Tag فیس بک

کیلی فورنیا(ویب ڈیسک) فیس بک انتظامیہ نے انسٹاگرام اور واٹس ایپ سمیت اپنی ایپلی کیشن کی 6 گھنٹے سے زائد بندش کی وجہ کنفیگریشن میں غلط تبدیلی کو قرار دیا تھا تاہم اب اس کی اصل وجہ سامنے آگئی ہے۔
عالمی خبر رساں ادارے کے مطابق گزشتہ روز دنیا بھر میں فیس بک، واٹس ایپ اور انسٹاگرام کی سروس 6 گھنٹے تک معطل رہی تھی جس کے باعث ساڑھے تین ارب صارفین متاثر ہوئے تھے اور کمپنی کے اسٹاکس 4.9 فیصد گرگئے تھے۔
فیس بک انتظامیہ نے ایک بلاگ پوسٹ میں کہا تھا کہ سروس کی معطلی کی وجہ کنفیگریشن میں تبدیلی کی وجہ سے ہوئی تھی تاہم کنفیگریشن کی تبدیلی کی نوعیت سے آگاہ نہیں کیا گیا تھا۔
عالمی خبر رساں ادارے رائٹرز نے دعویٰ کیا ہے کہ فیس بک کے کچھ ملازمین نے نام نہ ظاہر کرنے کی شرط پر بتایا ہے کہ سروس کی معطلی انٹرنیٹ ٹریفک کو سسٹم تک پہنچانے کی کوئی اندرونی غلطی ہے۔
فیس بک ملازمین نے رائٹرز سے بات کرتے ہوئے مزید بتایا کہ اندرونی روابط کے آلات کی ناکامی اور نیٹ ورک سے متعلق دیگر خرابیوں نے تینوں ایپس کی سروس کی معطلی کے دورانیے میں اضافہ کیا۔
واضح رہے کہ سیکیورٹی ماہرین نے بھی امکان ظاہر کیا تھا کہ کمپنی میں کام کرنے والے کسی شخص سے نادانستہ طور پر کوئی غلطی ہوئی ہوگی تاہم فیس بک کا اصرار تھا کہ معطلی کی وجہ ’کنفیگریشن کی تبدیلی‘ ہے۔

سان فرانسسكو(ویب ڈیسک) انسٹاگرام کی مالک کمپنی فیس بک نے اعتراف کیا ہے ان کی ایپ ’انسٹاگرام‘ بالخصوص نوعمر لڑکیوں کے دماغ پر منفی اثرات مرتب کررہی ہے کیونکہ اس میں جسمانی خدوخال اور چہرے پر زور دیا جاتا ہے۔ انسٹاگرام نے کہا ہے کہ وہ اس رحجان کو کم کرنے اور صارفین کو ظاہری جسمانی کیفیات پر متوجہ ہونے کی حوصلہ شکنی کرے گا۔

وال اسٹریٹ جرنل اخبار میں چند روز قبل ایک رپورٹ شائع ہوئی ہے جس میں کہا گیا ہے گزشتہ تین برس سے فیس بک کے ماہرین 2012 میں خریدے جانے والے انسٹاگرام پر تحقیق کررہے تھے۔ اس کا خلاصہ یہ ہے کہ فوٹو شیئرنگ ایپ نوعمر اور کمسن لڑکیوں پر ’زہریلے اثرات‘ مرتب کررہی ہے۔ یہاں تک کہ یہ پلیٹ فارم باڈی امیج اور ظاہری شباہت پر زور دیتے ہوئے لڑکیوں کو دماغی و نفسیاتی مریض بنارہا ہے۔
اخبار کے مطابق برطانیہ میں 13 فیصد اور امریکہ میں 6 فیصد لڑکیوں نے کہا کہ انہیں انسٹاگرام دیکھنے کے بعد اپنی زندگی ختم کرنے کا خیال آیا۔ یعنی انسٹاگرام سے وابستہ ہونے کے بعد مجموعی طور پر ہر تین میں سے ایک نوعمر لڑکی اپنی جسمانی شباہت سے غیرمطمیئن دکھائی دی۔
تاہم انسٹاگرام میں عوامی پالیسی کی سربراہ کرینہ نیوٹن نے کہا ہے کہ اگرچہ بعض افراد انسٹاگرام پر’منفی تجربات‘ کی بات کررہے ہیں تو دوسری جانب محروم طبقات ایپ سے جڑ کر اپنے پیارے اور اہلِ خانہ سے جڑ رہہے ہیں۔

فیس بک کے مطابق ان کا ادارہ نوعمر لڑکے اور لڑکیوں میں پیچیدہ اور مشکل مسائل کو سمجھنے کی کوشش کررہا ہے۔ کمپنی نے کیا ہے کہ وہ اس مسائل کے حل میں مدد بھی فراہم کریں گے۔

وال اسٹریٹ جرنل نے کہا ہے کہ نوعمر لڑکیاں اپنا موازنہ دوسروں سے کرتی ہیں۔ مثلاً کوئی قیمتی شے یا دولت کی نمائش کرتا ہے تو دیکھنے والے اس سے اپنا موازنہ کرتے ہیں اور یوں اداس رہنے لگتے ہیں۔ انسٹاگرام کے مطابق شرکا سے کہا جائے گا کہ وہ اس طرح کے رحجان سے ہٹ کر دیگر مثبت پہلو اور موضوعات پر گفتگو اور پوسٹ کریں۔ کرینہ نیوٹن کے مطابق انسٹاگرام کے پورے کلچر کو بدلنے کی کوشش کی جائے گی۔

تاہم فیس بک کی تحقیق سے 2020 میں ادارے کے ممتاز سربراہان بشمول مارک زکربرگ کو بھی آگاہ کیا گیا تھا۔تاہم دیگر تجزیہ کار فیس بک کی طفلِ تسلیوں سے مطمئین نہیں کیونکہ وہ بار بار اپنے بلاگ اور مضامین میں فیس بک اور انسٹاگرام سے اپنی پالیسی پر نظرثانی کرنے کا کہتے رہے ہیں۔ ان تجزیہ کاروں کے مطابق اب بچوں کے لیے انسٹاگرام پیش کرنے کی تیاری جاری ہے جو بچوں کے لیے مزید مسائل پیدا کرسکتی ہے۔

سان فرانسسكو(ویب ڈیسک) اس وقت دنیا میں سوشل میڈیا کا دور ہے.دنیا میں شاید ہی کوئی ایسا ہو جو سوشل میڈیا استعمال نہ کرتا ہو.مختلف ایپس اس وقت کام کر رہی ہیں مگر جہاں اس کے بے شمارفوائد ہیں وہیں نقصانات بھی موجود ہیں .اسی سلسلے میں ایک سوشل میڈیا کمپنی فیس بک نے اس بات کا اعتراف کیا ہے کہ ان کی ایپ ’انسٹاگرام‘ نوعمر لڑکیوں کے دماغ پر منفی اثرات مرتب کررہی ہے ۔ انسٹاگرام نے اگرچہ اس کا حل بھی نکالنے کا کہا ہے .ان کا کہنا ہے کہ وہ اس رحجان کو کم کرنے اور صارفین کو ظاہری جسمانی کیفیات پر متوجہ ہونے کی حوصلہ شکنی کرے گا۔
چند روز قبل ایک غیر ملکی جریدے میں ایک رپورٹ شائع ہوئی جس میں کہا گیا ہے پچھلے 3 برس سے فیس بک کے ماہرین انسٹاگرام خریدنے کے بعد اس پر تحقیق کررہے تھے۔ جس کے بعد خلاصہ یہ ہے کہ فوٹو شیئرنگ ایپ کم عمر اوربالخصوص کمسن لڑکیوں پر منفی اثرات مرتب کررہی ہے۔ یہاں تک کہ یہ پلیٹ فارم لڑکیوں کو دماغی و نفسیاتی مریض بنارہا ہے۔
فیس بک کے مطابق وہ اس مسئلے کو سمجھنے اور حل کرنے کی کوشش کریں گے اور کمپنی پوری مدد بھی فراہم کریں گے۔

سلیکان ویلی(ویب ڈیسک) ٹوئٹر کی جانب سے ایک نئے فیچر ’’کمیونٹیز‘‘ کا اعلان کیا گیا ہے جو بظاہر فیس بُک ’’گروپس‘‘ اور ریڈٹ میں ’’سبریڈیٹ‘‘ سے ملتا جلتا ہے۔آسان الفاظ میں کوئی ’’ٹوئٹر کمیونیٹی‘‘ ایک خاص موضوع سے دلچسپی رکھنے والے ٹوئٹر صارفین کا ایک گروپ ہوگی۔اس کمیونیٹی میں کی جانے والی ٹویٹس کو اگرچہ تمام ٹوئٹر صارفین دیکھ سکیں گے تاہم صرف کمیونٹی ممبرز (ارکان) ہی ان پر تبصرے کرسکیں گے۔ یہ فیچر بالکل ویسا ہی ہے جیسا کہ فیس بُک میں ’’کلوزڈ گروپس‘‘ میں ہوتا ہے۔

فیس بُک گروپ کی طرح اس میں بھی ایڈمنز اور ماڈریٹرز ہوں گے جو کمیونیٹی میں کی جانے والی ٹویٹس پر نظر رکھیں گے اور یقینی بنائیں گے کہ کمیونیٹی میں شامل تمام ارکان اس کے ضابطہ اخلاق کی پابندی کریں۔ٹوئٹر انتظامیہ کی جانب سے کمیونٹیز کےلیے ایک علیحدہ ٹوئٹر اکاؤنٹ بھی تخلیق کردیا گیا ہے جس کی تعارفی ٹویٹ میں ایک مختصر ویڈیو کے ذریعے ’’کمیونٹیز‘‘ کا طریقہ کار واضح کیا گیا ہے:

اس کے علاوہ، ٹوئٹر کی آفیشل ویب سائٹ پر ایک بلاگ بھی موجود ہے جس سے پتا چلتا ہے کہ فی الحال ’’کمیونٹیز‘‘ کا فیچر آزمائشی مرحلے پر ہے جس میں آئی او ایس (ایپل) اور ڈیسک ٹاپ ٹوئٹر صارفین کی ایک محدود تعداد ہی شریک ہے۔اینڈروئیڈ کےلیے یہ فیچر بعد میں متعارف کروایا جائے گا۔آپ صرف اسی صورت میں کسی کمونیٹی کا حصہ بن سکتے ہیں کہ جب اس کا ماڈریٹر یا کوئی رکن آپ کو مدعو (انوائٹ) کرے۔
البتہ، اس کےلیے آپ کے پاس ٹوئٹر کا عوامی (پبلک) اکاؤنٹ ہونا ضروری ہے۔ یعنی ایک ایسا اکاؤنٹ جسے تمام صارفین دیکھ سکیں۔ممبر بن جانے کے بعد آپ مزید پانچ افراد کو اُس کمیونیٹی میں شمولیت کےلیے مدعو کرسکیں گے۔

سان فرانسسكو(ویب ڈیسک) فیس بک نے بہت انتظار کروانے کے بعد آخرکار اپنی اسمارٹ عینک پیش کردی ہے جسے مشہور لگژری عینک ساز کمپنی رے بین نے اپنے اسٹور پر رکھا ہے۔

عینک کی دونوں جانب 5 میگاپکسل کیمرے نصب ہیں جنہیں ایک ساتھ استعمال کرتے ہوئے تصاویر اور ویڈیوز بنائی جاسکتی ہیں۔ دوکیمروں کی بدولت اب صارفین تھری ڈی تصاویر اور ویڈیو تیار کرسکتے ہیں۔ اس میں موجود طاقتور اسپیکر موسیقی سناتے ہیں جبکہ اس عینک سے آپ فون کال کرسکتے ہیں اور وصول بھی کرسکتے ہیں۔ لیکن اسے چلانے کے لیے اینڈروئیڈ یا آئی او ایس ایپ اور ڈیوائس (فون یا ٹیبلٹ) درکار ہوگی۔ تمام خوبیوں کے باوجود یہ عینک صرف 50 گرام وزنی ہے اور قیمت 299 ڈالر کے لگ بھگ رکھی گئی ہے۔ اس قیمت کا مقصد زیادہ سے زیادہ صارفین کو راغب کرنا ہے۔
دلچسپ بات یہ ہے کہ اس کا کیس خالص چمڑے کا ہے کہ لیکن اس میں عینک رکھ کر اسے چارج کیا جاسکتا ہے اور بیٹری پورے دن چل سکتی ہے۔ دیکھنے پر یہ فیشن اور اسٹائل سے بھرا دھوپ کا جشمہ لگتا ہے لیکن کئی بٹنوں سے آپ میڈیا ریکارڈنگ یا فون کال وصول کرسکتے ہیں۔ ویڈیو ریکارڈنگ کی صورت میں ایک سفید ایل ای ڈی روشن ہوجاتی ہے جس کے بعد آپ کے دوست ویڈیو کےلیے تیار ہوسکتے ہیں۔

رے بین کمپنی نے تمام برقی آلات اور سرکٹ کو بہت سہولت سے اپنے اندر سمویا ہے جبکہ سن گلاس کی خوبصورتی کو ہر صورت برقرار رکھا گیا ہے۔ لوگوں کی اکثریت کا خیال تھا کہ اس میں ڈیجیٹل آگمینٹڈ ریئلٹی کا آپشن ہوگا لیکن ایسا نہیں۔ یہی وجہ ہے کہ اس کی قیمت کم ہے اور عینک کے اندر کسی قسم کا کوئی ڈسپلے موجود نہیں؛ اور سادہ ڈسپلے بھی نہیں کہ جس سے آپ ویڈیو وغیرہ دیکھ سکیں۔

رے بین نے کہا ہے کہ اس اختراع کی بدولت اب فون کو ایک نیا روپ دینا ممکن ہوجائے گا۔

برطانیہ (ویب ڈیسک )افغانستان سے انخلا کے حوالے سے اہم انکشافات سامنے آئے ہیں .ایک بڑی کمپنی نے دعویٰ کیا ہے کہ انہوں نے افغانستان سے کافی تعداد میں لوگوں کو باہر نکالا ہے .تفصیلات کے مطابق سوشل میڈیا کے مشہور پلیٹ فارم فیس بک نے دعویٰ کہا ہے کہ افغانستان سے انخلا کے معاملے میں کمپنی نے مدد فراہم کی .افغانستان سے 175 افراد کو میکسیکو پہنچایا جس میں ان کا سٹاف بھی شامل ہے.
نجی ادارے کے مطابق فیس بک کے دعویٰ کے بعد میکسیکو کی حکومت نے بھی اس بات کی تصدیق کی ہے کہ صحافیوں ،ایکٹوسٹس اور ان کے اہل خانہ میکسیکو پہنچے تھے جن میں 75 بچے بھی شامل تھے۔فیس بک کے ترجمان کا کہنا ہے کہ ہم نے صحافیوں کے ایک گروپ اور ان کے اہلِ خانہ کو جو شدید خطرات میں گھرے ہوئے تھےافغانستان سے نکالنے کی کوششوں میں مدد فراہم کی علاوہ ازیں ترجمان فیس بک کامزید کہنا تھا کہ وہ میکسیکو کی حکومت اور متحدہ عرب امارات کی جانب سے ابتدائی تعاون کا شکریہ ادا کرتے ہیں۔

ہمارے پلیٹ فارمز پر نفرت سے نمٹنے کے لیے اقدامات اٹھانا ، نیوزی لینڈ کی کمیونٹی کی حمایت کرنا ہے، چیف آپریٹنگ آفسر
پیرس(ایمرا نیوز آن لائن )سماجی رابطوں کی ویب سائٹ فیس بک نے کہا ہے کہ نیوزی لینڈ میں مساجد پر خوفناک حملے کی براہ راست راست ویڈیو نشر کرنے کے بعد ویب سائٹ اپنی لائیو ویڈیو اسٹریمنگ کے قوانین سخت کر رہی ہے۔ چیف آپریٹنگ افسر شیرل سینڈ برگ نے ایک آن لائن پوسٹ میں کہا کہ مختلف افراد کا سوال بجا تھا کہ کس طرح فیس بک جیسے آن لائن پلیٹ فارمز کو حملے کی خوفناک ویڈیو کے لیے استعمال کیا گیا۔واضح رہے کہ نیوزی لینڈ کے شہر کرائسٹ چرچ میں 15 مارچ کو 2 مساجد میں سفید فام دہشت گرد نے فائرنگ کی تھی اور 50 افراد کو شہید کردیا تھا۔انہوں نے کہا کہ دہشت گرد حملے کے تناظر میں ہم نے 3 اقدامات اٹھائے ہیں، جس میں فیس بک لائیو کے استعمال کے لیے قوانین کو سخت کرنا، ہمارے پلیٹ فارمز پر نفرت سے نمٹنے کے لیے اقدامات اٹھانا اور نیوزی لینڈ کی کمیونٹی کی حمایت کرنا ہے۔ان کے مطابق فیس بک ایسے افراد کو روکنے کے معاملے کو دیکھ رہا ہے جنہوں نے پہلے اس کے پلیٹ فارم پر لائیو اسٹریمنگ سے سماجی رابطوں کے نیٹ ورک کی کمیونٹی معیار کی خلاف وزری کی۔ساتھ ہی سماجی رابطوں کا نیٹ ورک تشدد کی ویڈیو یا تصاویر کے ترمیم شدہ ورژنز کو فوری طور پر پہچاننے کے لیے سافٹ ویئر کو بہتر کرنے میں بھی سرمایہ کاری کر رہا ہے تاکہ اس طرح کی چیزوں کو چیئر یا ری پوسٹ ہونے سے روکا جاسکے۔شیرل سینڈ برگ کا کہنا تھا کہ اگرچہ نیوزی لینڈ حملے کی ویڈیو براہ راست نشر ہوئی لیکن ہم جانتے ہیں کہ یہ ویڈیو لوگوں کی جانب سے ری شیئر کرنے سے زیادہ پھیلی اور اس میں ترمیم کی وجہ سے ہمارے سسٹم کے لیے اسے بلاک کرنا مشکل ہوگیا۔انہوں نے کہا کہ برے ارادوں کے حامل افراد ہمیشہ ہمارے سیکیورٹی کے اقدامات کے ارد گرد تک پہنچنے کی کوشش کریں گے۔ ادھر فیس بک کی جانب سے 900 سے زائد ایسی ویڈیوز کی نشاندہی کی جس میں تشدد دکھایا گیا تھا۔

کیلیفورنیا(ویب ڈیسک/میڈیا 92 نیوز) انسٹا گرام کے صارفین اب تصویریں دیکھنے اور شئیر کرنے کے علاوہ لمبی ویڈیوز بھی دیکھ یا شئیر کر سکیں گے۔

سماجی رابطوں کی ویب سائٹ انسٹا گرام نے اپنی نئی ایپ ’آئی جی ٹی وی‘ متعارف کرا دی۔ نئی ایپ کی مدد سے صارفین تصاویر کے ساتھ ساتھ ویڈیوز بھی شیئر کرسکیں گے۔ ویڈیو شیئر کرنے کا آپشن دینے کا مقصد نوجوان صارفین کو اپنی طرف متوجہ کرنا ہے۔

Introducing IGTV, a new app for watching long-form, vertical video from your favorite Instagram creators. https://t.co/7aSMmmAsyB pic.twitter.com/Py8QI1rS23

— Instagram (@instagram) June 20, 2018

فیس بک کمپنی نے انسٹا گرام میں نئی تبدیلیوں کا اعلان کیا ہے جس کے بعد صارفین ایک منٹ سے دس منٹ کی ویڈیو بھی پوسٹ کرسکیں گے۔ تاہم انسٹا گرام کے سپر اسٹارز کے اکاؤنٹ کے لیے یہ دورانیہ ایک گھنٹے تک ہوگا۔

انسٹا گرام کے نئے فیچر کو متعارف کرانے کا مقصد یوٹیوب صارفین کو انسٹاگرام پر لانا ہے۔ دونوں سائٹس کی ویڈیو میں ایک واضح فرق ہوگا۔ انسٹاگرام کی ویڈیوز عمودی (ورٹیکل) جب کہ یوٹیوب کی افقی (ہوریذونٹل) ہوں گی۔دنیا بھر میں ’آئی جی ٹی وی‘ ایپ ایپل آپریٹنگ سسٹم اور اینڈرائیڈ صارفین کے لیے دستیاب ہوگی۔ ای مارکیٹئیرز کے مطابق اس نئے فیچر کو استعمال کرکے امریکی اشتہاری کمپنیاں انسٹا گرام کو پانچ ارب ڈالر منافع کما کر دے سکتی ہیں۔

لاہور (میڈیا نائن ٹو ڈاٹ ٹی وی ) دنیا میں سب سے زیادہ استعمال ہونے والی سوشل میڈیا ویب سائٹ فیس بک سے صارفین کیلئے اپنی پوسٹ ڈیلیٹ کرنے کی آپشن ختم ہو گئی ہے جس کے باعث دنیا بھر کے صارفین تشویش میں مبتلا ہو گئے ہیں اور اپنے خدشات کا اظہار کر رہے ہیں۔دنیا بھر کے صارفین نے ٹوئٹر سمیت دیگر سوشل میڈیا ویب سائٹس پر اس کی شکایت کی اور بتایا کہ یہ آپشن ختم ہو گئی ہے۔ بہت سے لوگوں نے فیس بک سے رابطہ کرنے کی کوشش کی تاہم کمپنی کی جانب سے کوئی موقف نہیں سامنے آیا تاہم یہ خبریں سامنے آنے کے بعد ہم نے اس آپشن کو چیک کرنے کی کوشش کی تو یہ وہیں پر موجود تھی۔ ”نیکسٹ ویب“ کے میٹ نوارا نے سب سے پہلے اس جانب توجہ دلائی اور ٹوئٹر پر جاری اپنے پیغام میں لکھا ”یہ صرف تم ہی نہیں ہو! لگتا ہے کہ فیس بک نے پوسٹ ڈیلیٹ کرنے کی آپشن ختم کر دی ہے۔“