Category کھیل

بریڈا(سپورٹس ڈیسک/میڈیا 92نیوز) چیمپئنز ٹرافی ہاکی ٹورنامنٹ میں آسٹریلیا نے پاکستان کو ایک کے مقابلے میں دو گول سے ہرادیا۔ہالینڈ کے شہر بریڈا میں جاری ایونٹ میں پاکستانی ٹیم نے اپنا دوسرا میچ آسٹریلیا کے خلاف کھیلا جس میں گرین شرٹس نے عمدہ کھیل پیش کیا۔میچ میں پہلے برتری بھی پاکستانی ٹیم نے حاصل کی، یہ گول احمد اعجاز نے اسکورکیا تاہم پہلے کوارٹر کے آخر میں آسٹریلیا نے اس برتری کو ختم کردیا۔چیمپئنز ٹرافی کے افتتاحی میچ میں پاکستان کو بدترین شکست، ا±س کے بعد دوسرے اور تیسرے کوارٹر میں کوئی گول نہیں ہوا البتہ پاکستانی گول کیپر عمران بٹ نے آسٹریلیا کے کئی خطرناک حملے ناکام بنائے۔چوتھے کوارٹر میں آسٹریلوی ٹیم آخر کار گول کرنے میں کامیاب ہوگئی، یہ گول ٹرینٹ نے اسکور کیا۔پاکستانی کھلاڑیوں نے گول برابر کرنے کی بھرپور کوشش کی تاہم انہیں کامیابی نصیب نہیں ہوئی۔اس سے قبل پاکستان کو بھارت کے ہاتھوں 4-0 سے شکست ہوئی تھی۔

ماسکو (نیٹ نیوز/میڈیا 92نیوز) فیفا ورلڈ کپ میں انگلینڈ نے پاناما کو پے در پے گول کر کے بے حال کر دیا۔ انگلینڈ نے میچ 6-1 سے اپنے نام کر کے کوالیفائنگ راﺅنڈ کیلئے اپنی جگہ یقینی بنا لی۔ انگلینڈ کے علاوہ بیلجیم کی ٹیم اس گروپ میں پہلے ہی کوالیفائی کر چکی ہے۔ انگلینڈ کی طرف سے کھیل کے 8 ویں منٹ میں کارنر کک پر جون سٹونز نے پہلا گول داغ جس کے بعد گول کا ایک نہ رکنے والا سلسلہ شروع ہو گیا۔ انگلش اٹیک کے سامنے پاناما کا دفاع ریت کی دیوار ثابت ہوا۔ انگلینڈ نے کھیل کے پہلے ہی ہاف میں 5 گول کر کے اپنی فتح یقینی بنا لی۔ انگلینڈ کی طرف سے سٹونز نے دو جبکہ ہیری کین نے 3 مرتبہ بال کو نیٹ کی راہ دکھائی۔ پاناما کی ٹیم نے میچ کے دوران دو مرتبہ پنٹلی دیئے۔ انگلینڈ کی ٹیم اپنا آخری گروپ میچ بیلجیم کے خلاف کھیلے گی جس میں گروپ کی ٹاپ ٹیم کا فیصلہ ہو گا۔ دونوں ٹیمیں دو دو میچز جیت چکی ہیں۔ پاناما کی طرف سے کھیل کے 78 ویں منٹ میں میچ کا واحد گول کیا گیا جو ان کا ٹورنامنٹ کا پہلا گول بھی ہے۔ انگلینڈ نے میچ کے شروع سے ہی اٹیکنگ فٹ بال کھیلی اور پورے میچ میں زیادہ تر گیند کو اپنے کنٹرول میں رکھا۔ پاناما کی ٹیم میچ کے شروع سے ہی دباﺅ میں نظر آئی جس کا انگلش کھلاڑیوں نے بھرپور فائدہ اٹھایا۔ انگلینڈ نے مڈ فیلڈ میں شاندار کھیل کا مظاہرہ کیا اور ونگرز کو گول کرنے کے بھرپور مواقع فراہم کئے۔ انگلش ٹیم کی اب تک ٹورنامنٹ میں کارکردگی بہترین رہی ہے اور انہوں نے دونوں میچوں میں شاندار کامیابیاں سمیٹی ہیں۔ پاناما کی ٹیم اپنے پہلے میچ میں بھی بیلجیم کے ہاتھوں شکست سے دوچار ہوئی تھی۔ اس سے قبل انگلینڈ نے اپنے پہلے میچ میں تیونس کو شکست سے دوچار کیا تھا۔ انگلش اٹیک کے سامنے پاناما کا دفاع ریت کی دیوار ثابت ہوا۔ انگلینڈ نے کھیل کے پہلے ہی ہاف میں 5 گول کر کے اپنی فتح یقینی بنا لی۔ انگلینڈ کی طرف سے سٹونز نے دو جبکہ ہیری کین نے 3 مرتبہ بال کو نیٹ کی راہ دکھائی۔ پاناما کی ٹیم نے میچ کے دوران دو مرتبہ پنٹلی دیئے۔

ایڈیلیڈ (نیٹ نیوز /میڈیا 92نیوز)فروری 2015 کو ایڈیلیڈ اوول میں پاکستان اور بھارت کے درمیان ہونے والے ون ڈے انٹر نیشنل میچ کودنیا بھرمیں ٹیلی وڑن پر تقریباً 288 ملین لوگوں نے دیکھا اور یہ کھیلوں کی تاریخ میں سب سے زیادہ دیکھا جانے والا میچ تھا۔تاہم اب آو¿ٹ آف فارم پاکستانی بیٹسمین عمر اکمل نے اس میچ کے بارے میں بیان دے کر اس کے بارے میں شکوک شبہات پیدا کردیئے ہیں۔ٹیسٹ کرکٹر عمر اکمل ایک سال سے زائد عرصے سے پاکستانی ٹیم کا حصہ نہیں ہیں۔ وہ کرکٹ کھیلیں یا نہیں ہمیشہ خبروں میں رہتے ہیں۔عمر اکمل نے اپنے ایک انٹرویو میں انکشاف کیا ہے کہ انہیں 2015 کے ورلڈ کپ میں میچ فکس کرنے کی پیشکش ہوئی تھی۔ذمے دار ذرائع کا کہنا ہے کہ عمر اکمل نے اس پیشکش کے بارے میں ٹیم انتظامیہ اور ا?ئی سی سی کو نہیں بتایا تھا اور اب آئی سی سی نے عمر اکمل کے متنازع بیان پر ان کے خلاف تحقیقات کا آغاز کردیا ہے۔اس میچ میں بھارت نے پاکستان کو 76 رنز سے شکست دے دی تھی اور عمر اکمل اس میچ میں صفر پر آو¿ٹ ہوئے تھے۔اتوار کو آئی سی سی ترجمان سمیع الحسن نے بتایا کہ ہم عمر اکمل کے خلاف تحقیقات کا آغاز کررہے ہیں اور فوری طور پر عمر اکمل سے ملاقا ت کرکے ان کا مو¿قف جاننا چاہیں گے، ہمارا اینٹی کرپشن یونٹ کھیل سے کرپشن کے خاتمے کے لیے اقدامات کررہا ہے اور اس بارے میں کسی کے پاس کوئی معلومات ہوں تو وہ آئی سی سی رابطہ کرسکتا ہے۔پاکستان کرکٹ بورڈ کا کہنا ہے کہ وہ عمر اکمل کے بیان کا جائزہ لے رہا ہے اور تفصیلات جاننے کے بعد ردعمل دیا جائے گا۔ایک نجی ٹی وی کو انٹر ویو دیتے ہوئے عمر اکمل نے کہا کہ ورلڈ کپ میں دو گیندیں نہ کھیلنے پر دو لاکھ ڈالرز کی پیشکش ہوئی تھی۔انہوں نے کہا کہ جب بھی میں پاکستان کی جانب سے بھارت کے خلاف کھیلتا مجھے پیشکش کی جاتی تھی کہ میچ نہ کھیلوں اس کے عوض مجھے پیسوں کی پیشکش کی جاتی تھی لیکن میرا سٹے بازوں کو ہمیشہ یہی جواب ہوتا ہے کہ میں اپنے ملک کے لیے کھیلنا چاہتا ہوں۔تاہم عمر اکمل نے یہ نہیں بتایا کہ انہوں نے ان پیشکشوں کی اطلاع ٹیم انتظامیہ کو دی تھی یا نہیں۔ آئی سی سی قوانین کے تحت اگر کسی کھلاڑی کو سٹے باز کی جانب سے پیشکش ہوتی ہے تو اسے اس کی اطلاع ٹیم انتظامیہ کو کرنا ہوتی ہے۔اسی طرح کی پیشکش کو چھپانے پر فاسٹ بولر محمد عرفان کو پابندی اور جرمانے کا سامنا کرنا پڑا تھا۔خیال رہے کہ گزشتہ برس آئی سی سی چیمپیئنز ٹرافی سے عمر اکمل ان فٹ قرار دے کر واپس بھیج دیا گیا تھا جس کے بعد عمر اکمل پاکستانی ٹیم میں واپسی کے لیے غیر معمولی کارکردگی دکھانے میں ناکام رہے ہیں۔پاکستان سپر لیگ میں بھی لاہور قلندرز کی جانب سے وہ مسلسل ناکام رہنے کے بعد ٹیم سے ڈراپ ہوگئے تھے۔آئی سی سی حکام کا کہنا ہے کہ وہ عمر اکمل کے بیان کو سنجیدگی سے لے رہے ہیں۔آئی سی سی نے ایڈیلیڈ میں چار سال قبل پاک بھارت میچ میں فکسنگ کی تردید کی ہے تاہم عمر اکمل سے بات کرکے مزید تحقیقات کی جائے گی۔ترجمان آئی سی سی کے مطابق عمر اکمل کے فکسنگ سے متعلق بیان کی تحقیقات ہوگی اور انٹرنیشنل کرکٹ کونسل جلد از جلد عمر اکمل سے بات کرے گا، انٹرنیشنل کرکٹ کونسل عمر اکمل کے بیان سے واقف ہے، فکسنگ جیسے معاملات پر پلیئر کا رپورٹ کرنا کافی اہم ہے۔

ماسکو(میڈیا 92نیوز)انگلینڈ کا مقابلہ پاناما، جاپان کا ٹاکرا سینیگال اور پولینڈ کی ٹیم کولمبیا کے مدمقابل ہوگی۔فیفا فٹبال ورلڈ کپ میں آج مزید تین میچز کھیلے جائیں گے۔فیفا ورلڈ کپ کے لیے گروپ ‘جی’ میں شامل انگلینڈ کا مقابلہ پاناما سے ہوگا اور دونوں ٹیموں کے درمیان آج کا میچ اہمیت کا حامل ہے۔ ایونٹ میں اب تک انگلینڈ اور پاناما کی ٹیمیں ایک ایک میچ کھیل چکی ہیں جس میں انگلینڈ کامیاب اور پاناما ناکام رہی۔پوائنٹس ٹیبل پر گروپ جی میں بیلجئم کی ٹیم اپنے دونوں میچز میں کامیابی کے بعد 6 پوائنٹس کے ساتھ سرفہرست ہے جب کہ انگلش ٹیم کو تین پوائنٹس حاصل ہیں اور وہ دوسرے نمبر پر ہے۔گروپ جی کی تیسری ٹیم پاناما ہے جس نے اب تک ایک میچ کھیلا جس میں اسے ناکامی ہوئی اور وہ تیسرے نمبر پر ہے جب کہ تیونس کو اپنے دونوں میچز میں شکست کا سامنا کرنا پڑا۔گروپ ‘ایچ’ کی چاروں ٹیمیں آج مدمقابل ہوں گی، دوسرے میچ میں جاپان کا مقابلہ سینیگال جب کہ پولینڈ اور کولمبیا کی ٹیمیں تیسرے میچ میں ٹکرائیں گی۔گزشتہ روز بھی تین میچز کھیلے گئے جس میں جرمنی نے سنسنی خیز مقابلے کے بعد سوئیڈن کو ایک کے مقابلے میں 2 گول سے شکست دی جب کہ بیلجیئم نے تیونس کو 2 کے مقابلے میں 5 گول سے ہرایا۔ تیسرے میچ کے دوران میکسیکو نے جنوبی کوریا کو دلچسپ مقابلے کے بعد ایک کے مقابلے میں 2 گول سے شکست دے کر میچ اپنے نام کیا۔

دبئی(میڈیا 92نیوز)کبڈی ماسٹرز کپ کے افتتاحی میچ میں بھارت کیخلاف پاکستان کو شکست کا سامنا کرنا پڑا۔کبڈی ماسٹرز کپ کے افتتاحی میچ میں پاکستان کو بھارت کیخلاف 20-36 سے شکست کا سامنا کرنا پڑا۔ 6 ملکی ٹورنامنٹ کا افتتاح متحدہ عرب امارات کے وزیر شیخ نہیان بن مبارک النہیان کے ہاتھوں ہوا، ٹاس بھارتی فلمسٹار ابھیشک بچن نے کیا ، وہ بھارت کی پرو کبڈی لیگ میں جے پور پنک پینتھرز کبڈی ٹیم کے اونر بھی ہیں، اس موقع پر انٹرنیشنل کرکٹ کونسل کے چیف ایگزیکٹیو آفیسر ڈیوڈ رچرڈسن بھی مدعو تھے۔واضح رہے کہ 9 روز تک جاری رہنے والے ایونٹ میں کوریا، ایران، ارجنٹائن اور کینیا کی ٹیمیں بھی شریک ہیں۔

لاہور(میڈیا 92نیوز) اظہر علی نے دورئہ زمبابوے کیلیے ڈراپ کرنے کا فیصلہ قبول کرتے ہوئے اعتراف کیا کہ وہ برطانوی ٹور میں اچھی کارکردگی کا مظاہرہ نہیں کرسکے۔قومی کرکٹر اظہر علی نے اعتراف کیاکہ دورئہ انگلینڈ میں ان کی کارکردگی اچھی نہیں رہی،انھوں نے کہا کہ میں اپنی فٹنس بہتر بنانے پر توجہ دے رہا ہوں، خامیاں دور کرنے کیلیے سمر کیمپ میں بھی شرکت کروں گا۔لاہور میں میڈیا 92سے بات چیت کرتے ہوئے سابق کپتان نے مزید کہا کہ زمبابوے میں میچز آسان نہیں ہونگے، میزبان ٹیم ہوم کنڈیشنز کا بھرپور فائدہ اٹھاتے ہوئے ٹف ٹائم دے سکتی ہے، پاکستان کو بھرپور منصوبہ بندی کے ساتھ میدان میں اترتے ہوئے جیت کیلیے محنت کرنا ہوگی،انھوں نے کہا کہ گرین شرٹس اچھی فارم میں ہیں، امید ہے کہ سہ ملکی ٹورنامنٹ کے بعد زمبابوے کیخلاف سیریز بھی جیتیں گے۔ایک سوال پر اظہر علی نے کہا کہ سلیکٹرز نے ٹیم کا انتخاب سیریز کی ضروریات کو پیش نظر رکھتے ہوئے کیا ہوگا،میں اسکواڈ میں شامل نہ کیے جانے پر مایوس نہیں اور واپسی کیلیے کوشش جاری رکھوں گا، امید ہے کہ ٹیم کامیاب رہے گی۔ انھوں نے کہا کہ پاکستان نے ہی مجھے سب کچھ دیا، میں ملک کی خدمت کرنا چاہتا ہوں، کوشش کروں گا جو بھی وقت بچا اسے کارآمد بناﺅں، بہت جلد گراوآنڈ میں دوبارہ ایکشن میں نظرآﺅں گا۔

ماسکو(میڈیا 92نیوز)فٹ بال ورلڈ کپ گروپ ای کے میچ میں سوئٹزر لینڈ نے سربیا کو ایک کے مقابلے میں دو گولز سے شکست دیدی۔ روس کے کیلنگراڈ اسٹیڈیم میں کھیلے گئے میچ میں پہلا گول سربیا کی جانب سے ایلکزینڈر مکرووچ نے پانچویں منٹ میں کیا۔سوئٹزر لینڈ نے 52ویں منٹ میں گول اسکور کر کے سربیا کی سبقت ختم کر دی اور میچ 1-1سے برابر ہو گیا۔میچ کے اختتامی لمحات میں سوئٹزر لینڈ کے شرڈن شقیری نے گول اسکور کر کے اپنی ٹیم کی جیت یقینی بنا دی۔ ورلڈ کپ میں آج تین میچ کھیلے جائیں گے جن میں بیلجیم اور تیونس، جنوبی کوریا اور میکسیکو اور جرمنی اور سویڈن کے میچز شامل ہیں۔

کراچی(سپورٹس ڈیسک/ایمرا نیوز) پاکستان کر کٹ بورڈ نے زمبابوے میں ہونے والی تین قومی ٹی ٹوئنٹی کر کٹ سیریز اور میزبان ٹیم کے خلاف پانچ ون ڈے کے لئے قومی کھلاڑیوں کے ناموں کا اعلان کردیا ہے، چیف سلیکٹر انضمام الحق نے قومی کپتان سرفراز احمد اور ہیڈ کوچ مکی آرتھر سے مشاورت کے بعد کھلاڑیوں کے ناموں کو حتمی شکل دی، محمد حفیظ دونوں ٹیموں کا حصہ ہوں گے، بابر اعظم کو ون ڈے میں رکھا گیا ہے جبکہ یاسر شاہ اور جنید خان کی ون ڈے ٹیم میں واپسی ہوئی ہے، سرفراز احمد ٹیم کے کپتان ہوں گے،صاحب زادہ فرحان کو ٹی ٹوئنٹی ٹیم میں پہلی مرتبہ قومی ٹیم میں شامل کیا گیا ہے،حال ہی میں ڈوپ ٹیسٹ مثبت آنے کے بعد احمد شہزاد کو ٹی ٹوئنٹی اسکواڈ سے ڈراپ کردیا گیا۔ ٹی ٹوئنٹی ٹرائرانگولر سیریز میں فخر زمان، محمد حفیظ، شعیب ملک، آصف علی، حسین طلعت، سرفراز احمد، حارث سہیل، شاداب خان، محمد نواز، فہیم اشرف، محمد عامر، حسن علی اور عثمان شنواری کو شامل کیا گیا ہے، زمبابوے کے خلاف ون ڈے سیریز کے لیے ٹیم ان کھلاڑیوں پر مشتمل ہوگی۔ فخرزمان،

امام الحق، محمد حفیظ، شعیب ملک، بابر اعظم، آصف علی، سرفراز احمد، محمد نواز، شاداب خان، جنید خان، فہیم اشرف، محمد عامر، عثمان خان شنواری، یاسر شاہ ، حسن علی اور حارث سہیل ،تین ملکی ٹی ٹوئنٹی سیریز میں زمبابوے، کے علاوہ آ سٹریلیا سے قومی ٹیم کو مقابلہ کرنا ہوگا، جو یکم سے آٹھ جولائی تک کھیلی جائے گی،زمبابوے کے خلاف ون ڈے سیریز 13جولائی سے شروع ہوگی جس کے میچز13, 16,18, 20اور22جولائی کو کھیلے جائیں گے۔

کراچی(میڈیا 92نیوز) عالمی شہرت یافتہ پاکستانی نژاد برطانوی باکسر عامر خان نے کہا ہے کہ پاکستان میں کرکٹ کو بہت مقبولیت حاصل اور باکسنگ کا کھیل آج بھی غیر معروف ہے۔کراچی میں پاکستان کی پہلی سپر باکسنگ لیگ کی پریس کانفرنس اور تعارفی تقریب سے خطاب کرتے ہوئے عامر خان نے کہا کہ میری خواہش ہے کہ پاکستان میں باکسنگ کا نیا ٹیلنٹ سامنے آئے جو عالمی سطح پر ملک کا نام روشن کرے، پہلی سپر باکسنگ لیگ 28 ستمبر سے اسلام آباد میں شروع ہوگی۔

کراچی(میڈیا 92نیوز) کراچی میں میڈیا سے گفتگو کرتے ہوئے شاہد آفریدی نے کہا کہ پاکستان سپر لیگ کی وجہ سے پاکستان میں کرکٹ بہتر ہوئی اور قومی ٹیم کی پرفارمنس میں بھی نمایاں فرق آیا ہے۔ کھلاڑیوں کو اعتماد دیا جائے تو وہ بہترین پرفارمر ثابت ہوتے ہیں۔ شاہد آفریدی نے کہا کہ پاکستان میں کھیلوں کے معیار میں مزید بہتری لانے کی ضرورت ہے۔