Tag بھارت

جنیوا (ویب ڈیسک)ترک صدر طیب اردوان نے مسئلہ کشمیر کے حوالے سے اہم بیان دیا ہے.ان کاکہنا ہے کہ مسئلہ کشمیر کو اقوام متحدہ کی قراردادوں کے تحت حل کرنا چاہئے کیونکہ 74 برسوں سے کشمیری حق خود ارادی کے منتظر ہیں۔ تفصیلات کے مطابق اقوام متحدہ کی جنرل اسمبلی کے 76 ویں سیشن میں 193 ارکان سےترک صدر طیب اردوان نے خطاب کیا. خطاب کے دوران انہوں نے کہا ہے کہ کشمیر ایک سلگتا ہوا تنازع ہے اور یہ جنوبی ایشیا میں استحکام اور امن کا ضامن بھی ہے۔ترک صدر نے مسئلہ کشمر کے حل کے حوالے سے بات کرتے ہوئے اقوام متحدہ کی قراردادوں کی بنیاد پر حل کرنے پر زوردیا.انہوں نے مزید کہا کہ بھارت نے کشمیر کی خصوصی حیثیت ختم کر دی ہے اور اس مسئلے کو مزید پیچیدہ بنا دیا ہے۔
ترک صدر نے کہا کہ 74 برسوں سے کشمیر کے مظلوم عوام انتظار کر رہے ہیں کہ آخر کب اقوام متحدہ کی قراردادوں پر عمل ہوگا۔

سعودی عرب (ویب ڈیسک)سعودی عرب نے پاکستان اور بھارت کے درمیان درپیش مسائل کے حل کے لیے ثالثی بننے کا فیصلہ کیا ہے.سعودی وزیر خارجہ شہزادہ فیصل بن فرحان آل سعود نے کہا ہے کہ سعودی عرب ،پاکستان اور بھارت کے درمیان ثالثی بننے کے لیے تیار ہے۔تفصیلات کے مطابق سعودی وزیر خارجہ ان دنوں بھارت کے دورے پر ہیں جہاں انہوں نے بھارتی وزیر اعظم نریندر مودی سے ملاقات کی۔دورے کے دوران انڈین ٹی وی کو ایک انٹرویودیا جس میں ان کا کہنا تھا کہ سعودی عرب، پاکستان اور بھارت کے درمیان ثالثی بننےکے لیے تیار ہے، اب پاکستان اور بھارت پرانحصار کرتا ہے کہ وہ مزاکرات کے لیے درست وقت کا تعین کب کریں ۔انھوں نے مزید کہا کہ مذاکرات کے لیے پاکستان بھارت کوفورمزفراہم کریں گے،بالخصوص مسئلہ کشمیر کے حل کے لیے دونوں ملک مذاکرات کریں۔

مدھیا پردیش(ویب ڈیسک)ویسے تو دنیا جہان میں‌بہت ہی انوکھے واقعات ہوتے رہتے ہیں‌ لیکن اس بار حد ہی ہوگئی ہے اور یہ عجیب واقعہ پڑوسی ملک میں‌ہواہے، بھارتی ریاست مدھیا پردیش میں 6 لڑکیوں کو بارش کے لیے پورے گاؤں میں برہنہ گھمایا گیا۔

بھارتی ریاست مدھیا پردیش میں خشک سالی سے متاثرہ گاؤں بندیل خند میں 6 لڑکیوں کو بارش کے لیے برہنہ کرکے پورے گاؤں کا چکر لگایا گیا، سوشل میڈیا پر وائرل ویڈیو میں دیکھا جاسکتا ہے کہ لڑکیوں کے کندھے پر لکڑی رکھی ہوئی تھی جس پر ایک مینڈک کو باندھا گیا تھا۔

مقامی افراد کے مطابق یہ رسم بارش برسانے کے لیے کی جاتی ہے، اس سے بارش برسانے والا بھگوان خوش ہوتا ہے اور پورے علاقے میں بارش ہوتی ہے، لڑکیوں کو ایک جلوس کی شکل میں گھمایا گیا جو گاؤں کے ہر گھر کے باہر کچھ دیر کے لیے رکتا تھا۔
دوسری جانب ضلع کے ڈپٹی کلیکٹر کے مطابق اس رسم سے لڑکیوں کے والدین بھی خوش تھے اور وہ خود اس میں شریک ہوئے تھے جب کہ پولیس کا کہنا ہے کہ اس حوالے سے کوئی شکایت سامنے نہیں آئی اگر کسی نے شکایت درج کرائی تو کارروائی کی جائے گی

اترکھنڈ(ویب ڈیسک) بھارت میں ایک دوسرے پر پتھر پھینکنے کے سالانہ مقابلے میں صرف سات منٹ میں 77 افراد شدید زخمی ہوئے جنہیں طبی امداد کے لیے ہسپتال لے جایا گیا ہے۔

ہر سال ریاست اترکھنڈ سے تعلق رکھنے والے سینکڑوں افراد پتھر بازی کا دوستانہ میچ کھیلتے ہیں اور جسے بگوال کہتے ہیں۔ بگوال کے معنی ’پتھروں سے لڑائی‘ ہے جس میں ضلع چمپاوت کے چارقبائل شریک ہوتے ہیں۔ دونوں اطراف سے شدید سنگ باری ہوتی ہے اور اس میں لوگ لہولہان بھی ہوجاتے ہیں۔

یہ رسم ایک دیومالائی داستان سے شروع ہوئی ہے۔ کہانی کے مطابق ’براہی‘ نامی ایک دیوی انسانوں کو یہ پیشکش کرتی ہے کہ اگرانسانوں کی کچھ تعداد کو بھینٹ چڑھادیا جائے تو وہ اس کے بدلے تمام افراد کو بلاؤں کے حملے سےبچالے گی۔
داستانوں کے مطابق یہ واقعہ دیوی دھورا گاؤں میں پیش آیا جہاں آسیب اور بلاؤں کے حملے سے لوگ پریشان تھے۔ بلاؤں سے عاجز اور بے بس چار قبیلوں، والک، چمیال، لمگریہ اور گہروال نے براہی سے التجا کی وہ ان کی جان بچائے۔ دیوی اس شرط پر راضی ہوئی کہ ہر سال کوئی ایک مرد اس کی راہ میں قربان کیا جائے گا اور اس پر چاروں برادریاں تیار ہوگئی
یہ سلسلہ جاری رہا لیکن ایک سال پورے قبائل میں صرف ایک ہی نوجوان بچا تھا۔ اس کی نانی نے براہی سے کہا کہ وہ اسے چھوڑ دے۔ اس پر دیوی نے دوبارہ شرط پیش کی کہ اگر سارے قبیلے ہرسال ایک دوسرے پر پتھر پھینک کر کچھ خون بہائیں تو وہ اس نوجوان کی جان بخش دے گی۔ اس پر سب قبیلے راضی ہوگئے اور یہ سلسلہ تاحال جاری ہے۔

یہ رسم سینکڑوں سال پرانی ہے جس میں تمام قبائل اپنے بزرگوں کا وعدہ نباہتے ہوئے ایک دوسرے پر پتھر پھینکتے ہیں اور شدید زخمی ہوتے رہتے ہیں۔ 2013 میں حکومتی اداروں نے چاروں قبائل کو سنگ باری کے بجائے ربر کی گیندوں اور پھلوں کے استعمال کی پیشکش کی تھی۔ لیکن اسے مسترد کرتے ہوئے آج بھی لوگ ایک دوسرے کو پتھر ماررہے ہیں۔

اگرچہ اس سال کووڈ وبا کی وجہ سے یہ مقابلہ اتنا گھمبیر نہیں رہا لیکن اس میں بھی کئی درجن افراد شدید زخمی ہوئے ہیں۔ مقابلے میں شریک افراد کی کل تعداد 300 تھی جس میں 77 شدید زخمی ہوئے۔ سال 2019 میں زخمیوں کی تعداد 100 تھی جس پر سارے قبائل بہت مسرور تھے کیونکہ اس برس زیادہ خون بہا تھا

طالبان کی سپریم کونسل کا اجلاس ختم ہوگیا جس میں حکومت سازی سے متعلق اہم فیصلے کرلیے گئے ہیں۔طالبان کے ترجمان ذبیح اللہ مجاہد نے ٹوئٹ کرتے ہوئے بتایا کہ سپریم کونسل کا 3 روزہ اجلاس طالبان کے امیر ملا ہیبت اللہ اخوندزادہ کی زیر صدارت قندھار میں ہوا جبکہ یہ اجلاس ہفتے کے روز سے پیر تک جاری رہا۔
انہوں نے بتایا کہ اجلاس میں ملک کی موجودہ سیاسی اور سکیورٹی صورتحال کے ساتھ ساتھ دیگر مسائل پر تفصیلی تبادلہ خیال کیا گیا۔ذبیح اللہ مجاہد کا کہنا تھاکہ اجلاس میں اشیائے ضروریہ کی حفاظت کے ساتھ ساتھ شہریوں کو بنیادی سہولیات کی فراہمی اور ان سے اچھے برتاؤ کا فیصلہ کیا گیا۔

ممبئی(ویب ڈیسک) اداکار راج کمار راؤ کو کون نہیں جانتا،فلم بین تو انہیں اچھی طرح جانتے ہیں اور یہ بھی معلوم ہوگا کہ نوجوانی میں بالی وڈ کے ’کنگ خان‘ شاہ رخ خان کے بڑے فین تھے اور شاہ رخ خان کی وجہ سے انہیں لڑکی سے اظہار محبت کرنا مہنگا پڑگیا تھا۔
’ایسٹ انڈیا کمپنی بمقابلہ بالی وڈ‘ نامی یوٹیوب چینل سے گفتگو کرتے ہوئے اداکار راج کمار راؤ نے بتایا کہ میں اپنے اسکول کے دنوں میں بہت شرارتی ہوا کرتا تھا اور میری خواہش تھی کہ میں بڑا ہو کر اداکار بنوں۔ یہی وجہ تھی کہ جب میں نے کالج میں قدم رکھا تو اپنی تمام بری عادتیں ختم کردیں۔راج کمار راؤ نے بتایا کہ کالج کے دنوں میں، میں نے شاہ رخ خان کی فلم ’کچھ کچھ ہوتا ہے‘ دیکھی تھی۔ کالج میں مجھے ایک لڑکی سے محبت ہوگئی جو بالکل فلم میں ’انجلی‘ نامی لڑکی جیسی تھی، میں نے اس لڑکی کی ماں کو تلاش کیا اور پھر کسی نہ کسی طرح ہم دونوں ملاقاتیں کرنے لگے لیکن بدقسمتی سے اس کا ایک بوائے فرینڈ بھی تھا۔
اداکار نے بتایا کہ لڑکی کے بوائے فرینڈ نے ہمیں دیکھ لیا تھا اور اس نے 25 لڑکوں کے ساتھ مل کر میری پٹائی کی، وہ مجھے گولی مارنا چاہتے تھے لیکن میرے دوستوں نے موقع پر پہنچ کر مجھے وہاں سے بچایا۔

واشنگٹن (میڈیا 92 نیوز آن لائن ) امریکا کا کہنا ہے کہ کشمیر کے حوالے سے پالیسی میں کوئی ردو بدل نہیں کیا گیا یعنی واشنگٹن اب بھی اسے پاکستان اور بھارت کے درمیان متنازع خطہ تسلیم کرتا ہے۔

امریکی اسٹیٹ ڈپارٹمنٹ کی جانب سے دی گئی نیوز بریفنگ میں ترجمان مورگن اورٹاگس نے کشمیر کو ’یقینی طور پر ایک انتہائی اہم مسئلہ‘ قرار دیا جسے امریکا قریب سے دیکھتا رہے گا۔

اس موقع پر جب مورگن اورٹاگس سے پوچھا گیا کہ کیا کشمیر کے حوالے سے پالیسی میں کوئی تبدیلی کی گئی ہے تو جواب میں انہوں نے کہا کہ ’نہیں، اور اگر ایسا ہوتا تو یقیناً میں یہاں اس کا اعلان نہیں کروں گی لیکن نہیں ایسا کچھ نہیں ہے‘ کیونکہ ہمارے لیے یہ کوئی انتہائی اہم شخص جیسا کے صدر اعلان کرتے ہیں‘۔

جنوبی ایشیائی خطوں کی اہمیت کو واضح کرتے ہوئے ترجمان اسٹیٹ ڈپارٹمنٹ کا کہنا تھا کہ امریکا، پاکستان اور بھارت کے ساتھ کشمیر کے مسئلے پر ’ناقابلِ یقین حد تک مصروف‘ ہے۔

خیال رہے کہ پاکستان نے بھارت کی جانب سے آئین میں کشمیر کو دی گئی خصوصی اہمیت واپس لینے کے بعد جن ممالک سے فوری طور پر رابطہ کیا تھا ان میں امریکا سرِفہرست ہے۔

دوسری جانب بھارت نے اپنے انتہائی غیر مقبول فیصلے کے خلاف کسی بھی قسم کے ردِعمل سے بچنے کے لیے اپنے زیرِ تسلط کشمیر میں کرفیو نافذ کر رکھا ہے، اسٹیٹ ڈپارٹمنٹ کی بریفنگ میں بھارت کی کارروائی اور اس کے نتائج پر بھی بات کی گئی۔

اس ضمن میں جب ان سے پوچھا گیا کہ کیا امریکی سیکریٹری اسٹیٹ مائیکل پومپیو نے بھارتی اور پاکستانی ہم منصوبوں سے بات چیت کی تو انہوں نے کہا کہ مائیک پومپیو نے بھارتی امورِ خارجہ کے سربراہ سے حال ہی میں بینکاک میں ملاقات کی تھی اور ’وہ اپنے ہم منصبوں سے روزانہ کی بنیاد پر بات چیت کرتے ہیں‘۔

خطے میں امریکی اسٹیٹ ڈپارٹمنٹ کے متعدد عہدیداروں کی موجودگی کا ذکر کرتے ہوئے امریکی ترجمان کا کہنا تھا کہ ’ہمارے بھارت اور پاکستان کے ساتھ کئی رابطے ہیں، ابھی کچھ عرصہ قبل ہی وزیر اعظم عمران خان بھی یہیں تھے، یہ صرف کشمیر کی وجہ سے نہیں ہے‘۔

ان کا مزید کہنا تھا کہ ’دیگر بہت سے مسائل میں سے کشمیر ایک انتہائی اہم مسئلہ ہے جس پر امریکا، پاکستان اور بھارت کے ساتھ کافی قریب سے کام کر رہا ہے۔’

اس موقع پر جب ان کے سامنے وزیراعظم عمران خان کے اس بیان کا تذکرہ کیا گیا جس میں انہوں نے بھارت کو کشمیر میں نسل کشی کا مورد الزام ٹھہرایا تو مورگن اورٹاگس نے کہا کہ ’میں اس سے زیادہ مزید کچھ کہنا نہیں چاہتی جتنا ہم کہہ چکے ہیں کیونکہ یہ ایک نازک معاملہ ہے‘۔

انہوں نے مزید کہا کہ یہ ایسا معاملہ ہے جس پر ہم ان سے کافی قریب سے بات کر رہے ہیں۔

اسلام آباد: وفاقی کابینہ نے بھارت کے ساتھ دوطرفہ تجارت معطل کرنے کی منظوری دے دی۔وزیراعظم عمران خان کی زیرصدارت وفاقی کابینہ کا اجلاس ہوا جس میں ملکی صورتحال پر غور کیا گیا اور کئی اہم فیصلے کیے ہیں۔

ذرائع کے مطابق وفاقی کابینہ نے قومی سلامتی کمیٹی کے فیصلے کی توثیق کرتے ہوئے بھارت کے ساتھ دوطرفہ تجارت معطل کرنے کی منظوری دی ہے۔

خیال رہے کہ گزشتہ دنوں قومی سلامتی کمیٹی کے اجلاس میں بھارت کے ساتھ تجارتی تعلقات ختم کرنے اور سفارتی تعلقات محدود کرنے کا فیصلہ کیا گیا تھا۔

اس فیصلے کے بعد پاکستانی نے بھارتی ہائی کمشنر اجے بساریہ کو بھی ملک چھوڑنے کا حکم دیا تھا۔

وفاقی کابینہ نے پارلیمنٹ کے مشترکہ اجلاس کی مقبوضہ کشمیر کے حوالے سے متفقہ طور پر منظور ہونے والی مذمتی قرارداد کی بھی توثیق کی۔

وزیراعظم عمران خان کی زیر صدارت کابینہ کے اجلاس میں اقتصادی رابطہ کمیٹی (ای سی سی) کے فیصلوں کی بھی توثیق کی گئی۔

وزرات تجارت کا بھارت سے تجارت معطل کرنے کا نوٹیفکیشن جاری
وفاقی کابینہ کی منظوری کے بعد وزرات تجارت نے پاک بھارت دو طرفہ تجارت معطل کرنے کا نوٹیفکیشن جاری کردیا ہے۔

نوٹیفکیشن کے مطابق بھارت کے ساتھ دو طرفہ تجارت فوری معطل کی جاتی ہے جو مزید احکامات تک معطل رہے گی۔نوٹیفکیشن میں کہا گیا ہے کہ بھارت کے ساتھ دو طرفہ تجارت کی معطلی کا اطلاق فوری ہوگا۔

یاد رہے کہ مقبوضہ کشمیر کی صورتحال پر پارلیمنٹ کا مشترکہ اجلاس 6 اور 7 اگست کو ہوا تھا جس میں مذمتی قرارداد متفقہ طور پر منظور کی گئی تھی۔

چین نے مقبوضہ کشمیر کی موجودہ صورتحال پر شدید تشویش کا اظہار کرتے ہوئے کہا ہے کہ کسی بھی فریق کو یکطرفہ طور پر وہاں کی موجودہ حیثیت تبدیل کرنے سے گریز کرنا چاہیے۔

بھارت کی حکومت نے گزشتہ روز مقبوضہ جموں و کشمیر اور لداخ کو خصوصی حیثیت فراہم کرنے والے آئین کے آرٹیکل 370 کو ختم کردیا۔

چینی وزارت خارجہ کی ترجمان ہوا چوینگ نے پاکستان اور بھارت کے درمیان لائن آف کنٹرول پرکشیدگی اور آرٹیکل 370 کو ختم کرنے سے متعلق سوالات پر تحریری جواب میں کہا کہ چین کو کشمیر کی موجودہ صورتحال پر ‘شدید تشویش’ ہے۔

چینی وزارت خارجہ کی ترجمان نے بھارت کی جانب سے لداخ کو مرکز کا حصہ بنانے کا فیصلہ ‘ناقابل قبول’ قرار دیا۔ ترجمان نے کہا کہ کسی بھی فریق کو یکطرفہ طور پر موجودہ حیثیت کو تبدیل کرنے سے گریز کرنا چاہیے۔

ترجمان کے مطابق کشمیر پر چین کا مؤقف واضح ہے، یہ پاکستان اور بھارت کے درمیان ایک تاریخی مسئلہ ہے اور اس پر عالمی برادری کا بھی اتفاق ہے۔

بھارت سرحدی معاملات پر بیان اور عمل میں ہوشمندی کا مظاہرہ کرے: چین
ترجمان چینی وزرات خارجہ کا لداخ کے حوالے بھارتی اقدام پر کہنا ہے کہ چین نے سرحدی علاقے میں بھارتی مداخلت کی ہمیشہ مخالفت کی ہے اور اس بارے میں ہمارا مؤقف واضح اور مستقل ہے۔

انہوں نے کہا کہ بھارت نے اپنا قانون یکطرفہ تبدیل کرکے ہماری خودمختاری کو نقصان پہنچایا، ایسے اقدامات ناقابل قبول اور کبھی قابل عمل نہیں ہوسکتے۔

ترجمان کے مطابق بھارت سرحدی معاملات پر بیان اور عمل میں ہوشمندی کا مظاہرہ کرے اور بھارت چین سے کیے گئے معاہدوں پر قائم رہے، بھارت ایسے کسی بھی عمل سے باز رہےجو سرحدی امور کو مزید مشکل بنادے۔

واشنگٹن (میڈیا 92 نیوز آن لائن ) امریکی صدر ڈونلڈ ٹرمپ پاکستان اور بھارت کے درمیان مسئلہ کشمیر پر ثالثی کی پیشکش پر قائم ہیں۔

وائٹ ہاؤس میں صحافیوں سے گفتگو کرتے ہوئے امریکی صدر ڈونلڈ ٹرمپ کا کہنا تھا کہ وہ وزیراعظم عمران خان اور بھارتی وزیراعظم نریندرمودی سے بھی ملاقات کرچکے ہیں، اور ان کے خیال میں دونوں ہی زبردست انسان ہیں۔

ڈونلڈ ٹرمپ کا کہنا تھا کہ ‘مجھے لگتا ہے دونوں ایک ساتھ اچھے تعلقات قائم کرسکتے ہیں’۔

مسئلہ کشمیر سے متعلق امریکی صدر کا کہنا تھا کہ بھارت نے اب تک مسئلہ کشمیر حل کرنے کی پیشکش قبول نہیں کی ہے، یہ مودی پر منحصر ہے جب کہ میں اس حوالے سے پاکستان سے بات کرچکا ہوں۔

ڈونلڈ ٹرمپ کا کہنا تھا کہ اگر وہ چاہتے ہیں کہ ان کے درمیان مسئلہ حل کرنے کے لیے مدد کی جائے تو میں ثالثی کا کردار ادا ضرور کرنا چاہوں گا۔

دوسری جانب حمزہ بن لادن کی ہلاکت پر ڈونلڈ ٹرمپ نے تبصرہ کرنے سے گریز کیا اور صرف اتنا کہا کہ وہ امریکا کو دھمکیاں دیتا تھا۔

واضح رہے کہ گزشتہ ماہ وزیراعظم عمران خان نے امریکا کا کامیاب دورہ کیا جس میں انہوں امریکی صدر ڈونلڈ ٹرمپ سے وائٹ ہاؤس میں ملاقات کی تھی۔

اس موقع پر امریکی صدر نے عمران خان کو مسئلہ کشمیر کے حل کیلئے ثالثی کی پیشکش کی تھی جس پر وہ اب بھی برقرار ہیں لیکن بھارت کی جانب سے اس پیشکش کو اب تک قبول نہیں کیا گیا ہے۔