Tag سوشل میڈیا

اسلام آباد(ویب ڈیسک)وفاقی حکومت نے سوشل میڈیا کے خلاف شکنجہ سخت کرنے کی ٹھان لی ہے۔وزیراعظم عمران خان کی زیرِ صدارت وفاقی کابینہ کے اجلاس میں بڑا فیصلہ کیا گیا ہے۔ کابینہ نے سوشل میڈیا سے متعلق قوانین کی منظوری دے دی ہے۔ سوشل میڈیا کمپنیوں کو پاکستان کے قوانین کے تحت کام کرنا ہوگا۔حکومت نے سوشل میڈیا قوانین بین الاقوامی سوشل میڈیا کمپنیوں کے ساتھ شیئر کرنے کا بھی فیصلہ کیا ہے۔ طے کردہ حکومتی قواعد و ضوابط کے اندر رہ کر کام کرنے کی اجازت ہوگی۔

ممبئی(ویب ڈیسک)بالی ووڈ اداکارہ پریانکا چوپڑا نے رئیلیٹی شو’’دی ایکٹیوسٹ‘‘ کا حصہ بننے پر معافی مانگ لی۔

گزشتہ ہفتے خبریں سامنے آئی تھیں کہ اداکارہ پریانکا چوپڑا امریکی رئیلیٹی شو’’دی ایکٹیوسٹ‘‘ کا حصہ بن گئی ہیں اور امریکی گلوکار وسونگ رائٹر اشر اور جولیانے کے ساتھ شو کو جج کریں گی۔
دراصل یہ رئیلیٹی شو 6 سرگرم کارکنوں کی تین ٹیموں پر مبنی تھا جو سماجی مسئلوں پر آواز اٹھاتے ہیں اور معاشرے میں تبدیلی لاتے ہیں۔ شو کا بنیادی مقصد بھی یہی تھا کہ اس میں حصہ لینے والے تمام کھلاڑی ایک دوسرے سے مقابلہ کرتے ہوئے معاشرے میں تبدیلی لے کر آئیں۔
شو کے فارمیٹ کے مطابق اس میں 6 لوگ حصہ لینے والے تھے اور پریانکا، اشر اور جولیانا ان 6 لوگوں کی تین ٹیموں کے جج تھے۔ شو میں یہ تینوں ٹیمیں اپنے مقاصد کے حصول کے لیے ایک دوسرے کے خلاف مقابلہ کرنے والی تھیں اور جو ٹیم سب سے اچھا مظاہرہ کرتی اسے فاتح قرار دیاجاتا۔

تاہم سوشل میڈیا پر شو کے فارمیٹ کو لے کر تنازع کھڑا ہوگیا اور لوگوں نے اس پر تنقید کرنی شروع کردی۔ لوگوں کا شو کے بارے میں کہنا ہے کہ سماجی کارکن ایک دوسرے کے خلاف مقابلہ نہیں کرتے بلکہ یہ شو ایک دوسرے کے ساتھ تعاون کرتے ہوئے سماجی تبدیلی لانے کے بارے میں ہونا چاہئے تھا۔

لوگوں نے یہ بھی کہا کہ اس شو میں بہت زیادہ پیسہ خرچ کیا جارہا ہے بڑے بڑے اور مہنگے سیلیبریٹیز کو شو میں لایا جارہاہے تو اس سے بہتر تو یہ ہے کہ آپ یہ پیسہ ٹی وی شو میں لگانے کے بجائے براہ راست سماج میں تبدیلی لانے کے لیے خرچ کریں۔ لوگوں نے شو کے اعلان کے بعد بڑی تعداد میں منفی ردعمل دیا اور شو کو بے حسی پر مبنی قرار دیا۔

شو کو ملنے والے منفی ردعمل کے بعد پریانکا چوپڑا نے اپنے سوشل میڈیا اکاؤنٹ پر ایک آفیشل بیان جاری کیا ہے جس میں انہوں نے اپنے مداحوں کو مایوس کرنے پر معافی مانگی ہے۔ اپنی پوسٹ میں انہوں نے اس بات کا بھی ذکر کیا ہے کہ میکرز اس شو کے فارمیٹ کا دوبارہ جائزہ لے رہے ہیں۔

پریانکا چوپڑا نے اپنی پوسٹ میں لکھا میں گزشتہ ہفتے سے آپ لوگوں کا ردعمل دیکھ رہی ہوں اور جب لوگ بڑی تعداد میں کسی چیز کے بارے میں آواز اٹھاتے ہیں تو ہمیشہ اس کا اثر ہوتا ہے۔ شو غلط ہوگیا اور مجھے افسوس ہے کہ شو میں میری شرکت نے آپ میں سے بہت سے لوگوں کو مایوس کیا۔

’’دی ایکٹیوسٹ‘‘ رئیلیٹی شو سی بی ایس اور گلوبل سٹیزن کے تعاون سے پیش کیاجارہا تھا۔ تاہم بدھ کے روز سی بی ایس اور ان کے پروڈکشن پارٹنر زگلوبل سٹیزن اور لائیو نیشن نے اپنے ایک بیان میں کہا کہ وہ ’’دی ایکٹیوسٹ‘‘ کی پانچ قسطوں پر مشتمل مقابلہ سیریز کے بجائے اب اسے ایک وقتی دستاویزی فلم کے طورپر دوبارہ تشکیل دے رہے ہیں۔

کراچی (ویب ڈیسک) سوشل میڈیا سائٹ ٹویٹر پر ایک ویڈیو وائرل ہوئی ہے جو ٹاپ ٹرینڈ میں چل رہی ہے .ویڈیو میں نجی ٹی وی چینل کی اینکر کرن ناز نے لائیو شو کے دوران حجاب پہن کر کہا کہ حجاب پہننے والی لڑکیاں کسی بھی معاملے میں کسی سے پیچھے نہیں۔
کچھ روز قبل ایک پاکستانی پروفیسر پرویز ہود بھائی نے ایک ٹاک شو کے دوران حجاب کرنے والی خواتین کے بارے میں اپنی رائے کا اظہار کیا تھا اور کہا کہ ’’سنہ 1973 سے پڑھانا شروع کیا، اُس وقت آپ کو بمشکل ایک لڑکی برقعے میں دکھائی دیتی تھی، اب تو حجاب، برقعہ عام ہو گیا ہے۔ آپ کو ’نارمل لڑکی‘ تو شاز و نادر ہی ادھر نظر آتی ہے۔‘جب وہ کلاس میں بیٹھتیں ہیں برقعے میں حجاب میں لپٹی ہوئی تو ان کی کلاس میں شمولیت بہت گھٹ جاتی ہے۔ یہاں تک کہ پتا ہی نہیں چلتا کہ وہ کلاس میں ہیں کے نہیں۔‘‘
پروفیسر پرویز ہود بھائی کی حجابی خواتین کے متعلق دی جانے والی اس رائے کی وجہ سے سوشل میڈیا پر انہیں شدید تنقید کا نشانہ بنایا جارہا ہے ۔ ان کا یہ جملہ کہ “آپ کو نارمل لڑکی تو شاز و نادر ہی نظر آتی ہے ” صارفین کے لیے شدید تکلیف کا باعث بنا..صارفین کا کہنا ہے کہ حجاب کرنا یا نا کرنا خواتین کی اپنی چوائس ہوتی ہے اور ان کے لباس کی وجہ سے ان کی صلاحیتوں اور ذہانت کو نہیں جانچا جا سکتا۔

پروفیسر پرویز ہود بھائی کے ان خیالات پر اینکر پرسن کرن ناز نے بھی اپنا ردعمل دکھاتے ہوئے لائیو شو کے دوران حجاب پہن کر شو کیا.ان کا کہنا تھا کہ خواتین کی قابلیت کا ان کے کپڑوں سے کیا تعلق ہے؟کرن ناز نے شو کے دوران حجاب پہن کران خواتین کا دفاع کیا جو حجاب کرتی ہیں.کرن ناز نے کہا کہ حجاب کرنے والی خواتین بالکل اسی طرح ’نارمل‘ ہوتی ہیں جیسا کہ حجاب نہ کرنے والی خواتین۔ اسے پہننے کے بعد نہ میرے لفظوں میں کمی آئے گی اور نہ ہی میری سوچ میں کوئی تبدیلی آئے گی۔‘‘کرن ناز نے حجاب کرنے والی کامیاب خواتین کی چند مثالیں بھی دیں .

سان فرانسسكو(ویب ڈیسک) اس وقت دنیا میں سوشل میڈیا کا دور ہے.دنیا میں شاید ہی کوئی ایسا ہو جو سوشل میڈیا استعمال نہ کرتا ہو.مختلف ایپس اس وقت کام کر رہی ہیں مگر جہاں اس کے بے شمارفوائد ہیں وہیں نقصانات بھی موجود ہیں .اسی سلسلے میں ایک سوشل میڈیا کمپنی فیس بک نے اس بات کا اعتراف کیا ہے کہ ان کی ایپ ’انسٹاگرام‘ نوعمر لڑکیوں کے دماغ پر منفی اثرات مرتب کررہی ہے ۔ انسٹاگرام نے اگرچہ اس کا حل بھی نکالنے کا کہا ہے .ان کا کہنا ہے کہ وہ اس رحجان کو کم کرنے اور صارفین کو ظاہری جسمانی کیفیات پر متوجہ ہونے کی حوصلہ شکنی کرے گا۔
چند روز قبل ایک غیر ملکی جریدے میں ایک رپورٹ شائع ہوئی جس میں کہا گیا ہے پچھلے 3 برس سے فیس بک کے ماہرین انسٹاگرام خریدنے کے بعد اس پر تحقیق کررہے تھے۔ جس کے بعد خلاصہ یہ ہے کہ فوٹو شیئرنگ ایپ کم عمر اوربالخصوص کمسن لڑکیوں پر منفی اثرات مرتب کررہی ہے۔ یہاں تک کہ یہ پلیٹ فارم لڑکیوں کو دماغی و نفسیاتی مریض بنارہا ہے۔
فیس بک کے مطابق وہ اس مسئلے کو سمجھنے اور حل کرنے کی کوشش کریں گے اور کمپنی پوری مدد بھی فراہم کریں گے۔

ممبئی(ویب ڈیسک) فلم انڈسٹری سے جڑے فنکار ہمیشہ مداحوں اور ٹرولز کے ریڈار پر رہتے ہیں۔ حال ہی میں اداکارہ شردھا کپور نے اپنے قریب کھڑے بھکاری کو نظر انداز کردیا جس کی وجہ سے انہیں تنقید کا نشانہ بنایا جا رہا ہے۔بالی وڈ اداکارہ شردھا کپور نے اپنے فلمی کیئریئر کا آغاز فلم ’تین پتی‘ سے کیا تاہم انہیں زیادہ شہرت فلم ’عاشقی 2‘ میں اداکاری کے جوہر دکھانے سے ملی۔

آج سوشل میڈیا پر اداکارہ شردھا کپور کی ایک ویڈیو وائرل ہو رہی ہے جس میں دیکھا جا سکتا ہے کہ وہ ممبئی کے شہر جوہو میں ایک ریسٹورنٹ سے اپنی سہیلیوں کے ہمراہ لنچ کرنے کے بعد باہر نکلتی ہیں۔
ریسٹورنٹ کے باہر وہ اپنی سہیلیوں کو الوداع کر ہی ہوتی ہیں جبکہ ایک عمر رسیدہ بھکاری ان قریب ہاتھ جوڑ کر کھڑا ہے۔ اداکارہ بھکاری کو مکمل طور پر نظر انداز کر کے اپنی گاڑی میں بیٹھ کر وہاں سے روانہ ہو جاتی ہیں۔شردھا کپور کے عمل کو مداحوں سمیت سوشل میڈیا صارفین نے ناپسند کیا۔ وائرل ویڈیو پر ہونے والے تبصروں سے اندازہ لگایا جا سکتا ہے کہ اداکارہ کے اس رویے کی بھرپور مذمت کی جا رہی ہے۔ صارفین شردھا کپور کے رویے کو شرمناک قرار دے رہے ہیں۔

ایک صارف کا کہنا ہے کہ دولتمند ہونے کے باوجود یہ لوگ کس طرح ضرورت مندوں کو نظر انداز کر دیتے ہیں۔ دوسرے صارف نے شردھا کپور کو مخاطب کرتے ہوئے کہا کہ اگر آپ اس شخص کو پیسے نہیں دے سکیں تو کم از کم کھانا ہی کھلا دیتیں، آپ کروڑوں روپے کماتی ہیں۔ایک صارف نے تجویر پیش کہ تمام لوگوں کو فوری طور پر شردھا کپور کا بائیکاٹ کرنا چاہیے اور انہیں سوشل میڈیا پر بھی ان فالو کر دینا چاہیے۔ جبکہ متعدد صارفین نے کہا کہ ’سب سے بڑی غریب تو شردھا کپور خود ہے‘۔

پاکستانی اداکارہ فریال محمود نے سوشل میڈیا پر ان کے مغربی طرز کے لباس پہننے پر تنقید کرنے والے صارف کو چپ کروا دیا ۔ فریال محمود نے سوشل میڈیا سائٹ انسٹام گرام پر اپنی کچھ نئی تصاویر شیئر کی ہیں جو کہ سوشل میڈیا پر وائرل ہوگئی ہیں۔ فلورنس کیتھیڈرل، اٹلی میں لی گئی ان تصاویر میں فریال محمود کو مغربی طرز کا لباس پہنے دیکھا جاسکتا ہے جس پر ایک صارف نے کمنٹ کرتے ہوئے لکھا کہ ’آپ پاکستانی ہیں اور مذہب اسلام سے تعلق رکھتی ہیں، اسی بات کا خیال دل میں لے آتیں تو ایسا لباس ہرگز نہ پہنتیں۔‘

فریال محمود نے اس صارف کو جواب دیتے ہوئے کہا کہ ’دراصل وہ امریکا میں پیدا ہوئی تھیں لہٰذا اس حساب سے وہ پاکستانی لڑکی نہیں ہیں۔‘ خیال رہے کہ اداکارہ فریال محمود امریکا کی ریاست نیو یارک میں پیدا ہوئی تھیں۔

کیلیفورنیا (ویب ڈیسک) دنیابھرکے لوگ اب انسٹاگرام کے استعمال کےعادی ہوچکےہیں اورجولوگ استعمال کرتے ہیں اب ان کے لیےاس کے بغیر رہنا بھی مشکل ہے… انسٹاگرام پر موجود صارفین اب بغیر تاریخ پیدائش بتائے اس کا استعمال نہیں کر سکیں گے۔

امریکی خبر رساں ادارے وائس آف امریکا میں شائع خبر کے مطابق انسٹاگرام نے 2019ء میں صارفین کیلئے لازم قرار دیا گیا تھا کہ وہ اپنی تاریخ پیدائش درج کریں۔ تاہم اس پلیٹ فارم پر موجود پرانے صارفین کیلئے یہ اب بھی ممکن تھا کہ وہ اس کے اندراج کے بغیر پلیٹ فارم استعمال کر سکیں۔ تاہم اب ان کے لیے بھی اس کا استعمال مشکل ہو جائے گا۔

انسٹاگرام حکام نے کہا ہے کہ اگر صارفین اپنی پروفائل میں تاریخ پیدائش درج نہیں ہوگی تو ان سے اس بابت پوچھا جائے گا۔ اگرچہ صارف اسے نظر انداز کرنے کے اہل ہوں گے لیکن ایک مخصوص وقت تک جس کے بعد اگر صارف ایپ لیکیشن کا استعمال برقرار رکھنا چاہتے ہیں تو انہیں تاریخ پیدائش کو شامل کرنا ہوگا۔

انسٹاگرام کا کہنا تھا کہ اگر صارف کی تاریخ پیدائش موجود نہیں ہے تو حساس کٹیگری میں شامل مواد کو دیکھنے سے قبل اس سے تاریخِ پیدائش پوچھی جائے گی۔اگر کوئی کہتا ہے کہ اس کی عمر مخصوص عمر جیسے 13 یا 18 سے زیادہ ہے لیکن اے آئی کچھ اور بتاتی ہے تو انسٹاگرام مختلف طریقوں کا استعمال کرتے ہوئے عمر کی تصدیق کرے گا۔

کمپنی کا کہنا ہے کہ مستقبل میں وہ ان صارفین کے بارے میں جو اپنی غلط عمر بتا رہے ہیں، ان کی عمر معلوم کرنے کے لیے مصنوعی ذہانت (ایج ڈیٹیکشین اے آئی) کے ٹول کا استعمال کرے گی۔واضح رہے کہ انسٹاگرام کئی برسوں سے کسی بھی حساس مواد کو دھندلا کرتا آرہا ہے لیکن اگر صارف ایسے مواد کو دیکھنا چاہیں تو انہیں انسٹاگرام کو تاریخ پیدائش فراہم کرنا ہو گی۔

انسٹاگرام کے بقول، یہ کوششیں پلیٹ فارم کو نوجوان لوگوں کے لیے محفوظ بنانے اور صحیح عمر کے لوگوں کو صحیح تجربہ فراہم کرنے کو یقینی بنانے کا حصہ ہے۔مئی میں کمپنی کی جانب سے واضح طور پر اعلان کیا گیا تھا کہ وہ 13 سال سے کم عمر لوگوں کے لیے انسٹاگرام ورژن پر کام کر رہا ہے اور اس فیچر کے لیے پلیٹ فارم کو لوگوں کی عمر کے بارے میں معلومات حاصل کرنا ضروری ہو گی۔اسی طرح انسٹاگرام دیگر عمر کے تحفظ کے لیے بھی کام کر رہا ہے تاکہ بالغان ان کم عمر صارفین کو پیغام نہ بھیج سکیں جو انہیں فالو نہیں کرتے۔

کیلیفورنیا(ویب ڈیسک/میڈیا 92 نیوز) انسٹا گرام کے صارفین اب تصویریں دیکھنے اور شئیر کرنے کے علاوہ لمبی ویڈیوز بھی دیکھ یا شئیر کر سکیں گے۔

سماجی رابطوں کی ویب سائٹ انسٹا گرام نے اپنی نئی ایپ ’آئی جی ٹی وی‘ متعارف کرا دی۔ نئی ایپ کی مدد سے صارفین تصاویر کے ساتھ ساتھ ویڈیوز بھی شیئر کرسکیں گے۔ ویڈیو شیئر کرنے کا آپشن دینے کا مقصد نوجوان صارفین کو اپنی طرف متوجہ کرنا ہے۔

Introducing IGTV, a new app for watching long-form, vertical video from your favorite Instagram creators. https://t.co/7aSMmmAsyB pic.twitter.com/Py8QI1rS23

— Instagram (@instagram) June 20, 2018

فیس بک کمپنی نے انسٹا گرام میں نئی تبدیلیوں کا اعلان کیا ہے جس کے بعد صارفین ایک منٹ سے دس منٹ کی ویڈیو بھی پوسٹ کرسکیں گے۔ تاہم انسٹا گرام کے سپر اسٹارز کے اکاؤنٹ کے لیے یہ دورانیہ ایک گھنٹے تک ہوگا۔

انسٹا گرام کے نئے فیچر کو متعارف کرانے کا مقصد یوٹیوب صارفین کو انسٹاگرام پر لانا ہے۔ دونوں سائٹس کی ویڈیو میں ایک واضح فرق ہوگا۔ انسٹاگرام کی ویڈیوز عمودی (ورٹیکل) جب کہ یوٹیوب کی افقی (ہوریذونٹل) ہوں گی۔دنیا بھر میں ’آئی جی ٹی وی‘ ایپ ایپل آپریٹنگ سسٹم اور اینڈرائیڈ صارفین کے لیے دستیاب ہوگی۔ ای مارکیٹئیرز کے مطابق اس نئے فیچر کو استعمال کرکے امریکی اشتہاری کمپنیاں انسٹا گرام کو پانچ ارب ڈالر منافع کما کر دے سکتی ہیں۔

اسلام آباد(M92)مشکوک فیس بک اکائونٹ اور سوشل میڈیا کی نگرانی کیلئے حکومت نے جدید ٹیکنالوجی کا سہارا لے لیا، فرقہ واریت، دہشتگردی نیٹ ورک سے جڑے سوشل میڈیا اکائونٹ کی نگرانی کیلئے جدید سافٹ وئیر کا استعمال۔ نجی ٹی وی دنیا نیوز کی رپورٹ کے مطابق پاکستان میں ہر گزرتے منٹ میں 11فیس بک یوزر یا سوشل میڈیا اکائونٹ میں اضافہ ہو رہا ہے ۔سوشل میڈیا کو مانیٹر کرنے کی ضرورت محسوس کرتے ہوئے حکومت نے جدید ٹیکنالوجی کو بروئے کار لاتے ہوئے سوشل میڈیا کی سرگرمیوں کو مانیٹر کرنے اور فرقہ واریت، دہشتگردی اور اسے غیر قانونی طور پر استعمال کرنے والوں کے خلاف ایک سینٹر کا قیام عمل میں لایا ہے۔ اس سینٹر میں فیس بک اور سوشل میڈیا کے کونسے اکائونٹ اور شیئر کی گئی کونسی ویڈیو پر چیک لگایا جاتا ہےاس بات کا انکشاف نجی ٹی وی دنیا نیوز کی رپورٹ میں کیا گیا ہے۔ سوشل میڈیا کی سرگرمیوں کو مانیٹر کرنے والے سینٹر کا نام ایم ایم سی (میڈیا مانیٹرنگ سینٹر)ہے جو کہ سیف سٹی پراجیکٹ 2015کے آرڈیننس کے تحت قائم کیا گیا ہے۔ اس سینٹر میں میڈیا چینلز اور سوشل میڈیا دونوں کو مانیٹر کیا جاتا ہے۔ سوشل میڈیا پر خاص کر اس سینٹر میں نظر رکھی جاتی ہے جس میں فرقہ واریت، دہشتگردی کے حوالے سے اکائونٹس کو مانیٹر کیا جاتا ہے۔ یہ مانیٹرنگ ایک سافٹ وئیر کے ذریعے کی جاتی ہے جس میں ’’کی ورڈ‘‘ڈالے گئے ہوتے ہیںاور جیسے ہی کسی سائٹ یا پیج پر ان الفاظ کا استعمال ہوتا ہے ، مانیٹرنگ ڈیسک کی سکرین پر وہ سائٹ یا پیج نمودار ہو کر ریڈ کاشن دینے لگتا ہے اور وہ پوسٹ اور ویڈیو کلپس سامنے آجاتا ہے جو فرقہ واریت اور دہشتگردی کیلئے پوسٹ کیا گیا ہوتا ہے ۔ فیس بک اور ٹویٹر اکائونٹس کی خاص نگرانی کی جاتی ہے۔ متنازعہ اور مشکوک پوسٹ کے حاملاکائونٹس کی تفصیلات مانیٹرنگ ڈیسک مختلف اداروں جن میں سپیشل برانچ، سی ٹی ڈی اور ایف آئی اے شامل ہیںکو بھیج دیتا ہے جن پر پھر کارروائی کی جاتی ہے اور ایسے پیجز اور اکائونٹس بلاک کر دئیے جاتے ہیں اور ان کے خلاف پھر کارروائی عمل میں لائی جاتی ہے۔ ایم ایم سی کے حکام نے عوام سے اپیل کرتے ہوئے کہا ہے کہ وہ اپنی پوسٹ اور ویڈیوز میں ایسے مواد کو شیئر کرنےسے گریز کریں جو فساد فی الارض ، فرقہ واریت اور دہشتگردی کو تقویت دیتا ہے کیونکہ یہ ایک سنگین جرم ہے جس کی نہایت کڑی سزا رکھی گئی ہے۔ ایم ایم سی نے ابھی تک فیس بک اور ٹویٹر پر 150کے قریب پیجز اور اکائونٹس بلاک کئے ہیں۔