Category کھیل

نئی دہلی: سابق بھارتی ٹینس اسٹار ثانیہ مرزا بھارتی صحافی کے سوال پر آپے سے باہر ہو گئیں، اسے کرارا جواب دے دیا۔گزشتہ دنوں بھارت میں ورکنگ مدرز کے حوالے سے ایک پروگرام کا انعقاد کیا گیا، جس کی برانڈ ایمبسڈر ثانیہ مرزا پروگرام میں ان کی خدمات بالخصوص ماں بننے کے بعد کیریئر میں دوبارہ آنا اور اسٹار بن کے ابھرنے کو لے کر انہیں خوب سراہا گیا۔تاہم صحافیوں سے سوال جواب کے دوران ایک صحافی نے ان سے سوال کیا کہ وہ ماں کی ذمہ داریوں اور اپنے کیریئر کو ایک ساتھ کیسے لے کر چلتی ہیں؟صحافی کے سوال پر سابق بھارتی ٹینس اسٹار ثانیہ مرزا برا مان گئیں اور اسے جواب میں شعیب ملک کا نام لئے بغیر کہا کہ ’جیسے وہ مینج کرتے ہیں ویسے میں کرتی ہوں‘۔انہوں نے مزید کہا کہ ’اگر آپ یہ سوال شعیب ملک سے کریں تو میں بھی جواب دے دوں گی‘۔

پشاور:34 ویں نیشنل گیمز میں ملک کہ تمام صوبائی سائکلنگ ایسوسیشنز نے متفقہ طور پر فیصلہ کیا ہے کہ نیشنل گئیمز کوئٹہ میں اس وقت تک شرکت نہیں کرینگیں جب تک پاکستان اولمپکس ایسوسی ایشنز غیر قانونی سائکلنگ کمیٹی براے نیشنل گیمز کا خاتمہ نہیں کریگی۔ یاد رہے کہ پاکستان اولمپکس ایسوسیشن نے پاکستان سائکلنگ فیڈریشن کو ذاتی ناپسندیدگی کی وجہ سے معطل کیا ہے اور نیشنل گیمز کہ لیے ایک نام نہاد کمیٹی تشکیل دی ہے جو سائکلنگ سے نا واقف افراد پر مشتعمل ہے۔ اس سلسلے یہ بات قابل غور ہے کہ پاکستان سائکلنگ فیڈریشن یو سی ائیسے وابستہ فیڈریشن ہے اور سائکلنگ کہ قوانین کہ تحت پاکستان میں سائکلنگ کہ کسی بھی مقابلہ کہ انتظامات کہ لیے واحد فیڈریشن ہے جس کہ پاس قانونی خق اور تکنیکی صلاحیت ہے۔

پشاور:34ویں نیشنل گیمز کا آغازایوب سپورٹس کمپلیکس کوئٹہمیں ہوگیاافتتاحی میچ میں واپڈاوومن ہاکی ٹیم نے سندھ وومن ہاکی ٹیم کو آٹھ گول سے شکست دیدی ، دوسرا میچ پاکستان آرمی اور پنجاب کے مابین کھیلاگیا جو کہ چار چار گول سے برابر رہا،۔ نیشنل گیمز میں ملک بھر سے 7000 کے قریب د مرد اور خواتین کھلاڑی حصہ لے رہے ہیں نیشنل گیمز میں شامل 32کھیلوں کے مقابلے اکوئٹہ جبکہ 4 کھیلوں کے مقابلے اسلام آباد،گوادر،جہلم اور لاہور میں ہوں گے، پہلے مرحلے کے مقابلوں میں حصہ لینے والے تمام ٹیمیں کوئٹہ پہنچ گئیں ، ڈائریکٹر جنرل سپورتس بلوچستان درا بلوچ کا کہنا ہے کہ نیشنل گیمز کیلئے سیکورٹی اور کھلاڑیوں کی رہائشن کیلئے تمام انتظامات مکمل کرلئے گئے نیشنل گیمز کے مقابلے 29مئی تک جاری رہیں گے۔تفصیلات کے مطابق نیشنل گیمز میں 32 کھیلوں کے مقابلے ہوں گے جن میں ہاکی کے مقابلے 12مئی سے 19 مئی تک نوب غوث بخش ہاکی سٹیدئیم کوئٹہ، فٹبال کے مقابلے 13مئی سے ایوب اسٹیڈئم،بیس بال 15مئی سے بیوٹمز کرکٹ گراؤنڈ کوئٹہ، ہینڈ بال 13 مئی سے ایوب اسٹیڈئم، کبڈی 15مئی سے وویمن ہال ایوب اسٹیڈئم،رگبی کے مقابلے 16 مئی سے بیوٹمز،سافٹ بال 15مئی سے بیوٹمز،ٹگ آف وارکے مقابلے 16 مئی سے ایوب اسٹیڈئم،والی بال کے مقابلے 23 مئی سے 27 مئی تک ایوب اسٹیڈئم، بیڈمنٹن کے مقابلے 15مئی سے ایوب اسٹیڈئم،باکسنگ 13 سے ایوب اسٹیڈئم،فینسنگ کے مقابلے 16مئی سے بیوٹمز،جمناسٹک کے مقابلے 18 مئی سے 20 مئی تک بیوٹمز،تیراندازی کے مقابلے 24 مئی سے تعمیر نو کالج کوئٹہ،اتھیلیٹکس 24مئی سے ایو ب اسٹیڈئم، باسکٹ بال کے مقابلے 23مئی سے ایوب اسٹیڈئم،تن سازی کے مقابلے 23 مئی سے ایوب اسٹیڈئم،سائیکلنگ کے مقابلے 24 مئی سے 28 مئی تک کوئٹہ پشین روڈ، گالف کے مقابلے 24 مئی سے 28 مئی تک گالف کلب کوئٹہ کینٹ،جوڈوکے مقابلے 23 مئی سے 26 مئی تک بیوٹمز،کراٹے کے مقابلے 23 سے 27مئی تک سردار بہادر کان وویمن یونیورسٹی کوئٹہ، سکواش کے مقابلے 23 مئی سے 29 مئی تک ایوب اسٹیڈئم، ٹیبل ٹینس 25 سے 29 مئی تک ایوب اسٹیڈئم،تیکوانڈو کے مقابلے 23 سے 29 مئی تک بیوٹمز کوئٹہ،ٹینس کے مقابلے 23 سے 29 مئی تک ایوب اسٹیڈئم،ویٹ لفنگ کے مقابلے 26 سے 29 مئی تک ایوب اسٹیڈئم، ریسلنگ کے مقابلے 26 سے 28 مئی تک بوائے سکاؤٹس کوئٹہ، ووشو کے مقابلے24 سے 28مئی تک ایوب اسٹیڈئم،روئنگ کے مقابلے 14 سے 18 مئی تک اسلام آباد،شوٹنگ کے مقابلے 13 سے 19 مئی تک پنجاب کے ضلع جہلم،سوئمنگ کے مقابلے 26سے 28مئی تک لاہور میں ہوں گے۔جبکہ اس دوران 23 اور 25 مئی کو تھروبال، وویمن کرکٹ،فٹ سال اور کینوئے اینڈ کیاک کے نمائشی میچ کوئٹہ میں کھیلے جائیں گے جس میں بین الاقوامی کھلاڑی بھی شریک ہوں گے۔ دوسری جانب قومی کھیلوں کے دوران فول پروف سیکورٹی کے انتظامات کیے گئے ہیں ایوب اسپورٹس کمپلیکس کے اندر اور باہر سمیت شہر کے اہم مقامات اور ایوب اسپورتس کمپلیکس جانے والے راستوں پرڈھائی ہزار پولیس اور ایف سی اہلکار تعینات کیے جائینگے جبکہ پاک فوج کوا سٹینڈ بائی رکھا گیا ہے ڈی جی سپورٹس بلوچستان درا بلوچ کا کہنا ہے کہ 19 سال بعد کوئٹہ میں قومی کھیلوں کا انعقاد ہو رہا ہے جس میں ملک بھر سے مختلف محکموں اور ایسوسی ایشنز کی 14 ٹیمیں شریک ہیں کھلاڑیوں اور آفیشلز کی رہائش اور سیکورٹی کیلئے تمامانتظامات مکمل کر لئے گہیں پہلے مرحلے میں شریک ٹیمیں اور کھلاڑی کوئٹہ پہنچ گئے ہیں جبکہ دورسے مرحلے یں حصہ لینے والی ٹیمیں بھی جلد کوئٹہ پہنچ رہی ہیں، جن کی رہائش اور گراونڈ تک لانے اور لے جانے کیلئے بہترین انتظامات کیے گئے ہیں۔

لاہور : پاکستان کرکٹ بورڈ (پی سی بی) مینجمنٹ کمیٹی کے سربراہ نجم سیٹھی نے ورلڈکپ 2023ء￿ میں پاک بھارت میچ کیلئے احمد آباد کے نریندر مودی سٹیڈیم میں میچ کروانے پر تشویش کا اظہار کیا ہے۔ انڈین ایکسپریس کو انٹرویو میں نجم سیٹھی نے کہا کہ بھارت کے اقدامات سے ایسا لگتا ہے کہ شاید وہ چاہتے ہیں کہ ہم ہندوستان نہ آئیں، میں انکی سیاست میں نہیں جانا چاہتا لیکن یقینی طور پر اگر سب سے زیادہ ہمیں سیکیورٹی کا مسئلہ ہوگا تو وہ احمد آباد ہے۔ انہوں نے کہا کہ پاک بھارت میچ اگر چنئی یا کولکتہ میں ہوتا تو بھی سمجھ میں آتا، احمد آباد میں کون سیاسی طور پر حکومت کرتا ہے سب جانتے ہیں۔ گزشتہ دنوں میڈیا رپورٹس میں یہ بات سامنے آئی تھی کہ بھارتی کرکٹ بورڈ (بی سی سی آئی) نے پاک بھارت ورلڈکپ مقابلے کیلئے نریندر مودی کرکٹ اسٹیڈیم کا انتخاب کیا ہے، جس میں 1 لاکھ سے زائد شائقین کرکٹ لائیو میچ سے لطف اندوز ہوسکتے ہیں۔پاکستان اپنے ورلڈکپ کے میچز سیکیورٹی وجوہات کی بناء￿ پر چنئی اور بنگلورو میں کھیل سکتا ہے جبکہ کولکتہ کے مشہور ایڈن گارڈنز کو بھی پاکستان کے میچز کی میزبانی کا ممکنہ مقام سمجھا جارہا ہے۔ ۔

لندن : سابق امریکی کک باکسر اینڈریو ٹیٹ نے سابق وزیرِ اعظم عمران خان کی گرفتاری سے متعلق سپریم کورٹ کے فیصلے پر خوشی کا اظہار کیا ہے۔

امریکہ و برطانیہ میں اثر ورسوخ رکھنے والے اینڈریو ٹیٹ نے سماجی رابطے کی  ویب سائٹ ٹوئٹر پر القادر ٹرسٹ کیس میں عمران خان کی گرفتاری کو پاکستان سپریم کورٹ کی جانب سے غیر قانونی قرار دے کر ان کی فوری رہائی کا حکم جاری ہونے پر ردعمل  کا اظہار کیا ہے۔

اُنہوں نے اپنے ٹوئٹ میں لکھا کہ ”  ایسا لگتا ہے کہ پاکستان میں ایک اچھا اور ایماندار عدالتی نظام موجود ہے۔قبل ازیں سابق باکسر نے عمران خان کی گرفتاری پرردعمل دیتے ہوئے کہا تھا کہ سب اچھے لوگ جیل جارہے ہیں ” ۔

خیال رہے کہ اینڈریو ٹیٹ حال ہی میں اپنے بھائی کے ساتھ رومانیہ کی جیل سے رہا ہوئے ہیں اور گھر میں نظر بند ہیں، ٹیٹ اور ان کے بھائی سے انسانی سمگلنگ اور منظم جرائم پیشہ گروہ بنانے کے الزامات کے تحت تفتیش کی جا رہی ہے۔

واضح رہے کہ گزشتہ روز سپریم کورٹ  نے قومی احتساب بیورو (نیب) کی جانب سے القادر ٹرسٹ کیس میں سابق وزیراعظم عمران خان کی گرفتاری کو غیر قانونی قرار دیتے ہوئے ان کی رہائی کا حکم جاری کیا تھا۔

روم : فرانس کے سائیکلسٹ اوریلین پارٹ پینٹری نے گیرو ڈی اٹالیہ سائیکل ریس کا چوتھا مرحلہ اپنے نام کر لیا۔

اٹلی میں گیرو ڈی اٹالیہ کا 106 واں ایڈیشن جاری ہے جس میں سائیکلنگ کی دنیا کے نامور سائیکل سوار ٹائٹل کے حصول کے لئے کوشاں ہیں۔

گیرو ڈی اٹالیہ سائیکل ریس کے چوتھے مرحلے میں سائیکل سواروں نے وینوسا سے لاگو لاسینو تک کا فیصلہ طے کرنا تھا جو 166 کلو میٹر پر محیط تھا،  27 سالہ فرانسیسی سائیکل سوار اوریلین پارٹ پینٹری نے عمدہ سائیکلنگ کا مظاہرہ کرتے ہوئےنارویجن سائیکلسٹ اینڈریاس رکارڈسن کو شکست دے کر پہلی پوزیشن حاصل کی۔

چوتھے مرحلہ کے فاتح سائیکلسٹ نے مطلوبہ فاصلہ 166کلومیٹر کا فاصلہ 4 گھنٹے 16 منٹ اور 4 سیکنڈز میں طے کیا۔

ریس میں نارویجن سائیکلسٹ اینڈریاس رکارڈسن نے دوسری پوزیشن حاصل کی جبکہ لٹوین سائیکل سوار ٹام سکوجنز نے تیسری پوزیشن حاصل کی۔

گیرو ڈی اٹالیہ ایک گرینڈ ٹور سائیکلنگ سٹیج ریس ہے جو تین ہفتوں میں مکمل ہوگی جس میں دنیا کے نامور سائیکلسٹس شریک ہیں ، سائیکل ریس 21 مرحلوں پر محیط ہے جس میں سائیکل سوار 3448 کلو میٹر کا سفر طے کرینگے۔

گیرو ڈی اٹالیہ سائیکل ریس میں 22 ٹیمیں ٹائٹل کے حصول کے لئے کوشاں ہیں ، گیرو ڈی اٹالیہ سائیکل ریس 23 روز جاری رہنے کے بعد 28 مئی کو اختتام پذیر ہوگی۔

چٹوگرام:پاکستان انڈر 19 اور بنگلہ دیش انڈر 19 کے درمیان پانچ ون ڈے میچوں کی سیریز کا پہلا میچ آج اتوار کے روز ظہور احمد چوہدری اسٹیڈیم چتوگرام میں کھیلا جائے گا دوسرا ون ڈے بھی اسی گرائونڈ میں آٹھ مئی کو ہوگا جبکہ بقیہ تین میچز گیارہ تیرہ اور پندرہ مئی کو شاہد قمرالزماں اسٹیڈیم راجشاہی میں کھیلے جائیں گے۔ دورے کا واحد ٹی ٹوئنٹی میچ سترہ مئی کو راجشاہی میں کھیلا جائے گا۔ پاکستان انڈر 19ٹیم ان کھلاڑیوں پر مشتمل ہے۔سعد بیگ ( کپتان )، علی اسفند ( نائب کپتان )، احمد حسین، ایمل خان، عامرحسین، عرفات منہاس، آزان اویس، حمزہ نواز، محمد ابتسام، محمد اسمعیل، محمد طاہر، محمد طیب عارف، عبیدشاہد، سجاد علی، شاہ زیب خان، شامل حسین اور وہاب ریاض۔

لاہور :پشاور نے انٹرریجن انڈر13۔فائنل میں لاہور کو چھ وکٹوں سے شکست دیدی۔جواد کلب فیصل آباد میں بارش سے متاثرہ میچ جو کہ 12 اوورز میں مشتمل تھا۔ فائنل میں لاہور ریجن نیٹاس جیت کر پہلے بیٹنگ کی اور پوری ٹیم گیارہ اعشاریہ پانچ اوورز میں صرف50 رنز بناکر آٹ ہوگئی۔انشال چوہدری سولہ رنز کے ساتھ ٹاپ اسکورر رہے۔پشاور ریجن کیصہیب خالد نے عمدہ بولنگ کرتے ہوئے صرف7 رنز دے کر 6وکٹیں حاصل کیں۔جواب میں پشاور ریجن نے دس اوورز میں چار وکٹوں پر مطلوبہ اسکور پورا کرلیا۔محمد سعد تین چوکوں کی مدد سے سترہ رنز بناکر ناٹ آٹ رہے۔ لاہور کی طرف سے یعقوب خان نے تین وکٹیں حاصل کیں۔پشاور ریجن کو ٹورنامنٹ جیتنے پر ساڑھے تین لاکھ روپے کی انعامی رقم ملی جبکہ لاہور کو رنراپ کے طور پر ڈھائی لاکھ روپے ملے۔صہیب خالد مین آف دی میچ قرار پائے جبکہ ڈیرہ مراد جمالی کے شیس قادر ٹورنامنٹ کے بہترین کھلاڑی رہے انہوں نے170 رنز بنائے اور دس وکٹیں حاصل کیں۔کراچی کے عبداللہ جاوید کو ٹورنامنٹ کا بہترین بیٹسمین قرار دیا گیا انہوں نے مجموعی طور پر348 رنز اسکور کیے۔پشاور کے علیان شاہ پندرہ وکٹوں کے ساتھ ٹورنامنٹ کے بہترین بولر اور سات کیچز کے ساتھ ایبٹ آباد کے سدیس احمد بہترین فیلڈر رہے جبکہ بہترین وکٹ کیپر کراچی کے سفیان کامران رہے جنہوں نے گیارہ کیچز کیے۔

لاہور:پاکستان کرکٹ ٹیم کے چیئرمین نجم سیٹھی نے قومی ون ڈے کرکٹ ٹیم کو عالمی نمبر ون کی پوزیشن حاصل کرنے پر مبارکبادی ہے اپنے پیغام میں ان کا کہنا تھا کہ میں پاکستانی کرکٹ ٹیم کے ون ڈے انٹرنیشنل میں عالمی نمبر ون بننے پر پوری قوم کو مبارک باد پیش کرتا ہوں۔آج پاکستانی ٹیم نے نیوزی لینڈ کے خلاف چوتھا ون ڈے انٹرنیشنل جیت کر عالمی رینکنگ میں پہلی پوزیشن حاصل کی ہے یہ بہت ہی خوشی کا موقع ہے۔ کپتان بابراعظم، پوری ٹیم اور کوچنگ اسٹاف اس اہم موقع پر مبارک باد کے مستحق ہیں۔مجھے اس ٹیم پر فخر ہے اور اس کے لیے نیک تمنائیں ہیں۔ مجھے یاد ہے کہ میرے پچھلے دور میں پاکستانی ٹیم ٹیسٹ اور ٹی ٹوئنٹی کی عالمی رینکنگ میں پہلے نمبر پر آئی تھی اور اب وہ ون ڈے میں بھی دنیا کی نمبر ون ٹیم بن گئی ہے۔ مجھے امید ہے کہ ہماری جو ٹریننگ ہورہی ہے وہ ایشیا کپ اور پھر ورلڈ کپ میں کام آئے گی۔یہ عالمی رینکنگ تبدیل ہوتی رہتی ہیں لہذا یہ جو خوشی ملی ہے اسے منایا جائے۔

لندن:برطانوی ٹینس کھلاڑی ایما راڈوکانو ہاتھ اور ٹخنے کی سرجری کی وجہ سے رواں سال فرنچ اوپن اور ومبلڈن اوپن میں شرکت نہیں کرسکیں گی، ایما نے اپنی ایک تصویر سوشل میڈیا پر پوسٹ کی ہے جس میں وہ اپنے دائیں ہاتھ کو سرجری کے بعد دکھا رہی ہیں جبکہ انہوں نے لکھا ہے کہ اسی طرح کا آپریشن میرے بائیں ٹخنے کا بھی ہوا ہے ، بیس سالہ ایما راڈوکونو جنہوں نے 2021 میں یو ایس اوپن کا اعزاز جیتا تھا کے بعد سے مسلسل فٹنس مسائل کا شکار چلی آرہی ہیں، ایما کا کہنا ہے کہ یہ بڑے دکھ کی بات ہے کہ میں رواں سیزن نہیں کھیل سکوں گی ان کا کہنا تھا کہ گزشتہ دس ماہ کے دوران میں تمام تکالیف کے باوجود کھیلی مگر اب میرے یہ ممکن نہیں تھا۔