Tag ایمرا نیوز

لاہور (ویب ڈیسک) پاکستان کرکٹ بورڈ کےسابق چیف ایگزیکٹو وسیم خان نے کہا ہے کہ میرا مقصد 22کروڑ کرکٹ کی دیوانی قوم کیلئےکھیل کی بہتری میں اپنا حصہ ڈالنا تھا.ان کا مزید کہنا تھا کہ بطوربرٹش پاکستانی اور سابق کرکٹر3 سال قبل پاکستان آنے کا فیصلہ کیا.ان خیالات کا ظہار انہوں نے اپنے ایک بیان میں کیا.
مستعفی ہونے کے بعد وسیم خان کا یہ پہلا بیان ہے جس میں ان کا کہنا تھا کہ میرا مقصد کرکٹ کی دیوانی 22کروڑ قوم کیلئےکھیل کی بہتری میں اپنا حصہ ڈالنا تھا مگربد قسمتی سے پاکستان کرکٹ کے ساتھ میرا سفر ختم ہوگیا.انہوں نے کہا کہ میں نے انٹرنیشنل کرکٹ کی واپسی،مسائل سے نمٹنےکیلئےراتوں کو جاگ کر کام کیا اور ایماندارانہ طور پر فیصلے کئے۔ مجھے فخر ہے میں نے پاکستانی عوام کی خدمت کی ، پاکستان لوگوں سے پیار کرنے والا ملک ہے.

سعودیہ عرب (ویب ڈیسک)سعودی حکام نے افغان ائیرلائنز کے حوالے سے ایک ایم قدم اٹھایا ہے. تفصیلات کے مطابق سعودی حکام کی جانب سے افغان ائیرلائنز کو ہنگامی پروازیں چلانے کی اجازت دے دی گئی ہے۔غیر ملکی خبر رساں ایجنسی کے مطابق 9 افغان ائیر لائنر کو ہنگامی پروازیں چلانےکی منظوری دی گئی ہےیہ ہنگامی پروازیں سعودی عرب سے کابل کے لیے چلائی جائیں گی۔سعودی عرب میں افغانستان کے سفارتخانے کی جانب سے ایک بیان جاری کیا گیا ہے جس کے مطابق سعودی ایوی ایشن حکام نے افغان شہریوں کو مملکت سے واپس لے جانے کےلیے ہنگامی پروازیں چلانے کی اجازت دی ہے جو کورونا پابندیوں کی وجہ سے سعودی عرب میں پھنسے ہوئے تھے.

اسلام آباد(ویب ڈیسک) وزیراعظم عمران خان کی طرف سے کالعدم تحریک طالبان پاکستان کو معاف کرنے کی بات پر اپوزیشن نے کڑی تنقید کی ہے۔سابق وزیرخارجہ اور مسلم لیگ ن کے رہنما خواجہ آصف کا اس حوالے سے کہنا ہے کہ ٹی ٹی پی کو عام معافی دینا بہت بڑا فیصلہ ہے، اس کے لیے پوری قوم خصوصاً شہدا کے لواحقین کو اعتماد میں لینا ضروری ہے۔
نجی ٹی وی کے ایک پروگرام میں گفتگو کرتے ہوئے خواجہ آصف کا کہنا تھا کہ حکومت سیاسی مخالفین کو برداشت کرنے پر تیار نہیں لیکن طالبان کو معاف کرنے کی بات کررہی ہے۔ اس کے علاوہ سابق وزیر خارجہ حنا ربانی کھر نے کہا کہ اگر کالعدم تحریک طالبان کے ساتھ مذاکرات کامیابی سے آگے بڑھ رہے ہوتے تو بھی وزیراعظم کے انٹرویو سے اس عمل کو نقصان ہوگا۔اایسا قدم اٹھانے سے پہلے ضروری ہے کہ قوم کو اعتماد میں لیا جائے۔
ن لیگ کے رہنما رانا ثنا اللہ کا اس حوالے سے کہنا تھا کہ حکومت کالعدم ٹی ٹی پی کو این آر او دے رہی ہے، کالعدم ٹی ٹی پی نے اے پی ایس کے بچوں کوشہید کیا۔عمران خان اپوزیشن لیڈر کے ساتھ نہیں مولوی فقیر کےساتھ بات کرنا چاہتے ہیں، عوام اپنی آواز اپوزیشن کی آواز کےساتھ ملائیں.

راولپنڈی (ویب ڈیسک)نیشنل ٹی ٹوئنٹی کپ میں بلوچستان کے کپتان امام الحق زخمی ہو گئے.تفصیلات کے مطابق کپتان امام الحق باؤنڈری بورڈ سے ٹکراکر زخمی ہوئےراولپنڈی میں جاری نیشنل ٹی ٹوئنٹی کپ میں میچ کے دوران بلوچستان کے کپتان امام الحق باؤنڈری بورڈ سے ٹکراکرانجری کاشکار ہو گئے۔امام الحق فیلڈنگ کرتے ہوئے باؤنڈری بورڈز سے ٹکراگئے جس کے بعد انہیں اسٹریچر پر گراؤنڈ سے باہرلےجایاگیا۔

ممبئی (ویب ڈیسک) بھارت کی ایک اور اداکارہ نے خود کشی کر لی ۔بھارتی میڈیا کے مطابق بھارت کے جنوبی علاقے سے تعلق رکھنے والی اداکارہ سوجانیا کی پھندے سے جھولتی ہوئی لاش اُن کے فلیٹ سے برآمد ہوئی۔ابتدائی تفتیش کے مطابق اداکارہ کے گھر کا دوازہ اندر سے بند تھا، جسے توڑکر دیکھا تو اداکارہ پنکھے سے لٹکی ہوئی گئیں۔پولیس نے اداکارہ کی لاش کو ضابطے کی کارروائی کے لیے اسپتال منتقل کیا جبکہ واقعے کی تفتیش شروع کردی۔ تفتیشی افسر نے اہل خانہ، عزیز و اقارب کے بیانات قلم بند کر لیے ہیں جبکہ موبائل کو قبضے میں لے لیا ہے۔تفتیشی افسرکا کہنا ہے کہ سوجانیا کے گھر سے اُن کی آخری تحریر بھی ملی ہےجس میں انہوں نے لکھا کہ میں اپنی موت کی ذمہ داری کسی کو نہیں دے رہی اور اپنی مرضی سے خود ہی زندگی ختم کررہی ہوں۔اداکارہ نے اپنی اس تحریر میں والدین سے معافی مانگی اور بتایا کہ انہیں کسی بھی ذہنی مسائل کا سامنا نہیں ہے۔ علاوہ ازیں انہوں نےتمام لوگوں کا شکریہ ادا کیا جنہوں نے کسی بھی موقع پر اُن کی مدد کی۔سوجانیا کناڈا جنوبی بھارت کی کناڈا فلم انڈسٹری اور ٹیلی ویژن سیریلز میں بھی کام کرچکی ہیں۔

اسلام آباد (ویب ڈیسک) حکومت نے پیٹرول کی فی لیٹر قیمت میں 4 روپے اضافے کر دیا .اضافے کا نوٹی فکیشن بھی جاری ۔ وفاقی حکومت کی طرف سے ماہ اکتوبر کے 15 دنوں کے لیے پیٹرولیم مصنوعات کی قیمتوں کا نوٹی فکیشن جاری کیا گیا ہے.1 اکتوبر سے فی لیٹر پیٹرول 4 روپے مہنگا جبکہ ہائی اسپیڈ ڈیزل کی قیمت میں بھی 2 روپے اضافہ کیا گیا ہے. لائٹ ڈیزل کی فی لیٹر قیمت میں8روپے82پیسے، مٹی کےتیل کی فی لیٹر قیمت میں 7 روپے 5 پیسے اضافہ کیا گیا ہے۔حالیہ اضافے کے بعد پٹرول کی فی لیٹرقیمت 127روپے30 پیسے تک پہنچ گئی۔اسی طرح ہائی اسپیڈ ڈیزل کی فی لیٹر قیمت 122 روپے چار پیسے، مٹی کے تیل کی قیمت 99 روپے 31 پیسے، لائٹ ڈیزل 99 روپے 51 پیسے تک پہنچ گئی۔ پٹرولیم مصنوعات کی قیمتوں کا اطلاق 30 ستمبر کی رات 12بجے سے کیا جائے گا.

کراچی (ویب ڈیسک) وزیرخزانہ شوکت ترین کی جانب سے انکم ٹیکس ریٹرن کی تاریخ میں 15 یوم کی توسیع کا اعلان کیا گیا ہے۔تفصیلات کے مطابق وزیرخزانہ شوکت ترین نے کراچی چیمبر کے وفد سے اسلام آباد میں ملاقات کی جس کے بعد 15 اکتوبر ‏تک توسیع کا اعلان کیا۔

اسلام آباد (ویب ڈیسک) قومی کرکٹر عمر اکمل امریکا چلے گئے ہیں۔ عمر اکمل نے سوشل میڈیا پر اپنے پیغا م میں کہا ہے کہ میں ذاتی میٹنگز کے سلسلے میں امریکا جا رہا ہوں، اگر سب اچھا ہوتا ہے تو ہو سکتا ہے کچھ عرصہ امریکا میں قیام کروں.انہوں نے سپورٹرز سے دعاؤں کی اپیل بھی کی ہے ۔عمر اکمل کو پابندی کے خاتمے کے بعد ڈومیسٹک کرکٹ کھیلنے کی اجازت ملی ہے، وہ سینٹرل پنجاب سیکنڈ الیون کی جانب سے ٹی ٹوئنٹی کپ کھیلے لیکن ناکام رہے۔

ممبئی (ویب ڈیسک) بالی وڈ اداکارہ سونا کشی سنہا نے لائیو شو میں میزبان کپل شرما کوزور دار مکا مار دیا. مکا مارنے کی ویڈیو سوشل میڈیا پر وائرل ہورہی ہے.
کپل شرما نے سماجی رابطے کی ایک ویب سائٹ پر ویڈیو جاری کی ہے جس میں دیکھا جا سکتا ہے کہ سوناکشی سنہا اپنی نئی میوزک ویڈیو کی پروموشن کے دوران گانا گا رہی ہیں تو کپل شرما شرارتاً ان کے والد شتروگھن سنہا کا ذکر کرتے ہیں۔اس پر سوناکشی سنہا کپل شرما کو مکا مار دیتی ہیں .

آسٹریلیا (ویب ڈیسک)کورونا وائرس کی وجہ سے مختلف ممالک نے سفری پابندیاں لگائی تھیں جو اب آہستہ آہستہ ختم کر رہے ہیں .تفصیلات کے مطابق ایک اور ملک
آسٹریلیا نے کورونا وائرس کی وجہ سے 18 ماہ سے عائد سفری پابندیاں ختم کرنے کا فیصلہ کیا ہے۔فرانسیسی خبر رساں ایجنسی کے مطابق آسٹریلوی وزیراعظم اسکاٹ موریسن کا اس حوالے سے کہنا ہے کہ 80 فیصد لوگوں کو ویکسین لگانے کا ہدف حاصل ہوگیا ہے لہٰذا اب شہریوں کو بیرون ملک جانے اور بیرون ملک موجود لوگوں کو آسٹریلیا آنے کی اجازت جلد دے دی جائے گی.