Category کھیل

لندن:لنکاشائر کرکٹ ٹیم کے کپتان کیٹن جیننگز کے ہیمسٹرنگ انجری کے باعث کرکٹ سے طویل عرصے کیلئے باہر ہونے کے امکانات پیدا ہو گئے ہیں، 30سالہ جننگز کو گزشتہ ماہ سمرسیٹ کیخلاف 189 رنز کی اننگز کے بعد ہیمسٹرنگ انجری کے باعث ریٹائر ہونا پڑا تھا ، کیٹن جیننگز کے حوالے سے لنکا شائر کی جانب سے جاری بیان میں کہا گیا ہے کہ جیننگز کلب کے میڈیکل ڈیپارٹمنٹ کی زیر نگرانی ری ہیب پروگرام شروع کرینگے ، کیٹن جیننگز کی غیر موجودگی میں ڈین ویلاس ٹیم کی قیادت کرینگے، کیٹن جیننگز انگلینڈ کی جانب سے اب تک بائیس ٹیسٹ میچ کھیل چکے ہیں اور گزشتہ بارہ ماہ کے دوران شاندار کارکردگی دکھانے پر انہیں ایشز سیریز کیلئے ٹیم میں بلایا گیا تھا، کیٹن جیننگز گزشتہ چار سال سے قومی کرکٹ ٹیم کیلئے نہیں کھیلے ہیں۔

لندن :انگلینڈ اور ویلز کرکٹ بورڈ کے مطابق سابق انگلش بلے باز گیری بیلنس پر یارکشائر میں نسل پرستانہ زبان استعمال کرنے پر 8000 پانڈ جرمانہ اور آٹھ ہفتوں کی پابندی عائد کی جانی چاہیے۔کرکٹ ڈسپلن کمیشن کے پینل کے مطابق بیلنس یارکشائر کے ان چھ سابق کھلاڑیوں میں سے ایک ہیں جنہوں نے کلب میں نسل پرستانہ گالیوں کا استعمال کیا تھا۔ ان پر الزامات یورکشائر کے کھلاڑی عظیم رفیق کی جانب سے عائد کئے گئے تھے، گیری بیلنس جو رواں ماہ ریٹائر ہو چکے ہیں نے ان الزامات کو تسلیم کیا تھا، ای سی بی نے انگلینڈ کے سابق بالرز ٹم بریسنن اور میتھیو ہوگارڈ، یارکشائر کے سابق کپتان اور کوچ اینڈریو گیل، اسکاٹ لینڈ کے سابق بولر جان بلین اور یارکشائر کے سابق آل رانڈر رچرڈ پائرا کے لیے جرمانے، معطلی، سرزنش اور تعلیمی کورسز کے امتزاج کی بھی سفارش کی ہے۔

جوہانسبرگ:جنوبی افریقہ کی ویمن کرکٹ ٹیم کی فاسٹ بائولر شبنم اسماعیل نے بین الاقوامی کرکٹ سے ریٹائرمنٹ کا اعلان کردیا ہے، شبنم اسماعیل نے جنوبی افریقہ کی جانب سے رواں سال فروری میں ہونے والے ٹی ٹوئنٹی ویمن ورلڈ کپ میں آخری بار شرکت کی تھی، شبنم اسماعیل کو جنوبی افریقہ کرکٹ کی جانب سے 2023-24 کے سنٹرل کنٹریکٹ میں بھی شامل کیا گیا تھا تاہم شبنم اسماعیل نے کنٹریکٹ نہ لیتے کا فیصلہ کیا اور ریٹائرمنٹ کا اعلان کردیا، ، جنوبی افریقہ کرکٹ کی جانب سے جاری بیان کے مطابق شبنم اسماعیل اب زیادہ سے زیادہ وقت اپنے اہلخانہ کو دینا چاہتی ہیں جس کی وجہ سے انہوں نے ریٹائرمنٹ لی ہے، شبنم اسماعیل نے بین الاقوامی کرکٹ سے ریٹائرمنٹ کے بعد کہا ہے کہ وہ لیگ کرکٹ میں اپنے کیریئر کو جاری رکھیں گی۔

بیونس آئرس:دنیائے فٹبال کے معروف کھلاڑی اور ارجنٹائن ٹیم کے کپتان لیونل میسی کو فرانسیسی فٹبال کلب پیرس سینٹ جرمین ( پی ایس جی )نے اجازت کے بغیر سعودی عرب کا دورہ کرنے پر دو ہفتوں کے لیے معطل کر دیا۔گزشتہ برس ارجنٹائن کو فٹبال ورلڈکپ جتوانے والے سٹار فٹبالر میسی چھٹیاں منانے کے لئے فیملی کے ہمراہ سعودی عرب میں موجود ہیں۔کلب کے مطابق دو ہفتے کی معطلی کے دوران میسی نہ ہی کلب کے کھلاڑیوں کے ساتھ پریکٹس کرسکتے ہیں اور نہ ہی انہیں کسی میچ میں شرکت کی اجازت ہو گی۔میسی نے پی ایس جی کی جانب سے کھیلتے ہوئے 71 میچز میں31 گول کیے ہیں اور ان کا کلب کیساتھ معاہدہ رواں سال ختم ہو گا۔کلب کی جانب سے میسی پر سعودی عرب میں سیاحت کے سفیر کے طور پر ذمہ داری نبھانے پر بھی جرمانہ عائد کیا گیا ہے۔یاد رہے کہ عالمی شہرت یافتہ فٹبالر سعودی وزارت سیاحت کے پروموشنل برانڈ وزٹ سعودی کے سفیر ہیں۔

نیویارک:امریکا سے تعلق رکھنے والی ٹینس کی سابق مایہ ناز کھلاڑی سرینا ولیمز نے اس بات کی تصدیق کی ہے کہ وہ دوسری بچے کے ساتھ امید سے ہیں، اس بات کا اعلان انہوں نے نیویارک میں جاری میٹ گالا فیشن شو کے موقع پر صحافیوں سے گفتگو کرتے ہوئے کیا، سرینا ولیمز جب ریڈ کارپٹ پر اپنے شوہر کے ہمراہ پہنچیں تو انہوں نے صحافیوں کو بتایا کہ اس وقت ہم تین لوگ ریڈ کارپٹ پر موجود ہیں ایک میں، میرے شوہر اور تیسرا آنے والا مہمان، سرینا ولیمز کی پہلی بیٹی اولمپیا کی پیدائش ستمبر 2017 کو ہوئی تھی ، یاد رہے کہ گزشتہ سال سرینا ولیمز نے ایک مضمون میں لکھا تھا کہ وہ ٹینس کو خیرباد کہتے ہوئے اب اپنی فیملی کو بڑھانے پر توجہ دے رہی ہیں۔

اسلام آباد :پاکستان باسکٹ بال فیڈریشن نے چار ملکی چیمپین شپ میں شرکت کیلے قومی باسکٹ بال ٹیم کے چناو کیلے 5می سے ٹرالز لینے کا فیصلہ کیا ہے۔ پاکستان باسکٹ بال فیڈریشن کے ایسوسی ایٹ سیکرٹری اوج ظہور کے مطابق 7می تک پاکستان سپورٹس کمپلیکس اسلام آباد میں جاری رہنے والے تین روزہ ٹرالز میں باسکٹ بال فیڈریشن سے الحاق شدہ ڈویڑنز ، صوبوں اور ڈیپارٹمنٹس کے نامزد کردہ ٹاپ پلیرز حصہ لینگے۔ اوج ظہور نے بتایا کہ ٹرالز کے پہلے مرحلے میں پانچ اور چھ می کو ڈویڑنل کھلاڑیوں جبکہ دوسرے مرحلے میں 6اور 7 می کو ڈیپارٹمنٹل کھلاڑیوں کے ٹرالز ہونگے۔ انہوں نے کہا کہ کرنل (ر) شجاعت علی رانا کی سربراہی میں قومی سلیکشن کمیٹی تشکیل دی گی ہے جبکہ ممبران میں محمد ریاض ملک، ڈی ایس پی ملک اعجاز اور مودود جعفری شامل ہیں۔ قومی سلیکشن کمیٹی کھلاڑیوں کے تین روزہ ٹرالز لینے کے بعد قومی باسکٹ بال ٹیم کے تربیتی کیمپ کیلے کھلاڑیوں کے ناموں کو شارٹ لسٹ کرے گی۔ اوج ظہور کے مطابق پاکستان باسکٹ بال فیڈریشن نے رواں سال مالدیپ میں منعقد ہونیوالے چار ملکی ٹورنامنٹ میں شرکت کرنا ہے جسکی تیاریوں کیلے قومی ٹیم کا بھرپور ٹریننگ اور کوچنگ پلان مرتب کیا ہے جس کا باقاعدہ اعلان پاکستان باسکٹ بال فیڈریشن کے سیکرٹری جنرل خالد بشیر کرینگے۔

دبئی :انٹرنیشنل کرکٹ کونسل نے ون ڈے کرکٹ کی نئی عالمی درجہ بندی کا اعلان کردیا ہے، اعلان کردہ نئی عالمی درجہ بندی میں پاکستان کرکٹ ٹیم کے مایہ ناز اوپنر فخر زمان یکے بعد دیگرے سنچریاں سکور کرنے کے بعد عالمی درجہ بندی میں دوسری پوزیشن پر پہنچ گئے ہیں اور اب نمبر ون پر موجود بابر اعظم اور ان کے درمیان صرف 103 پوائنٹس کا فرق باقی رہ گیا ہے، نئی درجہ بندی کے مطابق بابر اعظم 887 پوائنٹس کے ساتھ نمبر ون کی پوزیشن سنبھالے ہوئے ہیں، دوسری پوزیشن پر فخر زمان آگئے ہیں جن کے پوائنٹس کی تعداد 784 ہے، تیسری پوزیشن پر جنوبی افریقہ کے راسی وین ڈر ڈوسن ہیں، چوتھی پوزیشن پر بھارت کے شبھمان گل ہیں، پانچویں پوزیشن پر پاکستان کے امام الحق ہیں، چھٹی پوزیشن پر آسڑیلوی اوپنر ڈیوڈ وارنر، ساتویں پوزیشن پر بھارت کے ویرات کوہلی، آٹھویں پوزیشن پر جنوبی افریقہ کے کوئنٹن ڈی کوک، نویں پوزیشن پر بھارت کے روہیت شرما اور دسویں پوزیشن پر آسڑیلیا کے سٹیو سمتھ ہیں، اعلان کردہ نئی بائولنگ کی عالمی درجہ بندی کے مطابق پہلی دس پوزیشنوں میں پاکستان کے واحد شاہین شاہ آفریدی شامل ہیں جن کی پوزیشن دسویں ہیں، پہلی پوزیشن پر آسڑیلیا کے جوش ہیزل ووڈ، دوسری پر بھارت کے محمد سراج، تیسری پوزیشن پر آسڑیلیا کے مچل سٹارک، چوتھی پوزیشن پر نیوزی لینڈ کے ٹرینٹ بولٹ، پانچویں پوزیشن پر نیوزی لینڈ کے میٹ ہینری، چھٹی پوزیشن پر افغانستان کے راشد خان، ساتویں پوزیشن پر آسڑیلیا کے ایڈم زمپا، آٹھویں پوزیشن پر افغانستان کے مجیب الرحمان، نویں پوزیشن پر بنگلہ دیش کے شکیب الحسن جبکہ دسویں پوزیشن پر پاکستان کے شاہین شاہ آفریدی موجود ہیں۔

کوئٹہ:بلوچستان باکسنگ ایسوسی ایشن کے زیراہتمام بلوچستان باکسنگ مینز اینڈ ویمنز ٹیموں کے چنائو کے سلسلہ میں دو روزہ ٹرائلز 29 اپریل سے ایوب اسٹیڈیم باکسنگ ایرنا کوئٹہ میں شروع ہونگے۔گزشتہ روز بلوچستان باکسنگ ایسوسی ایشن کے سیکرٹری سید حفیظ آغا نے بتایا کہ منتخب ٹیمیں آئندہ ماہ مئی میں کوئٹہ میں کھیلی جانے والی نیشنل گیمز میں شرکت کریں گی۔مردوں میں تیرہ ویٹ کیٹگریز کے مقابلے رکھے گئے ہیں جن میں48 کلوگرام، 51 کلوگرام، 54 کلوگرام، 57کلوگرام، 60کلوگرام، 63 کلوگرام، 67 کلوگرام، 71 کلوگرام، 75 کلوگرام، 80 کلوگرام، 86 کلوگرام، 92 کلوگرام اور پلس 92 کلوگرام کے مقابلے شامل ہیں۔ خواتین کے سات ویٹ کیٹگریز کے مقابلے رکھے گئے ہیں جن میں 48 کلوگرام، 50 کلوگرام، 52 کلوگرام، 54 کلوگرام، 57 کلوگرام، 57کلوگرام، 60کلوگرام اور 81 کلوگرام کے مقابلے شامل ہیں۔ ٹرائلز کے وقت کھلاڑیوں کو اپنے ہمراہ اصل شناختی کارڈ یا ب فارم لانا ہوگا۔

میڈرڈ:اسپینش کلب جیرونا کے کیسٹیلانو کا اعزاز ریال میڈرڈ کے خلاف 75 سال میں 4 گول کرنے والے پہلے کھلاڑی بن گئے۔اس سے قبل دسمبر 1947 میں اسٹیبن ایکاواریا نے ریال اوویڈ کیلئے پانچ گول کیے تھے۔لالیگا میں کھیلے گئے میچ میں ریال میڈرڈ کو نویں نمبر پر موجود جیرونا سے چار کے مقابلے دو گول سے اپ سیٹ شکست سامنا کرنا پڑا۔میچ کے دوران پہلے 12 منٹ کے دوران میزبان ٹیم جیرونا کے کیسٹیلانو نے پہلا گول اسکور کر دیا، 12 منٹ بعد دوسرا گول اسکور کیا۔دوسرے ہاف میں کیسٹیلانو نے تیسرا اور 62 ویں منٹ میں چوتھا گول اسکور کیا۔

راولپنڈی:پاکستان کرکٹ ٹیم کے فاسٹ بولر نسیم شاہ نے کہا ہے کہ نیوزی لینڈ کے خلاف ایک روزہ سیریز کے لیے تیاریاں اچھی ہیں، پریشر میچز کھیلنے سے تیاری اچھی ہوگئی ہے۔ون ڈے سیریز سے قبل راولپنڈی میں نجی ٹی وی سیگفتگو کرتے ہوئے نسیم شاہ نے کہا کہ ٹی ٹوئنٹی کرکٹ میں مختلف رفتار کے ساتھ بولنگ کرنی پڑتی ہے جبکہ ایک روزہ میچ اور ٹیسٹ کرکٹ میں لمبی بولنگ کرنی پڑتی ہے۔انہوں نے کہا کہ ایک روزہ میچ اور ٹیسٹ کرکٹ میں وکٹیں لینی پڑتی ہیں جبکہ ٹی ٹوئنٹی میں قسمت بھی کام آجاتی ہے کیونکہ بانڈری پر کیچز مل جاتے ہیں۔نسیم شاہ کا کہنا تھا کہ کوشش ہوتی ہے تینوں فارمیٹس میں اچھی بولنگ کروں، میری کوشش اپنی اسرینتھ کے حساب سے بولنگ کرنا ہے۔انہوں نے کہا کہ پاکستان کے بولرز کافی تجربہ کار ہیں، نیوزی لینڈ کی ٹیم اپنے حساب سے کرکٹ کھیلے گی اور ہم اپنے پلان کے مطابق کھیلیں گے، پنڈی کرکٹ اسٹیڈیم میں بیٹرز کے لیے پچز کافی سازگار ہیں، پچ کی کنڈیشنز سے بطور بولر فرق نہیں پڑتا۔