Tag اقوام متحدہ

سری نگر(ویب ڈیسک) مقبوضہ کشمیر میں بھارتی فوج نے ایک کار پر فائرنگ کر کے کشمیری نوجوان شہید کر دیا۔ قابض بھارتی فوج کی جارحیت کا ایک اور واقعہ سامنے آیا ہے.کشمیر میڈیا سروس کے مطابق ضلع اسلام آباد میں بھارتی فوج نے ایک کار سوار نوجوان کو شہید کر دیا. نوجوان کی شناخت پرویز احمد کے نام سے ہوئی ہے۔ عینی شاہدین کا کہنا ہے کہ کارسوار نوجوان پرویز احمد نہتا تھا اوراس کی گاڑی سے بھی اسلحہ یا بارود برآمد نہیں ہوا۔اس واقعے کے بعد نوجوان کے اہل خانہ اور علاقہ مکینوں نے بھارتی فوج کے خلاف احتجاج کیا جس میں جدوجہد آزادی کشمیر کے حق میں نعرے لگائے گئے.

پیانگ یانگ (ویب ڈیسک) شمالی کوریا نے اقوام متحدہ کی جانب سے لگائی گئی ہتھیاروں‌ کے تجربات پر پابندی کے باوجود ایک بار پھر میزائل تجربہ کیا ہے.شمالی کوریا ان کے سفیر نے میزائل تجربات کو اپنا حق قرار دیا ہے واراپنےہتھیاروں کی تیاری کا دفاع بھی کیا ہے۔عالمی خبر رساں ادارے کے مطابق شمالی کوریا نے اس تجربے کے حوالے سے تفصیلات سے آگاہ نہیں کیا اور نہ ہی یہ واضح کیا ہے کہ یہ تجربہ کس قسم کے ہتھیار کا تھا۔
دوسری جانب جنوبی کوریا نے شمالی کوریا پرتنقید کرتے ہوئے کہا کہ یہ تجربہ علی الصبح ایک کھلے سمندر میں کیا گیا جس میں داغے گئے ’’پروکٹائل‘‘ نے ہدف کو نشانہ بنایا.اس کے علاوہ جاپان نے بھی دعویٰ کیا ہے کہ شمالی کوریا نے جو پروکٹائل تجربہ کیا ہے وہ دراصل بیلسٹک میزائل تھا جس کی تیاری پر اقوام متحدہ نے پابندی لگا رکھی ہے .

اسلام آباد (ویب ڈیسک)بھارت میں مقیم مسلمانوں پر ظلم کے پہاڑ ٹوٹ پڑے ہیں.بھارت میں موجود مسلمانوں پر بھارتی حکومت نے تشدد کیا اور کئی گھر مسمار کر دیئے.جس کے بعد پاکستان نے مسلمانوں پر حالیہ تشدد اور ان کی وحشیانہ بے دخلی سے متعلق معاملے کے خلاف بھارت کو اپنا احتجاج ریکارڈ کردیا ہے۔
ٹوئٹر پرایک ویڈیو وائرل ہوئی جس میں پولیس نے مسلمان باشندوں پر فائرنگ کی جس کے نتیجے میں ایک نوجوان زخمی ہوگیا جو زخموں کی تاب نہ لاتے ہوئے چل بسا. پولیس کے ہمراہ ایک کیمرہ مین اس کی لاش کو لاتیں مار اور اس پر کود رہا تھا۔اس کے علاوہ ویڈیو میں یہ بھی نظر آ رہا ہے کہ پولیس والے درختوں کے پیچھے سے ہی مسلمانوں پر اندھا دھند فائرنگ کر رہے تھے۔
اس واقعے میں 2 افراد جاں بحق ہو گئے. دفتر خارجہ کی جانب سے جو احتجاج ریکارڈ کرایا گیا اس میں کہا گیا کہ اڑی میں نام نہاد ‘انسداد دراندازی’ آپریشن بھارت کا جھوٹا آپریشن ہے جس کے بارے میں پاکستان دنیا کو خبردار کرتا رہا ہے، یہ پاکستان کو بدنام کرنے کی ایک پرانی بھارتی چال ہے۔

وادی (ویب ڈیسک) مقبوضہ کشمیر میں بھارت کی ریاستی دہشت گردی جاری ہے. مقبوضہ کشمیر میں قابض بھارتی فوج نے ضلع شوپیاں میں فائرنگ کر کے ایک نوجوان کو شہید کر دیا۔کشمیر میڈیا سروس کے مطابق بھارتی فوج نے گاؤں چتراگم میں نوجوان کو سرچ آپریشن کا بہانہ بنا کرنوجوان کو شہید کیا۔ علاوہ ازیں علاقے میں خوف و ہراس پھیلانے کیلئے انٹرنیٹ اور موبائل سروس کو بند کردیا۔بھارتی فوج نے گھر گھر تلاشی لیتے ہوئے چند نوجوانوں کو گرفتار بھی کر لیا۔ کشمیری عوام نے بھارتی فورسز کی اس ظالمانہ کارروائی کے خلاف احتجاج بھی کیا۔

جنیوا (ویب ڈیسک)ترک صدر طیب اردوان نے مسئلہ کشمیر کے حوالے سے اہم بیان دیا ہے.ان کاکہنا ہے کہ مسئلہ کشمیر کو اقوام متحدہ کی قراردادوں کے تحت حل کرنا چاہئے کیونکہ 74 برسوں سے کشمیری حق خود ارادی کے منتظر ہیں۔ تفصیلات کے مطابق اقوام متحدہ کی جنرل اسمبلی کے 76 ویں سیشن میں 193 ارکان سےترک صدر طیب اردوان نے خطاب کیا. خطاب کے دوران انہوں نے کہا ہے کہ کشمیر ایک سلگتا ہوا تنازع ہے اور یہ جنوبی ایشیا میں استحکام اور امن کا ضامن بھی ہے۔ترک صدر نے مسئلہ کشمر کے حل کے حوالے سے بات کرتے ہوئے اقوام متحدہ کی قراردادوں کی بنیاد پر حل کرنے پر زوردیا.انہوں نے مزید کہا کہ بھارت نے کشمیر کی خصوصی حیثیت ختم کر دی ہے اور اس مسئلے کو مزید پیچیدہ بنا دیا ہے۔
ترک صدر نے کہا کہ 74 برسوں سے کشمیر کے مظلوم عوام انتظار کر رہے ہیں کہ آخر کب اقوام متحدہ کی قراردادوں پر عمل ہوگا۔

اسلام آباد (ویب ڈیسک) اقوام متحدہ کے ہائی کمشنر برائے مہاجرین فلپپو گرانڈی سے آرمی چیف جنرل قمر جاوید کی ملاقات ہوئی . ملاقات کے دوران باہمی دلچسپی کے امور ، علاقائی سلامتی ، افغانستان کی موجودہ صورتحال اور انسانی امداد میں تعاون پرگفتگو کی گئی ۔آئی ایس پی ار کے مطابق آرمی چیف نے کہا کہ افغانستان میں انسانی ہمدردی اور پناہ گزینوں کے بحران سے بچنے کے لیے عالمی کوششوں کو یکجا کرنے کی ضرورت ہے ۔
آرمی چیف نے اقوام متحدہ کے بحرانوں کے دوران یو این ایچ سی آر کے کے کردار کی تعریف کی. علاوہ ازیں ہائی کمشنر نے بھی4 دہائیوں سے زائد عرصے تک چار لاکھ افغان مہاجرین کی میزبانی کے حوالے سے پاکستان کی کوششوں کا اعتراف کیا اور افغان صورتحال میں پاکستان کے کردار کو بھی سراہا۔
اقوام متحدہ کے ہائی کمشنر برائے مہاجرین فلپو گرانڈی نے ایوان صدر میں صدر عارف علوی سے بھی ملاقات کی.صدر مملکت نے اقوام متحدہ کے ہائی کمشنر برائے مہاجرین کا خیرمقدم کرتے ہوئے کہا کہ افغانستان میں طویل جنگ نے وام کی مشکلات میں اضافہ کیا ہے لہذٰا انہیں انسانی اور معاشی امداد کی اشد ضرورت ہے.

اقوام متحدہ کی سلامتی کونسل نےامریکہ میں نائن الیون کے دہشت گردانہ حملوں کے 20 سال مکمل ہونے پر دہشت گردی کے خلاف جنگ جاری رکھنے کے عزم کا اعادہ کیا ہے ۔
سلامتی کونسل نے ایک پریس بیان میں کہا کہ سلامتی کونسل کے اراکین آج بھی اتنے ہی متحد ہیں جتناکہ 20 سال پہلے دہشت گردی کی تمام اشکال اورکسی بھی جگہ پراس کے ابھرنے کو بین الاقوامی قانون کے مطابق روکنے اور اس کا مقابلہ کرنے کے لئے پرعزم تھے ۔
بیان میں کہا گیا ہے کہ اس بات کو سمجھتے ہوئے کہ ان حملوں میں 90 سے زائد ممالک نے اپنے شہریوں کو کھویا ، سلامتی کونسل کے ارکان ہلاک ہونے والوں کے اہل خانہ اور دوستوں کے ساتھ تعزیت کا اظہار کرتے ہیں۔
بیان میں کہا گیا کہ آج ، سلامتی کونسل کے اراکین اقوام متحدہ کے منشورمیں آنے والی نسلوں کو جنگ کی لعنت سے بچانے اور بین الاقوامی امن وسلامتی کو برقرار رکھنے کے لئے متحد رہنے کے عزم کااعادہ کرتے ہیں۔ بیان میں مزید کہاگیا ہے کہ دنیا کو زیادہ محفوظ اور مامون بنانے کے لئے ہمارے اہم ترین مقصد میں یہ عہد تمام ممالک کی رہنمائی کے لئے روشنی فراہم کرتا ہے۔

نیویارک(ویب ڈیسک) اقوام متحدہ کے سیکرٹری جنرل انتونیو گوتریس کا کہنا ہے کہ عالمی برادری کو طالبان کے ساتھ بات چیت جاری رکھنی چاہیے۔
اقوام متحدہ کے سیکرٹری جنرل انتونیو گوتریس نے عالمی برادری سے طالبان کے ساتھ بات چیت جاری رکھنے پر زور دیتے ہوئے کہا کہ ہم نہیں جانتے طالبان سے بات چیت کا کیا نتیجہ نکلے گا لیکن اگر ہم چاہتے ہیں کہ افغانستان دہشت گردی کا مرکز نہ بنے، خواتین اور اقلیتوں کو ان کے حقوق ملیں تو ہمیں طالبان سے بات کرنی ہوگی۔

انتونیو گوتریس نے کہا کہ ہم چاہتے ہیں کہ افغانستان میں مخلوط حکومت بنے جس میں افغان معاشرے کے تمام جز شامل ہوں لیکن طالبان نے جس حکومت کا اعلان کیا ہے اس میں ایسا کچھ نظر نہیں آتا، ہم چاہتے ہیں کہ افغانستان میں تمام لوگوں کے حقوق کو عزت دی جائے اور امن و استحکام کے ساتھ حکومت کی جائے۔اقوام متحدہ کے سیکرٹری جنرل کا کہنا تھا کہ افغانستان میں معاشی بحران کا خدشہ ہے لہذا ہمیں لاکھوں افراد کو بھوک کے باعث موت کے منہ میں جانے سے روکنا ہو گا۔

قومی اسمبلی میں قائد حزب اختلاف شہباز شریف نے بھارتی حکومت کی جانب سے مقبوضہ کشمیر کے خصوصی اختیارات سے متعلق آرٹیکل 370 ختم کرنے کی شدید الفاظ میں مذمت کی ہے۔

شہباز شریف نے بھارتی اقدام کو ناقابل قبول قرار دیتے ہوئے کہا کہ مودی سرکار کا فیصلہ اقوام متحدہ کے خلاف اعلان بغاوت اور جنگ ہے۔

رہنما مسلم لیگ ن نے کہا کہ پاکستان فی الفور اقوام متحدہ کی سلامتی کونسل کا ہنگامی اجلاس بلانے کا مطالبہ کرے۔انہوں نے کہا کہ چین، روس، ترکی، سعودی عرب اور دیگر دوست ممالک سے فوری رابطہ اور مشاورت کی جائے۔

شہباز شریف نے کہا کہ کشمیریوں کو پیغام دیتے ہیں کہ ان کے جائز قانونی اور انسانی حقوق کے لیے پاکستان ہر حد تک جائے گا، کشمیری تنہا نہیں،کشمیر پاکستان کی شہہ رگ ہے۔

قائد حزب اختلاف نے کہا کہ قائداعظم کے اس فرمان پر ہر پاکستانی کٹ مرنے کو تیار ہے کہ ہماری شہہ رگ اور قومی عزت و غیرت پر ہاتھ ڈالنے والا بھیانک انجام سے دوچار ہو گا۔

شہباز شریف نے کہا کہ مقبوضہ کشمیر کی خصوصی حیثیت ختم کرنے کی کوشش بھارتی سپریم کورٹ اور ہائیکورٹ کے فیصلوں کی بھی توہین ہے۔

انہوں نے کہا کہ استصواب رائے کشمیریوں کا جمہوری حق ہے لیکن بھارت کشمیر میں جمہوریت کا قتل کر رہا ہے جو عالمی برادری کا امتحان ہے۔

شہباز شریف نے کہا کہ کشمیر کی صورت حال پر پارلیمان کا مشترکا ہنگامی اجلاس بلایا جائے، صورتحال کا گہرائی سے جائزہ لے کر جامع حکمت عملی مرتب کی جائے کیونکہ یہ پاکستان کے قومی مفاد کا معاملہ ہے، اس پر پورا پاکستان ایک ہے۔

انہوں نے کہا کہ سیاسی وعسکری قیادت کے اجتماعی فیصلوں کا وقت آگیا ہے، کشمیر کاز کے لیے پاکستان ایک آواز اور متحد ہے۔

بڑھتا ہوا اسلام دشمن رویہ امن کیلئے خطرہ ہے ‘مغرب میں پروان چڑھنے والی انتہا پسند و نسل پرست سوچ عالمی بھائی چارے کی راہ میں رکاوٹ ہے‘امن پسندی کے پُل تعمیر کرنا ناگزیر ہے : ڈاکٹر ملیحہ لودھی
نیویارک(ایمرا نیوز آن لائن)اقوام متحدہ میں ترکی کی جانب سے مذہب اور تعصب کی بنیاد پر دہشت گردی کے خلاف پیش کردہ قرارداد منظور کرلی گئی ہے ،پاکستان کی حمایت سے ترکی نے نیوزی لینڈ کے شہر کرائسٹ چرچ میں 2مساجد پر حملوں اور اسلام دشمن رویوں کے تناظر میں قرار داد پیش کی۔پاکستان نے قرارداد کے متن اور خدوخال وضع کرنے میں کلیدی کردار ادا کیا۔اقوام متحدہ میں پاکستان کی مستقل مندوب ڈاکٹر ملیحہ لودھی نے کہا ہے کہ قرارداد اسلام دشمن رویوں پر مبنی بڑھتی انتہا پسندی اور تنگ نظری کی مخالفت کرتی ہے، بڑھتے ہوئے اسلام دشمن رویے عالمی امن کیلئے خطرہ ہیں۔ملیحہ لودھی نے کہا کہ ہمارے خطے میں بھی انتہا پسند گروہ مذہب کی بنیاد پر انتشار اور امن دشمنی کو فروغ دے رہے ہیں، مغرب میں پروان چڑھنے والی انتہا پسند نسل پرست سوچ عالمی بھائی چارےکی راہ میں رکاوٹ ہے۔پاکستانی مندوب کا کہنا تھا کہ ہمیں دیواریں کھڑی کرنے کے بجائے امن پسندی کے پُل تعمیر کرنے چاہییں، کسی مذہب، نسل اور رنگ کے لوگوں کو نفرت، انتہا پسندی اور استحصال کا نشانہ نہیں بننے دے سکتے۔انہوں نے کہا کہ پاکستان نے ہمیشہ اقوام، مذاہب اور تہذیبوں کو قریب لانے کی کوششوں کی حمایت کی ہے۔