Tag عمران خان

لندن (ویب ڈیسک) عمران خان کی سابق اہلیہ جمائما نے شوہر سے علیحدگی اور پاکستان چھوڑنے سے متعلق کہا ہے کہ میرے خلاف سیاسی بنیادوں پر کیسز بنائے جارہے تھے جنہیں عمران خان کو نشانہ بنانے کے لیے استعمال کیا جارہا تھا۔
برطانوی ویب سائٹ ایوننگ اسٹینڈرڈ کو انٹرویو دیتے ہوئے جمائما نے کہا ہے کہ پاکستان اس لیے چھوڑا کہ میں نے خود سے کافی بڑی عمر کے شخص سے شادی کی تھی جو سیاسی طور پر طاقت ور تھا، مجھ پر سیاسی بنیادوں پر کیسز بنائے جارہے تھے اور انہیں عمران خان کو نشانہ بنانے کے لیے استعمال کیا جارہا تھا۔
جمائما ںے عنقریب آنے والے اپنے ایک شو کے بارے میں کہا کہ انہیں مونیکا لیونسکی اور اپنی کہانی میں بہت مماثلت لگتی ہے۔ واضح رہے کہ اس شو میں جمائما نے مونیکا لیونسکی کا انٹرویو کیا جس میں سابق امریکی صدر بل کلنٹن اور مونیکا لیونسکی کے تعلق سے پیدا شدہ سیاسی بحران پر بات کی گئی۔
جمائما نے ارینج میرج کے بیان پر بات کرتے ہوئے کہا کہ جب پاکستان گئی تو ارینج میرج کے بارے میں میرے خیالات منفی تھی تاہم دس سال بعد جب واپس لوٹی تو ارینج میرج کے کچھ فوائد نظر آرہے تھے، جب میں پاکستان میں تھی تو ارینج میرج بھی کرواتی تھی حتی کہ عمران خان کے بہت سے دوستوں کے بچوں کی شادیاں بھی کرائیں۔

اسلام اباد(ویب ڈیسک)وزیراعظم عمران خان نے کسان پورٹل کے اجرا کی تقریب سے خطاب کیا.وزیراعظم عمران خان نے کہا کہ تحریک انصاف نے انصاف کی تحریک چلائی، اللہ تعالیٰ کمزور اور محنت کش طبقے کی آواز خاص طور پر سنتا ہے، چھوٹا آدمی انصاف کی تلاش میں رہتا ہے۔
انہوں نے ایک بار پھر اپوزیشن رہنماؤں کو آڑے ہاتھوں لیتے ہوئے کہا کہ چھوٹا کسان باہر پیسہ لے کر نہیں جائے گا، لندن میں فلیٹ نہیں لے گا، بڑا آدمی انصاف نہیں این آر او چاہتا ہے، چھوٹا کسان قرضہ لینے جاتا ہے تو اسے بہت سود دینا پڑتا ہے، چھوٹا کسان سب سے زیادہ محنت کرتاہے اور مشکلات کا بھی سامنا کرتا ہے۔

عمران خان کا کہنا تھا کہ کسان شوگر ملوں کے باہر لائن میں کھڑے رہتے تھے، کسانوں کو گنے کی کم قیمت ملتی تھی، میں نے سوچا تھا جب میری باری آئے گی تو کسان کو پورا پیسہ دلاؤں گا۔انہوں نے مزید کہا کہ 50سال بعدپاکستان میں بڑے ڈیمزبن رہے ہیں، دریاؤں میں پانی برسات اور گلیشیئر پگھلنے سے آتا ہے، پانی اسٹورکریں گے تو کسان کو پانی دے سکیں گے۔

کراچی(ویب ڈیسک) اداکارہ وینا ملک نے وزیراعظم عمران خان کے ساتھ ورلڈ ٹور پر جانے کی خواہش کا اظہار کیا ہے۔
اداکارہ وینا ملک نے حال ہی میں دئیے گئے انٹرویو میں سات سال بعد مزاحیہ سیاسی شو میں واپسی سمیت اپنی زندگی سے متعلق دلچسپ گفتگو کی۔
ویناملک کے کیریئر میں جہاں فلمز اور بھارتی رئیلیٹی شو بگ باس شامل ہیں تو وہیں انہوں نے مزاحیہ سیاسی شو ’’ہم سب امید سے ہیں‘‘ کے ذریعے بھی لوگوں کو کئی برسوں تک خوب تفریح فراہم کی۔
وینا ملک تقریباً سات سال بعد ایک بار پھر اسی طرح کے شو کے ذریعے ٹی وی پر واپسی کررہی ہیں۔ اس حوالے سے انہوں نے بتایا کہ اپنے بچوں اور فیملی کی وجہ سے وہ ٹی وی پر زیادہ سرگرم نہیں تھیں لیکن اب وہ واپس اپنے پسندیدہ موضوع کو لے کر بہت جلد ایک شو میں نظر آئیں گی۔
وینا ملک سے جب پوچھا گیا کہ آپ اپنے کیریئر میں مزاحیہ سیاسی شو کو ترجیح دیتی ہیں یا فلموں کو؟ تو وینا نے کہا فلمیں ان کے دل کے بہت قریب ہیں۔
میزبان نے وینا سے پوچھا اگر آپ کو کبھی بلاول بھٹو زرداری، عمران خان یا نواز شریف میں سے کسی ایک کے ساتھ ورلڈ ٹور پر جانے کا موقع ملے تو آپ کس کے ساتھ جائیں گی؟ وینا نے جواب دیا کہ ظاہر ہے میں عمران خان کےساتھ جاؤں گی۔
وینا ملک نے عمران خان کے ساتھ ورلڈ ٹور پر جانے کی وجہ بتاتے ہوئے کہا کہ عمران خان ایک دور اندیش شخصیت ہیں لہذا میں ان سے بہت کچھ سیکھوں گی۔

اسلام آباد (ویب ڈیسک) وزیراعظم عمران خان کا کہنا ہے کہ امریکا اور پاکستان کو طالبان کے ساتھ مل کر کام کرنا ہوگا۔وزیراعظم عمران خان نے غیر ملکی جریدے کوانٹرویو دیا ہے جس میں انہوں نے کہا کہ افغانستان میں بنیادی انسانی سہولیات کا فقدان ہے.
عمران خان کا مزید کہنا تھا کہ افغانستان میں امن پاکستان کے مفاد میں ہے، طالبان امن کےلیے امریکہ کے شراکت دار ہوسکتے ہیں، افغانستان میں استحکام اورانسانی بحران کےخاتمے کےلیے مدد دینا ہوگی، پاکستان اورامریکا دونوں افغانستان سےدہشتگردی کاخاتمہ چاہتے ہیں، افغانستان میں دہشتگرد گروپس کو غیرموثرکرنےکےلیے ایک ساتھ ملک رکام کرنا ہوگا۔
انہوں نے مزید کہا کہ خطےمیں امن کےلیےامریکااورعلاقےکی تمام طاقتوں کاتعاون ضروری ہے، طالبان نے سی پیک منصوبوں کا خیر مقدم بھی کیا ہے، تجارت اور ترقیاتی منصوبوں کے امکانات پیدا ہوں گے، سابق حکومتوں کی ناکامیوں سے افغانستان بحران کا شکار ہے جس کی بحالی کیلئے فوری کام کرنا ہوگا۔

برطانیہ(ویب ڈیسک) برطانوی وزیراعظم بورس جانسن نے انگلش کرکٹ بورڈ (ای سی بی) کی جانب سے دورہ پاکستان سے انکار کرنے پرغصے کا اظہار کیا ہے.تفصیلات کے مطابق برطانوی وزیراعظم نے مرد و خواتین ٹیموں کو بھیجنے سے انکار پرای سی بی پر شدید برہمی کا اظہار کیا ہے۔برطانوی اخبار ‘دی ٹائمز’ کے مطابق برطانوی وزرا کا کہنا ہے کہ بورڈ کے اس فیصلے سے دونوں ممالک کے تعلقات میں خرابی پیدا ہو سکتی ہے۔
ذرائع کے مطابق دورے کی منسوخی کے اعلان سے پہلے انگلش کرکٹ بورڈ، 10 ڈاؤننگ اسٹریٹ کے اعلیٰ حکام، دفتر خارجہ اور محکمہ ثقافت، میڈیا اور اسپورٹس کے درمیان مشاورت ہوئی تھی اور اس اجلاس میں گورننگ باڈی نے مطالبہ کیا تھا کہ دورے کو شیڈول کے مطابق ہونا چاہیے۔مگر درخواستوں کو نظر انداز کر کے کھلاڑیوں کی ذہنی اور جسمانی صحت کی بنیاد پر دورے کو منسوخ کرنے پر وزرا بہت برہم ہیں.

نیویارک (ویب ڈیسک)بھارتی وزیراعظم نریندرمودی کو ایک بڑا جھٹکا لگ گیا ہے. ریاست نیویارک کی عدالت کی طرف سے سکھوں کے قتل سے متعلق کیس میں نریندرمودی کو سمن جاری ہوئے ہیں ۔نیویارک کے سدرن ڈسٹرکٹ کورٹ کے جج جان کرونن نے سمن جاری کئے ہیں ۔تفصیلات کے مطابق سکھوں کی تنظیم ‘سکھ فار جسٹس’ نے 17 ستمبر 2021 کو نیویارک کی عدالت میں کیس فائل کیا جس میں نریندر مودی کو فریق بنایا گیا ہے۔عدالت نے مجسٹریٹ جج کیتھرین پارکر کو کیس کا انچارج جج نامزد کر دیا .سکھوں کی تنظیم نے بھارتی وزیر اعظم کے دورہ امریکا پر احتجاج کرنے کی دھمکی دی ہے جبکہ کشمیریوں کی جانب سے اقوام متحدہ کی جنرل اسمبلی میں نریندر مودی کے خطاب کے دوران احتجاجی مظاہرہ کرنے کا اعلان بھی کیا گیا ہے۔
تنظیم کی طرف سے الزام لگایا گیا ہے کہ بھارتی ریاست نے پنجاب اور ہریانہ کے کسانوں پر ریاستی طاقت کا بےجا استعمال کرکے ان پرتشدد کیا جس کیوجہ سے 600 کے قریب کسان زندگی سے ہاتھ دھو بیٹھے۔

افغانستان (ویب ڈیسک)طالبان نے پاکستان سے معافی مانگ لی ہے.تفصیلات کے مطابق سوشل میڈیا پر ایک ویڈیو شئیر ہوئی تھی جس میں افغانستان میں پاکستان کی جانب سے امدادی ٹرک پر لگا پاکستان کا جھنڈا کارکنان کی جانب سے اتارا گیا اوراہلکار جھنڈے کو پھاڑنے کا کہتے نظر آ رہے ہیں .اس حوالے سے طالبان نے وضاحت پیش کی ہے .طالبان کا اس حوالے سے کہنا ہے کہ امدادی ٹرکوں سے پاکستان کا جھنڈا ہٹانے والے کارکنان کے خلاف کارروائی کا فیصلہ کیا ہے.اس کے علاوہ اس عمل سے پاکستانی عوام کو ٹھیس پہنچنے پرہم معذرت کرتے پیں ۔
ویڈیو پر ردعمل کا اظہار کرتے ہوئے طالبان ترجمان ذبیح اللہ مجاہد نے کہا ہے کہ پاکستانی جھنڈے کو ٹرک سے ہٹانے پر اسلامی امارات کی پوری کابینہ ‘افسردہ’ ہے۔ہمسایہ ملک کے عوام کو یقیناً اس واقعے سے ٹھیس پہنچی ہوگی جس پر ہم معذرت کرتے ہیں اور پاکستان کے ساتھ ہر قسم کے اچھے تعلقات چاہتے ہیں۔ان کا مزید کہنا تھا کہ اس حرکت میں ملوث اہلکاروں کو گرفتار کیا جاچکا ہے اور ان سےاسلحہ بھی واپس لے لیا گیا جبکہ اسلامی امارات کے قانون کے مطابق انہیں سزا دی جائے گی۔

اسلام آباد: وفاقی حکومت نے چیف الیکشن کمشنر کے معاملے پر جارحانہ رویہ اختیار کرنے کا فیصلہ کیا ہے۔
وزیراعظم عمران خان کی سربراہی میں وفاقی کابینہ کا اجلاس ہوا جس میں ملکی سیاسی، معاشی صورتحال کا جائزہ اور نیوزی لینڈ کرکٹ ٹیم کے دورہ منسوخی سمیت 21 نکاتی ایجنڈے پر غور کیاگیا۔ اجلاس میں ازبکستان کو بزنس ویزا لسٹ میں شامل کرنے ، ٹریڈنگ کارپوریشن پاکستان کے چیئرمین ، سی ای او ڈریپ اور ریلوے بورڈ ممبران کی تقرری و تعیناتی کی منظوری، خطے کے ممالک سے فلموں کی درآمد، جموں کشمیر اسٹیٹ پراپرٹی بجٹ کی منظوری اور دیگر معاملات زیر غور آئے۔

کابینہ کے اجلاس میں الیکٹرانک ووٹنگ مشین اور بیرون ملک مقیم پاکستانیوں کو ووٹ کا حق دینے کے معاملے پر بریفنگ لی گئی، اس موقع پر چیف الیکشن کمشنر کے وفاقی وزرا کو نوٹسز پر بھی گفتگو ہوئی، اجلاس میں حکومت نے چیف الیکشن کمشنر کے معاملے پر جارحانہ رویہ اختیار کرنے کا فیصلہ کیا ہے۔
اجلاس کے بعد میڈیا بریفنگ کے دوران وفاقی وزیر اطلاعات فواد چوہدری نے کہا کہ ہمیں انتخابی اصلاحات کو آگے بڑھانا ہے، یہ نہیں ہوسکتا کہ اوورسیز پاکستانیوں کو ووٹ کا حق نہ دیں، ہم اوورسیز پاکستانیوں کو ان کا حق دلائیں گے۔ اگلا الیکشن نئی مردم شماری اور حلقہ بندیوں پر ہونا ہے، مردم شماری کے لیے 18 ماہ کا وقت درکار ہوگا۔واضح رہے کہ انتخابات میں الیکٹرانک ووٹنگ مشین کے استعمال کے معاملے پر حکومت اور الیکشن کمیشن کے درمیان شدید اختلافات ہیں۔ اس حوالے سے وفاقی وزرا نے چیف الیکشن کمشنر پر الزام لگایا ہے کہ وہ اپوزیشن کی زبان بول رہے ہیں۔

کراچی(ویب ڈیسک) پاکستانی ٹک ٹاکر حریم شاہ اکثرخبروں میں ان رہتی ہیں،یہی وجہ ہے کہ اس کی خبر اتے ہی لوگ فوری پڑھ لیتے ہیں. کا کہنا ہے کہ وہ پی ٹی آئی اور عمران خان کی کارکردگی سے دلبرداشتہ ہوگئی ہیں۔
حریم شاہ نے حال ہی میں اداکار ساجد حسن کے شو ’’زندگی ود ساجد حسن‘‘ میں شرکت کی جہاں انہوں نے اپنی زندگی اور پاکستانی سیاست کے بارے میں بہت سی باتیں کی۔
انٹرویو کے دوران حریم شاہ نے بتایا کہ وہ چار بہنیں اور تین بھائی ہیں ان کے والدین سرکاری ملازم ہیں لہذا انہوں نے ان کی تعلیم پر خاص توجہ دی۔ انہوں نے ابتدائی تعلیم پشاور سے حاصل کی اور بعد ازاں اسلامک یونیورسٹی سے ماسٹرز کیا۔
حریم شاہ نے بتایا کہ فی الحال ان کا شادی کرنے کا کوئی ارادہ نہیں ہے کیونکہ ابھی وہ کوئی منفرد کام کرنا چاہتی ہیں جو اس سے پہلے کبھی کسی نے نہ کیا ہو۔ حریم شاہ نے مردوں کے متعلق اپنے خیالات بتاتے ہوئے کہا ان کے خیال میں مرد بہت مقدس چیز ہے۔

حریم شاہ نے پاکستانی سیاست کے بارے میں بات کرتے ہوئے کہا کہ یونیورسٹی کے دنوں سے میں پاکستان تحریک انصاف سے وابستہ تھی اورعمران خان کو اس وقت سے جانتی ہوں جب وہ وزیراعظم نہیں تھے۔ عمران خان مجھے شروع سے ہی بہت پسند تھے لیکن اب ان کی پسندیدگی میں کمی آگئی ہے۔

میزبان نے پوچھا اب کیا ہو گیا تو حریم شاہ نے کہا کہ وہ پی ٹی آئی اور عمران خان کی کارکردگی سے تھوڑی سی دلبرداشتہ ہوگئی ہیں۔ انہوں نے موجودہ حکومتی سیاسی پارٹی سے دلبرداشتہ ہونے کی وجہ بتاتے ہوئے کہا جب آپ کسی سے بہت زیادہ امیدیں رکھتے ہیں اور جب آپ کی امید ٹوٹ جاتی ہے تو آپ دلبرداشتہ ہوجاتے ہیں۔ پاکستانیوں نے بھی عمران خان اور پی ٹی آئی سے بہت زیادہ امیدیں وابستہ کی ہوئی تھیں۔ عمران خان نے ہمیں امید دلائی تھی کہ پاکستان ایک نیاپاکستان ہوگا لیکن ابھی تک ایسا کچھ نہیں ہوا۔

تاہم حریم شاہ نے وزیراعظم عمران خان کی خوبیاں بھی بتائیں اور کہا خان صاحب پاکستان کے لیے مثبت سوچتے ہیں اور کرپٹ نہیں ہیں۔ وہ ہمارے لیڈر ہیں انہیں ہمارے لیے کچھ کرنا چاہئے لیکن ابھی تک انہوں نے کچھ نہیں کیا۔ حریم شاہ نے کہا میں چاہتی ہوں اب پاکستان میں پیپلز پارٹی کی حکومت آئے۔

میزبان نے حریم شاہ سے پوچھا آپ کے خیال میں پاکستان کس سمت جارہا ہے جس پر ٹک ٹاکر نے کہا ہمارے یہاں زیادہ تر سیاستدان کرپٹ ہیں اور اگر انہیں سیٹ ملی ہے تو ان کی زیادہ تر توجہ اس جانب ہوتی ہے کہ ہم کیسے فائدہ اٹھائیں۔

حریم شاہ کو پاکستان میں اس وقت شہرت ملی تھی جب ان کی دفتر خارجہ کی عمارت کے میٹنگ روم سے ایک ٹک ٹاک ویڈیو وائرل ہوئی تھی اور لوگوں نے ان پر تنقید کرتے ہوئے کہا تھا کہ ایک ٹک ٹاکر کو دفترخارجہ تک رسائی کس نے دی۔

میزبان نے انٹرویو کے دوران یہی سوال حریم شاہ سے کیا جس پر حریم شاہ نے بات گول مول کردی اور صرف اتنا کہا کہ اگر آپ کسی جگہ جارہے ہو تو آپ کو وہاں جانے کا دعوت نامہ ملتا ہے، مجھے دعوت نامہ ملا تھا اسی لیے میں گئی تھی۔ تاہم انہوں نے یہ نہیں بتایا کہ انہیں دفتر خارجہ میں جانے کا دعوت نامہ کس نے دیا تھا۔

پاکستان (ویب ڈیسک)24 ستمبر کووزیراعظم عمران خان اقوام متحدہ کی جنرل اسمبلی سے خطاب کریں گے۔تفصیلات کے مطابق اقوام متحدہ میں پاکستان کے سفیر منیر اکرم کا اس حوالے سے کہنا ہے کہ کہا کہ جنرل اسمبلی میں ہونے والےخطاب میں مباحثوں کا محور عالمی مسائل اور بعض تنازعات کی صورتحال ہو گا .علاوہ ازیں پاکستان مقبوضہ کشمیر میں انسانی حقوق کی خلاف ورزیوں سے دنیا کو آگاہی فراہم کرے گا.اقوام متحدہ کی جنرل اسمبلی کے 76ویں اجلاس میں شرکت کے لیے وزیر خارجہ شاہ محمود قریشی نیویارک پہنچ چکے ہیں.اقوام متحدہ کے سیکریٹری جنرل انتونیو گوتریس نےایک انٹرویو کے دوران بتایا ہےکہ ‘افغانستان میں صوتحال غیر متوقع ہے’۔انہوں نے خبردار کیا کہ ‘مختلف اقدامات اور پابندیوں کی موجودگی میں، معیشت مکمل تباہ ہونے کا خطرہ ہے’۔