Category فٹ بال

سینٹ پیٹرز برگ (سپورٹس ڈیسک/ایمرا نیوز) فٹبال ورلڈکپ کوارٹر فائنل کے سنسنی خیز مقابلوں کا آج سے آغاز ہورہا ہے.
ورلڈ کپ فٹ بال ٹورنامٹٹ کے کوارٹر فائنل مرحلے کا آغاز جمعے سے ہورہا ہے۔ دو ٹاپ ٹیمیں شکست کھا کر گھر کی راہ لیں گی۔ پہلا کوارٹر فائنل یوروگوئے اور فرانس کے درمیان نزہنی ، نووگوروڈ اسٹیڈیم میں پاکستانی وقت کے مطابق شام سات بجے شام جبکہ دوسرا کوارٹر فائنل پانچ بار ورلڈ کپ فائنل جیتنے والی برازیل اور بیلجئیم کے درمیان کازان ایریا میں رات11 بجے کھیلا جائے گا۔ ٹورنامنٹ کے ابتدائی رائونڈ اور پری کوارٹر فائنل میں انتہائی سنسنی خیز مقابلے ہوئے جن میں کئی حیران کن نتائج سامنے آئے۔ سب سے حیران کن کارکردگی میزبان روسی ٹیم کے ہے جس نے ناقابل یقین کارکردگی کا مظاہرہ کرتے ہوئے ٹاپ ایٹ میں جگہ بنائی۔ یوروگوئے ٹورنامنٹ کے گروپ اے میں شامل تھی اور اس نے تینوں میچوں میں میں کامیابی حاصل کرکے گروپ میں ٹاپ پوزیشن حاصل کرنے ہوئے 9پوائنٹس حاصل کئے تھے۔ پری کوارٹر میں یوروگوئے نے پرتگال کو 2-1 سے شکست دیکر ٹاپ ایٹ میں جگہ بنائی۔ اس ٹیم کی کامیابی میں سب سے زیادہ کردار دفاعی کھلاڑیوں کا رہاہے۔

کپتان ڈیگو گوڈن کے ساتھ اسٹرائیک فورس لوئس سوریز اور ایڈنسن کاوانی نے ٹیم کی کامیابی میں بنیادی کردار ادا کیا ہے۔البتہ کاوانی کو فٹنس مسائل کا سامنا ہے اور ان کی میچ میں شرکت مشکل دکھائی دے رہی ہے۔ دوسری جانب فرانس کی ٹیم نے گروپ کے تین میچ سے دو میچز میں کامیابی حاصل کی جبکہ پری کوارٹر فائنل میں اس نے ارجنٹائن کو سنسنی خیز مقابلے کے بعد 4-3 سے شکست دیکر کوارٹر فائنل میں کھیلنے کا اعزاز حاصل کیا۔ کیلیان ایم باپے اس کا سب سے خطرناک اسٹرائیکر ہے جس نے ارجنٹائن کے خلاف دو گول کرکے اپنی ٹیم کی کامیابی میں بنیاد کردار ادا کیا تھا۔ دوسرے کوارٹر فائنل میں برازیل اور بیلجئیم کے درمیان بھی انتہائی سخت مقابلے کی توقع کی جارہی ہے۔ بیلجئیم کی ٹیم کو اس میچ میں فوقیت دی جارہی ہے کیونکہ اس ٹیم نے شاندار کارکردگی کا مظاہرہ کرتے ہوئے گروپ کے تمام میچز جیتے اور گروپ ای میں شامل برازیل نے ابتدائی گروپ کے دو میچز میں کامیابی حاصل کی اور ایک ڈرا کیا ۔ برازیل کا ڈیفنس ریکارڈ بھی کافی بہتر رہا، اب تک چار میچز میں صرف ایک ہی گول کھایا ۔ برازیلین ٹیم اس میچ میں اپنے ٹاپ اسٹار نیمار پر زیادہ بھروسہ کرے گی۔ گروپ جی میں شامل بلجیم کی ٹیم نے گروپ رائونڈ کے تینوں میچز میں کامیابی حاصل کی اور ناک آئوٹ مرحلے میں جاپان کو 3-2 سے زیر کیا۔

روس: (سپورٹس ڈیسک/ایمرا نیوز) جاپانی ٹیم فٹبال ورلڈکپ ہار گئی لیکن لوگوں کے دل جیت گئی .
جاپانی قوم کے اخلاق، عادات و اطوار اور اصول و قواعد کی پابندی کے چرچے تو اکثر ہی ہوتے رہتے ہیں اور اب ان کی صفائی پسندی نے بھی لوگوں کے دل جیت لیے ہیں۔

روس میں جاری فٹ بال ورلڈ کپ 2018 میں جاپانی ٹیم کی کارکردگی بدقسمتی سے اچھی نہ رہی اور وہ پیر (2 جولائی) کے روز بیلجیئم کے خلاف میچ ہار کر باہر ہوگئی۔
اس کے باوجود بھی جاپانی ٹیم نے دنیا بھر میں موجود فٹ بال کے مداحوں کے دل جیت لیے اور اس کی وجہ ان کا کھیل نہیں بلکہ صفائی پسندی ہے۔
جی ہاں، جاپانی فٹ بال ٹیم نے ورلڈ کپ سے باہر ہونے کے بعد جب واپسی کے لیے سامان باندھا تو ڈریسنگ روم کو بالکل شیشے کی طرح سے چمکا دیا۔
اور تو اور کھلاڑیوں نے لاکر روم میں ایک نوٹ بھی چھوڑا، جس پر روسی زبان میں درج تھا ‘спасибо’ یعنی ‘شکریہ’۔
جاپانی ٹیم کے اس عمل کو سوشل میڈیا پر لوگوں نے خوب سراہا اور دوسری ٹیموں سے بھی ایسی ہی صفائی پسندی کا مطالبہ کیا۔
دوسری جانب بیلجیئم کے خلاف میچ میں شکست کے نتیجے میں ورلڈ کپ سے باہر ہونے کے بعد جاپانی کھلاڑیوں نے اسٹیڈیم میں سر جھکا کر اپنے سپورٹرز کا شکریہ بھی ادا کیا تھا۔

اس سے قبل ورلڈ کپ کے دوران جاپانی مداحوں نے اسٹیڈیم کی صفائی کرکے بھی سوشل میڈیا پر کروڑوں افراد کی توجہ حاصل کی تھی۔

ماسکو (سپورٹس ڈیسک/ایمرا نیوز) فٹبال ورلڈکپ کوارٹر فائنل کی جنگ کل سے شروع ہورہی ہے ، ہر ٹیم جیت کے لئے دل و جان لگانے کے لیے تیار.
کوارٹر فائنل لائن اپ مکمل، برازیل، بیلجئم، فرانس، یوراگوئے، سوئیڈن، روس، کروشیا اور انگلینڈ کی ٹیمیں کوارٹر فائنل میں پہنچ گئیں۔ میگا ایونٹ میں جمعرات کو کوئی میچ نہیں کھیلا جائیگا۔ کوارٹر فائنل مرحلہ جمعہ سے شروع ہوگا اور اس سلسلے کے دو میچ کھیلے جائینگے۔ پہلا میچ یوراگوئے اور فرانس کی ٹیموں کے درمیان کھیلا جائیگا جبکہ دوسرے میچ میں پانچ مرتبہ کی عالمی چیمپئن برازیل اور بیلجئم کی ٹیمیں آمنے سامنے ہونگی۔ میگا ایونٹ میں ٹیموں کے درمیان عالمی ٹائٹل کیلئے زبردست جنگ جاری ہے۔ انگلینڈ پری کوارٹر فائنل میں سنسنی خیز انداز سے کولمبیا کو پینلٹی ککس پر زیر کرکے لاسٹ 16 مرحلے تک رسائی پانے والی آخری ٹیم بنی۔ روس میں جاری ٹورنامنٹ ہر لحاظ سے ریکارڈ ساز اور مقبول ترین ثابت ہورہا ہے۔ میگا ایونٹ کے پہلے دو مراحل میں کئی سنگ میل عبور ہوئے۔ میزبان روس نے 1970 کے بعد پہلی

بار کوارٹر فائنل کیلئے کوالیفائی کیا۔ موجودہ ٹورنامنٹ میں اب تک 28 پینلٹیز ایوارڈ کی گئی ہیں جو عالمی ریکارڈ ہے۔ اب تک 10 اون گول ہوچکے ہیں جبکہ اس سے قبل سب سے زیادہ چھ اون گول 1998 میں ہوئے تھے۔اسٹاپیج ٹائم میں اب تک سب سے زیادہ 23 گول ہوچکے ہیں۔ اس تعداد نے 1998 میں ہونے والے 10 گولز کا ریکارڈ توڑا دیا ہے۔ جمعہ کو یوروگوئے اور فیورٹ فرانس پہلے میچ میں مدمقابل ہوں گے۔ ورلڈکپ ٹورنامنٹس میں اب تک دونوں ٹیمیں سات بار آمنے سامنے آچکی ہیں۔ یوروگوئے نے دو اور فرانس نے ایک میچ جیتا ہے، چار ڈرا ہوئے ہیں۔ فرانس کے پاس کائلیان ایم باپے اور انٹوئن گریزمین جیسے برق رفتار اسٹرائیکر موجود ہیں تو یوروگوئے کو لوئس سوریز اور ایڈنسن کوانی کی خدمات حاصل ہوں گی۔ مبصرین کے مطابق مقابلہ کانٹے اور بہت دلچسپ ہوگا۔ بک میکرز کی نظر میں فرانس کی جیت کے امکانات زیادہ ہیں، مقابلہ مقررہ وقت میں کسی گول کے بغیر برابر رہنے کے بعد پینلٹیز پر بلیوز ٹیم کی فتح کی پیشگوئی کی گئی ہے۔ اس کے بعد ٹورنامنٹ کا سب سے سخت جوڑ پڑے گا۔ کازان میں ٹاپ فیورٹ برازیل کا انتہائی مضبوط بلیجیم کا ٹکرائو ہوگا۔ شائقین کو اس میچ کا شدت سے انتظٓار ہے۔ باہمی ورلڈکپ مقابلوں میں برازیل کا پلہ 3-1 سے بھاری ہے لیکن بیلجئم کی موجودہ کارکردگی اور کوارٹر فائنل میں دو گول کے خسارے میں جانے کے بعد جاپان کے خلاف حیران کن واپسی کرتے ہوئے 3-2 سے کامیابی نے اسے چپھی رستم ٹیم بنادیا ہے۔ پانچ بار کی سابق عالمی چیمپئن ٹیم برازیل کیلئے اچھا شگون نیمار کا سلو اسٹارٹ کے بعد فارم میں لوٹنا اور میچ وننگ کارکردگی پیش کرنا ہے۔ تھیاگو سلوا نے ڈیفنس کو مضبوط بنا رکھا ہے جبکہ مڈفیلڈ میں کوٹنہیو کی موجودگی اٹیک کو تقویت دیتی ہے۔اس کے مقابلے میں رومیلو لوکاکو ،مروان فلینی، ناصر شاڈلی جیسے کھلاڑیوں کو بیلجئم کی گولڈن جنریشن قرار دیا جارہا ہے۔ بیلجئم نے میگا ایونٹ میں کسی بھی ٹیم سے زیادہ 12 گول اسکور کیے ہیں۔ لیکن اس کے باوجود بک میکرز کے مطابق برازیل یہ میچ دو صفر سے جیت لے گی۔ دریں اثنا تجربہ کار بیلجین ڈیفنڈر ونسنٹ کومپنی نے کہا ہے کہ برازیل سے مقابلے کا سوچ کر ہماری نیندیں نہیں اڑ رہیں۔برازیل ٹورنامنٹ کی مضبوط ترین ٹیم ہے ، یہ کہنا سوائے ایک جملے کے کچھ نہیں، اس بات سے ہماری جیت کے امکانات کم نہیں ہوجاتے۔

ماسکو (ایمرا نیوز) روبوٹس بھی فٹبال کے رنگ میں رنگ گئے ہیں
روس میں فیفا ورلڈ کپ کے مقابلے زور و شور سے جاری ہیں تاہم دوسری جانب روبوٹس بھی فٹبال کے بخار میں مبتلا ہو چکے ہیں۔ مونٹریال میں روبوکپ کے عالمی مقابلے شروع ہو گئے ہیں اس ہی سلسلے میں دنیا بھر سے کئی ٹیموں نے ان مقابلوں میں حصہ لیا اور گول کرتے روبوٹس توجہ کا مرکز بنے رہے۔

لاہور(ایمرا نیوز) شاہ لائلہ بلوچ انڈر 16 ویمن فٹ بال چیمپئن شپ کے سیمی فائنل مقابلے۔ ماڈل ٹاؤن ویمن فٹ بال کلب اور کراچی ککرز کلب نے فائنل کے لئے کوالیفائی کرلیا۔ فائنل معرکہ 3جولائی کو ہوگا۔ماڈل ٹاؤن فٹ بال اکیڈمی میں انڈر 16 ویمن فٹ بال چیمپئن شپ کے سیمی فائنل مقابلے۔پہلے سیمی فائنل میں ماڈل ٹاؤن ویمن فٹ بال کلب نے دیا ۔فٹ بال کلب کو تین، صفر سے ہرا دیا۔دوسرے سیمی فائنل میں کراچی ککرز نے اسلام آباد فٹ بال کلب کو ایک صفر سے شکست دی۔ اس موقع پرخواتین کھلاڑیوں نے لاہور نیوز سے گفتگوکرتے ہوئے ٹورنامنٹ کے انتظامات کو سراہا۔ ان کا کہنا تھا کہ ایسے ٹورنامنٹس سے خواتین میں فٹ بال کے کھیل کو فروغ ملے گا۔ٹورنامنٹ کا فائنل میچ 3 جولائی کو کراچی ککرز اور ماڈل ٹاؤن ویمن فٹ بال کلب کے مابین کھیلا جائے گا۔

ماسکو (سپورٹس ڈیسک/ایمرا نیوز) روس میں فٹبال ورلڈکپ کے کوارٹرفائنل میں پہنچنے کی خوشی رات بھر منائی گیا.
روسی گول کیپر ایگر آکن فیو کی شاندار کارکردگی کے باعث روسی ٹیم نے تجربہ کار اور سابق عالمی چیمپئن اسپین کو انتہائی دلچسپ اور سنسنی خیز مقابلے کے بعد پینلٹی ککس پر 4-3 سے شکست دیکر ورلڈ کپ فٹ بال ٹورنامنٹ کے کوارٹرفائنل میں کھیلنے کا اعزاز حاصل کرلیا۔ گول کیپر ایگر نے میچ کے مقررہ وقت اور اضافی وقت میں کئی یقینی گول بچا کر اپنی ٹیم کو1970 کے بعد پہلی بار ٹاپ ایٹ میں پہنچادیا۔ انہیں میچ کا ہیرو قرار دیا گیا۔ شاندار فتح کے بعد خوب جشن منایا گیا، کھلاڑیوں نے انہیں کاندھوں پر اٹھالیا، جشن منانے میں روسی شہری بھی پیچھے نہ رہے، فٹبال دیوانے سڑکوں پر نکل آئے، گاڑیوں کے ہارن بجاتے رہے۔ دوسری جانب قسمت کی دیوی بھی شاید اسپین کے کھلاڑیوں سے ناراض تھی اور کئی یقینی گول بھی نہ ہوسکے۔ روسی کھلاڑیوں نے ہوم گرائونڈ اور کرائوڈ کا بھرپور فائدہ اٹھایا اور اسپین کو مکمل دبائو میں رکھا۔ میزبان ملک ہونے کی حیثیت سے اعزازی طور پر ورلڈ کپ ٹورنامنٹ کھیلنے والے روسی کھلاڑیوں نے پہلے سابق عالمی

چیمپئن کے مقررہ وقت اور اس کے بعد ملنے والے اضافی ٹائم میں مقابلہ ایک ایک گول سے نہ صرف برابر رکھا بلکہ پینلٹی ککس پر بھی مہمان ٹیم کو اتنا شدید دبائو کا شکار کیا اس کے دو ٹاپ کھلاڑی پینلٹی ککس پر بھی گول نہ کرسکے۔ ماسکو کے لوزنیکی اسٹیڈیم میں کھیلے جانے والے پری کوارٹر فائنل کا میچ سنسنی تھا۔ اسپین کے اگناشیوک نے 12 ویں منٹ میں خوبصورت گول کرکے اپنی ٹیم کو ایک صفر کی برتری دلادی۔ اس موقع پر روسی کھلاڑیوں نے جوابی حملے کئے لیکن کامیابی نہیں ملی۔ میچ کے 40ویں منٹ میں روسی کھلاڑیوں نے اسپین کے گول پر اٹیک کیا اور کارنر کی ہٹ پر ڈی میں اسپین کے کھلاڑی کے ہاتھ پر گیند لگی جس پر ریفری نے روس کو پینلٹی کک ایوارڈ کی۔ ڈیوبا نے گول کرکے مقابلہ ایک ایک گول سے برابر کردیا۔ دوسرے ہاف میں بھی اسپین نے کئی حملے کئے لیکن گول کیپر ایگر کی شاندار کارکردگی کی بدولت اسپین کوئی گول نہ کرسکی۔ مقررہ وقت کے اختتام پر اسکور ایک ایک گول سے برابر رہا۔ میچ برابر ہونے پر بیس منٹ کا اضافہ ٹائم دیا گیا لیکن اس میں بھی کوئی گول نہ ہوسکا ۔ میچ کا فیصلہ کرنے کیلئےدونوں ٹیموں کو پینلٹی ککس دی گئیں۔ روسی گول کیپر نے دو پینلٹی روک کر فیورٹ اسپین کو باہر کردیا۔ میچ ختم ہونے کے بعد سابق عالمی چیمپئن اسپین کے خلاف پری کوارٹر فائنل میں کامیابی پر روس میں جشن منایا گیا، میچ کے ہیرو گول کیپر آکن فیو کوکھلاڑیوں نے کندھوں پر اٹھا لیا۔ دنیا بھر سے شائقین ورلڈ کپ فٹ بال کے مختلف میچز دیکھنے روس پہنچنے ہوئے ہیں لیکن اتوار کو اسپین کے خلاف لوزنیکی اسٹیدیم میں ہر طرف روسی شائقین دکھائی دے رہے تھے۔ تماشائی اپنے ساتھ ساتھ روسی پرچم اور باجے بھی لائے ہوئے تھے جو مسلسل بجا کر اپنی ٹیم کی حوصلہ افزائی کرتے رہے۔ روسی کھلاڑی کے حملوں اور کامیاب دفاع پر بھی وہ اپنے کھلاڑیوں کو داد دیتے اور مسلسل شور کرتے رہے۔ میچ کے اختتام پر ماسکو شہر میں جشن کا سماں تھا ہر طرف ٹیم کی کامیابی کاچرچہ تھا۔

(ایمرا نیوز) فرانس نے ارجنٹینا کو 3-4 سے شکست دے دی
روس میں جاری فیفا ورلڈ کپ کے ابتدائی مرحلے کے اختتام کے بعد پری کوارٹر فائنل راؤنڈ میں پہلا مقابلہ فرانس اور ارجنٹینا کے درمیان ہوا جس میں فرانس نے ارجنٹینا کو 3-4 سے شکست دے کر کوارٹر فائنل میں رسائی حاصل کرلی، دونوں سابق چیمپئنز کے درمیان مقابلہ انتہائی دلچسپ اور سنسنی خیز رہا، کھیل کے 13ویں منٹ میں انٹوئن گریز مین نے پنالٹی پر گول داغ کر فرانس کو برتری دلوائی، اس کا خاتمہ اینجل ڈی ماریا نے 41ویں منٹ میں جوابی گول سے کردیا۔
48ویں منٹ میں گیبرئیل میرکیڈو نے گیند کو جال کی راہ دکھاکر ارجنٹائن کو سبقت دلائی، 57ویں منٹ میں فرانس کے پاویرڈ نے عمدہ کراس پر گیند کو جال میں پہنچا کر مقابلہ 2-2 کردیا، تاہم اس کے بعد فرنچ ٹیم کے حملوں میں شدت آگئی اور فرنچ اسٹار پلیئر میباپ نے 64 اور68ویں منٹ میں یکے بعد دیگرے دو گول داغ کر مقابلہ 4-2 سے فرانس کے حق میں کردیا، ارجنٹائن کا خسارہ انجری ٹائم کے تیسرے منٹ میں کیلین اگیورو نے کم کیا۔

(ایمرا نیوز) دوستانہ فٹ بال میچ کے دوران نوجوان فٹ بالر کو اچانک سینے میں درد
(ایمرا نیوز) مصر میں کھیلے جانے والے دوستانہ فٹ بال میچ کے دوران نوجوان فٹ بالر محمد فاروق بنزیما کو اچانک سینے میں درد ہوا اور وہ غش کھا کر میدان میں ہی گر گئے۔ ساتھیوں نے انہیں اسپتال پہنچایا جہاں معالج طبی امداد فراہم کررہے تھے تاہم وہ جانبر نہ ہوسکے۔ ڈاکٹرز کا کہنا تھا کہ فٹبال کھلاڑی کی موت حرکت قلب بند ہوجانے کے باعث ہوئی۔

مصر کی فٹبال فیڈریشن اور مقامی کلبس سے ابھرتے ہوئے فٹبالر کی ناگہانی موت پر افسوس کا اظہار کرتے ہوئے کہا ہے کہ غم کی اس گھڑی میں ہم سب محمد فاروق کے اہل خانہ کے ساتھ برابر کے شریک ہیں۔ یہ ہم سب کا ناقابل تلافی نقصان ہے۔
واضح رہے کہ 33 سالہ محمد فاروق مصر میں بنزیما کے لقب سے شہرت رکھتے تھے اور مصری نوجوانوں میں کافی مقبولیت رکھتے ہیں۔ وہ ڈومیسٹک فٹبال میں عمدہ کارکردگی کی وجہ سے جانے سے جاتے تھے۔ انہیں بنزیما الجزائری نژاد فرانسیسی فٹ بالر کریم بنزیما سے مشابہت کی وجہ سے دیا گیا تھا۔

ماسکو( ایمرا نیوز) فیفا ورلڈکپ کا ناک آئوٹ مرحلے آج سے آغاز ہونے جارہا ہے .ٹیموں نے کمر کس لی. جو ہارا گھر جائے گا.
فیفا ورلڈ کپ 2018 کے پہلے مرحلے کے اختتام کے ساتھ ہی ناک آؤٹ مرحلے کے لیے کوالیفائی کرنے والی تمام 16 ٹیموں کا فیصلہ بھی ہو گیا ہے۔ پہلے رائونڈ گروپ میچوں کے اختتام پر یوروگوئے، میزبان ملک روس، اسپین، پرتگال، فرانس، ڈنمارک، کروشیا، ارجنٹائن، برازیل، سوئٹزرلینڈ، سوئیڈن، میکسیکو، انگلینڈ، بلجیئم، کولمبیا اور جاپان نے پری کوارٹر فائنلز کے لئے کوالیفائی کرلیاہے۔ناک آئوٹ پنچ کیلئے تمام ہیوی ویٹس تیار ہیں۔افریقا سے کوئی بھی ٹیم اگلے مرحلے تک رسائی پانے میں ناکام رہی۔ ناک آؤٹ مرحلے کا آغاز 30 جون کو فرانس اور ارجنٹینا کے درمیان میچ سے ہوگا، جبکہ اسی روز دوسرا میچ پرتگال اور یوروگوئے کے درمیان کھیلا جائے گا۔ پہلا میچ پاکستانی وقت کے مطابق شام 7بجے کھیلا جائے گا جبکہ دوسرا پری کوارٹر فائنل یو رو گوئے اور پرتگال کے درمیان آج شب 11بجے کھیلا جائےگا۔توقع ہے جنہیں ڈنمارک کے خلاف میچ میں آرام دیا گیا تھا ۔نبیل فقیر کو بنچ کے بجائے اسٹارٹنگ لائن اپ میں شامل کیاجائےگا،لیوکس ہر نانڈیز بھی

دستیاب ہونگے۔پال پوگبا اور گریزمین کا کردار بھی نہایت اہم ہوگا۔جبریل سدی ،کوپنجامن پاوارڈ کی جگہ رانٹ بیک کھلایا جائےگا۔ارجنٹائن کے نائیجیریا کیخلاف کامیابی کے بعد حوصلے بلند ہیں اب تک اپنی قیادت میں 15میچوں میں ارجنٹائن کوچ سمپائولی نے پہلی بار گزشتہ ٹیم میں کوئی تبدیلی نہیں کی۔ارجنٹائن کے اسٹار فٹبالر لائنل میسی جو آج تک اپنے ملک کے لئےورلڈ کپ نہیں جیت سکے ۔توقع ظاہر کی کہ اس بار خدا ان کی ضرور مدد کرےگا۔دوسرا میچ جو دوبار کی عالمی چیمپئن یورو گوئے اور پرتگال کے درمیان ہوگا ،یورو گوئے کے سابق اسرائیکر ڈیگو فورلان کا کہناہے کہ اگر یورو گوئے نے پرتگال کے عالمی شہرت یافتہ اسٹار کرسچیانو رونالڈ پر قابو پالیا تو وہ پرتگال کو 50فیصد روکنے میں کامیاب ہوجائے گا۔رونالڈو نے ورلڈ کپ میں پہلے میچ میں اسپین کے خلاف ہیٹ ٹرک اور مجموعی طورپر چار گول کے ساتھ دوسرے نمبر پر ہیں ۔ورلڈ کپ 2018میں یورو گوئے واحد ٹیم ہے جس پر کوئی گول نہیں ہوا۔جبکہ یکم جولائی کو پہلا میچ اسپین اور میزبان روس کے مابین کھیلا جائے گا اور دوسرے میچ میں کروشیا اور ڈنمارک آنے سامنے ہوگے۔ یہ مسلسل 13 واں ورلڈ کپ جب برازیل نے دوسرے مرحلے کے لئے کوالیفائی کیا۔ اور اب تک تمام ورلڈ کپ ٹورنامنٹس کھیلے ہیں۔ موجودہ ٹیم مینجر ٹیٹے کےتحت برازیل نے صرف ایک میچ ہارا، 19 جیتے اور 4 برار رہے۔ اس طرح ان کی کامیابی کا تناسب 79 فیصد ہے۔

سینٹ پیڑزبرگ ( سپورٹس ڈیسک/ایمرا نیوز ) میسی کی عجیب حرکت سامنے آگئی.
ارجنٹائن کے لیونل میسی بھی توہم پرست ہیں۔ اس بات کا انکشاف نائجیریا کے خلاف میچ کے بعد ہوا۔ میسی کو میڈیا نمائندوں نے گھیر رکھا تھا۔ ایک رپورٹر نے اپنا تعارف کراتے ہوئے کہا کہ میری ماں نے آپ کو شگون کیلئے سرخ ربن بھیجی تھی۔ جواب میں ارجنٹائن اسٹار نے رپورٹر کو زندگی کا سب سے بڑا جھٹکا دیا کہ وہ میں نے خوش بختی کی علامت کے طور پر پیر پر باندھ رکھی تھی ۔