Category کھیل

نیلسن(اے این این ) سابق اوپنر رمیز راجہ نے قومی کرکٹرز کے دماغوں پر برف کی ٹکور کا مشورہ دیتے ہوئے کہا ہے کہ کیویزکیخلاف ون ڈے میچز کے دوران مہمان کھلاڑیوں میں ٹمپرامنٹ نظر نہیں آیا۔تفصیلات کے مطابق ایک انٹرویو میں رمیز راجہ نے کہا کہ چیمپئنز ٹرافی کے بعد اس مشکل سیریزکی تیاری کیلئے کوئی ہوم ورک ہی نہیں کیا گیا،مختلف کنڈیشنز کا سامنا ہوا تو ہمارے وکٹیں لینے والے بولرزمار کھاتے رہے، جارحیت دکھانے سے تو کارکردگی سامنے نہیں آتی، بولرزوکٹیں لے سکے نہ رنزکا سیلاب روک پائے، بیٹسمین بانسرز پرگھبراہٹ کا شکار نظر آئے، نیوزی لینڈ آدھی جنگ تو ذہنی طور پرجیت جاتا ہے۔ کیویز نے اپنی قوت اور پلان کے مطابق بیٹنگ کرکے ہر حربہ ناکام بنایا۔ دوسری جانب میزبان پیسرز کنڈیشنز کا بہترین استعمال کررہے ہیں، بانسرز، لائن و لینتھ اور پیس میں تبدیلی کیساتھ پاکستان کی متزلزل بیٹنگ کو مزید پریشان کرنے میں کامیاب ہوئے ہیں۔

لاہور(اے این این )سیکرٹری پی ایچ ایف شہباز سینئر نے کہا ہے کہہاکی ورلڈ الیون 18 جنوری کو پاکستان کے دورے پر آ رہی ہے۔ برسوں بعد انٹرنیشنل کھلاڑی ہاکی کے میدان آباد کریں گے مگر آٹھ روز پہلے بھی کوئی خاص گہما گہمی دکھائی نہیں دے رہی۔ سیکرٹری پی ایچ ایف شہباز سینئر نے کہا ہے کہ تمام تر تیاریاں مکمل ہیں، خواہش ہے کہ شائقین ہاکی کو بھی دیکھنے آئیں۔پی ایس ایل کا میلہ دو ماہ بعد سجنا ہے مگر اس کی گونج ابھی سے سنائی دے رہی ہے۔ ہاکی ورلڈ الیون کے دورہ پاکستان کو صرف دس روز باقی ہیں مگر ہر طرف سناٹا ہے۔ اس کے باوجود ہاکی حکام نے کہا ہے کہ قومی کھیل اپنی پہچان کھو بیٹھا ہے۔ ایونٹ کیلئے میدان سج چکا ہے، ٹکٹوں کا اجرا بھی 2 روز میں ہو گا جس کی قیمت صرف 500 اور 1000 روپے ہے۔ ہاکی فیڈریشن کی ایک ہی معصوم خواہش کہ خدارا شائقین میچ دیکھنے ضرور آئیں۔ ہاکی ٹیم کا مختصر کیمپ کراچی میں سج رہا ہے جبکہ مہمان ٹیم کے خلاف دو میچز 19 اور 21 جنوری کو کراچی اور لاہور میں شیڈولڈ ہیں۔

لاہور (اے این این )قومی ہاکی پلیئر سعدیہ کی ہراسگی کا معاملہ، فیڈریشن سے جواب طلب ۔چیف جسٹس لاہور ہائی کورٹ سید منصور علی شاہ نے درخواست پر سماعت کی، فیڈریشن کو نوٹس جاری ، جواب طلبی کیلئے 13 جنوری کی تاریخ مقرر کر دی ۔ہائیکورٹ نے قومی ہاکی ٹیم کی گول کیپر سعدیہ کو کوچ کی جانب سے ہراساں کرنے کے خلاف درخواست پر ہاکی فیڈریشن کو نوٹس جاری کرتے ہوئے 13جنوری کو جواب طلب کرلیا۔ چیف جسٹس لاہور ہائی کورٹ سید منصور علی شاہ نے درخواست پر سماعت کی۔

کرائسٹ چر چ (اے این این) پاکستان انڈر 19 کرکٹ ٹیم کا دوسرا وارم اپ میچ بارش کی نذر ہوگیا ۔ پاکستان اور بنگلہ دیش کی ٹیموں کے درمیان میچ میں ایک بھی گیند کا کھیل نہ ہو سکا ۔کرائسٹ چر چ میں شدید بارش کے باعث آئی سی سی انڈر 19 کرکٹ ورلڈ کپ کے میچز متاثر ہوئے ہیں۔ پاکستان اور بنگلہ دیش کی ٹیموں کے درمیان میچ میں شدید بارش کے باعث ایک بھی گیند کا کھیل نہ ہوسکا۔ بارش اس قدر شدید تھی کہ ٹیمیں ہوٹل سے اسٹیڈیم بھی نہ جاسکیں ۔پہلے وارم اپ میچ میں پاکستان نے نمیبیا کو شکست دی تھی ۔ کوچ منصور رانا نے کہا ہے کہ کھلاڑی فٹ اور فوکس ہیں اور ورلڈ کپ میں اچھا پرفارم کرنے کے لیئے پر عزم ہیں۔پاکستان انڈر 19 کرکٹ ٹیم کل کرائسٹ چرچ سے وھانگری جائے گی جہاں ورلڈ کپ کا پہلا میچ 13 جنوری کو افغانستان کے خلاف کھیلے گی۔

قومی کرکٹ ٹیم کے کھلاڑیوں نے کہا ہے کہ قصور میں بچی سے زیادتی اور قتل کے الخراش واقعہ نے ہمارے دلوں کو تڑپا دیا ہے۔

فاسٹ بالر وہاب ریاض نے ننھی بچی کے لیے آواز بلند کرتے ہوئے کہا کہ یقین نہیں آرہا کہ یہ سب پاکستان میں ہو سکتا ہے۔

اس موقع پر نیوزی لینڈ میں قومی ٹیم کے ہمراہ موجود آل راونڈرمحمد حفیظ کا کہنا ہے کہ والد ہونے کے ناطے بچی کے والدین کے دکھ کا اندازہ کرسکتا ہوں، حکومت جلد از جلد واقعے کی تحقیقات کر کے مجرموں کو سزا دلوائے۔

ون ڈے سیریز کے بعد پاکستان ٹیم نے نیوزی لینڈ میں تین ٹی ٹونٹی میچز کی سیریز کھیلنا ہے جس کا آغاز 22 جنوری سے ہوگا۔ سیریز کے لیئے پاکستان کے اسکواڈ کا اعلان آج کیئے جانے کا قوی امکان ہے۔

سری لنکا کے خلاف سیریز میں حصہ لینے والے ٹی ٹونٹی اسکواڈ میں شامل فاسٹ بالر عثمان شنواری پہلے ہی کمر کی تکلیف کے باعث ٹیم سے باہر ہو چکے ہیں۔ آل راونڈر عماد وسیم گھٹنے کی تکلیف سے چھٹکارا نہیں پا سکے ہیں وہ بھی ٹیم میں شامل نہیں ہوں گے۔

صہیب مقصود ٹیم میں شمولیت کے مضبوط امید وار سمجھے جا رہے تھے پہلے وہ ون ڈے اسکواڈ میں فٹنس مسائل کے باعث شامل نہ ہو سکے اب وہ ٹی ٹونٹی اسکواڈ میں بھی جگہ نہیں بنا پائے۔

احمد شہزاد اور عمر امین ٹیم کو نیوزی لینڈ میں جوائن کریں گے۔ حارث سہیل کو بھی ٹی ٹونٹی اسکواڈ میں شامل کیا جا ئے گا اس صورت میں اظہر علی اور امام الحق وطن واپس آ جائیں گے۔

نیوزی لینڈ نے پاکستان کو پانچ ایک روزہ میچوں کی سیریز کے دوسرے میچ میں آٹھ وکٹوں سے شکست دے کر سیریز میں دو صفر کی برتری حاصل کر لی ہے۔

نیلسن میں کھیلے جانے والے میچ میں پاکستان نے پہلے کھیلتے ہوئے 246 رنز بنائے تاہم بارش کی وجہ سے نیوزی لینڈ کی اننگز 25 اوورز تک محدود کر دی گئی ہے اور اسے فتح کے لیے 151 رنز کا ہدف ملا جو اس نے باآسانی دو وکٹوں کے نقصان پر 24ویں اوور میں حاصل کر لیا۔
(بشکریہ‌ بی بی سی)

(بشکریہ‌جنگ)
نیلسن میں بارش سے متاثرہ میچ نیوزی لینڈ کو پاکستان کے خلاف جیت کے لئے 11 اوورز میں مزید 87 رنز درکار ہیں۔ بارش سے قبل ہدف کے تعاقب میں نیوزی لینڈ نے 14 اوور میں 2 کھلاڑی آؤٹ پر 64 رنز بنا ئے تھے۔

دوسرے ایک روزہ میچ میں گرین شرٹس نے کیویز کو جیت کے لیے 247رنز کا ہدف دیا تھا۔

میچ میں پاکستان کی جانب سے محمد حفیظ60، شاداب خان52 اور حسن علی کے برق رفتار 51رنز کی اننگز شامل ہے جبکہ کیوی ٹیم کے بولرز کی جانب سے لوکی فرگوسن نے 3جبکہ ٹم سائوتھی اور ٹاڈ ایسٹل نے 2،2 شکار کیے۔

اس سے قبل کپتان گرین شرٹس سرفراز احمد نے ٹاس جیت کر پہلے بیٹنگ کا فیصلہ کیا تھا، جو شروعات میں بلکل ٹیم کے حق میں نہیں گیا اور ایک ایک کرکے آدھی ٹیم 108رنز کے اسکور پر کیوی بولرز کے سامنے فیل ہوکر پویلین لوٹ گئی تھی۔

اظہر علی6، امام الحق 2، بابر اعظم 10، سرفراز احمد 3، شعیب ملک 27، فہیم اشرف 7 اور محمد عامر 8 رنز اسکور کرسکے۔

پاکستان کو آج فخر زمان کی خدمات حاصل نہیں، وہ ان فٹ ہونے کے باعث آج کے میچ سے باہر ہیں اور ان کی جگہ امام الحق کو موقع دیا گیا تاہم وہ بھی ناکام رہے اور صرف 2رنز اسکور کرسکے۔

(بشکریہ‌جنگ)
قومی کرکٹ ٹیم کے بولنگ کوچ اظہرمحمود کا کہنا ہے کہ ویلنگٹن میں میچ کے دوران بارش ہو جانا ہمارے لیے مایوس کن تھا ،لیکن ہمارے بس میں کچھ نہیں ،نیوزی لینڈ کرکٹ ٹیم کو کریڈٹ جاتا ہے ۔

اظہرمحمود نے نیلسن میں میڈیا سے گفتگو میں کہا کہ ہماری بولنگ مضبوط ہے کل کے میچ میں اچھا کھیلیں گے، منرو اور گپٹل اچھا کھیل رہے ہیں انہیں جلد آؤٹ کریں گے ۔ولیم سن جیسے کھلاڑی کو چانس ملے گا تو مشکل پیدا ہو گی ۔

انہوں نے مزید کہا کہ نیوزی لینڈ کیکنڈیشنز میں کھیلنا ایک چیلنج ہے ،یہ پچ اس سے مختلف ہے جہاں ہم پریکٹس میچ کھیلے تھے۔

ویلنگٹن(اے این این) گرین شرٹس کے ناقابل شکست رہنے کا سلسلہ ٹوٹ گیا ۔ ویلنگٹن میں کیویز نے مسلسل 10ویں فتح کا موقع نہیں آنے دیا۔گرین شرٹس کو گذشتہ روز مسلسل 9 فتوحات کے بعد پہلی شکست ہوئی۔اس سے قبل چیمپئنز ٹرافی میں بھارت سے مات کے بعد سرفراز الیون نے جنوبی افریقہ و سری لنکا کے بعد سیمی فائنل میں انگلینڈ کو زیر کیا،پھر فیصلہ کن معرکے میں روایتی حریف پر فتح سے ٹائٹل پر قبضہ جمایا، ٹیم نے یواے ای میں سری لنکا کو 5-0سے ہراکر مسلسل فتوحات کی تعداد 9کرلی لیکن نیوزی لینڈ میں سیریز کا آغاز ناکامی کے ساتھ ہوا۔دوسری جانب پاکستان نے مسلسل 7ون ڈے میچز میں کوئی نو بال نہ کرنے کا ریکارڈ بنا دیا، ٹیم نے آخری بار یہ غلطی چیمپئنز ٹرافی میں انگلینڈ کیخلاف سیمی فائنل میں کی تھی، بھارت سے فیصلہ کن میچ میں گرین شرٹس نے کوئی گیند ایسی نہیں کی کہ امپائر کو نو کا اشارہ کرنا پڑے، بعد ازاں یواے ای میں سری لنکا کو 5-0سے کلین سوئپ کرتے ہوئے بھی کسی بولر کا قدم کریز سے باہر نہیں گیا۔نیوزی لینڈ کیخلاف ویلنگٹن میں کھیلے گئے سیریز کے پہلے میچ میں بولنگ لائن رنز کا سیلاب تو نہیں روک پائی لیکن پوری اننگز میں ایک بھی نوبال نہیں ہوئی، پاکستان نے 7 وائیڈ سمیت10 فاضل رنز دیے،یہ ملکی کرکٹ کی تاریخ میں پہلا موقع ہے کہ بولرز نے مسلسل 7ون ڈے میچز میں ایک بھی نوبال نہیں کی،اس عرصے میں گرین شرٹس نے 1786گیندیں کیں، اس سے قبل 1989میں پاکستان نے لگاتار 6مقابلوں میں ایسی کوئی گیند نہیں کی کہ امپائر کو اس کے غیر قانونی ہونے کا اشارہ کرنا پڑے۔یاد رہے کہ نوبال کے حوالے سے بدنام پیسر وہاب ریاض چیمپئنز ٹرافی کا پہلا میچ کھیلنے کے بعد ابھی تک قومی ٹیم میں واپس نہیں آ سکے۔