Tag افغانستان طالبان

اسلام آباد (ویب ڈیسک) افغانستان اور امریکا کے درمیان ہونے والی 20 سال کی طویل جنگ کا خاتمہ ہو چکا ہے.افغانستان سے تمام امریکی فوجی واپس اپنے وطن پہنچ چکے ہیں .دنیا کی آنکھیں اب افغان طالبان کی جانب ہیں کہ اب ان کی حکمت عملی کیا ہو گی. اس حوالے سے وزیر خارجہ شاہ محمود قریشی کا کہنا ہے کہ افغانستان کو تنہا نہ چھوڑا جائے.
انہوں نے شاہ محمود قریشی نے ڈچ ہم منصب سِگرِد کاگ سے اپنے دفتر میں ملاقات کی اور بعد ازاں مشترکہ پریس کانفرنس کرتے ہوئے کہا کہ افغانستان میں انخلا کا عمل مکمل ہونے کے بعد دنیا کی نظریں افغانستان میں نئی بننے والی حکومت کے قیام پر ہیں اورحکومت کے جامع ہونے کا اندازہ لگا ئیں گے اور پھر اس پر اپنے ردعمل کا اظہار کریں گے۔ انہوں نے مزید کہا کہ عالمی برادری کی جانب سے واضح ہو چکاہے صرف افغانستان کے تمام لوگوں کی نمائندہ کردہ ایک جماعت کو ہی جامع حکومت کی طور پر قبول کریں گے.ان کا کہنا تھا کہہ افغانستان سے ملنے والے اب تک ابتدائی اشارے زیادہ مثبت نہیں ہیں، عالمی سطح پر قبول کرنے کے حوالے سے یہ چیلنجز پیدا کر سکتی ہے۔شاہ محمود قریشی دنیا کو اس بات کی طرف زور دیا ہے کہ افغانستان کی انسانی ضروریات کی فکر اور وہاں معاشی تباہی کو روکنے کی کوشش کرے۔
انہوں نے افغانستان کی موجودہ صورتحال کے حوالے سے کہا کہ امید ہےافغانستان کی ترقی کے حوالے سے مغرب میں جو دلچسپی یکھی گئی ہے وہ قائم رہے.
ڈچ وزیر خارجہ سگرد کاگ کا اس حوالے سے کہنا تھا کہ نیدرلینڈز کا افغانستان ہمارا دیرینہ ساتھی ہیں جو برقرار رہے گا اور اس کی انسانی ضروریات کا بھی احساس ہے۔ہماری طرف سے سالانہ 5 سے 6 کروڑ یورو کی امداد افغانستان کو فراہم کی جاتی رہی ہے اوریہ سلسلہ آئندہ بھی جاری رہے گا.

واشنگٹن (ویب ڈیسک) افغانستان اور امریکا میں 20 سال سے جاری طویل جنگ کا بالآخرخاتمہ ہو گیا .طالبان کی جانب سے انخلاکی دی گئی ڈیڈ لائین سے پہلے ہی تمام امریکی فوجی افغانستان سے نکل لیے گئے ہیں .اس حوالے سےامریکی صدر جو بائیڈن نے افغانستان کے ساتھ جنگ کے خاتمے کا باضابطہ اعلان کردیا ہے۔
انہوں نے اس حوالے سے میڈیا کو بریفنگ دی جس میں ان کا کہنا تھا کہ افغانستان میں جن ارادوں سے داخل ہوئے تھے اس میں تو ایک دہائی قبل ہی کامیابی حاصل ہو گئی تھی لیکن پھر ایک اور عشرے تک ہم نے وہاں رکنے کا فیصلہ کیا. افغانستان میں رہتے ہوئے روز تقریباً 30 کروڑ ڈالر کا خرچ آتا تھا جس کے بعد وہاں سے نکلنے کا فیصلہ کیا . میں نے عوام سے افغان جنگ کے خاتمے کا وعدہ کیا تھا جو پورا کر دیا.
ان کا مزید کہنا تھا کہ اشرف غنی کےافغانستان سے بھاگ جانے کا امریکا کو بالکل اندازہ نہیں تھا ، افغانستان سے انخلا تاریخ کا سب سے بڑا انخلا تھا۔ دنیا کا کوئی بھی ملک اب تک ایسا آپریشن نہیں کر سکا۔ ایک لاکھ بیس ہزار سے بھی زیادہ افراد کو محفوظ طریقے سے نکالنے کا خطرناک مشن امریکی فوجی اور اہلکاروں نے بہترین طریقے سے انجام دیا ، نئی امریکی نسل کوجنگ میں نہیں جھونک سکتا،ہمیں مستقبل کی طرف دیکھنےکی ضرورت ہے، جس میں امریکا کا مفاد نہ ہو میں اس جنگ کو جاری رکھنے کا حامی نہیں . ہمیں اپنی غلطیوں سے سیکھ کر ایسے اہداف بنانیں ہوں گے جن کا حصول ممکن ہو.
جو بائیڈن کا مزید کہنا تھا کہ ہم طالبان کی باتوں پر نہیں عمل پر یقین کریں گے، اب امریکا اب بھی انسانی حقوق، خواتین وبچوں کے حقوق کے لیے ان کی مدد کی کوشش کرتا رہے گا.
امریکی صدر نے داعش کے حوالے سے کہا کہ داعش کےخلاف ہماری جنگ ختم نہیں ہوئی، کبھی انہیں معاف نہیں کریں گے اوردنیا کے ہر کونے میں ڈھونڈیں گے.

اسلام آباد (ویب ڈیسک)20 دہائیوں کے بعد بالآخرطویل ترین جنگ کا خاتمہ ہو گیا.افغان طالبان نے امریکا اور اتحادی افواج سے ملک کو آزاد کرا لیا .کابل انخلا کے لیےطالبان کی جانب سے 31 اگست کی ڈیڈ لائن سے پہلے ہی تمام امریکی فوجی کو نکال لیا گیا.
کابل انخلا کے دوران امریکی فوجیوں کوافغانستان سے اسلام آباد لایا گیا تھا جنہیں اب امریکا پہنچا دیا گیا ہے اور حکومتی ذرائع کے مطابق42رکنی امریکی فوجیوں کا دستہ پاکستان سے اسلام آباد لایا گیا تھا جو اب پاکستان سے روانہ ہو چکے ہیں . اتحادی افواج کے طیاروں کےمرکز کے لیے اسلام آبادانٹرنیشنل ‏ایئرپورٹ استعمال میں لایا گیا جہاں ملٹری اور خصوصی کمرشل طیاروں کی آمدورفت رہی .ذرائع کے مطابق اسلام آبادایئرپورٹ پر450 پروازیں ‏لینڈنگ اور ٹیک آف کرتی رہیں ان پروازوں میں دیگر ایئرلائنزاور اتحادی افواج کی پروازیں شامل تھیں۔ ‏
کابل آپریشن میں پی آئی اے کے 7 طیاروں نے بھی حصہ لیا ۔ خصوصی آپریشن کے ذریعے 26 ہزارغیرملکیوں کو ‏اسلام آباد جبکہ 1460افغانی اورہم وطنوں کو ‏پاکستان پہنچایا۔وزیراطلاعات فواد چوہدری کا اس حوالے سے تفصیالت دیتے ہوئے کہنا تھا کہ نیٹو اور اس سے متعلقہ ‏‏10302 افراد پاکستان آئے جبکہ 9032 اپنے آبائی ممالک چلے گئے، 545 افغانی اور 684 دیگر ممالک کے شہری موجود ‏ہیں، طور خم سے 821 افغانیوں سمیت 2421 اور چمن بارڈر سے صرف 10 افغانی پاکستان آئے۔انہوں نے مزید کہا کہ پاکستان نے پہلے دن سے کمٹمنٹ کی تھی کہ ہم انخلا میں مدد کریں گے لہذٰاافغانستان سے بین الاقوامی مبصرین کو نکالنے میں ہمنے بھرپور مدد کی اسی لیے ‏پاکستانی وزارتوں کی تعریف پوری دنیا کرتی ہے.
دوسری طرف پی ٹی آئی رہنما و سینیٹر فیصل جاوید نے پناہ گاہ میں امریکی فوجیوں کی ‏ جعلی تصویر پر شدید ردعمل کا اظہار کرتے ہوئے اپیل کی اور کہا ‏کہ احساس پناہ گاہ کو متنازع نہ بنائیں۔‘

واشنگٹن (ویب ڈیسک)افغانستان سے امریکی افواج کے مکمل انخلا کے بعد امریکی صدرجوبائیڈن نے اپنا بیان جاری کیا ہے کہ ہم نےتاریخ کا سب سے بڑا شہری انخلا کرایا.ان کا مزید کہنا تھا کہ صرف 17 دن کےاندر اندر ہم نے انخلا کا عمل مکمل کیا.جوبائیڈن نے مزید کہا کہ امریکی افواج کےانخلا کے لیے 31 اگست کی تاریخ میں توسیع نہ کرنے کا فیصلہ متفق ہو کر کیا کیونکہ زندگیوں کو بچانے کے لیے انخلا کی ڈیڈ لائن میں توسیع نہ کرنا بہتر تھا۔
امریکی صدر بائیڈن کا مزید کہنا تھا کہ اب ہماری افغانستان سے 20 سالہ موجودگی کا خاتمہ ہو گیا ہے.انہوں نے افغانستان میں خدمات انجام دینے والے اپنے امریکی کمانڈزر اور فوجیوں کا شکریہ ادا کیا۔

کراچی(ویب ڈیسک)کرکٹ کے میدان سے ایک اہم خبر سامنے آئی ہے.مشہورو معروف آل رائونڈر بوم بوم شاہد آفریدی نے کرکٹ کے حوالے سے اپنی ایسی خواہش ظاہر کی ہے جس کے سننے کے بعد کرکٹ کے شائقین اور بوم بوم آفریدی کے پرستار بے حد غمگین ہیں .
تفصیلات کے مطابق سابق ٹیسٹ کپتان شاہد خان آفریدی نےمیمن سپرلیگ سیزن فائیو کی رنگارنگ افتتاحی تقریب میں شرکت کی اور وہاں اپنے خیال کا اظہار کیا اوربعد ازاں میڈیا سے گفتگوبھی کی جس میں انہوں نے کہا کہ میری خواہش ہے کہ اپنی آخری لیگ میں کوئٹہ گلیڈی ایٹر کی نمائندگی کروں۔ میمن سپرلیگ سیزن فائیو کی تقریب میں سابق ٹیسٹ کرکٹرز سمیت تاجر برادری نے بھی شرکت کی۔

شاہد آفریدی کا اس بارے میں مزید کہنا تھا کہ وہ کرکٹ اپنے فینز کی وجہ سے کھیلنا چاہتے ہیں اگلا ایڈیشن شاید ان کا آخری پی ایس ایل ہو، تاہم انہوں نے اپنی خواہش کا اظہار کرتے ہوئے کہا ہے آکری ایڈیشن کوئٹہ گلیڈی ایٹر کے ساتھ کھیلنا چاہتا ہوں اگر فرنچائز ملتان سلطانز اجازت دے تو۔
رمیز راجہ کو پی سی بی کا نیا چیئرمین بنائے جانے کے حوالےے ایک سوال پر انہوں نے کہا کہ پروفیشنل لوگوں کو بورڈ کو چلانے کے لیے آگے آنا چاہیے، چہرے بدلنے سے نظام نہیں بدل جاتا۔

موجودہ افغانستان طالبان صورتحال کے حوالے سے ان کا کہنا تھا کہ افغانستان میں کرکٹ ختم نہیں ہوئی،یہ بات خوش آئندہ ہے کہ طالبان اس مرتبہ مثبت سوچ کے ساتھ آئے ہیں .کرکٹ کھیلنے کے حوالے سے ان کا مزید کہنا تھا کہ مجھے اب بھی کرکٹ کھیلنے کا شوق ہے مگراب کم کھیلنے کی وجہ ببل سسٹم ہے.انہوں نے کہا کہ کراچی کو میمن کمیونٹی کے حوالے کردیں، کراچی میں ٹیلنٹ سامنے نا آنے کی وجہ سہولیات کی کمی ہے.

افغانستان (ویب ڈیسک)20 برس کی طویل جنگ کا خاتمہ ہو گیا.طالبان نے آخر کار افغانستان کو امریکی فوجیوں سے مکمل خالی کرا لیا.تفصیلات کے مطابق طالبان کی جانب سے امریکہ کا 31 اگست کی ڈیڈ لائن دی گئی تھی .لہذٰا امریکا نےڈیڈلائن سے قبل ہی افغانستان سے اپنی تما م افواج کو نکال لیا. آخری امریکی فوجی بھی پیر کی رات 12 بجے سے پہلے ہی کابل ائیرپورٹ سے نکل گیا اوریوں امریکا کی 20 سالہ طویل جنگ کا خاتمہ ہوا ۔

امرکی افراج کی افغانستان سے مکمل انخلا کے بعد طالبان کے ترجمان ذبیح اللہ مجاہد نے ٹوئٹ کرتے ہوئے لکھا کہ ‘ ہمارے ملک نے اپنی مکمل آزادی حاصل کرلی ،آخری امریکی فوجی دستہ 12 بجے کابل ائیر پورٹ سے چلا گیا ہے ، خدا کا شکر ہے’۔ طالبان کی جانب سےامریکی فوج کے انخلا مکمل ہونے پرہوائی فائرنگ کی گئی اورخوب جشن منایا گیا ۔

طالبان کے ترجمان ذبیح اللہ مجاہد نے خوشی سے مزید ٹویٹ کیے اور لکھا کہ ‘شہری پریشان نہ ہوں ،کابل میں ہوائی فائرنگ کی آوازیں امریکی فوجیوں کے انخلا پر خوشی کا اظہار ہے ‘ ۔اس کے علاوہ سینیئر طالبان رہنما انس حقانی کا بھی اس موقع پر کہنا تھا کہ ہے کہ ‘ طالبان نے تاریخ رقم کردی ہے’۔ امریکا اورنیٹو کا افغانستان پر20 سال کا قبضہ آج ختم ہوگیا، 20 سال کےجہاد،قربانیوں اورسختیوں کےبعدیہ تاریخی لمحات قابل فخرہیں۔