Tag لاہور

لاہور (میڈیا 92 نیوز آن لائن ) پاکستان تحریک انصاف (پی ٹی آئی) کے اہم رہنما عمر ڈار نے پارٹی عہدے سے استعفی دے دیا۔

ذرائع کے مطابق تحریک انصاف کی نئی تنظیم سازی پر اختلاف سامنے آنے لگ گئے۔ رہنما پی ٹی آئی عمر ڈار کو نئی تنظیم سازی میں گوجرانوالہ ڈویژن کا ڈپٹی سیکرٹری جنرل بنایا گیا تھا، اس سے قبل وہ سینڑل پنجاب کے صدر اور مرکزی ڈپٹی سیکرٹری جنرل رہ چکے ہیں۔

عمر ڈار کو پارٹی کے مرکزی عہدوں پر رہنے کے بعد گوجرانوالہ ڈویژن کا عہدے پر تنزلی پر اعتراض ہے۔واضح ہے کہ عمر ڈار کے تنظیم سازی کے معاملے پر پارٹی کے چیف آرگنائزر سیف اللہ نیازی سے اختلافات بھی چل رہے ہیں۔

لاہور: سابق صوبائی وزیر قانون اور پاکستان مسلم لیگ ن کے رہنما رانا ثنااللہ کا کہنا ہے کہ انہیں جیل میں میڈیکل رپورٹس اور ادویات نہیں دی جا رہیں۔

جوڈیشل ریمانڈ ختم ہونے پر لاہور کی سینٹرل اسپیشل عدالت میں پیشی کے دوران انہوں نے کہا کہ گرفتاری سے ایک ہفتہ پہلے ان کی سیکورٹی واپس لے لی گئی تھی۔ان کا کہنا تھا کہ گرفتاری کے بعد تھانے میں منتقل کیا گیا جہاں ان سے کوئی سوال جواب نہیں ہوا۔

رانا ثنااللہ کے وکیل نے کہا کہ چالان کے مکمل ریکارڈ موجود نہیں، اس لیے مقدمے کی سماعت ملتوی کی جائے۔ملزم کے وکیل نے کہا کہ سرکار ساری حدیں پار کر رہی ہے، گھٹن بہت ہے تھوڑی سی تازہ ہوا آنی چاہیئے۔

انہوں نے کہا کہ رانا ثنا اللہ کے دل کا آپریشن ہو چکا ہے، انہیں گھر کا کھانا دیا جائے اور ادویات بھی گھر سے لانے کی اجازت دی جائے۔عدالت نے وکیل کو اس بارے میں تحریری درخواست دینے کا حکم دیا۔

انسداد منشیات فورس کے پراسیکیوٹر کا کہنا تھا کہ چالان مکمل ہو چکا ہے لیکن باقی چیزیں ابھی تیار نہیں ہیں۔عدالت نے جیل حکام سے رانا ثناءاللہ کی میڈیکل رپورٹ طلب کرتے ہوئے سماعت یکم اگست تک ملتوی کر دی۔

سماعت کے بعد میڈیا سے گفتگو کرتے ہوئے انہوں نے کہا کہ وہ ویڈیو کہاں ہے جو گرفتاری کے وقت بنائی گئی؟رانا ثناءاللہ کا کہنا تھا کہ انہیں گرفتاری کے وقت کچھ نہیں بتایا گیا، اگلے روز 15 کلو منشیات ان پر ڈال دی گئی۔

مسلم لیگ ن کے قائد شہباز شریف بھی رانا ثناء اللہ سے اظہار یکجہتی کے لئے عدالت موجود تھے۔

یاد رہے کہ اے این ایف نے رانا ثنا اللہ سمیت 6 ملزمان پر مقدمہ درج کیا ہوا ہے۔ اے این ایف نے 60 سے زائد صفحات پر مشتمل چالان عدالت میں پیش کیا۔

رانا ثناءاللہ کی پیشی کے موقع پر جوڈیشل کمپلیکس کے گرد سیکیورٹی کے انتہائی سخت انتظامات کئے گئے تھے۔

سیکیورٹی اداروں نے عدالت کے اطراف غیر متعلقہ افراد کا داخلہ بند کر دیا گیا تھا جبکہ پولیس کی بھاری نفری احاطہ عدالت کے اندر اور باہر تعینات تھی۔

یاد رہے کہ رانا ثنا اللہ کو اینٹی نارکوٹکس فورس نے منشیات برآمد ہونے پر یکم جولائی کو گرفتار کیا تھا۔

بعد ازاں اے این ایف نے سابق وزیرقانون کو لاہور کی مقامی عدالت میں پیش کیا اور14 روزہ جوڈیشل ریمانڈ کی استدعا کی جو عدالت نے منظور کرلی۔

رانا ثنا اللہ اور دیگر6 ملزمان کو جوڈیشل مجسٹریٹ احمد وقاص کی عدالت میں پیش کیا گیا تھا۔دیگر ملزمان میں اکرم ، عمر فاروق ، عامر رستم ، عثمان احمد اور سبطین خان شامل ہیں۔

لاہور کے ڈپٹی کمشنر (ڈی سی) نے اپوزیشن جماعتوں کو 25 جولائی کو یومِ سیاہ منانے کے اعلان کے پیشِ نظر مال روڈ پر احتجاج کی اجازت دینے سے انکار کردیا۔

ضلعی انتظامیہ کے ترجمان نے کہا کہ لاہور ہائی کورٹ نے مال روڈ پر جلسے، جلوس، احتجاج اور ریلیوں پر پابندی عائد کررکھی ہے۔لہٰذا ڈی سی آفس کسی صورت مال روڈ پر احتجاج کرنے کی اجازت نہیں دے سکتا۔

خیال رہے کہ مسلم لیگ (ن) نے 25 کو مال روڈ پر مشترکہ اپوزیشن کی جانب سے احتجاج کرنے کی اجازت مانگی تھی۔ترجمان ضلعی انتظامیہ کا مزید کہنا تھا کہ مال روڈ پر احتجاج کیا گیا تو دفعہ 144 کی خلاف ورزی پر مقدمہ درج کیا جائے گا اور کسی صورت میں مال روڈ کو بند کرنے کی اجازت نہیں دی جائے گی۔

یاد رہے کہ 5 جولائی کو اپوزیشن کی رہبر کمیٹی کے پہلے اجلاس میں تحریک انصاف کی حکومت کے خلاف ملک بھر میں 25 جولائی سے احتجاجی مظاہروں کا سلسلہ شروع کرنے کا فیصلہ کیا گیا تھا۔

اسی اجلاس کے دوران 25 جولائی کو یومِ سیاہ منانے کی حکمت عملی بھی مرتب کی گئی تھی جس کے تحت تمام بڑے شہروں میں احتجاجی مظاہرے کرنے کا فیصلہ کیا گیا تھا۔

لاہور (اپنے رپورٹر سے ) پاکستانی اداکار و گلوکار محسن عباس حیدر کی اہلیہ فاطمہ سہیل نے رواں ماہ 20 جولائی کو اپنے شوہر پر گھریلو تشدد اور شادی شدہ ہونے کے باوجود افیئرز چلانے کا الزام عائد کیا تھا، جس کے بعد اب لاہور کے ڈیفنس پولیس اسٹیشن میں اداکار کے خلاف ایف آئی آر درج کرلی گئی۔

محسن عباس حیدر کے خلاف ایف آئی آر دفعہ 406 اور 506 کے تحت درج کی گئی جبکہ ان پر درخواست گزار کو جان سے مارنے کی دھمکیاں دینے کا بھی الزام عائد کیا گیا۔

یاد رہے کہ مقدمہ درج ہونے سے قبل محسن عباس اور ان کی اہلیہ دونوں ایس پی کینٹ لاہور کے دفتر پہنچے تھے جہاں انہوں نے اپنے بیانات ریکارڈ کرائے۔

ایف آئی آر میں فاطمہ نے اپنے شوہر پر الزام لگاتے ہوئے بتایا کہ چار سال قبل محسن کا رویہ ان کے ساتھ کافی خراب ہونا شروع ہوگیا تھا اور وہ متعدد مواقع پر ان سے بہت بری طرح پیش آتے تھے، محسن کا کسی اور خاتون کے ساتھ افیئر بھی سامنے آیا۔

انہوں نے یہ بھی الزام لگایا کہ ‘محسن نے مجھ سے مطالبہ کیا تھا کہ میں اپنے گھر والوں سے پیسے لے کر ان کے پاس جاؤں تاکہ وہ نیا کاروبار شروع کرسکیں، جس کے لیے میرے والد نے انہیں 50 لاکھ روپے بھی دیے، کچھ عرصے بعد جب میں نے محسن سے اس رقم اور بزنس کے حوالے سے سوال کیا تو محسن نے میرے ساتھ بدسلوکی کی اور مجھے سنگین نتائج کی دھمکیاں دیں اور والدین سے مزید 50 لاکھ روپے لانے مطالبہ کیا، جس کے انکار پر انہوں نے مجھ پر جسمانی تشدد شروع کردیا۔’

فاطمہ نے دعویٰ کیا کہ ‘گزشتہ سال 26 نومبر کو میں نے محسن کو رنگے ہاتھوں پکڑا اور پوچھنے پر محسن نے ان پر حاملہ ہونے کے دوران تشدد کیا جس کے باعث میرے چہرے اور جسم پر چوٹوں کے نشان بھی آئے، باوجود یہ جانتے ہوئے کہ میں اس وقت حاملہ تھی۔’

فاطمہ کے مطابق رواں ماہ 17 تاریخ کو وہ جب ڈیفنس میں محسن کے گھر ان سے پیسوں کا مطالبہ کرنے گئیں تھیں کیونکہ وہ علیحدہ ہونے کا فیصلہ کرچکی تھیں۔اس موقع پر محسن نے پھر ان پر تشدد کیا اور وہ ان پر گولی چلانے والے ہی تھے، لیکن اپنے بھائی کی مدد سے وہ وہاں سے باحفاظت نکل سکیں۔

فاطمہ نے اپنی میڈیکل رپورٹ بھی جمع کروائی اور پولیس سے مطالبہ کیا کہ وہ محسن کے خلاف سخت کارروائی کریں اور ان کی رقم کی برآمدگی کو یقینی بنائیں۔پولیس کے ایک ذرائع نے بتایا کہ محسن عدالت سے ضمانت قبل از گرفتاری حاصل کرچکے ہیں۔

واضح رہے کہ اہلیہ کی جانب سے سوشل میڈیا پر الزام لگانے کے بعد محسن عباس حیدر نے 21 جولائی کو ایک پریس کانفرنس میں خود پر لگے تمام الزامات کو بےبنیاد قرار دے دیا تھا۔

محسن عباس حیدر نے کہا تھا کہ ‘وہ جو کچھ کہہ رہی ہیں وہ جھوٹ ہے، میں نے ان کو چھوا بھی نہیں، یہ ٹھیک ہے کہ ماضی میں غصے کے حوالے سے مجھے مسائل رہے ہیں مگر اب میں بدل چکا ہوں’۔

(ایمرا نیوز آن لائن)
(بشکریہ جنگ لاہور)
بات تو یہاں سے بھی شروع کی جا سکتی ہے ’’کھایا پیا کچھ نہیں، گلاس توڑا،12آنے‘‘۔
یہ ان دنوں کی بات ہے جب روپیہ 16آنے کا تھا لیکن میں گہرے اندوہ میں ہوں۔ میری ماں میری ریاست پر قریباً چھ ارب ڈالر کا جرمانہ عائد ہو چکا ہے۔ اِن دنوں، جب ہم ایک ایک ڈالر جوڑ رہے ہیں کہ دنیا کا قرضہ اتار سکیں، غلط اقدامات حکمران طبقے کے لیکن زرِ تلافی ایک ایک پاکستانی کو دینا پڑے گا۔

عجیب ہیں میرے وہ ہم وطن جو اس جرمانے پر بھی بغلیں بجارہے ہیں حالانکہ 6ارب ڈالر میں سے کچھ ان کو بھی دینا ہے۔ ریکوڈک جو سونے کی کان ہے، جس میں ہمارے تمام مصائب کا مداوا ہے۔ جہاں بین الاقوامی کمپنی نے پورے دس سال کی کھدائی اور عرق ریزی کے بعد یہ نوید دی کہ یہاں 5.9ارب ٹن(کچ دھات) Oreموجود ہے۔ جس میں 41فیصد تانبا ہے اور اس میں 41ملین اونس سونے کے ذخائر بھی ہیں۔ جہاں بہت اعلیٰ قسم کا یورینیم بھی ہے۔

میں تو ریکوڈک کے بارے میں برسوں سے لکھ رہا ہوں۔ بلوچستان اس خطّے کا خوشحال مستقبل ہے۔ ہمیں یہاں رہنے والوں کو حقوق دینا چاہئیں، اُنہیں ایسی تعلیم اور تربیت دیں تاکہ وہ اپنے صدیوں سے انتظار کرتے پہاڑوں سے ہم کلام ہوں۔ ہتھیار لے کر پہاڑوں پر نہ چڑھیں بلکہ اوزار لے کر، معلومات لے کر اِن پہاڑوں کے سینے چیریں۔ ان میں اللہ تعالیٰ نے ہمارے لئے جو خزانے رکھے ہوئے ہیں انہیں نکالیں۔

ریکوڈک کی پہاڑیوں میں کسی زمانے میں یہاں لاوا پھوٹتا تھا اب یہ خاموش آتش فشاں اس ریاست کو سونا، تانبا اور بہت کچھ دے کر مالا مال کرنا چاہتا ہے۔ ٹی تھیان کمپنی نے 2001سے 2010کے طویل عرصے میں تلاش کے مراحل طے کیے تھے۔ وہ مطلوبہ دھاتیں نکالنے کا کام شروع کرنا چاہتی تھی۔ فروری 2011میں اس نے ریکوڈک کی لیز کے لئے درخواست دی۔ نومبر 2011میں بلوچستان حکومت نے اجازت دینے سے انکار کردیا۔ ٹی تھیان نے عالمی ادارے میں پاکستان کے خلاف درخواست دائر کردی۔

ہماری عدالت عظمیٰ نے 7جنوری 2013کو کمپنی ٹی تھیان کے ساتھ معاہدے کو کالعدم قرار دے دیا۔ کسی نے نہ سوچا کہ اس کے کتنے بھیانک نتائج نکل سکتے ہیں۔ ٹی تھیان کوئی غریب مظلوم پاکستانی نہیں ہے جس کی داد فریاد کہیں نہیں سنی جاتی۔ عالمی بینک کے ٹریبونل نے پاکستان کے خلاف فیصلہ دیا۔ ریاست پاکستان کو قصور وار قرار دیا۔ یہ بات ہے 21مارچ 2017کی۔ لیکن 18جولائی 2017کو بلوچستان کی عظیم حکومت نے 11.5ارب ڈالر کے جرمانے کو مسترد کردیا۔ پاکستان نے ملکی غیر ملکی وکیلوں پر اربوں روپے خرچ کیے لیکن کسی فورم پر وہ متعلقہ اتھارٹی کو مطمئن نہیں کرسکے۔

وقت گزرتا رہا، قوم نے ریکوڈک کو اپنا مسئلہ نہیں سمجھا، یہاں سے خوشیاں مل سکتی تھیں۔ ہمارے مسئلے حل ہو سکتے تھے۔ ہمارے سر پر جرمانے کی تلوار لٹک رہی تھی لیکن کسی اخبار نے خاص اشاعت پیش کی نہ کسی چینل نے کوئی ٹاک شو کیا۔ بلوچستان میں پی پی پی کی حکومت تھی جب ٹی تھیان سے تنازع شروع کیا گیا۔ ان سے پہلے وزیراعلیٰ بلوچستان جام یوسف کو تو ٹی تھیان والے چلی بھی لے گئے تھے اور تانبے سونے کی کان کنی کے عملی مظاہر بھی دکھائے تھے۔ جناب اسلم رئیسانی نے ٹی تھیان کی درخواست کیوں مسترد کی۔ کیا اس میں انہوں نے صدر آصف زرداری، وزیر اعظم گیلانی سے مشورہ کیا تھا۔ اس میں ٹیکنیکل اسباب تھے یا مالی معاملات ؟ کسی نے جائزہ نہیں لیا۔ اس کے بعد پاکستان مسلم لیگ (ن)کی حکومت آگئی۔ انہوں نے بھی اس مسئلے کی سنگینی کا احساس نہیں کیا اور نہ یہ اہمیت دی کہ ٹی تھیان کمپنی سے ماورائے عدالت کچھ طے کرکے اس سونے کی کان سے سونا نکالنا شروع کیا جائے۔

سونے تانبے کے ذخائر اسی طرح انسانی ہاتھوں کے لمس کو ترس رہے ہیں۔ میری اور آپ کی ریاست پر ہزاروں ارب روپے کے قرضے چڑھے ہوئے ہیں۔ ایک کان جہاں سے کچھ بہت مدد مل سکتی تھی۔ اس کا منہ بند کردیا گیا اور بین الاقوامی قوانین اور اداروں کو بھی اپنے تابع خیال کیا گیا۔ عالمی بینک کے ادارے(ICSID) سرمایہ کاری کے تنازعات کا تصفیہ کرنے والے بین الاقوامی مرکز نے بالآخر ٹی تھیان کے حق میں فیصلہ دے دیا۔ اس میں 4.08ارب ڈالر جرمانہ ہے اور 1.87ارب ڈالر سود ہے۔ اس کے خلاف اپیل کی کوئی گنجائش ہے یا نہیں اس بارے میں زیادہ تر نفی میں امکانات ہیں۔ اب ریاست پاکستان یہ جرمانہ کیسے ادا کرے گی؟۔

ہماری پارلیمنٹ کو جائزہ لینا چاہئے کہ ٹی تھیان کمپنی نے جو معاہدہ کیا تھا۔ جس میں 100میں سے 48ٹی تھیان کے اور 52حصّے پاکستان کے تھے۔ بلوچستان کے لئے الگ سے فیصد25 تھا۔ ٹی تھیان نے چاغی ایئرپورٹ بھی تعمیر کیا۔ کارکنوں کے لئے رہائشی سہولت اور انہوں نے ریکوڈک 2کی نشاندہی بھی کردی تھی۔ اس کام کے لئے بینکوں کے کنسورشیم سے 6بلین ڈالر کا اہتمام بھی کر لیا تھا۔ پروگرام یہ تھا کہ روزانہ 110000ٹن کچ دھات نکلتی۔ جسے 680کلومیٹر پائپ لائن کے ذریعے گوادر بندرگاہ پر منتظر بحری جہاز میں لادا جاتا اور پھر کسی ریفائنری میں چھان کر سونا اور تانبا الگ کیا جاتا۔ پائپ لائن کی تعمیر سے یہ سارا علاقہ بھی آباد ہو جاتا۔ اندازہ یہ تھا کہ ہر سال دو لاکھ ٹن تانبا اور اڑھائی لاکھ اونس سونا برآمد ہوتا۔ یہ سلسلہ سالہا سال تک جاری رہتا۔

کتنے دُکھ کی بات ہے کہ قدرت نے ہمیں وسائل بخشے ہوئے ہیں لیکن ہم کفران نعمت کے مرتکب ہورہے ہیں۔ ہر کوئی عقل کُل بنا ہوا ہے۔ ریاست کے مفادات کو تباہ و برباد کررہا ہے۔ روزانہ بے مقصد بحثیں ہوتی ہیں۔ یہ جذبہ پیدا کرنے کی تحریک کوئی نہیں دیتا کہ ہم اپنے زرعی شعبے کو طاقتور بنائیں، اپنی معدنیات کو دریافت کریں، ریگ زار گیس، تیل لئے ہمارا انتظار کر رہے ہیں۔ پہاڑوں میں قیمتی دھاتیں بھی ہیں، گرانقدر پتھر بھی۔ کتنے ہی ریکوڈک ہمارا مستقبل مستحکم کرنے کے لئے بے تاب ہیں ان کا راستہ روکنے والوں کو عبرت ناک مثال بنانا ضروری ہے۔

لاہور (اپنے رپوٹر سے) وزیر ریلوے شیخ رشید احمد کا کہنا ہے کہ نواز شریف کے خلاف عدالتی فیصلہ واپس ہوا تو دوسرے کیس میں سزا ہوجائے گی۔ پاکستانی سیاست میں اگلے 92 دن بہت اہم ہیں ، ن لیگ میں دو گروپ ہیں ایک جوڈو کراٹے والا اور ایک اصلی گروپ .. ن لیگ کو مریم لے ڈوبے گی ،

لاہور میں پریس کانفرنس کے دوران شیخ رشید کا کہنا تھا کہ ریلوے میں بعض لوگ کہتے ہیں کام حرام ہے، ریلوے کا کوئی افسر سکھر نہیں جانا چاہتا، ولہار اسٹیشن کے قریب افسوس ناک حادثہ ہوا۔ گزشتہ کچھ عرصے میں 3 افسوسناک ٹرین حادثات ہوئے، ٹرین حادثے میں 24 ہلاکتیں ہوئیں، ایک ماہ کے اندر حادثے کے ذمہ داروں کے خلاف فیصلہ کریں گے، ریلوے لوکوموٹیو کے اندر کیمرے لگانے کا فیصلہ کیا ہے۔

وفاقی وزیر کا کہنا تھا کہ اس وقت 136مسافر اور 55 فریٹ ٹرینیں ٹریک پر ہیں، ریلوے میں جانے والے اکثر لوگ جہاز کا کرایہ برداشت نہیں کرسکتے، ریلوے ایک بہت بڑا نیٹ ورک ہے، 4 ارب کے اضافی تیل کے باوجود خسارہ کم کیا، ہم نےدس بلین کا ٹارگٹ زیادہ حاصل کیاہے اور 60 لاکھ مسافروں کا اضافہ کیا ہے، 278 میں سے 178ریلوے ویگنز نیلام کر دیں گے، 10 اے سی کوچز لاہور اور کراچی میں اسٹینڈ بائی کرنے کا فیصلہ کیا ہے، ان 2 اسٹیشنوں پر 2 لاکھ مسافر آرہے ہیں، ریلوے میں 1122 کی طرز کا منصوبہ لانے کا فیصلہ بھی کیا ہے۔

شیخ رشید کا کہنا تھا کہ عقلمند دشمن بیوقوف دوست سے بہتر ہوتا ہے، کلاشنکوف کیس میں میرے ساتھ کوئی کھڑا نہیں ہوا،ابھی بھی ملک میں عظیم جج موجود ہیں، اب ویڈیو کی سیاست ختم ہوچکی ہے، جج کی مبینہ ویڈیو مسلم لیگ (ن) کے گلے پڑ جائے گی، مریم نواز نے (ن) لیگ کو تباہ کردیا ہے، مریم نواز ویڈیو کیس میں پورس کی ہتھنی ثابت ہو گی، یہ سارے پھنس گئےہیں، یہ منی ٹریل نہیں دکھا سکتے،

ناصرجنجوعہ کبھی ان کے حق میں گواہی نہیں دیں گے۔ اگر فیصلہ واپس ہوا تو دوسرے کیس میں سزا ہوجائے گی۔ مسلم لیگ (ن) کے اندر بھی 2 گروپ ہیں، ایک ڈیل والا اور دوسرا جوڈو کراٹے والا، شہباز شریف کوحمزہ عزیز ہے اور مریم کو نواز شریف عزیز ہے، چور مچائے شور کی فلم 90 دن میں اپنے انجام کو پہنچ جائے گی، شہباز شریف وکٹ کے دونوں جانب کھیل رہے ہیں، شہباز شریف اور میری پارٹی ایک ہے۔
وفاقی وزیر نے کہا کہ عمران خان ٹرمپ سے ملنے جارہے ہیں، اللہ خیر کرے کیونکہ دونوں کا مزاج ایک جیسا ہے، کس حکومت کو شوق ہے کہ تاجروں کو ناراض کرے۔

لاہور/اسلام آباد: آٹا، دودھ، چینی، گھی، تیل، دالیں، چاول، گرم مصالحہ جات، بیکری اشیا، صابن، واشنگ پاؤڈرز، مشروبات اور دیگر اشیائے خورو نوش کی قیمتوں میں ہونے والے ہوشربا اضافے کے بعد لاہور کے نان بائیوں نے نان اور روٹی کے نرخوں میں بھی اچانک کئی گنا اضافہ کرنے کا اعلان کردیا ہے جب کہ وفاقی دارالحکومت اسلام آباد میں منرل واٹر فراہم کرنے والی کمپنی نے فی بوتل 25 روپے کا اضافہ کردیا ہے۔

نان روٹی ایسوسی ایشن کے صدر آفتاب گل نے اعلان کیا ہے کہ آئندہ پیر سے نان 20 روپے اور روٹی 15 روپے فی کس میں فروخت کی جائے گی۔

لاہور میں نان فی الوقت 12 روپے اور روٹی چھ روپے فی کس کے حساب سے فروخت کی جارہی ہے۔

آفتاب گل کا کہنا ہے کہ آٹے کی قیمت میں ہونے والے اضافے اور بجلی و گیس کی نرخ بڑھنے کی وجہ سے ہم نے انتظامیہ کو بتادیا ہے کہ موجودہ قیمت پر نان اور روٹی فروخت کرنا ہمارے بس میں نہیں ہے جس کی وجہ سے مجبوراً قیمتوں میں اضافے کا فیصلہ کیا ہے۔

نان روٹی ایسوسی ایشن کے صدر آفتاب گل نے ہم نیوز کو بتایا کہ شہری انتظامیہ نے اس ضمن میں فیصلہ کرنے کے لیے تین دن کی مہلت مانگی ہے جو ہم نے دے دی ہے لیکن یہ طے ہے کہ ہم آئندہ پیر سے ہر قیمت پر نان اور روٹی نئے نرخوں پر فروخت کریں گے۔

ایک سوال پرآفتاب گل نے کہا کہ بجلی و گیس کے نرخوں میں حکومت نے پہلے ہوشربا اضافہ کردیا تھا اب آٹے پر بھی جی ایس ٹی نافذ کرکے رہی سہی کسر پوری کردی ہے۔ انہوں نے تسلیم کیا کہ موجودہ دور میں مہنگائی بہت زیادہ بڑھی ہے جوناقابل برداشت ہے۔

پشاور میں نانبائیوں نے نان اور روٹی کے نرخوں میں اضافے کے مطالبے کو منوانے کے لیے آج (بروز جمعرات) ہڑتال کر رکھی ہے جب کہ کراچی کے چھوٹے تاجروں نے 13 جولائی کو ہڑتال کی کال دے دی ہے۔

اسلام آباد میں منرل واٹر فراہم کرنے والی ایک بڑی کمپنی نے گھروں میں دی جانے والی اپنی 18 لیٹر کی بوتل پر 25 روپے فی کس کا اضافہ کردیا ہے۔ اس سے قبل کمپنی دس روپے فی بوتل کا اضافہ کیا کرتی تھی لیکن یہ پہلی مرتبہ ہوا ہے کہ فی بوتل 25 روپے کا اضافہ کیا گیا ہے۔

کمپنی نے قیمتوں میں ہونے والے اضافے کی بڑی وجہ بجلی و گیس کے نرخوں میں ہونے والے اضافے کو قرار دیا ہے۔

وفاقی دارالحکومت اسلام آباد میں آن لائن صاف ستھرا اور ملاوٹ سے پاک دودھ فروخت کرنے کی دعویدار کمپنیوں نے بھی اپنے نرخ بڑھادیے ہیں جس کی وجہ سے اب شہر میں دودھ 120 سے 130 روپے فی لیٹر تک میں فروخت کیا جارہا ہے۔

اسلام آباد میں جہاں پانی کی فراہمی حقیقتاً ایک مسئلہ ہے وہاں نجی واٹر ٹینکر مالکان نے بھی اپنے نرخ بڑھا دیے ہیں اور گرمی کا ’فائدہ‘ اٹھاتے ہوئے صارفین کو سیکٹر جی-13 میں 1500 روپے سے لے کر 2200 روپے تک میں ٹینکر فروخت کررہے ہیں۔

لاہور (میڈیا 92 نیوز آن لائن ) پنجاب حکومت نے اعلیٰ عہدوں پر فائز 10 پولیس افسران کی خدمات اسٹیبلشمنٹ ڈویژن اسلام آباد کو واپس کردی۔

ڈان میں شائع رپورٹ کے مطابق یکم جولائی کی شب کو جاری ہونے والے نوٹی فیکشن کے مطابق جن پولیس افسران کی خدمات وفاق کو واپس کی ہیں ان میں ایک ایڈیشنل آئی جی، 6 ڈپٹی انسپکٹر جنرل (ڈی آئی جیز) اور 3 ایس ایس پیز شامل ہیں۔

ایک متاثرہ پولیس افسر نے حکومت پنجاب کے فیصلے کو ’سیاسی انتقام‘ قرار دیا۔

اس حوالے سے بتایا گیا کہ صوبائی حکومت کا مذکورہ فیصلہ انسپکٹر جنرل آف پنجاب پولیس کیپٹن (ریٹائرڈ) عارف نواز خان کو صوبے بھر میں اپنی ٹیم تشکیل دینے کے لیے لیا گیا۔

پنجاب حکومت نے عارف نواز خان سے مشاورت کے بعد ایک روز بعد ہی صوبے کے 11 ڈی آئی جیز کے تبادلے کردیئے گئے۔

متعلقہ محکمے سے تعلق رکھنے والے ذرائع نے ڈان نیوز کو بتایا کہ پنجاب نے 10 پولیس افسران کی’الگ الگ وجوہات‘ کی بنیاد پر ان کی خدمات وفاق کو واپس کیں تاہم اس ضمن میں کوئی یکساں پالیسی شامل نہیں ہے۔

انہوں نے بتایا کہ 5 سینئر افسران سے ’ہم آہنگی‘ جیسے مسائل کا سامنا تھا جبکہ دو افسران کے سابق آئی جی پی کے ’انتہائی منظور نظر‘ تھے اور دیگر افسران گڈبک میں شامل نہیں تھے۔

اس ضمن میں بتایا گیا ڈی آئی جی اسٹیبلشمنٹ شہزاد اکبر اور ایڈیشنل آئی جی پی عثمان ذکریا کی اہمیت حلقہ پولیس میں غیرمعمولی ہےاور ان کی تبادلے یا خدمات واپس کرنے پر بحث چھڑ گئی ہے۔

انہوں نے بتایا کہ جب شہزاد اکبر ڈی آئی جی آپریشن لاہور تعینات تھے تب تحریک انصاف حکومت کی ایک خاتون قانون ساز اسمبلی کے ساتھ تنازع ہوا۔

ان کا کہنا تھا کہ خاتون رکن قومی اسمبلی نے ایک پولیس افسر کی پرموشن کے لیے ڈی آئی جی آپریشن سے سفارش کی لیکن انہوں نے انکار کردیا۔

بعدازاں تحریک انصاف کی رکن قومی اسمبلی نے اثرورسوخ استعمال کرکے شہزاد اکبر کی خدمات وفاق کو واپس کردی۔

پنجاب ایلیٹ پولیس فورس ڈی آئی جی احمد اسحٰق جہانگیر، اسپیشل پروٹیکشن یونٹ ڈی آئی جی سلطان احمد چوہدری، ڈی آئی جی وقاص نذیر، ملتان سٹی پولیس افسر عمران محمود اور ڈی آئی جی ٹریننگ ڈاکٹر سلیمان سلطان رانا بھی ان افسران کی فہرست میں شامل ہیں جن کی خدمات وفاق کو واپس کی گئی۔

لاہور(اپنے رپورٹر سے) علامہ اقبال ائر پورٹ کے لاؤنج میں نامعلوم افراد کی فائرنگ سے دوشخص جاں بحق ہو گیا ہے۔

فائرنگ کے بعد رینجرز اور اے ایس ایف کے دستے پہنچ گئے ہیں جب کہ ائر پورٹ کی سیکیورٹی بھی سخت کردی گئی ہے۔

گولی چلنے کی آواز سنتے ہی ائر پورٹ پر خوف و ہراس پھیل گیا اور بھگدڑ مچ گئی تاہم اسلحہ بردار شخص کے بارے میں مزید تفصیلات موصول نہیں ہوسکیں۔

ائر پورٹ کا علاقہ تھانہ سرور روڈ کی حدود شامل ہے اور متعلقہ پولیس نے واقعہ کی تحقیقات شروع کردی ہیں۔

حکام نے بتایا ہے کہ جاں بحق ہونے والے ایک شخص کی شناخت زین کے نام سے ہوئی۔ ابتدائی طور پر پولیس نے قتل کے اس واقعے کو ذاتی دشمنی کا شاخسانہ قرار دیا ہے۔

ایک شخص کو فائرنگ کرنے کے الزام میں گرفتار کیا گیا ہے تاہم اس کی شناخت ظاہر نہیں کی گئی۔

ذرائع نے میڈیا 92 نیوز کو بتایا ہے کہ قتل ہونے والوں میں سے ایک پر پیپلز پارٹی کے سابق رہنما بابر بٹ کے قتل کا الزام تھا اور یوں لگتا ہے کہ اسی دشمنی میں انکو قتل کیا گیا ہے

مقتولین عمرہ کی ادائیگی کے بعد واپس آ رہے تھے جنکو ملزمان کی جانب سے گولیوں سے چھلنی کر دیا گیا ہے ،

یاد رہے کہ اہر پورٹ پر یہ دوسرا واقع ہے اس واقعہ سے پہلے ٹیپو ٹرکاں والے کوبھی لاہور اہرپورٹ پر مخالفین نے قتل کیا تھا ، اور وہ بھی عمرہ کی ادائیگی کے بعد براستہ دبئی سے لاہور اہر پورٹ پہنچا تو تاک میں بیٹھے ملزمان نے انکو فائرنگ کر کے قتل کردیا تھا

یہ فوری خبر ہے۔ مزید تفصیلات اور معاملے کے درست حقائق جاننے کے لئے اس صفحہ کو ریفریش کریں۔

لاہور (میڈیا 92 نیوز آن لائن ) ڈالر کی قیمتیں بڑھنے سے فضائی کرایوں میں بھی کئی گنا اضافہ ہوگیا۔

ڈالر کی بڑھتی ہوئی اڑان کنٹرول میں نہ آسکی جب کہ مسافروں کو ڈالر مہنگا ہونے سے ائر لائنز کو ہزاروں روپے اضافی کرایہ ادا کرنا مجبوری بن گیا۔

قومی ایئر لائنز کا لاہور سے دبئی کے کرایے میں15 ہزار روپے اضافہ ہو گیا ہے۔ بتایا گیا ہے کہ ڈالرز کی قیمتوں میں اضافہ ہونے سے ائر لائنز کے ریونیو میں اضافہ ہو گیا ہے۔