Tag لاہور

لاہور(ویب ڈیسک)اپوزیشن جماعتوں کے اتحاد پاکستان ڈیمو کریٹک موومنٹ( پی ڈی ایم) کے صدر مولانا فضل الرحمان نےکہا ہےکہ طالبان حکومت کو تسلیم کرنا افغانستان کو تسلیم کرنا ہے، طالبان سے ہمدردی رکھیں اور فوراً ان کی حکومت کو تسلیم کریں۔

لاہور میں میڈیا سے گفتگو کرتے ہوئے مولانا فضل الرحمان کا کہنا تھا کہ چین اور روس دلچسپی دکھا رہے ہیں، ہمیں بھی رابطہ رکھناچاہیے، ہم افغانستان کے براہ راست پڑوسی اور تاریخی رشتے میں منسلک ہیں، افغانستان میں پر امن اور مستحکم نظام لانے کے لیے تعاون کریں۔

مولانا فضل الرحمان کا کہنا تھا کہ پی ڈی ایم کےلوگ یکسو ہیں، یکسوئی کو دوبارہ آزمائش میں نہیں ڈالنا چاہیے، پیپلزپارٹی الائنس کے بارے میں ایسا رویہ رکھے جس کا فائدہ حکومت کو نہ ہو، حکومت پر دباؤ ڈالنےکے لیے یکسوئی ہونی چاہیے، یکسوئی نہ ہوئی تو کسی چیلنج کا مقابلہ نہیں کرسکتے۔
صدر پی ڈی ایم کا کہنا تھا کہ جمہوریت میں ایک الائنس کے ہوتے ہوئے باہر سے بھی اپوزیشن کی جاسکتی ہے، ایک محاذ پرجنگ لڑنی چاہیے،کئی محاذ نہیں کھولنا چاہئیں۔ان کامزید کہنا تھا کہ موجودہ حکومت میں ملک کو چلانےکی صلاحیت نہیں ہے۔

لاہور (ویب ڈیسک)محکمہ موسمیات نے بارشوں کی پیشگوئی کر دی ہے .تفصیلات کے مطابق محکمہ موسمیات کا کہنا ہے کہ لاہور، گوجرانوالہ، سیالکوٹ میں شدید بارشوں کا امکان ہے.علاوہ ازیں زیریں سندھ اور کشمیر میں بھی بادل برسنے کو تیار ہیں .محکمہ موسمیات کے مطابق زیریں سندھ میں حیدرآباد، ٹھٹھہ، مٹھی اور دیگر علاقوں میں تیز ہواؤں کے ساتھ بارشوں کا سلسلہ جاری ہو سکتا ہے ۔ گوجرانوالہ، لاہور، سیالکوٹ اور نارووال میں چند مقامات پر بھی گرج چمک کے ساتھ بارش کا امکان ہے۔ کشمیر میں بھی بادل برسنے کی توقع ہے۔

لاہور(ویب ڈیسک) کنٹونمنٹ بورڈ کے انتخابات میں کامیابی پر لیگی قیادت کی جانب سے مبارکباد دینے کا سلسلہ جاری ہے۔

مسلم لیگ ن کے صدر شہباز شریف اور مریم نواز نے خواجہ عمران نذیر کو ٹیلی فون کرکے مبارک باد دی۔ شہباز شریف نے کہا کہ آپکی ٹیم کی شاندار کارکردگی کے باعث اللہ تعالیٰ نے ن لیگ کو کامیابی سے ہمکنار کیا، آپ اور آپ کی پوری ٹیم کو اس کامیابی پر مبارکباد دیتا ہوں۔ مریم نواز نے کہا کہ زندہ دلان لاہور نے اپنے ووٹ کی طاقت سے جعلی تبدیلی کو رد کر دیا ہے، اللہ تعالیٰ نے ہمیں عظیم کامیابی عطاء کی ہے، نواز شریف اور شہباز شریف کی قیادت میں آپکی ٹیم نے اس کامیابی میں اہم رول ادا کیا ہے، پوری ٹیم کو اس کامیابی پر مبارکباد دیتی ہوں۔

لاہور(ویب ڈیسک) سونا بڑھتا ہے تو خواتین کو پریشانی ہوتی ہے اور سستا ہوتاہے تو پھر خواتین خوشی سے نہال ہوجاتی ہیں،،،لیکن اب ملک میں آج سونےکی فی تولہ قیمت میں 150 روپے اضافہ ہوا ہے۔
سندھ صرافہ بازار جیولرز ایسوسی ایشن کے مطابق ملک میں فی تولہ سونےکی قدر 150 روپے اضافےکے بعد ایک لاکھ 12 ہزار 300 روپے ہوگئی ہے۔10 گرام سونے کی قدر 130 روپے اضافے سے 96 ہزار 280 روپے ہے۔صرافہ بازار جیولرز ایسوسی ایشن کے مطابق عالمی صرافہ مارکیٹ میں سونے کی قدر 2 ڈالر اضافے سے 1789 ڈالر فی اونس ہے۔

لاہور(ویب ڈیسک)مختلف لوگوں کے مختلف مشاغل ہوتے ہیں اور انہیں وہ کام کرکے سکون ملتاہے اور مزہ اتاہے،،کرکٹر بھی اسی طرح ہی ہیں کہ انہیں کچھ کاموں سے سکون متاہے،،معین خان کا حالیہ بیان بھی کچھ ایساہی ہے کہ جسے دلچسپ نظروں سے دیکھاجارہاہے..قومی کرکٹ ٹیم کے سابق کپتان معین خان کا کہنا ہےکہ رمیز راجہ کے قول و فعل میں کوئی تضاد نظر نہیں آیا، رمیز راجا اپنی پالیسیوں میں واضح ہیں، اب پاکستان کرکٹ میں فرق نظر آئےگا۔

لاہور میں میڈیا سے گفتگو کرتے ہوئے معین خان کا کہنا تھا کہ اعظم خان پر تنقید ہونے پر مجھے بہت مزہ آتا ہے، یہی تنقید اعظم کو بڑا کھلاڑی بنائےگی، تنقید کھلاڑی کے لیے اچھی ہوتی ہے ۔

معین خان کا کہنا تھا کہ اعظم خان میں صلاحیتیں ہیں، اس کو نظر انداز نہیں کرنا چاہیے ،میں نےکوئی سفارش نہیں کی، میری تو کوئٹہ گلیڈی ایٹرز میں بھی اعظم کے لیے سفارش نہیں چلتی۔اس موقع پر سابق فاسٹ بولر عاقب جاوید کا کہنا تھا کہ عرصہ دراز کے بعد ایسا چیئرمین دیکھا ہے جس میں اتنی انرجی ہے، رمیز راجہ کی عمر بھی کم ہے وہ کام کرسکتے ہیں، وہ کرکٹ کا وسیع تجربہ رکھتے ہیں۔

لاہور(ویب ڈیسک) پاکستان کرکٹ بورڈ کے نئے چیئرمین کے انتخاب کے لیے پی سی بی کے بورڈ آف گورنرز کا خصوصی اجلاس پیر کوہوگا۔

36 ویں چیئرمین پی سی بی کے انتخاب کے لیے پاکستان کرکٹ بورڈ کے بورڈ آف گورنرز کا خصوصی اجلاس صبح 11 بجے نیشنل ہائی پرفارمنس سینٹر لاہور میں منعقد ہوگا جہاں پی سی بی کے الیکشن کمشنر جسٹس ریٹائرڈشیخ عظمت سعید خصوصی اجلاس کی صدارت کریں گے۔گورننگ بورڈ کے دیگر ممبران عاصم واجد جواد ، عالیہ ظفر، اسد علی خان ، عارف سعید، جاوید قریشی، رمیز راجہ اور وسیم خان اس خصوصی اجلاس میں شرکت کریں گے۔اجلاس کے بعد پی سی بی کے نو منتخب چیئرمین دوپہر 2 بجے کے بعد نیشنل ہائی پرفارمنس سینٹر لاہور میں واقع باب وولمر انڈور اسکول میں پریس کانفرنس کریں گے۔

تمام افراد کی صحت اور حفاظت کے پیش نظر پی سی بی کے کووڈ 19 پروٹوکولز کے تحت صرف رپورٹرزکو کانفرنس میں شرکت کی اجازت ہوگی جب کہ ان افراد کو اپنا کووڈ ویکسی نیشن سرٹیفکیٹ بھی ہمراہ لانا ہوگا۔واضح رہےکہ پاکستان کرکٹ بورڈ کے پیٹرن ان چیف کی حیثیت سے وزیراعظم عمران خان نے سابق کرکٹر رمیز راجہ کے بطور چیئرمین بورڈ تقرری کی منظوری دی ہے۔

لاہور(ویب ڈیسک)میاں‌نوازشریف طویل عرصے سے بیرون ملک قیام پذیر ہیں اور ابھی تک ان کے بارے میں‌حتمی طورپر کچھ نہیں کہاجاسکتاالبتہ مسلم لیگ (ن) کے رکن قومی اسمبلی میاں جاوید لطیف نے دعویٰ کیا ہےکہ نواز شریف اسی سال واپس آرہے ہیں۔

نیب لاہور میں پیشی کے بعد میڈیا سے گفتگو کرتے ہوئے جاوید لطیف نے کہا کہ جنہوں نے نا اہل کیا، وہی سمجھ رہےہیں کہ نواز شریف کے سواکوئی آپشن نہیں، وہ نواز شریف کو چوتھی بار وزیراعظم منتخب ہونے دیں گے۔ انہوں نے دعویٰ کیا کہ نوازشریف اسی سال واپس آ رہے ہیں، وہ قوم کی قیادت کریں گے، نواز شریف پاکستانی قوم کو اس بھنور میں پھنسے دیکھ کرباہر نہیں رہ سکتے۔
جاوید لطیف کا کہنا تھا یہ تاثر دیا جا رہا ہے کہ پیپلزپارٹی کو لایا جا رہا ہے، بلاول عوامی ووٹوں سے آئیں تو کوئی اعتراض نہیں۔

لاہور(ویب ڈیسک)جوڈیشل مجسٹریٹ نے ماڈل عفت عمر اور ٹیلی ویژن اداکار علی گل پیر کے وارنٹ گرفتاری کردیے ہیں جبکہ گلوکارہ میشا شفیع کو آئندہ سماعت پر طلب کرلیا ہے۔
گزشتہ روز لاہور جوڈیشل مجسٹریٹ میں عفت عمر اور علی گل پیر کے خلاف ہتک عزت کیس کی سماعت ہوئی جس میں دونوں عدالت کے روبرو پیش نہیں ہوئے۔ گلوکار علی ظفر نے میشا شفیع کیس میں دونوں کے خلاف ہتک عزت کا مقدمہ کر رکھا ہے۔ عدالت نے عفت عمر اور علی گل پیر کو نوٹس جاری کیے تھے تاہم مسلسل غیر حاضری پر اب دونوں کے خلاف ناقابل ضمانت وارنٹ گرفتاری جاری کردیے گئے ہیں۔
ماڈل عفت عمر نے گزشتہ روز ہونے والی سماعت کے لیے حاضری سے اسثتنیٰ کی درخواست دی تھی جبکہ کیس میں نامزد لینا غنی، فریحہ ایعوب، فیضان اور حسیم الزماں نے مستقل حاضری سے استثنیٰ کی درخواستیں دی تھیں۔ عدالت نے تمام درخواستوں کو مسترد کردیا ہے۔

عدالت نے اپنے تحریری فیصلے میں یہ کہا ہے کہ کیس میں نامزد ملزمان غیرحاضری کی وجہ سے عدالت کو مطمئن کرنے میں ناکام رہے ہیں۔عدالت نے گلوکارہ میشا شفیع کو اگلی سماعت پر پیش ہونے کا حکم دیتے ہوئے کیس کی سماعت 6 اکتوبر تک ملتوی کردی ہے۔
خیال رہے کہ 2018ء میں میشا شفیع نے علی ظفر پر الزام عائد کیا تھا کہ علی ظفر نے انہیں متعدد مرتبہ جسمانی ہراساں کیا جس پر علی ظفر نے ان کے خلاف ہتک عزت کا مقدمہ دائر کر دیا۔ عفت عمر اور علی گل پیر پر مبینہ طور پر علی ظفر کے خلاف سوشل میڈیا مہم چلانے کا الزام ہے۔

لاہور(ویب ڈیسک) مظفرگڑھ میں تفتیش کے لیے جانے والی پنجاب پولیس کی جینڈر کرائم آفیسر کو کار سوار نے اسلحے کے زور پر اغوا کر کے زیادتی کا نشانہ بنا ڈالا۔
میڈیا رپورٹس کے مطابق مظفرگڑھ کے تھانہ صدر میں لیڈی انسپکٹر جینڈر کرائمز تفتیش کے لیے رکشے میں پولیس اسٹیشن آرہی تھیں تاہم ڈی پی او ہاؤس سے کچھ دور پہلے کار سوار ملزم نے خاتون انسپکٹر کو اسلحے کے زور پر اغوا کرکے کار میں لے گیا۔کار سوار ملزم جینڈر کرائم خاتون پولیس انسپکٹر کو چمن بائی پاس کے قریب باغات میں لے گیا اور اسلحے کے زور پر مبینہ طور پر زیادتی کا نشانہ بنایا جب کہ مزاحمت پر ملزم خاتون آفیسر پر تشدد بھی کرتا رہا۔

لاہور(ویب ڈیسک) عائشہ اکرم کے معاملے نے سوشل میڈیا کے بعد پرنٹ اور الیکٹرانک میڈیا کی خبروں‌میں بھی خوب پذیرائی حاصل کی اور عائشہ اکرم کو وہ لوگ بھی جاننا شروع ہوگئے جو اس سے پہلےانہیں‌نہیں جانتے تھے….اب مینار پاکستان واقعہ میں اہم پیشرفت سامنے آئی ہے۔ عدالت نے شناخت نہ ہونے والے 98 ملزمان کو کیس سے ڈسچارج کرنے کا حکم دے دیا۔
ضلع کچہری میں مینار پاکستان واقعہ میں ٹک ٹاکر عائشہ اکرم سے بدتمیزی کے کیس میں سماعت ہوئی، جوڈیشل مجسٹریٹ حسن سرفراز چیمہ نے کیس پر سماعت کی۔
عدالت کے مطابق 104 ملزمان کو شناخت پریڈ کے لیے جیل بھجوایا گیا، عدالت 98 ملزمان کو کس بنیاد پر گرفتار کیا گیا۔ ملزمان کو جیل بھجوانے سے پہلے کون سے ثبوت لیے گٸے۔ عدالت 98 ملزمان کو جیل میں رکھنے کا جواز نہیں ہے۔

تفتیشی افسر کا کہنا ہے کہ ملزمان کی شناخت پریڈ کے دوران شناخت نہیں ہوٸی۔گزشتہ روز مینار پاکستان میں بدسلوکی کا نشانہ بننے والی ٹک ٹاکر خاتون عائشہ اکرم کی شناخت پریڈ کی عدالت نے رپورٹ جاری کی تھی۔رپورٹ کے مطابق خاتون نے 104 ملزمان میں سے 6 ملزم شناخت کیے۔ عائشہ اکرم نے شہر یار، مہران، عابد ، ارسلان، ساجد اور افتخار کو شناخت کرلیا۔

رپورٹ کے مطابق خاتون نے 3 گواہوں بلال، ریمبو اور صدام کی موجودگی میں شناخت کی۔ خاتون نے چار ملزمان کو غلط شناخت کیا۔ چاروں ملزمان جیل میں 6 ماہ سے مختلف مقدمات میں قید تھے۔خاتون کے مطابق افتخار نے میرے کپڑے پھاڑے اور ہاتھوں میں اٹھایا۔ عائشہ کے مطابق ارسلان پر تشدد کرنے کا الزام عائد کیا۔ شہر یار نے دھکے دیکر جنگلا کے ساتھ مارا۔ مہران نے زد دو کوب کیا۔خاتون کے مطابق عابد نے سیلفیاں لیں اور غلط حرکات کیں۔ ملزم ساجد نے لڑکوں کو میری طرف اکسایا۔