Category فٹ بال

ماسکو(سپورٹس ڈیسک/ایمرا نیوز)انگلینڈ فٹبال ٹیم کے کپتان ہیری کین پاناما کیخلاف ہیٹ ٹرک بناکرورلڈکپ گولڈن بوٹ ایوارڈ ریس میں ٹاپ پرآگئے جبکہ کرسٹیانو رونالڈو اور بلجیم کے رومیلو لوکاکو چار گول کیساتھ دوسرے نمبر پرہیں۔ چیری شوف اورڈی کوسٹابھی ریس میں موجود ہیں۔فٹبال ورلڈکپ میں گولڈن بوٹ ایوارڈ کا حصول بے حداہم ہوتاہے ۔ یہ ایوارڈ ٹورنامنٹ میں زیادہ گول کرنیوالے کھلاڑی کودیاجاتاہے ۔دوپلیئرز کے برابرہونے پر زیادہ گول کرنے میں معاونت کرنیوالے کھلاڑی کودیاجاتاہے ۔گولڈن بوٹ ایوارڈ کی دوڑ میں انگلینڈ کے کپتان ہیری کین پانچ گول کے ٹاپ پوزیشن پرآگئے ہیں۔ پرتگال کے سپرسٹار کرسٹیانو رونالڈو نے اسپین کے مقابل پہلے ہی میچ میں ہیٹ ٹرک بنائی۔اورمیچ تین تین سے برابرکرنے میں نمایاں کردار اداکیا۔رونالڈو نے مراکش سے دوسرے میچ میں بھی اپنی ٹیم کا واحدگول کیا۔اورچارگول کرکے دوسرے نمبر پر ہیں۔بلجیم کے رومیلولوکاکو چارگول کے ساتھ دوسرے نمبرپرہیں۔روس کے چیری شوف اوراسپین کی ڈیگوکوسٹا بھی تین تین گول کرکے گولڈن بوٹ ایوارڈ کی دوڑ میں موجود ہیں۔بیلجیئم کے ایڈن ہیزرڈ،روس کے آرٹم ڈزوبا اورانگلینڈ کے جون اسٹونز دو،دوگول کرچکے ہیں۔

کراچی ( سپورٹس ڈیسک/ایمرا نیوز)ورلڈ کپ میں پری کوارٹر فائنل میں14 ٹیموں نے سیٹ کنفرم کرالی۔ 12 ٹیموں نے واپسی کا ٹکٹ کٹوالیا۔کامیاب ٹیموں میں روس ، یوروگوئے، اسپین ،پرتگال، کروشیا، ارجنٹائن، فرانس، ڈنمارک، سویڈن، میکسیکو،بلجیم، انگلینڈ شامل ہیں۔ آئوٹ ہونیوالوں میں مصر، سعودیہ، ایران ،مراکش،پیرو ، آسٹریلیا، نائیجریا، آئس لینڈ،تیونس ، پانامہ، کوسٹاریکا ،پولینڈ شامل ہیں۔

والگوگراڈ(ایمرا نیوز) مصری سپراسٹار محمد صلاح کی چیچنیا میں پذیرائی اور مقبولیت برطانوی میڈیا کو پسند نہیں آئی۔ اخبارات ان پر نکتہ چینی کررہے ہیں جس پر محمد صلاح مایوس اور روسی میڈیا کے مطابق انٹرنیشنل فٹبال سے کنارہ کشی پر غور کررہے ہیں۔ مصری فٹبال ٹیم ورلڈکپ کے دوران مسلم اکثریتی ریاست چیچنیا میں قیام پذیر ہے۔ چیچن لیڈر رمضان قادروف نے انہیں اعزازی شہریت دی تھی۔ لیکن برطانوی میڈیا کے مطابق مبینہ طور پر انسانی حقوق کی خلاف ورزیوں میں ملوث چیچن حکمران صلاح کی مقبولیت کو اپنے سیاسی فائدے کیلئے استعمال کررہے ہیں۔ خود صلاح بھی اس سے خوش نہیں۔ اور ٹیم انتظامیہ سے کہا ہے کہ وہ انٹرنیشنل فٹبال سے ریٹائر ہونا بہتر سمجھتے ہیں۔ تاہم مصری فٹبال فیڈریشن کے ترجمان کے مطابق صلاح نے ایسی کوئی شکایت نہیں کی ہے۔

یاکاترنبرگ(سپورٹس ڈیسک/ایمرا نیوز) فیفا ورلڈ کپ کی رپورٹنگ کرتے ہوئے ایک اور خاتون رپورٹر کو جنسی ہراسگی کا سامنا کرنا پڑا تاہم خاتون رپورٹر نے بھی بدسلوکی کرنے والے شخص کو خوب کھری کھری سناڈالی۔روس ان دنوں فیفا ورلڈکپ 2018 کی وجہ سے خبروں کی زینت بناہوا ہے جہاں دنیا بھر سے مداح اپنے پسندیدہ فٹبالرز کو دیکھنے کے لیے پہنچ رہے ہیں اور ایسے میں عوام کو پل پل کی خبروں سے باخبر رکھنے کے لیے میڈیا کے نمائندے بھی وہاں موجود ہیں تاہم لائیو رپورٹنگ کے دوران خواتین رپورٹرز کو جنسی ہراسانی کا سامنا کرنا پڑرہا ہے۔چند روز قبل ’ڈی ڈبلیو‘ کی خاتون رپورٹر جولیٹ گونزالیز کو لائیو رپورٹنگ کے دوران قریب ہی موجود ایک شخص نے گال پر بوسہ لے کر جنسی طور پر ہراساں کیا اوروہ لائیو ہونے کی وجہ سے کچھ نہ کرسکیں۔آج ایک اور واقعہ پیش آیا جب برازیل سے تعلق رکھنے والی خاتون رپورٹر جولیا گیوماریس لائیو رپورٹنگ کررہی تھی کہ اس دوران ایک شخص نے ان کے گال پر بوسہ لینے کی کوشش کی لیکن خاتون رپورٹر فوراً ہی پیچھے ہٹ گئیں اور انہیں خوب کھری کھری سنائیں۔جولیا نے نامعلوم شخص پر اپنا غصہ اتارتے ہوئے کہا کہ ایسا دوبارہ کبھی مت کرنا، جس پر اس شخص نے معافی بھی مانگی مگر پھر بھی خاتون رپورٹر کا غصہ ٹھنڈا نہ ہوا اور وہ مسلسل اس شخص پر چلاتے ہوئے کہہ رہی تھیں کہ میں تمہیں ہرگز ایسا نہیں کرنے دوں گی کیوں کہ یہ تمہارا حق نہیں ہے، اور ایسا کرنے کے بجائے تمہیں خواتین کی عزت کرنی چاہیے۔

سمارا(میڈیا 92نیوز) فٹ بال ورلڈ کے گروپ اے کے میچ میں یوروگوائے نے یک طرفہ مقابلے کے بعد روس کو 0-3 سے شکست دے دی۔یوروگوائے نے گروپ میں پہلی پوزیشن حاصل کرلی ہے جبکہ میزبان روس دوسری پوزیشن پر براجمان ہے۔یوروگوائے کی جانب سے لوئس سواریز نے کھیل شروع ہونے کے 10 منٹ بعد فری کک پر پہلا گول اسکور کیا۔بعدازاں روس کے ڈینس چیریشیو نے اپنے ہی جال میں گیند کو پھینک کر یوروگوائے کی سبقت دوگنی کردی۔36ویں منٹ میں روسی کھلاڑی ا?ئگر سمولنیکو کو دوسرے یلو کارڈ پر ریفری نے گراو¿نڈ بدر کردیا۔یوروگوائے کے ایڈنسن کوانی نے میچ کے اختتام پر اپنی ٹیم کے لیے تیسرا گول اسکور کرکے جیت یقینی بنادی۔آج ہونے والے ایک اور میچ میں سعودی عرب نے مصر کو ایک کے مقابلے میں دو گول سے شکست دے دی۔

ماسکو (نیٹ نیوز/میڈیا 92نیوز) فیفا ورلڈ کپ میں انگلینڈ نے پاناما کو پے در پے گول کر کے بے حال کر دیا۔ انگلینڈ نے میچ 6-1 سے اپنے نام کر کے کوالیفائنگ راﺅنڈ کیلئے اپنی جگہ یقینی بنا لی۔ انگلینڈ کے علاوہ بیلجیم کی ٹیم اس گروپ میں پہلے ہی کوالیفائی کر چکی ہے۔ انگلینڈ کی طرف سے کھیل کے 8 ویں منٹ میں کارنر کک پر جون سٹونز نے پہلا گول داغ جس کے بعد گول کا ایک نہ رکنے والا سلسلہ شروع ہو گیا۔ انگلش اٹیک کے سامنے پاناما کا دفاع ریت کی دیوار ثابت ہوا۔ انگلینڈ نے کھیل کے پہلے ہی ہاف میں 5 گول کر کے اپنی فتح یقینی بنا لی۔ انگلینڈ کی طرف سے سٹونز نے دو جبکہ ہیری کین نے 3 مرتبہ بال کو نیٹ کی راہ دکھائی۔ پاناما کی ٹیم نے میچ کے دوران دو مرتبہ پنٹلی دیئے۔ انگلینڈ کی ٹیم اپنا آخری گروپ میچ بیلجیم کے خلاف کھیلے گی جس میں گروپ کی ٹاپ ٹیم کا فیصلہ ہو گا۔ دونوں ٹیمیں دو دو میچز جیت چکی ہیں۔ پاناما کی طرف سے کھیل کے 78 ویں منٹ میں میچ کا واحد گول کیا گیا جو ان کا ٹورنامنٹ کا پہلا گول بھی ہے۔ انگلینڈ نے میچ کے شروع سے ہی اٹیکنگ فٹ بال کھیلی اور پورے میچ میں زیادہ تر گیند کو اپنے کنٹرول میں رکھا۔ پاناما کی ٹیم میچ کے شروع سے ہی دباﺅ میں نظر آئی جس کا انگلش کھلاڑیوں نے بھرپور فائدہ اٹھایا۔ انگلینڈ نے مڈ فیلڈ میں شاندار کھیل کا مظاہرہ کیا اور ونگرز کو گول کرنے کے بھرپور مواقع فراہم کئے۔ انگلش ٹیم کی اب تک ٹورنامنٹ میں کارکردگی بہترین رہی ہے اور انہوں نے دونوں میچوں میں شاندار کامیابیاں سمیٹی ہیں۔ پاناما کی ٹیم اپنے پہلے میچ میں بھی بیلجیم کے ہاتھوں شکست سے دوچار ہوئی تھی۔ اس سے قبل انگلینڈ نے اپنے پہلے میچ میں تیونس کو شکست سے دوچار کیا تھا۔ انگلش اٹیک کے سامنے پاناما کا دفاع ریت کی دیوار ثابت ہوا۔ انگلینڈ نے کھیل کے پہلے ہی ہاف میں 5 گول کر کے اپنی فتح یقینی بنا لی۔ انگلینڈ کی طرف سے سٹونز نے دو جبکہ ہیری کین نے 3 مرتبہ بال کو نیٹ کی راہ دکھائی۔ پاناما کی ٹیم نے میچ کے دوران دو مرتبہ پنٹلی دیئے۔

ماسکو(میڈیا 92نیوز)انگلینڈ کا مقابلہ پاناما، جاپان کا ٹاکرا سینیگال اور پولینڈ کی ٹیم کولمبیا کے مدمقابل ہوگی۔فیفا فٹبال ورلڈ کپ میں آج مزید تین میچز کھیلے جائیں گے۔فیفا ورلڈ کپ کے لیے گروپ ‘جی’ میں شامل انگلینڈ کا مقابلہ پاناما سے ہوگا اور دونوں ٹیموں کے درمیان آج کا میچ اہمیت کا حامل ہے۔ ایونٹ میں اب تک انگلینڈ اور پاناما کی ٹیمیں ایک ایک میچ کھیل چکی ہیں جس میں انگلینڈ کامیاب اور پاناما ناکام رہی۔پوائنٹس ٹیبل پر گروپ جی میں بیلجئم کی ٹیم اپنے دونوں میچز میں کامیابی کے بعد 6 پوائنٹس کے ساتھ سرفہرست ہے جب کہ انگلش ٹیم کو تین پوائنٹس حاصل ہیں اور وہ دوسرے نمبر پر ہے۔گروپ جی کی تیسری ٹیم پاناما ہے جس نے اب تک ایک میچ کھیلا جس میں اسے ناکامی ہوئی اور وہ تیسرے نمبر پر ہے جب کہ تیونس کو اپنے دونوں میچز میں شکست کا سامنا کرنا پڑا۔گروپ ‘ایچ’ کی چاروں ٹیمیں آج مدمقابل ہوں گی، دوسرے میچ میں جاپان کا مقابلہ سینیگال جب کہ پولینڈ اور کولمبیا کی ٹیمیں تیسرے میچ میں ٹکرائیں گی۔گزشتہ روز بھی تین میچز کھیلے گئے جس میں جرمنی نے سنسنی خیز مقابلے کے بعد سوئیڈن کو ایک کے مقابلے میں 2 گول سے شکست دی جب کہ بیلجیئم نے تیونس کو 2 کے مقابلے میں 5 گول سے ہرایا۔ تیسرے میچ کے دوران میکسیکو نے جنوبی کوریا کو دلچسپ مقابلے کے بعد ایک کے مقابلے میں 2 گول سے شکست دے کر میچ اپنے نام کیا۔

ماسکو(میڈیا 92نیوز)فٹ بال ورلڈ کپ گروپ ای کے میچ میں سوئٹزر لینڈ نے سربیا کو ایک کے مقابلے میں دو گولز سے شکست دیدی۔ روس کے کیلنگراڈ اسٹیڈیم میں کھیلے گئے میچ میں پہلا گول سربیا کی جانب سے ایلکزینڈر مکرووچ نے پانچویں منٹ میں کیا۔سوئٹزر لینڈ نے 52ویں منٹ میں گول اسکور کر کے سربیا کی سبقت ختم کر دی اور میچ 1-1سے برابر ہو گیا۔میچ کے اختتامی لمحات میں سوئٹزر لینڈ کے شرڈن شقیری نے گول اسکور کر کے اپنی ٹیم کی جیت یقینی بنا دی۔ ورلڈ کپ میں آج تین میچ کھیلے جائیں گے جن میں بیلجیم اور تیونس، جنوبی کوریا اور میکسیکو اور جرمنی اور سویڈن کے میچز شامل ہیں۔

(سپورٹس ڈیسک/ایمرا نیوز)
کھیلوں کی مصنوعات بنانے کیلئے دنیا بھر میں مشہور پاکستان کا شہر سیالکوٹ سے 15 سالہ نوجوان میں کھیلے جانے والے فیفا ورلڈ کپ میں جمعہ کے روز برازیل اور کوسٹا ریکا کے درمیان میچ میں ٹاس کریں گے۔

احمد رضا کے والد شبیر احمد خود سیالکوٹ میں فٹ بال بناتے ہیں اور ان کا خاندان تین نسلوں سے فٹ بال کو تیار کرنے کا کام کرتا آیا ہے۔

احمد رضا جمعہ کو پہلے پاکستانی بن جائیں گے جو فیفا ورلڈ کپ کے گراؤنڈ میں پاکستان کی نمائندگی کریں گے۔

احمد رضا کیلئے برازیل اور کوسٹا ریکا کے درمیان میچ کا ٹاس کرنا اور بھی زیادہ اہمیت اس لیے رکھتا ہے کہ وہ برازیل اور نیمار جونیر کے مداح ہیں اور ان کو موقع ملے گا کہ وہ اپنی پسندیدہ ٹیم اور پسندیدہ کھلاڑی سے ملاقات کر پائیں گے۔
یہ قدم مشروبات بنانے والی کمپنی کوکا کولا نے لیا ہے۔ احمد رضا کے علاوہ وہ پاکستان نیشنل فٹ بال ٹیم کے کپتا کلیم اللہ کو بھی روس لے کر جا رہی ہے۔ احمد رضا سے پہلے اگرچہ کسی پاکستانی نے فیفا ورلڈ کپ میں نمائندگی نہیں کی ہے لیکن پاکستان کے بنے ہوئے فٹ بال فیفا ورلڈ کپ کے دوران پاکستان کی نمائندگی کرتے رہے ہیں۔

روس میں کھیلے جانے والے فیفا ورلڈ کپ میں بھی فٹ بال پاکستان ہی میں بنے ہیں۔ اس سے قبل فیفا ورلڈ کپ 2014 میں بھی سیالکوٹ میں تیار کردہ فٹ بال استعمال کیے گئے تھے۔ پاکستان میں فٹبال کی صنعت تقسیم ہند سے پہلے کی موجود ہے۔

ماسکو(سپورٹس ڈیسک میڈیا 92نیوز) فٹ بال ورلڈ کپ 2018ء کے اہم میچ میں کروشیا نے ارجینٹینا کو 3-0سے شکست دے کر ناک آؤٹ مرحلے کے لئے کوالیفائی کر لیا۔ گروپ ڈی کے اس میچ کے 53ویں منٹ میں ارجنٹینا کے گول کیپر ولی کبالیرو کی غلطی کی وجہ سے کروشیا کے اینٹی ریبک گول اسکور کرنے میں کامیاب ہو گئے۔ اس کے بعد ارجنٹینا نے کروشیا کے ہاف میں دباؤ بڑھاتے ہوئے گول کرنے کی متعدد کوششیں کیں تاہم کروشیا کے دفاع نے مخالف ٹیم کو گول کرنے سے باز رکھا۔80ویں منٹ میں کروشیا کی جانب سے لوکا موڈرک نے شاندار گول اسکور کر کے اپنی ٹیم کی سبقت دوگنی کر دی۔ میچ کے اختتامی لمحات میں ایوان راکیٹک نے تیسرا گول کر کے اپنی ٹیم کی اگلے مرحلے تک رسائی یقینی بنا دی۔ اس سے قبل آج ہونے والے دیگر میچوں میں فرانس نے پیرو کو شکست دی تھی جبکہ ڈنمارک اور آسٹریلیا کا میچ برابر رہا تھا۔