Category کھیل

لندن: ویمبلڈن میں کوکو گوئف بیڈمنٹن میں نام بنانے والی واحد کم عمر کھلاڑی نہیں ہیں بلکہ ایما راڈوکانو نے ایونٹ میں اپنے کھیل سے شائقین کی توجہ حاصل کرلی ہے۔

ایک رپورٹ میں خبررساں اداروں کے حوالے سے بتایا گیا ہے کہ 18 سالہ راڈوکانو اور 17 سالہ کوکو گوئف نے ہفتے کے روز گریس کورٹ کے گرینڈ سلیِم میں ایک منٹ سے بھی کم فرق سے چوتھے راونڈ کے لیے کولیفائی کرلیا۔

کوکو گوئف دوسری بار ویمبلڈن کے دوسرے ہفتے میں پہنچی ہیں اس سے قبل 2019 میں انہوں نے زبردست پرفارمنس کا مظاہرہ کیا تھا اور وہ توجہ کا مرکز بن گئی تھیں۔

دوسری جانب ایما راڈوکانو، جو اپنا پہلا گرینڈ سلیِم ٹورنامنٹ کھیل رہی ہیں، توقعات کے برعکس برطانوی شائقین کی توجہ حاصل کرنے میں کامیاب ہوگئی ہیں۔

ایما راڈوکانو آل انگلینڈ کلب میں سورانا کرسٹیا کو 3-6 ، 5-7 سے ہراکر اوپن ایرا میں پہچنے والی سب سے کم عمر خاتون بن چکی ہیں۔

راڈوکانو نے کہا کہ ‘کون ایسا سوچ سکتا تھا؟’، انہوں نے مزید کہا کہ جب میں یہاں آنے کیلئے پیکنگ کر رہی تھی میرے والدین نے مجھ سے سوال کیا کہ تم کچھ زیادہ میچ کٹ پیک نہیں کر رہی ہو، مجھے لگتا ہے آج رات مجھے اپنے کچھ کپڑے دھونے پڑیں گے۔

راڈوکانو جارہانہ انداز میں ٹورنامنٹ میں داخل ہوئی ہیں، وہ سیکنڈ سیٹ پر آٹھ گیم 0-3 کی لیڈ سے جیت چکی تھیں لیکن انہوں نے کرسٹیا سے مقابلے میں بہت محنت کی۔

لیکن وہ اگلے گیم میں تین اسٹریٹ بریک پوائنٹ کو تبدیل کرنے میں ناکام رہیں، جس کے بعد وہ کمزور پڑ گئیں اور مزید پانچ پوائنٹ گنوا بیٹھیں، 15 منٹ جاری رہنے والے سخت مقابلے میں انہیں 3-4 سے برتری حاصل ہوئی۔

دوسری جانب کوکو گوئف نے سینٹر کورٹ میں کاجا جووان سے با آسانی 3-6، 3-6 سے مقابلہ جیت لیا، کوکو گوئف 21 مرتبہ فاتح رہیں اور اپنے مخالف کو 5 ویں مرتبہ شکست دینے میں کامیاب رہیں۔

ان کا اگلا مقابلہ ویمبلڈن چمپئن انجیلیک کیربر سے ہوگا، جنہوں نے الیکسینڈرا سسنویچ کو 6-2، 0-6، 1-6 سے شکست دی ہے۔

کربر پہلے سیٹ میں 5-1 سے پیچھے تھی، بارش کی وجہ سے کھیل 90 منٹ کیلئے روک دیا گیا تھا اور کھیل دوبارہ شروع ہونے پر کربر اپنے حریف پر غالب آگئیں۔

لندن: ومبلڈن ٹینس میں پاکستانی کھلاڑی اعصام الحق نے مینز ڈبلز کا دوسرا مرحلہ عبور کرلیا۔

اعصام الحق نے آسٹرین پارٹنر اولیور میرچ کے ساتھ الیکسی پوپیرن اور لائیڈ ہیرس کو6-7 (8/6)، 6-3 اور 3-6 سے شکست دی۔

دوسری جانب مکسڈ ڈبلز میں اعصام اور یوکرینی پارٹنر ناڈیا کینووک کو واک اوور مل گیا، ابتدائی راؤنڈ میں ان کا مقابلہ اناستاسیا پاولیچنکووا اور الیگزینڈر بوبلک سے شیڈول تھا۔

سچن ٹنڈولکر کے بیٹے مہندرا سنگھ دھونی نے ٹیچر کی اسامی کیلیے درخواست جمع کرا دی۔

بھارتی میڈیا کے مطابق کرکٹ کی دنیا میں کئی باپ بیٹے اپنے اپنے دور میں ایکشن میں رہے ہیں،شاید ان کے ایک ساتھ کھیلنے کے مواقع بھی سامنے آئے ہوں،بہر حال چھتیس گڑھ میں ایک منفرد کیس نے سب کی توجہ حاصل کرلی۔

ٹیچر کی اسامی کیلیے ایک امیدوار نے درخواست جمع کرائی،اس نے اپنا نام مہندرا سنگھ دھونی ولدیت سچن ٹنڈولکر درج کی تھی، حیران کن طور پر اسے شارٹ لسٹ کرتے ہوئے انٹرویو کیلیے بھی بلالیا گیا۔
اصل صورتحال تب واضح ہوئی جب پروفائل پر دیے گئے فون نمبر پر رابطہ کرنے کی کوشش کی گئی، اس وقت یہ حقیقت کھلی کہ درخواست ہی جعلی تھی، اس کی تصویر سوشل میڈیا پر وائرل ہوگئی۔

کشمیر پریمیئر لیگ (کے پی ایل) میں حصہ لینے والی ٹیموں نے اپنے اسکواڈز کو حتمی شکل دے دی اور انٹرنیشنل اسٹارز بھی لیگ کا حصہ بن گئے۔

اسلام آباد میں ہونے والی ڈرافٹنگ کے دوران شاہد آفریدی راولاکوٹ ہاکس، شعیب ملک میرپور رائلز، عماد وسیم اوورسیز وارئیرز، شاداب خان باغ اسٹالینز، فخر زمان کوٹلی لائنز اور محمد حفیظ مظفر آباد ٹائیگرز کی قیادت کریں گے۔

اوورسیز کیٹیگری میں ہرشل گبز اوور سیز وارئیرز، فِل مسٹرڈ باغ اسٹالینز، میٹ پرائیر راولاکوٹ ہاکس، اویس شاہ میرپور رائلز جبکہ تلکارتنے دلشان مظفر آباد ٹائیگرز کا حصہ بنے جبکہ مونٹی پنیسر کو کوٹلی لائنز نے اپنی ٹیم کا حصہ بنایا۔

پلاٹینیم کٹیگری میں شان مسعود باغ سٹیلینز، کامران اکمل کوٹلی لائنز، سہیل تنویر مظفرآباد ٹئیگرز کا حصہ بن گئے، شرجیل خان کو میرپور رائلز، حیدر علی کو اور سیز وارئیرز جبکہ محمد حسنین کو راولاکوٹ ہاکس نے شامل کر لیا۔

ڈائمنڈ کیٹیگری میں صہیب مقصود مظفرآباد ٹائیگرز، آصف علی کوٹلی لائنز اور افتخار احمد کو باغ سٹیلینز نے شامل کیا جبکہ خوشدل شاہ میرپور، حسین طلعت راولاکوٹ ہاکس اور اعظم خان کو اور سیز واریرز کا حصہ بنے۔

ڈائمنڈ کیٹیگری کے دوسرے راؤنڈ میں احمد شہزاد راولاکوٹ ہاکس، محمد عرفان میرپور رائلز اور عثمان قادر کو کوٹلی لائنز نے اپنے اسکواڈ کا حصہ بنایا جبکہ محمد وسیم جونیئر مظفرآباد ٹائیگرز، سہیل خان اورسیز واریرز اور عمید آصف باغ سٹیلینز کا حصہ بن گئے۔

کشمیر پریمیئر لیگ ایمرجنگ کیٹیگری میں لوکل کشمیری ٹیلنٹ کو منتخب کیا گیا ہے جس کے مطابق ہر ٹیم نے 5، 5 کھلاڑی اسکواڈ میں منتخب کیے ہیں جبکہ ہر ٹیم اپنی الیون میں بھی دو لوکل کھلاڑیوں کو شامل کرے گی۔

کشمیر پریمیئر لیگ ڈرافٹنگ تقریب میں چئیرمین کشمیر کمیٹی شہریار آفریدی، وسیم اکرم، شاہد آفریدی نے شرکت کی۔

اس موقع پر نضمام الحق، سعید اجمل، عبدالرزاق، عمر گل اور عبدالرحمٰن بهی تقریب میں موجود تھے۔

ان کے علاوہ صدر کشمیر پریمیئر لیگ عارف ملک، سی ای او چوہدری شہزاد نے بهی تقریب میں خصوصی شرکت کی۔

ومبلڈن ٹینس چیمپئن شپ کے دوران ویمن سنگلز میں بڑے اپ سیٹ ہو گئے ، سابق نمبر ون موگوروزا، وکٹوریہ آزارینکا اور فیورٹ امریکی کھلاڑی سلونے اسٹیفنز Sloane Stephensہار کر باہر ہو گئیں۔

غیر ملکی میڈیا کے مطابق ٹینس سیزن کے تیسرے گرینڈ سلیم ومبلڈن چیمپئن شپ کے ویمن سنگلز مقابلے ہوئے۔ تیسرے راؤنڈ میں سابق عالمی نمبر ون موگوروزا کا تنزانین حریف اونس جیبر Ons Jabeurسے آمنا سامنا ہوا۔ اکیس نمبر کی تنزانین کھلاڑی نے تجربہ کار سپینش سٹار کو دو ایک سے شکست دے کر حیران کر دیا۔

دوسرے دلچسپ میچ میں وائلڈ کارڈ انٹری پانے والی روسی کھلاڑی سمسنوفا Samsonovaنے فیورٹ امریکی پلیئر سلونے اسٹیفنز Sloane Stephens کو ہرا کر آؤٹ کر دیا۔

تیسرے اپ سیٹ میں نمبر بارہ وکٹوریہ آزارینکا کو شکست کی کڑوی گولی نگلنا پڑی۔

بیلا روسی سٹار کو غیرمعروف رومانین کھلاڑی سورانا میہائلاSorana Mihaela نے دو ایک سے ہرا کر دوسرے ہی راؤنڈ پر سفر ختم کر دیا صنف نازک کے تگڑے مقابلوں سے تماشائی بھی بے محظوظ ہوئے

لاہور: آئی سی سی کے ورلڈ ریکارڈ ہولڈر امپائر علیم ڈار نے سری لنکن بس حملے میں میچ ریفری کرس براڈ کو بچانے والے معروف امپائر احسن رضا کو ستارہ جرات دینے کی اپیل کردی۔

لاہور میں ایل سی سی اے گراؤنڈ میں سابق مینجر اظہر زیدی کے کلب پی اینڈ ٹی جم خانہ کی طرف سے علیم ڈار اور احسن رضا کے اعزاز میں تقریب سجائی گئی۔

اس موقع پر علیم ڈار نے ساتھی امپائر احسن رضا کی خدمات کو سراہتے ہوئے کہا کہ احسن نے سری لنکن بس پر حملے میں خود شدید زخمی ہونے کے باوجود غیر ملکی میچ ریفری کرس براڈ پر لیٹ کر اس کی جان بچائی تھی تاہم اتنا وقت گزرنے کے بعد بھی کسی حکومت نے آج تک ان کی اس جرات و بہادری پر احسن کے لیے کچھ نہیں کیا، پی اینڈ ٹی جم خانہ کلب ہم دونوں کا کلب ہے اور اس کلب کے پلیٹ فارم سے حکومت سے اپیل ہے کہ احسن کو ستارہ جرات دیا جائے۔
آئی سی سی امپائر احسن رضا کا مؤقف تھا کہ کیرئیر میں ہمیشہ اپنی زمہ داری کو ایمانداری سے نبھا کر ملک کا نام روشن کیا ہے، اس وقت دنیا میں سب سے زیادہ کرکٹ فائنل سپر وائزر کرنے کا اعزاز حاصل ہے۔ علیم ڈار، خالد محمود اور اظہر زیدی کی حوصلہ افزائی سے آگے بڑھنے کا موقع ملا ہے۔

تقریب سے سابق چیئرمین پی سی بی خالد محمود، شارجہ کرکٹ کونسل کے سابق رکن محمد امین سمیت میزبان اظیر زیدی نے بھی خطاب کیا۔ آخر میں کلب کے کھلاڑیوں میں شرٹس تقسیم کی گئیں۔

عاقب جاوید نے شعیب اختر کی تنقید کا بھرپور جواب دے دیا، لاہور قلندرز کے کوچ کا کہنا ہے کہ تکنیکی مسائل پر بات درست مگر کوچنگ کا کوئی تجربہ نہ رکھنے والے پیسر کی بات میں وزن نہیں ہوسکتا۔

پاکستان کرکٹ کی سب سے بڑی ویب سائٹ www.cricketpakistan.com.pkکے پروگرام ’’کرکٹ کارنر ود سلیم خالق‘‘ میں گفتگوکرتے ہوئے عاقب جاوید نے کہا کہ ایک ٹی وی تجزیہ کار کے طور پر کسی کا رائے دینا درست ہے،اگر کوئی پرفارم نہیں کررہا تو انھیں تنقید بھی کرنا چاہیے، یہ ماہرین کا کام ہے،مگر شعیب اختر کا کہنا بڑا عجیب ہے کہ اگر وہ کوچ ہوتے تو لاہور قلندرز اب تک 2ٹائٹل جیت چکے ہوتے،اگر کسی بڑے کوچ نے میدان میں 10یا 20سال گزارے اور کئی ٹائٹلز جیتے ہوں تو اس کی بات میں وزن بھی ہوگا، مگر شعیب اختر کا اس طرح کی بات کرنا نہیں بنتا، کچھ لوگ سوشل میڈیا پر تبصرے کرکے مجھے فارغ کرانے کی کوشش کرتے ہیں۔

انھوں نے کہا کہ جب ہم نے 6میں سے 5میچزجیتے تو سب کہہ رہے تھے کہ لاہور قلندرز کی بولنگ شاندار اور بیٹنگ میں بہت آپشنز موجود ہیں،اس وقت کوئی نہیں کہتا تھا کہ یہ سب کچھ عاقب جاوید کی وجہ سے ہے،اگر بولرز یا بیٹسمین پرفارم نہیں کرتے تو کوچ پر غلط ٹیم کھلانے کے الزامات شروع ہوجاتے ہیں،انھوں نے کہا کہ تکنیکی مسائل پر بات کرنا چاہیے۔ اگر کسی نے زندگی میں وہ کام خود کبھی نہیں کیا تو اس کے بارے میں تبصرہ کس طرح کرسکتا ہے، باہر سے بیٹھ کر تو ہر کام آسان لگتا ہے۔
لاہور قلندرز کے ہیڈ کوچ نے کہا کہ پرستاروں کو مایوسی ہوئی مگر دنیا بھر کی لیگز میں کئی بڑی ٹیمیں کبھی توقعات کے مطابق پرفارم یا ٹائٹل نہیں جیت پاتیں، مالکان نے فرنچائزز پر کروڑوں روپے خرچ کیے ہوتے ہیں،ایسے ہی کسی کو ان کی کمان نہیں سونپ سکتے،رائل چیلنجرز بنگلور، کنگز الیون پنجاب آئی پی ایل ٹائٹل نہیں جیت پائیں،دہلی نے تو اپنا نام بھی بدل کر دیکھ لیا،پی ایس ایل6میں ہم رن ریٹ کی وجہ سے باہر ہوگئے، ٹاپ آرڈر بیٹنگ کی وجہ سے شکستوں کا سامنا کرنا پڑا،کسی ایک نے بھی ففٹی اسکور نہیں کی،فخرزمان، محمد حفیظ، بین ڈنک اور سہیل اختر کوئی بھی پرفارم نہیں کرسکا، اگر ٹاپ آرڈر اچھا کھیلتی تو ٹم ڈیوڈ، راشد خان اور جیمز فالکنر کی سپورٹ سے باآسانی میچز جیت جاتے، ہم جس انداز میں کھیلے اس کے تحت پلے آف مرحلے تک رسائی بنتی ہی نہیں تھی۔

عاقب جاوید نے کہا کہ اگر سب کی اوسط ہی 16تھی تو صرف اکیلے سہیل اختر پر ملبہ ڈالنا درست نہیں،وہ اب بھی پی ایس ایل کے کامیاب ترین کپتان ہیں۔

عاقب جاوید نے کہا ہے کہ سرفراز احمد سے تکرار کے معاملے میں شاہین شاہ آفریدی نے کچھ غلط نہیں کیا تھا،فاسٹ بولرز کے ایسے انداز قدرتی ہوتے ہیں، اگر باؤنسر کسی بیٹسمین کے ہیلمٹ پر لگے تو بولنگ مارک کی جانب جانے والے بولر کو آپ معذرت کا نہیں کہہ سکتے،امپائرز اور میچ ریفری نے بھی شاہین پر غیر ضروری دباؤ ڈالا،میں نے علیم ڈار سے بات کی تھی کہ سرفراز احمد وکٹوں کے پیچھے ہوں تو بیٹسمینوں کو کس کیفیت سے گزرنا پڑتا ہے،میں شاہین سے بات کروں گا مگر آپ کو سرفرازسے بھی بات کرنا چاہیے،اگر کوئی کیمروں کے سامنے کسی کیلیے غلط الفاظ استعمال کرے تو کیا اس کیلیے کوئی ضابطہ اخلاق نہیں ہے،ان دونوں کے درمیان ماضی میں کوئی رنجش نہیں رہی، میرے خیال میں جارحیت ایک حد تک ہونا چاہیے۔

عاقب جاوید نے کہا ہے کہ پاکستان ٹیم کیلیے دورئہ انگلینڈ سخت امتحان ثابت ہوگا،مینجمنٹ کو اندازہ ہی نہیں کہ کسے کھلانا اور کسے باہر بٹھانا ہے،کئی کھلاڑیوں کی سلیکشن سمجھ سے بالاتر ہے۔

انھوں نے کہا کہ4اوپنرز کس لیے ساتھ لے کر گئے ہیں،بابر اعظم رنز بنا رہے ہیں،فخرزمان کی کارکردگی بھی اچھی ہے، محمد رضوان زندگی کی بہترین فارم میں ہیں، ان کے ساتھ شرجیل خان کو بھی منتخب کرلیا، فخرزمان کو مڈل آرڈر میں کھیلنا پڑا،ہر پوزیشن کیلیے موزوں بیٹسمین ہونا چاہیے، انگلینڈ میں بڑا عجیب بیٹنگ آرڈر دیکھنے کو ملے گا،اگر کسی ٹاپ آرڈر بیٹسمین کو نچلے نمبر پر کھلائیں اور اس کی کارکردگی توقعات کے مطابق نہ ہو تو الزام نہیں دے سکتے، ایسا لگتا ہے کہ ٹیم تعمیر نو سے گزر رہی ہے، اس کمبی نیشن کے ساتھ انگلینڈ کو اسی کی سرزمین پر ہرانا بہت مشکل ہوگا۔

پاکستان اور ویسٹ انڈیز کی ویمنز ٹیموں کے درمیان کھیلے گئے دوسرے ٹی20 میچ میں میزبان ٹیم کی دو کھلاڑی بیہوش ہو گئیں اور انہیں ہسپتال منتقل کرنا پڑا۔

کرک انفو کے مطابق انٹیگا میں کھیلا گیا سیریز کا دوسرا میچ خراب موسم سے متاثر ہوا اور ویسٹ انڈیز نے ڈک ورتھ لوئس قانون کے تحت پاکستان کو دلچسپ مقابلے کے بعد 8 رنز سے شکست دے دی۔

پاکستان کی بیٹنگ کے دوران ویسٹ انڈیز کی دو فیلڈرز شدید گرمی اور حبس کے باعث میدان میں بے ہوش گئیں اور انہیں فوری طورپر طبی امداد کے لیے ہسپتال منتقل کیا گیا۔

ویسٹ انڈیز کرکٹ بورڈ کی جانب سے جاری بیان میں کہا گیا کہ چنیل ہنری اور چیڈین نیشن کو طبی امداد کے لیے ہسپتال منتقل کیا گیا، دونوں کی حالت بہتر اور وہ ہوش میں ہیں اور ان کا معائنہ کیا جا رہا ہے۔

دونوں کھلاڑیوں کے بے ہوش ہونے کے بعد ویسٹ انڈیز کی ٹیم کو میدان میں متبادل کھلاڑیوں کو اتارنا پڑا اور ہدف کے تعاقب میں پاکستانی بیٹنگ کے دوران موسم کی بار بار مداخلت کے باعث میزبان ٹیم کو ڈک ورتھ لوئس قانون کے تحت 7 رنز سے فاتح قرار دیا گیا۔

ویسٹ انڈیز کے ہیڈ کوچ کورٹنی واش نے کہا کہ ان کنڈیشنز میں کھیلنا آسان نہیں ہوتا، مجھے خوشی ہے کہ ان دونوں کھلاڑیوں کی عدم موجودگی کے باوجود ہم فتح کے حصول میں کامیاب رہے۔

دوسری جانب قومی ٹیم کی کپتان جویریہ خان نے دونوں حریف کھلاڑیوں کی جلد صحتیابی کے لیے دعا کی۔

انہوں نے کہا کہ پاکستانی ٹیم کی دعائیں چنیل ہنری اور چیڈین نیشن کے ساتھ ہیں اور ہم ان کے لیے نیک تمناؤں کا اظہار کرتے ہیں، اُمید ہے کہ وہ جلد صحتیاب ہو کر ہمارے خلاف اگلے میچ کے لیے میدان میں اتریں گی۔

ان کا کہنا تھا کہ دوران کھیل اس طرح کے واقعات ہلا کر رکھ دیتے ہیں اور ہم ویسٹ انڈین ٹیم کی ہمت کو داد دیتے ہیں جنہوں نے اس مشکل وقت کے باوجود اپنے حواس قابو میں رکھتے ہوئے فتح حاصل کی۔

ویسٹ انڈیز کی فتح
واضح رہے کہ سیریز کے دوسرے ٹی20 میچ میں ویسٹ انڈیز نے ٹاس جیت کر پہلے بیٹنگ کا فیصلہ کیا۔

میزبان ٹیم نے انٹیگا میں کھیلے گئے میچ میں کائشیا نائٹ کے 30 اور چائیڈین نیشن کے 28 رنز کی بدولت 20 اوورز میں 6وکٹوں کے نقصان پر 125 رنز بنائے۔

میچ کے دوران موسم کی بار بار مداخلت کے سبب اننگز تاخیر کا شکار ہوئی اور پاکستان کو 18 اوورز میں 11 رنز کا ہدف دیا گیا لیکن ندا ڈار کی 29 رنز کی اننگز کے باوجود پاکستان کی ٹیم مقررہ اوورز میں 103 رنز ہی بنا سکی اور ویسٹ انڈیز نے 8 رنز سے فتح اپنے نام کر لی۔

اس فتح کے ساتھ ہی میزبان ٹیم نے تین ٹی20 میچوں کی سیریز میں بھی فتح حاصل کر لی۔

ٹوکیو اولمپکس میں شریک ہونے والے پاکستانی دستے کو حتمی شکل دے دی گئی ہے۔

پاکستان اولمپک ایسوسی ایشن (پی او اے) کی جانب سے جاری اعلامیے میں بتایا گیا ہےکہ 10 پاکستانی کھلاڑی6 مختلف کھیلوں شوٹنگ، سوئمنگ، بیڈمنٹن، ایتھلیٹکس ، ویٹ لفٹنگ اور جوڈو میں ملک کی نمائندگی کریں گے ۔

پاکستان اولمپک ایسوسی ایشن کے مطابق شوٹنگ میں جی ایم بشیر، خلیل اختر اور گلفام جوزف ایکشن میں ہوں گے۔

سوئمنگ میں بسمہ خان اور حسیب طارق پاکستان کی نمائندگی کریں گی، بیڈ منٹن میں ماحور شہزاد ، ایتھلیٹکس ایونٹ میں ارشد ندیم اور نجمہ پروین حصہ لیں گی، ویٹ لفٹنگ میں طلحہ طالب اور جوڈو میں شاہ حسین شاہ ملک کی نمائندگی کریں گے ۔

خیال رہے کہ گذشتہ سال کورونا وبا کے باعث ملتوی ہونے والے ٹوکیو اولمپکس 2020 کے مقابلے رواں ماہ 23 جولائی سے شروع ہورہے ہیں جو کہ8 اگست تک جاری رہیں گے۔

ڈربی میں موجود پاکستانی کرکٹرز کی مشقوں میں تیزی آگئی۔

پہلے روز بارش کی وجہ سے انڈور پریکٹس تک محدود رہنے والے کھلاڑیوں نے منگل کو میدان کا رخ کرتے ہوئے ہاتھ کھولے تھے، بدھ کو بھی مشقوں کا سلسلہ 4 گھنٹے تک جاری رہا۔

کرکٹرز نے وارم اپ سے آغاز کرنے کے بعد جسمانی استعداد بہتر بنانے کیلیے مختلف ڈرلز کیں، فیلڈنگ سیشن کے دوران باؤنڈری کے قریب کیچز اور وکٹوں کو نشانہ بنانے کا سلسلہ جاری رہا،نیٹ میں پہلے ٹاپ آرڈر بیٹسمینوں نے نئی گیند کا سامنا کیا، اس کے بعد مڈل آرڈر اور ٹیل اینڈرز نے بھی صلاحیتوں کو نکھارا۔

ہیڈ کوچ مصباح الحق نے انگلش کنڈیشنز میں بہتر کارکردگی کے نسخے بتائے، پیسرز بڑے پْرجوش انداز میں بولنگ کرتے نظر آئے، شاہین شاہ آفریدی اور حسن علی نوجوان پیسرز کی رہنمائی بھی کرتے رہے، اسپنرز نے لائن و لینتھ بہتر بنانے پرکام کیا۔