Tag ایمرا نیوز

افغانستان (ویب ڈیسک)افغانستان اور امریکہ کے درمیان ہونے والی 20 سالہ طویل جنگ ختم ہو چکی ہے.جس کے بعد طالبان نے افغانستان کا کنٹرول سنبھال لیا ہے.تفصیلات کے مطابق افغانستان میں طالبان نئی حکومت سازی کی کوششوں میں مصروف ہیں جبکہ نئی حکومت کا اعلان آج متوقع تھا تاہم تازہ ترین اطلاعات کے مطابق افغان انتظامیہ کا اعلانآئندہ ہفتے تک مؤخرکر دیا گیا ہے۔یاد رہے کہ طالبان کے افغانستان میں داخلے کے بعد صدر اشرف غنی ملک سے فرار ہوگئے.غیر ملکی خبر ایجنسی کے مطابق افغانستان کی نئی انتظامیہ کا اعلان آج متوقع تھا مگراسے آئندہ ہفتے تک مؤخر کر دیا گیا ہے۔
ذرائع نے دعویٰ کیا تھا کہ جبکہ ملا عبدالغنی برادر کو حکومت کا سربراہ بنایا جائے گا جبکہ ملا ہیبت اللہ کو طالبان حکومت کا سپریم لیڈبنائے جانے کا امکان ہے۔

کراچی (ویب ڈیسک)ملک میں بڑھتی مہنگائی میں عوام پر ایک اور بم گرانے کی تیاری کی جا رہی ہے.پٹرول کے بعد اب سی این جی کی قیمتوں میں بھی اضافے کے امکانات ظاہر کئے جا رہے ہیں‌.تفصیلات کے مطابق سی این جی ایسوسی ایشن کی جانب سے نے ایک بار پھر سی این جی کی قیمتیں بڑھانے کا امکانات کو ظاہر کیا ہے.
سی این جی ایسوسی ایشن کے رہنما غیاث پراچہ کا اس حوالے سے کہنا ہے کہ پنجاب میں سی این جی کی قیمت 18 روپے لیٹر بڑھائی جائے گی جس کے بعد پنجاب اور اسلام آباد میں سی این جی کی قیمت 125 روپے فی لیٹر ہو گی.جبکہ سندھ میں سی این جی کی قیمت میں 28 روپے کلو اضافے کے بعد قیمت 192 روپے کلو ہوجائے گی۔ان کا مزید کہان تھا کہ ہم اوگرا کے نوٹیفکیشن کے انتطار میں ہیں جبکہ کافی جگہوں پر سی این جی کی قیمت بڑھا دی گئی ہے.
انہوں نے حکومت سے اپیل کی کہ سی این جی سیکٹر کے ٹیکسز میں کمی کرتے ہوئے دیگر سیکٹرز کی طرح مراعات دی جائیں نہیں تو ایک وقت آئے گا جب پہلی بار سی این جی پٹرول سے مہنگی ہو گی .

لاہور(ویب ڈیسک)کورونا کے بڑھتے کیسز کے باعث پنجاب حکومت نے تعلیمی اداروں کے حوالے سے اہم اعلان کیا ہے.تفصیلات کے مطابق عالمی وبا کورونا وائرس کے باعث پنجاب بھر میں تعلیمی ادارے بند کرنے کا فیصلہ کیا گیا ہے۔پنجاب بھر میں کورونا وائرس کے مثبت کیسز میں شدید اضافہ ہوا ہے اور پنجاب میں غیرمعمولی صورتحال کے باعث تمام سرکاری و نجی تعلیمی ادارے 6 روز کے لیے بند کرنے کا فیصلہ ہوا ہے، صوبائی وزیر تعلیم ڈاکٹر مراد راس نےٹویٹ کرتے ہوئے بتایا ہے کہ تمام سرکاری اور نجی سکول 6 ستمبر سے 11 ستمبر تک بند رہیں گے۔انہوں نے وجہ بتاتے ہوئے کہا کہ یہ فیصلہ کورونا وائرس کی غیر معمولی صورتحال کے پیش نظر کیا گیا ہے.انہوں نے عوام سے اپیل کی ہے کہ گھر پر محفوظ رہیں، اپنی اور اپنی فیملی کی حفاظت کریں۔

لندن (ویب ڈیسک)پاکستان مسلم لیگ ن کی نائب صدرمریم نواز کے صاحبزادے جنید صفدر کی پچھلی دنوں لندن میں نکاح کی تقریب ہوئی .شادی کے باقی تقریبات کے حوالے سے اہم انکشاف سامنے آیا ہے . تفصیالت کے مطابق جنید صفدر نے ایک بیان میں کہا ہے کہ ان کے ولیمے اوررخصتی کی تقریبات اسلام آباد اور لاہور میں منعقد کی جائیں گی.جنید صفدر کا اس حوالے سے مزید کہنا تھا کہ شادی کی باقی تقریبات کے لیے حتمی تاریخوں کا اعلان فی الحال نہیں کیا جا رہا مگر توقع ہے کہ یہ تقریبات دسمبر کے مہنے میں ہوں گی۔جنید صفدر نے ایک سوال کا جواب دیتے ہوئے بتایا کہ انہیں بالی وڈ فلمیں بہت پسند ہیں جنمیں بالخصوص فلم” زندگی نہ ملے گی دوبارہ” ہے علاوہ ازیں ان کا کہنا تھا کہ مجھےمعروف اداکار و ہدایت کار فرحان اختر کی فلمیں پسند ہیں۔

اسلام آباد (ویب ڈیسک)طالبان نے 20 سال کے بعد بالآخر افغانستان میں امریکیوں سے جنگ جیت لی .اب افغانستان کا کنٹرول پورے طرح سے طالبان کے قبضے میں ہے.وہ وہاں اپنی ایک حکومت بناناچاہتے ہیں .اس حوالے سے دنیا کی نظریں ان پر جمی ہوئی ہیں کہ اب وہ کیا رویہ اپناتے ہیں .اس حوالےسے وفاقی وزیر اطلاعات فواد چوہدری نے ایک بیان دیا ہے.ان کا کہنا ہے کہ افغان طالبان پرپاکستان کا اثرورسوخ ہے ضرور ہے مگروہ ہمارے کنٹرول میں نہیں ہیں ۔
مزید ان کا کہنا تھا کہ افغانستان میں ملک چھوڑ کرنکل جانے والی کوئی صورتحال نہیں .جبکہ افغان مہاجرین ابھی تک پاکستان میں داخل نہیں ہوئے. ہماری خواہش ہے کہ افغانستان میں حالات مستحکم رہیں تاہم کابل ائیرپورٹ کو جلد کھلوانے کی کوشش کررہے ہیں .
وفاقی وزیر کا کہنا تھا کہ وزیراعظم عمران خان نے اشرف غنی کو الیکشن نا کروانے کی تجویز دی تھی جس کو نظر انداز کیا گیا اور آج حالات سب کے سامنے ہیں .

کراچی (ویب ڈیسک)مشہور و معروف اداکارہ شادی کے بندھن میں بندھنے جا رہی ہیں .سوشل میڈیا پر نا صرف ان کی خوبصورت تصاویر وائرل ہوتی ہیں‌، پچھلے دنوں‌ان کی شادی کا کارڈ بھی بہت وائرل ہوا تھا .تفصیلات کے مطابق ستمبر کی 10 تاریخ کو اداکارہ منال خان اور احسن محسن اکرام سے رشتہ ازدواج میں منسلک ہونے جا رہے ہیں .اس حوالے سے تیاریاں شاندار طریقے سے جاری ہیں.اداکارہ نے اپنے شادی سے قبل برائڈل شاور کا اہتمام کیا جس کی تصاویرسوشل میڈیا پر گردش کررہی ہیں۔منال خان نے برائڈل شاور پر بے بی پنک کلر کا لباس زیب تن کیا جسے تصاویر میں دیکھا جا سکتا ہے.
علاوہ ازیں تصاویر اور ویڈیو میں دیکھ اج سکتا ہے کہ منال خان کے سامنے ‘برائیڈ ٹو بی’ کا کیک اور دیگر لوازمات بھی موجود ہیں . دیوار پر ‘برائیڈ ٹو بی’ غباروں کی مدد سے لکھا ہوا ہے۔منال خان نے اپنی انسٹاگرام اسٹوری میں ایک ویڈیو شیئر کی جس میں وہ مکمل سجاوٹ دکھاتے ہوئے بہت خوش نظر آرہی ہیں۔

اسلام آباد (ویب ڈیسک )پاکستان کی کرنسی روپیہ کی قدر میں کافی عرصے سے کمی دیکھی جا رہی ہے جس کی وجہ سےملک قرضوں کے بوجھ تلے دب کر رہ یا ہے.تفصیلات کے مطابق وزارت خزانہ کا کہنا ہے کہ روپے کی قدرمیں کمی کی وجہ سے بیرونی قرضوں میں 20 فیصد کا اضافہ ہوا ہے۔

ترجمان وزارت خزانہ نے بتایا کہ پچھلی حکومتوں نے روپے کی قدر کو مصنوعی طوربلند سطح پر برقراررکھا جس کی وجہ سے ادائیگیوں میں توازن برقرار نہیں رہا ، روپے کی قدرگرنے سے افراط زر اورشرح سودمیں اضافہ کی اصل وجہ ناگزیر پالیسی کا انتخاب ہے لہذٰا روپیہ کی قدرمیں مسلسل کمی آنے کے بعد بیرونی قرضوں میں29 کھرب (20 فیصد) کا اضافہ ہوا ہے۔
ملکی قرضہ میں اضافہ کی بنیادی وجہ بتاتے ہوئے ان کا کہنا تھا کہ دراصل سود کی مدمیں 75 کھرب روپے کی ادائیگیاں باقی ہیں جو مجموعی قرضوں میں 50 فیصد اضافہ کی وجہ بنی ہوئی ہیں‌.ان کا کہنا تھا کہ عالمی وبا کے دوران جی ڈی پی کے تناسب سے پاکستان میں قرضوں کے حجم میں باقیوں کی نسبت سب سے کم اضافہ ہواہے۔وزارت خزانہ کے ترجمان کی جانب سے اولامئی جاری کیا گیا جس کے مطابق زری اور مالی پالیسیوں میں بڑی ایڈجسٹ منٹس کی گئی ہیں جس کے بعد قرضوں میں کافی حد تک کمی آئے گی۔ وزارت خزانہ کے ترجمان کا کہنا تھا کہ قرضوں میں اضافہ کی درپردہ اقتصادی حقائق اوروجوہات کا تجزیہ کرنا ضروری ہے۔

کابل (ویب ڈیسک) افغانستان اور امریکا کےدوروان ہونے والی 20 سال طویل جنگ کا خاتمہ ہو چکا ہے جس کے بعد افغانستان میں ہر طرف طالبان کا قبضہ ہے .طالبان افغانستان میں اپنی حکومت قائم کرنا چاہتے ہیں .ترجمان طالبان سہیل شاہین کے اس حوالے سے بیانات دنیا کے سامنے آ رہے ہیں .تفصیلات کے مطابق ترجمان طالبان کا ایک اور اہم بیان سامنے آیا ہے جس میں انہوں نے کشمیر کے متعلق بات کی ہے.ان کا کہنا ہے کہ مسلمانوں کے لیے کہیں‌بھی ہوں آواز بلند کرنے کا حق رکھتے ہیں‌جس میں‌ مقبوضہ کشمیر بھی شامل ہے.ان کا مزید کہنا تھا کہ مقبوضہ کشمیر کے مسلمانوں کے لیے آواز بلند کرنے کا حق رکھتے ہیں،مسلح آپریشن کے حوالے سے کسی بھی ملک میں کوئی پالیسی نہیں ہے ، مسلمان بھی برابری کے حقوق رکھتے ہیں ، حقانی کوئی گروپ نہیں ،اس کے خلاف پروپیگنڈا محض دعوے ہیں وہ اسلامی امارت کا حصہ ہیں۔
علاوہ ازیں ترجمان طالبان نے واضح کیا کہ 1999 میں بھارتی طیارے کے اغوا کے معاملے میں ہمارا کوئی کردار نہیں تھا جبکہ اس حوالے سے ہم نے بھارت کو مدد فراہم کی تھی جس کا اسے شکر گزار ہونا چاہیے۔ صرف بھارتی میڈیا طالبان کے خالف پروپیگنڈا کر رہا ہے، کوئی ہٹ لسٹ تیار نہیں کی.

ٹوکیو (ویب ڈیسک)ٹوکیو پیرالمپکس میں پاکستان نے بھی حصہ لیا تھا.پاکستان کی جانب سے شامل ہونے والے ایک کھلاڑی نے ملک کا نام روشن کر دیا.تفصیلات کے مطابق ٹوکیو پیرالمپکس میں بے شمار مقابلے ہوئے جن میں مردوں کے ڈسک تھرو مقابلے میں پاکستان کی جانب سے کھیلنے والے حیدر علی نے گولڈ میڈل جیت لیا۔
حیدرعلی نےپانچویں مرتبہ یہ میڈل 55.26 کی تھرو کیساتھ جیتا۔ ٹوکیو پیرالمپکس میں سلور میڈل کے مستحق یوکرائن کے زبنیاک 52.43 میٹرز تھرو کے ساتھ دوسرے نمبر پررہے . تیسری پوزیشن پر برونزبرازیل کے ٹیکسیرا ڈی سوزا نے 51.86 میٹرز تھرو کے ساتھ میڈل جیتا۔ پیرالمپکس مقابلوں میں حیدرعلی گولڈ میڈیل جیتنے والے پہلے پاکستانی ہیں۔ اس سےقبل انہوں نے پاکستان کیلئے دو پیرالمپکس میڈل بھی جیتے ہوئے ہیں ۔مقابلے میں جانے سے پہلے حیدر علی نے کہا کہ کورونا وبا کی وجہ سے ٹریننگ کی سہولیات ناکافی تھیں جس کی وجہ سے بہت مشکلات کا سامنا کرنا پڑا.انہوں نے مزید کہا کہ مجھے لگتا ہے ویسےتیاری نہیں ہوئی جیسے پیرالمپکس کے لیے ہونی چاہئے.

کراچی (ویب ڈیسک)پاکستان کے صوبے بلوچستان سے سب سے پہلے بننے والے وزیر اعلیٰ عطااللّہ مینگل انتقال کرگئے۔تفصیلات کے مطابق اہل خانہ کے مطابق وزیر اعلیٰ عطااللّہ مینگل گزشتہ ایک ہفتے سے ہسپتال میں زیر علاج تھے۔ علاوہ ازیں عطااللّہ مینگل، بلوچستان نیشنل پارٹی کے سربراہ اختر مینگل کے والد تھے۔سردارعطا اللّہ مینگل نے الیکشن میں نیشنل عوامی پارٹی کے پلیٹ فارم سے1970کے دور میں حصہ لیا۔