Tag ایمرانیوز

مدھیا پردیش(ویب ڈیسک)ویسے تو دنیا جہان میں‌بہت ہی انوکھے واقعات ہوتے رہتے ہیں‌ لیکن اس بار حد ہی ہوگئی ہے اور یہ عجیب واقعہ پڑوسی ملک میں‌ہواہے، بھارتی ریاست مدھیا پردیش میں 6 لڑکیوں کو بارش کے لیے پورے گاؤں میں برہنہ گھمایا گیا۔

بھارتی ریاست مدھیا پردیش میں خشک سالی سے متاثرہ گاؤں بندیل خند میں 6 لڑکیوں کو بارش کے لیے برہنہ کرکے پورے گاؤں کا چکر لگایا گیا، سوشل میڈیا پر وائرل ویڈیو میں دیکھا جاسکتا ہے کہ لڑکیوں کے کندھے پر لکڑی رکھی ہوئی تھی جس پر ایک مینڈک کو باندھا گیا تھا۔

مقامی افراد کے مطابق یہ رسم بارش برسانے کے لیے کی جاتی ہے، اس سے بارش برسانے والا بھگوان خوش ہوتا ہے اور پورے علاقے میں بارش ہوتی ہے، لڑکیوں کو ایک جلوس کی شکل میں گھمایا گیا جو گاؤں کے ہر گھر کے باہر کچھ دیر کے لیے رکتا تھا۔
دوسری جانب ضلع کے ڈپٹی کلیکٹر کے مطابق اس رسم سے لڑکیوں کے والدین بھی خوش تھے اور وہ خود اس میں شریک ہوئے تھے جب کہ پولیس کا کہنا ہے کہ اس حوالے سے کوئی شکایت سامنے نہیں آئی اگر کسی نے شکایت درج کرائی تو کارروائی کی جائے گی

نیویارک(ویب ڈیسک) امریکی ماہرِ اعصابیات و نفسیات اور اس شعبے میں ڈاکٹریٹ کرنے والی ماہرہ وینڈی سوزوکی نے اپنے تجربے کے بنیاد پر انتہائی قیمتی مشورے دیئے ہیں جن پر عمل کرکے دماغی مضبوطی، نفسیاتی اور اعصابی سکون اور توانائی حاصل کی جاسکتی ہے۔ ان کے 6 ٹوٹکے درج ذیل ہیں:
1: مثبت نتائج کا تصور کیجیے
دن کے آغاز سے انجام تک، اپنے، اپنے گھر کے اور بچوں کے تمام چھوٹے بڑے معاملات جب بھی یاد آئیں ان میں سے ہر ایک کا اختتام مثبت طور پر سوچیں اور اس کا ایک نقشہ یا خیالی منظر ذہن میں جمائیں۔ یہ نہیں کہ صرف اچھا انجام سوچیں بلکہ سب سے بہترین صورتحال کا تصور کیجئے۔

اس سے نہ صرف دماغ مثبت سوچنے لگے گا، جسم پر اچھے اثرات مرتب ہوں گے بلکہ مسائل کے حل کے نئے راستے بھی نکلیں گے۔

2: بے چینی اور اضطراب کو ترقی میں بدلیں

مشکلات اور چیلنج میں ہماری دماغی لچک بڑھ جاتی ہے اور کوشش کی جائے تو اس سے فائدہ اٹھایا جاسکتا ہے۔ اس موقع پر ہمیں جائزہ لینا چاہیے کہ پرسکون کیسے ہیں، صورتحال کا دوبارہ جائزہ لیا جائے، خیالات کو مثبت انداز میں جمع کرکے درست فیصلے کئے جائیں۔

یعنی بے چینی اور منفی جذبات کو گھماکر دوسرے مثبت کاموں میں بھی استعمال کیا جاسکتا ہے جس کی لاتعداد مثالیں ہیں۔ ان میں سے چند درج ذیل ہیں۔

غصہ آپ کی توجہ کھاجاتا ہے اور عمل کو روکتا ہے لیکن اسی سے آپ جذبہ لے کر اپنی توجہ بڑھا سکتےہیں۔

خوف وہ جذبہ ہے جو ماضی کی ناکامیاں بھی یاددلاتا ہے، یہ توجہ اور ارتکاز کو تباہ کرتا ہے اور آپ کی صلاحیتوں کو گھن لگادیتا ہے ، یا پھر آپ کو درست اور واضح فیصلے میں مدد بھی دے سکتا ہے اور بدلتی ہوئی فضا میں آپ کے لیے مواقع بھی بڑھاتا ہے۔

اداسی سے دل بجھ جاتا ہے اور انسان حوصلہ ہارنے لگتا ہے یا پھر اس کی بدولت آپ اپنی ترجیحات نئے سرے سے مرتب کرسکے، ماحول اور واقع کو اپنے حق میں ہموار کرسکتے ہیں۔

پریشانی سے کوئی فائدہ نہیں ہوتا ہے اور انسان اپنے مقصد سے دور ہوتا جاتا ہے یا پھر آپ اپنے مسائل کے حل پر توجہ دے سکتےہ یں، اپنی توقعات کی درجہ بندی کرسکتے ہیں اور حقیقت پر مبنی منصوبے بناسکتے ہیں۔

فرسٹریشن سے دل بیٹھنے لگتا ہے یا پھر آپ اسے استعمال کرکے مزید بہتر کام کرسکتے ہیں۔

لاہور(ویب ڈیسک) مظفرگڑھ میں تفتیش کے لیے جانے والی پنجاب پولیس کی جینڈر کرائم آفیسر کو کار سوار نے اسلحے کے زور پر اغوا کر کے زیادتی کا نشانہ بنا ڈالا۔
میڈیا رپورٹس کے مطابق مظفرگڑھ کے تھانہ صدر میں لیڈی انسپکٹر جینڈر کرائمز تفتیش کے لیے رکشے میں پولیس اسٹیشن آرہی تھیں تاہم ڈی پی او ہاؤس سے کچھ دور پہلے کار سوار ملزم نے خاتون انسپکٹر کو اسلحے کے زور پر اغوا کرکے کار میں لے گیا۔کار سوار ملزم جینڈر کرائم خاتون پولیس انسپکٹر کو چمن بائی پاس کے قریب باغات میں لے گیا اور اسلحے کے زور پر مبینہ طور پر زیادتی کا نشانہ بنایا جب کہ مزاحمت پر ملزم خاتون آفیسر پر تشدد بھی کرتا رہا۔

زیورخ(ویب ڈیسک) پاکستان میں تو یہ رحجان کم ہے لیکن امریکہ اور دیگر ممالک کے گھروں اور دفاترمیں فرش پر لکڑی کی پرت چڑھائی جاتی ہیں۔ اب لکڑی کے اس فرش پر سلیکن کی باریک تہہ چڑھا کر اس میں دھاتی آئن ملاکر اب چلتے پھرتے بجلی بنائی جاسکتی ہے۔

نظری طور پر اس ماحول دوست ٹٰیکنالوجی سے یہ ممکن ہے کہ لوگوں کی چلت پھرت سے ایک ایل ای ڈی بلب بھی جلایا جاسکتا ہے۔ اس طرح کسی تقریب اور کانفرنس وغیرہ میں اس فرش اور قدموں سے اس سے بھی زیادہ بجلی پیدا کی جاسکتی ہے۔ہم جانتے ہیں کہ بعض اقسام کے مٹیریئل جب دوسری قسم کے مادوں سے ملتے یا جدا ہوتے ہیں تو چارج پیدا کرتے ہیں۔ اس مظہر کو ’ٹرائبو الیکٹرک اثر‘ کہتے ہیں۔ اس میں ایک سطح سے الیکٹران اتر کر دوسرے مٹٰیریئل پر جاتے ہیں۔ جو مادہ الیکٹرون لے وہ ٹرائبو نگیٹوو کہلاتے ہیں اور جو الیکٹرون دیتے ہیں وہ ٹرائبوپازیٹوو کہلاتے ہیں۔
اسی بنا پر ای ٹی ایچ زیورخ کے پروفیسر گوئیڈو پینزراسا اور ان کے محقق ساتھیوں نے لکڑی کی ٹائل نما چادر پر سلیکن لگایا۔ اب سلیکن والی لکڑی کسی شے سے متصل ہونے پر الیکٹران لینے لگی۔ اس کے بعد دوسرے پینل میں نینوکرسٹل شامل کئے گئے۔ یہ نینو کرسٹل ’زیولیٹک آئمائی ڈیزولیٹ فریم ورک8 پرمشتمل تھے جسے مختصراً زیڈ آئی ایف ایٹ کا نام دیا گیا ہے۔ یہ ایک ایسا مرکب ہے ہے جس میں دھاتی آئن اور کچھ نامیاتی سالمات ہوتے ہیں۔ ان کرسٹلز کی خاصیت یہ ہوتی ہے کہ وہ الیکٹرون کھودیتے ہیں۔ فزکس کی زبان میں یہ عمل ’فنکشنلائزیشن‘ کہلاتا ہے۔
اس طرح عام لکڑی کے مقابلے میں الیکٹرون لینے اور دینے کی شرح 80 فیصد تک بڑھ گئی اس طرح لکڑی کی دو پرتوں پر چلنے سے اتنی بجلی ضرور بنی کہ اس سے ایک ایل ای ڈی بلب جلایا جاسکتا ہے۔ اس طرح 2 سینٹی میٹر چوڑے اور 5 سینٹی میٹر لمبے لکڑی کے ٹکڑے پر جب 50 نیوٹن کی قوت لگائی جائے تو اس دباؤ سے 23 وولٹ بجلی پیدا ہوتی ہے۔ اس طرح عام اے فور کاغذ کی جسامت کی لکڑی سے چھوٹے بلب اور دیگر دستی آلات مثلاً کیلکیولیٹر چلائے جاسکتے ہیں۔سائنسدانوں کا خیال ہے کہ سلیکن کی تہہ چڑھانا ایک ماحول دوست عمل ہے اور اس سے بجلی بنائی جاسکتی ہے۔

کراچی(ویب ڈیسک) پی ایس ایل 7، ٹرافی کیلیے طبل ِجنگ 25جنوری کو بجانے کی تجویزسامنے آ گئی۔پاکستان کرکٹ بورڈ نے کچھ عرصے قبل پی ایس ایل 7 کو جنوری 2022 کے اوائل میں شروع کرنے کا ارادہ ظاہر کیا تھا، ایونٹ فروری کے دوسرے ہفتے تک جاری رہتا، البتہ اب تاریخوں میں تبدیلی پر غور شروع ہو گیا ہے۔

ذرائع نے بتایا کہ گذشتہ دنوں سی ای او وسیم خان کی زیرصدارت بورڈ کے وفد کی فرنچائز مالکان و نمائندوں سے ورچوئل میٹنگ ہوئی، اس موقع پر ایونٹ کے25 جنوری سے آغازپر تبادلہ خیال ہوا،امارات کرکٹ بورڈ اپنی فرنچائز لیگ بھی جنوری سے شروع کر رہا ہے، جس میں غیرملکی کھلاڑیوں کو پْرکشش معاوضوں پر بلایا جائے گا، اس سے پی ایس ایل کو مسئلہ ہو سکتا ہے۔
ایونٹ کے ساتھ تصاوم سے بچنے کیلیے پی سی بی تاریخیں آگے بڑھانے پر غور کرنے لگا،25 تاریخ کو آغاز کے باوجود امارات لیگ اور پی ایس ایل کا شیڈول متصادم تو ہوگا مگر دن کم رہ جائینگے، البتہ نئے شیڈول سے بگ بیش لیگ سے فراغت کے بعد پلیئرز کی شرکت کا امکان بڑھ جائے گا۔آسٹریلوی ایونٹ15 دسمبر سے28 جنوری تک جاری رہے گا،ابتدائی شیڈول کے مطابق کراچی میں پی ایس ایل7کاآغاز ہوتا،نیشنل اسٹیڈیم میں ابتدائی17 میچز کے بعد فائنل سمیت اتنے ہی مقابلے لاہور میں کرائے جاتے، ایونٹ 14 فروری تک ختم کرنے کا سوچا گیا تھا، البتہ اب نئے شیڈول پر اتفاق کی صورت میں 24 فروری تک اختتام ہوجائے گا۔

یاد رہے کہ2016میں آغاز سے پی ایس ایل کی ریگولر ونڈو فروری،مارچ تھی مگر آئندہ برس آسٹریلیا سے ہوم سیریز کی وجہ سے جلد آغاز کیا جائے گا،بھارت اپریل، مئی میں آئی پی ایل کرانا چاہتا ہے، تاخیر کی صورت میں پاکستانی لیگ کا اس سے تصادم ہوتا جس کا براڈ کاسٹ اور کمرشل معاہدوں پر اثر پڑ سکتا تھا،غیر ملکی کھلاڑیوں کی دستیابی بھی بڑا مسئلہ بن جاتی۔دوسری جانب بورڈ اور فرنچائزز کے اجلاس میں پی ایس ایل کے نئے براڈ کاسٹنگ اور کمرشل کنٹریکٹس پر بھی تبادلہ خیال کیا گیا، موجودہ براڈ کاسٹر سے پی سی بی کی قانونی جنگ جاری ہے، اس حوالے سے بھی ٹیم مالکان کو اعتماد میں لیا گیا۔

انھوں نے نامزد چیئرمین رمیز راجہ سے جلد ملاقات کی خواہش ظاہر کر دی جس پر کہا گیا کہ عہدہ سنبھالنے پر ہی ایسا ممکن ہو سکے گا فرنچائزز کو چیئرمین کی تبدیلی کے بعد نئے فنانشل ماڈل کی منظوری کے حوالے سے بھی سخت تشویش ہے، اس حوالے سے وسیم خان نے ان سے ڈیڑھ ماہ کا وقت مانگ لیا البتہ مالکان اس سے خوش نہ تھے۔انھوں نے معاملہ جلد از جلد حل کرنے کا مطالبہ کرتے ہوئے کہا کہ سی ای او نامزد چیئرمین کو اس حوالے سے بریفنگ دیں، ماڈل کو پی سی بی نے جائزے کیلیے جسٹس ریٹائرڈ تصدق حسین جیلانی کو دیا تھا، ان کی رپورٹ پر ہی منظوری کا فیصلہ ہوتا، جب فرنچائزز نے رپورٹ کی کاپی مانگی تو انکار کرتے ہوئے کہاگیا کہ پہلے اسے پی سی بی کے بورڈ آف گورنرز کے سامنے پیش کیا جائے گا۔

ریاض: سعودی عرب کے صوبے نجران اور جازان میں حوثی باغیوں کے میزائل حملوں کے نتیجے میں 2 بچے زخمی ہوگئے۔
سعودی پریس ایجنسی کے مطابق گزشتہ روز حوثی باغیوں نے بیلسٹک میزائل اور بارودی ڈرونز سے سعودی شہروں کو نشانہ بنانے کی کوشش کی جس کو عرب اتحادی افواج نے ناکام بنادیا تاہم میزائل فضا میں تباہ ہونے کے باعث اس کے ٹکڑے گھروں پر لگے جس نتیجے میں 14 گھروں کو نقصان پہنچا جب کہ ایک گھر کی چھت گرنے سے 2 بچے زخمی ہوگئے جنہیں اسپتال منتقل کردیا گیا ہے۔

عرب اتحادی افواج کے ترجمان جنرل ترکی المالکی کا کہنا ہے کہ حوثی باغیوں نے صوبے جازان اور نجران کو نشانہ بنایا، حوثی باغیوں نے 3 ڈرونز اور 3 بیلسٹک میزائل فائر کیے جن کو فضا میں ہی تباہ کردیا گیا تاہم میزائل کے ٹکڑے گھروں پر لگنے سے نقصان پہنچا۔
سعودی وزارت دفاع نے حوثی باغیوں کے حملوں کی شدید مذمت کرتے ہوئے کہا کہ جان بوجھ کر عام افراد کو نشانہ بنانہ نہ صرف ظالمانہ اقدام ہے بلکہ انسانیت کے بھی خلاف ہے تاہم سعودی دفاعی فورسز اپنی خودمختاری اور شہریوں کے جان و مال کی حفاظت کے لیے ہر ممکن قدم اٹھائے گی۔

ٹنڈوآدم(ویب ڈیسک) ٹنڈوآدم تھانہ اے سیکشن کی حدودمیں3 مسلح خواتین نے دن دہاڑے ایک گھر میں داخل ہو کر اہل خانہ کو یرغمال بناکرلاکھوں روپے، طلائی زیورات اور دیگرقیمتی سامان لوٹ لیا جب کہ ڈاکو حسینائیں واردات کی وڈیو بھی بناتی رہیں۔
ٹنڈوآدم کے علاقے محلہ آسنداس ڈھول چوک میں محمد حبیب انصاری ولد رحیم الدین انصاری کے گھر میں 3 خواتین ڈاکو داخلہوئیں اور اسلحہ کے زور پر حبیب انصاری کی اہلیہ سروری بیگم کویرغمال بناکرالماری میں رکھے3 تولے کے طلائی زیورات،3 لاکھ روپے، موبائل فون، قیمتی کپڑے اور4گھڑیاں لوٹ کر فرار ہوگئیں۔
خاتون خانہ کا کہنا ہے کہ مسلح خواتین نے ان سے کہا کہ تمھارے شوہر نے کوئی سودا کیا ہے، وہ رقم ہمیں دے دو۔ انکار پر انھوں نے میرے سرپرپستولکا بٹ مارا اور الماری میں رکھے طلائی زیورات، نقدی سمیت سب کچھ کرلوٹ کرلے گئیں جب کہ واردات کے دوران ڈاکوعورتیں اپنے موبائل سے ریکارڈنگ بھی کرتی رہیں۔واقعے کی اطلاع پرعلاقہ پولیس پہنچ گئی اورشواہداکٹھے کرکے تحقیقات شروع کردی

ٹک ٹاکر حریم شاہ ویسے تو خبروں میں ان رہتی ہیں‌مگر اب معاملہ مختلف ہے اورانہیں فوری طورپر طبی امداد کے لیے علاج گاہ منتقل کردیاگیاہے.انکی طبیعت ناساز ہونے پر انھیں اسپتال میں داخل کیا گیا ہے۔
انسٹاگرام پر حریم شاہ نے بغیر کسی کیپشن کے ایک ویڈیو شیئر کی ہے جس میں وہ اسپتال کے بیڈ پر دراز ہیں اور عملہ انھیں طبی امداد فراہم کر رہا ہے۔
ویڈیو میں ٹک ٹاکر نے اسپتال کا لباس پہنا ہوا ہے جس سے اندازہ ہوتا ہے کہ وہ ایمرجنسی وارڈ میں نہیں ہیں بلکہ انھیں باقاعدہ طور پر اسپتال مین داخل کرلیا گیا ہے۔
ویڈیو میں دیکھا جا سکتا ہے کہ حریم شاہ کو ڈرپ لگی ہوئی ہے اور انھیں طبی عملہ ایک انجیکشن لگا رہا ہے۔ ابھی یہ واضح نہیں کہ یہ کون سا اسپتال ہے اور وہ اسپتال میں کس بیماری وجہ سے داخل ہوئی ہیں۔
کیپشن میں کسی قسم کی وضاحت نہ کرنے کی وجہ سے مداح اپنے اپنےطور پر اندازہ لگا رہے ہیں۔ حریم شاہ کچھ دنوں سے ترکی کے مختلف مقامات کی ویڈیو شیئر کرتی آرہی ہیں۔
اس سے قبل ٹک ٹاک اسٹار کے اس دعویٰ نے سندھ کی سیاست میں ہلچل مچا دی تھی کہ انھوں نے پیپلز پارٹی کے رکن اسمبلی اور مشہور وزیر سے شادی کرلی ہے تاہم وہ ان کا نام شوہر کی جانب سے اپنی پہلی بیوی اور خاندان کو منانے کے بعد ظاہر کریں گی۔قلحریم شاہ نے یہ بھی دعویٰ کیا تھا وہ ہنی مون پر ترکی جا رہی ہیں۔

ہیوسٹن، ٹیکساس(ویب ڈیسک) امریکی سائنس دانوں نے لچک دار کاربن نینو فائبر استعمال کرتے ہوئے ایک ایسی قمیص ایجاد کرلی ہے جو اپنے پہننے والے کے دل کی دھڑکنوں پر مسلسل نظر رکھ سکتی ہے۔

یہ ’ذہین قمیص‘ رائس یونیورسٹی کے ماہرین کی قیادت میں کئی امریکی جامعات کے اشتراک سے تقریباً دو سال میں تیار کی گئی ہے۔
ریسرچ جرنل ’’نینو لیٹرز‘‘ کے تازہ شمارے میں شائع ہونے والی رپورٹ کے مطابق، اس ذہین قمیص کی تیاری میں سب سے بڑا چیلنج نینومیٹر جتنے چوڑے، لچک دار کاربن ریشوں کو ایک دوسرے کے ساتھ لپیٹ کر ایک ایسا دھاگہ تیار کرنا تھا جس میں سے بجلی گزر سکے اور اسے لباس کی سلائی میں استعمال بھی کیا جاسکے۔
اس مقصد کےلیے بال سے بھی زیادہ باریک، صرف 22 مائیکرومیٹر جتنی چوڑائی والے سات کاربن ریشوں کو ایک دوسرے کے گرد بل دے کر ان کے بنڈل بنائے گئے، اور پھر ایسے تین بنڈلز کو آپس میں لپیٹ کر کاربن نینو فائبر والا دھاگہ تیار کیا گیا۔
زگ زیگ پیٹرن کی طرز پر اس نینو فائبر دھاگے کو قمیص کے ساتھ سی دیا گیا۔ اس طرح تیار ہونے والی ٹی شرٹ ایک ادھیڑ عمر رضاکار کو پہنا کر اس کی دل کی دھڑکنوں پر کئی گھنٹوں تک مسلسل نظر رکھی گئی۔

نینو فائبر والے ان دھاگوں میں سے نہ صرف بجلی گزرسکتی ہے بلکہ یہ آرام دہ اور پائیدار بھی ہیں جو قمیص دھوئے جانے پر بھی خراب نہیں ہوتے۔
تجربے کے دوران یہ قمیص پہننے والا رضاکار بھی مطمئن رہا اور اسے کسی قسم کی بے چینی یا الجھن کا سامنا نہیں ہوا۔
یہ قمیص چست لیکن نرم اور لچک دار کپڑے سے بنی ہے، جبکہ یہ لگاتار کئی گھنٹوں تک اپنے پہننے والے کی دھڑکنوں کا ریکارڈ رکھ سکتی ہے۔
واضح رہے کہ ’’ذہین قمیص‘‘ فی الحال تجرباتی مرحلے پر ہے جس کا مقصد اس کی تیاری کو کم خرچ اور تیز رفتار بنانا ہے تاکہ آنے والے برسوں میں یہ بڑے پیمانے پر تیار کی جاسکے؛ اور ممکنہ طور پر اسمارٹ واچ یا اس جیسے دوسرے آلات کی جگہ لے سکے جو آج کل صحت پر نگاہ رکھنے کےلیے عام استعمال ہورہے ہیں۔

لاہور(ویب ڈیسک) اوکاڑہ کے رہائشی نوجوان عثمان ارشد نے اوکاڑہ سے خنجراب تک پیدل سفر طے کرکے ایک منفرد ریکارڈ قائم کردیا اور اس باہمت نوجوان نے 1270 کلومیٹر کا طویل سفر 34 دن میں طے کیا۔

نوجوان عثمان ارشد کا کہنا ہے کہ منزلیں بہادروں کا استقبال کرتی ہیں، بزدلوں کو تو راستوں کا خوف مار دیتا ہے، اس کامیابی پر
سب سے پہلے خداوند تعالیٰ کا شکرادا کرتا ہوں جس نے ہمت اورتوفیق عطا کی، ساری زندگی بھی شکر ادا کرتا رہوں تو کم ہو گا، اللہ تعالیٰ کا مجھ پر اتنا کرم رہا کہ 34 دنوں میں مجھے کسی قسم کا کوئی مسئلہ نہیں ہوا اور رب تعالیٰ نے ہر قسم کی مشکلات سے دُور رکھا۔

عثمان ارشد کاکہنا ہے میں اپنے والدین کا بھی شکرادا کرتا ہوں جنہوں نے مجھے اسپورٹ کیا اور پیدل سفر کی اجازت دی، گھر والوں کی اسپورٹ کے بغیر یہ اتنا لمبا اور کھٹن سفر ممکن نہیں تھا، اُس کے بعد یونیورسٹی کے اساتذہ اور یونیورسٹی فیلوز کا شکریہ، جنہوں نے اسپورٹ کیا اور دعاؤں میں یاد رکھا۔

واضع رہے کہ عثمان ارشد نے 27 جولائی کو اوکاڑہ سے پیدل سفر کا آغاز کیا تھا، وہ اوکاڑہ سے جی ٹی روڈ کے راستے مختلف شہروں سے گزرتے ہوئے لاہورپہنچے اوریہاں سے پھر خنجراب کی طرف سفر کیا۔عثمان ارشد کے مطابق وہ دن کے وقت سفر کرتے اوررات کو قیام کرتے تھے، اس طویل سفر کے دوران مختلف شہروں میں انکے دوستوں، سیاسی، سماجی شخصیات نے ان کا استقبال کیا، ان کے رات قیام اورکھانے کاانتظام بھی ان کے دوست اورچاہنے والے کرتے رہے۔ انہوں نے کہا اس طویل پیدل سفر کے ذریعے وہ دنیا کو یہ پیغام دینا چاہتے ہیں کہ پاکستان ایک پرامن ملک ہے،یہ سیاحوں کے لیے ایک جنت ہے