Tag ایمرانیوز

نیوزی لینڈ(ویب ڈیسک) نیوزی لینڈ کے میڈیا نے دعویٰ کیا ہےکہ انٹیلی جنس اتحاد کی جانب سے خطرے سے آگاہ کرنے پر نیوزی لینڈ نے پاکستان کا دورہ منسوخ کرنے کا فیصلہ کیا۔
نیوزی لینڈ میڈیا کی رپورٹ میں کہا گیا ہےکہ پانچ ملکی انٹیلی جنس اتحاد نے نیوزی لینڈ ٹیم کو دورہ پاکستان ختم کرنے کا کہا، نیوزی لینڈ،آسٹریلیا،کینیڈا،امریکا اور برطانیہ کے انٹیلی جنس اتحاد نے خطرے سے آگاہ کیا۔

نیوزی لینڈ میڈیا کا کہنا ہے کہ پانچ ملکی انٹیلی جنس اتحاد کا بتایا گیا سکیورٹی خطرہ قابل اعتماد سمجھا گیا اور نیوزی لینڈ کی حکومت نے کرکٹ حکام کے فیصلے کی حمایت کی۔میڈیا رپورٹ کے مطابق نیوزی لینڈ، پاکستان کی حکومتوں اورکرکٹ بورڈزکے درمیان 12 گھنٹے گفتگو ہوئی، حکومتوں اور بورڈز کی اس طویل گفتگو کے بعد دورہ ختم کیا گیا۔
واضح رہےکہ گزشتہ روز پاکستان اور نیوزی لینڈ کے میچ سے کچھ دیر پہلے نیوزی لینڈ نے سکیورٹی وجوہات کو بنیاد بناکر پاکستان کا دورہ منسوخ کردیا جس کے بعد دونوں ممالک کے درمیان سیریز بھی ملتوی ہوگئی۔

لاہور(ویب ڈیسک)موٹروے پاکستان کی عام سڑکوں کے مقابلے میں بہترین شاہراہ ہے جہاں سفر ارام دہ ہے،،ابموٹروے پولیس نے لاہور سے ملتان موٹروے پر پیٹرولنگ کیلئے ڈرون کیمروں کا استعمال شروع کردیا۔
سینیئر سپرٹنڈنٹ آف پولیس (ایس ایس پی) موٹروے سید حشمت کمال کے مطابق موٹروے ایم تھری پر ڈورنز کی مدد سے قوانین کا نفاذ کیا جارہا ہے اور ٹریفک قوانین کی خلاف ورزیوں کو بھی چیک کیا جارہا ہے۔
ان کا کہنا تھاکہ ڈرون کیمروں کے استعمال سے جرائم کی مؤثر اور بروقت روک تھام کیلئے بھی مدد ملے گی۔ایس ایس پی کا کہنا تھا کہ ٹیکنالوجی کے استعمال سے ٹریفک کو کنٹرول اور محفوظ سفر کو یقینی بنانے میں بھی مدد ملے گی۔

لاہور(ویب ڈیسک)اللہ تعالیٰ کسی کو اس غم سے دو چار نہ کرے،،،اداکارہ حرا مانی کے والد سید فرخ جمال انتقال کرگئے۔
حرا مانی کے شوہر اداکار سلمان شیخ المروف مانی نے فیس بک پر پوسٹ کرتے ہوئے مداحوں کو سسر کے انتقال کی خبر دی۔مانی نے بتایا کہ حرا مانی کے والد سید فرخ کا انتقال ہوگیا ہے اور ان کی نماز جنازہ آج ادا کی جائے گی۔اداکارہ کے والد کے انتقال کی وجہ سامنے نہیں آئی ہے۔ گزشتہ روز اداکارہ حرا مانی نے والد کی تصویر کے ساتھ ایک پوسٹ بھی لگائی تھی جس میں انہوں نے والد کو بہترین رہنما قرار دیا تھا۔انہوں نے لکھا تھاکہ والد نے سکھایا کہ نماز کے بعد ہمیشہ دعا کرو کہ اللہ ہمارے دل میں اپنے بندوں کیلئے رحم رکھے۔

بالی وڈ کے دبنگ اسٹار سلمان خان منہ بولی بہن الویرا اگنی ہوتری کی صاحبزادی علیزے اگنی ہوتری کی بالی وڈ انٹری سے قبل کمرشل ویڈیو سے ہی خاصے متاثر ہوگئے۔

بھارتی میڈیا رپورٹس کے مطابق، علیزے اگنی ہوتری حالیہ دنوں میں ایک جیولری برانڈ کے لیے بنائے جانے والے کمرشل میں اداکاری سے مداحوں کو خاصا متاثر کرچکی ہیں۔

اب علیزے کی کمرشل پرفارمنس سے سلمان خان بھی خاصے متاثر نظر آتے ہیں جس کا اظہار سلمان خان کی جانب سے انسٹاگرام پر شیئر کی گئی کمرشل ویڈیو کے ذریعے کیا گیا ہے۔سلمان خان نے علیزے اگنی ہوتری کی کمرشل ویڈیو شیئر کرتے ہوئے لکھا کہ ’ارے واہ علیزے تم کتنی اچھی لگ رہی ہو۔‘

سلمان نے اپنی پوسٹ میں علیزے کے لیے نیک تمناؤں کا اظہار بھی کیا۔خیال رہے کہ اس سے قبل 2019 میں بھی علیزے اگنی ہوتری کے والد اداکار اتُل اگنی ہوتری کی جانب سے انکشاف سامنے آچکا ہے کہ علیزے بھی بالی وڈ میں اپنا کیریئر بنائیں گی۔

خیال رہے کہ اس سے قبل 2019 میں بھی علیزے اگنی ہوتری کے والد اداکار اتُل اگنی ہوتری کی جانب سے انکشاف سامنے آچکا ہے کہ علیزے بھی بالی وڈ میں اپنا کیریئر بنائیں گی۔

ممبئی(ویب ڈیسک)بالی ووڈ اداکارہ پریانکا چوپڑا نے رئیلیٹی شو’’دی ایکٹیوسٹ‘‘ کا حصہ بننے پر معافی مانگ لی۔

گزشتہ ہفتے خبریں سامنے آئی تھیں کہ اداکارہ پریانکا چوپڑا امریکی رئیلیٹی شو’’دی ایکٹیوسٹ‘‘ کا حصہ بن گئی ہیں اور امریکی گلوکار وسونگ رائٹر اشر اور جولیانے کے ساتھ شو کو جج کریں گی۔
دراصل یہ رئیلیٹی شو 6 سرگرم کارکنوں کی تین ٹیموں پر مبنی تھا جو سماجی مسئلوں پر آواز اٹھاتے ہیں اور معاشرے میں تبدیلی لاتے ہیں۔ شو کا بنیادی مقصد بھی یہی تھا کہ اس میں حصہ لینے والے تمام کھلاڑی ایک دوسرے سے مقابلہ کرتے ہوئے معاشرے میں تبدیلی لے کر آئیں۔
شو کے فارمیٹ کے مطابق اس میں 6 لوگ حصہ لینے والے تھے اور پریانکا، اشر اور جولیانا ان 6 لوگوں کی تین ٹیموں کے جج تھے۔ شو میں یہ تینوں ٹیمیں اپنے مقاصد کے حصول کے لیے ایک دوسرے کے خلاف مقابلہ کرنے والی تھیں اور جو ٹیم سب سے اچھا مظاہرہ کرتی اسے فاتح قرار دیاجاتا۔

تاہم سوشل میڈیا پر شو کے فارمیٹ کو لے کر تنازع کھڑا ہوگیا اور لوگوں نے اس پر تنقید کرنی شروع کردی۔ لوگوں کا شو کے بارے میں کہنا ہے کہ سماجی کارکن ایک دوسرے کے خلاف مقابلہ نہیں کرتے بلکہ یہ شو ایک دوسرے کے ساتھ تعاون کرتے ہوئے سماجی تبدیلی لانے کے بارے میں ہونا چاہئے تھا۔

لوگوں نے یہ بھی کہا کہ اس شو میں بہت زیادہ پیسہ خرچ کیا جارہا ہے بڑے بڑے اور مہنگے سیلیبریٹیز کو شو میں لایا جارہاہے تو اس سے بہتر تو یہ ہے کہ آپ یہ پیسہ ٹی وی شو میں لگانے کے بجائے براہ راست سماج میں تبدیلی لانے کے لیے خرچ کریں۔ لوگوں نے شو کے اعلان کے بعد بڑی تعداد میں منفی ردعمل دیا اور شو کو بے حسی پر مبنی قرار دیا۔

شو کو ملنے والے منفی ردعمل کے بعد پریانکا چوپڑا نے اپنے سوشل میڈیا اکاؤنٹ پر ایک آفیشل بیان جاری کیا ہے جس میں انہوں نے اپنے مداحوں کو مایوس کرنے پر معافی مانگی ہے۔ اپنی پوسٹ میں انہوں نے اس بات کا بھی ذکر کیا ہے کہ میکرز اس شو کے فارمیٹ کا دوبارہ جائزہ لے رہے ہیں۔

پریانکا چوپڑا نے اپنی پوسٹ میں لکھا میں گزشتہ ہفتے سے آپ لوگوں کا ردعمل دیکھ رہی ہوں اور جب لوگ بڑی تعداد میں کسی چیز کے بارے میں آواز اٹھاتے ہیں تو ہمیشہ اس کا اثر ہوتا ہے۔ شو غلط ہوگیا اور مجھے افسوس ہے کہ شو میں میری شرکت نے آپ میں سے بہت سے لوگوں کو مایوس کیا۔

’’دی ایکٹیوسٹ‘‘ رئیلیٹی شو سی بی ایس اور گلوبل سٹیزن کے تعاون سے پیش کیاجارہا تھا۔ تاہم بدھ کے روز سی بی ایس اور ان کے پروڈکشن پارٹنر زگلوبل سٹیزن اور لائیو نیشن نے اپنے ایک بیان میں کہا کہ وہ ’’دی ایکٹیوسٹ‘‘ کی پانچ قسطوں پر مشتمل مقابلہ سیریز کے بجائے اب اسے ایک وقتی دستاویزی فلم کے طورپر دوبارہ تشکیل دے رہے ہیں۔

مہنگائی بے شک بہت زیادہ ہے لیکن اس مہنگائی کا سے نمٹنا بھی ضروری ہے تواس کاحل تلاش کرتے ہیں..
پاکستان میں حکومت نے گزشتہ روز پیٹرول کی قیمت میں 5 روپے فی لیٹر کا اضافہ کیا ہے جس کے بعد پاکستان میں پیٹرول کی فی لیٹر قیمت 123 روپے 30 پیسے فی لیٹر ہوگئی ہے۔
پیٹرولیم مصنوعات کی قیمتوں میں ردوبدل کسی بھی ملک میں مہنگائی پر براہ راست اثر انداز ہوتا ہے۔
ایک ایسے وقت میں جب پاکستان میں مہنگائی اپنی بلندیوں پر ہے اس اضافے کے لوگوں کی زندگی پر براہ راست اثرات ہوں گے ۔ تاہم حکومتی وزیروں کا کہنا ہے کہ اس اضافے کے باوجود پاکستان میں پیٹرول کی قیمت خطے کے دیگر ممالک کی نسبت اب بھی کم ہے۔

پیٹرول کی قیمتوں میں فرق کیوں ہوتا ہے؟
دنیا کے تمام ممالک میں پیٹرول کی قیمتوں میں کافی فرق ہے۔ اس کا ایک سادہ اصول ہے کہ امیر ممالک میں قیمتیں زیادہ( امریکا کےسوا) ہوتی ہیں جبکہ غریب ممالک اور تیل پیدا کرنے و برآمد کرنے والے ممالک کی قیمتیں نمایاں طور پر کم ہوتی ہیں۔
مختلف ممالک میں قیمتوں میں فرق کی وجہ پیٹرول پر عائد مختلف مقامی ٹیکسز اور سبسڈیز ہیں ۔ تمام ممالک کو بین الاقوامی منڈیوں سے خام تیل تقریباً یکساں قیمتوں میں ہی دستیاب ہوتا ہے لیکن پھر یہ حکومتیں مختلف مقامی ٹیکس لگاتی ہیں جن کے نتیجے میں ، وہاں پیٹرول کی قیمتیں مختلف ہوتی ہے۔
آئیے نظر ڈالتے ہیں کہ دنیا کے کن ممالک میں پیٹرول کی قیمت سب سے کم ہے اور وہ کون سے ممالک ہیں جہاں پیٹرول کی قیمت سب سے زیادہ ہے۔
سب سے سستا پیٹرول کہا ہے؟
اگر آپ سمجھتے ہیں دنیا میں سب سے سستا پیٹرول کسی خلیجی ریاست میں ہے تو آپ غلط ہیں۔ اس وقت دنیا میں سب سے سستا پیٹرول براعظم جنوبی امریکا کے ملک وینز ویلا میں ہے ۔
وینزویلا میں اس وقت پیٹرول تقریباً 3 روپے 36 پیسے فی لیٹر (پاکستانی روپے میں) فروخت ہو رہا ہے۔ وینزویلا تیل و گیس کی دولت سے مالا مال ہے اس لیے وہاں پیٹرول اس قدر سستا ہے۔
وینزویلا کے بعد سب سے سستا پیٹرول پاکستان کے پڑوسی ملک ایران میں ہے ۔ جہاں پیٹرول کی قیمت 10 روپے 8 پیسے فی لیٹر ہے۔ اس کے علاوہ شام تیسرے نمبر ہے جہاں پیٹرول 38روپے 79 پیسے فی لیٹر فروخت ہو رہا ہے۔
سب سے مہنگا پیٹرول کہاں ہے؟
دنیا میں سب سے مہنگا پیٹرول ہانگ کانگ میں ہے جہاں آپ کو ایک لیٹر پیٹرول کی خریداری کے لیے 426 پاکستانی روپے ادا کرنا ہوتے ہیں۔ اس کے بعد یورپی ملک نیدرلینڈز ہے جہاں فی لیٹر پیٹرول کی قیمت (پاکستانی روپے میں) 367روپے 24 پیسے ہے۔

لاہور (ویب ڈیسک)محکمہ موسمیات نے بارشوں کی پیشگوئی کر دی ہے .تفصیلات کے مطابق محکمہ موسمیات کا کہنا ہے کہ لاہور، گوجرانوالہ، سیالکوٹ میں شدید بارشوں کا امکان ہے.علاوہ ازیں زیریں سندھ اور کشمیر میں بھی بادل برسنے کو تیار ہیں .محکمہ موسمیات کے مطابق زیریں سندھ میں حیدرآباد، ٹھٹھہ، مٹھی اور دیگر علاقوں میں تیز ہواؤں کے ساتھ بارشوں کا سلسلہ جاری ہو سکتا ہے ۔ گوجرانوالہ، لاہور، سیالکوٹ اور نارووال میں چند مقامات پر بھی گرج چمک کے ساتھ بارش کا امکان ہے۔ کشمیر میں بھی بادل برسنے کی توقع ہے۔

اسلام آباد(ویب ڈیسک)مہنگائی کے بعد پھر مہنگائی،عوام پریشان…حکومت نے پیٹرول کی قیمت میں 5 روپے فی لیٹر اضافہ کردیا۔
گزشتہ روز اوگرا کی جانب سے پیٹرولیم مصنوعات کی قیمتوں میں ساڑھے 10 روپے اضافے کی سمری پیٹرولیم ڈویژن کو ارسال کی گئی تھی جب کہ وزارت خزانہ نے پیٹرول کی قیمت میں اضافے کی سمری موصول ہونے کی بھی تصدیق کردی تھی۔
حکومت نے پیٹرول کی قیمت میں 5 روپے فی لیٹر اضافہ کردیا اور ڈیزل کی قیمت میں 5 روپے ایک پیسہ اضافہ کیا گیا ہے جب کہ لائٹ ڈیزل آئل کی قیمت میں 5 روپے 92 پیسے اور مٹی کی تیل کی قیمت میں 5 روپے 42 پیسے فی لیٹر اضافہ ہوا ہے۔واضح رہے وزارت خزانہ کو بھیجی گئی سمری میں پیٹرول کی قیمت میں ایک روپیہ فی لٹر اضافے کی تجویز دی گئی تھی تاہم حکومت نے تجویز کے برعکس 5 روپے اضافہ کیا ہ

ممبئی (ویب ڈیسک)دیپیکا پڈوکون بالی ووڈ کی سب سے خوبرو،اسٹائلش اور خوبصورت اداکاراوں میں شمار کی جاتی ہیں ۔ خواہ سلیک ہیئر ڈو ہو یا پھر باڈی کان ڈریسیز ، دیپیکا کا فیشن ہمیشہ سے ٹاپ پر رہتا ہے ۔ لیکن رنویر سنگھ سے شادی کے بعد سے ہی دیپیکا پڈوکون کئی مواقع پر اپنی عجیب و غریب ڈریس کی وجہ سے ٹرولرس کے نشانے پر آجاتی ہیں ۔ منگل کو بھی کچھ ایسا ہی ہوا ، جب دیپیکا کی ڈریس کو دیکھ کر لوگ سکتے میں آگئے ۔ کئی لوگوں نے تو ان کی اس ڈریس کے پیچھے شوہر رنویر سنگھ کو ہی ذمہ دار ٹھہرا دیا ۔منگل کو دیپیکا ممبئی کے پرائیویٹ ایئرپورٹ کے باہر دیکھی گئیں ۔

یہان دیپیکا گرین آور آل ڈریس کے ساتھ لمبا ونٹر کوٹ پہنے ہوئی نظر آئیں ۔ اس کوٹ پر گرین بڑے چیک بنے ہوئے تھے ۔ دیپیکا کو اس اوتار میں دیکھ کر کئی لوگوں نے حیرانگی کا اظہار کیا ۔

کراچی(ویب ڈیسک)اداکارہ فضا علی بیمار ہیں اور اسپتال میں داخل ہیں جہاں سے انہوں نے اپنے مداحوں سے ان کے لیے جلد صحت یابی کی دعا کرنے کی درخواست کی ہے۔

اداکارہ و گلوکارہ اور میزبان فضا علی نے گزشتہ روز اپنے انسٹاگرام اکاؤنٹ پر چند اسٹوریز پوسٹ کیں جن کے ذریعے انہوں نے مداحوں کو بتایا کہ وہ بیمار ہیں۔ تصاویر میں ان کے ہاتھ میں آئی وی بھی لگی ہوئی نظرآرہی ہے۔تصاویر میں دیکھا جاسکتا ہے کہ اداکارہ فضا علی اسپتال کے بیڈ پر بیٹھی ہوئی ہیں جب کہ ایک تصویر میں ان کی بیٹی بھی ان کی گود میں بیٹھی ہوئی ہے۔ فضا علی نے اسٹوریز میں لکھا کہ وہ بیمار ہیں اور مداحوں سے درخواست کی کہ ان کی جلد صحت یابی کے لیے دعا کری