Tag ایمرا نیوز

راولپنڈی (ویب ڈیسک)نیشنل ٹی ٹوئنٹی کپ کا آغاز آج سے ہو گیا ہے.تفصیلات کے مطابق نیشنل ٹی ٹوئنٹی کپ راولپنڈی کرکٹ اسٹیڈیم میں کھیلا جائے گا.داخلے کیلئے شائقین کو ٹکٹوں کے ساتھ ویکسینیشن سرٹیفکیٹ لانا لازمی ہوگا۔ نیشنل ٹی ٹونٹی دو مرحلوں پر مشتمل ٹورنامنٹ 23 ستمبر سے 13 اکتوبر تک بالترتیب راولپنڈی اور لاہور میں کھیلا جائے گا۔ شائقین کرکٹ پنڈی کرکٹ راولپنڈی اسٹیڈیم اور قذافی اسٹیڈیم لاہور کے اسٹینڈز سے سنسنی خیز میچز دیکھیں گے۔ٹورنامنٹ کے پہلے روز دو مقابلے کھیلے جائیں گے، 3 بجے ناردرن ٹیم اور بلوچستان کے درمیان پہلا میچ کھیلا جائے گا جب کہ 7:30 بجے خیبرپختونخوا اور سینٹرل پنجاب ایکشن میں نظر آئیں گے۔علاوہ ازیں اسٹیڈیم میں 25 فیصد شائقین کو داخلے کی اجازت ہوگی .

کراچی (ویب ڈیسک) پاکستانی گلوکار اور سماجی رہنما شہزاد رائے سماجی کاموں میں بڑھ چڑھ کر حصہ لیتے ہیں بالخصوص تعلیم کے حوالے سے انہوں نے بے شمار کام کیا ہے .اس بار بھی شہزاد رائے نے ایسا کام کیا ہے کہ سب کے دل جیت لئے .انہوں نے ایک نوجوان فوجی بینڈ کو موسیقی کے آلات تحفے میں بھیجے ہیں .شہزاد رائے نے ایک ویڈیو شیئر کی جس میں کچھ بچے گھی کے ڈبے اور دیگر اشیا سے فوجی بینڈ کی طرح دھن بجا رہے تھے،شہزاد رائے نے ان بچوں تک پہنچنے کے لیے عوام سے مدد طلب کی تھی۔اب شہزاد رائے نے بتایا ہےکہ ان باصلاحیت لڑکوں کو پتہ معلوم ہوا ہے ان کا تعلق ہنزہ سے ہے، ان کو میں نے موسیقی کے آلات بھیج دیے ہیں۔انہوں نے عاصم اور اسد بھائی کا شکریہ ادا کیا۔شہزاد رائے کے اس اعلیٰ اقدام کو صارفین نے بہت پسند کیا اور اُن کے جذبے کی تعریف بھی کی۔

وادی (ویب ڈیسک) مقبوضہ کشمیر میں بھارت کی ریاستی دہشت گردی جاری ہے. مقبوضہ کشمیر میں قابض بھارتی فوج نے ضلع شوپیاں میں فائرنگ کر کے ایک نوجوان کو شہید کر دیا۔کشمیر میڈیا سروس کے مطابق بھارتی فوج نے گاؤں چتراگم میں نوجوان کو سرچ آپریشن کا بہانہ بنا کرنوجوان کو شہید کیا۔ علاوہ ازیں علاقے میں خوف و ہراس پھیلانے کیلئے انٹرنیٹ اور موبائل سروس کو بند کردیا۔بھارتی فوج نے گھر گھر تلاشی لیتے ہوئے چند نوجوانوں کو گرفتار بھی کر لیا۔ کشمیری عوام نے بھارتی فورسز کی اس ظالمانہ کارروائی کے خلاف احتجاج بھی کیا۔

پونے(ویب ڈیسک) مراٹھی فلموں کی 25 سالہ اداکارہ اشواری دیش پانڈے کار حادثے میں ہلاک ہوگئی۔

بھارتی میڈیا کے مطابق پونے سے تعلق رکھنے والی اداکارہ اشواری دیش پانڈے کی کار کو حادثہ 20 ستمبر کی صبح تقریباً 5 بجے گووا میں پیش آیا۔ حادثے میں اداکارہ جانبر نہ ہوسکی اور ہلاک ہوگئی۔بھارتی میڈیا نے حادثے کی تفصیلات بتاتے ہوئے کہا کہ اشواری 15 ستمبر کو اپنے دوست شوبھم کے ساتھ چھٹیاں منانے گووا گئی تھی۔ دونوں کار میں کہیں جارہے تھے اور کار میں سینٹرل لاک لگا ہوا تھا۔ کار ایک پل سے گزررہی تھی جب ڈرائیور نے کار کا کنٹرول کھودیا اورکار پل سے ندی میں جاگری۔ کار میں سینٹرل لاک لگا ہونے کی وجہ سے دونوں باہر نہیں نکل پائے اور دونوں کی موت ہوگئی۔
رپورٹس میں یہ بھی کہا گیا ہے کہ اداکارہ اشواری اور شوبھم میں رشتہ دوستی سے زیادہ تھا بلکہ دونوں اگلے ماہ منگنی کرنے کی تیاریاں کررہے تھے۔
جہاں تک بات کی جائے اداکارہ اشواری کے فلمی کیریئر کی تو انہوں نے حال ہی میں ہندی اور مراٹھی پراجیکٹس کی شوٹنگ مکمل کی تھی۔ اور اداکار سنیل کے ساتھ فلم ’’پری ماچے سائیڈ ایفیکٹس‘‘ کے ذریعے مراٹھی انڈسٹری میں ڈیبیو کرنے والی تھی۔

ویسٹ انڈیز (ویب ڈیسک)کرکٹرزکی میچ فکسنگ کے کیسز سامنے آتے رہتے ہیں.اسی سلسلے میں ایک اور کیس سامنے آیا ہے.سابق ویسٹ انڈیز کرکٹر مارلون سیمیولز ایک بار پھر میچ فکسنگ کی زد میں آ گئے ہیں۔ انٹرنیشنل کرکٹ کونسل کی جانب سے میچ فکسنگ کے الزامات پر سابق ویسٹ انڈین کھلاڑی کو چارج کیا گیا ہے۔سیمیولز کو آئی سی سی کے اینٹی کرپشن کوڈکی 4 خلاف ورزیوں کا مرتکب پایا گیا ہے۔ سیمیولز پرچارج ہے کہ انہوں نےمیچ فکسنگ ‏کی آفرکی پیشکش کی رپورٹ نہیں کی۔سیمیولز کے پاس 14 دن کا وقت ہے جس میں جواب جمع کرانا ضروری ہے بصورت دیگر ان کے خلاف ‏کارروائی کی جائے گی۔آئی سی سی نے کہا کہ سیمیولز تحائف، ادائیگی، مہمان نوازی اور دیگر فوائد” کی رسید ظاہر کرنے اور اس معاملے کی تحقیقات میں تعاون کرنے میں ناکام رہے۔

کراچی (ویب ڈیسک) پاکستان اسٹاک ایکسچینج میں مندی کا سلسلہ آج بھی جاری رہا۔ 100انڈیکس 1ہزار پوائنٹس سے زائد کی کمی ریکارڈ کی گئی۔تفصیلات کے مطابق درآمدات میں اضافے کے باعث جاری کھاتوں میں اضافہ، معاشی اشاریوں میں بہتری نہ ہونا اور پھر شرح سود میں 0.25 فیصد کے اضافے نے سٹاک مارکیٹ کے سرمایہ کاروں کو سوچنے پر مجبور کر دیا. آج کے روز ٹریڈنگ کا آغاز ہی مندی سے ہوا اور ایک موقع پر 100انڈیکس 1ہزار پوائنٹس سے زائد گرگیا۔ تاہم ٹریڈنگ کے اختتام پر تھوڑی ریکوری دیکھی گئی اور 100انڈیکس 411پوائنٹس کی کمی سے 45ہزار 597پوائنٹس پر بند ہوا۔دو کاروباری روز میں 100انڈیکس 9سو پوائنٹس سے گرگیا ہے ۔جبکہ سرمایہ کاروں کو 150 ارب روپے کے قریب نقصان برداشت کرنا پڑا ہے۔

اسلام آباد (ویب ڈیسک) ورلڈکپ سکواڈ میں قومی ٹیم نے چئیرمیں پی سی بی رمیز راجہ کے ہمراہ وزیراعظم عمران خان سےملاقات کی ہے۔ ملاقات کے دوران وزیراعظم نے کھلاڑیوں کو بے خوف ہو کر کھیلنے کا مشورہ دیا۔تفصیلات کے مطابق وزراعظم عمران خان سے ٹی 20 ورلڈکپ سکواڈ میں شامل قومی کھلاڑیوں نے ملاقات کی اورکرکٹ کی موجودہ صورتحال پر تبادلہ خیال کیا .ملاقات کرنے والوں میں بابر اعظم، شاداب خان، آصف علی، اعظم خان، حارث رؤف، حسن علی، عماد وسیم، خوشدل شاہ، محمد حفیظ، محمد حسنین، محمد نواز، محمد رضوان، محمد وسیم، شاہین شاہ آفریدی، صہیب مقصود شامل تھے۔ملاقات سے قبل جب قومی کھلاڑی وزیراعظم ہاؤس پہنچے تو کھلاڑیوں نے سفید قمیض شلوار اور گہرے نیلے رنگ کی ویسٹ کوٹ زیب تن کر رکھی تھی۔ذرائع کا کہنا ہے کہ پاکستان میں ڈومیسٹک سسٹم سمیت کرکٹ کے امور پر بات چیت بھی ہوئی۔وزیراعظم نے ہدایت دیتے ہوئے کہا کہ نیوزی لینڈ انگلینڈ کے دورہ منسوخی کا بہترین پرفارمنس سے جواب دیں، پاکستان کھیلوں کےلئے محفوظ ملک ہے، آپ اپنی پرفارمنس بہتر بنانے پر فوکس کریں، انشاء اللہ جلد پاکستان میں انٹرنیشنل کرکٹ ہوگی۔

افغانستان (ویب ڈیسک) افغانستان میں سیکیورٹی چیک پوسٹ پرمسلح افراد کی طرف سے حملہ کیا گیا ہے۔فرانسیسی خبر رساں ادارے کے مطابق طالبان عہدیدار نے حملے کی تصدیق کرتے ہوئے بتایا ہے کہ حملے میں عام شہری ہلاک ہوئے ہیں ۔عینی شاہدین اور سیکیورٹی ذرائع کی مطابق حملے میں 3 افراد جاں بحق ہوئے ہیں جن میں میں 2 طالبان جنگجو بھی شامل ہیں ۔ انہوں نے حملے کی تفصیلات بتاتے ہوئے کہا کہ رکشہ سوار مسلح افراد نے چیک پوسٹ کو نشانہ بنایا۔ یہ صوبہ کئی سال تک دہشت گرد تنظیم داعش کا مرکزی ٹھکانہ رہا ہے۔اس کے علاوہ ایک اور واقعے میں جلال آباد میں ریموٹ کنٹرول ڈیوائس کو ناکارہ بنانے کے دوران 2 طالبان جنگجو شدید زخمی ہو گئے ہیں تاہم اب تک واقعے کی مزید تفصیلات سامنے نہیں آسکیں.

سیالکوٹ (ویب ڈیسک)پاکستان کے سب سے بڑے رئیل اسٹیٹ پورٹل زمین ڈاٹ کام کی جانب سے سیالکوٹ کی تاریخ میں پہلی مرتبہ پراپرٹی سیلز ایونٹ کا کامیاب انعقاد کیا گیا، جس میں شہریوں نےکرونا ایس او پیز پر عمل کرتے ہوئے اپنی فیملیز کے ہمراہ کثیر تعداد میں شرکت کی۔ جبکہ شہریوں کی سہولت کو مد نظر رکھتے ہوئے ایونٹ کے دوران بھی ویکسی نیشن کا عمل جاری رہا۔ تین روز تک جاری رہنے والے پراپرٹی سیلز ایونٹ میں مجموعی طور پر 13 سے زائد تعمیراتی منصوبے عوام الناس کی دلچسپی کیلئے پیش کئے گئے ۔جن میں سیالکوٹ ٹریڈ سنٹر، وائٹ سٹی پسرور، سیال آرکیڈ ، خیابان نواب، کینال ویلی ڈسکہ، سٹی گیلریا اور ڈار مارکیٹ سمیت زمین ڈویلپمنٹس کے منصوبے زمین کواڈرینگل، زمین آورم، زمین اوپل ،مال 35 ، زمین ایس مال اور زمین ایس ہومز شامل تھے۔
اس موقع پر گفتگو کرتے ہوئے زمین ڈاٹ کام کے کنٹری ہیڈ احمد بھٹی نے کہا کہ زمین ڈاٹ کام نے ہمیشہ رئیل اسٹیٹ مارکیٹ کے بہترین اور قابل اعتماد منصوبوں کو عوام الناس تک پہنچا کر ان کا اعتماد جیتا ہے اور سیالکوٹ میں بھی پراپرٹی سیلز ایونٹ کا پہلی مرتبہ انعقاد اسی سلسلے کی ایک کڑی ہے۔زمین ڈاٹ کام کے پراپرٹی سیلز ایونٹس کی بدولت ملک بھر میں رئیل اسٹیٹ شعبہ ترقی کی منازل طے کر رہا ہے۔
سینئر ڈائریکٹر سیلز سنٹرل شیخ شجاع اللہ خان کا کہنا تھا کہ زمین ڈاٹ کام کی جانب سے پیش کردہ منصوبے اپنی جدید سہولیات اور سرمایہ کاری پر قابل قدر منافع کی بدولت اپنی مثال آپ ہیں۔ انہوں نے کہا کہ ملکی معیشت میں رئیل اسٹیٹ سیکٹر ایک مرکزی شعبے کی حیثیت رکھتا ہے، اس ایک شعبے کی مزید تعمیر وترقی سے پچاس سے زائد دیگر منسلک صنعتیں بھی ترقی کی منازل طے کریں گی۔
زمین ڈاٹ کام کے ریجنل ہیڈ سیلز(سنٹرل) مظفر مجید کا کہنا تھا کہ زمین ڈاٹ کام کے وہ تمام پرا جیکٹس جن کی مارکیٹنگ اور سیلز کے حقوق صرف زمین ڈاٹ کام کے پاس موجود ہیں، وہ ۱۰۰ فیصد شفاف ہوتے ہیں اور کسی ایسے پراجیکٹ کو آن بورڈ نہیں کیا جاتا جس کی دستاویزات میں کسی بھی قسم کا کوئی شائبہ موجود ہوتا ہے۔
زمین ڈاٹ کام کے ریجنل سیلز منیجر گوجرانولہ ارسلان احمد خان نے کہا کہ زمین ڈاٹ کام کی جانب سےبڑے شہروں کے ساتھ ساتھ دیگر شہروں میں بھی جدید طرز زندگی کے حامل منصوبے سامنے لائے جا رہے ہیں،جس سے نہ صرف شہریوں کا معیاری طرززندگی بہتر ہو گا بلکہ یہ نہایت قابل منافع بھی ثابت ہوں گے۔
پراپرٹی سیلز ایونٹ کے دوران زمین ڈاٹ کام کی باخبر سیلز ٹیم نے مارکیٹ کی صورتحال، تحقیق اور مکمل اعداد و شمار پر مشتمل پریزنٹیشن کے ذریعے صارفین کو محفوظ سرمایہ کاری کے حوالے سے رہنمائی اور معلومات بھی فراہم کیں۔ ایونٹ کے دوران عوام الناس کا رش بھی دیکھنے میں آیا جنہوں نے زمین ڈاٹ کام کی اس کوشش کو سراہا۔

اسلام آباد (ویب ڈیسک) نیوزی لینڈ کے دورہ منسوخی کے پیچھے بھارت کا ہاتھ ہے.حکومت نے اس سازش کاپردہ چاک کر دیا ہے.تفصیلات کے مطابق وزیر اطلاعات فواد چوہدری نے وزیر داخلہ شیخ رشید کے ہمراہ نیوزی لینڈ کرکٹ ٹیم کا دورہ منسوخ کرنے کے حوالے سے اسلام آباد میں پریس کانفرنس کی .انہوں نےبریفنگ دیتے ہوئے کہا کہ فیک نیوز کے پیچھے ریاستوں اور ایجنسیوں کا ہاتھ ہے، پاکستان میں ہائبرڈ وارکاسامناہے.وفاقی وزیر نے تفصیلات بتاتے ہوئے کہا کہ 19 اگست کو احسان اللہ احسان کے نام سے ایک فیس بک اکائونٹ بنایا گیا جس میں نیوزی لینڈ ٹیم کو پاکستان کے دورہ سے روکتے ہوئے کہا گیا کہ داعش کیوی ٹیم پر حملہ کرسکتی ہے۔
وزیر اطلاعات نے مزید بتایا کہا کہ 21 اگست کو بھارتی اخبار سنڈے گارڈن کے بیوروچیف ابھی نندن مشرا نے احسان اللہ احسان کی اس جعلی فیس بک پوسٹ کی بنیاد پر آرٹیکل لکھا، ابھی نندن مشرا اور پاکستان مخالف سابق افغان نائب صدر امر اللہ صالح کے آپس میں گہرے تعلقات بھی ہیں، علاوہ ازیں 24 اگست کو مارٹن گپٹل کی بیوی کو تحریک لبیک کے نام سے بنے ای میل ایڈریس سے ایک ای میل موصول ہوئی جس میں مارٹن گپٹل کو پاکستان میں قتل کر دینے کے بارے میں لکھا تھا.
یہ ای میل اکاؤنٹ 24اگست 2021 کو ہی بنایا گیا تھا اور اس سے صرف ایک ہی میل مارٹن گپٹل کی بیوی کو بھیجی گئی، حالانکہ یہ ای میل پروٹون میل پر بنائی گئی جو کافی محفوظ ای میل ہے، تمام واقعات کےباوجود نیوزی ٹیم اپناٹورکینسل نہیں کیا اور پاکستان آ گئی.

فواد چوہدری نے مزید تفصیلات سے آگاہ کیا کہ پہلی پریکٹس 13ستمبر کو ہوئی تب کوئی تھریٹ رپورٹ نہیں ہوا، 17 ستمبر کو نیوزی لینڈ کی ٹیم نے بتایا کہ حکومت کی ہدایت پر یہ ٹور منسوخ کرنا چاہتے ہیں، جس پر سیکیورٹی فورسز اور پی سی بی کے افسران نے کیوی ٹیم سے ملاقات کی اور تھریٹ بارے پوچھا تو ٹیم کو بھی کچھ معلوم نہیں پتہ تھا.
انٹرپول نے 18 ستمبر کو پاکستان کو بتایا کہ جی میل پر حمزہ آفریدی 7899 کے نام سے بنی ایک ای میل موصول ہوئی ہے جس میں نیوزی لینڈ ٹیم کو دھمکی دی گئی تھی، یہ ای میل بھارت میں بنا اس کے علاوہ وی پی این کے ذریعے یہ ای میل بھارت سے بھیجی گئی تھی تاکہ اس کی لوکیشن سنگاپور ظاہر ہو۔

فواد چوہدری نے مزید بتایا کہ جس ڈیوائس سے ای میل جنریٹ ہوئی اس پر 13 مزید ای میل بنائی گئی ہیں اوروہ سب ہندی ناموں سے بنی ہیں ، صرف ایک جعلی ای امیل حمزہ آفریدی کے نام سے بنائی گئی اور جان بوجھ کر اس ای میل پر پاکستانی نام استعمال کیا گیا ہے، یہ ای میل جس نمبر پر بنا وہ سم انڈین کے نام پر ہے، اس کا نام اوم پرکاش مشرا ہے جس کا تعلق ممبئی سے ہے، اگست 2019 میں یہ موبائل ڈیوائس آر ایم ایکس 1971 بھارت میں لانچ کی گئی اور موبائل سم اگست 2019 میں بھارت میں رجسٹر ہوئیں تھیں. وزارت داخلہ نے مقدمہ درج کرلیا ہے اور دونوں ای میل ہولڈرز کو انٹرپول کی مدد سے ٹریس کیا جا رہا ہے.

وزیر داخلہ شیخ نے کہا کہ نیوزی لینڈ کی ٹیم کی واپسی سے اگر کوئی سمجھتا ہے کہ پاکستان دنیا میں تنہا ہو جائے گا تو یہ اسکی بھول ہے. دورے کینسل کرنے کے معاملے کو زیادہ اچھالا نہ جائے.وزیر داخلہ نے مزید کہا کہ دراصل بھارت کے 66 ٹریننگ کیمپ افغانستان میں بند کر دیے گئے ہیں جس پر بھارت میں صف ماتم بچھی ہے۔