف کھیلے گا۔ واضح رہے کہ پاکستان تین بار چیمپئنز ٹرافی کا ٹائٹل جیت چکا ہے۔ واضح رہے کہ میگا ایونٹ کا فائنل میچ یکم جولائی کو کھیلا جائیگا۔

لندن : (سپورٹس ڈیسک/ایمرا نیوز) رواں سال کے تیسرے بڑے گرینڈ سلام ومبلڈن اوپن ٹینس ٹورنامنٹ سے قبل ایسٹبورن اوپن ٹینس ٹورنامنٹ جمعہ سے انگلینڈ کے دارلحکومت لندن میں شروع ہوگا۔ ٹورنامنٹ میں دنیائے ٹینس کے نامور کھلاڑی ٹائٹل کے حصول کے لئے ایکشن میں نظر آئینگے۔ ایونٹ 30 جون کو اختتام پذیر ہوگا۔سٹار رومانوی کھلاڑی اور عالمی نمبر ایک سیمونا ہالپ نے شیڈول ایسٹبورن ٹینس ٹورنامنٹ میں شرکت کی تصدیق کی ہے، وہ ایونٹ میں عالمی نمبر دو ڈنمارک کی کیرولین وزنائیکی اور برطانیہ کی نمبر ایک کھلاڑی جوہانا کونتا کو جوائن کریں گی۔ 26 سالہ ہالپ نے اپنے بیان میں کہا کہ میں نے ومبلڈن اوپن کی تیاری کے سلسلے میں ایسٹبورن ٹورنامنٹ کا شرکت کا فیصلہ کیا تاکہ بھرپور انداز سے سال کا تیسرا گرینڈ سلام کھیل سکوں۔ واضح رہے کہ ایونٹ جمعہ سے 30 جون تک کھیلا جائے گا۔

دبئی : (سپورٹس ڈیسک/ایمرا نیوز ) ماسٹر کبڈی کپ ٹورنامنٹ جمعہ سے دبئی میں شروع ہوگا۔ تفصیلات کے مطابق ٹورنامنٹ میں 6 مختلف ممالک کی ٹیمیں ٹورنامنٹ چیمپئن بننے کے لئے کوشش کرینگی۔ ٹورنامنٹ میں 6 ممالک کی ٹیمیں حصہ لے رہی ہیں جن کو دو گروپوں میں تقسیم کیا گیا ہے گروپ اے میں پاکستان کے ساتھ روایتی حریف بھارت اور کینیا کو رکھا گیا ہے جبکہ گروپ بی میں ایران، جنوبی کوریا اور ارجنٹائن شامل ہیں۔ پاکستان ٹیم کا دستہ 18 ارکان پر مشتمل ہے۔ ٹورنامنٹ میں پاکستان کی نمائندگی کرنے والی 14 رکنی قومی کبڈی ٹیم کی قیادت ناصر علی کریں گے۔ کوچنگ کے فرائض کرنل نبیل احمد، ٹیم منیجر کے رانا امجد علی اور ریفری کے بادشاہ گل انجام دیں گے۔ پاکستان روایتی حریف بھارت کے خلاف جمعہ کو پنجہ آزمائی کریگی۔ ٹورنامنٹ 30 جون تک جاری رہے گا۔ ٹورنامنٹ کے لئے ایک کروڑ روپے کی انعامی رقم مختص کی گئی ہے۔