Tag بھارت

بیجنگ(ویب ڈیسک) بھارت اور چین کے درمیان سرحدوں پر 17 ماہ سے جاری کشیدگی کو کم کرنے کے لیے ہونے والے مذاکرات ناکام ہوگئے۔
عالمی خبر رساں ادارے کے مطابق بھارت کی جانب سے لداخ کی خصوصی حیثیت کے خاتمے اور متنازع علاقے کو اپنا حصہ قرار دینے کے بعد سے سرحد پر کشیدگی میں اضافہ ہوا تھا۔ دونوں ممالک کی افواج کے درمیان جھڑپیں بھی ہوئیں۔سرحدوں پر کشیدگی کے خاتمے اور تناؤ کو کم کرنے کے لیے 17 ماہ سے دونوں ممالک کے افواج کے درمیان مذاکرات جاری تھے جو بے نتیجہ ثابت ہوئے اور دوسرے برس بھی منجمد کردینے والی سخت سردی میں دونوں افواج کو سرحدوں پر ڈیوٹی دینا ہوگی۔چین اور بھارت کے فوجی کمانڈرز نے مذاکرات میں ناکامی کی تصدیق کرتے ہوئے بتایا کہ دونوں کے لیے قابل قبول تجاویز پر اتفاق نہیں ہوسکنے کے باعث مذاکرات تعطل کا شکار ہو گئے۔
چینی فوج کے ترجمان کی جانب سے جاری بیان میں کہا گیا ہے کہ بھارتی فوج غیرمعقول اور غیر حقیقت پسندانہ مطالبات پر بضد ہے اور مذاکرات میں جان بوجھ کر مشکلات میں اضافہ کر رہا ہے۔خیال رہے کہ دونوں افواج کے کمانڈروں نے گزشتہ روز ہی لداخ کے علاقے میں چینی سرحد پر دو ماہ کے وقفے کے بعد مذاکرات کے لیے ملاقات کی تھی۔

ہریانہ(ویب ڈیسک)بھارتی ریاست چندی گڑھ میں 60 سالہ برطانوی سفارت کار کو موٹر سائیکل سوار نے اس وقت جنسی ہراسانی کا نشانہ بنایا جب وہ ٹینس کورٹ جا رہی تھیں۔جنسی زیادتی اور خواتین کے لیے سب سے غیر محفوظ ملک بھارت میں اب غیر ملکی سفارت کار بھی جنسی ہراسانی کا نشانہ بن رہے ہیں۔
بھارتی میڈیا کے مطابق ریاست چندی گڑھ میں صبح ٹینس کھیلنے کے لیے گھر سے ٹینس کورٹ جانے والی برطانوی سفارت کار کو موٹر سائیکل سوار نامعلوم شخص نے جنسی ہراسانی کا نشانہ بنایا۔60 سالہ برطانوی سفارت کار کی جانب سے پولیس میں درج کرائی گئی شکایت میں کہا گیا ہے کہ ٹینس کورٹ جاتے ہوئے عقب سے آنے والے موٹر سائیکل سوار نے نامناسب انداز سے چھوا اور نازیبا حرکات کی کوشش کی۔
برطانوی سفارت کار نے اپنی درخواست میں مزید کہا کہ مزاحمت پر موٹر سائیکل سوار فرار ہوگیا میں نے پیچھا کرنے کی کوشش کی تاہم وہ تیزی سے چلا گیا۔پولیس کا کہنا ہے کہ درخواست درج کرلی ہے۔ سی سی ٹی وی فوٹیجز کی مدد سے ملزم کی تلاش جاری ہے۔

اتر پردیش(ویب ڈیسک) بھارت کے نائب وزیر داخلہ کے بیٹے نے احتجاج کرنے والے کسانوں پر گاڑی چڑھادی جس کے نتیجے میں 8 افراد ہلاک ہوگئے۔
بھارت میں اپنے حقوق کے لیے احتجاجی دھرنا دینے والے کسانوں پر نائب وزیر داخلہ کے بیٹے نے گاڑی چڑھادی جس کے نتیجے میں 8 کسان ہلاک ہوگئے، بھارتی میڈیا کے مطابق اتر پردیش کے علاقے لکھمپور کھیری میں نائب وزیراعلیٰ اترپردیش اور نائب وزیر داخلہ اجے مشرا کو منصوبوں کے افتتاح کے سلسلے میں آج علاقے میں آنا تھا تاہم کسانوں کی بڑی تعداد جمع ہوگئی اور مودی حکومت کے خلاف احتجاج شروع کردیا۔
کسانوں کے احتجاج کے دوران اچانک 3 گاڑیاں تیزی سے آئی اور وہاں موجود کسانوں کو روندتے ہوئے چلی گئیں جس کے بعد کسان مشتعل ہوگئے اور متعدد سرکاری گاڑیوں کو آگ لگادی۔ کسان رہنماؤں کا کہنا ہے کہ گاڑی میں نائب وزیر داخلہ کا بیٹا موجود تھا جس نے یہ حرکت جان بوجھ کر کی۔
دوسری جانب نائب وزیر داخلہ نے تمام الزامات کو مسترد کرتے ہوئے کہا ہے کہ میرا بیٹا موقع پر موجود نہیں تھا، وہاں پر چند شرپسند موجود تھے جنہوں نے لاٹھیوں اور تلواروں سے حملہ کیا کیوں کہ اگر میرا بیٹا یہ کام کرتا تو حادثے کی جگہ سے وہ زندہ واپس نہیں آتا تھا۔

لاہور: ٹی ٹوئنٹی ورلڈکپ میں پاکستان اور بھارت کے درمیان میچ کے تمام ٹکٹ چند گھنٹوں میں فروخت ہو گئے۔

رواں ماہ ٹی 20 ورلڈ کپ میں روایتی حریف پاکستان اور بھارت کے درمیان ہونے والے میچ کے ٹکٹ آن لائن فروخت کئے گئے، ویب سائٹ پر خریداری کے لیے ونڈو کھلتے ہی ہزاروں کی تعداد میں شائقین ٹکٹ کے حصول کے لیے کوشاں تھے۔

بیجنگ(ویب ڈیسک) چین نے بھارت کو خبردار کیا ہے کہ لداخ میں اس کے علاقوں پر قبضے کی کوششوں سے باز رہے ورنہ کارروائی کا حق محفوظ رکھتے ہیں۔
عالمی خبر رساں ادارے کے مطابق چین نے بھارت کو خبردار کرتے ہوئے کہا ہے کہ لداخ سرحد پر مزید نفری کی تعیناتی اور چینی علاقوں پر قبضے کی کوششوں سے باز رہے ورنہ کارروائی کا حق محفوظ رکھتے ہیں۔
چینی وزارت خارجہ نے الزام عائد کیا ہے کہ بھارت غیر قانونی طور پر لائن آف ایکچوئل کنٹرول عبور کرکے ہمارے علاقے پر قبضہ کرنے کی کوشش کر رہا ہے جو امن معاہدوں کی بھی خلاف ورزی ہے۔
ادھر بھارت نے ان الزامات کو رد کرتے ہوئے کہا ہے کہ چین نے سرحدوں پر بڑی تعداد فورسز تعینات کی ہیں جس سے کشیدگی میں اضافہ ہو رہا ہے۔ اگر چین تناؤ میں کمی چاہتا ہے تو اپنی فورسز کی نقل و حرکت کو مختصر کرے۔
واضح رہے کہ بھارت اور چین کے درمیان شمال مشرقی علاقے سکم سے لے کر مشرقی لداخ تک تین ہزار کلو میٹر تک لمبی سرحد ہے اور زیادہ تر علاقے میں لائن آف ایکچوئل کنٹرول قائم ہونے کے باوجود جھڑپوں کا سلسلہ جاری ہے۔

ممبئی(ویب ڈیسک) بالی وڈ اداکارہ سوناکشی سنہا نے فلم انڈسٹری میں اقربا پروری پر خاموشی تور دی ہے۔پنک ولا ویب سائٹ کو انٹرویو دیتے ہوئے اداکارہ سوناکشی سنہا نے انکشاف کیا کہ میں نے ماضی میں بہت سی فلمیں گنوا دیں، اداکار کی بیٹی ہونے کے باوجود بہت سے فلموں کا حصہ نہیں بن سکی۔اقربا پروری پر گفتگو کرتے ہوئے سوناکشی سنہا نے کہا کہ کسی بھی فلم کو گنوا دینا ہمارے کام کا حصہ ہے، اداکاروں کے بچوں کو بھی فلموں میں جگہ نہیں دی جاتی، اس پر افسوس نہیں کرنا چاہیے کیونکہ ایسا سب کے ساتھ ہوتا ہے۔
سوناکشی سنہا نے ہر کسی کو اس صورتحال سے نمٹنے کی تلقین کرتے ہوئے کہا کہ اس بارے میں بات کرنا وقت کا ضیاع سمجھتی ہوں، ہمیں اپنے کام پر توجہ مرکوز رکھنی چاہیے۔اپنے والد اور بالی وڈ کے معروف اداکار شتروگھن سنہا کی مثال دیتے ہوئے سوناکشی سنہا نے کہا کہ والد نے بھی اپنے وقت میں بہت سے فلمیں گنوائی، فلم کا حصہ نہ بننا کوئی حیران کن بات نہیں ایسا سب کے ساتھ ہوتا ہے۔خیال رہے کہ اداکارہ سوناکشی سنہا کو حال ہی میں او ٹی ٹی پلیٹ فارم پر ریلیز ہونے والی فلم میں اداکار اجے دیوگن، سنجے دت اور اداکارہ نورا فتیحی کے ساتھ دیکھا گیا ہے۔

دنئی دلی(ویب ڈیسک) بھارت میں انتہا پسندوں نے اپنی من مانی کے فیصلے صادر کرنے کی دھمکیاں دینا شروع کر دی ہیں .اسی سلسلے میں انتہا پسند ہندو رہنما سنت پرم ہنس نے ملک بھارت کو ہندو ریاست قرار دینے کا مطالبہ کیا ہے اور 2 اکتوبر کی ڈیڈ لائن دے دی ہے۔غیرملکی خبررساں ادارے کے مطابق انتہا پسند ہندو رہنما سنت پرم ہنس اچاریہ نے بھارتی حکومت کو دھمکی دی ہے کہ بھارت کو ہندو ریاست کا اعلان نہ کرنے کی صورت میں 2 اکتوبر کو جل سمادھی ہوگی۔انتہا پسند رہنما نے اعلان کیا ہے کہ اگر حکومت نے فیصلہ تسلیم نہ کیا تو مسلمانوں اور عیسائیوں کی بھارتی شہریت چھین لی جائے گی۔

آسام (ویب ڈیسک)بھارت میں مسلمانوں پر ظلم و ستم کے پہاڑ ٹوٹ پڑے.بھارتی ریاست ملک میں موجود مسلمانوں کو اذیت پہچانے کا کوئی موقع ہاتھ سے جانے نہیں دیتے.اسی سلسلے میں بھارت میں سفاکی کا ایک اور واقعہ پیش آیا ہے. بھارت میں دو مساجد کو شہید اور مسلمانوں کے سیکڑوں گھروں کو مسمار کردیا گیا ہے. تفصیلات کے مطابق ضلع دارنگ میں مسلمانوں کے گھر غیرقانونی قرار دیتے ہوئے پولیس نے لوگوں کو گھروں سے نکال کر تشدد کا نشانہ بنایا۔لوگوں کی مزاحمت پرایک نہتے شخص کو گولی مار کر زخمی کردیا جس کے بعد وہ زخموں کی تاب نہ لاتے ہوئے جان سے ہاتھ دھو بیٹھا.پولیس کی جانب سے لاش کی بیحرمتی بھی کی گئی۔ رپورٹ کے مطابق بے گھر ہونے والے بچے اور عورتیں دریائے برہم پترا کے کنارے بارش میں کھلے آسمان تلے گزر بسر کرنے پر مجبور ہوگئے ہیں ۔

اسلام آباد (ویب ڈیسک)گلوکارو موسیقار اذان سمیع خان نے کئی برس ہوئے بھارت کی شہریت حاصل کر لی ہے اور وہ اپنی فیملی کےساتھ وہیں مقیم ہیں.زیبا بختیاراور عدنان سمیع کے بیٹے اذان سمیع ایک بار پھر تنقید کانشانہ بنے ہیں .سوشل میڈیا پر اذان سمیع نے اپنے والد کو غدار قرار دینے والے شخص کو غصے کی بجائے پیار سے جواب دیا.تفصیلات کے مطابق ان کی انسٹاگرام پوسٹ پر ایک شخص نے ان کے والد کے حوالے سے نفرت انگیز کمنٹ دیا.عدنان سمیع کی تصویر پر ایک شخص نے کمنٹ کرتے ہوئے اذان سمیع خان سے پوچھا کہ ’وہ اپنے غدار والد سے ملنے بھارت کب جا رہے ہیں‘؟ تو انہوں نےاس شخص کو پیارسے جواب دیتے ہوئےکہا کہ وہ اپنے ملک پاکستان سے والد سے ملنے کے لیے کہیں بھی جا سکتے ہیں۔اذان سمیع خان نے مزید لکھا کہ وہ ان کے والد ہیں اور ان سے ملاقات کے لیے وہ کہیں بھی جا سکتے ہیں۔ساتھ ہی اذان سمیع خان نے سوال کرنے والے شخص کوپیار بھرے لہجے میں کہا کہ وہ موج مستیاں کریں اور پیار پھیلائیں۔اذان سمیع خان کی جانب سے نفرت انگیز سوال کا جواب پیار سے دینے پر کئی شوبز شخصیات نے ان کو سراہا.

اسلام آباد (ویب ڈیسک) نیوزی لینڈ کے دورہ منسوخی کے پیچھے بھارت کا ہاتھ ہے.حکومت نے اس سازش کاپردہ چاک کر دیا ہے.تفصیلات کے مطابق وزیر اطلاعات فواد چوہدری نے وزیر داخلہ شیخ رشید کے ہمراہ نیوزی لینڈ کرکٹ ٹیم کا دورہ منسوخ کرنے کے حوالے سے اسلام آباد میں پریس کانفرنس کی .انہوں نےبریفنگ دیتے ہوئے کہا کہ فیک نیوز کے پیچھے ریاستوں اور ایجنسیوں کا ہاتھ ہے، پاکستان میں ہائبرڈ وارکاسامناہے.وفاقی وزیر نے تفصیلات بتاتے ہوئے کہا کہ 19 اگست کو احسان اللہ احسان کے نام سے ایک فیس بک اکائونٹ بنایا گیا جس میں نیوزی لینڈ ٹیم کو پاکستان کے دورہ سے روکتے ہوئے کہا گیا کہ داعش کیوی ٹیم پر حملہ کرسکتی ہے۔
وزیر اطلاعات نے مزید بتایا کہا کہ 21 اگست کو بھارتی اخبار سنڈے گارڈن کے بیوروچیف ابھی نندن مشرا نے احسان اللہ احسان کی اس جعلی فیس بک پوسٹ کی بنیاد پر آرٹیکل لکھا، ابھی نندن مشرا اور پاکستان مخالف سابق افغان نائب صدر امر اللہ صالح کے آپس میں گہرے تعلقات بھی ہیں، علاوہ ازیں 24 اگست کو مارٹن گپٹل کی بیوی کو تحریک لبیک کے نام سے بنے ای میل ایڈریس سے ایک ای میل موصول ہوئی جس میں مارٹن گپٹل کو پاکستان میں قتل کر دینے کے بارے میں لکھا تھا.
یہ ای میل اکاؤنٹ 24اگست 2021 کو ہی بنایا گیا تھا اور اس سے صرف ایک ہی میل مارٹن گپٹل کی بیوی کو بھیجی گئی، حالانکہ یہ ای میل پروٹون میل پر بنائی گئی جو کافی محفوظ ای میل ہے، تمام واقعات کےباوجود نیوزی ٹیم اپناٹورکینسل نہیں کیا اور پاکستان آ گئی.

فواد چوہدری نے مزید تفصیلات سے آگاہ کیا کہ پہلی پریکٹس 13ستمبر کو ہوئی تب کوئی تھریٹ رپورٹ نہیں ہوا، 17 ستمبر کو نیوزی لینڈ کی ٹیم نے بتایا کہ حکومت کی ہدایت پر یہ ٹور منسوخ کرنا چاہتے ہیں، جس پر سیکیورٹی فورسز اور پی سی بی کے افسران نے کیوی ٹیم سے ملاقات کی اور تھریٹ بارے پوچھا تو ٹیم کو بھی کچھ معلوم نہیں پتہ تھا.
انٹرپول نے 18 ستمبر کو پاکستان کو بتایا کہ جی میل پر حمزہ آفریدی 7899 کے نام سے بنی ایک ای میل موصول ہوئی ہے جس میں نیوزی لینڈ ٹیم کو دھمکی دی گئی تھی، یہ ای میل بھارت میں بنا اس کے علاوہ وی پی این کے ذریعے یہ ای میل بھارت سے بھیجی گئی تھی تاکہ اس کی لوکیشن سنگاپور ظاہر ہو۔

فواد چوہدری نے مزید بتایا کہ جس ڈیوائس سے ای میل جنریٹ ہوئی اس پر 13 مزید ای میل بنائی گئی ہیں اوروہ سب ہندی ناموں سے بنی ہیں ، صرف ایک جعلی ای امیل حمزہ آفریدی کے نام سے بنائی گئی اور جان بوجھ کر اس ای میل پر پاکستانی نام استعمال کیا گیا ہے، یہ ای میل جس نمبر پر بنا وہ سم انڈین کے نام پر ہے، اس کا نام اوم پرکاش مشرا ہے جس کا تعلق ممبئی سے ہے، اگست 2019 میں یہ موبائل ڈیوائس آر ایم ایکس 1971 بھارت میں لانچ کی گئی اور موبائل سم اگست 2019 میں بھارت میں رجسٹر ہوئیں تھیں. وزارت داخلہ نے مقدمہ درج کرلیا ہے اور دونوں ای میل ہولڈرز کو انٹرپول کی مدد سے ٹریس کیا جا رہا ہے.

وزیر داخلہ شیخ نے کہا کہ نیوزی لینڈ کی ٹیم کی واپسی سے اگر کوئی سمجھتا ہے کہ پاکستان دنیا میں تنہا ہو جائے گا تو یہ اسکی بھول ہے. دورے کینسل کرنے کے معاملے کو زیادہ اچھالا نہ جائے.وزیر داخلہ نے مزید کہا کہ دراصل بھارت کے 66 ٹریننگ کیمپ افغانستان میں بند کر دیے گئے ہیں جس پر بھارت میں صف ماتم بچھی ہے۔