Tag ایمرا نیوز

کراچی (ویب ڈیسک)کراچی میں سمندی طوفان کا خدشہ ٹل گیا ہے.تفصیلات کے مطابق محکمہ موسمیات کا کہنا ہے کہ سمندری طوفان کی شدت میں کمی آئی ہے جس کے باعث کراچی میں سمندری طوفان کا خطرہ ٹل گیا ہے۔ بحیرہ عرب میں بننے والے سمندری طوفان کا رخ مسقط کے ساحل کی طرف مڑ گیا ہے ۔ یو ایس جوائنٹ ٹائیفون وارننگ سینٹر پرل ہاربر کی جانب سے جاری کردہ تازہ ترین صورتحال کے مطابق سمندری طوفان کراچی سے دور ہورہا ہے تاہم سسٹم کے مطابق طوفانی بارش کا امکان بلوچستان کی ساحلی پٹی پر ہوسکتا ہےتاہم شہر میں بوندا باندی کا سلسلہ جاری رہے گا.

لاہور (ویب ڈیسک)ملک بھر میں کورونا وبا سے ہزاروں اموات ہوئیں.این سی او سی نے اس وبا پر قابو پانے کے لیے سخت اقدامات اٹھائے.تازہ ترین صورتحال کے مطابق پاکستان میں عالمی وبا کورونا کی چوتھی لہر کی شدت میں واضح کمی دیکھی گئی ہے. مثبت کیسز کی شرح 3 فیصد سے بھی کم ہوکر 2.8 فیصد ریکارڈ کی ہوئی ہے۔پاکستان میں کورونا کے اعداد و شمار بتانے والی سرکاری ویب سائٹ (covid.gov.pk) کے مطابق پچھلے 24 گھنٹوں کے دوران ملک بھر میں کورونا کے 49 ہزار 49 ٹیسٹ کیے گئے جن میں سے 1411 افراد میں وائرس کی تصدیق ہوئی علاوہ ازیں 24 گھنٹوں کے دوران ملک بھر میں کورونا وائرس سے مزید 56 افراد انتقال کر گئے۔این سی او سی کا کہنا ہے ملک بھر میں کورونا کے 3 ہزار 649 مریضوں کی حالت تشویش ناک ہے۔سرکاری پورٹل کے مطابق ملک میں کورونا سے ہلاکتوں کی مجموعی تعداد 27 ہزار 785ہو گئی اور مجموعی کیسز 12 لاکھ 46 ہزار 538 تک جا پہنچے ہیں۔ملک بھر میں 1024 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 11 لاکھ 70 ہزار 590 ہو گئی ہے جب کہ فعال کیسز کی تعداد 48163 ہے۔

کراچی (ویب ڈیسک) حکومت نے پرائز بانڈزکی تبدیلی کی آخری تاریخ میں توسیع کر دی ہے.تفصیلات کے مطابق 40 ہزار ،25 ہزار اور 15 ہزار روپے مالیت کے پرائز بانڈزکی تبدیلی کی آخری تاریخ میں توسیع کردی گئی ہے جس کے بعد پرائزبانڈز 31 دسمبر 2021 تک تبدیل کرائےجاسکیں گے۔ ساڑھے 7 ہزار مالیت کے پرانے پرائزبانڈزکی تبدیلی کی آخری تاریخ پہلے ہی 31 دسمبر 2021 ہے جبکہ 31 دسمبر 2021 کے بعد پرانے بڑی مالیت کے پرانے غیر رجسٹرد پرائز بانڈز تبیدل نہیں ہوں گے۔

لاہور(ویب ڈیسک) مسلم لیگ (ن) کے صدر شہباز شریف زخمی ہو گئے .تفصیلات کے مطابق شہبازشریف اپنے گھر کی سیڑھیوں سے پھسل کر زخمی ہوئے ہیں۔سیڑھیوں سے پھسلنے کی وجہ سے وہ ایک بارپھر کمر کی شدید تکلیف میں مبتلا ہوگئے ہیں۔ان کےخاندانی ذرائع کےمطابق شہباز شریف کے طبی معالجین نے معائنہ کیا اور ایکسرے لئے ہیں جس کے بعد ڈاکٹروں نے میڈیکل رپورٹس کی روشنی میں انہیں 2 ہفتے مکمل آرام کا مشورہ دیا ہے ، جس پر انہوں نے تمام سیاسی سرگرمیاں معطل کر دی ہیں۔

سندھ(ویب ڈیسک)محکمہ موسمیات نے کراچی سمیت سندھ کے مختلف شہروں میں موسلا دھار بارش اور سمندری طوفان کا خدشہ ظاہر کیا ہے لہذٰا اس کے پیش نظر سندھ بورڈ آف ٹیکنیکل ایجوکیشن نے امتحانات ملتوی کردینے کا فیصلہ کیا ہے.۔سندھ بورڈ آف ٹیکنیکل ایجوکیشن کے اعلامیے کے مطابق ایسوسی ایٹ انجینیئرنگ ڈپلومہ کے آج سے 2 اکتوبر تک تمام امتحانات ملتوی کئے گئے ہیں۔اعلامیے کے مطابق ملتوی کیے گئے امتحانات اب 9 ، 11 اور 12 اکتوبر کو لیے جائیں گے۔

اسلام آباد (ویب ڈیسک) بجلی کی تقسیم کرنے والی کمپنیوں نے عوام پراوور بلنگ کا اعتراف کرلیا ہے۔تفصیلات کے مطابق نیپرا میں بجلی کی تقسیم کار کمپنیوں کی اوور بلنگ اور صارفین کی شکایات پر عوامی سماعت کی گئی۔ملتان الیکٹرک پاور کمپنی (میپکو) کے سی ای او نے عاتراف کیا کہ مئی میں صارفین کو زائد بل بھیجے گئے ،انہوں نے تفصیلات بتاتے ہوئے کہا کہ مئی میں 31 کی بجائے 37 روز کے بل بھیجے گئے، اگلے ماہ بجلی کے بل 26 دن کے بھیجے گئے، عید الفطر اور دوسری چھٹیوں کی وجہ سے اوور بلنگ کی گئی، کووڈ کی وجہ سے 8 سے 16 مئی کے دوران ریڈنگ پر اثر پڑا، 20 بیجز میں سے 8 بیجز کے صارفین اوور بلنگ سے متاثر ہوئے۔اس موقع پرچئیرمین نیپرا نے کہا کہ آپ نے 52 لاکھ صارفین میں سے بیشتر کے ساتھ زیادتی کی.سی ای او لیسکو کا کہنا تھا کہ گزیٹڈ چھٹیاں نکال کے ہمیں بڑی مشکل سے بیس دن ملتے ہیں اور جولائی میں عاشورہ اور گزیٹڈ چھٹیوں کے باعث اثر آیا۔
چئیرمین نیپرا نےبرہمی کا اظہار کرتے ہوئے کہا کہ آپ کیسے کہہ سکتے ہیں کہ اوور بلنگ نہیں ہوئی ، ایک ماہ میں 33 دن کے بل اور اگلے ماہ 37 دن تو اووربلنگ اور کیا ہوتی ہے ؟، جو نقصان کسی کا ہو گیا اس کا ازالہ کیسے کرنا ہے؟، چھٹیوں کی وجہ سے اگر صارفین کا نقصان ہوا ہے تو ان کا فائدہ بھی ضروری ہے۔
پی آئی ٹی سی کے سی ای او نے مزید بریفنگ دیتے ہوئے کہا کہ سارا معاملہ چھٹیوں کی وجہ سے ہوا، پانچ چھٹیوں کی وجہ سے ان ڈسکوز نے بل ایڈجسٹ کئے، ڈسکوز کی جانب سے معاملے کو مس مینیج کیا گیا، اوور بلنگ کا ایک ہی حل ہے کہ بلنگ دوبارہ کی جائے۔سماعت کے دوران بجلی صارفین نے رحیم یار خان میں 52 دنوں کا بجلی بل بھیجنے کا انکشاف بھی کیا۔

لندن (ویب ڈیسک)کچھ عرصےسے کھیلوں میں میچ فکسنگ کے واقعات سامنے آ رہے ہیں .اسی سلسلے میں ایک اور میچ میں فکسنگ کے انکشافات سامنے آئے ہیں .تفصیلات کےمطابق 2016 کے ریو اولمپکس کے باکسنگ مقابلے کے حوالے سے میچ فکسڈ ہونے کا انکشاف ہوا ہے۔برطانوی میڈیا کے مطابق باکسنگ میچز کی انکوائری رپورٹ میں 7 سے 10 میچ مشکوکو دکھائی دیے ہیں ،اوروہاں ممکنہ طورپر نتائج میں ہیرا پھیری کی گئی ہے۔ رپورٹ میں ایک آئرش باکسر اور روسی باکسر کی فائٹ کا بھی ذکر کیا گیا ہے جس میں آئرش باکسر کو پوائنٹس کی متنازع تقسیم کے بعد ناکام قرار دیا گیا تھا۔

ممبئی (ویب ڈیسک) دنیا بھرمیں بے شمار افراد ہیں جن کی شکلیں ایک دوسرے سے ملتی ہیں .اسی سلسلے میں بالی وڈ کی ایک مشہور اداکارہ کی ہمشکل کی تصاویر سوشل میڈیا پر وائرل ہو رہی ہیں‌.تفصیلات کے مطابق مشہوراداکارہ کترینہ کیف کی ہم شکل کی تصاویر سوشل میڈیا پربہت وائرل ہورہی ہیں۔بھارتی سوشل میڈیا اسٹار اور انفلوئنسر الینا رائے کا چہرہ اداکارہ کترینہ کیف سے بے حد مشابہت رکھتا ہے۔ الینا سوشل میڈیا پر بہت زیادہ ایکٹو ہیں اور ان کے انسٹاگرام پر 2 لاکھ سے زائد فالوورز ہیں۔ انہوں نے خود کو انسٹاگرام پر اداکارہ کے طور پر متعارف کروایا ہوا ہے۔سوشل میڈیا صارفین نے الینا رائے کو کترینہ کیف کی کاربن کاپی قراردیا ہے۔

انصار عباسی کے قلم سے ……

کسی مذہبی حلیے والے فرد کی نازیبا ویڈیو سامنے آ جائے تو ٹی وی چینلز سمیت سب کہتے ہیں کہ پکڑو پکڑو، جیل میں ڈالو، سزا دو، لٹکا دو۔ لیکن اگر ایسی ویڈیو کسی سیاستدان یا کسی دوسرے کی آ جائے اور خاص طور پر اگر ایسا فرد سیکولر سوچ کا مالک ہو تو پھر نہ پکڑنے کی بات کی جاتی ہے، نہ جیل میں ڈالنے یا لٹکانے کا کہا جاتا ہے بلکہ کہا جاتا ہے کہ یہ ذاتی معاملہ ہے، اسے مت اچھالو ۔
اب تو ایک طبقہ یہ بھی کہہ رہا ہے کہ اگر کسی مرد نے کسی عورت کے ساتھ اُس کی مرضی سے تعلق قائم کیا تو یہ کوئی جرم ہی نہیں۔ یہی لوگ ایک سابق گورنر اور سیاستدان کے بارے میں یہ بات کر رہے ہیں، چیئرمین نیب کی ویڈیو پر بھی ان کا مطالبہ رہا کہ اس حوالے سے تحقیقات کی جائے اور اگر یہ ویڈیو درست ہے تو چیئرمین نیب کو فارغ کیا جانا چاہئے۔ گویا طرح طرح کی باتیں کی جاتی ہیں لیکن جرم یا گناہ کرنے والے کو دیکھ کر ہر کوئی اپنی اپنی مرضی کی سزا یا رعایت تجویز کر دیتا ہے۔
اسلام ہمیں تعلیم دیتا ہے کہ کسی کے عیب کی ٹوہ میں مت رہو اور اگر کسی کے اس طرح کے عیب یا گناہ پر پردہ پڑا ہوا ہے تو اُس کی پردہ پوشی ہی کی جانی چاہئے۔ کسی بھی فرد کے ایسے کسی بھی عمل کی ویڈیو بنا کر اُسے ساری دنیا میں شیئر کرنا بہت گناہ کا کام ہے جس سے ہر کسی کو اجتناب کرنا چاہئے۔

ہمیں یہ بھی معلوم ہے کہ کئی بار ایسی ویڈیوز کے لئے نشانہ پر رکھے گئے شخص کو ٹریپ بھی کیا جاتا ہے تاکہ اُس کو ضرورت پڑنے پر بلیک میل کیا جا سکے۔ بہرحال صورت کوئی بھی ہو، دوسروں کے عیب کی ویڈیو بنا کر وائرل کرنا گناہ کا کام ہے جس سے ہم سب کو بچنا چاہئے۔

میری ایک بہت بڑے عالمِ دین سے بات ہوئی تو اُنہوں نے میرے سوال پر کہا کہ اگر کسی کے پاس اس طرح کی ویڈیو آ جائے تو اُسے آگے پھیلانے کی بجائے متعلقہ شخص سے شیئر کرے اور اُسے ایسے گناہ سے بچنے اور توبہ کرنے کی ترغیب دے۔ اگر ایسی ویڈیو میں شامل فرد کوئی سیاستدان ہے، کسی اہم عہدے پر فائز ہے یا کسی ادارے بشمول تعلیمی ادارے یا مدرسے سے منسلک ہے تو ایسے فرد کے سربراہ یا کسی بڑے افسر یا منتظم کے سامنے یہ معاملہ رکھیں تاکہ ایسے شخص کو اُس عہدے یا ذمہ داری سے فارغ کر دیا جائے۔

اگر ویڈیو وائرل ہو جائے جس طرح کے لاہور کے مدرسے کے ایک مفتی، چیئرمین نیب اور اب ن لیگ کے رہنما اور سابق گورنر سندھ زبیر عمر کی ویڈیوز وائرل ہوئیں اور سب کو اس معاملہ کا علم ہو گیا تو ایسی صورت میں بھی اس ویڈیو کو مزید پھیلانے کے گناہ سے تو بہرحال ہمیں بچنا چاہئے لیکن ریاست اور حکومت کی ذمہ داری بن جاتی ہے کہ اس معاملہ پر قانونی کارروائی کرے کیوں کہ یہ گناہ یا جرم اس کے سامنے آ چکا۔

پہلے تو تحقیق کر لی جائے کہ ویڈیو درست بھی ہے یا نہیں اور اگر درست ہو تو پھر قانون کے مطابق متعلقہ افراد کو پکڑا جائے اور قانون کے مطابق کارروائی عمل میں لائی جائے۔ ہم نے دیکھا کہ لاہور کے مدرسے سے تعلق رکھنے والے فرد کو تو فوری گرفتار کیا گیا (جو ایک درست عمل تھا) لیکن چیئرمین نیب اور محمد زبیر عمر کے کیس میں ریاست اور حکومت خاموش ہیں۔

اگر مدرسے سے تعلق رکھنے والا شخص جرم ثابت ہونے پر سخت سزا کا مستحق، اس لئے ہے کہ ایک طرف تو اُس کا جرم سنگین تھا اور دوسرا یہ معاملہ معافی طلب اس لئے بھی نہیں کہ اُس فرد کو تو وہاں بچوں کو دینی تعلیم دینے کی ذمہ داری دی گئی تھی۔ جب گناہ اور جرم سامنے آ ہی گیا تو حکومت کو ایکشن لینا چاہئے تھا اور اُس نے لاہور مدرسے کے کیس میں ایکشن لیا بھی لیکن دوسرے دو کیسوں میں مبینہ گناہ اور جرم سامنے آ گئے ہیں اور ریاست ، حکومت خاموش تماشائی بنے ہوئے ہیں؟

چیئرمین نیب اور محمد زبیر کی ویڈیوز اگر درست ہیں تو پھر چوں کہ معاملہ عام ہو چکا اس لئے اُن کے خلاف بھی ویڈیو کے صحیح ثابت ہونے پر ایکشن ہونا چاہئے اور جو بھی قانون میں ایسے گناہ اور جرم کی سزا موجود ہے وہ اُنہیں بھی ملنی چاہئے۔ اس معاملہ پر ن لیگ کی قیادت کو بھی اپنی ذمہ داری نبھاتے ہوئے تحقیقات کرنی چاہئے اور اگر یہ ویڈیو درست ہے تو زبیر کو پارٹی سے نکال دیا جانا چاہئے۔

باقی جہاں تک اس معاملہ کے تناظر میں مرد اور عورت کی مرضی پر گناہ کو اگر کوئی Justifyکرتا ہے تو پھر ایسا عمل مغربی معاشرہ میں تو قابلِ قبول ہو سکتا ہے ، ایک اسلامی معاشرہ میں اس کی اجازت نہیں دی جا سکتی۔

ہمارے آئین کے مطابق صدر وزیر اعظم، مسلمان وزیر مشیر، گورنر وزیراعلیٰ، ممبران قومی اسمبلی، سینیٹ اور صوبائی اسمبلیوں کو باعمل مسلمان ہونا چاہئے، وہ کوئی بھی بڑا گناہ کرنے کی Reputeنہ رکھتے ہوں، اسلام کے بارے میں کافی معلومات رکھتے ہوں۔

اعلیٰ عہدوں پر فائز افراد کے لئے بھی ضروری ہے کہ اُن کا کردار بہترین ہو لیکن افسوس کہ ہمارے ایوانِ اقتدار، اسمبلیوں اور اعلیٰ عہدوں پر بیٹھنے والوں کے کردار کے معاملہ میں خرابی کو نظر انداز کیا جاتا ہے، جو بہت غلط بات ہے۔
بشکریہ جیو نیوز

امریکہ (ویب ڈیسک)بالاخر امریکا نے افغانستان میں جنگ میں ناکامی کا برملا اعتراف کر لیا.ذرائع کے مطابق امریکی جوائنٹ چیفس آف اسٹاف کے چیئرمین جنرل مارک ملی نے اس بات کا کھل کر اظہار کیاہے کہ امریکا اعتراف کرتا ہے کہ افغانستان میں 20 سالہ طویل “جنگ ہار” گئے.۔ ان خیالات کا اظہار انہوں نے امریکی ایوانِ نمائندگان کی کمیٹی برائے مسلح افواج کے سامنے بیٹھ کر کہی. انہوں نے کہا کہ افغان جنگ اسٹریٹجیک ناکامی تھی۔
جنرل مارک ملی کا مزید کہنا تھا کہ افغانستان میں جنگ ہماری شرائط پر ختم نہیں ہوئی۔
جنرل مارک ملی کا کہنا تھا کہ جب بھی اس طرح کا کوئی واقعہ ہوتا ہے تو اس میں بہت سارے عوامل شامل ہوتے ہیں اور ہمارے سیکھنے کے لیے بہت سارے سبق ہیں اس بات کے لیے ہمیں اندازہ لگانا ہو گا۔