Category کھیل

نیوزی لینڈ کرکٹ ٹیم کا اٹھارہ سال بعد دورہ پاکستان جہاں شائقین کرکٹ کی توجہ کا مرکز بنا ہوا ہے تو وہیں مہمان اسکواڈ میں شامل کھلاڑی بھی پہلی مرتبہ پاکستانی سرزمین پر کرکٹ کھیلنے کے لیے پرجوش ہیں۔ مہمان اسکواڈ میں شامل کھلاڑی پاکستان آمد سے قبل ہی پاکستان اور پاکستانی فینز کے دلدادہ ہوگئے ہیں۔ ان کا کہنا ہے کہ وہ پاکستانی تماشائیوں کے سامنے اپنی صلاحیتوں کے اظہار کی ہر ممکن کوشش کریں گے۔
نیوزی لینڈ کرکٹ ٹیم نے آخری مرتبہ 2003 میں پاکستان کا دورہ کیا تھا، جہاں پاکستان نے پانچ میچز پر مشتمل ون ڈے سیریز میں کلین سوئیپ کیا تھا۔اس سیریز میں سب سے زیادہ رنز یاسرحمید نے (356 رنز) بنائے تھے جبکہ محمد سمیع نے 8 وکٹیں حاصل کی تھیں۔
نیوزی لینڈ کرکٹ ٹیم اب تین ون ڈے اور پانچ ٹی ٹونٹی انٹرنیشنل میچزپر مشتمل سیریز کھیلنے 11 ستمبر کو پاکستان پہنچےگی۔ دونوں ٹیموں کے مابین ون ڈے انٹرنیشنل سیریز کے تین میچز 17، 19 اور 21 ستمبر کو پنڈی کرکٹ اسٹیڈیم راولپنڈی میں کھیلے جائیں گے۔ پانچ ٹی ٹونٹی انٹرنیشنل میچز 25 ستمبر سےقذافی اسٹیڈیم لاہور میں شروع ہوں گے۔

لاہور(ویب ڈیسک)پاکستان کرکٹ ٹیم کی کوچنگ کیلئے پاکستان کرکٹ بورڈ (پی سی بی) نے غیر ملکی کوچز لانے کا ارادہ کرلیا ، بورڈ کے نئے متوقع چیئرمین رمیز راجہ کئی غیر ملکی کوچز سے رابطے میں ہیں ۔

مصباح الحق اور وقار یونس کی پاکستان ٹیم کی کوچنگ سے دستبرداری کے بعد پاکستان کرکٹ بورڈ کا امتحان مزید چیلنجنگ ہوگیا ہے۔
پی سی بی نے قومی ٹیم کیلئے غیر ملکی ہیڈ کوچ لانے کا منصوبہ بنالیاورلڈ کپ پاکستان ٹیم کا ایک اہم ترین اسائنمنٹ ہے جس کے لیے بورڈ کے متوقع چئیرمین رمیز راجہ کافی سنجیدہ نظر آرہے ہیں اور یہ بات اب یقینی ہے کہ پاکستانی کرکٹ ٹیم کا اگلا کوچ اور معاون اسٹاف غیر ملکی ہوگا۔
رمیز راجہ کئی غیر ملکی کوچز سے رابطے میں ہیں اور اطلاعات کے مطابق پی سی بی حکام پیٹر مورز سمیت کئی کوچز سے بات چیت کررہے ہیں۔ ذرائع کے مطابق رمیز راجہ پروفیشنل ازم کو ترجیح دیتے ہوئے ایسی کوچنگ ٹیم لانا چاہتے ہیں جو پاکستان ٹیم کو مکمل تبدیل کرے۔ذرائع کا کہنا ہے کہ نئے ہیڈ کوچ اور ان کے ساتھیوں کی تقرری میں کم از کم ایک ماہ درکار ہے اس لیے ٹی ٹوئنٹی ورلڈ کپ سے قبل نئے کوچز کی تقرری مشکل ہے۔

لاہور(ویب ڈیسک) سلیکشن پر غیر مطمئن شعیب اختر نے اپنا مجوزہ ورلڈکپ اسکواڈ تشکیل دے دیا۔
ایک ٹی وی شو میں شعیب اختر نے محمد وسیم کو کٹھ پتلی چیف سلیکٹر قرار دینے کے ساتھ یہ بھی کہا کہ اگر میں اسکواڈ تشکیل دیتا تو اس میں بابر اعظم،محمد رضوان، محمد حفیظ، فخرزمان، شعیب ملک، حسین طلعت،عماد وسیم، شاداب خان، فہیم اشرف، شاہین شاہ آفریدی، حسن علی، محمد عامر اور شاہنواز دھانی شامل ہوتے۔
یاد رہے کہ ورلڈکپ کیلیے 15رکنی اسکواڈ منتخب کیا گیا جبکہ شعیب اختر نے 13نام دیے ہیں۔

کراچی(ویب ڈیسک) پی ایس ایل 7، ٹرافی کیلیے طبل ِجنگ 25جنوری کو بجانے کی تجویزسامنے آ گئی۔پاکستان کرکٹ بورڈ نے کچھ عرصے قبل پی ایس ایل 7 کو جنوری 2022 کے اوائل میں شروع کرنے کا ارادہ ظاہر کیا تھا، ایونٹ فروری کے دوسرے ہفتے تک جاری رہتا، البتہ اب تاریخوں میں تبدیلی پر غور شروع ہو گیا ہے۔

ذرائع نے بتایا کہ گذشتہ دنوں سی ای او وسیم خان کی زیرصدارت بورڈ کے وفد کی فرنچائز مالکان و نمائندوں سے ورچوئل میٹنگ ہوئی، اس موقع پر ایونٹ کے25 جنوری سے آغازپر تبادلہ خیال ہوا،امارات کرکٹ بورڈ اپنی فرنچائز لیگ بھی جنوری سے شروع کر رہا ہے، جس میں غیرملکی کھلاڑیوں کو پْرکشش معاوضوں پر بلایا جائے گا، اس سے پی ایس ایل کو مسئلہ ہو سکتا ہے۔
ایونٹ کے ساتھ تصاوم سے بچنے کیلیے پی سی بی تاریخیں آگے بڑھانے پر غور کرنے لگا،25 تاریخ کو آغاز کے باوجود امارات لیگ اور پی ایس ایل کا شیڈول متصادم تو ہوگا مگر دن کم رہ جائینگے، البتہ نئے شیڈول سے بگ بیش لیگ سے فراغت کے بعد پلیئرز کی شرکت کا امکان بڑھ جائے گا۔آسٹریلوی ایونٹ15 دسمبر سے28 جنوری تک جاری رہے گا،ابتدائی شیڈول کے مطابق کراچی میں پی ایس ایل7کاآغاز ہوتا،نیشنل اسٹیڈیم میں ابتدائی17 میچز کے بعد فائنل سمیت اتنے ہی مقابلے لاہور میں کرائے جاتے، ایونٹ 14 فروری تک ختم کرنے کا سوچا گیا تھا، البتہ اب نئے شیڈول پر اتفاق کی صورت میں 24 فروری تک اختتام ہوجائے گا۔

یاد رہے کہ2016میں آغاز سے پی ایس ایل کی ریگولر ونڈو فروری،مارچ تھی مگر آئندہ برس آسٹریلیا سے ہوم سیریز کی وجہ سے جلد آغاز کیا جائے گا،بھارت اپریل، مئی میں آئی پی ایل کرانا چاہتا ہے، تاخیر کی صورت میں پاکستانی لیگ کا اس سے تصادم ہوتا جس کا براڈ کاسٹ اور کمرشل معاہدوں پر اثر پڑ سکتا تھا،غیر ملکی کھلاڑیوں کی دستیابی بھی بڑا مسئلہ بن جاتی۔دوسری جانب بورڈ اور فرنچائزز کے اجلاس میں پی ایس ایل کے نئے براڈ کاسٹنگ اور کمرشل کنٹریکٹس پر بھی تبادلہ خیال کیا گیا، موجودہ براڈ کاسٹر سے پی سی بی کی قانونی جنگ جاری ہے، اس حوالے سے بھی ٹیم مالکان کو اعتماد میں لیا گیا۔

انھوں نے نامزد چیئرمین رمیز راجہ سے جلد ملاقات کی خواہش ظاہر کر دی جس پر کہا گیا کہ عہدہ سنبھالنے پر ہی ایسا ممکن ہو سکے گا فرنچائزز کو چیئرمین کی تبدیلی کے بعد نئے فنانشل ماڈل کی منظوری کے حوالے سے بھی سخت تشویش ہے، اس حوالے سے وسیم خان نے ان سے ڈیڑھ ماہ کا وقت مانگ لیا البتہ مالکان اس سے خوش نہ تھے۔انھوں نے معاملہ جلد از جلد حل کرنے کا مطالبہ کرتے ہوئے کہا کہ سی ای او نامزد چیئرمین کو اس حوالے سے بریفنگ دیں، ماڈل کو پی سی بی نے جائزے کیلیے جسٹس ریٹائرڈ تصدق حسین جیلانی کو دیا تھا، ان کی رپورٹ پر ہی منظوری کا فیصلہ ہوتا، جب فرنچائزز نے رپورٹ کی کاپی مانگی تو انکار کرتے ہوئے کہاگیا کہ پہلے اسے پی سی بی کے بورڈ آف گورنرز کے سامنے پیش کیا جائے گا۔

ورلڈ بیچ ریسلنگ کے مقابلے میں گولڈ میڈل جیتنے والے قومی پہلوان انعام بٹ کیلئے10 لاکھ روپے انعام کا اعلان کیا ہے
صوبائی وزیر کھیل رائے تیمور بھٹی نے قومی ریسلر انعام بٹ کے لیے انعام کا اعلان کرتے ہوئے بتایا کہ وزیر اعلیٰ پنجاب عثمان بزدار پیرالمپکس کےگولڈ میڈلسٹ حیدر علی اور ورلڈ بیچ ریسلنگ کے فاتح انعام بٹ کو انعامات دیں گے۔ واضح رہے انعام بٹ نے گزشتہ روز اٹلی میں ورلڈ بیچ ریسلنگ کے فائنل میں یوکرین کے پہلوان یکوشک کو یکطرفہ مقابلے کے بعد 0-3 سے شکست دی تھی۔
اس سے قبل اطالوی ساحل سمندر پر ہونے والی ورلڈ بیچ ریسلنگ چیمپئن شپ کے کوارٹر فائنل میں انعام بٹ کا مقابلہ ترکش حریف سے ہوا تھا، جس میں انعام بٹ نے ترکی کے پہلوان کو ایک کے مقابلے میں تین پوائنٹ سے شکست دی تھی۔
جماعت اسلامی کے امیرسراج الحق کا کہنا تھا کہ انعام بٹ کو ورلڈ بیچ ریسلنگ چیمپئن شپ جیتنے پر مبارکباد دیتا ہوں اور فخر ہے انعام بٹ عالمی سطح پر پاکستان کا نام روشن کر رہے ہیں۔ حکومت حیدر علی اور انعام بٹ کے لیے خصوصی انعامات کا اعلان کرے۔ ارشد ندیم اور طلحہ طالب پر بھی قوم کو فخر ہے۔

کراچی: یکم جنوری 2019 سے ٹوئنٹی 20 انٹرنیشنل کرکٹ میں زیادہ رنز بنانے والوں میں پال اسٹرلنگ پاکستانی کپتان بابراعظم سے آگے نکل گئے۔

آئرش بیٹسمین پال اسٹرلنگ نے گزشتہ دنوں زمبابوے کیخلاف سنچری بھی بنائی تھی، سردست وہ33 اننگز میں 1201 رنز کے ساتھ سرفہرست ہیں جب کہ بابر اعظم اب 30 اننگز میں 1173 رنز بناکر دوسرے نمبر پر براجمان ہیں۔
کیون اوبرائن 36 اننگز میں 1040 رنز اسکور کر چکے ہیں، بھارتی کپتان ویراٹ کوہلی محددو فارمیٹ کے میچز کی 24 اننگز میں 992 رنز بناکر چوتھے نمبر پر ہیں جب کہ پاکستانی وکٹ کیپر بیٹسمین محمد رضوان اب تک 25 اننگز میں 959 رنز جوڑ کر ٹاپ 5 میں شامل ہیں۔

پاکستان میں‌ ٹیلنٹ‌کی کمی نہیں،تبھی تو ہر میدان میں‌ہمارے نوجوان کھلاڑی کامیابیوں کے جھنڈے گاڑھتے جاتے ہیں،کرکٹ ہو،فٹ بال ہو،ہاکی ہو یا پھرکوئی بھی کھیل،اگر موقع ملے تو ہمارے کھلاڑی کسی سے کم نہیں…
ٹوکیو پیرالمپکس میں مردوں کے ڈسکس تھرو مقابلے میں پاکستان کے حیدر علی نے تاریخ رقم کر دی۔
پاکستان کے حیدر علی نے پیرالمپکس ڈسکس تھرو مقابلوں میں گولڈ میڈل جیتا، حیدر علی نے تیسری باری میں 47.84 میٹر کی تھرو کی جبکہ پانچویں باری میں 55.26 کی تھرو کے ساتھ گولڈ میڈل جیتا۔
حیدر علی پیرالمپکس میں گولڈ میڈل جیتنے والے پہلے پاکستانی ہیں، حیدر علی نے اس سے قبل بھی پاکستان کے لیے دو پیرالمپکس میڈل جیت رکھے ہیں۔

افغانستان (ویب ڈیسک)افغانستان اور امریکا کی طویل ترین جنگ کے خاتمے اور طالبان کی جیت کے بعدوہاں کے حالات کو معمول پر آنے کے لیے وقت لگے گا.مگر کچھ معاملات میں مثبت تبدیلیاں دیکھنے میں آئی ہیں .تفصیلات کے مطابق افغانستان انڈر 19 کرکٹ ٹیم کا دستہ پشاور پہنچ گیا ہے.یہ افغان کرکٹ ٹیم کا 26 رکنی دستہ طورخم کے راستے پشاور پہنچا.افغان ٹیم کل اسلام آباد سے کراچی پینچے گی اس کے بعد وہاں سے بنگلادیش کیلئے ٹیم کو روانہ کیا جائے گا. ٹیم کے کوچ رئیس احمد زئی نے تفصیلات دیتے ہویئے بتایا کہ افغان کرکٹ ٹیم کے26 رکنی دستے میں 19 کھلاڑی اور 7 آفیشلز شامل ہیں۔ بنگلا دیش میں ہونے والے میچ میں 5 ون ڈے میچز اور ایک 4 روزہ میچ شامل ہیں.یاد رہے کہ طالبان نے افغان قومی کرکٹ ٹیم کو بھی دورہ آسٹریلیا کی منظوری بھی دے دی ہے۔

دبئی(ویب ڈیسک) آئی سی سی ٹی ٹوئنٹی ورلڈ کپ 2021 کی ٹرافی کی رونمائی کردی گئی ہے۔دبئی میں منعقدہ تقریب رونمائی کے مہمان خصوصی یواے ای کے شیخ نیہان مبارک النیہان تھے۔ ان کے ساتھ خالد زارونی اور آئی سی سی آفیشلز بھی موجود تھے۔

بھارت کی میزبانی میں 17 اکتوبر سے شروع ہونے والے کرکٹ کے عالمی میلے کے تمام تر انتظامات ایمریٹس کرکٹ بورڈ کررہا ہے، میچز دبئی، ابوظہبی اور عمان میں شیڈول ہیں، 17 اکتوبر سے ایونٹ کا سپرکوالیفائر راؤنڈ شروع ہوگا، ٹی ٹوئنٹی ورلڈ کپ میں پاکستان اور بھارت کا ٹاکرا چوبیس اکتوبر کو ہوگا۔

نیوزی لینڈ (ویب ڈیسک) کرکٹ کے شائقین کے لیے بڑی خوشخبری سامنے آئی ہے.کافی عرصے سے لوگ اچھی اور بڑی غیر ملکی ٹیم کے پاکستان میں آنے اور کرکٹ کا کھیل دیکھنے کے انتظار میں تھے . آکر کار وہ وقت آ گیا.میڈیا رپورٹس کے مطابق نیوزی لینڈ کرکٹ بورڈ نے پاکستان میں دورے کے لیے ٹیم بھیجنے پر رضامندی دے دی ہے.
اس حوالے سے کیوی میڈیا کا کہنا ہے کہ نیوزی لینڈ کرکٹ بورڈ نےاپنی حفاظتی ماہرین کی رپورٹ پر اطمینان کا اظہار کیا ہے اور کپتان ٹام لیتھم کا اس بارے میں کہنا ہے کہ رگ ڈیکاسن طویل عرصے سے نیوزی لینڈ میں کام کر رہے ہیں،لہذٰا ہمیں ان کی پیش کردہ رپورٹ پر اطمینان ہے۔
کیوی میڈیا کے مطابق دورہ پاکستان کے فیصلے کے حوالے سے بورڈ نے نیوزی لینڈ کی ٹیم کے کپتان ٹام لیتھم کو بھی آگاہ کر دیا ہے۔