Tag ایمرا نیوز

کراچی(ویب ڈیسک) پاکستان نے ملک میں دستیاب فرنس آئل سے 65 فیصد زیادہ نرخوں پر ایل این جی کے 2جہاز بُک کرلیے جب کہ یہ جہاز اکتوبر کے لیے20 ڈالر فی ملین بی ٹی یو کے نرخ پر بُک کرائے گئے ہیں۔

مہنگی ایل این جی خریدنے سے درآمدی بل میں مزید اضافے کے ساتھ ساتھ مہنگائی بھی بڑھے گی۔ اس سلسلے میں نجی اخبار سے گفتگو کرتے ہوئے پاک کویت انویسٹمنٹ کمپنی کے ریسرچ ہیڈ سمیع اﷲ طارق نے کہا کہ فرنس آئل کی ایک ایم ایم بی ٹی یو کے مساوی مقدار 12 ڈالر کی قیمت پر خریدی جاسکتی ہے۔
ماہراقتصادیات مزمل اسلم نے اپنی ٹویٹ میں کہا کہ 20 ڈالر اور اس سے زائد قیمت پر ایل این جی خریدنا سمجھ میں نہ آنے والی بات ہے۔ اب وقت ہے کہ مہنگی ایل این جی کے بجائے فرنس آئل پر توجہ دی جائے اور کارٹلز کے ہاتھوں بلیک میل نہ ہوا جائے۔ ملک میں قائم ریفائنریاں 85ہزار ڈالر فی ٹن کی قیمت پر فرنس آئل فروخت کررہی ہیں۔ ایل این جی کے معاملے میں یہ نرخ12 ڈالر ایم بی ٹی یو ہیں۔ ایشیا میں ایل این جی کے نرخوں میں مسلسل اضافے کا رجحان ہے۔ سمیع اﷲ طارق کے مطابق یہ صورتحال اس بات کی متقاضی ہے کہ جہاں ممکن ہو وہاں ایل این جی کے بجائے فرنس آئل استعمال کیا جائے

ملتان(ویب ڈیسک) پاکستان پیپلز پارٹی کے چیئر مین بلاول بھٹو زرداری کا کہنا ہے کہ آنیوالا وقت پیپلز پارٹی کا ہوگا عوام خوشحال ہوگی، ملک کو بحران سے ہمارا منشور نکال سکتا ہے۔
پاکستان پیپلز پارٹی کے چیئرمین بلاول بھٹو زرداری سات روزہ دورے پر جنوبی پنجاب پہنچ چکے ہیں جہاں پر وہ مصروف دن گزار رہے ہیں۔
بلاول بھٹو زرداری کی دربار حضرت خواجہ سلیمان تونسوی کے سجادہ نشین پیر خواجہ عطاءاللہ شاہ سے ملاقات ہوئی جنہیں پارٹی کا فیڈرل کونسل کا ممبر تعینات کیا گیا ملتان سے مسلم لیگ ق کے ٹکٹ ہولڈر میاں مظہر عباس اور مظفرگڑھ سے ایم کیوایم کے ٹکٹ ہولڈر رانا امجد علی امجد نے ملاقات کی اور باقاعدہ پیپلز پارٹی میں شمولیت کا اعلان کیا۔بلاول بھٹو زرداری سے دو مرتبہ قومی اسمبلی کا رکن منتخب ہونے والے لیہ سے سابق وفاقی وزیر بہادر خان سیہڑ کی ملاقات کی جہاں بہادر خان سیہڑ نے 11 ستمبر کو لیہ میں عشائیے میں شرکت کی دعوت دی۔ لیہ آمد پر بہادر خان سیہڑ پاکستان پیپلزپارٹی میں باقاعدہ شمولیت کا اعلان کریں گے۔ بہادر سیہٹر ق لیگ سے پیپلز پارٹی میں شمولیت اختیار کریں گے۔

اس دوران پاکستان پیپلز پارٹی کے چیئر مین کا کہنا تھا کہ سلکیٹڈ وزیراعظم نے 20 ہزار خاندانوں سے روٹی کپڑا مکان چھینا مگر آنیوالے وقت پیپلز پارٹی کا ہوگا عوام خوشحال ہوگی، ملک کو بحران سے ہماری پارٹی اور ہمارا منشور نکال سکتا ہے، ہمارے نوجوان اس مشن کو آگے لیکر جائیں گے۔ آنے والا وقت آپکا ہے اور آپکی حکومت ہوگی۔دوسری طرف بلاول بھٹو زرداری پی پی پی کے سابق ضلعی سینئر نائب صدر علی حیدر زمان گردیزی کی رہائش گاہ پہنچے جہاں بلاول بھٹو زرداری نے علی حیدر زمان گردیزی سے ان کے بھائی کرنل (ر) ناصر زمان گردیزی، ان کے بہنوئی مخدوم راجو گردیزی کے انتقال پر بھی تعزیت کی،،،،چیئرمین بلاول بھٹو زرداری کے ہمراہ صدر جنوبی پنجاب مخدوم احمد محمود، سابق وزیراعظم یوسف رضا گیلانی، فیصل کریم کنڈی، خواجہ رضوان عالم اور نتاشہ دولتانہ ، سید عبدالقادر گیلانی، ایم پی اے علی حیدر گیلانی، عبدالقادر شاہین اور حیدرزمان قریشی سمیت دیگر بھی موجود تھے۔

کراچی: یکم جنوری 2019 سے ٹوئنٹی 20 انٹرنیشنل کرکٹ میں زیادہ رنز بنانے والوں میں پال اسٹرلنگ پاکستانی کپتان بابراعظم سے آگے نکل گئے۔

آئرش بیٹسمین پال اسٹرلنگ نے گزشتہ دنوں زمبابوے کیخلاف سنچری بھی بنائی تھی، سردست وہ33 اننگز میں 1201 رنز کے ساتھ سرفہرست ہیں جب کہ بابر اعظم اب 30 اننگز میں 1173 رنز بناکر دوسرے نمبر پر براجمان ہیں۔
کیون اوبرائن 36 اننگز میں 1040 رنز اسکور کر چکے ہیں، بھارتی کپتان ویراٹ کوہلی محددو فارمیٹ کے میچز کی 24 اننگز میں 992 رنز بناکر چوتھے نمبر پر ہیں جب کہ پاکستانی وکٹ کیپر بیٹسمین محمد رضوان اب تک 25 اننگز میں 959 رنز جوڑ کر ٹاپ 5 میں شامل ہیں۔

بولونا، اٹلی(ویب ڈیسک) ماں قدرت کا انمول تحفہ ہے اوراب ایک تحقیق سے معلوم ہوا ہے کہ ماں کی آواز بھی بچے میں تکلیف کے احساس کو کم کرتی ہے۔

معمول کی مدتِ حمل سے پہلے پیدا ہونے والے بچوں کو ماں سے الگ کرکے کئی دنوں بلکہ ہفتوں تک انکیوبیٹر اور دیگر نگہداشت میں رکھا جاتا ہے۔ اس طرح بچہ پیدائش کے بعد ماں س الگ ہوجاتا ہے۔ اب یہاں ادویہ، ٹیکے اور نلکیاں لگانے سے بچہ درد سے بےحال ہوجاتا ہے جس کے لیے طرح طرح کی درد کش ادویہ دی جاتی ہیں ۔ اب اگر اس دوران والدہ کو بچے کے پاس لایا جائے اور وہ اس سے باتیں کریں تو نومولود کی تکلیف کم ہوجاتی ہے۔

یونیورسٹی آف جنیوا میں سائنسدانوں کی ایک ٹیم نے اٹلی کی یونیورسٹی آف ویلے ڈی اوسٹا اور پارینی ہسپتال کے اشتراک سے ایک مطالعہ کیا ہے۔ اس کا خلاصہ یہ ہے کہ جب جب ماں بچے سے بات کرتی ہے تو اس میں آکسیٹوسِن کی شرح بڑھتی ہے جس سے درد کم ہوجاتا ہے۔ آکسیٹوسِن ایک ہارمون ہے جو کسی سے لگاوٹ یا پھر تناؤ، دونوں میں ہی اہم کردار ادا کرتا ہے۔ اس طرح ڈاکٹر اور ہسپتال انتظامیہ ماں کو بچے کے پاس بلاکر درد کا قدرتی علاج کرسکتی ہے۔

اس سے قبل ایک اور جائزہ بتاتا ہے کہ ماں اور باپ کی موجودگی بھی بچے کا درد بٹاسکتی ہے۔ تجربے میں پارینی ہسپتال کے 20 ایسے بچوں کو لیا گیا جنہوں نے اپنے وقت سے قبل دنیا میں آنکھ کھولی تھی۔ تمام مائیں اپنے بچوں کے پاس اس وقت موجود تھیں جب ٹیسٹ کے لیے ایڑھی سے خون کے چند قطرے لئے گئے۔ ماؤں سے یہ بھی کہا گیا کہ بچے کے سامنے کچھ نہ کچھ بولتی رہیں۔

اس تجربے میں تین روز تک تین ٹیسٹ کئے گئے۔ پہلے بچوں کو ماں کے بغیر ٹیکہ لگایا گیا، دوسرے روز بچے کو انجیکشن لگاتے ہوئے ماں نے بچے سے باتیں کیں اور تیسرے روز ماں نے بچے کے سامنے واضح آوازمیں گانے گائے۔ ماں سے کہا گیا کہ ٹیکہ لگانے سے پہلے، اس دوران اور ٹیکے لگانے کے بعد پانچ پانچ منٹ تک گانا گائے۔ تینوں تمام مراحل میں خون کے ٹیسٹ لیے گئے۔

اس کے علاوہ ہرے اور جسمانی انداز کو دیکھتے ہوئے بچوں میں درد کا ایک پیمانہ استعمال کیا گیا جسے ’پری ٹرم پین پروفائل ( پی آئی پی پی) کہتے ہیںل۔ اس میں صفر سے 21 تک درجے ہوتے ہیں۔ خون نکالتے وقت ماہر کوبچے کے چہرے کی ویڈیو دکھائی گئی۔ لیکن آواز بند کردی گئی تاکہ ماہر ماں کی آواز نہ سن سکے اور اس پر غلط فیصلہ سامنے نہ آسکے۔

معلوم ہوا کہ ماں غائب ہونے کی صورت میں پی آئی پی پی کی شرح 4.5 نوٹ ہوئی اور جیسے ہی ماں نے بچے سے بات کی تو پی آئی پی پی کی شرح تین درجے کم ہوگئی جو غیرمعمولی بات ہے۔

اس سے معلوم ہوتا ہے کہ ماں کی آواز بچے کے لیے قدرتی پین کلر کا درجہ رکھتی ہے۔

کراچی(ویب ڈیسک)بے گھر افراد کے لیے خوشخبری ہے کہ اب انہیں‌پریشان ہونے کی ضرورت نہیں،،،تازہ ترین میڈیارپورٹس کے مطابق اسٹیٹ بینک آف پاکستان کی جانب سے زیرتعمیر منصوبوں میں فنانسنگ کی گائیڈ لائنز جاری کی گئیں، جس میں بتایا گیا ہے کہ بینک اور ترقیاتی معاشی ادارے گھر خریدنے کے خواہش مند شخص کو رقم بطور قرض دے سکیں گے۔

گائیڈ لائنز منصوبوں میں فنانسنگ فراہم کرنے والے اداروں کے لیے جاری کی گئی ہیں، جس میں بتایاگیا ہے کہ گائیڈ لائنز میں بینکاری صنعت کے خطرات کم کرنےکا فریم ورک مہیا کیا گیا ہے۔اسٹیٹ بینک کے مطابق منصوبوں کی زمین کو مارٹگیج کے ذریعے محفوظ کیا ہے، گائیڈلائنز سےخریدار زیر تعمیر منصوبوں میں مکان حاصل کرسکیں گے، جس سے انہیں سستا گھر مل سکے گا۔

اسٹیٹ بینک کے مطابق بینکوں کی نگرانی سے تعمیراتی منصوبے بروقت مکمل ہوں گے اور سرمایہ کاری فراہم نہ کرنے کی شکایت بھی دور ہوجائے گی۔مرکزی بینک کے مطابق گائیڈلائنز سے نئے ہاؤسنگ یونٹوں کا اسٹاک بڑھےگا۔

کیمبرج(ویب ڈیسک) کیمبرج یونیورسٹی کے سائنسدانوں نے ایک بہت ننھا منا نینو کیمرہ بنایا ہے جسے ’سالماتی گوند‘ سے تیار کیا گیا ہے۔ یہ حقیقی وقت میں کیمیائی تعاملات (کیمیکل ری ایکشن) کے مشاہدے میں مدد دیتا ہے۔

اس کے لیے انہوں نے بہت چھوٹے سیمی کنڈکٹر نینوکرسٹلز تیار کئے ہیں جنہیں کوانٹم ڈوٹس بھی کہا جاتا ہے۔ اسےسونے کے نینوذرات سے جوڑا گیا ہے جسے ایک خاص قسم کی سالماتی گوند سے جوڑا گیا ہے۔ اس گوند کو ’کیوکربیٹیورل (سی بی ) کا نام دیا گیا ہے۔ پانی ملانے پر یہ سیکنڈوں میں جڑجاتے ہیں اور ان کا استعمال یہ ہے کہ حقیقی وقت میں ان سے کیمیائی تعاملات کا مشاہدہ کیا جاسکتا ہے۔
یہ کیمرہ سیمی کنڈکٹر کے اندر بنایا گیا ہے۔ اس میں الیکٹرون کی منتقلی کا عمل عین فوٹوسنتھے سز (ضیائی تالیف) کی طرح ہوتا ہے۔ اب یہاں نینوذرات سینسر کا کام
یہ کیمرہ سیمی کنڈکٹر کے اندر بنایا گیا ہے۔ اس میں الیکٹرون کی منتقلی کا عمل عین فوٹوسنتھے سز (ضیائی تالیف) کی طرح ہوتا ہے۔ اب یہاں نینوذرات سینسر کا کام کرتےہیں اور طیفی (اسپیکٹرواسکوپک) طریقے پر کام کرتا ہے۔ اس طرح کیمرے کیمیائی عمل دیکھنے کے قابل ہوجاتا ہے۔ اس طرح ہم وہ کیمیائی تعاملات جان سکیں گے جن کے متعلق نظری معلومات تو ہیں لیکن ٹھوس ثبوت اب تک نہیں مل سکے ہیں۔
اس طرح کیمیائی عمل اور سالمات کو کئی اندازوں سے دیکھا اور پرکھا جاسکتا ہے۔ دوسری جانب اس کے عملی استعمالات بھی بہت زیادہ ہیں۔ اس تحقیق کی تفصیل ہفت روزہ سائنسی جرنل نیچر میں شائع ہوئی ہے۔ کیمبرج میں واقع ڈاکٹر یوسف حمید ڈپارٹمنٹ آف کیمسٹری کے پروفیسر اورن شرمن اور ان کے ساتھیوں نے یہ اختراع کی ہے۔ وہ کہتے ہیں کہ نینوساختوں کو بنانا اور جوڑنا بہت مشکل تھا۔
ضروری تھا کہ دو طرح کے سیمی کنڈکٹروں کو جوڑنے کے لیے قابلِ بھروسہ طریقہ وضع کیا جاسکے۔ اس کے لیے کیوکربیٹیورل یا سی بی کی ضرورت محسوس کی گئی۔ یہ ایک سالماتی گوند ہے جو کوانٹم ڈوٹس اور سونے کے نینوذرات دونوں کو باہم جوڑسکتا ہے۔ پہلے مرحلے میں فوٹوکیٹے لائسِس کا کیمیائی عمل دیکھا گیا اور دوم روشنی کی بدولت الیکٹرون ٹرانسفر کو نوٹ کیا گیا۔اس کےنتائج طیف نگاری کی بدولت دیکھے گئے اور یوں حقیقی وقت میں کیمیائی ری ایکشن دیکھے گئے ہیں۔

اسلام آباد(ویب ڈیسک)مقبوضہ کشمیر کے بابائے حریت رہنما سید علی گیلانی انتقال کر گئے. ان کی تدفین انتہائی سخت سیکیورٹی میں بھارتی فوج نے زبردستی حیدر پورہ میں کی.جبکہ ان کے اہل خانہ کسی اور مقام پر تدفین کرنا چاہتے تھے .بھارتی قابض فوج کی جانب سے سید علی گیلانی کے جنازے میں قریبی ساتھیوں کے علاوہ کسی کو جنازے میں شرکت کی اجازت نہ دی جبکہ پاکستان کی جانب سے حریت رہنما سید علی گیلانی کو خراج عقیدت پیش کرتے ہوئے ان کی غائبانہ نماز جنازہ ادا کی گئی .تفصیالات کے مطابق حریت رہنما سید علی گیلانی کی غائبانہ نماز جنازہ اسلام آباد کی فیصل مسجد میں ادا کی گئی۔فیصل مسجد میں غائبانہ جنازے میں صدر مملکت عارف علوی، ڈی جی آئی ایس آئی میجر جنرل فیض حمید، وفاقی وزرا اور شہریوں کی بڑی تعداد نے شرکت کی۔

استنبول (ویب ڈیسک)عالمی وبا کورونا نے دنیا بھر میں تباہی مچا دی ہے.جس کے بعد سیاحوں کی آمدروفت کے حوالے سےگائیڈ لائنز جاری کی گئی ہیں .اس حوالے سے ترکی نے نئی گائیڈ لائنز جاری کی ہیں .تفصیلات کے مطابق ترکی کی حکومت نے غیرملکی سیاحوں کے حوالے سے نئی کورونا گائیڈ لائنزجاری کی ہیں جس میں پاکستانیوں کے قرنطینہ قواعد میں مزید نرمی کا فیصلہ کیا گیا ہے.۔ ترک حکومت کی جانب سے نئے قواعد وضوابط کل سے نافذ العمل ہوں گے۔نئی گائیڈ لائنز میں نرمی کرتے ہوئے ترکی جانے والے پاکستانی 72 گھنٹے قبل پی سی آرمنفی رپورٹ دکھانے کے پابند ہوں گے۔ علاوہ ازیں تمام پاکستانی مسافروں کے لیے پی سی آرٹیسٹ کروانا ضروری ہوگا۔ پاکستانیوں کوقرنطینہ سے استثنیٰ کے لیےکورونا ویکسینیشن سرٹیفکیٹ دکھانا ہو گا.

اسلام آباد (ویب ڈیسک) افغانستان اور امریکہ کی جنگ طالبان نےجیت لی.اب وہ افغانستان میں اپنی حکومت بنانے جا رہے ہیں .اس حوالےسے ان کے بے شمار بیانات آ چکے ہیں .اس کے علاوہ دنیا کی بھی نظریں ان کی طرف ہیں.برطانیہ نے اس حوالے سے افغانستان کی بھرپور امداد کرنے کا اعلان بھی کیا ہے.تازہ ترین اطلاعات کے مطابق برطانیہ نے افغانستان کے لیے جو امداد کا اعلان کیا تھا اس کو مزید بڑھا دیا ہے۔تفصیلات کے مطابق برطانوی وزیر خارجہ ڈومینک راب پاکستان کے دورے پر ہیں .ان کا کہنا ہے کہ افغانستان کے لیے 3 کروڑ پاؤنڈ کی جو امداد کا وعدہ کیا ہے اسے پورا کرتے ہوئے پہلی قسط آج ہی جاری ہو جائے گی.انہوں نے واضح کیا کہ یہ امداد افغانستان کے حالات کی بہتری کے لیے دی جا رہی ہے.
ڈومینک راب نےوزیر خارجہ شاہ محمود قریشی کے ہمراہ پریس کانفرنس کی .دوران کانفرنس انہوں نے پاکستان کا شکریہ اداد کیا کہ افغانستان سے برطانوی باشندوں کے انخلا پر پاکستان نے بھر پور مدد کی .ان کا مزید کہنا تھا کہ اپنے تعلقات کو پاکستان کے ساتھ مزید مستحکم کرنا چاہتے ہیں۔
برطانوی وزیر خارجہ نے کشمیر کے حوالے سے بات کرتے ہوئے کہا کہ یہ مسئلہ کشمیریوں کی خواہشات کے مطابق حل ہونا چاہئے.کشمیر کے مسئلے پر پاکستان اور بھارت کو بات کرنی چاہئے.

ممبئی (ویب ڈیسک)بالی وڈ اداکار اور بگ باس 13 کے فاتح سدھارتھ شکلا کل اچانک دل کا دورہ پڑنے سے انتقال کرگئے .ان کی آخری رسومات میں شوبز کی کئی ہستیوں نے شرکت کی .اسی حوالے سےشہناز گِل کی سدھارتھ شکلا کی آخری رسومات میں شرکت کی ویڈیو وائرل ہو رہی ہے۔تفصیلات کے مطابق سوشل میڈیا پلیٹ فارم انسٹاگرام پر ایک ویڈیو شئیر کی گئی ہے جس میں شہناز گِل کو ان کے بھائی کے ہمراہ گاڑی میں بیٹھے دیکھا جا سکتا ہے. ویڈیو میں دیکیھا جا سکتا ہے کہ شہناز گِل سکتے کی حالت میں ماسک لگائے بکھرے بالوں کے ہمراہ روتے ہوئے آئی ہیں‌۔ بھارتی میڈیا رپورٹس کے مطابق شہناز گل کے والد کا بیان ہے کہ شہناز بہت شدید صدمے میں ہے اس کا بہت بُرا حال ہے اور وہ اپنے حواس کھو بیٹھی ہے۔